ដោយមានភ្លៀងធ្លាក់ជាប់គ្នាប៉ុន្មានថ្ងៃមកនេះ ធ្វើឲ្យប្រព័ន្ធក្នុងភូមិសាស្ត្រសង្កាត់ចោមចៅទី៣ នៃខណ្ឌពោធិ៍សែនជ័យមានការស្ទះចរន្តទឹកហូរ ។កាលពីថ្ងៃទី១៩ ខែមិថុនា ឆ្នាំ២០២៦ នៅអាជ្ញាធរសង្កាត់ចោមចៅទី៣ បានសហការជាមួយមន្ត្រីសាលារាជធានីភ្នំពេញ បានចុះបូមស្តារអណ្តូងលូ ក្នុងភូមិត្រពាំងពោធិ៍ ដើម្បីសម្រួលចរន្តទឹកឲ្យបានហូរលឿន។

លោក សៅ សារិន មេភូមិត្រពាំងពោធិ៍បានឲ្យដឹងថា ក្រោយមេឃធ្លាក់ភ្លៀងជាប់ៗគ្នា នៅក្នុងភូមិសាស្ត្រ ភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ ធ្វើឲ្យទឹកហូរទឹកចេញពីប្រព័ន្ធលូ ដក់ជាប់ផ្លូវប៉ះពាល់ដល់ ការធ្វើដំណើរក៏ដូចជា ការរស់នៅរបស់ប្រជាពលរដ្ឋ។ ទើបនៅថ្ងៃទី១៩ ខែមិថុនា ឆ្នាំ២០២៦នេះ លោក ស្នើរសុំរថយន្តបូមលូរបស់មន្ទីរសាធារណៈការ និង ដឹកជញ្ជូន សាលារាជធានីភ្នំពេញមួយគ្រឿង ដើម្បីចុះមកបូមស្តារប្រព័ន្ធលូខាងលើ។

ក្នុងនាមអាជ្ញាធរលោកសូមអរគុណដល់លោក ឃួង ស្រេង អភិបាលរដ្ឋធានីភ្នំពេញ និងលោក សាំងពិសិដ្ឋ ប្រធានមន្ទីរសាធារណៈការ និងដឹកជញ្ជូនរាជធានីភ្នំពេញ ដែលបានផ្តល់រថយន្តមកបូមលូទាន់ពេលវេលា។ ហើយសូមសំណូមពរដល់ប្រជាពលរដ្ឋមេត្តាទុកដាក់សំរាមឲ្យបានត្រឹមត្រូវ៕ ដោយសុខា

The post អាជ្ញាធរសង្កាត់ចោមចៅទី៣ សហការជាមួយមន្ត្រីសាលារាជធានីចុះបូមស្តារប្រព័ន្ធលូជូនពលរដ្ឋ នៅភូមិត្រពាំងពោធិ៍ appeared first on Kampuchea Thmey Daily.

 ជាក់ស្តែងនៅព្រឹកថ្ងៃទី១៥ មិថុនានេះ ក្រុមការងារ ដឹកនាំដោយ លោកឯក ឃុនដឿន អភិបាលរង តំណាងលោក ឃួង ស្រេង អភិបាលរាជនីភ្នំពេញ បានចុះស្តារប្រព័ន្ធលូ និងសំអាតទរទឹកភ្លៀងនៅក្នុងមូលដ្ឋានខណ្ឌដូនពេញ ដោយប្រើប្រាស់រថយន្តចំនួន១២គ្រឿង។

លោកឯក ឃុនដឿន បានមានប្រសាសន៍លើកឡើងថា៖ តាមកាេណែនាំពីលោក ឃួង ស្រេងអភិបាលរាជធានីភ្នំពេញ គឺបានឱ្យអាជ្ញាធរខណ្ឌទាំង៥នៅកណ្តាលរាជធានី សហការជាមួយមន្ទីរសាធារការ និងដឹកជញ្ជូនរាជធានីភ្នំពេញ ធ្វើសកម្មភាពបូមស្តារអណ្តូង លូ និងសំអាតដីភក់តាមប្រព័ន្ធលូ ត្រៀមបញ្ចៀសការជន់លិចលង់មុនរដូវភ្លៀងធ្លាក់មកដល់ ដោយចាប់ផ្តើមពីខណ្ឌដញនពេញមុនគេ។

ចំពោះខណ្ឌដូនពេញ រដ្ឋបាល រាជធានីភ្នំពេញ នឹងចាប់ ផ្តើម ស្តារប្រព័ន្ធលូ និងសំអាតទរទឹកភ្លៀងចំនួន១០ខ្សែ ក្នុងនោះរួមមាន៖ ផ្លូវលេខ២៤០ សងខាងផ្លូវប្រវែង ១,៧៦០ម៉ែត្រ, ២.ផ្លូវលេខ៤៧ សងខាងផ្លូវ ប្រវែង ២,០៣០ម៉ែត្រ, ៣. ផ្លូវលេខ១៥៤ សងខាងផ្លូ វ ប្រវែង ២,៥៦១ម៉ែត្រ, ៤. ផ្លូវលេខ៩០ សងខាងផ្លូវប្រវែង១,៦៩៦ម៉ែត្រ, ៥. ផ្លូវលេខ៦៣ ប្រវែង៥៦០ម៉ែត្រ, ៦. ផ្លូវលេខ១៧៨ សងខាងផ្លូវប្រវែង១,៣១០ម៉ែត្រ, ៧. ផ្លូវលេខ៨៨ ប្រវែង៦៨៩ម៉ែត្រ, ៨. ផ្លូវលេខ១៤៨ សងខាងផ្លូវប្រវែង៦០០ម៉ែត្រ, ៩. ផ្លូវលេខ១៤៤ សងខាងផ្លូវប្រវែង៦០០ម៉ែត្រ និង ទី១០. ទរទឹកភ្លៀងនៅជ្រុងខាងជើងនិងខាងលិចផ្សារ កណ្តាល ប្រវែង៣០២ម៉ែត្រ។ ក្រោយបញ្ជប់ការងារនៅខណ្ឌដូនពេញហើយ យើងនឹងបន្តទៅខណ្ឌ៤ទៀត។

ក្នុងឱកាសនោះដែរ  លោកអភិបាលរង ក៏បាន អំពាវនាវឱ្យបងប្អូនប្រជាពលររដ្ឋ ត្រូវវេចខ្ចប់ ទុកដាក់សំរាម ឱ្យបានត្រឹមត្រូវ ដើម្បីរក្សាបាន អនាម័យ និង បរិស្ថានស្អាត ព្រមទាំង អាច បញ្ចៀសការលិចលង់ និងជួយលើកកម្ពស់សោភណ្ឌភាពរាជធានីភ្នំពេញយើងផងដែរ៕ អត្ថបទ៖ ស្រីរ័ត្ន

The post រដ្ឋបាលរាជធានី បន្តស្តារប្រព័ន្ធលូ និងសំអាតទរទឹកភ្លៀងនៅកណ្តាលក្រុង ក្រោយជាយក្រុងអនុវត្តបានរួចរាល់ appeared first on Kampuchea Thmey Daily.

លោក វ៉ា សាវឿន បានឲ្យដឹងថា ដោយមានការចង្ហុលបង្ហាញពី លោក ឃួង ស្រេង អភិបាល នៃគណៈអភិបាលរាជធានីភ្នំពេញ លោក សាំង ពិសេដ្ឋ ប្រធានមន្ទីរសាធារណការ និង ដឹកជញ្ជូន លោក សក់ ច័ន្ទកញ្ញារិទ្ធ អភិបាល នៃគណៈអភិបាលខណ្ឌពោធិ៍សែនជ័យ ធ្វើយ៉ាងណាកុំឲ្យមានការជន់លិចក្នុងមូលដ្ឋាន សម្រួលប្រព័ន្ធលូហូរស្រួល ទើបលោកដឹកនាំក្រុមការងារ ចុះពិនិត្យតាមបណ្តាភូមិក្នុងមូលដ្ឋាន និង សហការជាមួយមន្ត្រីសាលារាជធានីភ្នំពេញ ចុះបូមស្តារ និង បាញ់ទឹកលាងសម្អាតក្នុងប្រព័ន្ធលូ កាយភក់ជ្រាំ សម្រួលចរន្តទឹកហូរបានលឿនជាងមុន។

លោកចៅសង្កាត់ តំណាងឲ្យរដ្ឋបាលទាំងមូល សូមថ្លែងអំណរគុណដល់ លោក ឃួង ស្រេង និង លោក សាំង ពិសិដ្ឋ ដែលបានផ្តល់រថយន្តចំនួន ១ គ្រឿង សម្រាប់បូមលូទាន់ពេលវេលា៕
អត្ថបទ ៖ សុខា

The post រដ្ឋបាលសង្កាត់ចោមចៅទី ៣ ចុះបូមស្តារបាញ់ទឹកលាងសម្អាតប្រព័ន្ធលូ នៅភូមិអូរដឹម appeared first on Kampuchea Thmey Daily.

លោក​ ថា​ រិទ្ធ​ ជាប្រជាពលរដ្ឋរស់នៅតំបន់នោះបានលើកឡើងថា​ ទីតាំងខាងលើនេះ​ មិនមានភ្លៀងធ្លាក់មកនោះទេ​ តែមានទឹកខ្មៅកខ្វក់ហៀរ​ ហូរចេញពីប្រព័ន្ធលូដក់លិចលើដងផ្លូវអស់រយះពេលប្រហែល២សប្តាហ៍មកហើយ​ ប៉ះពាល់ដល់ការធ្វើដំណើរ​ ក៏ដូចជាអ្នករស់នៅតំបន់នោះ។

អាជ្ញាធរបានឱ្យដឹងថា​ ក្រោយពីទទួលបានដំណឹងអំពីបញ្ហាខាងលើរដ្ឋបាលសង្កាត់ចោមចៅទី១​ បានស្នើដល់ប្រធានមន្ទីរសាធារណការនិងដឹកជញ្ជូន ដើម្បីសុំរថយន្តបូមលូមកស្តារនិងសម្អាតកាកសំណល់ចេញពីប្រព័ន្ធលូដើម្បីឱ្យចរន្តទឹកហូរបានលឿន។

ជាមួយគ្នាផងដែលអាជ្ញាធរមូលដ្ឋានក៏បានអំពាវនាវដល់ពលរដ្ឋទាំងអស់មេត្តាវិចខ្ចប់ទុកដាក់សំរាមឱ្យបានត្រឹមត្រូវជៀសវាងហើរ​ និងធ្លាក់ចូលប្រព័ន្ធលូបង្កមានការស្ទះចរន្តទឹកហូរ៕ដោយ៖សុខា

The post អាជ្ញាធរសង្កាត់ចោមចៅទី១ សហការជាមួយមន្ត្រីសាលារាជធានីភ្នំពេញចុះបូមស្តារប្រព័ន្ធលូជូនប្រជាពលរដ្ឋ appeared first on Kampuchea Thmey Daily.

កាលពីថ្ងៃទី២៣ ខែមេសា ឆ្នាំ២០២៦ លោក ចេង មុនីរ៉ា អភិបាល នៃគណៈអភិបាលខណ្ឌសែនសុខ បានដឹកនាំក្រុមការងារខណ្ឌ សហការជាមួយមន្ទីរសាធារការ និងដឹកជញ្ជូនរាជធានីភ្នំពេញ ចុះអនុវត្តការងារបូមស្តារអណ្តូងលូ និងប្រព័ន្ធលូ តាមបណ្តោយផ្លូវលេខ១៩៨៦ ស្ថិតក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។

សកម្មភាពនេះធ្វើឡើងក្នុងគោលបំណងលើកកម្ពស់ប្រសិទ្ធភាពប្រព័ន្ធរំដោះទឹក និងបង្ការការស្ទះលូដែលអាចបណ្ដាលឱ្យកើតមានការជន់លិច ជាពិសេសមុនរដូវវស្សាដែលនឹងមកដល់។ ក្នុងនោះផងដែល ក្រុមការងារបានប្រើប្រាស់រថយន្តបូមស្តារ និងឧបករណ៍បច្ចេកទេស ដើម្បីសម្អាតកាកសំណល់ដីកកស្ទះ និងសារធាតុផ្សេងៗក្នុងបណ្តាញលូ។

លោកអភិបាលខណ្ឌបានបញ្ជាក់ថា ការរៀបចំ និងថែទាំប្រព័ន្ធលូជាប្រចាំ គឺជាចំណុចគន្លឹះក្នុងការធានាឱ្យប្រព័ន្ធរំដោះទឹកដំណើរការបានល្អ មានប្រសិទ្ធភាព និងអាចឆ្លើយតបបានទាន់ពេលវេលា ពេលមានភ្លៀងធ្លាក់ខ្លាំង។ ជាមួយគ្នានេះ លោកក៏បានអំពាវនាវដល់ប្រជាពលរដ្ឋ សូមចូលរួមថែរក្សាអនាម័យបរិស្ថាន ដោយមិនបោះសំរាមចូលក្នុងអណ្តូងលូ ឬតាមផ្លូវសាធារណៈ ដែលអាចបង្កការស្ទះ និងប៉ះពាល់ដល់ប្រព័ន្ធបង្ហូរទឹក។

គួរបញ្ជាក់ថា ការងារបូមស្តារប្រព័ន្ធលូនេះ ជាផ្នែកមួយនៃផែនការរបស់អាជ្ញាធរខណ្ឌសែនសុខ ក្នុងការត្រៀម មុនរដូវវស្សាមកដល់ ដើម្បីកាត់បន្ថយហានិភ័យនៃការជន់លិច និងធានាសុវត្ថិភាពក្នុងការរស់នៅរបស់ប្រជាពលរដ្ឋនៅក្នុងមូលដ្ឋាន៕អត្ថបទ៖សំណាង

The post ការថែទាំប្រព័ន្ធលូជាប្រចាំ គឺជាគន្លឹះសំខាន់ធានាប្រសិទ្ធ ភាពរំដោះទឹក មុនរដូវវស្សាចូលមកដល់ appeared first on Kampuchea Thmey Daily.

ជាក់ស្ដែងនៅព្រឹកថ្ងៃទី២៣ ខែមេសា ឆ្នាំ២០២៦នេះ អាជ្ញាធរ នៃរដ្ឋបាលខណ្ឌ៧មករា និងការិយាល័យសាធារណៈការ ដឹកនាំដោយលោកថេង សុថុល អភិបាលខណ្ឌ បានបញ្ចេញរថយន្តជាច្រើនគ្រឿង ចុះកាយ និងស្តារប្រព័ន្ធលូបង្ហូរទឹកមួយខ្សែនៅលើផ្លូវលេខ១៨២ ទល់មុខផ្សារអូរឬស្សី ស្ថិតក្នុងសង្កាត់បឹងព្រលឹត ដែលជាប្រព័ន្ធលូមេអាទិភាពសំខាន់មួយក្នុងមូលដ្ឋាន ដែលបានដើរតួនាទីសំខាន់បម្រើដល់ការបង្ហូរទឹកជាចាំបាច់។

លោកប៉ែន ធឿន ប្រធានការិយាល័យសាធារណៈការខណ្ឌ៧មករា បានឲ្យដឹងថា ៖ អាជ្ញាធរខណ្ឌ បានចាប់ផ្តើមអនុវត្តន៍ការកាយ និងស្តារប្រព័ន្ធលូអាទិភាពខាងលើនេះ មានលូមុខកាត់៨តឹក ប្រវែងជិត៦០០ម៉ែត្រ គិតចាប់ពីផ្លូវលេខ១៦១ ដល់ផ្លូវលេខ៩៣ ដែលមានពលរដ្ឋរស់នៅ និងកំពុងប្រើប្រាស់លើដងផ្លូវខាងលើប្រមាណ៦៨០គ្រួសារ។

ចំពោះកិច្ចការងារកាយ និងស្តារប្រព័ន្ធលូបង្ហូរទឹកនេះ អាជ្ញាធរទាំង១៤ខណ្ឌ នៅទូទាំងរាជធានីភ្នំពេញ ក៏បាននឹងកំពុងយកចិត្តទុកដាក់ផងដែរ ក្នុងការធានាឲ្យប្រព័ន្ធលូតូចធំក្នុងមូលដ្ឋានរបស់ខ្លួន អាចហូរទឹកបានដោយមិនមានការរាំងស្ទះ បង្កឡើងដោយឧបសគ្គណាមួយ ដូចជាកាកសំណល់ ឬសំរាមនានា ដើម្បីបញ្ចៀសការជន់លិច ក្នុងពេលដែលរដូវវស្សាកាន់តែកៀកគិតមកដល់៕

The post ប្រព័ន្ធលូបង្ហូរទឹកជាផ្នែកសំខាន់ ដែលអាជ្ញាធរមូលដ្ឋានត្រូវយកចិត្តទុកដាក់ ដើម្បីបញ្ចៀសការជន់លិចនៅរដូវវស្សា appeared first on Kampuchea Thmey Daily.

ក្រុមអ្នកស្តារ បាននិងកំពុងស្តារជួសជុលប្រព័ន្ធលូទាំងសងខាងផ្លូវដែលមានសភាពចាស់ទ្រោមទ្រុឌចាប់ពីរង្វង់យាយរែកផ្លែឈើដល់មុខអធិការនគរបាលក្រុងខេមរភូមិន្ទ ស្មើនឹងប្រវែង២គីឡូម៉ែត្រ។ គ្រាប្រព័ន្ធប្រឡាយលូទាំងនេះកកស្ទះដោយដីល្បប់ភក់ និងសំរាមនានាស្ទះក្នុងលូ ក្នុងគោលបំណងបើកមុខទឹកសម្រួលដល់ហូរទៅប្រឡាយមេធំៗ។

លោក អ៊ូច ពន្លច នាយកទីចាត់ការផែនការ និងវិនិយោគខេត្តកោះកុង បានឱ្យដឹងនៅរសៀលថ្ងៃទី៦ ខែមេសា ឆ្នាំ២០២៦ថា ការស្តារប្រឡាយលូធម្មជាតិផ្សេងទៀតផងដែរដែលជាតំបន់ប្រឈមដើម្បីរំដោះបើកមុខទឹកអោយធំងាយស្រួលចរន្តទឹកហូរចេញបានល្អ ចៀសវាងការកកស្ទះដូចបណ្តាឆ្នាំមុនៗ។

លោក អ៊ូច ពន្លច បានបន្តថា សម្រាប់ឆ្នាំ២០២៦នេះ រដ្ឋបាលខេត្តក៏ត្រៀមជួសជុលអ៊ុតផ្លូវកៅស៊ូថ្មីជាច្រើនខ្សែបន្ថែមនៅក្នុងក្រុងខេមរភូមិន្ទ ដើម្បីលើកកម្ពស់សុវត្ថិភាពធ្វើដំណើរ និងសោភ័ណ្ឌភាពទីក្រុងកាន់តែទាក់ទាញ។

លោក ចាន់ដារ៉ា និងលោក លន សុភីម ជាប្រជាពលរដ្ឋយល់ឃើញថា ការស្តារប្រឡាយលូចាស់ៗជារឿងល្អប្រសើរ ដើម្បីបញ្ចៀសការដក់ ឬជន់លិចផ្លូវផ្ទះសម្បែងរបស់ពលរដ្ឋអំឡុងពេលរដូវវស្សាចូលមកដល់ខាងមុខ។ ឆ្នាំទៅ ដងផ្លូវ និងមូលដ្ឋានពលរដ្ឋមួយចំនួនក្នុងក្រុងខេមរភូមិន្ទ ជន់លិចដោយសារតែបរិមាណទឹកភ្លៀងខ្លាំង និងប្រព័ន្ធលូគោករាក់មិនអាចចរន្តទឹកហូរបានល្អ។

ប្រជាពលរដ្ឋ ក៏សូមថ្លែងអរគុណដល់អាជ្ញាធរខេត្តយកចិត្តទុកដាក់ពិនិត្យស្តារឡើងវិញ ដើម្បីលើកកម្ពស់សោភ័ណភាពទីក្រុង។ ទោះយ៉ាងពលរដ្ឋជំរុញដល់អាជ្ញាធរ និងមន្រ្តីជំនាញបន្តពិនិត្យដោះស្រាយប្រឡាយលូផ្សេងៗទៀតផងដែរ ដោយសង្កេតឃើញមានបញ្ហាប្រឈមដូចគ្នា ពិសេសមានពលរដ្ឋលួចចាក់ដីរំលោកបំពានយកធ្វើកម្មសិទ្ឋិដែលធ្វើឱ្យប៉ះពាល់ចរន្តទឹកហូរទៅសមុទ្រ និងប្រឡាយមេនានា៕

អត្តបទ៖ សិរីវឌ្ឍនៈ

The post អាជ្ញាធរខេត្តកោះកុង បូមស្តារប្រព័ន្ធលូប្រវែងជាង២គីឡូម៉ែត្រ រំដោះការជន់លិចពេលរដូវវស្សា appeared first on Kampuchea Thmey Daily.

អាជ្ញាធរបានឱ្យដឹងថា​ ការដាក់រថយន្ដបូមស្ដារ និងសំអាតនេះ គឺក្រោយមានភ្លៀងធ្លាក់នៅតំបន់មួយចំនួនរងការដក់ទឹក​ ធ្វើឲ្យចរន្តទឹកក្នុងប្រព័ន្ធលូហូរយឺត​ ស្ទះទៅដោយសំរាម​ និងដី​ ទើបក្រុមការងាររដ្ឋបាលខណ្ឌសែនសុខ សហការជាមួយមន្ទីរសាធារណការរាជធានីភ្នំពេញ ដាក់រថយន្តធ្វើការបូមស្តារ និងកាយសំរាមចេញពីរីហ្គាលូ និងសំអាតដីតាមប្រព័ន្ធលូដើម្បីសម្រួលដល់ការធ្វើដំណើរជូនប្រជាពលរដ្ឋឆ្លងកាត់​។

អាជ្ញាធរបន្តថា​ ការបូមស្តារ​ និងសំអាតសំរាមចេញពីរឺហ្គាលូខាងលេីនេះ គឺប្រេីរយៈពេល០៣ថ្ងៃ ចាប់ពីថ្ងៃទី១៨ ដល់ថ្ងៃទី២០ ខែមីនា ឆ្នាំ២០២៦​។ អាជ្ញាធរអំពាវនាវដល់បងប្អូនទាំងអស់មេត្តាវិចខ្ចប់ទុកដាក់សំរាមឱ្យបានត្រឹមត្រូវ​ ក្នុងធុងសំរាមដែលអាជ្ញាធរបានដាក់តាមគោលដៅនីមួយៗ៕

អត្ថបទ៖ សុខា

The post អាជ្ញាធរខណ្ឌសែនសុខ សហការជាមួយមន្ទីរសាធារណការរាជធានី ដាក់រថយន្តបូមស្តារ និងកាយសំរាមចេញពីរីហ្គាលូ appeared first on Kampuchea Thmey Daily.