លោក ស្រឺយ ង៉ោក អាយុ៣៧ឆ្នាំ ប្រធានសហគមន៍ កាហ្វេប៊ូស្រាបានប្រាប់(កម្ពុជាថ្មី)ឱ្យដឹងនៅថ្ងៃទី២០ខែវិច្ឆិកាឆ្នាំ២០២៥ថា កាហ្វេក្នុងខេត្តមណ្ឌលគិរី កំពុងចាប់ផ្ដើមប្រូលផលពីដើមខែវិច្ឆិកានេះតទៅ ស្របពេលជាមួយតម្លៃទីផ្សារល្អជាងឆ្នាំមុនអាស្រ័យលើគុណភាពគ្រាប់កាហ្វេផងដែរ។ លោកបាននិយាយថា៖«ដោយសារគ្រាប់កាហ្វេនៅក្នុងខេត្តមណ្ឌលគិរីមានកគាំទ្រកាន់តែខ្លាំងធ្វើឱ្យតម្លៃក៏មានការកើនឡើងជាងឆ្នាំមុនបន្តិច គឺមួយគីឡូក្រាមគ្រាប់កាហ្វេស្រស់៤២០០រៀល ដោយឡែកធៀបនឹងឆ្នាំ២០២៤ បានត្រឹម ៤០០០រៀលប៉ុណ្ណោះក្នុងមួយគីឡូក្រាម»។

ដើម្បីឆ្លើយតបតម្រូវការទីផ្សារកើនឡើង ប្រជាពលរដ្ឋនៅក្នុងមូលដ្ឋានក៏បានចូលរួមការដាំដុះដំណាំកាហ្វេនេះ ដោយបានចុះឈ្មោះជាសមាជិកក្នុងសហគមន៍បន្តបន្ទាប់។ នាឆ្នាំ២០២៤ សមាជិកដាំដុះកាហ្វេមានត្រឹម ៨៦នាក់ ហើយក្នុងឆ្នាំ២០២៥ សមាជិកកើនឡើងរហូតដល់ទៅ ១២០នាក់ឯណោះ។ បច្ចុប្បន្ននេះ កសិករកំពុងនាំគ្នាសម្រុកដាំកាហ្វេប្រភេទពូជរ៉ូប៊ូស្តា(Robusta)បន្ថែមទៀត ដែលកំពុងមានតម្រូវការខ្ពស់នៅលើទីផ្សារ ដោយសារប្រជាជននាំគ្នាងាកមកគាំទ្រផលិតផលក្នុងស្រុក។ លោកបញ្ជាក់ទៀតថា៖«កសិករចាប់ផ្ដើមងាកមកដាំពូជកាហ្វេនេះ ដោយសារខេត្តមណ្ឌលគិរី អំណោយផលទៅលើអាកាសធាតុ ពិសេសដីក៏មានជីវជាតិខ្លាំង ស័ក្តិសមបំផុតជាមួយនឹងដំណាំកាហ្វេពូជ(Robusta)»។

ក្នុងនាម ប្រធានសហគមន៍ (កាហ្វេប៊ូស្រា) លើកទឹកចិត្តដល់កសិករក្នុងខេត្តមណ្ឌលគិរី បន្តពង្រីកផ្ទៃដីដាំដុះកាហ្វេបន្ថែមទៀត ធ្វើយ៉ាងណាដើម្បីផ្គត់ផ្គង់ទីផ្សារនៅពេលបច្ចុប្បន្ន ពិសេសតម្លៃក៏មានការកើនឡើងជាបន្តបន្ទាប់ដែលធ្វើឱ្យកសិករទទួលបានប្រាក់ចំណេញ លើកកម្ពស់ជីវភាពគ្រួសារ។

ផ្ទៃដីដាំដុះដំណាំកាហ្វេ ឆ្នាំ២០២៥ អនុវត្តបាន ៦២៧ ហិកតា កើន៩៨ ហិកតា។ ចំពោះតម្លៃលេខ១ លក់បាន ៤២០០ រៀល ចំណែកគ្រាប់កាហ្វេស្រស់លេខ២ ថ្លៃ ៣៤០០ទៅ ៣៥០០រៀល ហើយភាគច្រើនកសិករដាំកាហ្វេក្នុងខេត្តភាគច្រើនជាប្រភេទពូជរ៉ូប៊ូស្តា (Robusta)មានឈ្មោះTR4, TR9, TR5,  និង TRS1 (ពូជថ្មីចុងក្រោយ)។ នេះបើតាមលោក សុង ឃាង ប្រធានមន្ទីរកសិកម្មខេត្តមណ្ឌលគិរី ៕

អត្ថបទ៖ រៀម សុខហេង

The post កសិករដាំកាហ្វេនៅមណ្ឌលគិរី ចាប់ផ្តើមប្រមូលផលពីខែវិច្ឆិកា ខណៈតម្លៃកើនជាងឆ្នាំមុន appeared first on Kampuchea Thmey Daily.

ការលើកទឹកចិត្តនេះផងដែរ បន្ទាប់ពីគ្រាប់កាហ្វេរ៉ូប៊ូស្តាខេត្តមណ្ឌលគីរី កែច្នៃដោយក្រុមហ៊ុនក្នុងស្រុក ទទួលបាននូវការវាយតម្លៃថាជាកាហ្វេរ៉ូប៊ូស្តាប្រណីត (Fine Robusta) ជាលើកដំបូងនៅក្នុងប្រវត្តិសាស្រ្ត ពីវិទ្យាស្ថានវាយតម្លៃគុណភាពកាហ្វេអន្តរជាតិ CQI(Coffee Quality Institute) ដែលជាស្ថាប័នវាយតម្លៃគុណភាពកាហ្វេពិភពលោក។

លោក ណុន ឌីម៉ា អាយុ៣៥ឆ្នាំ ដែលជាម្ចាស់ក្រុមហ៊ុនកែច្នៃការហ្វេអឹមខេមណ្ឌលគិរី បានប្រាប់ កម្ពុជាថ្មីថា ដោយសង្កេតឃើញពីសន្ទុះនៃការកម្មង់ពីអតិថិជនដែលមានស្រាប់ និងស្របពេលដែលប្រជាពលរដ្ឋខ្មែរ នៅពេលបច្ចុប្បន្ននេះពហិការឈប់ប្រើទំនេញថៃផងនោះ ធ្វើឱ្យកាហ្វេអឹមខេមណ្ឌលគិរីមានការគាំទ្រកើនឡើងលើសជាងមុនជាបន្តបន្ទាប់។ ដោយឃើញស្ទុះនៃការគាំទ្រផលិតផលក្នុងស្រុកកាន់តែខ្លាំង ក្នុងនាមក្រុមហ៊ុនកែច្នៃកាហ្វេលើកទឹកចិត្ត និងជំរុញដល់កសិករដែលប្រកបរបរកសិកម្មដាំដំណាំការហ្វេទាំងអស់នៅខេត្តមណ្ឌលគិរី ដែលជាដំណាំកសិឧស្សាហកម្ម បង្កើនការដាំដុះ ឬពង្រីកផ្ទៃដីបន្ថែមទៀត។ លោកអះអាងថា៖«ពីព្រោះគ្រាប់កាហ្វេមណ្ឌលគិរីកំពុងមានតម្រូវការទីផ្សាខ្ពស់និងចាប់អារម្មណ៍ខ្លាំងពីសំណាក់មហាជនបច្ចុប្បន្ន។

ជាមួយគ្នានេះ លោកក៏អំពាវនាវឱ្យប្រជាពលរដ្ឋខ្មែរ បន្តជួយគាំទ្រផលិតផលក្នុងស្រុកបន្ថែមទៀត និងកាត់បន្ថយទំនិញនាំចូល ជាពិសេសទំនេញប្រភពពីប្រទេសថៃ ហើយងាកមកគាំទ្រផលិតផលដោយស្នាដៃកូនខ្មែរ ដែលជាផ្នែកមួយជួយបង្កើតការងារដល់ប្រជាពលរដ្ឋនៅស្រុក ក៏ដូចជាលើកស្ទួយសេដ្ឋកិច្ចជាតិ។

ការហ្វេអឹមខេមណ្ឌលគិរី ជាក្រុមហ៊ុនកែច្នៃកាហ្វេខ្នាតមធ្យមមួយ ដែលបានចាប់ផ្ដើមតាំងពីឆ្នាំ២០១១មកម្លេះ ពោលគឺមានអាយុ១៥ឆ្នាំកន្លងមកហើយ ដែលមានអាស័យដ្ឋានស្ថិតនៅភូមិកណ្ដាល សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។ លើសពីនេះ ក្រុមហ៊ុនរបស់លោកទទួលទិញតែកសិផល ពីកសិករនៅក្នុងតំបន់នេះតែប៉ុណ្ណោះ ដែលបានផលិតសម្រេចចែកចាយលើទីផ្សាផងដែរ។

លោកបានឱ្យដឹងថា គ្រាប់កាហ្វេដែលបានកែច្នៃផលិតនៅក្នុងក្រុមហ៊ុននេះ មានច្រើនជម្រើសតាមតម្រូវការអតិថិជនដូចជា កាហ្វេម្សៅឆុងស្រាប់ កាហ្វេលាយស្រាប់បែប៣+១ និងកាហ្វេគ្រាប់ ដែលអតិថិជនយកទៅកិនឆុងបែបម៉ាស៊ីន ផងដែរ៕

អត្ថបទ៖ រៀ សុខហេង

The post ក្រុមហ៊ុនកែច្នៃកាហ្វេមណ្ឌលគិរី លើកទឹកចិត្តកសិករពង្រីកផ្ទៃដីដាំដុះកាហ្វេ ក្រោយទទួលស្គាល់គុណភាពកម្រិតពិភពលោក appeared first on Kampuchea Thmey Daily.

បើតាមលោក ស្រឺយ ង៉ោក គិតត្រឹមខែកញ្ញាឆ្នាំ២០២៥នេះ មានសមាជិកនៅក្នុងសហគមន៍ កាហ្វេប៊ូស្រា បច្ចុប្បន្នសរុបទាំងអស់មានចំនួន៨៦គ្រួសារ ហើយសមាជិតទាំងអស់នោះពួកគេសុទ្ធសឹងតែមានចម្ការកាហ្វេចន្លោះពី១ទៅ៤ហិកតា។ លោកបន្តថា៖«ក្នុងនោះ ក៏មានកសិករផ្សេងទៀត គ្រោងនឹងមកចុះឈ្មោះចូលជាសមាជិកក្នុងសហគមន៍ ហើយពួកគេកំពុងនាំគ្នាសម្រុកដាំកាហ្វេប្រភេទពូជរ៉ូប៊ូស្តា(Robusta)បន្ថែមទៀត»។

លោកបន្តថា ការងាកមកដាំដំណាំកាហ្វេ ដោយសារដំណាំប្រភេទនេះកំពុងតែមានសក្ដានុពលខ្លាំងនិងតម្រូវការទីផ្សារកាន់តែមានការកើនឡើងជាបន្តបន្ទាប់ ពិសេសនោះលក់បានតម្លៃខ្ពស់ ដែលជួយឱ្យកសិកររកចំណូលបានសមរម្យផ្គត់ផ្គង់គ្រួសារ។ លោក ស្រឺយ ង៉ោក បាននបញ្ជាក់ទៀតថា៖« កសិករចាប់ផ្ដើមងាកមកដាំពូជកាហ្វេនេះ ដោយសារខេត្តមណ្ឌលគិរី អំណោយផលទៅលើអាកាសធាតុ ពិសេសដីក៏មានជីវជាតិខ្លាំង ស័ក្តិសមបំផុតជាមួយនឹងដំណាំកាហ្វេពូជ(Robusta) ដែលដាំដែលបានដាំដុះនៅពេលបច្ចុប្បន្ន»។

ពាក់ព័ន្ធដំណាំកាហ្វេនះ ក្នុងនាមប្រធានសហគមន៍ លោកតែងចុះត្រួតពិនិត្យដំកាហ្វេរបស់កសិករជាប់ជាប្រចាំ និងបានចែករំលែកបទពិសោធដល់កសិករដែលដាំនៅចម្ការផ្ទាល់ខ្លួនផងដែរ។ លើសពីនេះ ប្រជាពលរដ្ឋនៅក្នុងសហគម ក៏ធ្លាប់ទទួលបានកវគ្គបណ្ដុះបណ្ដាល បង្ហាញពីមន្ទីរជំនាញកមន្ទីរសិកម្មខេត្ត។ ជារឿយៗ ក្រុមការងារមន្ទីរជំនាញតែងតែចុះមកធ្វើបទបង្ហាញពីការដាំដុះបច្ចេកទេសការថែទាំធ្វើយ៉ាងណា ឱ្យដំណាំកាហ្វេទទួលបានសុខភាពល្អ ការលូតលាស់ នឹងទទួលបានទិន្នផលខ្ពស់ផងដែរ។

លោករំពឹងដែរថា ការប្រមូលផលកាហ្វេនៅខែវិច្ឆិកាខាងមុខនេះ កសិករនឹងទទួលបានទិនផលកាន់តែច្រើនបន្ថែមទៀត  ជាពិសេសតម្លៃអាចកើនឡើងខ្ពស់ជាងឆ្នាំមុន។ជាមួយគ្នានេះក៏សូមអំពាវនាវ ប្រជាពលរដ្ឋ ដែលមានដីទំនេរ មិនទាន់មានការដាំដុះដំណាំអ្វីអាចងាកមកសាកល្បងដាំដំណាំកាហ្វេមួយប្រភេទនេះ ងាយស្រួលក្នុងការដាំដុះ មិនលំបាកក្នុងការថែទាំច្រើន ខណៈបញ្ហាប្រឈមវិញ គឺមានតិចតួចបំផុតសម្រាប់ដំណាំមួយប្រភេទនេះ។

បើតាម លោក សុង ឃាង ប្រធានមន្ទីរកសិកម្ម រុក្ខាប្រម៉ាញ់ និងនេសាទ ខេត្តមណ្ឌលគិរី ការដាំដុះដំណាំកាហ្វេ អនុវត្តបានចំនួន ៥២៩ ហិកតាក្នុងឆ្នាំ ២០២៤។ លោកបញ្ជាក់ថា កសិករដាំកាហ្វេក្នុងខេត្តភាគច្រើនជាប្រភេទពូជរ៉ូប៊ូស្តា (Robusta)មានឈ្មោះTR4, TR9, TR5,  TRS1 (ពូជថ្មីចុងក្រោយ) ផងដែរ៕

អត្ថបទ៖ រៀម សុខហេង

The post កសិករកំពុងនាំគ្នាសម្រុកដាំដំណាំកាហ្វេ មណ្ឌលគិរី ស្របពេលដែលមានតម្រូវការទីផ្សារខ្ពស់និងតម្លៃល្អ appeared first on Kampuchea Thmey Daily.

លោក ចេះ ភា អាយុ៤២ឆ្នាំ បច្ចុប្បន្នស្នាក់នៅភូមិពូចា ឃុំប៊ូស្រា ស្រុកពេជ្រាដា ខេត្តមណ្ឌលគិរី និងជាសមាជិក ជនជាតិដើមភាគតិចព្នង បានប្រាប់ “កម្ពុជាថ្មី” ថា គាត់មានចម្ការកាហ្វេមួយកន្លែង ដែលមានផ្ទៃដី ៤ ហិកតា។
គាត់​ប្រមូល​ផល​កាហ្វេ​ស្រស់​ចន្លោះ​ពី ៧ ទៅ ៨ តោន​ក្នុង​មួយ​ហិកតា ហើយ​លក់​ផលិតផល​ក្នុង​តម្លៃ ១.០៧៥ ដុល្លារ​ក្នុង​មួយ​តោន។ កាហ្វេ​ដែល​គាត់​ដាំ​គឺ​ជា​ប្រភេទ Robusta ហើយរាល់ពេលប្រមូលផល កាហ្វេទាំងអស់ត្រូវបានលក់ទៅឱ្យឈ្មួញគ្មានសល់។

កសិកររូបនេះបានគូសបញ្ជាក់ថា ការដាំដុះដំណាំកាហ្វេមួយប្រភេទនេះមិនលំបាកក្នុងការដាំដុះនោះទេ ពោលគឺ គ្រាន់តែយើងស្រោចទឹកឱ្យបានត្រឹមត្រូវគ្រប់គ្រាន់ សម្អាតស្មៅ និងដាក់ជីបន្តិចបន្តួចតែប៉ុណ្ណោះ។ បន្ទាប់ពីប្រកបដាំដុះដំណាំកាហ្វេរយៈពេលជាង៦ឆ្នាំកន្លងមកនេះ ធ្វើឱ្យលោកមានជីវភាពកាន់តែធូធាពីមួយឆ្នាំទៅមួយឆ្នាំ។ កាហ្វេប្រភេទ Robusta របស់លោក នឹងត្រូវប្រមូលផលទិន្នផលខែវិច្ឆិកាខាងមុខនេះ ហើយរំពឹងថាតម្លៃទីផ្សារកាហ្វេនឹងមានការកើនឡើងជាបន្តបន្ទាប់ដែលអាចលើកស្ទួយជីវភាពរបស់កសិករឱ្យមានភាពធូរធា។

បន្ថែមពីលើនេះ គេសង្កេតឃើញថា ប្រជាពលរដ្ឋនៅស្រុកពេជ្រាដា បានចាប់ផ្តើមដាំកាហ្វេប្រភេទនេះក្នុងបរិមាណច្រើន ហើយតម្រូវការនៅលើទីផ្សារនាពេលបច្ចុប្បន្ននេះ នៅតែមានសន្ទុះខ្លាំង ដោយតម្លៃបានហក់ឡើងគួរសម្យ។ ក្នុងនាមលោក​ជាកសិករដាំកាហ្វេ លើកទឹកចិត្តដល់កសិករផ្សេងទៀត ឱ្យសាកល្បងដាំកាហ្វេប្រភេទនេះ ព្រោះវាងាយស្រួលដាំដុះ ត្រូវការការថែទាំតិចតួច ធន់នឹងអាកាសធាតុ និងសមស្របខ្លាំងសម្រាប់ខេត្តមណ្ឌលគិរី។

លោក សុង ឃាង ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្តមណ្ឌលគិរី ក៏បានឱ្យដឹងផងដែរថា ការដាំដុះដំណាំកាហ្វេ អនុវត្តបានចំនួន ៥២៩ហិកតាក្នុងឆ្នាំ(២០២៤)។ លោកបញ្ជាក់ថា កសិករដាំកាហ្វេក្នុងខេត្តភាគច្រើនជាប្រភេទពូជរ៉ូប៊ូស្តា (Robusta)មានឈ្មោះTR4, TR9, TR5,  TRS1 (ពូជថ្មីចុងក្រោយ ) ផងដែរ៕

អត្ថបទ៖រៀម សុខហេង

The post កាហ្វេមណ្ឌលគិរី កំពុងមានទីផ្សារខ្ពស់ ខណៈកសិករនឹងប្រមូលទិន្នផលនៅខែវិច្ឆិកា appeared first on Kampuchea Thmey Daily.

លោក ងិន សុវិមាន អភិបាលរង​ខេត្ត​មណ្ឌលគិរី​បាន​គូស​បញ្ជាក់​ថា កាហ្វេ​មណ្ឌលគិរីមាន​កេរ្តិ៍ឈ្មោះ​​ល្បី​ ដោយសារ​តែគុណភាព និង​រសជាតិទទួលស្គាល់ពីពលរដ្ឋ​ទូទៅ។

ខណៈ​ដែល​ខេត្ត​មណ្ឌលគីរី​មាន​ភូមិសាស្ត្រ​សមស្រប​សម្រាប់​ដាំ​ដុះ​ដំណាំ​យុទ្ធសាស្រ្ត​នេះ លោក ងិន សុវិមាន បាន​បញ្ជាក់​ថា បច្ចុប្បន្ន​នៅ​ក្នុង​ខេត្ត​មាន​សហគ្រាស​ចំនួន​ពីរ​ ដែល​មានលទ្ធភាព​កែច្នៃ​កាហ្វេ​សម្រាប់​លក់​ចែកចាយ​​នៅ​លើ​ទីផ្សារ។

ក្នុង​ចំណោម​សហគ្រាស​ចំនួន​ពីរ​ដែល​ទទួល​ស្គាល់​ពី​អាជ្ញាធរ​ខេត្ត លោក ងិន សុវិមាន​ បាន​លើក​ពី​កាហ្វេ​ ចាយ ម៉ៅ ​នៅ​ក្នុង​ខេត្ត​មណ្ឌលគិរី ដែល​សហគ្រាស​នេះ​មាន​ទាំង​ចម្ការ​សម្រាប់​ដាំ​កាហ្វេ រួមទាំង​ទីតាំងវេច​ខ្ចប់ ខណៈ​ផលិតផល​​កាហ្វេ​របស់​សហគ្រាស​មាន​ការ​គាំទ្រ​ និង​បាន​ផ្គត់ផ្គង់​ទៅ​ទីផ្សារ​ទាំង​នៅ​ក្នុង​ខេត្ត​និង​នៅ​រាជធានី​ភ្នំពេញ។

យ៉ាងណាមិញ បើ​តាមលោកអភិបាល​រងខេត្ត ទោះបី​កាហ្វេ​ខេត្ត​មណ្ឌលគិរី​​​ទទួលស្គាល់​គុណភាព​អាចលក់លើទីផ្សារក្នុងស្រុកនិង​នាំចេញបាន​ ប៉ុន្តែ​ផ្ទៃដី​ដាំដុះ​នៅ​មានចំនួន​​តិច ហើយ​ការ​ផលិតកែច្នៃសម្រាប់លក់លើ​ទីផ្សារ​ក៏​មិន​ទាន់​បាន​ទូលំទូលាយ​នៅ​ឡើយ។

ពាក់ព័ន្ធ​ដំណាំកាហ្វេនៅ​ខេត្ត​មណ្ឌលគិរី ពូជ​កាហ្វេ​អារ៉ាបីកា​ឃើញថា​មានការ​ពេញនិយម​ ហើយ​ត្រូវ​បាន​ដាំដុះ​ច្រើន​​​នៅ​ខេត្ត​មណ្ឌលគិរី។

លោក ស៊ាន លៀងហី អ្នក​បច្ចេកទេស​ដាំ​កាហ្វេ​អារ៉ាប៊ីកា​នៅ​ចម្ការ​កាហ្វេ​ ភី ដា ​ក្នុង​ខេត្ត​មណ្ឌលគិរី​បាន​ឲ្យ​ដឹង​ថា ពូជ​កាហ្វេ​អារ៉ាបីកា​ ដើម្បី​ដាំដុះលូតលាស់​បានល្អ​ត្រូវ​ការ​ដាំ​នៅ​រយៈ​កម្ពស់​ចាប់ពី ៧០០ ម៉ែត្រ ដល់ ១ ០០០ ម៉ែត្រ។

តាម​ការ​ស្រាវជ្រាវ ពូជ​កាហ្វេ​អារ៉ាប៊ីកា ធន់​អាកាស​ធាតុ និង​ទទួល​ទិន្នផល​ខ្ពស់ ខណៈ​ដែល​​ភូមិសាស្ត្រ​ទឹកដី​​ខេត្ត​មណ្ឌលគិរី​សមស្រប​សម្រាប់​ការ​ដាំ​ពូជ​កាហ្វេ​នាំ​ចូលពី​បរទេស​​នេះ។

បើ​តាម​លោក ស៊ាន លៀងហី កាហ្វេ​ពូជ​​អារ៉ាប៊ីកា ការ​ថែទាំ​ត្រូវការ​ប្រើប្រាស់​ប្រភេទ​ជីកំប៉ុស​ច្រើន​ ហើយ​ពាក់ព័ន្ធ​កម្រិត PH ដី និង​ការ​ប្រើប្រាស់​ថ្នាំ​បាញ់​សម្លាប់​សត្វល្អិត ​ក៏​ត្រូវ​ការ​ពិនិត្យ​ពិច័យ​យ៉ាង​ហ្មត់ចត់​ផង​ដែរ។

លោក ស៊ាន លៀងហី បាន​អះអាង​ថា កន្លងទៅ​មាន​​ក្រុម​អ្នក​ជំនាញ​ជប៉ុន​បាន​ចុះ​ពិនិត្យ ហើយ​វាយ​តម្លៃ​ថា​កាហ្វេ​មណ្ឌលគិរី មាន​គុណភាព​ល្អ​អាច​នាំ​ចេញ​បាន៕

The post សហគ្រាស​ចំនួន​ពីរ​នៅ​ខេត្ត​មណ្ឌលគិរី ទទួលស្គាល់​ផលិត​កាហ្វេ​មានគុណភាព ​​លក់ចែកចាយ​​លើ​ទីផ្សារ appeared first on Kampuchea Thmey Daily.

លោក ស៊ាន លៀងហី អ្នក​បច្ចេកទេស​ដាំ​កាហ្វេ​អារ៉ាប៊ីកា​នៅ​ចម្ការ​កាហ្វេ​ភីដា​ក្នុង​ខេត្ត​មណ្ឌលគិរី​បាន​ឲ្យ​ដឹង​ថា ពូជ​កាហ្វេ​អារ៉ាបីកា​ត្រូវ​ការ​ដាំ​ដុះ​នៅ​រយៈ​កម្ពស់​ចាប់ពី ៧០០ ម៉ែត្រ ដល់ ១ ០០០ ម៉ែត្រ ទើប​ដំណាំកាហ្វេ​លូត​លាស់​បាន​ល្អ។

លោកថា តាម​ការ​ស្រាវជ្រាវ ពូជ​កាហ្វេ​អារ៉ាប៊ីកាធន់​អាកាស​ធាតុ ហើយ​​​ភូមិសាស្ត្រ​ទឹកដី​​ខេត្ត​មណ្ឌលគិរី​សមស្រប​សម្រាប់​ការ​ដាំ​ពូជ​កាហ្វេ​នាំ​ចូលពី​បរទេស​​នេះ។ យ៉ាងណាមិញ ខេត្ត​មណ្ឌលគិរីជា​តំបន់​ព្រៃ​​ភ្នំ ហើយ​បញ្ហា​ប្រឈម​គឺ​​ខ្វះខាត​ប្រភព​ទឹក​។ នេះបើតាម លោក​ស៊ាន លៀងហី។

កន្លងទៅ​ក្រុម​អ្នក​ជំនាញ​ជប៉ុន​បាន​ចុះ​ពិនិត្យ​នៅ​ចម្ការ ហើយ​វាយ​តម្លៃ​ថា​កាហ្វេ​នៅ​ចម្ការ​របស់​លោក​មាន​គុណភាព​អាច​នាំ​ចេញ​បាន។ លោក ស៊ាន លៀងហី បានប្រាប់​ថា ​ទិន្នផល​កាហ្វេ​ដែល​ដាំ​បាន​នៅ​មាន​កម្រិត​តិច​តួច​​ ហើយ​ការ​នាំចេញ​មាន​ការ​​ពិបាក​បន្តិច​តាម​តម្រូវការ​ទីផ្សារ។ ​

លើផ្ទៃដី​ដាំ​​កាហ្វេ​​ប្រមាណ ១៥ ហិកតា លោក​ ស៊ាន សាងហី ប្រាប់​ថា ក៏​មាន​ផែនការ​ពង្រីក​បន្ថែម​នៅ​ឆ្នាំ​បន្ត​បន្ទាប់​​ចន្លោះ ១០ ហិកតាបន្ថែម​​ទៀត ខណៈ​ការ​ផ្គត់ផ្គង់​បច្ចុប្បន្ន​បានសម្រាប់​តែ​​ទីផ្សារ​ក្នុង​ស្រុក​ប៉ុណ្ណោះ​។

​លោក ស៊ាន លៀងហី បានបន្ត​ថា ការ​ដាំកាហ្វេ​ពូជ​​អារ៉ាប៊ីកា ការ​ថែទាំ​ត្រូវការ​ប្រើប្រាស់​ប្រភេទ​ជី​កំប៉ុស​ច្រើន​ជាង​ជី​គីមី ហើយ​ពាក់ព័ន្ធ​កម្រិត PH ដី និង​ការ​ប្រើប្រាស់​ថ្នាំ​បាញ់​សម្លាប់​សត្វល្អិតក៏​ត្រូវ​ប្រើប្រាស់​ដោយ​ប្រុងប្រយ័តុ្ន​ផង​ដែរ។ ជាមួយ​គ្នា​នេះ បើតាមលោក ស៊ាន សាងហី លោក​ក៏​​កំពុង​តែ​សាកល្បង​ដាំ​ដុះ​ពូជ​កាហ្វេ​ប្រភេទ​មួយ​ទៀត​គឺរូបូស្តាលើ​ផ្ទៃដីទំហំ​​ប្រហែល ៥ ហិកតា ដើម្បី​ផ្គត់ផ្គង់​តម្រូវការ​អតិថិជន​ក្នុងស្រុក​៕

The post កាហ្វេ​អារ៉ាប៊ីកា​ដាំ​រយៈកម្ពស់​ជាង ៧០០ ម៉ែត្រ​នៅ​ខេត្ត​មណ្ឌលគិរី ទទួល​ស្គាល់​គុណភាព​រសជាតិ​ពី​អ្នក​ជំនាញ​ការ​ជប៉ុន appeared first on Kampuchea Thmey Daily.