កីឡាប៉ារ៉ាឡាំពិកកម្ពុជា Archives - Kampuchea Thmey Daily

ព្រះមហាក្សត្រត្រាស់បង្គាប់តែងតាំង សមាសភាពគណៈកម្មាធិការជាតិប៉ារ៉ាឡាំពិកកម្ពុជាថ្មី

chean virakbot — Fri, 17 Jan 2025 08:56:32 +0000

គណៈកម្មាធិការប្រតិបត្តិ នៃគណៈកម្មាធិការជាតិប៉ារ៉ាឡាំពិកកម្ពុជា (គ.ជ.ប.ក) ត្រូវបានព្រះមហាក្សត្រនៃព្រះរាជាណាចក្រកម្ពុជាត្រាស់បង្គាប់តែងតាំងថ្មី។

សម្តេចមហាវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាជាប្រធានកិត្តិយស។ សម្តេចតេជោ ហ៊ុន សែន ជាប្រធាន និងមានអនុប្រធាន៧រូប ព្រមទាំងសមាជិកជាច្រើនរូបទៀត។

អត្ថបទ៖ វីរបុត្រ

The post ព្រះមហាក្សត្រត្រាស់បង្គាប់តែងតាំង សមាសភាពគណៈកម្មាធិការជាតិប៉ារ៉ាឡាំពិកកម្ពុជាថ្មី appeared first on Kampuchea Thmey Daily.

ប៉ារ៉ាឡាំពិក២០២៤ បំបែកកំណត់ត្រាចំនួនប្រតិភូ និងនារីចូលរួមច្រើនបំផុត

chean virakbot — Thu, 29 Aug 2024 10:32:14 +0000

គណៈកម្មាធិការប៉ារ៉ាឡាំពិកអន្តរជាតិ (IPC) បានប្រកាសពីព្រឹត្តិការណ៍ការប្រកួតកីឡាប៉ារ៉ាឡាំពិក ទីក្រុងប៉ារីស ឆ្នាំ២០២៤ មានចំនួនគណៈប្រតិភូ និងស្ត្រីនូវចំនួនច្រើនបំផុត បើប្រៀបធៀបនឹងព្រឹត្តិការណ៍មុនៗ។

តួលេខចុងក្រោយបានបញ្ជាក់ ការប្រកួតកីឡាប៉ារ៉ាឡាំពិកនៅទីក្រុងប៉ារីសឆ្នាំ២០២៤ មានអត្តពលិក៤,៤០០នាក់ មកពី ១៦៨ប្រទេស។ ចំនួននេះរួមមាន ១៦៧គណៈកម្មាធិការជាតិប៉ារ៉ាឡាំពិក (NPCs) និងក្រុមជនភៀសខ្លួនប៉ារ៉ាឡាំពិក (RPT) ដែលមានសមាជិក៨នាក់ និងអត្តពលិកប៉ារ៉ាឡាំពិកអព្យាក្រឹត (NPA) ដល់ទៅ ៩៨នាក់ (៩០ នាក់មកពីប្រទេសរុស្ស៊ី និង ៨នាក់មកពីបេឡារុស្ស)។

ទិដ្ឋភាពពិធីបើក

ប្រតិភូសរុប ១៦៨ប្រទេសបានបំបែកកំណត់ត្រាពីមុន ១៦៤ប្រទេស នៅឯព្រឹត្តិការណ៍កីឡាអូឡាំពិកទីក្រុងឡុងដ៍ឆ្នាំ២០១២ និងទីក្រុងតូក្យូឆ្នាំ២០២០ ប៉ារ៉ាឡាំពិក។ ចំនួនអត្តពលិកខ្ពស់បំផុតពីមុនគឺ ៤,៣៩៣នាក់ នៅតូក្យូ ឆ្នាំ២០២០។ ប្រទេស អេរីទ្រា គីរីបាទី និងកូសូវ៉ូ នឹងបង្ហាញខ្លួនជាលើកដំបូងក្នុងកីឡាប៉ារ៉ាឡាំពិក។

កំណត់ត្រាគឺស្ត្រីចំនួន ១,៩៨៣នាក់ត្រូវបានគេរំពឹងថានឹងស្ថិតក្នុងចំណោមអត្តពលិកចំនួន ៤,៤០០នាក់ដែលប្រកួតប្រជែងក្នុងវិញ្ញាសាចំនួន៥៤៩ នៅលើ ២២ប្រភេទកីឡា។ កំណត់ត្រាថ្មីរបស់អត្តពលិកនារី (៤៥%) ច្រើនជាងមុន ១,៨៤៦ (៤២%) នៅតូក្យូឆ្នាំ២០២០ និងច្រើនជាងទ្វេដងនៃអត្តពលិកនារី ៩៨៨នាក់ដែលបានចូលរួមប្រកួតនៅស៊ីដនីឆ្នាំ២០០០។ ការប្រកួតប៉ារ៉ាឡាំពិកប៉ារីស ឆ្នាំ២០២៤ មានវិញ្ញាសាមេដាយជាច្រើនទៀតផងដែរ។ សម្រាប់ស្ត្រីច្រើនជាងពេលមុនដែលមាន ២៣៥នាក់។

កីឡាប៉ារ៉ាឡាំពិកឆ្នាំនេះបានបើកកាលពីថ្ងៃទី២៨ ខែសីហា ហើយបញ្ចប់នៅថ្ងៃទី០៨ ខែកញ្ញា ឆ្នាំ២០២៤៕

ប្រែសម្រួល៖ មន្នីរ័ត្ន
ប្រភព៖ Inside The Games

The post ប៉ារ៉ាឡាំពិក២០២៤ បំបែកកំណត់ត្រាចំនួនប្រតិភូ និងនារីចូលរួមច្រើនបំផុត appeared first on Kampuchea Thmey Daily.

ក្រុមបាល់បោះរទេះនារីកម្ពុជាបានឈ្នះឡាវ៥១-២៧ ជើងឯកអាស៊ី-អូសេអានី

Pha Rothana — Wed, 17 Jan 2024 01:55:27 +0000

ក្នុងការប្រកួតល្ងាចនេះក្នុងព្រឹត្តិការណ៍ប្រកួតជើងឯកអាស៊ី-អូសេអានី និងជម្រុះប៉ារ៉ាឡាំពិក នៅប្រទេសថៃ ក្រុមបាល់បោះរទេះនារីកម្ពុជាកម្ពុជាបានយកឈ្នះក្រុមបាល់បោះរទះឡាវក្នុងលទ្ធផល ៥១-២៧ ដើម្បីបង្កើតកំណត់ត្រាថ្មីដោយទទួលបានជ័យជម្នះ៤លើកជាប់គ្នានៅវគ្គសន្សំពិន្ទុក្នុងពូលសម្រាប់វិញ្ញាសា៥ទល់៥កាលពីយប់មិញ។

ក្រុមបាល់បោះរទេះកម្ពុជាបានបន្តកំណត់ឈ្នះ៤ប្រកួតជាប់គ្នា កំពុងឈរលេខ២ក្នុងពូល B នៅពីក្រោមលេខ១ម្ចាស់ផ្ទះថៃដែលឈ្នះ៤ប្រកួតជាប់គ្នាដូចកម្ពុជា។ នៅពូលនេះមាន កម្ពុជា ឥណ្ឌា ឡាវ ហ្វីលីពីន ថៃ និងក្រុមតំណាងអាស៊ី-អូសេអានី។ ក្រុមបាល់បោះរទេះកម្ពុជាបានយកឈ្នះការប្រកួត៤លើកជាប់គ្នានៅវគ្គសន្សំពិន្ទុក្នុងពូល បន្ទាប់ពីឈ្នះក្រុមនារីហ្វីលីពីនដោយលទ្ធផល ៣៩-១២ កាលពីថ្ងៃសៅរ៍ ទី១៣ ខែមករា និងបានឈ្នះក្រុមនារីអាស៊ី-អូសេអានី ដោយលទ្ធផល ៧៩-២៩ កាលពីថ្ងៃអាទិត្យ ទី១៥ ខែមករា និងយកឈ្នះឥណ្ឌា ៦៦-៣៣។

ការប្រកួតជើងឯកតំបន់អាស៊ី-អូសេអានី IWBF AOZ និងជម្រុះព្រឹត្តិការណ៍កីឡាប៉ារ៉ាឡាំពិកនេះមានក្រុមជម្រើសជាតិនារីចំនួន៩ចូលរួមប្រកួតដែលត្រូវបានបែងចែកជា២ពូលសម្រាប់វិញ្ញាសា៥ទល់៥។ ពូល A មានក្រុមខ្លាំងៗ អូស្ត្រាលី ចិន និង ជប៉ុន ខណៈពូល B មាន កម្ពុជា ឥណ្ឌា ឡាវ ហ្វីលីពីន ថៃ និងក្រុមតំណាងអាស៊ី-អូសេអានី។

ការប្រកួតនៅពូល A វិលជុំសន្សំពិន្ទុក្នុងពូលប៉ះគ្នាពីរដង ខណៈនៅពូល B ប្រកួតវិលជុំសន្សំពិន្ទុប៉ះគ្នាតែម្តងប៉ុណ្ណោះ។ ក្រោយចប់ការប្រកួតសន្សំពិន្ទុ ក្រុមចំណាត់ថ្នាក់លេខ១ក្នុងពូល B ត្រូវចូលទៅចំណាត់ថ្នាក់លេខ៤ក្នុងពូល A ដោយសារពូល A មានតែ៣ក្រុមដោយទទូលបានកៅអីវគ្គពាក់កណ្តាលផ្តាច់ព្រ័ត្រសម្រាប់ប្រជែងជើងឯក IWBF AOZ Championship។

វេលាម៉ោង៥ល្ងាចនេះ ក្រុមបាល់បោះនារីកម្ពុជាត្រូវប្រកួតជាមួយក្រុមម្ចាស់ផ្ទះថៃដើម្បីប្រជែងលើកំពូលតារាង៕

អត្ថបទ៖ វីរបុត្រ

The post ក្រុមបាល់បោះរទេះនារីកម្ពុជាបានឈ្នះឡាវ៥១-២៧ ជើងឯកអាស៊ី-អូសេអានី appeared first on Kampuchea Thmey Daily.

ក្រុមបាល់បោះរទេះនារីកម្ពុជាឈ្នះឥណ្ឌា ៦៦-៣៣ ឡើងឈរលេខ១ពូល B

chean virakbot — Mon, 15 Jan 2024 05:32:39 +0000

ក្រុមបាល់បោះរទេះនារីពិការកម្ពុជាបានយកឈ្នះក្រុមនារីឥណ្ឌាដោយលទ្ធផល ៦៦-៣៣ សម្រាប់វិញ្ញាសា៥ទល់៥ ក្នុងព្រឹត្តិការណ៍ប្រកួតជើងឯកអាស៊ី-អូសេអានី និងជម្រុះប៉ារ៉ាឡាំពិក នៅប្រទេសថៃ។

នេះជាការបង្កើតកំណត់ត្រាថ្មីរបស់ក្រុមនារីកម្ពុជាដែលបានឈ្នះ៣ប្រកួតជាប់គ្នានៅវគ្គសន្សំពិន្ទុក្នុងពូល បន្ទាប់ពីឈ្នះក្រុមនារីហ្វីលីពីនដោយលទ្ធផល ៣៩-១២ កាលពីថ្ងៃសៅរ៍ ទី១៣ ខែមករា និងបានឈ្នះក្រុមនារីអាស៊ី-អូសេអានី ដោយលទ្ធផល ៧៩-២៩ កាលពីថ្ងៃអាទិត្យ ទី១៥ ខែមករា។ គិតត្រឹមការប្រកួតទី៣នេះ ក្រុមកម្ពុជាបានឡើងឈរលើកំពូលតារាងពូល B។

ក្រុមដែលបានទទួលបានចំណាត់ថ្នាក់លេខ១ (មេដាយមាស) ក្នុងព្រឹត្តិការណ៍អាស៊ី-អូសេអានី IWBF AOZ ទទួលបានកៅអីទៅចូលរួមប្រកួតព្រឹត្តិការណ៍កីឡាប៉ារ៉ាឡាំពិក ឆ្នាំ២០២៤ (Paris 2024 Paralympics Games) នៅទីក្រុងបារីស ប្រទេសបារាំង។

សម្រាប់វិញ្ញាសា៣ទល់៣បានបញ្ចប់ការប្រកួតហើយគឺក្រុមនារីចិនបានកក់កៅអីទៅព្រឹត្តិការណ៍ប៉ារ៉ាឡាំពិក នៅប្រទេសបារាំង បន្ទាប់ពីបានយកឈ្នះក្រុមនារីកម្ពុជាដែលទទួលបានចំណាត់ថ្នាក់លេខ២ (មេដាយប្រាក់) ជាកំណត់ត្រាថ្មីលើកដំបូងរបស់កម្ពុជា៕

អត្ថបទ៖ វីរបុត្រ

The post ក្រុមបាល់បោះរទេះនារីកម្ពុជាឈ្នះឥណ្ឌា ៦៦-៣៣ ឡើងឈរលេខ១ពូល B appeared first on Kampuchea Thmey Daily.

ម៉ោង១១ព្រឹកនេះ ក្រុមបាល់បោះរទេះនារីកម្ពុជាប៉ះឥណ្ឌាប្រជែងកំពូលតារាង

chean virakbot — Mon, 15 Jan 2024 02:11:01 +0000

ក្រុមបាល់បោះរទេះនារីពិការកម្ពុជាត្រូវប្រកួតជាមួយក្រុមនារីឥណ្ឌា វេលាម៉ោង១១ព្រឹក ថ្ងៃទី១៥ ខែមករា ឆ្នាំ២០២៤ វិញ្ញាសា៥ទល់៥ ក្នុងព្រឹត្តិការណ៍ប្រកួតជើងឯកអាស៊ី-អូសេអានី និងជម្រុះប៉ារ៉ាឡាំពិក នៅប្រទេសថៃ។

ឆ្លងកាត់វគ្គសន្សំពិន្ទុក្នុងពូល២លើកកន្លងទៅ ក្រុមនារីកម្ពុជាទទួលបានជ័យជម្នះទាំងពីរលើកគឺឈ្នះក្រុមនារីហ្វីលីពីន ៣៩-១២ កាលពីថ្ងៃសៅរ៍ ទី១៣ ខែមករា និងបានឈ្នះក្រុមនារីអាស៊ី-អូសេអានី ៧៩-២៩ កាលពីថ្ងៃអាទិត្យ ទី១៥ ខែមករា។ កម្ពុជាកំពុងឈរលេខ២ក្នុងពូល B នៅពីក្រោមក្រុមនារីម្ចាស់ផ្ទះថៃ ដែលឈ្នះពីរប្រកួតដូចកម្ពជាដែរ ប៉ុន្តែថៃរកបានគ្រាប់បាល់ច្រើនជាង។

ការប្រកួតសន្សំពិន្ទុក្នុងពូលលើកទី៣ វេលាម៉ោង១១ព្រឹកថ្ងៃចន្ទ ទី១៥ ខែមករា ក្រុមនារីកម្ពុជាត្រូវប៉ះក្រុមនារីឥណ្ឌាដែលស្ថិតនៅលេខ៥ក្នុងពូល។ ២ប្រកួតកន្លងទៅ ក្រុមនារីឥណ្ឌាមិនទាន់ស្គាល់ជ័យជម្នះឡើយគឺចាញ់នារីថៃ ៨-៦៣ និងចាញ់នារីហ្វីលីពីន ៣៤-៤២។

តារាងពិន្ទុពូល B

ការប្រកួតជើងឯកតំបន់អាស៊ី-អូសេអានី IWBF AOZ និងជម្រុះព្រឹត្តិការណ៍កីឡាប៉ារ៉ាឡាំពិកនេះមានក្រុមជម្រើសជាតិនារីចំនួន៩ចូលរួមប្រកួតដែលត្រូវបានបែងចែកជា២ពូលសម្រាប់វិញ្ញាសា៥ទល់៥។ ពូល A អូស្ត្រាលី ចិន និង ជប៉ុន ខណៈពូល B មាន កម្ពុជា ឥណ្ឌា ឡាវ ហ្វីលីពីន ថៃ និងក្រុមអាស៊ី-អូសេអានី។

តារាងពិន្ទុពូល A

លទ្ធផល និងកម្មវិធីប្រកួត

អត្ថបទ៖ វីរបុត្រ

The post ម៉ោង១១ព្រឹកនេះ ក្រុមបាល់បោះរទេះនារីកម្ពុជាប៉ះឥណ្ឌាប្រជែងកំពូលតារាង appeared first on Kampuchea Thmey Daily.

អបអរសាទរ! ក្រុមបាល់បោះរទេះនារីកម្ពុជាឈ្នះមេដាយប្រាក់អាស៊ីអូសេអានី-ជម្រុះប៉ារ៉ាឡាំពិក

chean virakbot — Fri, 12 Jan 2024 03:37:59 +0000

ក្រុមបាល់បោះរទេះនារីកម្ពុជាទទួលបានមេដាយប្រាក់ បន្ទាប់ពីចាញ់ក្រុមខ្លាំងនារីចិន នៅវគ្គផ្តាច់ព្រ័ត្រដោយលទ្ធផល ៩-៣ វិញ្ញាសា៣ទល់៣ក្នុងព្រឹត្តិការណ៍ជើងឯកអាស៊ី-អូសេអានី IWBF AOZ និងជម្រុះព្រឹត្តិការណ៍កីឡាប៉ារ៉ាឡាំពិក ឆ្នាំ២០២៤ នៅប្រទេសថៃ។

នៅវគ្គសន្សំពិន្ទុក្នុងពូល ក្រុមនារីកម្ពុជាបានឈ្នះអូស្ត្រាលី ១០-៣, ឈ្នះឥណ្ឌា ១៤-០ និងថៃ (A) ៩-២។ នៅវគ្គខ្វែង៨ក្រុមចុងក្រោយ ក្រុមនារីកម្ពុជាបានឈ្នះឡាវ ១៤-៤ និងវគ្គពាក់កណ្តាលផ្តាច់ព្រ័ត្របានយកឈ្នះម្ចាស់ផ្ទះថៃ (B) ៧-៤ ដើម្បីឡើងទៅកាន់វគ្គផ្តាច់ព្រ័ត្រដោយចាញ់ចិន ៩-១។

វាជាកំណត់ត្រាថ្មីប្រវត្តិសាស្ត្រគួរជាទីមោទនៈសម្រាប់ក្រុមកីឡាការិនីដែលមានពិការភាពកម្ពុជាសម្រេចបានក្នុងកម្រិតអាស៊ី និងជម្រុះលំដាប់ពិភពលោក។

ក្រុមនារីចិនទទួលបានមេដាយមាស ព្រឹត្តិការណ៍អាស៊ី-អូសេអានី IWBF AOZ និងទទួលបានកៅអីទៅចូលរួមប្រកួតព្រឹត្តិការណ៍កីឡាប៉ារ៉ាឡាំពិក ឆ្នាំ២០២៤ (Paris 2024 Paralympics Games) នៅទីក្រុងបារីស ប្រទេសបារាំង។

សម្រាប់ក្រុមនារីកម្ពុជាទទួលបានមេដាយប្រាក់ (លេខ២) និងលេខ៣អូស្ត្រាលី ទទួលបានកៅអីចូលរួមប្រកួតជើងឯក 2024 IWBF Women’s Repechage នៅទីក្រុង Osaka ប្រទេសជប៉ុន។

ការប្រកួតជម្រុះនេះនៅប្រទេសថៃ ក្រុមទាំងអស់ត្រូវបន្តប្រកួតវិញ្ញាសា៥ទល់៥ទៀត។

ចំណាត់ថ្នាក់

លេខ១៖ ចិន
លេខ២៖ កម្ពុជា
លេខ៣៖ អូស្ត្រាលី
លេខ៤៖ ថៃ (A)
លេខ៥៖ ថៃ (B)
លេខ៦៖ ឥណ្ឌា
លេខ៧៖ ហ្វីលីពីន
លេខ៨៖ ឡាវ

អត្ថបទ៖ វីរបុត្រ

The post អបអរសាទរ! ក្រុមបាល់បោះរទេះនារីកម្ពុជាឈ្នះមេដាយប្រាក់អាស៊ីអូសេអានី-ជម្រុះប៉ារ៉ាឡាំពិក appeared first on Kampuchea Thmey Daily.

ព្រឹកនេះ ក្រុមបាល់បោះរទេះនារីកម្ពុជាប៉ះចិនដណ្តើមមេដាយមាសAOZ-ជម្រុះប៉ារ៉ាឡាំពិក

chean virakbot — Fri, 12 Jan 2024 01:21:41 +0000

ក្រុមបាល់បោះរទេះនារីកម្ពុជាបានកំណត់ត្រាថ្មីក្នុងការទទួលបានជ័យជម្នះ៥ប្រកួតជាប់គ្នាក្នុងព្រឹត្តិការណ៍ជើងឯកអាស៊ី-អូសេអានី IWBF AOZ និងជម្រុះកីឡាប៉ារ៉ាឡាំពិក ឆ្នាំ២០២៤ នៅប្រទេសថៃ។

នៅវគ្គផ្តាច់ព្រ័ត្រដណ្តើមមេដាយមាស ក្រុមបាល់បោះនារីកម្ពុជាត្រូវប៉ះក្រុមខ្លាំងចិន វេលាម៉ោង១០ព្រឹក ថ្ងៃទី១២ ខែមករា ឆ្នាំ២០២៤។

នារីចិនក៏ជាក្រុមខ្លាំងមួយដែលមិនទាន់បរាជ័យដូចកម្ពុជា។ វគ្គសន្សំពិន្ទុក្នុងពូល នារីចិនបានឈ្នះហ្វីលីពីន ១៦-១, ឈ្នះឡាវ ១៧-១ និងឈ្នះថៃ (B) ១៦-៤។ នៅវគ្គខ្វែង៨ក្រុមចុងក្រោយ ចិនបានឈ្នះឥណ្ឌូណេស៊ី ១៩-១ និងវគ្គពាក់កណ្តាលផ្តាច់ព្រ័ត្របានឈ្នះអូស្ត្រាលី ៨-១។

សម្រាប់ក្រុមចំណាត់ថ្នាក់លេខ២ និងលេខ៣ នឹងទទួលបានកៅអីចូលរួមប្រកួតជើងឯក 2024 IWBF Women’s Repechage នៅទីក្រុង Osaka ប្រទេសជប៉ុន។

វគ្គសន្សំពិន្ទុក្នុងពូល

កម្ពុជា ១០-៣ អូស្ត្រាលី
កម្ពុជា ១៤-០ ឥណ្ឌា ១៤-០
កម្ពុជា ៩-២ ថៃ (A)

វគ្គ៨ក្រុមចុងក្រោយ

កម្ពុជា ១៤-៤ ឡាវ

វគ្គពាក់កណ្តាលផ្តាច់ព្រ័ត្រ

កម្ពុជា ៧-៤ ថៃ

អត្ថបទ៖ វីរបុត្រ

The post ព្រឹកនេះ ក្រុមបាល់បោះរទេះនារីកម្ពុជាប៉ះចិនដណ្តើមមេដាយមាសAOZ-ជម្រុះប៉ារ៉ាឡាំពិក appeared first on Kampuchea Thmey Daily.

អបអរ! ក្រុមបាល់បោះរទេះនារីកម្ពុជាឡើងវគ្គផ្តាច់ព្រ័ត្រ ក្រោយឈ្នះថៃ ៧-៤ ជម្រុះប៉ារ៉ាឡាំពិក

chean virakbot — Thu, 11 Jan 2024 14:28:07 +0000

ក្រុមបាល់បោះរទេះនារីកម្ពុជាបានយកឈ្នះក្រុមថៃ ដោយលទ្ធផល ៧-៤ នៅវគ្គពាក់កណ្តាលផ្តាច់ព្រ័ត្រ សម្រាប់វិញ្ញាសា៣ទល់៣ និងបានឡើងទៅកាន់វគ្គផ្តាច់ព្រ័ត្រ ក្នុងព្រឹត្តិការណ៍ប្រកួតជើងឯក តំបន់អាស៊ី-អូសេអានី IWBF AOZ Championship និងជម្រុះព្រឹត្តិការណ៍កីឡាប៉ារ៉ាឡាំពិក ឆ្នាំ២០២៤ នៅប្រទេសថៃ។

ការប្រកួតវគ្គផ្តាច់ព្រ័ត្រ រវាងកម្ពុជា និង ចិន ធ្វើនៅវេលាម៉ោង១០ព្រឹកថ្ងៃសុក្រ ទី១២ ខែមករា ឆ្នាំ២០២៤។

ក្រុមដែលទទួលបានឈ្នះជើងឯកតំបន់អាស៊ី-អូសេអានី IWBF AOZ Champions នឹងទទួលបានកៅអីទៅចូលរួមប្រកួតព្រឹត្តិការណ៍កីឡាប៉ារ៉ាឡាំពិក ឆ្នាំ២០២៤ (Paris 2024 Paralympics Games) នៅទីក្រុងបារីស ប្រទេសបារាំង។ សម្រាប់ក្រុមចំណាត់ថ្នាក់លេខ២ និងលេខ៣ នឹងទទួលបានកៅអីចូលរួមប្រកួតជើងឯក 2024 IWBF Women’s Repechage នៅទីក្រុង Osaka ប្រទេសជប៉ុន។

វគ្គពាក់កណ្តាលផ្តាច់ព្រ័ត្រ

ចិន ៨-១ អូស្ត្រាលី
កម្ពុជា ៧-៤ ថៃ

វគ្គផ្តាច់ព្រ័ត្រ

កម្ពុជា vs ចិន វេលាម៉ោង១០ព្រឹក

អត្ថបទ៖ វីរបុត្រ

The post អបអរ! ក្រុមបាល់បោះរទេះនារីកម្ពុជាឡើងវគ្គផ្តាច់ព្រ័ត្រ ក្រោយឈ្នះថៃ ៧-៤ ជម្រុះប៉ារ៉ាឡាំពិក appeared first on Kampuchea Thmey Daily.

កីឡាប៉ារ៉ាឡាំពិកកម្ពុជា Archives - Kampuchea Thmey Daily

ព្រះ​មហា​ក្សត្រត្រាស់​បង្គាប់​តែង​តាំង​ សមាសភាព​គណៈកម្មាធិការ​ជាតិ​ប៉ារ៉ាឡាំពិកកម្ពុជា​ថ្មី

ប៉ារ៉ាឡាំពិក២០២៤ បំបែកកំណត់ត្រាចំនួនប្រតិភូ និងនារីចូលរួមច្រើនបំផុត

ក្រុមបាល់បោះរទេះនារីកម្ពុជាបានឈ្នះឡាវ៥១-២៧ ជើងឯកអាស៊ី-អូសេអានី

ក្រុមបាល់បោះរទេះនារីកម្ពុជាឈ្នះឥណ្ឌា ៦៦-៣៣ ឡើងឈរលេខ១ពូល B

ម៉ោង១១ព្រឹកនេះ ក្រុមបាល់បោះរទេះនារីកម្ពុជាប៉ះឥណ្ឌាប្រជែងកំពូលតារាង

អបអរសាទរ! ក្រុមបាល់បោះរទេះនារីកម្ពុជាឈ្នះមេដាយប្រាក់អាស៊ីអូសេអានី-ជម្រុះប៉ារ៉ាឡាំពិក

ព្រឹកនេះ ក្រុមបាល់បោះរទេះនារីកម្ពុជាប៉ះចិនដណ្តើមមេដាយមាសAOZ-ជម្រុះប៉ារ៉ាឡាំពិក

អបអរ! ក្រុមបាល់បោះ​រទេះនារីកម្ពុជាឡើងវគ្គផ្តាច់ព្រ័ត្រ ក្រោយឈ្នះថៃ ៧-៤ ជម្រុះប៉ារ៉ាឡាំពិក

ព្រះមហាក្សត្រត្រាស់បង្គាប់តែងតាំង សមាសភាពគណៈកម្មាធិការជាតិប៉ារ៉ាឡាំពិកកម្ពុជាថ្មី

អបអរ! ក្រុមបាល់បោះរទេះនារីកម្ពុជាឡើងវគ្គផ្តាច់ព្រ័ត្រ ក្រោយឈ្នះថៃ ៧-៤ ជម្រុះប៉ារ៉ាឡាំពិក