កីឡាម៉ូតូទឹក Archives - Kampuchea Thmey Daily

ទីលានហ្វឹកហាត់ម៉ូតូទឹកទំហំ ១១ហិចតានេះរឹតតែអំណោយផលដល់ការរៀបចំព្រឹត្តិការណ៍ធំៗ

Sina Noun — Fri, 22 Aug 2025 07:29:02 +0000

អគ្គលេខាធិការសហព័ន្ធកីឡាម៉ូតូទឹកកម្ពុជា ថាទីលានហ្វឹកហាត់ទំហំ ១១ហិចតា នៅឯស្រុកស្នូល ខេត្តក្រចេះ នេះរឹតតែអំណោយផលដល់ការរៀបចំព្រឹត្តិការណ៍ប្រកួតធំៗនៅថ្ងៃខាងមុខឆាប់ៗនេះ។

លោក មាស ម៉ាប់ អគ្គលេខាធិការសហព័ន្ធកីឡាម៉ូតូទឹកកម្ពុជា បានឲ្យដឹងថា ទីលានហ្វឹកហាត់ឯខេត្តក្រចេះសាងសង់ស្ទើររួចរាល់ទាំងស្រុងទៅហើយ។ ចំណែកកីឡាករជម្រើសជាតិ និងយុវជនថ្នាល នឹងមកហ្វឹកហាត់នៅកម្ពុជាវិញអំឡុងខែធ្នូ ២០២៥ ឬដើមឆ្នាំ២០២៦ ខាងមុខ។

ទីលាននេះមិនត្រឹមតែសម្រាប់ហ្វឹកហាត់នោះទេគឺវាអំណោយផលខ្លាំងដល់ការរៀបចំព្រឹត្តិការណ៍ប្រកួតធំៗបានផងដែរ។ សហព័ន្ធគ្រោងនឹងរៀបចំជាការប្រកួតអបអរសារទរថ្ងៃបើកឲ្យប្រើប្រាស់ និងហ្វឹកហាត់នៅពេលឆាប់ៗនេះជូនអ្នកគាំទ្របានទស្សនាកម្សាន្តសប្បាយ។

ទីតាំងផ្សេងៗនៃកន្លែងហ្វឹកហាត់នៅក្រចេះ

តំណាងសហព័ន្ធម៉ូតូទឹកសូមអំពាវនាវដល់ស្ថាប័នពាក់ព័ន្ធទាំងអស់ជួយសម្រួលដល់ការធ្វើលិខិតស្នាមនៃការផ្ទេរពីថៃមកកម្ពុជា និងការដឹកជញ្ជូនសម្ភារហ្វឹកហាត់ដូចជាម៉ូតូ គ្រឿងជួសជុល ឬសម្ភារសំខាន់ៗមួយចំនួនទៀតដើម្បីឲ្យដំណើរការកាន់តែរលូនឆាប់បានចូលហ្វឹកហាត់។

ទីតាំងផ្សេងៗនៃកន្លែងហ្វឹកហាត់នៅក្រចេះ

បញ្ជាក់ដែរថា លោក សាលី អ៊ូមើត ដែលជាអនុប្រធានសហព័ន្ធកីឡាម៉ូតូទឹកកម្ពុជា បានចំណាយថវិកា និងធនធានផ្ទាល់ខ្លួនបង្កើតជាទីលានហ្វឹកហាត់ស្ដង់ដារមួយនៅឯស្រុកស្នូល ខេត្តក្រចេះ ដែលមានទំហំផ្ទៃដីរហូតដល់ ១១ហិចតា។ ក្រៅពីទីលានហ្វឹកហាត់ហើយនោះក៏មានអគារហូបចុក ស្នាក់នៅ និងកន្លែងហាត់រាងកាយ ទីលានបាល់ទាត់ សម្រាប់កម្សាន្តលេងថែមទៀតផង៕

ទិដ្ឋភាពទីលានហ្វឹកហាត់

អត្ថបទដោយ៖ នូន ស៊ីណា

The post ទីលានហ្វឹកហាត់ម៉ូតូទឹកទំហំ ១១ហិចតានេះរឹតតែអំណោយផលដល់ការរៀបចំព្រឹត្តិការណ៍ធំៗ appeared first on Kampuchea Thmey Daily.

កីឡាករម៉ូតូទឹកកម្ពុជា សាលី ហ្វីលីន ឈ្នះមេដាយមាស១ ប្រាក់១នៅអាមេរិក

chean virakbot — Wed, 09 Oct 2024 01:57:37 +0000

កីឡាករម៉ូតូទឹកជម្រើសជាតិកម្ពុជា សាលី ហ្វីលីន បានឈ្នះមេដាយមាស១គ្រឿង និងប្រាក់១គ្រឿង ក្នុងព្រឹត្តិការណ៍ប្រកួតកីឡាម៉ូតូទឹកលំដាប់ពិភពលោក WGP1 World Serie America-USA ជុំទី២ នៅសហរដ្ឋអាមេរិក។

សាលី ហ្វីលីន បានឈ្នះមេដាយមាស១គ្រឿង លើវិញ្ញាសា Novice Ski Stock និងមេដាយប្រាក់១គ្រឿង លើវិញ្ញាសា Amateur Runabout Rec Lites។ ការប្រកួតនៅមិនទាន់ចប់ទេ រូបគេនឹងត្រូវបន្តប្រកួតលើវិញ្ញាសាផ្សេងទៀត។

ព្រឹត្តិការណ៍ WGP1 Waterjet World Series 2024 ជុំទី២ធ្វើនៅសមុទ្រ Lake Havasu រដ្ឋអារីសូណា សហរដ្ឋងាមេរិក ដែលមាន៥វិញ្ញាសាគឺ Sport GP, Endurnce Open, Pro Ski Stock, Pro Runabout Stock និង Export Ski Modified ចាប់ពីថ្ងៃទី៧ ដល់ថ្ងៃទី១៣ ខែតុលា ឆ្នាំ២០២៤ ដែលមានកីឡាករមកពីទូទាំងពិភពលោក។

កីឡាករកម្ពុជាបានទៅហ្វឹកហាត់នៅសហរដ្ឋអាមេរិកជាច្រើនថ្ងៃមកហើយដើម្បីចូលរួមប្រកួតក្នុងព្រឹត្តិការណ៍ម៉ូតូទឹកផ្សេងៗ៕

អត្ថបទ៖ វីរបុត្រ

The post កីឡាករម៉ូតូទឹកកម្ពុជា សាលី ហ្វីលីន ឈ្នះមេដាយមាស១ ប្រាក់១នៅអាមេរិក appeared first on Kampuchea Thmey Daily.

អបអរសាទរ! ម៉ឺន មូសស្តាន និង សាលី ហ្វីលីន ឈ្នះមេដាយមាសម្នាក់១ដូចគ្នានៅថៃ

chean virakbot — Wed, 10 Apr 2024 02:00:01 +0000

កីឡាករម៉ូតូទឹកជម្រើសជាតិកម្ពុជា សាលី ហ្វីលីន និងកីឡាករ ម៉ីន មូសស្តាន បានឈ្នះមេដាយមាសម្នាក់១គ្រឿងដូចគ្នាពីការប្រកួតម៉ូតូទឹក WATER JET PRO TOUR 2024 ជុំទី១ នៅប្រទេសថៃ កាលពីចុងសប្តាហ៍កន្លងទៅនេះ។

តាមការឲ្យដឹងពីសហព័ន្ធកីឡាម៉ូតូទឹកកម្ពុជានៅព្រឹកថ្ងៃទី១០ ខែមេសា ឆ្នាំ២០២៤ កីឡាករ សាលី ហ្វីលីន បានឈ្នះមេដាយមាស១គ្រៀង លើវិញ្ញាសា EXPERT RUNABOUT 1100 STOCK។ ចំណែកកីឡាករ ម៉ីន មូសស្តាន បានបានឈ្នះមេដាយមាស១គ្រៀង លើវិញ្ញាសា PRO SKI GP នៅក្នុងកម្មវិធីជាមួយគ្នា។

តាមសេចក្តីប្រកាសរបស់កម្មវិធី Jet Ski World Series ការប្រកួត WATER JET PRO TOUR 2024 នៅប្រទេសថៃមាន៤ជុំគឺ ជុំទី១ នៅថ្ងៃទី៦-៧ ខែមេសា, ជុំទី២ នៅថ្ងៃទី៤-៥ ខែឧសភា, ជុំទី៣ នៅថ្ងៃទី១៣-១៤ ខែកក្កដា និងជុំទី៤ នៅថ្ងៃទី១៨-១៩ ខែសីហា ឆ្នាំ២០២៤ ដែលមានកីឡាករជាច្រើនមកពីជុំវិញពិភពលោក៕

អត្ថបទ៖ វីរបុត្រ
ប្រភព៖ សហព័ន្ធកីឡាម៉ូតូទឹកកម្ពុជា

The post អបអរសាទរ! ម៉ឺន មូសស្តាន និង សាលី ហ្វីលីន ឈ្នះមេដាយមាសម្នាក់១ដូចគ្នានៅថៃ appeared first on Kampuchea Thmey Daily.

សាលី អ៊ូម៉ើត«ការឈ្នះមេដាយនៅអាមេរិកគឺជាការលើកមុខមាត់កម្ពុជា

Pha Rothana — Wed, 25 Oct 2023 09:17:49 +0000

ក្រុមកីឡាករម៉ូតូទឹកកម្ពុជាបានឈ្នះមេដាយចំនួន៩គ្រឿងគឺមាស៤ ប្រាក់៤ និងសំរិទ្ធ១ក្នុងព្រឹត្តិការណ៍ប្រកួតលំដាប់ពិភពលោក Water Jet Ski World Series ឆ្នាំ២០២៣ នៅសហរដ្ឋអាមេរិកដែលការទទួលបានលទ្ធផលគួរជាទីគាប់ប្រសើរនេះជាការលើកមុខមាត់កម្ពុជាលើឆាកអន្តរជាតិ។

បន្ទាប់ពីធ្វើដំណើរមកដល់កម្ពុជាកាលពីល្ងាចថ្ងៃទី២៤ ខែតុលា វីរកីឡាករ សាលី អ៊ូម៉ើត ដែលបានដឹកនាំក្រុមកីឡាករកម្ពុជាទៅចូលរួមប្រកួតបាននិយាយក្នុងបទសម្ភាសថា៖«សម្រាប់ជ័យជម្នះដណ្តើមមេដាយក្នុងព្រឹត្តិការណ៍លំដាប់ពិភពលោកនេះបានបង្ហាញពីកម្ពុជាជាប្រទេសតូច ប៉ុន្តែមានបេះដូង និងឆន្ទៈធំ។ ការខិតខំប្រឹងប្រែងនេះគឺដើម្បីឲ្យប្រទេសមហាអំណាចនានាបានស្គាល់កម្ពុជា»។

កីឡាករ សាលី អ៊ូម៉ើត បានបន្ថែមថា៖«សម្រាប់ជ័យជម្នះនេះគឺបង្ហាញពីការដឹកនាំក្រុមម៉ូតូទឹកផ្ទាល់ដោយរូបខ្ញុំជាមួយការបង្វឹកយ៉ាងយកចិត្តទុកដាក់។ ទោះបីក្រុមកីឡាកររបស់យើងមានវ័យក្មេង ប៉ុន្តែពួកគេមានសមត្ថភាព។ ចំពោះបទពិសោធដែលខ្ញុំមានកន្លងមក ខ្ញុំបានចែករំលែកដល់ក្រុមកីឡាករក្មេងៗរបស់យើង។ ខ្ញុំតែងតែលើកទឹកចិត្តឲ្យខំប្រឹងឡើងកុំបាក់ទឹកចិត្តនៅអ្វីដែលយើងជួបហើយត្រូវប្រឹងដើម្បីឲ្យគេស្គាល់ប្រទេសកម្ពុជាយើង និងមើលឃើញថាកូនខ្មែរយើងអាចធ្វើបាន»។

មេដាយសរុប៩គឿងរួមមាន

កីឡាករ សាលី អ៊ូម៉ើត ឈ្នះមេដាយមាស១
កីឡាករ សាលី ហ្វីលីន ឈ្នះមេដាយមាស២ ប្រាក់២ និងសំរិទ្ធ១
កីឡាករ កៃវ៉ាន់ ស៊ីដែន ឈ្នះមេដាយមាស១
កីឡាករ ម៉ីន ម៉ូស្តាន់ មេដាយប្រាក់២

អត្ថបទ៖ ផា រតនា

The post សាលី អ៊ូម៉ើត«ការឈ្នះមេដាយនៅអាមេរិកគឺជាការលើកមុខមាត់កម្ពុជា appeared first on Kampuchea Thmey Daily.

ប្រធានម៉ូតូទឹកកម្ពុជាកំពុងជួយកីឡាករមានស្នាដៃឲ្យបានក្របខណ្ឌរដ្ឋ

chean virakbot — Thu, 12 Oct 2023 03:50:50 +0000

លោក ណុះ ស្លេះ ប្រធានសហព័ន្ធកីឡាម៉ូតូទឹកកម្ពុជាកំពុងជ្រោមជ្រែងអត្តពលិករបស់ខ្លួនដែលបានសាងស្នាដៃជូនជាតិឲ្យបានជាប់ក្របខណ្ឌរដ្ឋដើម្បីជាការលើកទឹកចិត្ត និងជំរុញកីឡានេះឲ្យរីកចម្រើន។

នារសៀលថ្ងៃទី១១ ខែតុលា ឆ្នាំ២០២៣ សហព័ន្ធកីឡាម៉ូតូទឹកកម្ពុជាបានរៀបចំកិច្ចប្រជុំពិសេសមួយនៅទីស្នាក់ការនៃគណៈកម្មាធិការជាតិអូឡាំពិកកម្ពុជាដើម្បីបូកសរុបលទ្ធផលការងារដែលបានអនុវត្តកន្លងមក និងដោះស្រាយបញ្ហាប្រឈមដែលកំពុងកើតមាន ព្រមទាំងលើកទិសដៅសម្រាប់ការអភិវឌ្ឍកីឡាម៉ូតូទឹកនៅកម្ពុជានាពេលខាងមុខ។

លោក ណុះ ស្លេះ ប្រធានសហព័ន្ធម៉ូតូទឹកកម្ពុជា

លោក ណុះ ស្លេះ បានលើកឡើងពីសមិទ្ធផលសំខាន់ៗដែលសហព័ន្ធម៉ូតូទឹកកម្ពុជាសម្រេចបានក្នុងឆ្នាំ២០២២ និង២០២៣។ ក្នុងនោះសហព័ន្ធបានរៀបចំព្រឹត្តិការណ៍ប្រកួតអន្តរជាតិនៅខេត្តព្រះសីហនុ នៅខែឧសភា ឆ្នាំ២០២២ និងរៀបចំការប្រកួតថ្នាក់ជាតិក្នុងខែវិច្ឆិកា ឆ្នាំ២០២២ ដើម្បីត្រៀមខ្លួនសម្រាប់កីឡាស៊ីហ្គេមឆ្នាំ២០២៣។ បន្ទាប់មកក្នុងនាមជាម្ចាស់ផ្ទះរៀបចំការប្រកួតកីឡាស៊ីហ្គេម កីឡាម៉ូតូទឹកកម្ពុជាបានឈ្នះមេដាយមាស១ ប្រាក់១ និងសំរិទ្ធ២ដើម្បីរួមចំណែកជួយដល់កម្ពុជាក្នុងនាមជាម្ចាស់ផ្ទះ។

លោកប្រធានសហព័ន្ធបានបន្តថា មិនត្រឹមតែប៉ុណ្ណោះ កីឡាករម៉ូតូទឹកកម្ពុជាបានចេញទៅប្រកួតនៅក្រៅប្រទេសដែលបាននាំសមិទ្ធផលជូនជាតិជាបន្តបន្ទាប់។ ទាំងនេះជាការខិតខំប្រឹងប្រែងរបស់គណៈកម្មការប្រតិបត្តិរបស់សហព័ន្ធ ពីក្រសួងអប់រំ យុវជន និងកីឡា ជាពិសេសកីឡាករទាំងអស់ដែលបានធ្វើឲ្យសហព័ន្ធមានមោទនភាព និងអរគុណជាអនេក។

បន្ទាប់ពីកិច្ចប្រជុំចប់ សហព័ន្ធបានរៀបចំសន្និសីទសារព័ត៌មានដើម្បីផ្តល់ឱកាសឲ្យអ្នកសារព័ត៌មានបានសួរពាក់ព័ន្ធនឹងបច្ចុប្បន្នភាព និងទិសដៅរបស់សហព័ន្ធ។ ឆ្លើយតបនឹងអ្នកសារព័ត៌មាន លោក ណុះ ស្លេះ បានឲ្យដឹងថា ៖«ភ្ជាប់ជាមួយនឹងផែនការបណ្តុះបណ្តាលថ្នាលយុវជននៅសាលារៀនតាមបណ្តាខេត្តមួយចំនួន វីរកីឡាករ និងកីឡាករឆ្នើមៗមួយចំនួននឹងត្រូវបានផ្តល់ឲ្យពួកគាត់ក្លាយជាគ្រូបង្វឹកដើម្បីរួមចំណែកដល់ការអភិវឌ្ឍ»។

«ជាការលើកទឹកចិត្តបន្ថែមទៀត សហព័ន្ធបានរៀបចំស្នើទៅក្រសួងមហាផ្ទៃដើម្បីបញ្ចូលជាក្របខណ្ឌរដ្ឋដល់កីឡាកររបស់យើង។ ក្នុងនោះកីឡាករ២រូបគឺវីរកីឡាករ សាលី អ៊ូម៉ើត និង ម៉ីន ម៉ូស្តាន់ ឲ្យចូលក្នុងក្របខណ្ឌនគរបាលជាតិ។ យើងកំពុងរៀបចំស្នើ ខាងក្រសួងមហាផ្ទៃបានទទួលហើយ»។ លោក ណុះ ស្លិះ បានរៀបរាប់។

លោក ណុះ ស្លេះ បានបន្តថា ៖«ទី២ កីឡាកររបស់យើង កៃ វ៉ាន់ស៊ីដែន បានចូលក្របខណ្ឌរួចហើយក្នុងក្រសួងការពារជាតិគឺនៅសមាគមកីឡាក្រសួងការពារជាតិ។ យើងនឹងស្នើសុំបន្តទៀតដើម្បីលើកទឹកចិត្តកីឡាកររបស់យើងដែលមានស្នាដៃ មានសមត្ថភាពដណ្តើមបានមេដាយមាសពីការប្រកួតនានាទាំងកម្រិតតំបន់ និងអន្តរជាតិដែលលេចធ្លោដើម្បីលើកទឹកចិត្តពួកគាត់ឲ្យមានលំនឹង។ មិនមែនដើម្បីតែអាជីពកីឡាតែមួយមុខនោះទេ ប៉ុន្តែអនាគតរបស់ពួកគាត់ជាមន្ត្រីរាជការ មន្ត្រីនគរបាលជាតិដែលទាំងអស់នេះរាជរដ្ឋាភិបាលតែងតែងយកចិត្តទុកដាក់ លើកទឹកចិត្តឲ្យមានអនាគតវែងឆ្ងាយបន្ថែមទៀត»។

តាមការគ្រោងទុកបឋម សហព័ន្ធកីឡាម៉ូតូទឹកកម្ពុជានឹងរៀបចំបណ្តុះបណ្តាលនៅតាមសាលារៀនមួយចំនួននៅក្នុងខេត្តព្រះសីហនុ កំពង់ចាម ក្រចេះ និងរតនគិរីដែលខេត្តមានកន្លែងបើកម៉ូតូទឹក៕

អត្ថបទ៖ វីរបុត្រ

The post ប្រធានម៉ូតូទឹកកម្ពុជាកំពុងជួយកីឡាករមានស្នាដៃឲ្យបានក្របខណ្ឌរដ្ឋ appeared first on Kampuchea Thmey Daily.

អបអរសាទរ! សាលី ហ្វីលីន ឈ្នះមេដាយកម្រិតពិភពលោកមាស១ និងប្រាក់១

chean virakbot — Wed, 04 Oct 2023 02:33:10 +0000

កីឡាករម៉ូតូទឹកកម្ពុជា សាលី ហ្វីលីន ដែលត្រូវជាប្អូនប្រុសរបស់ សាលី អ៊ូម៉ើត បានឈ្នះមេដាយមាស១គ្រឿង និងប្រាក់១គ្រឿង ក្នុងព្រឹត្តិការណ៍ប្រកួតកម្រិតពិភពលោក WGP1. WATER JET WORLD SERIES 2023 នៅសហរដ្ឋអាមេរិក។

មេដាយមាសកីឡាករ សាលី ហ្វីលីន បានឈ្នះលើវិញ្ញាសា Amateur Runabout 1100 Limited និងមេដាយប្រាក់បានឈ្នះលើវិញ្ញាសា Amateur Runabout Rec Lites។ ការប្រកួតធ្វើនៅឆ្នេរសមុទ្រក្នុងទីក្រុង Lake Havscu រដ្ឋអារីសូណា សហរដ្ឋអាមេរិក នៅថ្ងៃទី២-៣ ខែតុលា ឆ្នាំ២០២៣៕

អត្ថបទ៖ វីរបុត្រ

The post អបអរសាទរ! សាលី ហ្វីលីន ឈ្នះមេដាយកម្រិតពិភពលោកមាស១ និងប្រាក់១ appeared first on Kampuchea Thmey Daily.

អបអរសាទរ! ក្រុមម៉ូតូទឹកកម្ពុជាឈ្នះមេដាយមាសកម្រិតពិភពលោក WGP1នៅបារាំង

chean virakbot — Mon, 31 Jul 2023 04:24:34 +0000

ក្រុមកីឡាករម៉ូតូទឹកជម្រើសជាតិកម្ពុជាបានឈ្នះមេដាយមាសពីការប្រកួតកម្រិតពិភពលោក “WGP#1 Waterjet World Series 2023” ជុំទី២ នៅប្រទេសបារាំងកាលពីចុងសប្តាហ៍កន្លងទៅនេះ។

ក្រុមកីឡាករម៉ូតូទឹកជម្រើសជាតិកម្ពុជាដែលបានចូលរួមប្រកួតនេះមាន កីឡាករ សាលី ហ្វីលីន , កៃ វ៉ាន់ស៊ីដែន, មិន អូស្មាន និងកីឡាករ សាលី អ៊ូម៉ើត។

ការប្រកួតដែលធ្វើឡើងនៅឆ្នេរសមុទ្រនៃទីក្រុង Vichy ប្រទេសបារាំងចាប់ពីថ្ងៃទី២៨ ដល់ទី៣០ ខែកក្កដា ឆ្នាំ២០២៣ ប្រជុំដោយកីឡាករ កីឡាការិនីម៉ូតូទឹកកំពូលប្រមាណ១៣០នាក់មកពី២២ប្រទេសគឺមកពីតំបន់អឺរ៉ុប អាហ្វ្រិក អាមេរិក អូសេអានី និងអាស៊ី។

តាមការគ្រោងទុក ការប្រកួតនឹងជ្រើសរើសកីឡាករ និងក្រុមឆ្នើមៗបន្តទៅប្រកួតជុំទី៣ និងទី៤ទៀត៕

អត្ថបទ៖ វីរបុត្រ

The post អបអរសាទរ! ក្រុមម៉ូតូទឹកកម្ពុជាឈ្នះមេដាយមាសកម្រិតពិភពលោក WGP1នៅបារាំង appeared first on Kampuchea Thmey Daily.

ម៉ូតូទឹកកម្ពុជា ចេញទៅប្រកួតជើងឯកពិភពលោក សម្រាប់ជុំចុងក្រោយ នៅប្រទេសថៃ

អ៊ិន ពិសី — Thu, 15 Dec 2022 06:56:31 +0000

ក្រុមប្រណាំងម៉ូតូទឹកជម្រើសជាតិកម្ពុជា បានចេញទៅប្រកួតកីឡាម៉ូតូទឹកជើងឯកពិភពលោក ជុំចុងក្រោយ (Jet Ski World Series) ឆ្នាំ ២០២២ នៅទីក្រុងប៉ាតាយ៉ា ប្រទេសថៃ ខណៈការចេញនេះគ្រប់គ្រាន់សម្រាប់ការត្រៀមខ្លួនប្រជែងមេដាយ និងម្ចាស់ការរៀបចំព្រឹត្តិការណ៍កីឡាស៊ីហ្គេម លើកទី ៣២ ឆ្នាំ ២០២៣ ដែលកម្ពុជាធ្វើជាម្ចាស់ផ្ទះប្រកបដោយសក្ដានុពល និងភាពជឿជាក់។

លោក ប៊ូ វិរៈ អគ្គលេខាធិការសហព័ន្ធកីឡាម៉ូតូទឹកកម្ពុជា ថ្លែងនៅទីក្រុងប៉ាតាយ៉ា ប្រទេសថៃ កាលពីល្ងាចថ្ងៃទី ១៤ ខែធ្នូ ឆ្នាំ ២០២២ ថា ការប្រកួតកម្រិតអន្តរជាតិនេះ គឺមានសារសំខាន់ខ្លាំងសម្រាប់សហព័ន្ធ ក្នុងការពង្រឹងសមត្ថភាពកីឡាករ និងមន្ត្រីបច្ចេកទេស ជាពិសេសពង្រឹងលើការរៀបចំ ដើម្បីស្ទាបស្ទង់ និងដកបទពិសោធន៍ពីចំណុចខ្វះខាត យកមកសិក្សាស្វែងយល់រកចំណុចខ្លាំងលើគ្រប់ផ្នែកឲ្យបានរួចរាល់ និងល្អប្រសើរ។

ការប្រកួតជើងឯកពិភពលោក ជុំចុងក្រោយនេះ សហព័ន្ធមានទំនុកចិត្តលើកីឡាករកម្ពុជា ទាំង ៧ រូប ជាពិសេសកីឡាករ សាលី អូម៉ើត ជាម្ចាស់មេដាយមាស កីឡាអាស៊ី ឆ្នាំ ២០១៨ នៅប្រទេសឥណ្ឌូណេស៊ី និងជាកីឡាករលេចធ្លោដែលទទួលបានការកោតសរសើរពីកីឡាករអន្តរជាតិ រួមជាមួយកីឡាករខ្លាំងៗជាច្រើនរូបទៀត ដូចជា មីន ម៉ូស្តាន់ និង កៃ វ៉ាន់សីដេន ជាដើម។

សូមបញ្ជាក់ថា ការប្រកួតកីឡាម៉ូតូទឹកជើងឯកពិភពលោក (Jet Ski World Series) ជុំចុងក្រោយ ឆ្នាំ ២០២២ នៅទីក្រុងប៉ាតាយ៉ា ប្រទេសថៃ កម្ពុជា បានបញ្ជូនកីឡាករ ៧ រូប និងមន្ត្រីបច្ចេកទេស ៨ រូប ចូលរួម និងប្រតិភូដឹកនាំដោយ លោក ណុះ ស្លេះ ប្រធានសហព័ន្ធកីឡាម៉ូតូទឹកកម្ពុជា៕

អត្ថបទ ៖ មន្នីរ័ត្ន

The post ម៉ូតូទឹកកម្ពុជា ចេញទៅប្រកួតជើងឯកពិភពលោក សម្រាប់ជុំចុងក្រោយ នៅប្រទេសថៃ appeared first on Kampuchea Thmey Daily.

កីឡាម៉ូតូទឹក Archives - Kampuchea Thmey Daily

ទីលាន​ហ្វឹកហាត់​ម៉ូតូទឹក​ទំហំ​ ១១ហិចតា​នេះ​រឹតតែ​អំណោយផល​ដល់​ការ​រៀបចំ​ព្រឹត្តិការណ៍​ធំៗ

កីឡាករ​ម៉ូតូទឹកកម្ពុជា សាលី ហ្វីលីន ឈ្នះ​មេដាយ​មាស១ ប្រាក់១​នៅ​អាមេរិក

អបអរសាទរ! ម៉ឺន មូសស្តាន និង សាលី ហ្វីលីន ឈ្នះមេដាយមាសម្នាក់១ដូចគ្នានៅថៃ

សាលី អ៊ូម៉ើត«ការឈ្នះមេដាយនៅអាមេរិកគឺជាការលើកមុខមាត់កម្ពុជា

ប្រធាន​ម៉ូតូទឹកកម្ពុជាកំពុងជួយកីឡាករ​មានស្នាដៃឲ្យបានក្របខណ្ឌរដ្ឋ

អបអរសាទរ! សាលី ហ្វីលីន ឈ្នះមេដាយកម្រិតពិភព​លោកមាស១ និងប្រាក់១

អបអរសាទរ! ក្រុម​ម៉ូតូ​ទឹក​កម្ពុជា​ឈ្នះ​មេដាយ​មាស​កម្រិត​ពិភព​លោក WGP1នៅបារាំង

ម៉ូតូទឹកកម្ពុជា ចេញទៅប្រកួតជើងឯកពិភពលោក សម្រាប់ជុំចុងក្រោយ នៅប្រទេសថៃ

ទីលានហ្វឹកហាត់ម៉ូតូទឹកទំហំ ១១ហិចតានេះរឹតតែអំណោយផលដល់ការរៀបចំព្រឹត្តិការណ៍ធំៗ

កីឡាករម៉ូតូទឹកកម្ពុជា សាលី ហ្វីលីន ឈ្នះមេដាយមាស១ ប្រាក់១នៅអាមេរិក

ប្រធានម៉ូតូទឹកកម្ពុជាកំពុងជួយកីឡាករមានស្នាដៃឲ្យបានក្របខណ្ឌរដ្ឋ

អបអរសាទរ! សាលី ហ្វីលីន ឈ្នះមេដាយកម្រិតពិភពលោកមាស១ និងប្រាក់១

អបអរសាទរ! ក្រុមម៉ូតូទឹកកម្ពុជាឈ្នះមេដាយមាសកម្រិតពិភពលោក WGP1នៅបារាំង