តាមការចុះផ្សាយរបស់ VN Express, ដោយសារភ្លៀងធ្លាក់ខ្លាំងបែបនេះហើយ ទើបទឹកឡើងលឿន ហើយដងផ្លូវខ្លះ ត្រូវលិចជម្រៅដល់ទៅមួយម៉ែត្រឯណោះ ជាហេតុរំខានដល់ការធ្វើដំណើរនិងជីវិតរស់នៅរបស់ប្រជាជន។

ជុំវិញបញ្ហានេះដែរ​ អាជ្ញាធរកោះ Phu Quoc បានដាក់ពង្រាយកងកម្លាំង រួមមានប៉ូលិសនិងទាហាន ដើម្បីជួយជម្លៀសមនុស្សចេញពីតំបន់លិចលង់ខ្លាំង ហើយក៏ប្រុងជើងការ ដោះស្រាយករណីបន្ទាន់ណាមួយផងដែរ។

ស្របពេលជាមួយគ្នានោះ បើយោងតាមស្ថានីយ៍ឧតុនិយមនិងជលសាស្ត្រខេត្ត Kien Giang, ទឹកភ្លៀងត្រូវព្យាករថា នឹងបន្តធ្លាក់នៅប៉ុន្មានថ្ងៃទៀត ហើយអាចឈានដល់កម្រិត ៥ទៅ១០មិល្លីម៉ែត្រក្នុងមួយម៉ោង ខណៈតំបន់មួយចំនួនអាចលោតដល់ ២០មិល្លីម៉ែត្រក្នុងមួយម៉ោងឯណោះ។

មិនត្រឹមប៉ុណ្ណឹង ឆ្នេរសមុទ្រខេត្ត Kien Giang មានខ្យល់កន្ត្រាក់ល្បឿនពី៥០ទៅ៧៤គីឡូម៉ែត្រក្នុងមួយម៉ោង និងរលកសមុទ្រធំៗកម្ពស់១.៥ ទៅ៣ម៉ែត្រ។

ពាក់ព័ន្ធគ្រោះធម្មជាតិនៅវៀតណាមនេះផងដែរ បើងាកទៅមើលភាគខាងជើងវិញ អាជ្ញាធរនៅទីនោះបានចេញការព្រមានឲ្យពលរដ្ឋ ត្រូវត្រៀមលក្ខណៈជាមុន ព្រោះថា នៅចុងខែនេះ នឹងមានព្យុះ១ឬ២ទៀត វាយប្រហារ។

តាំង​ពី​ដើម​ឆ្នាំនេះ​មក សមុទ្រចិនខាងត្បូង​ កកើត​ខ្យល់​ព្យុះ​ចំនួន​បីរួចទៅហើយ ដែលក្នុងចំណោមនោះ ព្យុះទីហ្វុង យ៉ាកជី មានឥទ្ធិពលខ្លាំងជាងគេ ដោយបោកបក់នៅខេត្ត ក្វាងនិញ។

លើសពីនេះ ឥទ្ធិពលព្យុះ យ៉ាកជី ថែមទាំងសម្លាប់មនុស្សចំនួន២៩២នាក់ និង៦៧នាក់បាត់ខ្លួន ហើយធ្វើឲ្យទឹកទន្លេហក់ឡើងខ្ពស់ ជន់លិចផ្ទះជាង ៧៣ ០០០ខ្នងនៅភាគខាងជើងទៀតផង ខណៈទីក្រុងហាណូយ ក៏រងគ្រោះធ្ងន់ធ្ងរដែរ៕

អត្ថបទ៖ សុខ សុវណ្ណ

ចុចអាន៖ ព្យុះទីហ្វុង Talim កំពុងបង្កការជន់លិចកោះ Phu Quoc របស់ វៀតណាម

The post កោះ Phu Quoc លិចលង់ ក្រោយភ្លៀងធ្លាក់ខ្លាំង បង្កទុក្ខលំបាកដល់ប្រជាជននិងទេសចរ appeared first on Kampuchea Thmey Daily.

សំបុត្រពីហាណូយទៅ Phu Quoc នៅថ្ងៃនោះនឹងមានតម្លៃ ១៤៣ ដុល្លារ ដល់ ២១៧ ដុល្លារ ។ ចំណែកសំបុត្រ Business class នឹងមានតម្លៃ ៥៣៥ ដុល្លារ ឯណោះ ។ ដូច្នេះសណ្ឋាគារមួយចំនួននៅភាពខាងជើងនៃកោះ Phu Quoc នឹងត្រៀមបញ្ចុះតម្លៃ ព្រោះមិនចង់បន្ថែមបន្ទុកដល់ភ្ញៀវទេសចរ ។

សណ្ឋាគារធ្វើការបញ្ចុះតម្លៃ ២៥ ភាគរយសម្រាប់អ្នកទិញសំបុត្រការប្រគំតន្ត្រី រួមមាន Vinpearl Phu Quoc, Wyndham Grand, Radisson Blu និង Wyndham Garden ពីថ្ងៃទី១៤ ដល់ ១៩ ខែធ្នូ និងបញ្ចុះតម្លៃ ៥០ ភាគរយទៅលើកន្លែងកម្សាន្ត VinWonders នៅថ្ងៃទី១៦ ខែធ្នូ ផងដែរ ។

សូមជម្រាបថា សំបុត្រចូលទស្សនាការប្រគំតន្ត្រី Maroon 5 នឹងមានតម្លៃចាប់ពី ៤១ ដល់ ៤០៧ ដុល្លារទៅតាមកន្លែងអង្គុយ ។​ ប្រាកដណាស់ ការប្រគុំតន្ត្រីដូចជា Maroon 5 គឺជាឱកាសមួយសម្រាប់កោះ Phu Quoc ដើម្បីផ្សព្វផ្សាយខ្លួនឯងដល់ភ្ញៀវទេសចរក្នុងស្រុក និងបរទេសយ៉ាងមានប្រសិទ្ធភាព ៕

ប្រែសម្រួល៖ វារី

ប្រភព៖ vnexpress

ចុចអាន៖ ក្រុម Maroon 5 នឹងសម្ដែងលើកោះ Phu Quoc នៅខែធ្នូ

The post ការប្រគំតន្ត្រី Maroon 5 នៅកោះ Phu Quoc ធ្វើឲ្យតម្លៃសំបុត្រយន្ដហោះឡើងថ្លៃ appeared first on Kampuchea Thmey Daily.

អ្នករៀបចំកម្មវិធីបានប្រាប់សារព័ត៌មានថា ក្រុមនេះនឹងសម្តែងបទល្បីៗរបស់ពួកគេរួមមាន “This Love” “Moves Like Jagger” “Makes Me Wonder” “One More Night” និង “Sugar” ។ ចំណែកផែនទីកន្លែងទស្សនានឹងបង្ហាញជាសាធារណៈឆាប់ៗនេះ ខណៈពេលសំបុត្រនឹងដាក់លក់វេលាម៉ោង ៨ យប់ ថ្ងៃទី២ ខែវិច្ឆិកា ។

ដោយឡែក ពិធីបុណ្យរដូវរងា 8Wonder នឹងប្រព្រឹត្តទៅចាប់ពីថ្ងៃទី៣០ ខែតុលា ដល់ថ្ងៃទី៧ ខែមករា ឆ្នាំ២០២៤ ។ ដូច្នេះដំណឹងខាងលើ ធ្វើឲ្យអ្នកគាំទ្រនៅអាស៊ីរំភើបចិត្តយ៉ាងខ្លាំង និងរង់ចាំដណ្ដើមគ្នាទិញសំបុត្រទៀតផង ។

គួរជម្រាបថា ក្រុម Maroon 5 ត្រូវបានបង្កើតឡើងក្នុងឆ្នាំ ១៩៩៤ នៅពេលដែលសមាជិកដើមមាន Adam Levine, Jesse Carmichael, Mickey Madden និង Ryan Dusick ។ ក្រោយមក Madden និង Dusick ត្រូវបានជំនួសដោយ James Valentine, Matt Flynn, PJ Morton, និង Sam Farrar រហូតដល់បច្ចុប្បន្ន ។

ពួកគេធ្លាប់ទទួលពានរង្វាន់ Grammy ចំនួន ៣ រង្វាន់ឯណោះ ថែមទាំងរកចំណូលបានដល់ទៅ ១៣៥ លានដុល្លារទៀតផង ៕

ប្រែសម្រួល៖ វារី

ប្រភព៖ vnexpress

ចុចអាន៖ Maroon 5 ប្រកាសមកប្រគំតន្ត្រីនៅ អាស៊ី

The post ក្រុម Maroon 5 នឹងសម្ដែងលើកោះ Phu Quoc នៅខែធ្នូ appeared first on Kampuchea Thmey Daily.

ក្រុមហ៊ុន​អាកាសចរណ៍​ថវិកា​វៀតណាម Vietjet Air បានដាក់សំណើទៅ​គណៈកម្មាធិការ​ប្រជាជន​ខេត្ត Kien Giang និងរដ្ឋបាលទេសចរណ៍ជាតិ ដើម្បីស្វាគមន៍​ភ្ញៀវទេសចរ​បរទេសដំបូងគេ ​ចាប់តាំងពីការចាប់ផ្តើមកម្មវិធីលិខិតឆ្លងដែនវ៉ាក់សាំង។ ហើយ​ភ្ញៀវ​កូរ៉េខាងត្បូង​ នឹង​ស្នាក់នៅ Vinpearl Resort និង Spa Phu Quoc។

ប្រសិនបើមានការយល់ព្រមពីអាជ្ញាធរមូលដ្ឋាន និងរដ្ឋបាលជាតិទេសចរណ៍វៀតណាម ជើងហោះហើរនេះ​នឹងចាកចេញពីអាកាសយានដ្ឋាន Incheon របស់​កូរ៉េខាងត្បូង មកដល់​អាកាសយានដ្ឋាន Phu Quoc នៅម៉ោង ១២:០០ ព្រឹក ថ្ងៃទី ២០ ខែវិច្ឆិកា មុនពេល​ត្រឡប់ទៅកូរ៉េ​ខាងត្បូងវិញ​បី​ថ្ងៃក្រោយមក។

អ្នកទេសចរនឹងត្រូវបានតម្រូវ​ឲ្យ​ដំឡើងកម្មវិធី IGOVN ដែលត្រូវបានបង្កើតឡើង​ដោយក្រសួង​សន្តិសុខ​សាធារណៈរបស់វៀតណាម និងកម្មវិធីបង្ការ គ្រប់គ្រងកូវីដ១៩ជាតិ របស់វៀតណាម​ នៅលើទូរសព្ទរបស់ពួកគេ ហើយប្រើប្រាស់វាពេញមួយជីវិតរបស់ពួកគេនៅ Phu Quoc។

ក្នុងចំណោមតំបន់ទេសចរណ៍ ដែលគ្រោងនឹងស្វាគមន៍ភ្ញៀវទេសចរ មាន VinWonder, Safari និង GrandWorld ។

យោងតាមលោក Pham Van Nghiep អនុប្រធានគណៈកម្មាធិការប្រជាជនកោះ Phu Quoc បានឲ្យដឹងថា មូលដ្ឋានបានរៀបចំនីតិវិធី​ជាច្រើន ដើម្បីធានាសុវត្ថិភាពក្នុងការរៀបចំ​ទទួលភ្ញៀវ​មកវិញ។

គួរ​បញ្ជាក់ថា កោះនេះកំពុងពន្លឿនយុទ្ធនាការចាក់ថ្នាំបង្ការជំងឺកូវីដ-១៩ សម្រាប់​អ្នក​ដែល​មាន​អាយុ ១៨ ឆ្នាំ ហើយ​សង្ឃឹមថា នឹងសម្រេចបានគោលដៅរបស់​ខ្លួន​ត្រឹម​ថ្ងៃទី ២០ ខែ ​វិច្ឆិកា នៅ​ពេល​ដែល​ផែនការ​ទេសចរណ៍​ថ្មី​ នឹង​ចូល​ជា​ធរមាន៕

ប្រែសម្រួល៖ សាង ស្រីល័ក្ខ

ប្រភព៖tuoitre

ចុចអាន៖មិនខុសពី ថៃ រមណីយដ្ឋានកោះ វៀតណាម ចម្ងាយ ១០ គីឡូម៉ែត្រពីឆ្នេរសមុទ្រ កម្ពុជា ត្រៀមបើកខែក្រោយ

ចុចអាន៖វៀតណាម ត្រៀមបើករមណីយដ្ឋានកោះចម្ងាយ ១០ គីឡូម៉ែត្រពីឆ្នេរសមុទ្រ កម្ពុជា ឡើងវិញដល់ភ្ញៀវទេសចរបរទេស

The post កោះរមណីយដ្ឋាន វៀតណាម ចម្ងាយ ១០ គីឡូម៉ែត្រពីឆ្នេរ កម្ពុជា នឹងស្វាគមន៍អ្នកទេសចរ ២៥០ នាក់ ពាក់កណ្ដាលខែនេះ appeared first on Kampuchea Thmey Daily.