Maroon 5 ប្រកាសមកប្រគំតន្ត្រីនៅ អាស៊ី

ផ្លូវការហើយ ក្រុមចម្រៀង Maroon 5 នឹងមកប្រគំតន្ត្រីក្នុងពហុកីឡដ្ឋានជាតិសិង្ហបុរី នៅថ្ងៃទី ២៨ ខែវិច្ឆិកា ខាងមុខនេះ។

ក្រុមនេះបានសរសេរនៅលើ Instagram ថា “ចុងក្រោយ យើងបានបន្ថែមកម្មវិធីប្រគំតន្ត្រីមួយ ក្នុងដំណើរទេសចរណ៍ពិភពលោកឆ្នាំ២០២២ របស់យើង! យើងទន្ទឹងរង់ចាំជួបអ្នកនៅចុងឆ្នាំនេះ!”។ ពួកគេនឹងសម្តែងនៅទីក្រុង Quebec និង Orlando ក្នុងខែកក្កដា និងសីហា មុនពេលឈប់សម្រាកនៅអាស៊ី។ សិង្ហបុរី នឹងក្លាយជាកន្លែងឈប់ដំបូងរបស់ពួកគេ បន្ទាប់មកគឺទីក្រុងសេអ៊ូល តូក្យូ អូសាកា ម៉ានីល និងបាងកក។

គួរបញ្ជាក់ថា ពេលវេលាចុងក្រោយដែល Maroon 5 បានមកប្រទេសសិង្ហបុរីសម្រាប់ការប្រគំតន្ត្រីគឺនៅឆ្នាំ ២០១៩។ បទចម្រៀងដែលពេញនិយមបំផុតរបស់ក្រុមនេះពេញមួយឆ្នាំនោះរួមមាន Sugar, Payphone, She Will Be Loved និង One More Night។

ក្រៅពី Maroon 5 សិល្បករអន្តរជាតិផ្សេងទៀតដូចជា Billie Eilish, The Script និង Westlife ក៏នឹងធ្វើដំណើរទៅកាន់ប្រទេសសិង្ហបុរីផងដែរ ក្នុងឆ្នាំនេះ៕

ប្រែសម្រួល៖ សន្យា

ប្រភព៖ CNA

ចុចអាន៖ Taylor Swift លួចភ្ជាប់ពាក្យជាមួយមិត្តប្រុសស្ងាត់ៗ