ហេតុការណ៍នេះបានកើតឡើងកាលពីវេលាម៉ោង ១០ និង ០០ នាទីព្រឹក ថ្ងៃទី ៥ ខែកក្កដា ឆ្នាំ ២០២៦ ត្រង់ចំណុចមហាវិថីឈ្នះឈ្នះ ស្ថិតក្នុងភូមិព្រែកតារត្ន័ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ ក្បែរពហុកីឡដ្ឋានមរតកតេជោ។

បើតាមសមត្ថកិច្ច ក្រុមយុវជនខាងលើ បានប្រមូលផ្តុំគ្នាជាច្រើននាក់ បម្រុងធ្វើសកម្មភាពបង្ហោះម៉ូតូ ដែលជាទង្វើបង្កគ្រោះថ្នាក់ដល់ខ្លួនឯង និង អ្នកប្រើប្រាស់ផ្លូវសាធារណៈ ព្រមទាំងអាចប៉ះពាល់ដល់សន្តិសុខ សណ្តាប់ធ្នាប់ និង សុវត្ថិភាពសង្គម។ ក្រោយទទួលបានព័ត៌មាន កម្លាំងនគរបាល បានចុះអន្តរាគមន៍ភ្លាមៗ និង ឃាត់ខ្លួនអ្នកពាក់ព័ន្ធបានចំនួន ៣០ នាក់ ក្នុងនោះ មានស្រី ៣ នាក់ រួមជាមួយម៉ូតូចំនួន ២៤ គ្រឿង។

ក្រោយការឃាត់ខ្លួន សមត្ថកិច្ច បាននាំក្រុមយុវជនទាំងអស់ទៅកាន់អធិការដ្ឋាននគរបាលខណ្ឌជ្រោយចង្វារ ដើម្បីធ្វើការសាកសួរ អប់រំ និងធ្វើកិច្ចសន្យាបញ្ឈប់ការប្រព្រឹត្តសកម្មភាពបែបនេះ នៅថ្ងៃខាងមុខ។ បន្ទាប់ពីបញ្ចប់នីតិវិធីអប់រំ សមត្ថកិច្ច ក៏បានប្រគល់ម៉ូតូឲ្យម្ចាស់វិញ និង អនុញ្ញាតឲ្យវិលត្រឡប់ទៅលំនៅឋានរៀងៗ ខ្លួន។

សមត្ថកិច្ច បានអំពាវនាវដល់យុវជនទាំងអស់ សូមចៀសវាងការប្រមូលផ្តុំធ្វើសកម្មភាពបង្ហោះម៉ូតូ ឬការបើកបរដោយគ្មានការទទួលខុសត្រូវ ព្រោះមិនត្រឹមតែប្រឈមនឹងវិធានការច្បាប់ប៉ុណ្ណោះទេ ប៉ុន្តែថែមទាំងអាចបង្កគ្រោះថ្នាក់ធ្ងន់ធ្ងរដល់អាយុជីវិត និង ទ្រព្យសម្បត្តិរបស់ខ្លួន និង អ្នកដទៃ ផងដែរ៕

អត្ថបទ ៖ សំណាង

The post នគរបាលខណ្ឌជ្រោយចង្វារ ឃាត់ខ្លួនក្រុមក្មេងទំនើង ៣០ នាក់ ប្រមូលផ្តុំបង្ហោះម៉ូតូ និង កែច្នៃម៉ូតូខុសបច្ចេកទេស appeared first on Kampuchea Thmey Daily.

ការបន្តអំពាវនាវជាថ្មីរបស់លោកឧត្តមសេនីយ៍ឯកស្នងការ ធ្វើឡើងក្រោយកម្លាំងនគរបាលផែនការងារព្រហ្មទណ្ឌរាជធានីភ្នំពេញ បានស្រាវជ្រាវតាមបង្ក្រាបក្រុមក្មេងៗ ដែលបានប្រព្រឹត្តសកម្មភាពវាយតប់គ្នាយ៉ាងអនាធិបតេយ្យ នៅក្នុងភូមិសាស្ត្រខណ្ឌមានជ័យ និង ខណ្ឌឫស្សីកែវ ក្នុងពេលថ្មីៗ នេះ ដោយបានបែកធ្លាយជាឃ្លីបវីដេអូ រងការរិះគន់ពីមហាជននៅលើបណ្តាញទំនាក់ទំនងសង្គម។

តាមរយៈសំណេរផ្ទាល់របស់លោកឧត្តមសេនីយ៍ឯក ជួន ណារិន្ទ បានសរសេរថា «ខ្ញុំសូមអំពាវនាវដល់ក្មួយៗ ព្រមទាំងសិស្សានុសិស្ស រក្សាប្រពៃណីក្រមសីលធម៌ និង សូមអាណាព្យាបាល សូមយកចិត្តទុកដាក់ឆ្លៀតពេលណែនាំអប់រំកូនៗ ក្មួយៗ ផង កុំឲ្យពួកគាត់បំផ្លាញអនាគតរបស់ខ្លួនទាំងវ័យក្មេងបែបនេះ (ដែលមហាជន និង សង្គមជាតិ ស្អប់ខ្ពើម)។

ទាក់ទិននឹងបញ្ហាក្មេងទំនើងនេះដែរ កម្លាំងគណៈបញ្ជាការឯកភាពរដ្ឋបាលរាជធានីខេត្តនៅទូទាំងប្រទេស ក៏បាននិងកំពុងបន្តយកចិត្តទុកដាក់ ក្នុងការអនុវត្តតាមបទបញ្ជាម៉ឺងម៉ាត់របស់ សម្តេចប្រមុខថ្នាក់ដឹកនាំ សំដៅធ្វើយ៉ាងណាទប់ស្កាត់ និង បង្ក្រាបដាច់ណាត់ មិនត្រូវឲ្យសកម្មភាពក្មេងទំនើងមួយក្តាប់តូច អាចចូលមកបង្កចលាចលអុកឡុកក្នុងសង្គមជាតិ ប៉ះពាល់ដល់សន្តិសុខ និង សណ្តាប់ធ្នាប់សាធារណៈនោះឡើយ៕
អត្ថបទ ៖ សុភា

The post ស្នងការរាជធានី អំពាវនាវយុវជនជៀសឆ្ងាយពីសកម្មភាពក្មេងទំនើង បើមិនស្តាប់ មានតែផ្លូវច្បាប់ប៉ុណ្ណោះ គ្មានការអប់រំទៀតឡើយ appeared first on Kampuchea Thmey Daily.

ការឆ្លុះបញ្ចាំងពីការអន្តរាគមន៍ឥតឈប់ឈររបស់ក្រសួងអប់រំ

ជារួម យើងមិនអាចបដិសេធនូវការយកចិត្តទុកដាក់ និងការចេញមុខធ្វើអន្តរាគមន៍ជាបន្តបន្ទាប់ពីក្រសួងអប់រំ យុវជន និងកីឡា និងខ្សែបណ្តោយរបស់ខ្លួនបានឡើយ។ ជាក់ស្តែង ក្នុងករណីអំពើហិង្សាជាបន្តបន្ទាប់នាដើមខែមិថុនា ឆ្នាំ២០២៦ នេះ ក្រសួងបានចាត់វិធានការវិន័យយ៉ាងតឹងរ៉ឹង និងឆាប់រហ័ស៖

• ករណីវិទ្យាល័យ ហ៊ុន សែន ប៊ុន រ៉ានី ផ្សារដើមថ្កូវ និងវិទ្យាល័យទួលទំពូង (រាជធានីភ្នំពេញ)៖ ក្រសួងបានចុះអន្តរាគមន៍ភ្លាមៗ បន្ទាប់ពីសិស្សស្រីមួយក្រុមបានព្រួតវាយគ្នាក្រៅបរិវេណសាលា កាលពីថ្ងៃទី៦ ខែមិថុនា ឆ្នាំ២០២៦។
• ករណីវិទ្យាល័យសម្តេច ហ៊ុន សែន ប៊ុន រ៉ានី ច្បារអំពៅ (រាជធានីភ្នំពេញ)៖ ក្រុមសិស្សបង្កហេតុចំនួន៦នាក់ ត្រូវបានដាក់ទណ្ឌកម្មខាងវិន័យ បន្ទាប់ពីបានព្រួតវាយ​ទៅលើសិស្សម្នាក់ កាលពីថ្ងៃទី១៥ ខែមិថុនា ឆ្នាំ២០២៦។
• ករណីវិទ្យាល័យអង្គរកា ស្រុកត្រាំកក់ (ខេត្តតាកែវ)៖ ក្រសួងក៏បានដោះស្រាយករណីអំពើហិង្សាដែលបង្កឡើងដោយភាគីសិស្សស្រីទាំងសងខាងក្នុងទម្រង់ការវាយតប់គ្នាទៅវិញទៅមកផងដែរ។

នៅក្នុងរាល់ករណីខាងលើ ក្រសួងអប់រំបានអនុវត្តវិធានការអប់រំណែនាំ ឱ្យធ្វើកិច្ចសន្យាបញ្ឈប់សកម្មភាពហិង្សាដោយមានការដឹងឮ និងចុះហត្ថលេខាពីអាណាព្យាបាល ព្រមទាំងដាក់ពិន័យឱ្យធ្វើពលកម្មសាលានៅរៀន ឬការងារបម្រើផលប្រយោជន៍សាធារណៈក្នុងសាលារយៈពេល១ខែ។ លើសពីនេះ ប្រសិនបើសិស្សានុសិស្សនៅតែបន្តប្រព្រឹត្តល្មើស​ វិធានការផ្អាកការសិក្សាជាបណ្តោះអាសន្ន ឬប្តូរថ្នាក់ ប្តូរសាលានឹងត្រូវយកមកអនុវត្តជាធរមាន។

ហេតុអ្វីបានជាបញ្ហានៅតែបន្តកើតមាន?

ទោះបីជាមានយន្តការច្បាស់លាស់ពីស្ថាប័នអប់រំក៏ដោយ ក៏ទង្វើអសីលធម៌ទាំងនេះនៅតែដុះឡើងដូចផ្សិត។ នេះជាសញ្ញាព្រមានថា វិធានការដែលមានស្រាប់អាចមានប្រសិទ្ធភាពត្រឹមតែ «បន្តិចបន្តួចប៉ុណ្ណោះ» ប៉ុន្តែមិនទាន់អាចព្យាបាល «ជំងឺខាងក្នុង» របស់យុជនបានឡើយ។ ដើម្បីដោះស្រាយបញ្ហាឱ្យបានល្អ កុំឱ្យដូចជាការ «វែកចក» យើងត្រូវហ៊ានសម្លឹងមើលការណ៍ពិតពីឫសគល់នៅពីក្រោយនៃបញ្ហាក្មេងទំនើងនេះ៖

• កត្តាបុគ្គល និងការចុះខ្សោយនៃតួនាទីជុំវិញខ្លួន៖ យុវជនស្ថិតក្នុងវ័យចង់ដឹង ចង់សាក និងងាយរងគ្រោះផ្លូវចិត្ត។ ទន្ទឹមនឹងនេះ តួនាទីតាមដាន និងអប់រំរបស់ឪពុកម្តាយ អាណាព្យាបាល និងសាលារៀនហាក់មានភាពធូរលុង ដោយសាររវល់នឹងជីវភាព ឬខ្វះវិធីសាស្ត្រក្នុងការប្រាស្រ័យទាក់ទងជាមួយកូនៗក្នុងសម័យថ្មី។
• សម្ពាធនៃសារធាតុញៀន និងបច្ចេកវិទ្យា៖ ឥទ្ធិពលបំផ្លិចបំផ្លាញនៃគ្រឿងស្រវឹង គ្រឿងញៀន និងបារីអេឡិចត្រូនិក (E-Cigarette/Vape) បាននឹងកំពុងពង្វក់ស្មារតីរបស់យុវជន។ ជាងនេះទៅទៀត ការប្រើប្រាស់ស្មាតហ្វូនហួសកម្រិត ការជក់ចិត្តនឹងហ្គេមអនឡាញដែលមានចរិតហិង្សា និងការហូរចូលនៃវប្បធម៌បរទេសនិយមជ្រុល បានធ្វើឱ្យពួកគេបាត់បង់ការគ្រប់គ្រងខ្លួនឯង។
• បណ្តាញសង្គម និងការទាក់ទាញភាពលេចធ្លោ៖ ការចង់បាន «ភាពល្បីល្បាញ ឬ Like/Share» នៅលើប្រព័ន្ធ TikTok, Facebook ឬ Instagram បានរុញច្រានឱ្យយុវជនបង្កើតមាតិកា ឬធ្វើសកម្មភាពកំហូច បង្កភាពទំនើង ដើម្បីបង្ហាញពីភាពខ្លាំងរបស់ខ្លួនទៅកាន់ពិភពលោកអនឡាញ។
• គំរូអាក្រក់ពីមនុស្សចាស់ និងសង្គម៖ ការផ្តល់សេរីភាពហួសហេតុដោយគ្មានព្រំដែន ឬការណ៍ដែលក្មេងៗបានឃើញនូវគំរូអាក្រក់នៃការប្រើហិង្សាក្នុងគ្រួសារ និងការដោះស្រាយបញ្ហាដោយកម្លាំងបាយនៅក្នុងសង្គម ក៏ជាកញ្ចក់ឆ្លុះធ្វើឱ្យពួកគេរៀនសូត្រតាមដោយមិនដឹងខ្លួន។

ការវាយតម្លៃដំណោះស្រាយនិងយុទ្ធសាស្ត្របំពេញបន្ថែម

វិធានការដែលមានស្រាប់ (ការធ្វើកិច្ចសន្យា ការធ្វើពលកម្មសាលា ឬការប្តូរសាលា) គឺមានប្រយោជន៍ក្នុងការទប់ស្កាត់មួយគ្រាៗ ប៉ុន្តែវានៅមានកម្រិត ពីព្រោះវាជា «ការដាក់ទណ្ឌកម្មក្រោយពេលកើតហេតុ» ជាជាង «ការការពារមុនពេលកើតហេតុ»។ ដើម្បីបំពេញបន្ថែមលើចំណុចខ្វះខាតនេះ ដំណោះស្រាយថ្មីៗដែលគួរដាក់បញ្ចូលរួមមាន៖

• ការបង្កើតកម្មវិធីប្រឹក្សាយោបល់ផ្លូវចិត្ត៖ គ្រប់សាលារៀនគួរមានអ្នកជំនាញខាង​ចិត្តវិទ្យាដើម្បីជួយស្វែងយល់ពីវិបត្តិក្នុងចិត្ត និងអាកប្បកិរិយារបស់សិស្សដែលបាន​​បង្កហេតុ ពីព្រោះភាពទំនើង ជារឿយៗ ជាការលាក់បាំងនូវការឈឺចាប់ ឬការខ្វះភាពកក់ក្តៅក្នុងគ្រួសារ ក្នុងថ្នាក់រៀន ឬក្នុងសហគមន៍។
• ការអប់រំឌីជីថលនិងសីលធម៌ស៊ីវិល៖ បង្កើនការអប់រំអំពីការប្រើប្រាស់បណ្តាញសង្គមប្រកបដោយការទទួលខុសត្រូវ ឬភាពជាពលរដ្ឋឌីជីថល។

មហាកំពែងនៃកិច្ចសហការ គឺជាសោគន្លឹះនៃការដោះស្រាយបញ្ហា

សង្គ្រាមប្រឆាំងនឹងភាពទំនើងរបស់យុវជន មិនមែនជាបន្ទុករបស់ក្រសួងអប់រំតែម្នាក់ឯងនោះទេ តែវាទាមទារនូវ «កិច្ចសហការកម្រិតសកល និងផ្ទៃក្នុង» ដែលគ្រប់ភាគីត្រូវដើរតួនាទី និងពង្រឹងយន្តការផ្ទៃក្នុងសាលារៀនឱ្យបានម៉ឺងម៉ាត់បំផុត៖

• ទី១.ការបង្កើនការឃ្លាំមើល និងការរឹតបន្តឹងវិន័យផ្ទៃក្នុងសាលា៖ សាលារៀនត្រូវតែជាកន្លែងដែលមានសុវត្ថិភាពបំផុត។ គណៈគ្រប់គ្រងសាលា លោកគ្រូ-អ្នកគ្រូ និងសិស្សានុសិស្សខ្លួនឯង ត្រូវសហការគ្នាបង្កើត «បណ្តាញស្វ័យឃ្លាំមើល» យ៉ាងសកម្ម។ ការចេញចូលក្នុងបរិវេណសាលាត្រូវតែមានភាពតឹងរ៉ឹងជាដាច់ខាត ដោយមិនអនុញ្ញាតឱ្យសិស្សសាលាដទៃ ឬក្មេងខាងក្រៅចូលក្នុងសាលាឡើយ ទាំងម៉ោងធ្វើការ និងម៉ោងមិនធ្វើការ។ សាលារៀននីមួយៗត្រូវតែមានសន្តិសុខប្រចាំការ ២៤ ម៉ោង លើ ២៤ ម៉ោង ដើម្បីធានាសណ្តាប់ធ្នាប់។ លើសពីនេះ ត្រូវតែមានវត្តមានរបស់គណៈគ្រប់គ្រង ឬលោកគ្រូ អ្នកគ្រូ នៅគ្រប់កន្លែងដែលមានវត្តមានសិស្ស (ដូចជាតំបន់តារាងកីឡា អាហារដ្ឋាន ជុំវិញបរិវេណបន្ទប់ទឹក ឬជ្រុងងងឹតនានាក្នុងសាលា) ដើម្បីកាត់បន្ថយឱកាសនៃការបង្កជម្លោះ។
• ទី២.យន្តការសហការរវាងគ្រួសារ និងសាលារៀនតាមឌីជីថល៖ ឪពុកម្តាយត្រូវផ្តល់ភាពកក់ក្តៅ និងតាមដានរាល់ការប្រែប្រួលរបស់កូន។ លោកគ្រូ-អ្នកគ្រូ ត្រូវបន្តធ្វើជាភ្នែកជាច្រមុះ។ ដើម្បីឱ្យទំនាក់ទំនងនេះរហ័សទាន់ចិត្ត សាលាត្រូវរៀបចំការប្រជុំជជែកគ្នាជាទៀងទាត់រវាងឪពុកម្តាយ លោកគ្រូអ្នកគ្រូ និងគណៈគ្រប់គ្រង ព្រមទាំងបង្កើតជាក្រុមតេឡេក្រាម (Telegram Group) ផ្លូវការ ដើម្បីងាយស្រួលទាក់ទងគ្នា ចែករំលែកព័ត៌មាន និងរាយការណ៍ពីអាកប្បកិរិយារបស់សិស្សទៅវិញទៅមកបានទាន់ពេលវេលា។
• ទី៣.ការសម្រិតសម្រាំងគុណភាពបុគ្គលិកអប់រំ៖ គ្រឹះស្ថានសិក្សាត្រូវតែសម្រិតសម្រាំងលោកគ្រូ អ្នកគ្រូ និងគណៈគ្រប់គ្រង ដែលមានសមត្ថភាព គុណធម៌ វិជ្ជាជីវៈខ្ពស់ និងមានបេះដូងស្រឡាញ់សិស្សពិតប្រាកដ ដើម្បីធ្វើជាគំរូដ៏ល្អ (Role Model) និងជាបង្អែកដ៏កក់ក្តៅដល់សិស្សានុសិស្ស។
• ទី៤.អាជ្ញាធរមូលដ្ឋាននិងស្ថាប័នពាក់ព័ន្ធ៖ ត្រូវរឹតបន្តឹងការលក់ដូរគ្រឿងស្រវឹង បារី​អេឡិចត្រូនិក និងការបើកហាងហ្គេមអនឡាញនៅជិតបរិវេណសាលារៀន ព្រមទាំងអនុវត្តច្បាប់ឱ្យបានម៉ឺងម៉ាត់ចំពោះក្រុមក្មេងទំនើងដែលបង្កការអសន្តិសុខសង្គម។
• ទី៥.ក្រុមហ៊ុនបណ្តាញសង្គមយក្សៗ (Facebook, TikTok, Instagram)៖ ក្រសួងអប់រំនិងក្រសួងប្រៃសណីយ៍ គួរតែសហការជាមួយក្រុមហ៊ុនបច្ចេកវិទ្យាទាំងនេះ ដើម្បីបង្កើតប្រព័ន្ធចម្រោះ (Algorithm) រឹតត្បិត ឬលុបចោលរាល់វីដេអូ សកម្មភាព ឬមាតិកាណាដែលបង្ហាញពីការវាយតប់គ្នា ឬភាពទំនើងរបស់សិស្សានុសិស្ស មិនឱ្យមានការចែករំលែកបន្ត ដែលជាគំរូអាក្រក់ដល់ក្មេងៗ។
• ទី៦.ដៃគូអន្តរជាតិ៖ គាំទ្រការស្រាវជ្រាវបែបវិទ្យាសាស្ត្រសង្គម ដើម្បីស្វែងរកទិន្នន័យជាក់លាក់អំពីឫសគល់នៃបញ្ហាកុមារ និងយុវជននៅក្នុងយុគសម័យឌីជីថល ដើម្បីកសាងគោលនយោបាយការពារកុមារនិងយុវជនឱ្យមានប្រសិទ្ធភាពខ្ពស់។

សន្និដ្ឋាន

យុវជនគឺជាទំពាំងស្នងឫស្សី និងជាអនាគតសសរទ្រូងនៃប្រទេសជាតិ។ ការទប់ស្កាត់ភាពទំនើងមិនមែនជាការកាត់ផ្តាច់ឱកាសរបស់ពួកគេនោះទេ ប៉ុន្តែជាការតម្រង់ទិសដោយក្តីស្រឡាញ់ វិន័យ និងការទទួលខុសត្រូវ។ មានតែការរួមកម្លាំងគ្នាយ៉ាងពិតប្រាកដ ការដាក់ចេញរបាំងការពារសាលារៀនឱ្យបានហ្មត់ចត់ និងការដោះស្រាយឱ្យចំឫសគល់នៃបញ្ហាប៉ុណ្ណោះទេ ទើបយើងអាចលុបបំបាត់ភាពទំនើងនេះបានជាស្ថាពរ ហើយជួយឱ្យខឿនអប់រំរបស់កម្ពុជា ក្លាយជាថ្នាលបណ្តុះបណ្តាលធនធានមនុស្សដ៏បរិសុទ្ធ និងរឹងមាំពិតប្រាកដ ដែលល្អទាំងសុខភាពផ្លូវការនិងផ្លូវចិត្ត ចំណេះជំនាញ ទេពកោសល្យ ការគិតហ្មត់ចត់ ទាំងសីលធម៌និងគុណធម៌ សម្រាប់អនាគតជាអ្នកបន្តវេនការពារនិងកសាងជាតិយ៉ាងស័ក្តិសមបំផុត៕

ដោយ បណ្ឌិត ឈត ប៊ុនថង អ្នកជំនាញទស្សនវិជ្ជា និងសមាជិកបម្រុងនៃរាជបណ្ឌិត្យសភាកម្ពុជា

The post វិចារណកថា៖ ក្មេងទំនើង៖ ពីវិធានការចំពោះមុខ ទៅកាន់ដំណោះស្រាយដល់ឫសគល់ appeared first on Kampuchea Thmey Daily.

កិច្ចប្រជុំនេះ បានផ្តោតសំខាន់លើការពង្រឹងវិធានការបង្ការ និងបង្រ្កាបរាល់បទល្មើសនានា ដែលកំពុងបង្កការព្រួយបារម្ភដល់ប្រជាពលរដ្ឋ រួមមាន បទល្មើសគ្រឿងញៀន សកម្មភាពក្មេងទំនើង ការលួចឆក់ អំពើហិង្សា និងល្បែងស៊ីសងខុសច្បាប់គ្រប់ប្រភេទ។

លោក​អភិបាល​ស្រុក បានណែនាំឱ្យកម្លាំងមានសមត្ថកិច្ចគ្រប់ផ្នែក ត្រូវបន្តចុះល្បាតតាមដាន និងអនុវត្តច្បាប់ឲ្យបានម៉ឺងម៉ាត់ ដើម្បីធានាបាននូវសុវត្ថិភាពជូនប្រជាពលរដ្ឋក្នុងការរស់នៅប្រចាំថ្ងៃ។ ជាមួយគ្នានេះដែរ ត្រូវ​យកចិត្តទុកដាក់ខ្ពស់លើបទល្មើសឆបោកតាមប្រព័ន្ធបច្ចេកវិទ្យា ឬ Scam Online ដែលកំពុងកើតមានកាន់តែស្មុគស្មាញ។ ក្នុងនោះ អាជ្ញាធរបានណែនាំដល់គ្រប់បណ្តាឃុំទាំងអស់ ត្រូវបន្តសហការជិតស្និទ្ធជាមួយប៉ុស្តិ៍រដ្ឋបាលឃុំ និងកម្លាំងពាក់ព័ន្ធ ដើម្បីពង្រឹងការងារផ្សព្វផ្សាយ អប់រំ និងទប់ស្កាត់រាល់សកម្មភាពឆបោកតាមអនឡាញឱ្យបានទាន់ពេលវេលា និងមានប្រសិទ្ធភាពខ្ពស់បំផុត។

លោក សាយ វណ្ណៈ អភិបាល​ស្រុក ក៏បានជំរុញឲ្យអាជ្ញាធរមូលដ្ឋានគ្រប់លំដាប់ថ្នាក់ បន្តបង្កើនការផ្សព្វផ្សាយច្បាប់ និងការអប់រំប្រជាពលរដ្ឋ ជាពិសេសយុវជន ឱ្យយល់ដឹងពីផលប៉ះពាល់នៃគ្រឿងញៀន ការប្រព្រឹត្តបទល្មើស និងការចាញ់បោកតាមប្រព័ន្ធអនឡាញ ដើម្បីចូលរួមសហការជាមួយអាជ្ញាធរក្នុងការកសាងមូលដ្ឋានឱ្យក្លាយជាតំបន់មានសុវត្ថិភាព និងសុខសាន្តសម្រាប់ប្រជាពលរដ្ឋ៕

អត្ថបទ៖ វីរៈ

The post ស្រុកបាទី បន្តរឹតបន្តឹងសន្តិសុខសង្គមដោយដាក់ផែនការបង្ក្រាបគ្រឿងញៀន ក្មេងទំនើង និង Online Scam ឱ្យកាន់តែមានប្រសិទ្ធភាព appeared first on Kampuchea Thmey Daily.

ប្រតិបត្តិការនេះធ្វើឡើងនៅថ្ងៃទី២៥ ខែឧសភា ឆ្នាំ២០២៦ វេលាម៉ោង៩និង២០នាទីយប់ បន្ទាប់ពីកម្លាំងជំនាញបានស្រាវជ្រាវស៊ើបអង្កេតក្រោយកើតឡើងកាលពីថ្ងៃទី២៤ ខែឧសភា ឆ្នាំ២០២៦ វេលាម៉ោង១និង៥៤នាទីរំលងអធ្រាត្រ នៅចំណុចការ៉ាស់សាំង TOTAL តាមបណ្តោយផ្លូវបេតុង ក្នុងភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ។

តាមរបាយការណ៍របស់សមត្ថកិច្ច សម្ភារដែលរងការខូចខាតរួមមាន បែកក្បាំងម៉ូតូ និងកុងទ័រម៉ូតូ ព្រមទាំងវៀចឈ្នាន់ម៉ូតូ។ ក្នុងប្រតិបត្តិការនេះ សមត្ថកិច្ចក៏បានដកហូតវត្ថុតាងជាម៉ូតូចំនួន ២គ្រឿងផងដែរ។

ជនសង្ស័យទាំង ៦នាក់ខាងលើ ត្រូវបានកម្លាំងជំនាញនៃអធិការដ្ឋាននគរបាលខណ្ឌដង្កោ ប្រគល់ទៅឱ្យការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ដើម្បីបន្តអនុវត្តតាមនីតិវិធីច្បាប់៕

អត្ថបទ៖ សំណាង

The post នគរបាលខណ្ឌដង្កោឃាត់ខ្លួនក្រុមក្មេងទំនើង ៦នាក់ ពាក់ព័ន្ធករណីហិង្សា appeared first on Kampuchea Thmey Daily.

ទណ្ឌិតជាក្មេងទំនើងទាំង ៧៩០នាក់ ដែលត្រូវបានផ្ទេរពីបណ្ដាពន្ធនាគាររាជធានី ខេត្តនេះ គឺត្រូវបានបញ្ជូនទៅអនុវត្តទោសបន្តនៅមណ្ឌលអប់រំកែទី៤ (ខេត្តពោធិ៍សាត់) ចំនួន៦៥១នាក់ និងពន្ធនាគារខេត្តឧត្តរមានជ័យ ចំនួន ១៣៩នាក់។

អគ្គនាយកដ្ឋានពន្ធនាគារ បញ្ជាក់ថា ការផ្ទេរទណ្ឌិតជាក្មេងទំនើងទាំងនេះ គឺក្នុងគោលបំណងបង្កើនការអប់រំកែប្រែ និងលត់ដំខ្លួន តាមរយៈការចូលរួមកម្មវិធីបណ្តុះបណ្តាលវិជ្ជាជីវៈ ដើម្បីកសាងសមត្ថភាពជំនាញផ្ទាល់ខ្លួនផង និងដើម្បីធ្វើសកម្មភាពដែលមានប្រយោជន៍ជួយដល់សមរភូមិមុខផង។

ការផ្ទេរទណ្ឌិតជាក្មេងទំនើងជិត៨០០នាក់ទៅជួយបម្រើការងារមានប្រយោជន៍ដល់សមរភូមិជួរមុខជាលើកដំបូងនាពេលនេះ គឺអនុវត្តតាមអនុសាសន៍ណែនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា កាលពីថ្ងៃទី២៦ ខែមេសា ឆ្នាំ២០២៦កន្លងទៅ ដោយសម្ដេចឱ្យស្ថាប័នជំនាញរួមមាន ក្រសួងយុត្តិធម៌, អគ្គមបញ្ជាការដ្ឋានកងយោធពលខេមរភូមិន្ទ និងអគ្គស្នងការនគរបាលជាតិ គិតគូររៀបចំ និងបញ្ជូនទណ្ឌិតក្មេងទំនើងឱ្យទៅបម្រើការងារជួយដល់ជួរមុខក្នុងការធ្វើពុម្ពលេណដ្ឋាន និងការងារផ្សេងៗដែលសមស្រប ដើម្បីជួយដល់កងទ័ពជួរមុខក៏ដូចជាកងវិស្វកម្ម។

សម្តេចធិបតីនាយករដ្ឋមន្ត្រី កាលពីពេលថ្មីៗកន្លងទៅក៏បានបញ្ជាក់ហើយថា ក្មេងទំនើងមិនបានបញ្ជូនទៅកាន់អាវុធនៅសមរភូមិជួរមុខនោះទេ គឺសម្រាប់បម្រើសកម្មភាពសមរភូមិជួរមុខ ដូចជាការបម្រើការងារផ្នែកការដ្ឋានសំណង់ ចាក់បេតុងលេណដ្ឋាន និងដាំបន្លែជាដើម៕

អត្ថបទ៖ សុខុម

The post អគ្គនាយកដ្ឋានពន្ធនាគារ ផ្ទេរទណ្ឌិតជាក្មេងទំនើង ៧៩០នាក់ ទៅខេត្តជាប់ព្រំដែន​ដើម្បីធ្វើសកម្មភាពជួយដល់សមរភូមិជួរមុខ appeared first on Kampuchea Thmey Daily.

ក្រុមជនសង្ស័យត្រូវបានចោទប្រកាន់ពីបទ ហិង្សាដោយចេតនាមានស្ថានទម្ងន់ទោស, ធ្វើឲ្យខូចខាតដោយចេតនាមានស្ថានទម្ងន់ទោស និងកាន់កាប់អាវុធដោយគ្មានការអនុញ្ញាត តាមបទល្មើសព្រហ្មទណ្ឌដែលមានចែង និងផ្តន្ទាទោសតាមបញ្ញត្តិមាត្រា ២១៨, ៤១១ និងមាត្រា ៤៩០ នៃក្រមព្រហ្មទណ្ឌ។

សូមជម្រាបថា ក្រុមជនត្រូវចោទត្រូវបានកម្លាំងនគរបាលស្រុកបាទី​ នៃស្នងការដ្ឋាននគរបាលខេត្តតាកែវ ធ្វើការឃាត់ខ្លួនកាលពីថ្ងៃទី១៦ ខែឧសភា ឆ្នាំ២០២៦ ក្រោយពីពួកគេធ្វើសកម្មភាពដេញកាប់លើយុវជនវ័យ២១ម្នាក់នៅចំណុចភូមិព្រៃខ្លា ឃុំកុមារាជា ស្រុកបាទី និងដេញកាប់លើជនរងគ្រោះចំនួន០៣នាក់ផ្សេងទៀតនៅចំណុចវត្តចំប៉ា ស្ថិតនៅភូមិចំប៉ា ឃុំសូភី ស្រុកបាទី ខេត្តតាកែវ។ ក្រោយពីឃាត់ខ្លួន និងសួរនាំ នៅថ្ងៃទី១៨ ខែឧសភា កម្លាំងជំនាញនៃអធិការដ្ឋាននគរបាលស្រុកបាទី បានកសាងសំណុំរឿងបញ្ជូនក្រុមជនសង្ស័យទៅសាលាដំបូងខេត្តតាកែវ ដើម្បីចាត់ការតាមនីតិវិធីច្បាប់៕

The post តុលាការខេត្តតាកែវ សម្រេចចោទប្រកាន់ក្រុមក្មេងទំនើង៨នាក់ ខណៈយុវតីវ័យ១២ឆ្នាំម្នាក់ត្រូវបានដោះលែងឲ្យត្រឡប់ទៅផ្ទះវិញ appeared first on Kampuchea Thmey Daily.

ដោយអនុវត្តតាមបទបញ្ជារបស់ លោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល កាលថ្ងៃទី១១ខែឧសភាឆ្នាំ២០២៦ កម្លាំងជំនាញព្រហ្មទណ្ឌក្រុងតាខ្មៅ រួមនឹងប៉ុស្តិ៍នគរបាលរដ្ឋបាលសិត្បូ ដឹកនាំដោយ លោកវរសេនីយ៍ឯក យី វណ្ណដា អធិការនៃអធិការដ្ឋាននគរបាលក្រុងតាខ្មៅ ធ្វើការស្រាវជ្រាវឈានដល់ការឃាត់ខ្លួន ជនសង្ស័យ៥នាក់ ក្នុងចំណោម៧នាក់ បានប្រព្រឹត្តិ ករណីហិង្សាដោយចេតនា និងធ្វើឲ្យខូចខាតដោយចេតនា (បង្កឡើងដោយក្មេងទំនើង) ចំណុចភូមិសិត្បូ សង្កាត់សិត្បូ ក្រុងតាខ្មៅ ខេត្តកណ្តាល។

ក្នុងប្រតិ្តបតិការនេះឃាត់ជនសង្ស័យបានចំនួន៥នាក់ ឈ្មោះ សុផាត ផាន់ណា ភេទប្រុស អាយុ១៣ឆ្នាំ, ឈ្មោះ រដ្ឋ សុខហេង ភេទប្រុស អាយុ១៦ឆ្នាំ, ឈ្មោះ បូ សម្បត្តិ ភេទប្រុស អាយុ១៥ឆ្នាំ, ឈ្មោះ ហ៊ន់ គីមហ៊ួន ភេទប្រុស អាយុ១៥ឆ្នាំ, ឈ្មោះ បញ្ញា ងួនហ៊ង ហៅស្វិត ភេទប្រុស អាយុ១៥ឆ្នាំ។

នៅចំពោះមុខសមត្ថកិច្ ចជនសង្ស័យបាននាំគ្នាឆ្លើយសារភាពថាពួកខ្លួនពិតជាបានធ្វើសកម្មភាពយកដុំថ្មគុបទៅលើជនរងគ្រោះ ដោយសាខឹងជនរងគ្រោះជេរពួកខ្លួនតាមTiKTOK កាលពីប៉ុន្មានថ្ងៃមុន ធ្វើឲ្យពួកខ្លួនខឹងក៏យកដុំថ្មមកគុបលើ ជនរងគ្រោះប្រាកដមែន។

បច្ចុប្បន្នក្រុមក្មេងទំនើងទំាង៥នាក់ក្នុងចំណោម៧នាក់ ត្រូវបានបញ្ជូនទៅអយ្យការអមសាលាដំបូងដើម្បីបន្តរនីតិវិធី៕

The post ទាស់ពាក្យសម្ដីតាមបណ្តាញសង្គម ក្មេងទំនើងមួយក្រុម យកដុំថ្មគប់ បំផ្លាញម៉ូតូជនរងគ្រោះ ត្រូវសមត្ថកិច្ចឃាត់បញ្ជូនទៅតុលាការ appeared first on Kampuchea Thmey Daily.