ផ្តល់​បទ​សម្ភាសន៍​ដល់​អ្នក​សារព័ត៌មានក្នុង​ឱកាស​ចូលរួម​សន្និបាតបូក​សរុបលទ្ធផល​ការងារ​របស់​សភាពាណិជ្ជកម្ម​កម្ពុជារៀបចំ​ឡើង​កាលពីម្សិលមិញនេះ អ្នក​ជំនួញ​រូប​នេះ​បានគូស​​បញ្ជាក់​ថា ការ​សាងសង់​រោងចក្រជំហាន​ដំបូងគ្រោង​ចំណាយ​ទុន​វិនិយោគ​​ប្រមាណជាង ១៥ លានដុល្លារ និង​បង្កើន​ទំហំ​ទុន​ដល់ ៣០ លាន​ដុល្លារ​លើការ​បំពាក់​គ្រឿងបរិក្ខារ​បន្ថែម​។

ឧកញ៉ា សួរ វីរៈ បាន​បញ្ជាក់​ថា នៅ​ក្នុង​ដំណាក់កាល​ដំបូងនេះ ការវិនិយោគគ្រោង​នឹង​មាន​រោងចក្រ​ចំនួន ១០។ បច្ចុប្បន្ន រោងចក្រ​ចំនួន ៣ ត្រូវបានសាងសង់រួចរាល់។ ផលិតផល​ដែលគ្រោងនឹង​ផលិត​នៅក្នុង​បណ្តុំ​រោងចក្រនេះ​រួមមាន៖ ប្រេង​ឆា (ផលិតពីសណ្តែកសៀង និងពោត) ត្រីខកំប៉ុង មី និង​គ្រឿងទេសផ្សេងៗដូចជា ទឹក​ម្ទេស, ប្រេងខ្យង, ម្សៅស៊ុប, និង​ប៊ីចេង​ជាដើម។

បន្ត​ចុចអាន៖ ឧកញ៉ា សួរ វីរៈ ផ្ដើមពីអ្នកនាំភ្ញៀវទេសចរដើរលេង រហូតបើកក្រុមហ៊ុនដឹកជញ្ជូន ឈានមុខមួយនៅកម្ពុជា

ដើម្បី​គាំទ្រ​បច្ចេកទេសធានាបាន​នូវគុណភាព លោកឧកញ៉ា​បាន​ឲ្យ​ដឹង​ថា ក្រុមហ៊ុន​​នឹង​នាំយក​អ្នកជំនាញ​មកពីក្រៅប្រទេស​ដូចជា ចិន, ជប៉ុន, អឺរ៉ុប, និងអាមេរិក ដើម្បី​បង្រៀន​ដល់​ក្រុមការងារក្នុងស្រុក។ លើសពីនេះ ក្រុមហ៊ុន​ក៏បានពិភាក្សា​ជាមួយ​ក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីទទួលបានទិន្នន័យបន្ថែមថា តើ​កម្ពុជា​នៅ​ខ្វះ​ខាត​មុខម្ហូបឬផលិតផលចាំបាច់ណាខ្លះ ដើម្បីផលិតឱ្យស្របតាមតម្រូវការក្នុងស្រុក។

លោក​រំពឹង​ថា ផលិតផល​ដំបូង​នឹងអាច​ត្រូវបញ្ចេញលក់ក្នុងរយៈពេលប្រហែល ៦ ខែ​ខាងមុខទៀត ហើយ​បន្ទាប់​ពី​គម្រោងទីមួយ​ទទួលបានជោគជ័យ ក្រុមហ៊ុន​នឹង​បន្ត​ទៅ​ដំណាក់​កាល​ទី​ពីរ​បន្ត​ទៀត៕

The post រោងចក្រ​ផលិត​ចំណីអាហារ​ឧកញ៉ា​ សួរ វីរៈ​ ស្ថិត​តាម​ផ្លូវ​ជាតិ​លេខ ៥១ ខណៈ​ផលិតផល​នឹង​មាន​លក់​លើ​ទីផ្សារ​រង្វង់ ៦ ខែ​ទៀត appeared first on Kampuchea Thmey Daily.

កិច្ចសហប្រតិបត្តិការរវាងក្រុមហ៊ុនទាំងពីរ ធ្វើឡើងក្រោមអធិបតីភាពរបស់ ឯកឧត្ដម អ្នកឧកញ៉ា សួរ វីរៈ អគ្គនាយកក្រុមហ៊ុនវិរៈ ប៊ុនថាំ អេចប្រេស និងលោក Li Meng Chen អគ្គនាយកក្រុមប្រឹក្សាភិបាល ក្រុមហ៊ុនខូលថល ស៊ីធី ឌីវីឡុបមិន គ្រុប ព្រមទាំងមានការចូលរួមពីគណៈគ្រប់គ្រងជាន់ខ្ពស់នៃក្រុមហ៊ុនទាំងពីរ និងភ្ញៀវកិត្តិយសសំខាន់ៗផងដែរ។

ក្នុងឱកាសនេះ អ្នកឧកញ៉ា សួរ វីរៈ  បានលើកឡើងថា កិច្ចសហការដ៏ពិសេសរវាងក្រុមហ៊ុនទាំងពីរ ធ្វើឡើងដោយផ្តោតលើការប្តេជ្ញាអភិវឌ្ឍន៍តំបន់ធម្មជាតិ ប្រែក្លាយភាពសម្បូរបែបតំបន់តារាសាគរឱ្យក្លាយជាតំបន់ទេសចរណ៍ដែលមានភាពទាក់ទាញលំដាប់ពិភពលោកនាពេលអនាគត។ អ្នកឧកញ៉ា បានបន្តទៀតថា ចក្ខុវិស័យរួមគ្នារបស់ក្រុមហ៊ុនទាំងពីរ គឺធ្វើការរួមគ្នាដើម្បីអភិវឌ្ឍន៍តំបន់តារាសាគរទៅជាគោលដៅទេសចរណ៍ស្តង់ដារពិភពលោក ដោយបញ្ចូលវប្បធម៌ បរិស្ថានធម្មជាតិ សេវាកម្មទេសចរណ៍កម្រិតខ្ពស់។ ក្រៅពីការទាក់ទាញផ្នែកទេសចរណ៍ អ្នកឧកញ៉ា បន្តថាគម្រោងនេះក៏ផ្តល់ឱកាសការងារសំខាន់ជាច្រើន រួមចំណែកដល់ការអភិវឌ្ឍសេដ្ឋកិច្ចក្នុងរយៈពេលវែងដូចគ្នា។

ឯកឧត្ដម អ្នកឧកញ៉ា សួរ វីរៈ មានប្រសាសន៍ថា៖ “ខ្ញុំសូមបញ្ជាក់ថា គម្រោងនេះគឺលើសពីការអភិវឌ្ឍលើទំហំដី ១០០ហិកតា តែវាជាការវិនិយោគដល់អនាគតរុងរឿង ជីវិតល្អប្រសើរ និងសុខុមាលភាពរបស់ប្រជាជននៃតំបន់មួយនេះ។ យើងជឿជាក់ថា តាមរយៈការខិតខំប្រឹងប្រែងរួមគ្នា និងចក្ខុវិស័យរួមគ្នារបស់យើង តារាសាគរនឹងលេចចេញមុខមាត់ថ្មីនៃការរីកចម្រើន និងជោគជ័យក្នុងរយៈពេលដ៏ខ្លីខាងមុខ”។

អគ្គនាយកក្រុមហ៊ុនវិរៈ ប៊ុនថាំ បញ្ជាក់ទៀតថា ស្ថិតក្នុងគម្រោងនេះខ្លួនប្តេជ្ញាក្នុងការរៀបចំហេដ្ឋារចនាសម្ព័ន្ធឱ្យមានភាពស្រស់ស្អាត ប្រណិត និងរស់រវើក។ លើសពីនេះ ក៏មានគម្រោងអភិវឌ្ឍន៍វិស័យដឹកជញ្ជូនដែនអាកាសប្រចាំអាកាសយានដ្ឋានតារាសាគរ តាមរយៈការបង្កើតសាលាហោះហើរ និងចំណតយន្តហោះចុះលើទឹក ដើម្បីឱ្យការធ្វើដំណើរកាន់តែងាយស្រួល។ អ្នកឧកញ៉ា ជឿជាក់ថា​តាមរយៈគម្រោងដ៏អស្ចារ្យនេះ នឹងបង្ហាញឱ្យពិភពលោកឃើញថា តារាសាគរ គឺជាតំបន់ទេសចរណ៍ដែលមានភាពរស់រវើក ទំនើប និងជាតំបន់មួយដែលមានភាពទាក់ទាញក្នុងពិភពលោកថែមទៀតផង៕

The post ក្រុមហ៊ុន វិរៈ ប៊ុនថាំ និងក្រុមហ៊ុន ខូលថល ស៊ីធី សហការគ្នាអភិវឌ្ឍន៍គម្រោងនៅតំបន់តារាសាគរដើម្បីក្លាយជាតំបន់ទេសចរណ៍កម្រិតខ្ពស់ appeared first on Kampuchea Thmey Daily.

អ្ន​កឧ​កញ៉ា​ សួ វិរៈ បានឱ្យដឹងនៅថ្ងៃទី ២៨ ខែកុម្ភៈ ឆ្នាំ ២០២៥ ថា ប្រជាពលរដ្ឋរស់នៅក្នុង​សហគមន៍​កោះស្ដេចភាគច្រើន ប្រកបមុខរបរជាអ្នកនេសាទ មានប្រពន្ធនៅផ្ទះតាំងតែពីដើមមក ដែលប្រពន្ធជាអ្នកចាក់មងសម្រាប់ឱ្យប្ដីនេសាទ សល់ពេលក្រៅពីនេះ គឺទំនេរ។

អ្ន​កឧ​កញ៉ា​សួ វិរៈ បានបញ្ជាក់ថា៖ «ដោយសារភ្ញៀវទេសចរ​ទៅលេងកោះស្ដេចមានចំនួន​កើនឡើង ជារៀងរាល់ថ្ងៃឥឡូវនេះ ផ្លូវបានស្អាតស្ទើតែ ១០០%  ខណៈចំនួនភ្ញៀវទេសចរ ទាំងខ្មែរ និងបរទេសក៏មានការកើនឡើង អញ្ចឹងហើយខ្ញុំមានគំនិតមួយ​ចង់ឱ្យប្រជាពល​រដ្ឋនៅលើកោះស្ដេច គាត់អាចរកចំណូលបានបន្ថែម ហើយប្រើធនធានដែលគាត់មានហើយ​យកទៅបោះចោល កប់នៅក្នុងសមុទ្រ ឬដុតចោល ឱ្យច្នៃជាចំណូលពួកគាត់វិញ»។

អ្ន​កឧ​កញ៉ា​សួ វិរៈ បានបញ្ជាក់ថា សំបកខ្ចៅ ខ្យង ដែលបោះចោលនៅតាមមាត់ឆ្នេរ មិនមាន​របៀបច្នៃទេ ប្រសិនបើយើងអាចរកអ្នកដែលមានជំនាញ មកបង្រៀនពួកគាត់បាន ដូច្នេះគាត់អាច​រកចំណូលបន្ថែមពីការធ្វើរបស់របរទាំងនោះ។

អ្ន​កឧ​កញ៉ា​សួ វិរៈ បន្ថែមថា៖«ប្រសិនបើអ្នកដែលគាត់មានជំនាញ អាចមកជួយការងារខ្ញុំបាន ក្នុងនោះយើងថា ជាការស្មគ្រចិត្តក៏បាន តែខ្ញុំមានចរចារជាក់ស្ដែងថាតើគាត់អាចយកជាប្រាក់​រយៈពេលប៉ុន្មានខែ ដើម្បីបង្រៀនប្រ​ជាពលរដ្ឋប៉ុន្មានខែ ដើម្បីឱ្យប្រជាពលរដ្ឋមាសត្ថភាពចេះ​ធ្វើរបស់របរផ្សេងៗ ដើម្បីលក់ទៅឱ្យភ្ញៀវទេសចរ»។

បើតាមអ្ន​កឧ​កញ៉ា​សួ វិរៈ មានរូបមន្តពីរទី១ គឺឱ្យប្រជាពលរដ្ឋលក់នៅផ្ទះរបស់គាត់ក៏បាន​នៅពេល​ដែល​ប្រជាពលរដ្ឋធ្វើនៅឯផ្ទះរបស់គាត់ ជាផលិតផលថ្មីមួយដែលឱ្យភ្ញៀវទេសចរទៅ​មើលរបៀប​ធ្វើវត្ថុអនុស្សាវវីយ៍។ ទី២ ប្រសិនបើ​គាត់​មិន​អាចលក់បានទេ គឺ ក្រុមហ៊ុនវីរៈ ប៊ុនថាំ ធានា​ទិញទាំ​ង​អស់៕

The post អ្ន​កឧ​កញ៉ា​សួ វិរៈ ប្រកាសស្វែងរកអ្នកជំនាញកែច្នៃវត្ថុអនុស្សាវរីយ បង្រៀនសហគមន៍កោះស្ដេច appeared first on Kampuchea Thmey Daily.

កាលពី​ថ្ងៃទី​១៧ ​ខែសីហា​ ឆ្នាំ​២០២១​នេះ ​ស្ថិត​នៅ​តាម​បណ្តោយ​ផ្លូវ​ លេខ​៦៧ ​ត្រង់ចំណុច ឃុំ​ប​ល័​ង្គ ស្រុក​ប្រា​សាទបាគង ខេត្តសៀមរាប ​កម្លាំង​ផ្នែក​រដ្ឋបាល​ព្រៃឈើ​បន្ទាយស្រី បាន​​ឃាត់​រថយន្ត​ដឹក​ឥ​វ៉ាន់ ១​គ្រឿង ​របស់​ក្រុមហ៊ុន ​វីរៈ​ប៊ុន​ថាំ ដោយបានរកឃើញ​ដឹក «​សត្វ​តុ​កែ» ចំនួន៩៨៤ក្បាល ហើយមន្ត្រីអះអាងថា ជាករណីល្មើសច្បាប់​។

លោកឧកញ៉ា សួរ វីរៈ អគ្គនាយកក្រុមហ៊ុន វីរៈប៊ុនថាំ អេចប្រេស បានថ្លែងប្រាប់អ្នកសារព័ត៌មានកម្ពុជាថ្មី នៅព្រឹ​ក​ថ្ងៃ​ទី១៨ ខែសីហានេះថា ជាគោលការណ៍ ក្រុមហ៊ុនពុំមានសិទ្ធ បើកមើលឥវ៉ាន់បញ្ញើររបស់ភ្ញៀវនោះទេ លុះណាតែមានការសង្ស័យ ឬមានការស្នើសុំការចូលរួម ពីអាជ្ញាធរមានសមត្ថកិច្ចណាមួយ។

ចំណែកទំព័រហ្វេសប៊ុកផ្លូវការ របស់ក្រុមហ៊ុន វីរៈប៊ុនថាំ អេចប្រេស បានសរសេរដោយ លើកសំណួរចំនួន៥ថា៖ សុំសួរទៅលោក លី សុផា ថា:

១- ហេតុអីលោកដឹងច្បាស់ហើយថាក្នុងឡានមានដឹកតុកកែ?ហើយដឹងច្បាស់ថាផ្ញើរចេញពីតំបន់ណា?មានន័យថាលោកដឹងច្បាស់ណាស់ថាជាបញ្ញើរមិនពាក់ព័ន្ធក្រុមហ៊ុនឡើយ រឺជាការរៀបចំទុកជាមុន?របស់ខុសច្បាប់ហេតុអីនៅគូទឡានវិញ ម្តេចមិននៅខាងក្នុង?

២-បើលោកដឹងហើយថាមានដឹកតុកកែ ហើយជាក្រុមហ៊ុនទទួលបញ្ញើរមានទាំងវិក័ត្រទទួល ផ្ញើរ ហើយលេខអ្នកផ្ញើរ អ្នកទទួល ទីតាំងអ្នកផ្ញើរ និងពត៌មានផ្សេងៗទៀត ហេតុអីលោកមិនទៅចាប់អ្នកប្រព្រត្តិទៅ បើតុកកែខុសច្បាប់ពិតមែន?

៣-ចាប់ភ្លាមទាមទារពិន័យ 30,000$ ជាថ្នូរក្នុងការដោះលែង តើជាច្បាប់មែនទេ?

៤-អ្នកកាប់ឈើ ដឹកឈើ ចាប់សត្វព្រៃពិតប្រាកដម្តេចលោកមិនទៅចាប់?

៥-តើលោកដឹងទេថា ក្រុមហ៊ុនទទួលបញ្ញើរគ្មានសិទ្ធឆែកមើលទំនិញភ្ញៀវនោះទេ តែក្រុមហ៊ុនតែងតែសហការជាមួយសមត្ថកិច្ចជានិច្ច បើមានករណីសង្ស័យណាមួយ។ សង្ឃឹមថា ក្រុមហ៊ុននឹងទទួលបានការដោះលែងប្រកបដោយយុត្តិធម៌។

លោកឧកញ៉ា សួរ វីរៈ អគ្គនាយកក្រុមហ៊ុន វីរៈប៊ុនថាំ អេចប្រេស បានបញ្ជាក់ថា ទាមទារការពិន័យ ៣ម៉ឺនដុល្លារ ជាថ្នូរ នឹងការដោះលែងនោះ គឺជាការពិត។ ក្រុមការងារសារព័ត៌មានកម្ពុជាថ្មី នៅមិនទាន់អាចសុំការបំភ្លឺ ពីរដ្ឋបាលព្រៃឈើបន្ទាយស្រី នៅឡើយទេ។

យ៉ាងណាក៏ដោយលោក​ ម៉ុង ប៊ុន​លីម នាយ​ខណ្ឌ​រដ្ឋបាល​ព្រៃឈើ​ខេត្តសៀមរាប បាន​ឲ្យ​ដឹង​កាលពីថ្ងៃម្សិលមិញថា រថយន្ត​ដែល​កម្លាំង​ជំនាញ រដ្ឋបាល​ព្រៃឈើ ធ្វើការ​ឃាត់​នេះ បាន​ដឹក​ឥ​វ៉ាន់​មកពី​ខេត្ត​មណ្ឌល​គី​រី ហើយ​បានមកដល់​ខេត្តព្រះវិហារ​ ក៏បាន​ចូល​ដាក់ កេស​ឥ​វ៉ាន់ ដែល​មាន​សត្វ​តុ​កែ​ដាក់​ក្លាស់​សេ​ទឹកកក ដឹក​មកកាន់​ខេត្តសៀមរាប ឆ្ពោះ​ទៅ​កាន់​ខេត្ត​ព្រះសីហនុ​។

លោក​បន្ត​ថា សត្វ​តុ​កែ​នេះ មាន​ចំនួន​៩៨៤​ក្បាល បច្ចុប្បន្ន​កម្លាំង​រដ្ឋបាល​ព្រៃឈើ​ខេត្តសៀមរាប ក៏បាន​ធ្វើការ​ផាកពិន័យ​ ទៅ​តាម​ច្បាប់​ព្រៃឈើ​ឆ្នាំ​២០០២​ផងដែរ។​ បច្ចុប្បន្ន​នេះ វត្ថុ​តាង​ និង​រថយន្ត ​ត្រូវ​បាន​រក្សាទុក​ នៅ​ផ្នែក​រដ្ឋបាល​ស្រុក​បន្ទាយស្រី ខេត្តសៀមរាប ដើម្បី​រង់ចាំ​ម្ចាស់​ក្រុមហ៊ុន ​ចូលខ្លួន​មក​ដោះស្រាយ​តាមផ្លូវ​ច្បាប់​៕  (ដោយ)៖ ឃួន សុភ័ក្រ 

The post ម្ចាស់ក្រុមហ៊ុន វីរៈប៊ុនថាំ ៖ ពិត ជាមានការទាមទារ ពិន័យ ៣ ម៉ឺនដុល្លារ ជាថ្នូរនឹងការដោះលែង រថយន្តរបស់​លោក​មែន! appeared first on Kampuchea Thmey Daily.

លោកកើត ឆែ អភិបាលរងរាជធានី បានមានប្រសាសន៍ថា ក្នុងនាមក្រុមប្រឹក្សារាជធានី គណៈអភិបាលរាជធានី មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋទាំងអស់ សូមថ្លែងអំណរគុណយ៉ាងជ្រាលជ្រៅចំពោះ ក្រុមហ៊ុន វីរៈប៊ុនថាំ ដែលបានឧបត្ថមទឹកបរិសុទ្ធ ចំនួន ១,០០០កេសជូនរដ្ឋបាលរាជធានីភ្នំពេញ ដើម្បីជួយឧបត្ថម្ភជីវភាពជូនប្រជាពលរដ្ឋ ដែលទទួលរងគ្រោះ ឬរងផលប៉ះពាល់ធ្ងន់ធ្ងរ ពី មេរោគកូវីដ-១៩ ។

តាមរយៈកាយវិការដ៏ល្អប្រពៃ ប្រកបដោយមនុស្សធម៌ និងគុណធម៌ខាងលើនេះ ពិតជាបានរួមចំណែកយ៉ាង សំខាន់ជាមួយរដ្ឋបាលរាជធានីភ្នំពេញ និងរាជរដ្ឋាភិបាល ស្របតាមការអំពាវនារបស់ សម្តេចអគ្គមហាសនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការចាត់វិធានការទប់ស្កាត់ការរីករាលដាលមេរោគកូវីដ ១៩ នៅរាជធានីភ្នំពេញ ក៏ដូចជានៅទូទាំងព្រះរាជាណាចក្រកម្ពុជា បានទាន់ពេលវេលា។

ទឹកចិត្តសប្បុរសធម៌ដ៏ថ្លៃថ្លាមួយនេ ស្តែងឱ្យឃើញអំពីការគិតគូរ និងក្តីអាណិតស្រលាញ់ចំពោះជនរួមជាតិដោយឈរលើបុព្វហេតុជាតិ សាមគ្គីជាធ្លុងមួយ ក្នុងស្មារតីជួយគ្នា នៅក្នុងកាលៈទេសៈដែលប្រទេសជាតិបាន និងកំពុង ជួបប្រទះនឹងគ្រោះភ័យនៃការរាតត្បាតពីមេរោគកូវីដ-១៩ (Covid-19)៕

អត្ថបទ៖ ស្រីរ័ត្ន

The post ក្រុមហ៊ុន វីរះប៊ុនថាំ ឧបត្ថម្ភទឹកបរិសុទ្ធ១,០០០កេសជូនពលរដ្ឋរងគ្រោះធ្ងន់ធ្ងរពីមេរោគកូវីដ-១៩ appeared first on Kampuchea Thmey Daily.