សេចក្តីព្រាងដែលនឹង​ត្រូវ​ដាក់ទៅ​សភា ​ក៏នឹង​អនុញ្ញាតឲ្យ​ទ្រព្យសម្បត្តិ​របស់​ក្រុមនេះ ​ត្រូវ​បាន​ចាត់​ទុក​ថាជា​ទ្រព្យសម្បត្តិ​ភេរវករ ហើយ​រឹបអូសយកផងដែរ។

រដ្ឋមន្ត្រី​ក្រសួង​មហាផ្ទៃ​អង់គ្លេស លោកស្រី Suella Braverman ​និយាយ​ថា ក្រុមទាហាន Wagner គឺ​ជា​ឧបករណ៍​យោធា​របស់​រុស្ស៊ី​។ ការងារ​របស់​ពួកគេ​ក្នុង​ប្រទេស​អ៊ុយក្រែន និងនៅ​អាហ្រ្វិក ​គឺ​ជាការ​គំរាមកំហែង​ដល់​សន្តិសុខ​ពិភពលោក។

លោកស្រីបន្ថែមថា “ទង្វើបង្កអស្ថិរភាពជាបន្តរបស់ Wagner គឺគ្រាន់តែដើម្បីបម្រើគោលដៅនយោបាយរបស់វិមានក្រឹមឡាំងប៉ុណ្ណោះ។ ពួកគេគឺជាភេរវករ ហើយបទបញ្ជានេះ ត្រូវធ្វើឲ្យច្បាស់នៅក្នុងច្បាប់របស់ចក្រភពអង់គ្លេស”។

Wagner បានដើរតួយ៉ាងសំខាន់ ក្នុងការលុកលុយរបស់រុស្ស៊ីលើអ៊ុយក្រែន ក៏ដូចជាប្រតិបត្តិការនៅប្រទេសក្នុងទ្វីបអាហ្រ្វិក រួមមានស៊ីរី លីប៊ី និងម៉ាលី។ យុទ្ធជន​របស់​ពួកគេ ​ត្រូវ​បាន​ចោទ​ប្រកាន់​ពី​បទ​ឧក្រិដ្ឋ​ជា​ច្រើន​រួម​ទាំង​ការ​សម្លាប់ និង​ធ្វើ​ទារុណកម្ម​ពលរដ្ឋ​អ៊ុយក្រែនផងដែរ។

ទន្ទឹមនោះ អនាគតរបស់ក្រុមនេះ បានធ្លាក់ចូលទៅក្នុងភាពមិនច្បាស់លាស់ នៅពេលមេដឹកនាំរបស់ខ្លួនគឺលោក Yevgeny Prigozhin ដឹកនាំការបះបោរប្រឆាំងមេដឹកនាំយោធារុស្ស៊ី តែត្រូវបរាជ័យ។

គួរបញ្ជាក់ថា លោក Prigozhin ដែល​​បង្កើត​ក្រុម​នេះ​ក្នុង​ឆ្នាំ២០១៤ បាន​ស្លាប់​ក្នុង​ឧបទ្ទវហេតុ​ធ្លាក់​យន្តហោះ​ ​រួម​ជា​មួយបុគ្គល Wagner ជាន់ខ្ពស់ផ្សេង​ទៀតកាលពី​ថ្ងៃ​ទី២៣ខែ​សីហា៕

ប្រែសម្រួល៖ Vann Vann

ប្រភព៖ BBC

ចុចអាន៖ លោក Blinken ថា ក្រុមទាហានស៊ីឈ្នួល Wagner កំពុងទាញយកប្រយោជន៍ ពីរដ្ឋប្រហារនៅ នីហ្សេ

The post ចក្រភពអង់គ្លេស នឹងកំណត់ ក្រុមទាហានស៊ីឈ្នួលរុស្ស៊ី Wagner ជា អង្គការភេរវកម្ម appeared first on Kampuchea Thmey Daily.

ក្នុងវីដេអូនោះ លោក Prigozhin អាយុ ៦២ ឆ្នាំត្រូវបានគេឃើញពាក់អាវយោធានៅក្នុងឡាន ហើយនិយាយមុខកាមេរ៉ាថា “ផ្ញើជូនអ្នកដែលជជែកគ្នាថាតើខ្ញុំនៅរស់ឬអត់។ តើខ្ញុំសុខសប្បាយជាទេ? វាជាថ្ងៃចុងសប្តាហ៍ ចុងខែសីហាឆ្នាំ២០២៣ ខ្ញុំ​នៅ​អាហ្វ្រិក។ ដូច្នេះ អ្នកគាំទ្រដែលពិភាក្សាពីការកម្ចាត់ខ្ញុំ គំរាមជីវិតខ្ញុំ ឬអ្វីក៏ដោយ តាមពិតអ្វីៗគឺមិនអីទេ”។

វីដេអូនេះ ត្រូវបានបង្ហោះដោយឆានែល Grey Zone ដែលជាឆានែល Telegram មានទំនាក់ទំនងជាមួយក្រុមទាហានស៊ីឈ្នួល Wagner ហើយត្រូវគេសង្ស័យថា ថតកាលពីថ្ងៃទី ១៩ ដល់ថ្ងៃទី២០ ខែសីហា ពេលដែលគាត់ស្ថិតនៅអាហ្វ្រិក ។

ទន្ទឹមនោះ ក្នុងការបង្ហោះនេះទៀតសោតក៏មិនមាន Comment អ្វីផងដែរ ប៉ុន្តែ​ការ​បង្ហោះលើក​មុន​ដោយឆានែលនេះ​បង្ហាញពី​ផ្នូរ​របស់​គាត់ និងមានភ្ជាប់ជាមួយ Caption ​ថា​៖ “គាត់​ធ្លាប់​និយាយ​ហើយ ​មនុស្ស​ស្លាប់​និយាយ​ឮ​ជាង​មនុស្ស​រស់” ។

គួរបញ្ជាក់ថា មុនពេលហេតុការណ៍ធ្លាក់យន្តហោះកាលពីសប្ដាហ៍មុន លោក Prigozhin ត្រូវបានគេដឹងថា រស់នៅក្នុងទ្វីបអាហ្វ្រិក ជាកន្លែងដែលក្រុម Wagner Group ធ្វើប្រតិបត្តិការយោធា បន្ទាប់មកលោកក៏ត្រលប់ទៅទីក្រុងមូស្គូ និងធ្លាប់យន្តហោះស្លាប់តែម្ដង ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ វិមានក្រឹមឡាំង សង្ស័យថា ការធ្លាក់យន្តហោះរបស់លោក Prigozhin អាចជាចេតនារបស់មនុស្ស

The post ធ្លាយវីដេអូលោក Prigozhin និយាយមុនពេលធ្លាក់យន្តហោះស្លាប់ appeared first on Kampuchea Thmey Daily.

ប្រទេសនេះ ត្រូវបានគ្រប់គ្រងដោយយោធា បន្ទាប់ពីការទម្លាក់ប្រធានាធិបតី Mohamed Bazoum ជិតពីរសប្តាហ៍មុន ហើយមានការលើកឡើងថា មេដឹកនាំរដ្ឋប្រហារ បានសុំជំនួយពីក្រុមហ៊ុន Wagner ដែលត្រូវបានគេដឹងថា មានវត្តមានក្នុងប្រទេសម៉ាលី ស្ថិតនៅជិតខាង។

ទោះបីជាយ៉ាងណាក៏ដោយ លោក Blinken មិនគិតថា រុស្ស៊ី ឬ ក្រុម Wagner ជាអ្នកញុះញង់ឲ្យមានរដ្ឋប្រហារក្នុងប្រទេសនីហ្សេនោះទេ ប៉ុន្តែសហរដ្ឋអាមេរិកព្រួយបារម្ភថា ក្រុមនេះអាចនឹងបង្ហាញខ្លួន នៅផ្នែកខ្លះនៃតំបន់ Sahel។

ថ្លែងប្រាប់កម្មវិធី Focus on Africa របស់ទូរទស្សន៍ BBC​ លោក Blinken បានលើកឡើងថា “អ្វីដែលបានកើតឡើងរួចហើយ និងអ្វីដែលកំពុងបន្តកើតឡើងនៅក្នុងប្រទេសនីហ្សេ មិនមែនជំរុញដោយរុស្ស៊ី ឬដោយក្រុម Wagner នោះទេ ប៉ុន្តែពួកគេព្យាយាមទាញយកប្រយោជន៍ពីវា”។

លោក Blinken បន្តថា “គ្រប់កន្លែងដែលក្រុម Wagner ទៅដល់, ការស្លាប់ ការបំផ្លិចបំផ្លាញ និងការកេងប្រវ័ញ្ច ក៏កើតមាន ជាពិសេសភាពអសន្តិសុខ​បាន​កើន​ឡើង មិនថមថយឡើយ” ។

Wagner ត្រូវបានគេជឿថាមានយុទ្ធជនរាប់ពាន់នាក់ នៅក្នុងប្រទេសនានា រួមទាំងសាធារណរដ្ឋអាហ្រ្វិកកណ្តាល (CAR) និងម៉ាលី ជាកន្លែងដែលពួកគេទទួលបានផលប្រយោជន៍អាជីវកម្ម ហើយជួយពង្រឹងទំនាក់ទំនងការទូត និងសេដ្ឋកិច្ចរបស់រុស្ស៊ីផងដែរ ហើយកន្លងមកយុទ្ធជនរបស់ក្រុមនេះ ត្រូវបានចោទប្រកាន់ពីបទរំលោភសិទ្ធិមនុស្សយ៉ាងធំធេង នៅក្នុងបណ្តាប្រទេសអាហ្វ្រិកមួយចំនួនទៀតផង៕

ប្រែសម្រួល៖ Vann Vann

ប្រភព៖ BBC

ចុចអាន៖ នីហ្សេ បិទដែនអាកាស ចំពេលមានការគំរាម ធ្វើអន្តរាគមន៍យោធា

The post លោក Blinken ថា ក្រុមទាហានស៊ីឈ្នួល Wagner កំពុងទាញយកប្រយោជន៍ ពីរដ្ឋប្រហារនៅ នីហ្សេ  appeared first on Kampuchea Thmey Daily.

បុរស​វ័យ​៦១​ឆ្នាំ​រូប​នេះ​បាន​និយាយថា “មិនត្រឹមតែគិលានុបដ្ឋាយិកា និងបុគ្គលិកទំនាក់ទំនងប៉ុណ្ណោះទេ ថែមទាំងនៅក្នុងក្រុមវាយប្រហារ និងអ្នកលបបាញ់ផងដែរ។ អ្នក​រាល់​គ្នា​ដឹងហើយ​ថា ​រឿង​នេះ​ត្រូវ​បាន​គេ​ធ្វើ​ពី​មុន​មក​”។ លោកនិយាយបែបនេះ ​ដោយ​សំដៅ​ទៅ​លើ​អ្នក​បាញ់ស៊ីបជា​ស្ត្រី ​សម័យ​សង្គ្រាម​លោក​លើក​ទី​២ ដ៏ល្បីល្បាញ។

ការអត្ថាធិប្បាយរបស់គាត់ធ្វើឡើង ជាការឆ្លើយតបទៅនឹងមន្ត្រីរុស្ស៊ីនៅភាគខាងកើតទីក្រុងមូស្គូ ដែលនិយាយថា ស្ត្រីជាប់ពន្ធនាគារនៅទីក្រុង Nizhny Tagil បានស្នើសុំឲ្យបញ្ជូនខ្លួន ទៅប្រទេសអ៊ុយក្រែនដើម្បីជួយដល់កងទ័ពរុស្ស៊ី។

អ្នកបាញ់ស៊ីបជាស្ត្រី ត្រូវបានទទួលស្គាល់ជាលើកដំបូង ដោយសារជំនាញសម្លាប់របស់ពួកគេនៅក្នុងសង្គ្រាមលោកលើកទី២ បន្ទាប់ពីស្ត្រីប្រហែល ៨សែននាក់ បានបម្រើក្នុងកងកម្លាំងប្រដាប់អាវុធសូវៀត ក្នុងនាមជាអ្នកលបបាញ់ អ្នកបើកយន្តហោះ អ្នកបាញ់កាំភ្លើងយន្ត ហើយមួយចំនួនធំបានឈរជើងនៅក្នុងអង្គភាពពេទ្យ។

ក្នុងរយៈពេលប៉ុន្មានខែថ្មីៗនេះ ក្រុមហ៊ុន Wagner ត្រូវបានគេយល់ថា បានជ្រើសរើសអ្នកទោសជាបុរសយ៉ាងច្រើនពីពន្ធនាគាររុស្ស៊ី ដើម្បីប្រយុទ្ធនៅសមរភូមិជួរមុខក្នុងប្រទេសអ៊ុយក្រែន ជាមួយនឹងការសន្យាកាត់បន្ថយទោស និងផ្តល់ប្រាក់ខែខ្ពស់។

ក្នុងខែកញ្ញា លោក Prigozhin បានបង្ហាញជាលើកដំបូងថា គាត់បានបង្កើតក្រុមហ៊ុន Wagner កាលពីឆ្នាំ២០១៤ ដើម្បីប្រយុទ្ធនៅអ៊ុយក្រែន និងបានទទួលស្គាល់វត្តមានរបស់ខ្លួននៅក្នុងទ្វីបអាហ្រ្វិក មជ្ឈិមបូព៌ា និងអាមេរិកឡាទីន។

ក្នុងខែនេះ ក្រុមហ៊ុន Wagner បានបើកការិយាល័យកណ្តាលនៅទីក្រុង Saint Petersburg ដែលជាទីក្រុងធំលំដាប់ទីពីររបស់ប្រទេសរុស្ស៊ី៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ដឹងទេ ទាហានស៊ីឈ្នួល ដែលប្រយុទ្ធឲ្យភាគីជម្លោះទទួលបានការការពារពី ច្បាប់យ៉ាងណាដែរ

The post ក្រុមហ៊ុនទាហានស៊ីឈ្នួលរុស្ស៊ី ត្រៀមយកស្រ្តីអ្នកទោស ទៅធ្វើជា Sniper នៅសមរភូមិជួរមុខ (មានវីដេអូ)  appeared first on Kampuchea Thmey Daily.