ព័ត៌មានដ៏រសើបនេះកើតឡើង បន្ទាប់ពីលោក Xabi Alonso ចាកចេញពី Real Madrid ក្រោយដឹកនាំបានរយៈពេលកន្លះរដូវកាល។ បុរសសញ្ជាតិ អេស្ប៉ាញ នៅតែទទួលបានការចាប់អារម្មណ៍ពីក្លិបធំៗនៅតំបន់ អឺរ៉ុប ទោះបីជាលោកមិនជោគជ័យនៅ Real Madrid ក៏ដោយ។ ថ្មីៗនេះ លោកកំពុងមានពាក្យចចាមអារ៉ាមជាច្រើន អំពីទំនាក់ទំនងនឹងអាចទៅដឹកនាំក្រុម Liverpool នៃក្របខណ្ឌលីគកំពូល អង់គ្លេស។

លោក Xabi Alonso មិនទាន់មានព័ត៌មានច្បាស់លាស់ អំពីក្លិបថ្មីនៅឡើយទេ ប៉ុន្តែបើតាមសារព័ត៌មាន អេស្ប៉ាញ Marca បានអះអាង ថា អតីតគ្រូបង្វឹកក្រុម Bayer Leverkusen រូបនេះ មានគម្រោងសម្រាកពីការងារគ្រូបង្វឹកមួយរយៈខ្លីសិន រហូតទាល់តែ Liverpool ទាក់ទងមកលោក។ ប្រភពដដែលបានបន្ថែម ថា លោក Xabi អាចនឹងទៅ Anfield ឆាប់ៗ ដោយសារគ្រូបង្វឹកបច្ចុប្បន្ន លោក Arne Slot កំពុងរងសម្ពាធខ្លាំង ទោះបីជា Liverpool មានស្ថិតិមិនចាញ់ ១២ ប្រកួតជាប់គ្នាក៏ដោយ ប៉ុន្តែពួកគេបានស្មើរហូតដល់ទៅ ៦ ប្រកួត។

រដូវកាលមុនលោក Slot បានជួយឱ្យ Liverpool លើកពាន Premier League ប៉ុន្តែរដូវកាលនេះ ក្រុមចាប់ផ្តើមហាក់ពុំសូវបានល្អប៉ុន្មានឡើយ។ បច្ចុប្បន្នមានកត្តា ៤ ដែលធ្វើឱ្យកៅអីបុរសសញ្ជាតិ ហូល្លង់ រូបនេះឡើងកម្តៅ រួមមាន ការលេងមិនទាក់ទាញ បើទោះបីជាលទ្ធផលមិនអាក្រក់។ ការមិនពេញចិត្តពីអ្នកគាំទ្រ ជាពិសេស បន្ទាប់ពីស្មើ Burnley ១-១។ ក្រុមមិនអាចយកឈ្នះក្រុមដែលទើបឡើងមកថ្មីៗ។ ចុងក្រោយ គឺជម្លោះសាធារណៈរវាង Slot និងខ្សែប្រយុទ្ធ Mohamed Salah៕

ប្រែសម្រួល៖ សេម កុសល
ប្រភព៖ Mirror

The post លោក Xabi Alonso បើកចិត្តចង់ទៅដឹកនាំក្លិបធំមួយនៅ Premier League appeared first on Kampuchea Thmey Daily.

យោងតាមការព្យាករណ៍របស់ OptaAnalyst បានបង្ហាញ ថា Liverpool ជាក្រុម ដែលមានលទ្ធភាពខ្ពស់ជាងគេ ក្នុងការឈ្នះពាន UCL រដូវកាលនេះ ពោលគឺមានភាគរយរហូតដល់ទៅ ២០.៤%។ ចំណែក Arsenal ស្ថិតនៅលំដាប់លេខ ២ មានភាគរយ ១៦%។ ក្រុមការពារតំណែងជើងឯក PSG ស្ថិតនៅលំដាប់លេខ ៣ មានភាគរយចំនួន ១២.១%។

Man City និង Barcelona មានភាគរយ ៨.៤% ដូចគ្នា។ Chelsea មានភាគរយ ៧%។ Real Madrid មានភាគរយ ៥.៨%។ Bayern Munich មានភាគរយ ៤.៣%។ Inter Milan មានភាគរយ ៣%។ Newcastle United មានភាគរយ ៣% និងចុងក្រោយ Benfica មានភាគរយ ១.៧ %។

ការប្រកួតពាន UCL រដូវកាលនេះ នឹងមានការប្រកួតប្រជែងខ្លាំង ដោយសាររដូវកាលនេះ គឺមានក្រុមជាច្រើន ដែលកំពុងឡើងជើងខ្លាំងគួរឱ្យកត់សម្គាល់។ យ៉ាងណា បើក្រឡេកទៅមើល Liverpool ដែលកំពុងស្ថិតក្រោមការដឹកនាំរបស់លោក Arne Slot ក៏កំពុងតែបង្ហាញសក្តានុពលនៅក្នុងលីគកំពូល អង់គ្លេស ក៏ដូចជាតំបន់ អឺរ៉ុប ខ្លាំងផងដែរ។ ឆ្លងកាត់ការប្រកួតនៅក្នុងលីគ ៤ ប្រកួត ពួកគេឈ្នះទាំង ៤ ប្រកួត ខណៈបច្ចុប្បន្នកំពុងឈរនៅតំណែងកំពូលតារាង។

គួរឱ្យដឹងថា ក្រុមហង្សក្រហម Liverpool នឹងបើកឆាកការប្រកួតដំបូងក្នុងពាន UCL ក្នុងវគ្គ League Phase របស់ខ្លួនទល់នឹងក្រុម Atletico Madrid នៅយប់រំលងអាធ្រាត្រថ្ងៃ ពុធ ឈានចូលថ្ងៃ ព្រហស្បតិ៍ ទី ១៨ ខែ កញ្ញា ឆ្នាំ ២០២៥៕

ប្រែសម្រួល៖ សេម កុសល
ប្រភព៖ ONE Football

The post Liverpool ត្រូវគេព្យាករ នឹងឈ្នះពាន UCL រដូវកាលនេះ appeared first on Kampuchea Thmey Daily.

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា Liverpool បានព្រមព្រៀងលើការផ្ទេរយកខ្សែប្រយុទ្ធសញ្ជាតិ ស៊ុយអ៊ែត វ័យ ២៥ ឆ្នាំពី Newcastle United ក្នុងតម្លៃ ១៧៥.៦៧ លានដុល្លារអាមេរិក។

ប្រភពដដែលបានបញ្ជាក់ ថា កិច្ចព្រមព្រៀងគ្រប់យ៉ាង គឺបានបញ្ចប់រួចរាល់អស់ហើយ ខណៈការពិនិត្យសុខភាព និងការចុះកិច្ចសន្យាជាផ្លូវការ គ្រោងនឹងធ្វើឡើងនៅថ្ងៃនេះ។

គួរឱ្យដឹងថា តម្លៃផ្ទេររបស់ Isak ទៅ Liverpool គឺជាតម្លៃផ្ទេរបំបែកកំណត់ត្រាថ្លៃបំផុតប្រចាំក្របខណ្ឌលីគកំពូល Premier League ខណៈកំណត់ត្រានេះ ដើមឡើយគឺកាន់កាប់ដោយ Jack Grealish ដែលកាលពីឆ្នាំ ២០២១ រូបគេបានចាកចេញពី Aston Villa ផ្លាស់ទៅ Manchester City ក្នុងតម្លៃ ១៣៧.៦៧ លានដុល្លារអាមេរិក៕

ប្រែសម្រួល៖ សេម កុសល
ប្រភព៖ Fabrizio Romano

The post ទីបំផុត! Liverpool ព្រមព្រៀងផ្ទេរយក Isak ហើយ ក្នុងតម្លៃកំណត់ត្រាថ្លៃបំផុតនៅអង់​គ្លេស appeared first on Kampuchea Thmey Daily.

គិតត្រឹមថ្ងៃទី ៣០ ខែ កក្កដា ឆ្នាំ ២០២៥ ក្លិបហង្សក្រហម Liverpool បានឈរនៅលើគេ ជាក្លិបដែលចាយលុយច្រើនបំផុត ក្នុងការទិញចូលកីឡាករថ្មី​ចូល។ បន្ទាប់មក Chelsea ឈរលេខ ២, Arsenal ឈរលេខ ៣, Manchester United ឈរលេខ ៤ និង Manchester City ឈរនៅលេខ ៥។

ខាងក្រោម គឺជាទិន្នន័យលំអិត​ ដែលដកស្រង់ចេញពី Transfer Market អំពីក្លិបទាំង ៥ ក្នុងក្របខណ្ឌ Premier League បាន​ចំណាយ​ច្រើនជាងគេបំផុត ក្នុងការទិញកីឡាករថ្មីនៅរដូវក្តៅនេះ៖

• Liverpool ចាយលុយសរុបអស់ ចំនួន ៣៥៨.៩ លានដុល្លារអាមេរិក
• Chelsea ចាយលុយសរុបអស់ ចំនួន ២៨២.៨៧ លានដុល្លារអាមេរិក
• Arsenal ចាយលុយសរុបអស់ ចំនួន ២៥៨.៨៥ លានដុល្លារអាមេរិក
• Man United ចាយលុយសរុបអស់ ចំនួន ១៧៦.១ លានដុល្លារអាមេរិក
• Manchester City ចាយលុយសរុបអស់ ចំនួន ១៦៨ លានដុល្លារអាមេរិក៕

អត្ថបទ៖ សេម កុសល
ប្រភព៖ Transfer Market

The post ក្លិប ៥ ប្រចាំ លីគ​កំពូល​អង់គ្លេស ចាយលុយ​ច្រើនបំផុត​​ត្រៀម​ខ្លួន​រដូវកាលនេះ appeared first on Kampuchea Thmey Daily.

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា ក្លិប Liverpool បានរៀបចំកញ្ចប់ទឹកប្រាក់ចំនួន ១៦០ លានដុល្លារអាមេរិក ដើម្បីដេញថ្លៃយក​កីឡាករ Isak នៅរដូវក្តៅនេះ។

ទោះបីជាយ៉ាងណា គិតត្រឹមពេលនេះ Isak មិនទាន់មានតម្រុយជាក់លាក់ណាមួយ ដែលបញ្ជាក់ថា រូបគេអាចនឹងផ្លាស់ទៅកាន់ Liverpool នៅឡើយ ដោយសារ​រូបគេបានទុកអាទិភាពនៃការចាកចេញរបស់ខ្លួន ស្ថិតនៅលើ​ក្លិប​ Newcastle ជា​អ្នក​សម្រេច។

គួរឱ្យដឹងថា Liverpool មានបំណងចង់បាន Isak នៅរដូវកាលនេះ ដោយសារ​ពួកគេ ចង់យកខ្សែប្រយុទ្ធសញ្ជាតិ ស៊ុយអែត រូបនេះទៅជំនួសកន្លែងរបស់ Darwin Nunez ដែលក្លិបនឹងអនុញ្ញាតឱ្យចាកចេញនៅរដូវក្តៅនេះ៕

ប្រែសម្រួល៖ សេម កុសល
ប្រភព៖ Fabrizio Romano

The post ញាក់សាច់! ក្លិប Liverpool គ្រោងចាយលុយ ១៦០ លានដុល្លារ ទិញយកជើងស៊ុត​ម្នាក់ ប្រចាំលីគ​អង់គ្លេស appeared first on Kampuchea Thmey Daily.

កាលពីពេលថ្មីៗនេះ Arnold បានប្រកាសជាផ្លូវការ នឹងចាកចេញពី Liverpool នៅចុងបញ្ចប់រដូវកាលនេះ ខណៈអនាគតរបស់គេ ត្រូវបានគេជឿជាក់ថា នឹងចូលរួមជាមួយក្រុមអធិរាជស Real Madrid ដោយគ្មានតម្លៃខ្លួន។

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា Liverpool កំពុងពិចារណាយក Jeremie Frimpong មកជំនួស Arnold។

ប្រភពដដែលបានបន្ថែមថា ខ្សែការពារស្លាបស្តាំរបស់ Bayer Leverkusen រូបនេះមានតម្លៃខ្លួនផ្តាច់កិច្ចសន្យានៅរដូវក្តៅនេះចំនួន ៣៩ លានដុល្លារអាមេរិក។ ដោយឡែក Liverpool វិញ បានយល់ដឹងយ៉ាងច្បាស់អំពីកិច្ចសន្យានេះ ហើយឥឡូវនេះថ្នាក់លើក្លិបកំពុង​ពិភាក្សាគ្នាអំពីការយកខ្សែការពារសញ្ជាតិ ហូល្លង់ វ័យ ២៤ ឆ្នាំរូបនេះមកជំនួស Arnold៕

ប្រែសម្រួល៖ សេម កុសល
ប្រភព៖ Fabrizio Romano

The post Liverpool ចង់បានខ្សែការពារស្លាបស្តាំនៅ Bundesliga ម្នាក់មកជំនួស Arnold appeared first on Kampuchea Thmey Daily.

ទាក់ទងនឹងការចាកចេញនេះ ខ្សែការពារសញ្ជាតិ អង់គ្លេស វ័យ ២៦ ឆ្នាំបានប្រកាសនៅលើបណ្តាញសង្គម X យ៉ាងដូច្នេះថា៖ «នេះ​ជា​ការ​សម្រេច​ចិត្ត​ដ៏​ពិបាក​បំផុត​ដែល​ខ្ញុំ​មិន​ធ្លាប់​ឆ្លងកាត់កន្លងមកនៅក្នុង​ជីវិត​របស់​ខ្ញុំ។… ក្លិបនេះគឺជាជីវិតរបស់ខ្ញុំទាំងមូល ជាពិភពលោក​របស់ខ្ញុំរយៈពេល ២០ ឆ្នាំ។ ចាប់តាំងពីយុវជនរហូតមកដល់ពេលនេះ ការគាំទ្រ និងសេចក្តីស្រឡាញ់ ដែលខ្ញុំទទួលបានពីមនុស្សគ្រប់គ្នាទាំងនៅក្នុង និងក្រៅក្លិប វាតែងតែដក់ជាប់នៅក្នុងចិត្តខ្ញុំជារៀងរហូត។ ខ្ញុំនឹងនៅតែជំពាក់អ្នកទាំងអស់គ្នាជារៀងរហូត» ។

Arnold បានបន្តទៀតថា៖ «ប៉ុន្តែ ខ្ញុំមិនអាចដឹងពីអ្វីដែលកើតឡើងទៅមុខទៀតឡើយ ហើយការសម្រេចចិត្តនេះ វាកើតឡើង ដោយសារខ្ញុំចង់ទទួលយកការប្រកួតប្រជែងថ្មី។ ដោយសេចក្តីស្មោះចេញពីបេះដូង ខ្ញុំសូមអរគុណដល់អ្នកទាំងអស់គ្នា គ្រូបង្វឹក អ្នកគ្រប់គ្រង មិត្តរួមក្រុម បុគ្គលិក និងអ្នកគាំទ្រដ៏អស្ចារ្យ។ សេចក្តីស្រឡាញ់របស់ខ្ញុំចំពោះក្លិបនេះ គឺនឹងមិនអាចបញ្ចប់ឡើយ»។

ក្រោយរួមរស់នៅទឹកដី Anfield រយៈពេល ២០ ឆ្នាំ គឺ​ Arnold នឹងត្រូវចាកចេញដោយគ្មានតម្លៃខ្លួននៅរដូវក្តៅនេះ ខណៈយោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា រូបគេនឹងចុះកុងត្រាជាមួយក្រុមអធិរាជស Real Madrid ក្នុងពេលឆាប់ៗ៕

ប្រែសម្រួល៖ សេម កុសល
ប្រភព៖ Fabrizio Romano

The post ទីបំផុត Arnold ប្រកាសចាកចេញពី Liverpool ដោយ​អាចចូល​រួម Real Madrid ឆាប់ៗ appeared first on Kampuchea Thmey Daily.

ចំពោះការឈ្នះពានលីគកំពូល អង់គ្លេស រដូវកាលនេះមួយទៀត បានធ្វើឱ្យ Liverpool ក្លាយជាក្រុមជោគជ័យបំផុតក្នុងប្រវត្តិសាស្ត្រ អង់គ្លេស បន្ទាប់ពី Manchester United ដោយពួកគេឈ្នះពាននេះចំនួន ២០ លើកស្មើគ្នា ខណៈស្ថិតិនេះបានធ្វើឱ្យក្រុមទាំង ២ ក្លាយជាក្រុម ដែលឈ្នះពានលីគកំពូល អង់គ្លេស ច្រើនជាងគេបំផុត។

គួរដឹងថា ដ្បិតនៅសល់ ៤ ប្រកួតទៀតសម្រាប់ការប្រកួតប្រជែងក្នុងរដូវកាលនេះ ប៉ុន្តែ Liverpool បានឈ្នះជើងឯក Premier League រដូវកាលនេះហើយ បន្ទាប់ពីពួកគេយកឈ្នះលើក្រុម Tottenham Hotspur កាលពីយប់ថ្ងៃ អាទិត្យ ទី ២៧ ម្សិលមិញក្នុងលទ្ធផល ៥-១ ដែលធ្វើឱ្យពួកគេមានពិន្ទុវ៉ាដាច់ក្រុមលេខ ២ Arsenal ដល់ទៅ ១៥ ពិន្ទុ។

អត្ថបទ៖ សេម កុសល

The post Liverpool ក្លាយជាក្រុមទី ២ បន្ទាប់ពី Man United ឈ្នះពានលីគអង់គ្លេស ២០ សម័យ appeared first on Kampuchea Thmey Daily.