ប្រតិបត្តិការនេះបានធ្វើឡើងកាលពីរសៀលថ្ងៃទី១៥ ខែកក្កដា ឆ្នាំ២០២៦ ក្រោមការបញ្ជាដឹកនាំដ៏ខ្ពង់ខ្ពស់ពី លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងមានការដឹកនាំផ្ទាល់ពី លោកស្រី ឧត្តមសេនីយ៍ត្រី ងិន សុគន្ធា ស្នងការរងទទួលផែនការងារប្រឆាំងការជួញដូរមនុស្ស និងការពារអនីតិជន។

ទន្ទឹមនឹងនោះ កម្លាំងជំនាញដឹកនាំដោយ លោកស្រីវរសេនីយ៍ឯក មួន មល្លិកា នាយការិយាល័យប្រឆាំងការជួញដូរមនុស្ស និងការពារអនីតិជន ដោយមានការសម្របសម្រួលនីតិវិធីពី លោកស្រី ធាម ច័ន្ទពីលីការ ព្រះរាជអាជ្ញារងអមសាលាដំបូងខេត្តកំពង់ស្ពឺ បានចុះទៅដល់ទីតាំងផ្ទាល់ ដែលមានយីហោ «អាហារដ្ឋានម្លប់លាភត្រជាក់ចិត្ត» និង «ផ្ទះសំណាក់ ហេងហេង» ស្ថិតនៅភូមិទឹកលង២ ឃុំរុងរឿង ស្រុកថ្ពង ខេត្តកំពង់ស្ពឺ។

លោកស្រីនាយការិយាល័យបានបញ្ជាក់ឱ្យដឹងថា នៅក្នុងប្រតិបត្តិការខាងលើ កម្លាំងសមត្ថកិច្ចបានរកឃើញបន្ទប់សម្រាប់ស្នាក់នៅ និងបានធ្វើការឃាត់ខ្លួនម្ចាស់ទីតាំងម្នាក់ ឈ្មោះ សុខុម សៀប ភេទស្រី អាយុ ៦០ឆ្នាំ។ ជាមួយគ្នានោះ សមត្ថកិច្ចក៏បានអន្តរាគមន៍ជួយសង្គ្រោះនារីដែលមករកការងារធ្វើនៅទីតាំងខាងលើបានចំនួន ៧នាក់ ក្នុងនោះមាននារីជាអនីតិជន (អាយុក្រោម ១៨ឆ្នាំ) ចំនួន ២នាក់ ដែលត្រូវបានម្ចាស់ហាងអូសទាញ និងធានាឱ្យមកបម្រើការងារនៅទីនេះ។

បច្ចុប្បន្ន សមត្ថកិច្ចបានបញ្ជូនទាំងនារីរងគ្រោះទាំង ៧នាក់ និងម្ចាស់ទីតាំង មកកាន់ស្នងការដ្ឋាននគរបាលខេត្តកំពង់ស្ពឺ ដើម្បីចាត់ការបន្តទៅតាមនីតិវិធីច្បាប់៕

The post បង្ក្រាបទីតាំងអាហារដ្ឋាន និងផ្ទះសំណាក់មួយកន្លែង លួចលាក់បង្កប់សេវាផ្លូវភេទ និងនាំស្រីក្មេងមកបម្រើការ នៅខេត្តកំពង់ស្ពឺ appeared first on Kampuchea Thmey Daily.

គួររំលឹកថា កាលពីថ្ងៃទី១៩ ខែមិថុនា ឆ្នាំ២០២៦ យុវជនរូបនេះបានបើកម៉ូតូទៅប្លុងចោលនៅចំណុចផ្លូវលំបំបែកជាបី ឆ្ពោះទៅក្រុមហ៊ុនវីរៈប៊ុនថាំ ក្នុងតំបន់ឧទ្យានជាតិគិរីរម្យ ស្រុកភ្នំស្រួច ខេត្តកំពង់ស្ពឺ។ នៅលើម៉ូតូនោះ គេបានប្រទះឃើញកាបូបខោអាវ និងសំបុត្រមួយសន្លឹកសរសេររៀបរាប់ថា៖ «បើអ្នកបានឃើញសំបុត្រនេះ មានន័យថាខ្ញុំបានស្លាប់ហើយ… មានវីដេអូក្នុងទូរស័ព្ទដែលជាការសម្រេចចិត្តចុងក្រោយបែបនេះ…» ព្រមទាំងបានសរសេរលេខទូរស័ព្ទសាច់ញាតិ ដើម្បីឱ្យសមត្ថកិច្ចជួយទាក់ទងទៅគ្រួសារផងដែរ។

ក្រោយការបាត់ខ្លួនអស់រយៈពេល ៨ថ្ងៃ ស្រាប់តែនៅថ្ងៃទី២៧ ខែមិថុនា នេះ កម្លាំងប៉ុស្តិ៍នគរបាលរដ្ឋបាលចំបក់ បានទទួលព័ត៌មានពីអ្នកភូមិថា បានប្រទះឃើញបុរសម្នាក់ដេករបួសនៅចំណុចអូរធំ (ស្ទឹងចម្លងទាវ)។ ភ្លាមៗនោះ សមត្ថកិច្ចបានចុះទៅដល់ទីតាំងកើតហេតុ ហើយបានបញ្ជាក់អត្តសញ្ញាណថា បុរសរូបនោះពិតជាជនដែលបានបាត់ខ្លួនប្រាកដមែន មានឈ្មោះ គន់ សុខហេង អាយុ ៣២ឆ្នាំ មានស្រុកកំណើតនៅភូមិជាលា ឃុំជាលា ស្រុកបាធាយ ខេត្តកំពង់ចាម។ ស្ថានភាពរបស់ជនរងគ្រោះពេលប្រទះឃើញ គឺមានសភាពបែកមាត់ និងរងរបួសធ្ងន់ធ្ងរត្រង់ភ្នែកខាងឆ្វេង ព្រមទាំងមានរបួសជាច្រើនកន្លែងទៀតនៅលើរាងកាយ។

តាមការសន្និដ្ឋានរបស់សមត្ថកិច្ច ផ្អែកលើភស្តុតាង និងការពិនិត្យជុំវិញកន្លែងកើតហេតុ សមត្ថកិច្ចបានធ្វើការសន្និដ្ឋានបឋមថា ជនរងគ្រោះប្រហែលជាបានប៉ុនប៉ងលោតសម្លាប់ខ្លួនពីលើទីទួល ឬចំណោតភ្នំ ប៉ុន្តែមិនស្លាប់ ដោយគ្រាន់តែរងរបួសធ្ងន់ធ្ងរ ហើយដេកនៅទីនោះរហូតដល់មានអ្នកភូមិទៅប្រទះឃើញ។

បច្ចុប្បន្ន យុវជនរងគ្រោះត្រូវបានកម្លាំងសមត្ថកិច្ចចម្រុះ និងក្រុមសង្គ្រោះ ដឹកបញ្ជូនទៅកាន់មន្ទីរពេទ្យ ដើម្បីធ្វើការសង្គ្រោះបន្ទាន់ និងព្យាបាលមុខរបួស ខណៈសាច់ញាតិរបស់ជនរងគ្រោះក៏ត្រូវបានទាក់ទងឱ្យមកមើលថែផងដែរ៕ អត្ថបទ ៖ អុឹងម៉េង

The post រកឃើញហើយ ! យុវជនសរសេរសំបុត្របណ្តាំ «ខ្ញុំស្លាប់ហើយ» មុនបាត់ខ្លួនលើភ្នំគិរីរម្យ ត្រូវប្រទះឃើញក្នុងស្ថានភាពរបួសធ្ងន់ appeared first on Kampuchea Thmey Daily.

តាមរយៈការ​ផ្សព្វផ្សាយ ក្រសួងការងារ​បានឱ្យដឹងថា គិតត្រឹមថ្ងៃទី៣០​ ខែឧសភា ឆ្នាំ២០​២៦នេះ ខេត្កកំពង់ស្ពឺ​មានឱកាសការងារចំនួន ២២, ១៦៦​កន្លែង កំពុងរ​ង់ចាំ​បងប្អូនអតី​ត​ពលករត្រឡប់​មកពីប្រ​ទេសថៃ និងអ្នកកំពុងស្វែងរកការងារធ្វើ។ ឱកាសការងារទាំង​នោះស្ថិតក្នុងវិស័​យឧស្សាហ​កម្ម និង​សេវាកម្ម។

ដើម្បីទទួលបា​នឱកាសការងារទាំងនោះ អតីតពល​ករត្រឡប់មកពី​ប្រទេសថៃ និងអ្នកកំ​ពុងស្វែងរក​ការងារធ្វើ អាច​ស្វែងរកលេ​ខទំនាក់​ទំន​ង ឈ្មោះ​រោងចក្រ និងវិស័​យដែលខ្លួន​ពេញចិត្តបានតាមរយៈខិត្ត​បណ្ណការងា​ររបស់ក្រសួងដែល​បានផ្សព្វផ្សាយ​យ៉ាងលម្អិត។

ជាមួយគ្នានេះ ​ក្រៅពីទំនាក់ទំនងផ្ទាល់ជា​មួយក្រុមហ៊ុន រោង​ចក្រ សហគ្រាស​ អ្នក​ស្វែងរកការងា​រទាំងអ​ស់ ជាពិសេ​សបងប្អូន​អតីត​ពលករ ក៏អាច​ទាក់​ទ​ងមកប្រព័ន្ធទំនាក់ទំនងបន្ទាន់ ១២៩៧ ដើម្បីឱ្យក្រសួងការងារជួយសម្របសម្រួលស្វែងរកការងារជូនផងដែរ។ នេះបើ​តាម​ក្រសួ​ង​ការ​ងារ​ដដែ​ល៕

The post ក្រសួងការងារ៖ ខេត្តកំពង់ស្ពឺ មានឱកាសការងារជាង ២ម៉ឺន​កន្លែងកំពុងរង់ចាំអតី​តពលករ និងអ្នក​កំពុង​ស្វែង​រក​កា​រងារ​ធ្វើ appeared first on Kampuchea Thmey Daily.

ដោយអនុវត្ដតាមបទបញ្ជាការណែនាំដ៏ខ្ពង់ ខ្ពស់របស់លោក នាយឧត្ដមសេនីយ៍ ស ថេត អគ្គស្នងការនគរបាលជាតិ លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ ណែនាំដល់ កំលាំង ផែនការងារសណ្ដាប់ធ្នាប់ការិយាល័យនគរបាលចរាចរណ៍ផ្លូវគោក ផ្នែកសណ្ដាប់ធ្នាប់ នៃអធិការដ្ឋាននគរបាលក្រុង-ស្រុក ត្រូវអនុវត្ដវិធានការច្បាប់ ចំពោះមធ្យោបាយយានគ្រប់ប្រភេទដែលកែច្នៃលក្ខណៈបច្ចេកទេសខុសពី ឯកសារផ្លូវការចេញដោយក្រសួងសាធារណការ បណ្ណសម្គាល់ទោចក្រយានយន្ត និងវិញ្ញាបនបត្រ ត្រួតពិនិត្យលក្ខណៈបច្ចេកទេស (ឈៀករថយន្ដ) ករណីឃាត់ពិនិត្យឃើញថា មធ្យោបាយមួយចំនួនខុសពី ឯកសារ ឬកែច្នៃខុសលក្ខណៈបច្ចេកទេសត្រូវឃាត់ ទុកដើម្បីធ្វើការត្រួតពិនិត្យនិងអនុវត្ដតាមនីតិវិធី។

ជាមួយគ្នាផងដែរ សមត្ថកិច្ចជំនាញក៏បានស្នើដល់ម្ចាស់យានគ្រប់ប្រភេទ ត្រូវអនុវត្ដតាមគោលការណ៍ច្បាប់ក្នុងប្រើប្រាស់មធ្យោបាយគ្រប់ប្រភេទ បំរើដល់អាជីវកម្មនិងបទដ្ឋានយាន ដើម្បីបញ្ជៀសនូវការរងទណ្ឌកម្មផាកពិន័យនិងខកខានពេលវេលាក្នុងការរកស៊ីប្រចាំថៃ្ង៕

The post សមត្ថកិច្ចខេត្តកំពង់ស្ពឺ អនុវត្ដវិធានការច្បាប់ចំពោះមធ្យោបាយយានគ្រប់ប្រភេទដែលកែច្នៃលក្ខណៈបច្ចេកទេសខុស appeared first on Kampuchea Thmey Daily.

ជាកិច្ចចាប់ផ្ដើម លោកស្រី កែវ សារីម អនុប្រធានគណៈកម្មាធិការគណបក្សសង្កាត់ បានធ្វើការស្វាគមន៍យ៉ាងកក់ក្ដៅ ចំពោះវត្តមានអញ្ជើញចូលរួមរបស់ ឯកឧត្តម ហ៊ុន ម៉ានី ព្រមទាំងរាយការណ៍សង្ខេបអំពីស្ថានភាពទូទៅ និងវឌ្ឍនភាពការងារ ដែលសម្រេចបាន នាពេលកន្លងមករបស់គណបក្សសង្កាត់។

ជាមួយគ្នានេះ លោក ខាន់ លីហួរ តំណាងសមាជិកគណបក្សថ្មីបានឡើងធ្វើការប្តេជ្ញាចិត្តប្រកបដោយភាពស្វាហាប់ចំពោះមុខគណៈអធិបតីក្នុងការក្លាយខ្លួនសមាជិក ដោយគោរពយ៉ាងម៉ឺងម៉ាត់នូវលក្ខន្តិកៈ និងគោលការណ៍ណែនាំនានារបស់គណបក្ស ក៏ដូចជាបំពេញតួនាទីជាឃោសនិកជូនគណបក្សប្រកបដោយប្រសិទ្ធភាពខ្ពស់។

បន្ទាប់ពីបានស្តាប់នូវរបាយការណ៍ស្វាគមន៍ និងការប្តេជ្ញាចិត្តដ៏មោះមុតរបស់តំណាងសមាជិកបក្សរួចមក ឯកឧត្តម ហ៊ុន ម៉ានី បាននាំយកនូវការសាកសួរសុខទុក្ខ និងសេចក្តីនឹករលឹកពីសំណាក់សម្តេចប្រធានគណបក្ស សម្តេចអនុប្រធានគណបក្សជូនក្រុមគ្រួសារគណបក្សប្រជាជនកម្ពុជាឃុំព្រៃវិហារ ស្រុកគងពិសី ដែលមានវត្តមានក្នុងពិធីនេះ។

បន្ថែមពីលើនេះ ឯកឧត្តមបានសម្តែងនូវការកោតសរសើរចំពោះឆន្ទៈ និងភាពក្លាហានរបស់តំណាងសមាជិក សមាជិកា ដែលបានធ្វើការសម្រេចចិត្តដ៏ត្រឹមត្រូវបំផុតពោរពេញទៅដោយថាមពលក្នុងការចូលរួមជាមួយគណបក្សប្រជាជនកម្ពុជា។

ជាចុងក្រោយឯកឧត្តម ក៏បានអំពាវនាវដល់សមាជិក សមាជិកាគណបក្សឱ្យបន្តជឿជាក់លើគណបក្សប្រជាជនកម្ពុជា និងជឿជាក់លើការដឹកនាំរបស់រាជរដ្ឋាភិបាលកម្ពុជា ដែលតែងរួមសុខរួមទុក្ខជាមួយប្រជាជនគ្រប់កាលៈទេសៈ៕

The post ឯកឧត្តម ហ៊ុន ម៉ានី អំពាវនាវសមាជិកបក្សឱ្យបន្តជឿជាក់លើបក្សប្រជាជនកម្ពុជា និងជឿជាក់លើរដ្ឋាភិបាល ដែលតែងរួមសុខរួមទុក្ខជាមួយប្រជាជនគ្រប់កាលៈទេសៈ appeared first on Kampuchea Thmey Daily.

តាមរបាយការណ៍របស់ស្នងការដ្ឋាននគរបាលខេត្តកំពង់ស្ពឺ ជនសង្ស័យជាមុខសញ្ញាចាស់ ត្រូវបានស្រាវជ្រាវឃាត់កាលពីថ្ងៃទី៦ និងថ្ងៃទី៧ ខែមេសា ឆ្នាំ២០២៦ នៅចំណុ​ចភូ​មិ​ក្រាំងពង្រ ឃុំសង្កែសាទប ស្រុកឱរ៉ាល់ និងចំណុច​ភូមិត្រស់សាលា សង្កាត់ស្វា​យក្រវ៉ាន់ ក្រុងច្បារមន។

ក្នុងប្រតិបត្តិការបង្ក្រាប កម្លាំងជំនាញបានរកឃើញគ្រឿងញៀនចម្រុះសរុបជាង១០គីឡូក្រាមរួមមាន ម្សៅក្រាមពណ៍សថ្លាសង្ស័យជា​គ្រឿងញៀន ប្រភេទមេតំហ្វេតា​មី​ន ចំនួន៣២​កញ្ចប់(ធំ១២,តូច២០) ប្រភេទម្សៅខេ​(K)ចំនួន ២កញ្ចប់, ប្រភេទអ៊ឹមឌីអ៊ឹមអេ(MDMA) ចំនួ​ន ៤៩កញ្ចប់, ម្សៅប្រភេទJNX ចំនួ​ន​ ៦កំប៉ុង, ម្សៅម៉ដ្ឋរូបស្លឹកឈើចំនួន ៤​កញ្ចប់ធំ, បារីអេឡិចត្រូនិចចំនួន ៣​៩ដើម, ទឹ​កអាកុលចំនួន ៣លីត្រ, ឧបករ​ណ៍​កែច្នៃផលិ​តគ្រឿងញៀនមួយចំនួ​ន​, កាំបិត ១ដើម, អាវុធកែ​ច្នៃ ១​ដើម, វ៉ា​លីចំនួន២, ថង់សម្រា​ប់វេចខ្ចប់គ្រឿងញៀនមួ​យចំនួន។

ជនសង្ស័យដែលឃាត់ខ្លួនក្នុងប្រតិបត្តិការនេះ​មានឈ្មោះ វង់ ស៊ីថា ហៅ ញ៉ាញ់ ភេទប្រុស អាយុ ៣៥ឆ្នាំ រស់នៅភូមិជាំ ឃុំតាសាល ស្រុកឱរ៉ាល់ ខេត្តកំពង់ស្ពឺ និងឈ្មោះ ឯម ស្រីនា ភេ​ទស្រី អា​​យុ៣៥ឆ្នាំ ខណៈជនសង្ស័យម្នាក់ទៀតដែលជាភ្នាក់ងារចែកចាយនៅរាជធានីភ្នំពេញបានគេចខ្លួនបាត់។

ក្រោយប្រតិបត្តិការ ជនសង្ស័យទាំង២នាក់ប្ដីប្រពន្ធ​ រួមជាមួយវត្ថុតា​ងដែលសមត្ថកិច្ចរឹបអូស ត្រូវបានកម្លាំងការិយាល័យជំនា​ញ នៃស្នងការដ្ឋាននគរបាលខេត្ដកំពង់ស្ពឺ​ កំពុងកសាងសំណុំរឿង ដើម្បីចាត់ការតាមនីតិវិធី៕

The post នគរបាលខេត្តកំពង់ស្ពឺ បង្ក្រាបករណីគ្រឿងញៀនទ្រង់ទ្រាយធំឃាត់ខ្លួនជនសង្ស័យប្ដីប្រពន្ធមួយគូ ដកហូតគ្រឿងញៀនជាង១០គីឡូ appeared first on Kampuchea Thmey Daily.

មន្ត្រីជំនាញរបស់ក្រសួងបរិស្ថាន នៅរសៀលថ្ងៃទី៦ ខែមីនា ឆ្នាំ២០២៦ ចុះពិនិត្យស្រាវជ្រាវករណី មន្ត្រី នៃមន្ទីរបរិស្ថានខេត្តកំពង់ស្ពឺ២រូប សង្ស័យបានទាមទារប្រាក់ចំនួន៦រយដុល្លារពីក្រុមហ៊ុនចិនកែច្នៃដំណាប់ស្វាយ ជាថ្នូរនឹងការមិនសរសររបាយការណ៍មិនល្អពីក្រុមហ៊ុនទៅកាន់ថ្នាក់លើ។

មន្រ្តីនៃក្រសួងបរិស្ថានបានចុះមកដល់ទីតាំងរោងចក្រខ្នាតតូច កែឆ្នៃដំណាប់ស្វាយឈ្មោះ ហុង ចេងហ្វាង ដែលមានទីតាំងនៅក្នុងភូមិខ្នងក្រាំង ឃុំតាំងសំរោង ស្រុកភ្នំស្រួច ខេត្តកំពង់ស្ពឺ ដោយបានជួបជាមួយភាគីចិនដែលជាតំណាងក្រុមហ៊ុន និងអ្នកបកប្រែចំនួន២នាក់ ដោយបានសួរនូវសំណួរស៊ើបអង្កេតជាច្រើន ដើម្បីស្វែងរកភាពស្អាតស្អំជូនភាគីម្ចាស់ក្រុមហ៊ុន ក៏ដូចជាភាគីមន្ត្រីនៃមន្ទីរបរិស្ថាន និងដើម្បីស្វែងរកនូវការពិត។

បន្ទាប់ពីបានស្ដាប់ចម្លើយរបស់ភាគីក្រុមហ៊ុនកែច្នៃដំណាប់ស្វាយរយៈពេលប្រមាណ២ម៉ោង, មន្ត្រីជំនាញ នៃអគ្គនាយកដ្ឋានគាំពារបរិស្ថាន របស់ក្រសួងបរិស្ថាន ក៏បានចុះពិនិត្យហេដ្ឋារចនាសម្ព័ន្ធប្រព្រឹត្តកម្មទឹកកខ្វក់របស់ក្រុមហ៊ុន និងបានចុះប្រមូលសំណាកទឹក ដែលក្រុមហ៊ុនបានបង្ហូរទៅកាន់ប្រភពទឹកនៅក្បែររោងចក្រ។

អ្នកនាំពាក្យក្រសួងបរិស្ថាន លោក ខ្វៃ អាទិត្យា បានឱ្យដឹងថា មន្ត្រីនៃអគ្គនាយកដ្ឋានគាំពារបរិស្ថាន បានរកឃើញចំណុចមួយចំនួនដែលសង្ស័យថាអាចជាប្រភពបំពុលទឹក ក្នុងប្រភពទឹកសារធារណៈ។ លោក បន្ថែមថា សំណាកទឹក ដែលមន្ត្រីជំនាញបានប្រមូល នឹងត្រូវយកទៅវិភាគ ដើម្បីរកសារធាតុពុល ដោយលទ្ធផលនឹងចេញជាផ្លូវការនាពេលឆាប់ៗខាងមុខនេះ។ ទន្ទឹមនឹងនេះ មន្ត្រីជំនាញ ក៏បានរកឃើញថា រោងចក្រដំណាប់ស្វាយនេះ មិនបានគ្រប់គ្រងកាកសំណល់រឹង និងរាវ និងគ្មានអាងប្រព្រឹត្តកម្មទឹកកខ្វក់ ដើម្បីទប់ស្កាត់ការបំពុលទឹកស្របតាមស្តង់ដារបច្ចេកទេសឡើយ។

លោក ខ្វៃ អាទិត្យា បានបន្ថែមថា មន្ត្រីជំនាញនៃក្រសួងបរិស្ថាន បានណែនាំឱ្យភាគីរោងចក្រដំណាប់ស្វាយ ត្រូវគ្រប់គ្រងកាកសំណល់រឹងឱ្យបានត្រឹមត្រូវ និងត្រូវពន្លឿនការសាងសង់អាងប្រព្រឹត្តិកម្មទឹកកខ្វក់ឲ្យបានឆាប់រួចរាល់មុនរដូវវស្សាដែលនឹងចូលមកដល់នាពេលខាងមុខ ដើម្បីកុំឱ្យកាកសំណល់ ទឹកកខ្វក់ ហូរចូលទៅប្រភពទឹកសារធារណៈកាន់តែធំ។

ដំណើរចុះស៊ើបអង្កេតនៅទីតាំងរោងចក្រនេះ ធ្វើឡើងតាមបញ្ជារបស់លោក អ៊ាង សុផល្លែត រដ្ឋមន្ត្រីក្រសួងបរិស្ថាន។ លោក អ៊ាង សុផល្លែត បន្ទាប់ពីឃើញការផ្សព្វផ្សាយថា មន្ត្រីមន្ទីរបរិស្ថានខេត្តកំពង់ស្ពឺ បានទាមទារលុយពីរោងចក្រចំនួន ១៥០០ដុល្លារ ជាថ្នូរនឹងការធ្វើរបាយការណ៍វាយតម្លៃមិនល្អលើការងារគ្រប់គ្រងកាកសំណល់រាវក្នុងរោងចក្រ ប៉ុន្តែក្រោយមានការចរចា បានព្រមព្រៀងគ្នាត្រឹម ៦០០ដុល្លារ ក៏បានប្រកាសបើកការស្រាវជ្រាវរកការពិតជុំវិញករណីនេះ។

គួររម្លឹកថា បន្ទាប់ពីបានឃើញការផ្សព្វផ្សាយ នៅថ្ងៃទី៤ ខែមេសា រដ្ឋមន្ត្រីក្រសួងបរិស្ថាន បានប្រកាសថា៖«ក្រសួងបរិស្ថានមិនទុកឱ្យករណីនេះចប់ដោយមិនដឹងខុសត្រូវ ហើយមិនមានអ្នកទទួលខុសត្រូវនោះទេ។ ក្រសួងបរិស្ថាន មិនអនុញ្ញាតឱ្យមន្ត្រីប្រព្រឹត្តអំពើខុសឆ្គងនោះទេ។ មន្ត្រីប្រព្រឹត្តខុស នឹងទទួលខុសត្រូវ តែបើមិនបានប្រព្រឹត្តខុសទេ នឹងទទួលបានយុត្តិធម៌»។

គួរឱ្យដឹងដែរថា នៅរសៀលថ្ងៃដដែល ក្នុងពេលដែលមន្ត្រីជំនាញនៃក្រសួងបរិស្ថានកំពុងចុះស្រាវជ្រាវស៊ើបអង្កេតករណីនេះ ក្រុមការងាររដ្ឋបាលខេត្តកំពង់ស្ពឺក៏បានចុះមកដល់ទីតាំងរោងចក្រកែច្នៃដំណាប់ស្វាយ ហុង ចេងហ្វាង ដើម្បីស្រាវជ្រាវឱ្យដឹងការពិតផងដែរ៕

The post ក្រសួងបរិស្ថានចុះស៊ើបអង្កេតរកការពិត ក្រោយមានការផ្សាយថា មន្ត្រីបរិស្ថាន២រូបទារប្រាក់៦រយដុល្លារជាថ្នូរមិនសរសេររបាយការណ៍មិនល្អពីរោងចក្រដំណាប់ស្វាយមួយ appeared first on Kampuchea Thmey Daily.

ជាកិច្ចចាប់ផ្ដើម លោក ជាម ច័ន្ទសោភ័ណ ប្រធានគណៈកម្មាធិការគណបក្សខេត្តកំពង់ស្ពឺ បានឡើងសម្ដែងមតិស្វាគមន៍ ចំពោះវត្តមានដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ព្រមទាំងបានថ្លែងអំណរគុណយ៉ាងជ្រាលជ្រៅ ចំពោះការយកចិត្តទុកដាក់ និងការគិតគូរយ៉ាងម៉ត់ចត់ដល់សុខទុក្ខប្រជាពលរដ្ឋ និងក្រុមគ្រួសារវីរកងទ័ព នៅគ្រប់កាលៈទេស។

នាឱកាសនៃពិធីសំណេះសំណាលនាឯកឧត្តម ហ៊ុន ម៉ានី ក៏បានសាកសុខទុក្ខដល់កងកម្លាំងទាំងអស់ដែលមានវត្តមាននៅទីនោះ និងកោតសរសើរ ចំពោះការប្តេជ្ញាចិត្ត និងវីរភាពដ៏មោះមុតរបស់ កងកម្លាំង ទាំងអស់ ដែលបាននិងកំពុងបំពេញបេសកកម្មដ៏ឧត្តុង្គឧត្តមក្នុងការធានា សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ក្នុងក្របខណ្ឌខេត្តកំពង់ស្ពឺ។

គួរឱ្យដឹងថា អំណោយដែលត្រូវប្រគល់ជូនកងកម្លាំង នាឱកាសនោះ ១ អង្គភាពទទួលបាន អង្ករ ៥ តោន មី ១០០កេស ទឹកសុទ្ធ ១០០ កេស ភេសជ្ជៈ ១០០កេស និងថវិកា ១០លានរៀល ដែលជាអំណោយដ៏ថ្លៃថ្លារបស់ ឯកឧត្តមឧបនាយករដ្ឋមន្រ្តី ហ៊ុន ម៉ានី និងមានការចូលរួមចំណែកសម្ភារៈ ថវិកាបន្ថែមមួយចំនួនពីតំណាងរាស្រ្ដមណ្ឌលខេត្តកំពង់ស្ពឺ សេង ញ៉ក់ និងអ្នកឧកញ៉ា សំអាង វឌ្ឍនៈផងដែរ៕

The post ឯកឧត្ដម ហ៊ុន ម៉ានី កោតសរសើរវីរភាពកងកម្លាំងក្នុងការបំពេញបេសកកម្មធានាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គមក្នុងខេត្តកំពង់ស្ពឺ appeared first on Kampuchea Thmey Daily.