យោងតាមរបាយការណ៍ របស់ខេត្ដបន្ទាយមានជ័យ បានបញ្ជាក់ថា គណៈបញ្ជាការឯកភាពរដ្ឋបាលខេត្ត ដឹកនាំដោយលោក ប្រាក់ ប៉ូលី អភិបាលរងខេត្ត ដោយមានការសម្របសម្រួលពីលោក សំរឹទ្ធ សុខុន ព្រះរាជអាជ្ញារង នៃអយ្យការអមសាលាដំបូងខេត្ត បានចុះត្រួតពិនិត្យទីតាំងចំនួន៤ ក្នុងភូមិសាស្ដ្រក្រុងប៉ោយប៉ែត រកឃើញជនបរទេស៤៣នាក់ ស្រី១២នាក់ ៦សញ្ជាតិ ឥណ្ឌូនេស៊ី៤នាក់ប្រុស ចិន៩នាក់ស្រី១នាក់ ប៉ាគីស្ថាន១១នាក់ប្រុស,ហ្វីលីពីន១៧នាក់ស្រី១១នាក់,បង់ក្លាដេស១នាក់ប្រុស និងឥណ្ឌា១នាក់ប្រុស ដូចខាងក្រោម៖ ទីតាំងទី១ ភូមិសាមគ្គីមានជ័យ សង្កាត់អូរជ្រៅ រោងសង្ក័សី ៤បន្ទប់ មានជនជាតិឥណ្ឌូនេស៊ីស្នាក់នៅចំនួន៤នាក់ប្រុស ជាចុងភៅលក់ម្ហូបនៅទីតាំង ពុំមានលិខិតឆ្លងដែនជាប់ខ្លួន នាំទៅសាកសួរនៅអធិការដ្ឋាននគរបាលក្រុង ទីតាំងពុំមានសម្ភារ:សង្ស័យ អប់រំណែនាំ និងផាកពិន័យម្ចាស់ទីតាំង,

ទីតាំងទី២ ភូមិសាមគ្គីមានជ័យ សង្កាត់អូរជ្រៅ កម្ពស់៣ជាន់ ២០បន្ទប់ សាលទំនេរ១ មានជនជាតិចិនស្នាក់នៅចំនួន៩នាក់ ស្រី១នាក់ ពុំមានសម្ភារ:សង្ស័យ អប់រំណែនាំ និងផាកពិន័យម្ចាស់ទីតាំ, ទីតាំងទី៣ ភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត ផ្ទះជួលកម្ពស់២ជាន់ ២៨បន្ទប់ ជាបន្ទប់ស្នាក់នៅ មានជនបរទេសស្នាក់នៅចំនួន១៩នាក់ស្រី១១នាក់ ២សញ្ជាតិបាគីស្ថាន២នាក់ប្រុស ហ្វីលីពីន១៧នាក់ស្រី១១នាក់ ពុំមានសម្ភារ:សង្ស័យ អប់រំណែនាំនិងផាកពិន័យម្ចាស់ទីតាំង

ទីតាំងទី៤ (សង្ស័យករណីបង្ខាំងមនុស្ស) ភោជនីយដ្ឋានភីខេ គ្លូប៊ល ឯ.ក ស្ថិតនៅភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ពាក់ព័ន្ធករណីសង្ស័យមានការបង្ខាំង មនុស្សលក់ជួញដូរទៅបរទេស ទីតាំងមានម្ចាស់ឈ្មោះ ពឿន ឆោឌី ភេទស្រី ទីតាំងមានកម្ពស់២ជាន់ ១០បន្ទប់ និងជាន់ក្រោមជាភោជនីយដ្ឋាន ឃើញមានជនបរទេសចំនួន១១នាក់ប្រុស ៣សញ្ជាតិ បង់ក្លាដេស១នាក់ ឥណ្ឌា១នាក់ និងប៉ាគីស្ថាន៩នាក់ ក្នុងនោះ៖ ៩នាក់ប្រុសជាបុគ្គលិក (បង់ក្លាដេស១នាក់ និងប៉ាគីស្ថាន៨នាក់)២នាក់(ប៉ាគីស្ថាន១នាក់ និងឥណ្ឌា១នាក់) ជាភ្ញៀវ។

ក្រោយអាជ្ញាធរចុះត្រួតពិនិត្យ និងស្រាវជ្រាវយ៉ាងល្អិតល្អន់ ទីតាំងនេះជាកន្លែងប្រកបអាជីវកម្មត្រឹមត្រូវ ពុំពាក់ព័ន្ធករណីបង្ខាំងមនុស្សទេ៕

The post អាជ្ញាធរខេត្ដបន្ទាយមានជ័យ បន្ដចុះពិនិត្យទីតាំងមួយចំនួន ក្នុងក្រុងប៉ោយប៉ែត តែមិនរកឃើញមានបទល្មើសពាក់ព័ន្ធ Online Scams appeared first on Kampuchea Thmey Daily.

ការប្រគល់-ទទួល និង បញ្ជូនចេញនូវជនជាតិថៃខាងលើធ្វើឡើងនាថ្ងៃទី ២៣ ខែមិថុនា ឆ្នាំ ២០២៦ នៅមាត់ច្រកទ្វារព្រំដែនអន្ដរជាតិប៉ោយប៉ែត ខេត្តបន្ទាយមានជ័យ ដោយខាងកម្ពុជាដឹកនាំដោយលោកឧត្ដមសេនីយ៍ទោ យឿម ម៉ាន់ អនុប្រធាននាយកដ្ឋានស៊ើបអង្កេត និង អនុវត្តនីតិវិធី , លោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ច្រកអន្តរជាតិប៉ោយប៉ែត , លោកឧត្ដមសេនីយ៍ត្រី អេង លីហួរ ស្នងការរង នៃស្នងការដ្ឋាននគរបាលខេត្តបន្ទាយមានជ័យ និង ខាងភាគីថៃចាំទទួលដឹកនាំដោយលោកស្រី Varunee Mangkorn នាយរងផ្នែក ប៉ុស្តិ៍នគរបាលអន្តោប្រវេសន៍ ច្រកទ្វារព្រំដែនអន្តរជាតិ បានខ្លងលឹក ស្រុកអារញ្ញ ខេត្តស្រះកែវ។

លោកឧត្តមសេនីយ៍ត្រី អ៊ី ចំរើន បានឲ្យដឹងថា ជនជាតិថៃដែលត្រូវបានបណ្តេញចេញខាងលើ សរុបចំនួន ​៤៩ នាក់ ក្នុងនោះ ស្រី ១៨ នាក់ បានមកលួចលាក់ស្នាក់នៅ និង ប្រព្រឹត្តបទល្មើស Online Scams ខុសច្បាប់ នៅកម្ពុជា។ ក្នុងចំណោមជនជាតិថៃទាំង ៤៩ នាក់ មាន ៤៣ នាក់ ត្រូវបានប្រថាប់ត្រាហាមចូលប្រទេសកម្ពុជារយៈពេល ៣ ឆ្នាំ។ ចំណែក ៦ នាក់ទៀត ត្រូវបានប្រថាប់ត្រាហាមចូលប្រទេសកម្ពុជារយៈពេល ៥ ឆ្នាំ៕
អត្ថបទ ៖ អពៅ

The post អាជ្ញាធរ បណ្តេញ ជនជាតិថៃ ៤៩ នាក់ ចេញពី កម្ពុជា ពាក់ព័ន្ធបទល្មើស Online Scams appeared first on Kampuchea Thmey Daily.

ប្រតិបត្តិការនេះធ្វើឡើងក្រោមបទបញ្ជាដ៏ម៉ឺងម៉ាត់របស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងដឹកនាំផ្ទាល់ដោយ លោក ឧត្តមសេនីយ៍ឯក មួង សុធា អគ្គស្នងការរងនគរបាលជាតិ។ ដោយមានការចូលរួមពី លោក ប្រាក់ ប៉ូលី អភិបាលរងខេត្តបន្ទាយមានជ័យ ព្រមទាំងសម្របសម្រួលនីតិវិធីច្បាប់ដោយ លោក សំរិទ្ធ សុខុន ព្រះរាជអាជ្ញារង អមសាលាដំបូងខេត្ត រួមជាមួយកម្លាំងនគរបាលខេត្ត កងរាជអាវុធហត្ថ និងអាជ្ញាធរក្រុងប៉ោយប៉ែតផងដែរ។

ក្នុងប្រតិបត្តិការនេះកម្លាំងសមត្ថកិច្ចបានចុះត្រួតពិនិត្យ អាគារស្នាក់នៅចំនួន៤ទីតាំង ក្នុងក្រុងប៉ោយប៉ែត ខេត្តបន្ទាយមានជ័យ បានរកឃើញជនបរទេសស្នាក់នៅប្រមូលផ្តុំមិនរាយការណ៍ចំនួន១១៧នាក់ (ស្រី២០នាក់) និងបិទបណ្តោះអាសន្នមួយទីតាំង (Seal Off) ដែលកំពុងដំណើរការអាជីវកម្មឆបោកតាមប្រព័ន្ធបច្ចេកវិទ្យា (Online Scam)។

ជាលទ្ធផល ទីតាំងទី ១ , ៣ , ៤ មានជនបរទេសស្នាក់នៅប្រមូលផ្តុំ និងរក​ពុំ​ឃើញ​មាន​សម្ភារៈ​សម្រាប់​ព្រឹត្ត​ប្រព្រឹត្ត​បទ​ល្មើស​ឆបោក​តាម​ប្រព័ន្ធ​បច្ចេកវិទ្យា (Scam online)នោះទេ ហើយបានប្រគល់ជូនជំនាញ​អន្តោប្រវេសន៍​ជាអ្នក​គ្រប់គ្រង​និង​បន្តនីតិវិធី​​។ ដោយឡែកទីតាំងទី២ ដែលរកឃើញមានជនបរទេស និងជនជាតិខ្មែរស្នាក់នៅចំនួន ២៧នាក់ (ស្រី១៨នាក់) កំពុងប្រព្រឹត្តបទល្មើសតាមប្រព័ន្ធបច្ចេកវិទ្យា(Online Scams) ត្រូវបានបិទសៀលទីតាំងជាបណ្តោះអាសន្ន។

ក្រោយប្រតិបត្តិការមនុស្សត្រូវបានកម្លាំង​អធិការ​ដ្ឋាននគរបាល​ក្រុង​ប៉ោយប៉ែត​យក​ទៅសាកសួរនិង​​ស្រាវជ្រាវបន្តតាមនីតិវិធី​​៕

The post សមត្ថកិច្ចចុះឆែកឆេរ ៤ទីតាំងនៅក្រុងប៉ោយប៉ែត រកឃើញជនបរទេសជាង ១០០នាក់ និងបិទអគារឆបោកអនឡាញមួយកន្លែង appeared first on Kampuchea Thmey Daily.

តាមសមត្ថកិច្ចអាវុធហត្ថខេត្តបន្ទាយមានជ័យ បានអោយដឹងថា ការបង្រ្កាបជនបរទេសប្រព្រឹត្តបទ ល្មើសស្កែមអនឡាញខាងលើ ធ្វើឡើងបន្ទាប់ពី រដ្ឋាភិបាលបានបើកយុទ្ធនាការ បង្រ្កាបស្កែមអនឡាញក្នុងនៅខេត្តបន្ទាយមានជ័យ ជាពិសេស ទីក្រុងប៉ោយប៉ែត សមត្ថកិច្ចបានចុះបង្រ្កាបជាបន្តបន្ទាប់តាមអាគារធំតូច និង បានឃាត់ជនសង្ស័យជាជនជាតិបទេសរាប់រយនាក់រហូត នៅយប់ថ្ងៃទី១៩ខែមិថុនា២០២៦នេះ ខណៈសមត្ថកិច្ចកំពុងល្បាតក៍ប្រទះឃើញរថយន្តសង្ស័យខាងលើក៍ត្រួកពិនិត្យឈាន ដល់ ការបង្រ្កាប់តែម្តង។

ក្នុងការបង្រ្កាបជាក់ស្តែង បានឃាត់ជនជាតិចិន៦នាក់ក្នុងនោះ មានស្រ្តីមួយនាក់ និង ឧបករណ៍សង្ស័យបំរើអោយបទល្មើសស្កែមអនឡាញ មានទូរស័ព្ទជាច្រើនគ្រឿង មានភ្ជាប់ឧបករណ៍ខ្សែសាកថ្មជាច្រើន៕ អត្ថបទ៖ អពៅ

The post សមត្ថកិច្ចចម្រុះខេត្តបន្ទាយមានជ័យ យកក្រុមស្កែមអនឡាញតាមរថយន្ត មកធ្វើត្រាប់នៅកន្លែងក្រោយបង្រ្កាបបានមួយក្រុម appeared first on Kampuchea Thmey Daily.

នេះជាការលើកឡើងរបស់លោក អ៊ុំ រាត្រី អភិបាលខេត្តបន្ទាយមានជ័យ ក្នុងកិច្ចប្រជុំ និងចុះត្រួតពិនិត្យទីលានទុកដាក់សំរាមថ្មី និងទីតាំងកែលម្អទីលានចាក់សំរាមចាស់ និងទីតាំងស្ថានីយប្រព័ន្ធប្រត្តិកម្មទឹកកខ្វក់ និងការដ្ឋានលូទឹកកខ្វក់ ដឹកនាំដោយ លោក វង្ស ពិសិដ្ឋ អនុរដ្ឋលេខាធិការ និងជានាយកគម្រោងកែលម្អគ្រប់គ្រងបរិស្ថានក្រុងជុំវិញបឹងទន្លេសាបជំហានទី២ និងអាជ្ញាធរខេត្តបន្ទាយមានជ័យ ជាមួយក្រុមហ៊ុនអនុវត្តគម្រោងពីរដ្ឋាភិបាលនាថ្ងៃទី១៧ ខែមិថុនា ឆ្នាំ២០២៦។

ក្រៅពីការលើកឡើងខាងលើ ដោយមើលឃើញពីផលវិបាករបស់ក្រុមហ៊ុន មិនទាន់បញ្ចប់ទៅតាមគម្រោង លោកស្នើឲ្យខាងក្រុមហ៊ុនធ្វើផែនការណ៍ពីការអនុវត្តគម្រោងដាក់មករដ្ឋបាលខេត្ត ដើម្បីរដ្ឋបាលខេត្តជួយរៀបចំសណ្តាប់ធ្នាប់ និងសម្របសម្រួលបញ្ហានានា ព្រោះរដ្ឋបាលខេត្តចង់ឲ្យគម្រោងនេះបញ្ចប់ដោយជោគជ័យ ទៅតាមផែនការណ៍ ដោយលោកប្តេជ្ញាបន្តគម្រោងនេះឲ្យមាននិរន្តភាព។ លោកសង្ឃឹមថា ក្រោយចប់គម្រោងដោយជោគជ័យ ក្រុងសិរីសោភ័ណនឹងប្រែមុខមាត់ថ្មី មានសោភ័ណភាព មានប្រព័ន្ធលូបញ្ចៀសទឹកជំនន់ ពលរដ្ឋអស់កង្វល់ពីបញ្ហាទឹកកខ្វក់ ស្ទះលូដូចមុនទៀងហើយ។

ដោយឡែកលោក សាន រដ្ឋា ប្រធានក្រុមបច្ចេកទេសធនាគារអភិវឌ្ឍន៍អាស៊ី (ADB) បានឲ្យក្រុមហ៊ុនរៀបចំប្រព័ន្ធបណ្តាញលូ ប្រព័ន្ធការពារទឹកជំនន់ ប្រព័ន្ធច្រោះសម្អាតទឹកកខ្វក់ ដែលកំពុងអនុវត្តឈានទៅដល់ការបិទបញ្ចប់គម្រោងកែលម្អគ្រប់គ្រងបរិស្ថានក្រុង ជុំវិញបឹងទន្លេសាបជំហានទី២ នៃក្រុងសិរីសោភ័ណ ខេត្តបន្ទាយមានជ័យ ត្រូវធ្វើយ៉ាងណាឲ្យហើយទៅតាមគម្រោង ដែលត្រូវបិទបញ្ចប់នាខែមិថុនា ២០២៦នេះ។

ក្រោមបទបង្ហាញរបស់តំណាងក្រុមហ៊ុន ប្រព័ន្ធប្រត្តិកម្មទឹកកខ្វក់ និងទីលានទុកដាក់សំរាមថ្មី ដោយពុំទាន់សម្រេចបាន១០០%ទៅតាមគម្រោង លោកសូមឲ្យខាងក្រុមហ៊ុនធ្វើផែនការណ៍បិទបញ្ចប់ ទោះបីជាមិនទាន់រួចរាល់ ត្រូវធ្វើឲ្យហើយក្រោយពេលបិទបញ្ចប់ កុំទុកចោលដែលនាំឲ្យមានបញ្ហាខូចឈ្មោះក្រុមហ៊ុន និងរងការផាកពិន័យទៅតាមកិច្ចកុងត្រា ។ ដោយឡែកចំពោះ ទីលានទុកដាក់សំរាម សូមឲ្យបន្ថែមកម្មករ និងអនុវត្តទៅតាមបច្ចេកទេសដែលមានស្រាប់៕

អត្ថបទ៖ អពៅ

The post គម្រោងកែលម្អគ្រប់គ្រងបរិស្ថានក្រុង ជុំវិញបឹងទន្លេសាបជំហានទី២ ក្នុងក្រុងសិរីសោភ័ណនឹងបញ្ចប់នៅចុងខែមិថុនានេះ appeared first on Kampuchea Thmey Daily.

ក្រោមការបញ្ជានិងដឹកនាំផ្ទាល់ពីលោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និង ប្រធានគណៈបញ្ជាការឯកភាពខេត្ត ដោយមានការសម្របសម្រួលនីតិវិធីពីលោក ទេព ឃុនឆ័យ ព្រះរាជអាជ្ញារង នៃអយ្យការអមសាលាដំបូងខេត្ត បានចុះត្រួតពិនិត្យទីតាំងចំនួន២កន្លែង ស្ថិតនៅភូមិសាមគ្គីមានជ័យ សង្កាត់អូជ្រៅ ក្រុងប៉ោយប៉ែត រកឃើញជនបរទេស៦៣នាក់ ស្រី២២នាក់ ២សញ្ជាតិ ថៃ៥១នាក់ស្រី២១នាក់ និងឥណ្ឌូនេស៊ី១២នាក់ស្រី១នាក់ ដូចខាងក្រោម៖​

ទីតាំងទី១ (លី ឡុង) អគារកម្ពស់៤ជាន់ ៤៣បន្ទប់ រកឃើញសម្ភារសង្ស័យមួយចំនួន បានដកហូតរក្សាទុកនៅស្នងការដ្ឋាននគរបាលខេត្ត និងរកឃើញជនជាតិថៃ​ ចំនួន៥១នាក់ ស្រី២១នាក់ បញ្ជូនទៅមណ្ឌលកងវ៉ាខេត្ត ៤៩នាក់ ស្រី១៩នាក់ និងបញ្ជូនទៅអធិការដ្ឋាននគរបាលក្រុង២នាក់ស្រី និងបិទទិតាំងជាបណ្ដោះអាសន្ន និង ទីតាំងទី២ (ធ ចាន់ធា) ផ្ទះកម្ពស់២ជាន់ ២៣បន្ទប់ រកឃើញសម្ភារសង្ស័យមួយចំនួន។

ក្រោយប្រតិបត្តិការអាជ្ញាធរខេត្តបានបញ្ជូន ជនជាតិឥណ្ឌូនេស៊ី១២នាក់ស្រី១នាក់ ទៅមណ្ឌលកងវ៉ាខេត្ត នោងសម្ភារពាក់ព័ន្ធដកហូតរក្សាទុកនៅស្នងការដ្ឋាននគរបាលខេត្តដោយឡែកទីតាំងខាងលើត្រូវបានបិទជាបណ្ដោះអាសន្ន៕

The post ជនជាតិថៃ និងឥណ្ឌូនេស៊ីជាង៦០នាក់ ត្រូវអាជ្ញាធរខេត្តបន្ទាយមានជ័យ ឃាត់ខ្លួនពាក់ព័ន្ធនឹងបទល្មើសOnline scams appeared first on Kampuchea Thmey Daily.

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​នៅថ្ងៃទី៩ ខែមិថុនា ឆ្នាំ២០២៦ លោក ថាំង វីយុទ្ធដា ប្រធាននាយកដ្ឋានវិស្វកម្ម តំណាងដ៏ខ្ពង់ខ្ពស់ លោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានដឹកនាំមន្ត្រីជំនាញបច្ចេកទេស ចុះពិនិត្យវឌ្ឍនភាពការងារស្តារអូរប្រឡាយក្តាន់ ដែលស្ថិតក្នុងឃុំរហាត់ទឹក ស្រុកមង្គលបូរី ខេត្តបន្ទាយមានជ័យ។

ក្នុងឱកាសចុះពិនិត្យនោះ លោកប្រធាននាយកដ្ឋានបានបញ្ជាក់ថា អូរប្រឡាយក្តាន់ មានតួនាទីយ៉ាងសំខាន់ក្នុងការបង្កើនសមត្ថភាពស្រោចស្រព និងដោះស្រាយបញ្ហាទឹកជំនន់ ដោយនាំទឹកពីប្រភពប្រឡាយមេព្រៃខ្ពស់ អូរជ្រៅ ផ្ទៃរងទឹកភ្លៀងក្នុងតំបន់ និងមួយផ្នែកទៀតទាញយកពីស្ទឹងមង្គលបូរី។ លោកបញ្ជាក់ថា ទំហំការងារសំខាន់ៗនៃគម្រោងនេះ រួមមាន ស្តារអូរប្រឡាយក្តាន់ ប្រវែង ៥ ០០០ ម៉ែត្រ និងសាងសង់សំណង់សិល្បការ្យសរុបចំនួន ១៤ កន្លែង។

បើតាមលោក ថាំង វីយុទ្ធដា គិតត្រឹមដើមខែមិថុនានេះ លទ្ធផលការងារនៃគម្រោងទាំងមូលសម្រេចបានប្រមាណ ៦០% ហើយនឹងបញ្ចប់ជាស្ថាពរនៅក្នុងខែកក្កដា ឆ្នាំ២០២៦ ខាងមុខ។ លោកបន្តថា ក្រោយពេលគម្រោងត្រូវបានបញ្ចប់ជាស្ថាពរ វានឹងក្លាយជាប្រភពទឹកស្រោចស្រពយ៉ាងសំខាន់ សម្រាប់បម្រើឱ្យការងារបង្កបង្កើនផលស្រូវវស្សាចំនួន ១ ០៥០ ហិកតា និងស្រូវប្រាំងចំនួន ២ ៥០០ ហិកតា ព្រមទាំងផ្តល់អត្ថប្រយោជន៍ផ្ទាល់ដល់ការប្រើប្រាស់ប្រចាំថ្ងៃរបស់ប្រជាកសិករប្រមាណ ១ ៨៥៨ គ្រួសារ ក្នុងភូមិចំនួន ៨ នៃឃុំរហាត់ទឹក ស្រុកមង្គលបូរី។

ទន្ទឹមនឹងការវាយតម្លៃខ្ពស់លើលទ្ធផលសម្រេចបាន លោកប្រធាននាយកដ្ឋាន ក៏បានផ្តល់អនុសាសន៍ណែនាំដល់ប្រធានការដ្ឋាន និងក្រុមការងារបច្ចេកទេស ត្រូវយកចិត្តទុកដាក់ខ្ពស់លើការគ្រប់គ្រង និងប្រើប្រាស់គ្រឿងចក្រឱ្យមានប្រសិទ្ធភាព និងស័ក្តិសិទ្ធិភាពខ្ពស់។ ជាមួយគ្នានោះ លោកបានសង្កត់ធ្ងន់ឱ្យក្រុមការងារប្រកាន់ខ្ជាប់នូវបទដ្ឋានបច្ចេកទេសឱ្យបានហ្មត់ចត់ ស្របតាមនិក្ខេបបទរបស់គម្រោង ដើម្បីធានាគុណភាពសំណង់ឱ្យមានភាពរឹងមាំយូរអង្វែង និងជំរុញវឌ្ឍនភាពការងារឱ្យសម្រេចបានតាមផែនការដែលបានកំណត់៕

The post ការស្តារអូរប្រឡាយក្តាន់ ក្នុងខេត្តបន្ទាយមានជ័យ សម្រេចបានប្រមាណ៦០% គ្រោងបញ្ចប់ជាស្ថាពរនៅខែកក្កដា appeared first on Kampuchea Thmey Daily.

អភិបាលស្រុកទាំងប៣ រួមមាន៖ ស្រុកស្វាយចេក ត្រូវបានតែងតាំងលោក ស៊ុត ង៉ុយ ពីអភិបាលរងស្រុកព្រះនេត្រព្រះជាអភិបាលនៃគណៈអភិបាលស្រុកស្វាយចេក ជំនួសលោក លឿង សុភក្តិ ពីអភិបាលនៃគណៈអភិបាលស្រុកស្វាយចេក ឱ្យទៅបម្រើការងារនៅរដ្ឋបាលខេត្តបន្ទាយមានជ័យ។

ស្រុកថ្មពួក ត្រូវបានប្រកាសលោក រ័ត្ន ដាស៊ីណង់ ពីអភិបាលនៃគណៈអភិបាលស្រុកមង្គលបូរី ឱ្យកាន់មុខតំណែងជាអភិបាលនៃគណៈអភិបាលស្រុកថ្មពួក ជំនួសលោក អែម សុខា ពីអភិបាលនៃគណៈអភិបាលស្រុកថ្មពួក ឱ្យកាន់មុខតំណែងជាអភិបាលនៃគណៈអភិបាលស្រុកអូរជ្រៅ ជំនួសលោក កែវ តារារស្មី ពីអភិបាលនៃគណៈអភិបាលស្រុកអូរជ្រៅឱ្យកាន់មុខតំណែងជាអភិបាលនៃគណៈអភិបាលស្រុកមង្គលបូរី។ ចំពោះប្រកាសតែងតាំងអភិបាលស្រុកអូរជ្រៅ និងអភិបាលស្រុកមង្គលបូរី នឹងប្រព្រឹត្តទៅនៅថ្ងៃទី០២ ខែមិថុនា ឆ្នាំ២០២៦។

ដើម្បីឆ្លើយតបទៅនឹងសេចក្តីទុកចិត្តរបស់រាជរដ្ឋាភិបាល លោក ស៊ុត ង៉ុយ និងលោក រ័ត្ន ដាសុីណង់ អភិបាលស្រុកថ្មីទាំងពីរ បានប្តេជ្ញាចិត្តខិតខំចូលរួមអនុវត្តអោយបានម៉ឺងម៉ាត់នូវរដ្ឋធម្មនុញ្ញគោលការណ៍ច្បាប់ និងលិខិតបទដ្ឋានគតិយុត្តជាធរមាន និងគោលការណ៍ណែនាំនានារបស់រាជរដ្ឋាភិបាលដែលដាក់ចុះឱ្យមានប្រសិទ្ធភាពខ្ពស់, ចូលរួមអនុវត្តស្របតាមច្បាប់ស្តីពីការគ្រប់គ្រងរដ្ឋបាលរាជធានីខេត្ត ក្រុង ស្រុក ខណ្ឌ ឱ្យមានប្រសិទ្ធភាពខ្ពស់, គាំទ្រ និងចូលរួមអនុវត្តឱ្យបានខ្ជាប់ខ្ជួននូវកម្មវិធីគោលនយោបាយ និងយុទ្ធសាស្ត្របញ្ចកោណដំណាក់កាលទី១ នៃនីតិកាលទី៧ នៃរដ្ឋសភារបស់រាជរដ្ឋាភិបាលក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

លោក អ៊ុំ រាត្រី អភិបាលនៃគណៈអភិបាលខេត្ត ក៏បានផ្តល់អនុសាសន៍ផ្តាំផ្ញើនូវកិច្ចការមួយចំនួនដល់អភិបាលស្រុកដែលទេីបតែងតាំងថ្មី ត្រូវមានសាមគ្គីភាពផ្ទៃក្នុងឱ្យបានល្អប្រសើរជាមួយមន្ត្រីក្រោមឱវាទ មិនត្រូវមានការបែងចែកជាបក្ខជាពួក, យកចិត្តទុកដាក់ ពង្រឹងប្រសិទ្ធភាពការផ្តល់សេវាជូនប្រជាពលរដ្ឋប្រកបដោយ គណនេយ្យភាព តម្លាភាព និងភាពរហ័សទាន់ចិត្ត, ចូលរួមពង្រឹងសន្តិសុខសណ្តាប់ធ្នាប់សាធារណៈ អនុវត្តនូវគោលនយោបាយភូមិឃុំសង្កាត់ឱ្យមានប្រសិទ្ធភាព ទប់ស្កាត់បញ្ហាក្មេងទំនើង បញ្ហាគ្រឿងញៀន បញ្ហាល្បែងស៊ីសងខុសច្បាប់ បញ្ហាគ្រោះថ្នាក់ចរាចរណ៍ជាដេីម, ត្រូមានកិច្ចសហប្រតិបត្តិការជាមួយដៃគូអភិវឌ្ឍ វិស័យឯកជន ដើម្បីកៀរគរធនធានធ្វើការអភិវឌ្ឍមូលដ្ឋានរបស់ខ្លួន រួមចំណែកលើកកម្ពស់ជីវភាពរស់នៅរបស់ប្រជាពលរដ្ឋឱ្យមានភាពកាន់ប្រសើរឡើង៕

អត្ថបទ៖ អ ពៅ

The post អភិបាលស្រុកជាប់ព្រំដែនចំនួន៣ នៃខេត្តបន្ទាយមានជ័យ ត្រូវបានប្រកាសផ្លាស់ប្តូរ appeared first on Kampuchea Thmey Daily.