លោក ឯក ឃុនដឿន បានមានប្រសាសន៍ថា ការដេញថ្លៃគម្រោង គឺជាការប្រកួតប្រជែងប្រកបដោយយុត្តិធម៌ តម្លាភាព គណនេយ្យភាព និងអាចជឿទុកចិត្តបាន។ លោកស្នើឱ្យអ្នកពាក់ព័ន្ធក្នុងការដេញថ្លៃគម្រោងទាំងអស់មិនត្រូវគប់គិតគ្នាធ្វើឱ្យប៉ះពាល់គុណភាពនៃគម្រោងដាច់ខាត។ គណៈកម្មការគ្រប់គ្រងគម្រោងសង្កាត់ ត្រូវគោរពតាមគោលការណ៍របស់លទ្ធកម្ម តាមដានត្រួតពិនិត្យការអនុវត្តគម្រោងជាប្រចាំ ដោយសរសេរចូលក្នុងសៀវភៅការដ្ឋានជាប្រចាំ។ បន្ថែមពីនេះទៀត គណៈកម្មការគ្រប់គ្រងគម្រោងសង្កាត់ ក៏ត្រូវតាមដានការរីកចំរើននៃគម្រោងជាប្រចាំ និងផ្តល់ការកែលម្អ នៅពេលចុះពិនិត្យ ការដ្ឋានជាក់ស្តែង។ ជៀសវាងឱ្យបាននូវការជីកផ្លូវដាក់លូ ទុកចោលធ្វើឱ្យប៉ះពាល់ដល់ការធ្វើចរាចររបស់ប្រជាពលរដ្ឋ។

បន្ថែមពីនេះ លោក ឯក ឃុនដឿន ក៏បានណែនាំអោយក្រុមហ៊ុន អ្នកទទួលការ ត្រូវគោរពឱ្យបានត្រឹមត្រូវតាមក្រមសីលធម៌របស់ក្រុមហ៊ុន អ្នកទទួលការ ត្រូវស្គាល់ទីតាំង និងដឹងច្បាស់អំពីទំហំការងាររបស់គម្រោង ពិចារណាឱ្យបានច្បាស់លាស់មុននឹងដាក់តម្លៃដេញថ្លៃ។ ក្រោយពីការដេញថ្លៃបាន ត្រូវគោរពនីតិវិធីនៃកិច្ចសន្យា និងរយៈពេលកំណត់ក្នុងការអនុវត្តគម្រោង មានសៀវភៅការដ្ឋានតាមការណែនាំរបស់ក្រុមគាំទ្របច្ចេកទេសខណ្ឌ និងសង្កាត់ធានាសុវត្ថិភាពការដ្ឋាន និងសុវត្ថិភាពសាធារណៈ ចាប់ពីពេលបើកការដ្ឋានអនុវត្តគម្រោងរហូតដល់ពេលបិទការដ្ឋាន។ រាល់ការសាងសង់ ត្រូវធ្វើឱ្យមានគុណភាព ស្របតាមបទដ្ឋានបច្ចេកទេស មានសោភ័ណភាព និងមានតម្លៃសមស្របមិនប៉ះពាល់បរិស្ថានសង្គម ធានាបានសុវត្ថិភាពសាធារណៈ និងប្រើប្រាស់បានយូរអង្វែង។

លោក ចាន់ គន្ថេត អភិបាលរងខណ្ឌទួលគោក បានមានឱ្យដឹងផងដែរថា គម្រោងប្រើប្រាស់មូលនិធិអភិវឌ្ឍន៍សង្កាត់ទាំង១០ ដែលបានដាក់ឱ្យដេញថ្លៃនាពេលនេះមានចំនួន១២គម្រោង ដែលមានតម្លៃប៉ាន់ស្មានចំនួន ១.៧៧៤.២៧៩.១០០រៀល ក្នុងនោះរួមមាន៖
១ សង្កាត់ផ្សារដេប៉ូទី១ មាន ១គម្រោង
-ជួសជុលផ្លូវអ៊ុតកៅស៊ូ ប្រវែង ២២០ម៉ែត្រ ទទឹង ៨ម៉ែត្រ តម្លៃប៉ាន់ស្មាន: ១៥៧.៣០០.១០០រៀល
២ សង្កាត់ផ្សារដេប៉ូទី២ មាន១គម្រោង
-ជួសជុលផ្លូវអ៊ុតកៅស៊ូ ប្រវែង ២០០ម៉ែត្រ ទទឹង ៧,៥ម៉ែត្រ តម្លៃប៉ាន់ស្មាន: ១៣៤.០១៤.៧០០រៀល
៣ សង្កាត់ផ្សារដេប៉ូទី៣ មាន១គម្រោង
-ជួសជុលផ្លូវអ៊ុតកៅស៊ូ ប្រវែង១៨៧ម៉ែត្រ ទទឹង ៨ម៉ែត្រ តម្លៃប៉ាន់ស្មាន១៣៣.៦៩៥.៤០០រៀល
៤ សង្កាត់ទឹកល្អក់ទី១ មាន ២គម្រោង
-ដាក់អំពូលគោមភ្លើងអគ្គិសនីសាធារណៈចំនួន៤៥កប្លែនិងដាក់លូ ទំហំ០,៦ម៉ែត្រ ប្រវែង ២០៩ម៉ែត្រ
តម្លៃប៉ាន់ស្មាន: ១៤០.១៩២.៧០០រៀល
៥ សង្កាត់ទឹកល្អក់ទី២ មាន ១គម្រោង
-ជួសជុលផ្លូវអ៊ុតកៅស៊ូ ប្រវែង២៣៧ម៉ែត្រ ទទឹង ៨ម៉ែត្រ តម្លៃប៉ាន់ស្មាន ១៦៩.៤៥៨.៨០០រៀល
៦ សង្កាត់ទឹកល្អក់ទី៣ មាន ២គម្រោង
-ជួសជុលផ្លូវបេតុងគ្មានសរសៃដែក ប្រវែង៧៥ម៉ែត្រ ទទឹង៤,៣ម៉ែត្រនិងដាក់លូ ទំហំ០,៦ម៉ែត្រ ប្រវែង ៥៧៧ម៉ែត្រ តម្លៃប៉ាន់ស្មាន: ១៩៩.០៤៧.៩០០រៀល
៧ សង្កាត់បឹងកក់ទី១ មាន ១គម្រោង
-ដាក់លូជ្រុង ទំហំ០,៦៥ម៉ែត្រx ០,៧៥ម៉ែត្រ ប្រវែង ៣៥២ម៉ែត្រ តម្លៃប៉ាន់ស្មាន: ២០៤.៣៥៦.៨០០រៀល
៨ សង្កាត់បឹងកក់ទី២ មាន ១គម្រោង
-ជួសជុលផ្លូវអ៊ុតកៅស៊ូ ប្រវែង ៣១០ម៉ែត្រ ទទឹង ៨ម៉ែត្រ តម្លៃប៉ាន់ស្មាន: ២៤៩.០៣៦.៣០០រៀល
៩ សង្កាត់ផ្សារដើមគរ មាន១គម្រោង
-ជួសជុលផ្លូវអ៊ុតកៅស៊ូ ប្រវែង២២៤ម៉ែត្រ ទទឹង ៧,៥ម៉ែត្រ តម្លៃប៉ាន់ស្មាន: ១៨២.០០១.៤០០រៀល
១០ សង្កាត់បឹងសាឡាង មាន១គម្រោង
-ជួសជុលផ្លូវអ៊ុតកៅស៊ូ ប្រវែង ៣៤២ម៉ែត្រ ទទឹង ៦,៦៨ម៉ែត្រតម្លៃប៉ាន់ស្មាន: ២០៥.១៧៥.០០០រៀល៕

អត្ថបទ៖ ស្រីរ័ត្ន

The post គម្រោងមូលនិធិអភិវឌ្ឍន៍សង្កាត់ទាំង១០ នៅខណ្ឌទទួលគោក ឆ្នាំ២០២៦ មាន១២គម្រោង តម្លៃប៉ាន់ស្មានជាង ១.៧៧៤លានរៀល appeared first on Kampuchea Thmey Daily.

ពិធីនេះបានធ្វើឡើងក្រោមវត្តមាន លោក ហែម អាន ប្រធានក្រុមប្រឹក្សាខណ្ឌ និងលោក ជា ខេមា អភិបាលខណ្ឌដូនពេញ តំណាងឲ្យ លោក សុខ ពេញវុធ អភិបាលរងរាជធានីភ្នំពេញ និងមន្ទីរការិយាល័យជំនាញពាក់ព័ន្ធ រួមទាំងក្រុមហ៊ុន ចំនួន២០ក្រុមហ៊ុន បានចូលរួមដេញថ្លៃនៅក្នុងសង្កាត់ទាំង១១នៃមូលដ្ឋានខណ្ឌដូនពេញ។

លោក ចាន់ បណ្ឌិត អភិបាលរងខណ្ឌដូនពេញ

លោក ចាន់ បណ្ឌិត អភិបាលរងខណ្ឌដូនពេញ ក្នុងឱកាសនោះបានលើកឡើងពីសមិទ្ធផលនៃការអនុវត្តគម្រោងមូលនិធិអភិវឌ្ឍន៍សង្កាត់ទាំង១១សង្កាត់ ឆ្នាំ២០២៥ និងថ្លែងអំណរគុណយ៉ាងជ្រាលជ្រៅចំពោះ លោក ឃួង ស្រេង អភិបាលនៃគណៈអភិបាលរាជធានីភ្នំពេញ ដែលបានជួយស្ថាបនាហេដ្ឋារចនាសម្ព័ន្ធជាច្រើនដូចជា៖ ស្ថាបនាលូមេ ស្តាលូ ជួសជុលផ្លូវ ស្ថាបនា កែលំអសាលារៀន ដាក់ភ្លើងបំភ្លឺផ្លូវ និងរៀបការ៉ូឡានៅតាមដងផ្លូវនានា។ល។

លោក ជា ខេមា អភិបាល បានមានប្រសាសន៍ថា ការចូលរួមរបស់វិស័យឯកជន តាមរបៀបប្រកួតប្រជែងក្នុងការចូលរួមដេញថ្លៃគម្រោងអភិវឌ្ឍន៍សង្កាត់នេះ មិនត្រូវមានការឃុបឃិតគ្នាក្នុងការដេញថ្លៃ ឬសន្យាអ្វីមួយក្រោយពេលដេញថ្លៃនោះទេ គឺដើម្បីកសាងសមិទ្ធិផលនានាក្នុងមូលដ្ឋានសង្កាត់ និងចូលរួមអភិវឌ្ឍន៍មូលដ្ឋានតាមតម្រូវការរបស់ប្រជាពលរដ្ឋ និងធ្វើឲ្យមានលក្ខណៈបច្ចេកទេស ស្ដងដារត្រឹមត្រូវ។ ក្រោយការដេញថ្លៃបានក្រុមហ៊ុនត្រូវគោរពនីតិវិធី កិច្ចសន្យា និងរយៈពេលកំណត់ក្នុងការអនុវត្តគម្រោង។មានសៀវភៅការដ្ឋានតាមការណែនាំរបស់ក្រុមគាំទ្របច្ចេកទេសខណ្ឌ និងសង្កាត់។ ធានាសុវត្ថិភាពការដ្ឋាន សុវត្ថិភាពសាធារណៈ និងរក្សារបរិស្ថានអនាម័យ ចាប់ពីពេលបើកការដ្ឋានអនុវត្តគម្រោង រហូត ដល់ពេលបិទការដ្ឋាន។

លោក ជា ខេមា អភិបាលនៃគណៈអភិបាលខណ្ឌដូនពេញ

ជាចុងក្រោយ លោកអភិបាល ក៏បានស្នើអោយគណកម្មការគ្រប់គ្រងគម្រោងសង្កាត់ត្រូវមានការតាមដានត្រួតពិនិត្យការអនុវត្តគម្រោងជាប្រចាំ ជាពិសេសគឺការពិនិត្យផ្ដល់យោបល់ដោយសរសេរចូលក្នុងសៀវភៅការដ្ឋានជាប្រចាំ មានការទទួលខុសត្រូវចំពោះលទ្ធផលគម្រោង។ លោកបានបន្តទៀតថា អ្នករៀបចំលទ្ធកម្មគម្រោងមូលនិធិសង្កាត់ មិនត្រូវដេញថ្លៃបានហើយធានាថាធ្វើបាន ហើយធ្វើមិនបាន ត្រូវមានការទទួលខុសត្រូវ។ លោកបញ្ជាក់ថា ទាំងមន្រ្តី និងក្រុមហ៊ុន មានការស៊ូកប៉ានគ្នា ធ្វើឲ្យគម្រោងមិនមានលក្ខណបច្ចេកទេសត្រូវ ពេលជំនាញស្រាវជ្រាវដឹងនោះ ទាំងមន្រ្តី ត្រូវមានវិធានការច្បាប់ និងក្រុមហ៊ុន មិនវត្តមានដេញថ្លៃលើកក្រោយបន្តទៀតឡើយ៕ អត្ថបទ៖ សុភា

The post អភិបាលខណ្ឌដូនពេញ ជំរុញអាជ្ញាធរសង្កាត់តាមដាន គម្រោងមូលនិធិអភិវឌ្ឍន៍ឆ្នាំ២០២៦ មិនត្រូវឲ្យមានពាក្យថា”ចាក់ក្រាសស៉ីស្ដើង ចាក់ស្ដើងស៉ីក្រាស “ appeared first on Kampuchea Thmey Daily.

ក្នុងឱកាសចុះពិនិត្យនេះដែរ លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានណែនាំដល់ក្រុមការងារបច្ចេកទេស និងក្រុមហ៊ុនដែលកំពុងសាងសង់ ត្រូវយកចិត្តទុកដាក់សាងសង់ប្រកបដោយគុណភាព ស្តង់ដារបច្ចេកទេស និងត្រូវឱ្យរួចរាល់តាមផែនការដែលបានកំណត់។

ជាមួយគ្នានេះដែរ លោកក៏បានស្នើសុំការយោគយល់ និងអធ្យាស្រ័យពីសំណាក់ប្រជាពលរដ្ឋក្នុងក្រុងតាខ្មៅទាំងមូល ពិសេសប្រជាពលរដ្ឋដែលឆ្លងកាត់ ព្រោះនៅពេលការដ្ឋានកំពុងសាងសង់ បានធ្វើឱ្យប៉ះពាល់ដល់ការធ្វើដំណើររបស់ប្រជាពលរដ្ឋ ការប្រកបរបររកស៊ីប្រចាំថ្ងៃ និងបង្កផលប៉ះពាល់ក្នុងការរស់នៅប្រចាំថ្ងៃ ប៉ុន្តែនៅពេលការដ្ឋាននេះបានសាងសង់រួចហើយ នោះក្រុងតាខ្មៅនឹងលើកនូវសោភ័ណភាពស្អាត បញ្ហាបង្ហូរទឹកកខ្វក់ចូលក្នុងស្ទឹងឬទន្លេនឹងលែងមានទៀតហើយសម្រាប់ក្រុងតាខ្មៅរបស់យើង។

បើតាមមន្ត្រីបច្ចេកទេសដែលកំពុងអនុវត្តគម្រោងនេះបានឱ្យដឹងថា៖ គម្រោងអភិវឌ្ឍន៍ប្រព័ន្ធចម្លោះទឹកកខ្វក់ក្នុងក្រុងតាខ្មៅ ប្រភពឥណទានមូលនិធិនៃកិច្ចសហប្រតិបត្តិការអភិវឌ្ឍន៍សេដ្ឋកិច្ច ក្រោមឥណទានសម្បទានពីធនាគារនីហរ័ណ-អាហរ័ណរបស់សាធារណរដ្ឋកូរ៉េ ដោយមានប្រព័ន្ធលូបង្ហូរ និងចម្លោះទឹកកខ្វក់ជាប្រព័ន្ធញែកដោយឡែក រវាងទឹកភ្លៀង និងទឹកកខ្វក់ ហើយតំបន់ទទួលបានសេវាគ្របដណ្តប់ ចំនួន៥សង្កាត់ ក្នុងក្រុងតាខ្មៅ រួមមាន៖ សង្កាត់កំពង់សំណាញ់ សង្កាត់តាក្ដុល សង្កាត់តាខ្មៅ សង្កាត់ព្រែកហូរ និងសង្កាត់ព្រែកឫស្សី។ ស្ថានីយប្រព្រឹត្តកម្មទឹកកខ្វក់មានសមត្ថភាពចម្លោះ ១៨០០០ម៣/ថ្ងៃ តាមវិធីសាស្ត្រអាងចម្លោះតាមបែបធម្មជាតិ។ បណ្តាញលូទឹកកខ្វក់ប្រវែងសរុប ១២៥.៣គីឡូម៉ែត្រ គម្រោងនេះគ្រោងនឹងបញ្ចប់នៅចុងឆ្នាំ២០២៧ខាមុខនេះ។

The post ក្រសួងសាធារណការ រួមជាមួយអាជ្ញាធរខេត្តកណ្ដាល ចុះពិនិត្យការដ្ឋានគម្រោងអភិវឌ្ឍន៍ប្រព័ន្ធចម្រោះទឹកកខ្វក់ក្នុងភូមិសាស្ត្រក្រុងតាខ្មៅ appeared first on Kampuchea Thmey Daily.

ការចុះសិក្សានេះ មានការចូលរួមពីមន្ត្រីបច្ចេកទេស ចៅសង្កាត់រង និងមេភូមិ សរុបចំនួន ៥នាក់ ក្នុងនោះមាន ដើម្បីពិនិត្យជាក់ស្តែងលើស្ថានភាពផ្លូវ និងប្រព័ន្ធលូ ដែលគ្រោងអនុវត្តក្នុងឆ្នាំ២០២៦ ស្របតាមតម្រូវការជាក់ស្តែងរបស់ប្រជាពលរដ្ឋក្នុងមូលដ្ឋាន។

លោក ឡេង ចាន់វិសិដ្ឋ ប្រធានការិយាល័យផែនការនិងហិរញ្ញវត្ថុ ខណ្ឌឫស្សីកែវ បានឱ្យដឹងថា ជាលទ្ធផល ក្រុមការងារបានចុះសិក្សាគម្រោងជួសជុលផ្លូវបេតុង និងដាក់ប្រព័ន្ធលូ សរុបចំនួន ០៥គម្រោង រួមមាន៖ ជួសជុលផ្លូវបេតុងគ្មានសរសៃដែក ០១ខ្សែ កម្រាស់ ០.១២ម៉ែត្រ ប្រវែង ១០៤ម៉ែត្រ ទទឹង ២ម៉ែត្រ ចាប់ពីផ្លូវជាតិលេខ៥ ដល់ផ្លូវបណ្ដោយភូមិ ស្ថិតក្នុងភូមិក , ជួសជុលផ្លូវបេតុងគ្មានសរសៃដែក ០១ខ្សែ កម្រាស់ ០.១៥ម៉ែត្រ ប្រវែង ១០៣ម៉ែត្រ ទទឹង ៤ម៉ែត្រ

ជួសជុលផ្លូវបេតុងគ្មានសរសៃដែក ០១ខ្សែ កម្រាស់ ០.១៥ម៉ែត្រ ប្រវែង ១២០.៥ម៉ែត្រ ទទឹង ៣ម៉ែត្រ ចាប់ពីផ្ទះតា ស៊ន ដល់ផ្លូវមុខផ្ទះអ្នកគ្រូ ស្ថិតនៅភូមិខ១ ,ជួសជុលផ្លូវបេតុងគ្មានសរសៃដែក ០១ខ្សែ កម្រាស់ ០.១៥ម៉ែត្រ ប្រវែង ១៥៥ម៉ែត្រ ទទឹង ៣.៥ម៉ែត្រ ចាប់ពីផ្លូវជាតិលេខ៥ ដល់របងលោក អ៊ុក សំខាន់ ស្ថិតនៅភូមិខ១ , ដាក់ប្រព័ន្ធលូ ០២ខ្សែ ទំហំ ០.៦ម៉ែត្រ ប្រវែងសរុប ៧១៣ម៉ែត្រ ចាប់ពីផ្ទះតា ស៊ន និងផ្ទះតា មិត្ត ដល់ប្រឡាយអូរវែង ស្ថិតនៅភូមិខ១។

លោក ស្មាន់ ហាណាហ្វី  ប្រជាពលរដ្ឋរស់នៅសង្កាត់ដែលពាក់ព័ន្ធ បានលើកឡើងពីការលំបាកក្នុងការធ្វើដំណើរ ជាពិសេសនៅរដូវវស្សា ដែលផ្លូវខូចខាត មានទឹកជំនន់ និងខ្វះប្រព័ន្ធលូបង្ហូរទឹកត្រឹមត្រូវ បណ្តាលឲ្យប៉ះពាល់ដល់ការរស់នៅប្រចាំថ្ងៃ សុខភាព និងសកម្មភាពសេដ្ឋកិច្ចរបស់ពលរដ្ឋ។

លោក បាម សម្តែងការគាំទ្រ និងអំណរគុណចំពោះអាជ្ញាធរមូលដ្ឋាន និងរដ្ឋបាលខណ្ឌឫស្សីកែវ ដែលបានយកចិត្តទុកដាក់ចុះពិនិត្យជាក់ស្តែង និងរៀបចំគម្រោងអភិវឌ្ឍន៍ហេដ្ឋារចនាសម្ព័ន្ធ ស្របតាមតម្រូវការពិតប្រាកដរបស់ប្រជាពលរដ្ឋ ដោយរំពឹងថា ក្រោយការអនុវត្តគម្រោងទាំងនេះ នឹងជួយលើកកម្ពស់គុណភាពជីវភាព ការធ្វើដំណើរ និងសោភ័ណភាពមូលដ្ឋានឲ្យកាន់តែប្រសើរ៕ ដោយ សំណាង

The post រដ្ឋបាលខណ្ឌឫស្សីកែវចុះសិក្សាគម្រោងមូលនិធិអភិវឌ្ឍន៍សង្កាត់ឆ្នាំ២០២៦ នៅសង្កាត់ច្រាំងចំរេះទី២ appeared first on Kampuchea Thmey Daily.

កិច្ចសហប្រតិបត្តិការរវាងក្រុមហ៊ុនទាំងពីរ ធ្វើឡើងក្រោមអធិបតីភាពរបស់ ឯកឧត្ដម អ្នកឧកញ៉ា សួរ វីរៈ អគ្គនាយកក្រុមហ៊ុនវិរៈ ប៊ុនថាំ អេចប្រេស និងលោក Li Meng Chen អគ្គនាយកក្រុមប្រឹក្សាភិបាល ក្រុមហ៊ុនខូលថល ស៊ីធី ឌីវីឡុបមិន គ្រុប ព្រមទាំងមានការចូលរួមពីគណៈគ្រប់គ្រងជាន់ខ្ពស់នៃក្រុមហ៊ុនទាំងពីរ និងភ្ញៀវកិត្តិយសសំខាន់ៗផងដែរ។

ក្នុងឱកាសនេះ អ្នកឧកញ៉ា សួរ វីរៈ  បានលើកឡើងថា កិច្ចសហការដ៏ពិសេសរវាងក្រុមហ៊ុនទាំងពីរ ធ្វើឡើងដោយផ្តោតលើការប្តេជ្ញាអភិវឌ្ឍន៍តំបន់ធម្មជាតិ ប្រែក្លាយភាពសម្បូរបែបតំបន់តារាសាគរឱ្យក្លាយជាតំបន់ទេសចរណ៍ដែលមានភាពទាក់ទាញលំដាប់ពិភពលោកនាពេលអនាគត។ អ្នកឧកញ៉ា បានបន្តទៀតថា ចក្ខុវិស័យរួមគ្នារបស់ក្រុមហ៊ុនទាំងពីរ គឺធ្វើការរួមគ្នាដើម្បីអភិវឌ្ឍន៍តំបន់តារាសាគរទៅជាគោលដៅទេសចរណ៍ស្តង់ដារពិភពលោក ដោយបញ្ចូលវប្បធម៌ បរិស្ថានធម្មជាតិ សេវាកម្មទេសចរណ៍កម្រិតខ្ពស់។ ក្រៅពីការទាក់ទាញផ្នែកទេសចរណ៍ អ្នកឧកញ៉ា បន្តថាគម្រោងនេះក៏ផ្តល់ឱកាសការងារសំខាន់ជាច្រើន រួមចំណែកដល់ការអភិវឌ្ឍសេដ្ឋកិច្ចក្នុងរយៈពេលវែងដូចគ្នា។

ឯកឧត្ដម អ្នកឧកញ៉ា សួរ វីរៈ មានប្រសាសន៍ថា៖ “ខ្ញុំសូមបញ្ជាក់ថា គម្រោងនេះគឺលើសពីការអភិវឌ្ឍលើទំហំដី ១០០ហិកតា តែវាជាការវិនិយោគដល់អនាគតរុងរឿង ជីវិតល្អប្រសើរ និងសុខុមាលភាពរបស់ប្រជាជននៃតំបន់មួយនេះ។ យើងជឿជាក់ថា តាមរយៈការខិតខំប្រឹងប្រែងរួមគ្នា និងចក្ខុវិស័យរួមគ្នារបស់យើង តារាសាគរនឹងលេចចេញមុខមាត់ថ្មីនៃការរីកចម្រើន និងជោគជ័យក្នុងរយៈពេលដ៏ខ្លីខាងមុខ”។

អគ្គនាយកក្រុមហ៊ុនវិរៈ ប៊ុនថាំ បញ្ជាក់ទៀតថា ស្ថិតក្នុងគម្រោងនេះខ្លួនប្តេជ្ញាក្នុងការរៀបចំហេដ្ឋារចនាសម្ព័ន្ធឱ្យមានភាពស្រស់ស្អាត ប្រណិត និងរស់រវើក។ លើសពីនេះ ក៏មានគម្រោងអភិវឌ្ឍន៍វិស័យដឹកជញ្ជូនដែនអាកាសប្រចាំអាកាសយានដ្ឋានតារាសាគរ តាមរយៈការបង្កើតសាលាហោះហើរ និងចំណតយន្តហោះចុះលើទឹក ដើម្បីឱ្យការធ្វើដំណើរកាន់តែងាយស្រួល។ អ្នកឧកញ៉ា ជឿជាក់ថា​តាមរយៈគម្រោងដ៏អស្ចារ្យនេះ នឹងបង្ហាញឱ្យពិភពលោកឃើញថា តារាសាគរ គឺជាតំបន់ទេសចរណ៍ដែលមានភាពរស់រវើក ទំនើប និងជាតំបន់មួយដែលមានភាពទាក់ទាញក្នុងពិភពលោកថែមទៀតផង៕

The post ក្រុមហ៊ុន វិរៈ ប៊ុនថាំ និងក្រុមហ៊ុន ខូលថល ស៊ីធី សហការគ្នាអភិវឌ្ឍន៍គម្រោងនៅតំបន់តារាសាគរដើម្បីក្លាយជាតំបន់ទេសចរណ៍កម្រិតខ្ពស់ appeared first on Kampuchea Thmey Daily.

កម្មវិធីនេះធ្វើឡើងក្រោមអធិបតីភាពលោក សុខ ពេញវុធ អភិបាលរងរាជធានីភ្នំពេញ តំណាងដ៏ខ្ពង់ខ្ពស់ លោក ឃួង ស្រេង អភិបាលនៃគណៈអភិបាលរាជធានីភ្នំពេញ និងលោក ជា ខេមា អភិបាលខណ្ឌដូនពេញ និងមានការចូលរួមពីក្រុមប្រឹក្សាខណ្ឌ មន្ទីរជំនាញជុំវិញរដ្ឋបាលរាជធានី តំណាងដៃគូអភិវឌ្ឍន៍ សប្បុរសជន និងវិស័យឯកជនផងដែរ។

លោក ជា ខេមា អភិបាលខណ្ឌដូនពេញបានលើកឡើងថា ការរៀបចំសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល ២០២៥-២០២៧ របស់សង្កាត់ទាំង១១ នៅពេលនេះ មានគោលបំណងដើម្បីផ្សព្វផ្សាយគម្រោងវិនិយោគជាអាទិភាពឆ្នាំ២០២៥ របស់រដ្ឋបាលខណ្ឌ សង្កាត់ និងការស្នើសុំការគាំទ្រគម្រោង ពីមន្ទីរអង្គភាពជំនាញ អង្គការដៃគូអភិវឌ្ឍន៍នានា វិស័យឯកជន និងសប្បុរសជន ដើម្បីគាំទ្រគម្រោងរបស់សង្កាត់ និងខណ្ឌ។

លោកបន្តថា សិក្ខាសាលានេះរៀបចំឡើងស្របតាមផែនការអភិវឌ្ឍន៍របស់សង្កាត់ និងខណ្ឌ ដែលនៅក្នុងនោះចាំបាច់ត្រូវមានការចូលរួមគាំទ្រពី មន្ទីរជំនាញ ដៃគូអភិវឌ្ឍន៍ សប្បុរសជន និងវិស័យឯកជន ដើម្បីឱ្យគម្រោងដែលបានរៀបចំ ឆ្លុះបញ្ចាំងពីតម្រូវការជាអាទិភាពនៅថ្នាក់មូលដ្ឋាន ប្រើប្រាស់ធនធានឱ្យចំគោលដៅ និងអនុវត្តទៅប្រកបដោយប្រសិទ្ធភាព។

លោក សុខ ពេញវុធ អភិបាលរងរាជធានីភ្នំពេញ ក៏បានកោតសរសើរ និងវាយតម្លៃខ្ពស់ចំពោះលោក លោកស្រី តំណាងឱ្យមន្ទីរជំនាញ តំណាងឱ្យអង្គការដៃគូរអភិវឌ្ឍនានា វិស័យឯកជន និងសប្បុរសជនទាំងអស់ ដែលបានជួយគាំទ្រដល់ខណ្ឌដូនពេញ និងសង្កាត់ទាំង១១ ក្នុងពេលកន្លងមក ហើយក៏សូមសំណូមពរឱ្យបន្តការគាំទ្រតទៅទៀត ដើម្បីចូលរួមអភិវឌ្ឍរាជធានីភ្នំពេញឱ្យកាន់តែរីកចំរើនជាបន្តបន្ទាប់ ស្របតាមគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

សូមបញ្ជាក់ផងដែរ សម្រាប់គម្រោងជាអាទិភាពរបស់រដ្ឋបាលខណ្ឌឆ្នាំ២០២៥ ដែលត្រូវដាក់ស្នើសុំការគាំទ្រនៅក្នុងសិក្ខាសាលាសមាហរណកម្មនាពេលនេះមានចំនួន ១០៤គម្រោង ក្នុងនោះ ដែលមានផ្នែកសេដ្ឋកិច្ច ២១គម្រោង; ផ្នែកសង្គមកិច្ច៤៨គម្រោង ;ផ្នែកបរិស្ថាន១៥គម្រោង; ផ្នែករដ្ឋបាល និងសន្តិសុខ២០គម្រោង៕

អត្ថបទ៖ សុភា

The post រដ្ឋបាលខណ្ឌដូនពេញ ដាក់គម្រោងអភិវឌ្ឍន៍អាទិភាពជាង១០០គម្រោងនៅឆ្នាំ២០២៥ appeared first on Kampuchea Thmey Daily.

តាមផែនការគម្រោងអភិវឌ្ឍន៍លំនៅដ្ឋានទំនើបបែបជប៉ុនលើកទី១នៅកម្ពុជានេះ​ នឹងត្រូវធ្វើការសិក្សាប្លង់រចនាលម្អិត និងកិច្ចការពាក់ព័ន្ធដើម្បីធ្វើជាមូលដ្ឋានសម្រាប់ក្រុមហ៊ុនទាំងបី​​ ពិចារណានិងធ្វើការសម្រេចចិត្តលើការអភិវឌ្ឍ​ ប្រតិបត្តិការ​ និងដំណើរការលក់ជូនអតិថិជន ដោយគ្រោងនឹងបញ្ចប់ការសិក្សានៅដំណាច់ឆ្នាំ២០២៤នេះ​ និងឈានទៅដំណាក់កាលសាងសង់និងលក់​ នៅដើមឆ្នាំ២០២៥ខាងមុខ។​ គម្រោងនេះនឹងក្លាយជាគម្រោងធំទី២ ​របស់ជប៉ុននៅក្នុងទីតាំងតំបន់អភិវឌ្ឍន៍ទីក្រុងរណប​ អ៊ឹង​ ស៊ីធី  (ING City) បន្ទាប់ពី ផ្សារទំនើប អ៉ីអន មានជ័យម៉ល​ (AEON3)។

​ឯកឧត្តម មាន ចាន់យ៉ាដា បានសម្តែង នូវការស្វាគមន៍ និងអបអរសាទរចំពោះការសម្រេចចិត្តដ៏ត្រឹមត្រូវ របស់ក្រុមហ៊ុនវិនិយោគជប៉ុនទាំង២ ដែលបានសហការជាមួយក្រុមហ៊ុន អាយអិនជី ហូលឌីង លើការអភិវឌ្ឍវិស័យអចលនទ្រព្យបន្ថែមទៀត ក្នុងភូមិសាស្ត្រទីក្រុងរណបបឹងទំពុន និងជើងឯក ដែលជាទីក្រុងរណបថ្មី (អ៊ឹង ស៊ីធី) ស្ថិតនៅភាគខាងត្បូងរាជធានីភ្នំពេញ។ ឯកឧត្តមបានកោតសរសើរ និងវាយតម្លៃខ្ពស់ចំពោះក្រុមហ៊ុន អាយអិនជី ហូលឌីង ដែលបានផ្តួចផ្តើមឱ្យមានការអភិវឌ្ឍនៅតំបន់នេះ ដែលកាលពីមុនជាតំបន់វាលទំនាប និងលិចទឹកនារដូវវស្សា ហើយក្រុមហ៊ុនក៏បានសិក្សា ប្លង់មេ (Master Plan) នៃគម្រោង ដែលជាត្រីវិស័យបម្រើឱ្យ ការរៀបចំនគរូបនីយកម្មក្នុងតំបន់ សំដៅប្រែក្លាយជាទីក្រុងរណបដ៏ប្រណីតពណ៌បៃតង។ លើសពីនេះ ក្រុមហ៊ុនបានចំណាយថវិកាដ៏ច្រើនសន្ធឹកសន្ធាប់ និងផ្ទៃដីកម្មសិទ្ធិមួយចំនួន សម្រាប់កសាងហេដ្ឋារចនាសម្ព័ន្ធរូបវ័ន្តសាធារណៈ រួមមាន មហាវិថីចំនួន ០៣ខ្សែ (មហាវិថី សម្តេចតេជោ ហ៊ុន សែន, មហាវិថីអ្នកឧកញ៉ាមហាភក្តីសប្បុរិសភោគាធិបតី ហ៊ុន នាង និងមហាវិថី ឈុន គង់ ព្រមទាំងផ្លូវមេ-ផ្លូវរណបនានា និង ហេដ្ឋារចនាសម្ព័ន្ធផ្សេងៗទៀត ហើយក្រុមហ៊ុនក៏បានបោះទុនវិនិយោគ ដោយសហការជាមួយក្រុមហ៊ុន វិស័យឯកជនទាំងក្នុង និងក្រៅស្រុក ដើម្បីអភិវឌ្ឍវិស័យអចលនទ្រព្យ និងសំណង់នៅក្នុងតំបន់ផងដែរ។

លោក TANINAI Ichitomo អនុប្រធានបេសកកម្ម នៃស្ថានទូតជប៉ុនប្រចាំព្រះរាជាណាចក្រកម្ពុជា បានសម្ដែងនូវការអបអរសាទរចំពោះការចុះអនុស្សរណៈយោគយល់គ្នាលើកដំបូងរវាងក្រុមហ៊ុនជប៉ុន ជាមួយក្រុមហ៊ុន អាយអិនជី ហូលឌីង ដោយបានការគាំទ្រពី រដ្ឋាភិបាលកម្ពុជា តាមរយៈរដ្ឋបាលរាជធានីភ្នំពេញ។ តាមរយៈគម្រោងនេះ នឹងនាំមកនូវបទពិសោធន៍នៃការរស់នៅ និងបច្ចេកវិទ្យារបស់ជប៉ុន ដោយក្រុមហ៊ុនជប៉ុន នឹងចាត់ចែងទាំងការរចនា ការសាងសង់ និងការគ្រប់គ្រងគម្រោង​អភិវឌ្ឍន៍ផ្ទះបែបជប៉ុនសុទ្ធសាធដំបូងគេនៅកម្ពុជា។

យោងតាមប្រសាសន៍ លោក អ៊ឹង ស៊ីវខូវ អគ្គនាយកក្រុមហ៊ុន អាយអិនជី ហូលឌីង ក្រុមហ៊ុនពិតជារីករាយចំពោះវឌ្ឍនភាពនៃកិច្ចសហការរវាងក្រុមហ៊ុនទាំងបី ជាការឆ្លុះបញ្ចាំងនូវការបោះជំហានមួយថ្មីបន្ថែមទៀត នៃតំបន់អភិវឌ្ឍន៍ទីក្រុងរណបដ៏មានសក្តានុពលនេះ ដែលនឹងកាន់តែជួយបង្កើនលើកមុខមាត់ទីក្រុងរណប អ៊ឹង ស៊ីធី ក៏ដូចជាជម្រុញការចាប់អារម្មណ៍ពីបណ្តាវិនិយោគទុនជាតិ និងអន្តរជាតិជាច្រើនថែមទៀតចូលមកកាន់ទីក្រុងរណប អ៊ឹង ស៊ីធី ដើម្បីប្រែក្លាយជាទីក្រុងរណបបៃតងប្រណិត និងវៃឆ្លាតធំដំបូងទី១ ពោរពេញដោយភាពទំនើបស៊ីវិល័យ ដូចទីក្រុងធំៗនៅបណ្តាប្រទេសជឿនលឿនផងដែរ។

លោក SAITO Masato អ្នកគ្រប់គ្រង ក្រុមហ៊ុន UR Linkage បានបង្ហាញអំពីគោល បំណង ឆ្ពោះទៅមុខបន្តក្នុងការ ពង្រីកអាជីវកម្មនៅកម្ពុជា ដើម្បីគាំទ្រនិងឆ្លើយតបទៅនឹងតម្រូវការរបស់កម្ពុជា។ ហើយពេលនេះក្រុមហ៊ុនកំពុងបោះជំហានឆ្ពោះទៅរកលទ្ធភាពថ្មីរួមជាមួយក្រុមហ៊ុន ING Holdings និងក្រុមហ៊ុន Kojima Holdings។ ហើយក្រុមហ៊ុន UR Linkage មាន ជំនឿចិត្ត ថាភាពជាដៃគូថ្មីនេះនឹងក្លាយជាផ្លូវឆ្ពោះទៅរកភាពជោគជ័យសម្រាប់ទាំងអស់គ្នា។

តាមប្រសាសន៍របស់លោក​ KOJIMA MASANOBU ប្រធានក្រុមប្រឹក្សាភិបាល​ និងជាអគ្គនាយក ក្រុមហ៊ុន កូជីម៉ា ហូលឌីង​​ បានឲ្យដឹងថា ក្រុមហ៊ុនកូជីម៉ា ហូលឌីង គឺជាក្រុមហ៊ុនធំមួយ មានប្រវត្តិអាជីវកម្មប្រមាណ១៣០ឆ្នាំ មានស្នាដៃជាច្រើនលើវិស័យអចលនទ្រព្យ សំណង់ទូទៅ ការគ្រប់គ្រងសណ្ឋាគារ​ អគារស្នាក់នៅរួម​ និងមណ្ឌលថែទាំមនុស្សចាស់ជាដើម ទាំងនៅក្នុងប្រទេសជប៉ុន និងក្រៅប្រទេស៕

(អត្ថបទពាណិជ្ជកម្ម)

The post គម្រោងអភិវឌ្ឍន៍លំនៅឋានបែបជប៉ុនដំបូងគេនៅកម្ពុជា ចាប់ផ្ដើមហើយក្នុងតំបន់ទីក្រុងរណប អ៉ឹង ស៊ីធី (ING CITY) appeared first on Kampuchea Thmey Daily.

ក្រុមការងារអន្តរក្រសួងដែលរួមមាន ក្រសួងសាធារណការ និងដឹកជញ្ជូន ក្រសួងបរិស្ថាន ក្រសួងទេសចរណ៍ ក្រសួងរៀបចំដែនដី ក្រសួងអធិការកិច្ច អាជ្ញាធរខេត្តពោធិ៍សាត់ ដឹកនាំដោយដោយលោក ហួត ហាក់ រដ្ឋមន្ត្រីក្រសួងអធិការកិច្ច នៅថ្ងៃទី ២៦ ខែកុម្ភៈ ឆ្នាំ ២០២៤ បានចុះពិនិត្យទីតាំងជាក់ស្ដែងនៃការអង្កេតស្រាវជ្រាវភាពមិនប្រក្រតីលើគម្រោងអភិវឌ្ឍន៍​ទេសចរណ៍ផ្សារភ្ជាប់ និងធម្មជាតិថ្នាក់តូចរបស់លោកស្រី សុឹង សុខអាង ដោយធ្វើយ៉ាងណាឱ្យមានមូលដ្ឋានច្បាស់លាស់គ្រប់គ្រាន់ ដើម្បីរាយការណ៍ជូនប្រមុខរាជរដ្ឋាភិបាល។

ប៉ុន្តែចំពោះមុខក្រុមការងារបានបានផ្អាកដំណើរការគម្រោងនេះជាបណ្ដោះអាសន្នសិន ដោយសារឯកសារមិនមានផ្លូវច្បាប់ច្បាស់លាស់ និងទីតាំងមិនបានសមស្រប ចំពោះលទ្ធផលយ៉ាងណានោះរង់ចាំសម្រេចនៅពេលក្រោយ។

លោក ខួយ រីដា អភិបាលខេត្តពោធិ៍សាត់បានលើកឡើងថា ក្នុងនាមអាជ្ញាធរ សូមបង្ហាញការគាំទ្រ និងរីករាយទទួល​យក​គ្រប់ការអភិវឌ្ឍន៍ទាំងអស់ដែលធ្វើឱ្យជីវភាពប្រជាពលរដ្ឋបានល្អប្រសើរសេដ្ឋកិច្ចជាតិយើងរីកចម្រើន ប៉ុន្តែមិនគាំទ្រការអភិវឌ្ឍន៍ធ្វើឱ្យប៉ះពាល់ឡើយ៕

អត្ថបទ៖ លាន គ្រន

The post ​រដ្ឋាភិបាលផ្អាកគម្រោងអភិវឌ្ឍទេសចរណ៍ឯកជន​មួយ​នៅជើងភ្នំ ១.៥០០ ក្រោយរកឃើញភាពមិនប្រក្រតី appeared first on Kampuchea Thmey Daily.