អនុវត្ត​តាម​បទ​បញ្ជា​យ៉ាង​មុឺងម៉ាត់​របស់ លោកនាយ​ឧត្ដមសេនីយ៍​ ស​ ថេត​ អគ្គស្នងការ​នគរបាល​ជាតិ​ និង​ដោយ​មាន​ការ​ដឹកនាំ​បញ្ជា​ផ្ទាល់​ពី​ លោក​ឧត្ដមសេនីយ៍​ត្រី​ សឿម​ សារិទ្ធ​ ស្នងការ​ នៃ​ស្នង​ការ​ដ្ឋាន​នគរបាល​ខេត្ត​បន្ទាយមានជ័យ ​ដោយ​មាន​ការ​សម្របសម្រួល​ពី ​លោក​ព្រះរាជ​អាជ្ញា​អម​សាលា​ដំបូង​ខេត្ត ​និងដឹកនាំ​កម្លាំង​ដោយ​លោក​ឧត្ដមសេនីយ៍​ត្រី​ ធិន​​ សុិន​ដេត ​ស្នង​ការ​រង​ផែន​ការ​ងារ​នគរបាលប្រឆាំង​គ្រឿងញៀន​ និង​កម្លាំង​នគរបាល​ប៉ុស្តិ៍​នគរបាល​រដ្ឋ​បាល​សង្កាត់​ប៉ោយប៉ែត​ នៃ​អធិការ​ដ្ឋាន​នគរបាល​ក្រុង​ប៉ោយប៉ែត នៅ​ថ្ងៃ​ទី​២៨,២៩​ ខែឧសភា​ ឆ្នាំ​២០២៦ ​បាន​ចុះ​ប្រតិបត្តិការ​បង្ក្រាប​ និង​ឃាត់​ខ្លួន​មនុស្ស​ប្រុស​ស្រី​បាន​ចំនួន​១១នាក់ ​ក្នុងនោះ​មាន​ជនជាតិ​ចិន​ចំនួន​៨នាក់​ និង​ជនជាតិ​ថៃ​ចំនួន​៣នាក់​ ស្រី​១នាក់ ​ពាក់​ព័ន្ធ​បទ​ល្មើស​ផលិត​កែ​ឆ្នៃ​ រក្សា​ទុក​ជួញដូរ​ និង​ប្រើ​ប្រាស់​ដោយ​ខុសច្បាប់​នៅ​សារធាតុ​ញៀន​ នៅ​ចំនុច​ភូមិ​មិត្ត​ភាព​​ សង្កាត់​ប៉ោយប៉ែត​ ក្រុង​ប៉ោយប៉ែត​ ខេត្ត​បន្ទាយមានជ័យ​។

លោក​ឧត្ដមសេនីយ៍​ត្រី​ ធិន​ សុិន​ដេត​ បាន​អោយ​ដឹង​ថា​សង្ស័យ​ដែល​ត្រូវ​ឃាត់​ខ្លួនជា​ជនជាតិ​ចិន​មាន​ឈ្មោះ​៖ ហុង​ ខុងវៃ(Hong Cong Wei) ភេទ​ប្រុស​, ​វ៉ង​ គិនពិង(Wang Gen Bing)ភេទ​ប្រុស​ , ឡ​ វិន​ ភេទប្រុស , លី​ ហ្វាន់​(Li Fan)​ ភេទ​ប្រុស​, លី​ មិញ​ (Li Minh) ភេទ​ប្រុស​ , ចៅ ជេ(Zhao Jie) ភេទ​ប្រុស​ ,លៀវ​ មិញមៀវ(Liu Ming Miao)ភេទ​ប្រុស​, .ពី​ ចូវ​ ភេទ​ប្រុស​ ។ ជនជាតិ​ថៃ​មាន​ឈ្មោះ​ ៖ គិត​តាផាត​ ចាន់​សាគុណ​ ភេទ​ប្រុស​ , នុន​ ថះវាត់​ ខាំសុីន​ ភេទ​ប្រុស​ , ជិន​ សុថាផា​ ភេទ​ស្រី​។

ក្នុង​កិច្ច​ប្រតិបត្តិការ​នេះ លោក​ឧត្ដមសេនីយ៍​ត្រី​ ធិន​ សុិន​ដេត​បាន​បញ្ជាក់​ថា​វត្ថុ​តាង​ដែរ​​ចាប់​បាន​រួម​មាន​៖ ​ម្សៅក្រាមសថ្លា​ ចំនួន៣ថង់​ , ម្សៅម៉ត់ស​ ចំនួន០១ថង់,​ ម្សៅក្រាមសថ្លា​ លាយជាមួយថ្នាំគ្រាប់ពណ៌ក្រហម (Wy)​ ចំនួន២៣កូនថង់​ , សម្បកថង់សម្រាប់ច្រកថ្នាំញៀន​ មួយចំនួនធំ​, កាំភ្លេីងកែឆ្នៃចំនួន១ដេីម,​ ជញ្ជីងថ្លឹងថ្នាំញៀនចំនួន៣,​ ឧបករណ៍សម្រាប់ចម្រាញ់​ ផលិតថ្នាំញៀន​មួយចំនួន​ និងឧបករណ៍សម្រាប់ប្រេីប្រាស់ ថ្នាំញៀនមួយចំនួន​ មួករបាំងមុខចំនួន៤។

បច្ចុប្បន្ន​ជន​សង្ស័យ​ទាំង​១១នាក់​ ​និង​វត្ថុ​តាងត្រូវបាន​កសាង​សំណុំ​រឿង ​បញ្ជូន​ទៅ​តុលាការ​ដើម្បី​ផ្តន្ទា​ទោស​តាម​ច្បាប់​៕

The post រយៈ​ពេល​២ថ្ងៃ​ ប្រតិបត្តិការ​បង្ក្រាបបទ​ល្មើស​គ្រឿងញៀន កម្លាំង​ជំនាញឃាត់​មនុស្ស​ប្រុស​ស្រី​​១១នាក់​ បញ្ជូនទៅ​តុលាការ​ appeared first on Kampuchea Thmey Daily.

ដោយអនុវត្តនូវអនុសាសន៍ដឹកនាំដ៏ខ្ពង់ ខ្ពស់របស់ លោក នាយឧត្តមសេនីយ៍ ស ថេត អគ្គ ស្នងការនគរបាលជាតិនិងមានការចង្អុលបង្ហាញពីលោកវរសេនីយ៍ឯក ជា ចិត្រា ស្នងការនគរបាលខេត្តមណ្ឌលគិរី ក្នុងការបង្ការ បង្រ្កាបបទល្មើសគ្រឿងញៀន ក្នុងទូទាំងខេត្តមណ្ឌលគិរី, កាលពីថ្ងៃទី២៦ ខែឧសភា ឆ្នាំ ២០២៦ វេលាម៉ោង ១៦ និង១៣នាទី នៅត្រង់ចំណុចជើងភ្នំចាក់សំរាម ស្ថិតនៅភូមិដោះក្រមុំ សង្កាត់សុខដុម ក្រុងសែមនោរម្យ ខេត្តមណ្ឌលគិរី ដោយមានកាសម្របសម្រួលនីតិវិធីពីលោក ស៊ាវ ងីឈាន់ ព្រះរាជអាជ្ញារងអមសាលាដំបូងខេត្តមណ្ឌលគិរី។

ក្រោយពីទទួលបានព័ត៌មានពីកម្លាំងជំនាញ នៃអធិការដ្ឋាននគរបាលក្រុងសែនមនោមរម្យ បានរាយការណ៍អំពីគ្រោះថ្នាក់ចរាចរណ៍ដែលបង្កឡើងដោយជនជាតិចិន ១នាក់ បានបើករថយន្តបុករបងថ្មបណ្ដាលឱ្យរងរបួសយ៉ាងធ្ងន់ធ្ងររួចមក ហើយនៅក្នុងរថយន្តនោះមាននូវគ្រឿងញៀនជាច្រើនកញ្ចប់ទៀតនោះកម្លាំងសមត្ថកិច្ចការិយាល័យប្រឆាំងគ្រឿងញៀនខេត្ត បានចុះទៅដល់កន្លែងដែលកើតហេតុ និងបានធ្វើការឆែកឆេរនៅក្នុងរថយន្តក៏បានដករហូតនូវគ្រឿងញៀន ចំនួន ១៧កញ្ចប់ រួចក៏បានធ្វើកាបញ្ជូនខ្លួនជន សង្ស័យ ដែលជាជនជាតិចិននោះ ទៅសម្រាកព្យាបាលនៅមន្ទីរពេទ្យបង្អែកខេត្តមណ្ឌលគិរី ក្រោមការយាមការពារពីសមត្ថកិច្ច។

ក្នុងប្រតិបត្តិការខាងលើនេះ កម្លាំងសមត្ថកិច្ចបានធ្វើកាឃាត់ខ្លួនជនសង្ស័យចំនួន ១នាក់មានឈ្មោះ លីង ហ្វៃ ភេទប្រុស អាយុ ៤៤ឆ្នាំ ជនជាតិចិន បានធ្វើតេសរកសារធាតុញៀនមានលទ្ធផលវិជ្ជមាន (+)។ កម្លាំងសមត្ថកិច្ច បានធ្វើកាឆែកឆេរ និងចាប់យកសម្ភារ និងវត្ថុតាងមួយចំនួនជាគ្រឿងញៀន។

បច្ចុប្បន្នកម្លាំងជំនាញកំពុងរៀបចំឯកសារ ដើម្បីបញ្ជូជនសង្ស័យខាងលើ ទៅព្យាបាលនៅមន្ទីរពេទ្យកាលម៉ែត្របន្ត និងកំពុងកសាងសំណុំរឿងចាត់ការទៅតាមនីតិវិធីច្បាប់៕

The post ជនបរទេសម្នាក់បើករថយន្តបុករបងថ្ម បណ្ដាលឱ្យរងរបួសធ្ងន់ សមត្ថកិច្ចរកឃើញគ្រឿញៀនជាច្រើនកញ្ចប់ក្នុងរថយន្ត appeared first on Kampuchea Thmey Daily.

តាមរបាយការណ៍ពីសមត្ថកិច្ច បានឱ្យដឹងថា នៅវេលាម៉ោង ៩និង៥៥នាទីយប់ ថ្ងៃទី១១ ខែឧសភា ឆ្នាំ២០២៦ កម្លាំងមន្ទីរស្រាវជ្រាវ និងបង្ក្រាបបទល្មើស សហការជាមួយកម្លាំងមូលដ្ឋានកងរាជអាវុធហត្ថស្រុកព្រៃកប្បាស បានចុះបង្ក្រាបករណីគ្រឿងញៀននៅចំណុចភូមិផ្សារជ្រែ ឃុំអង្គាញ់ ស្រុកព្រៃកប្បាស។ ក្រោយការស៊ើបអង្កេត និងសាកសួរជនសង្ស័យ សមត្ថកិច្ចបានបន្តពន្លាតដែនប្រតិបត្តិការទៅដល់ខេត្តកណ្តាល។ លុះដល់វេលាម៉ោង ១១និង១០នាទីព្រឹក ថ្ងៃទី១២ ខែឧសភា ឆ្នាំ២០២៦ កម្លាំងជំនាញបានសហការជាមួយកម្លាំងកងរាជអាវុធហត្ថក្រុងសំពៅពូន និងស្ថិតក្រោមការសម្របសម្រួលនីតិវិធីពីលោក គុជ គីមឡុង ព្រះរាជអាជ្ញាអមសាលាដំបូងខេត្តកណ្តាល ចុះបង្ក្រាបជាក់ស្តែងនៅចំណុចចំការស្វាយ ស្ថិតក្នុងភូមិព្រែកសឹង សង្កាត់សំពៅពូន ក្រុងសំពៅពូន ខេត្តកណ្តាល។

ជាលទ្ធផល សមត្ថកិច្ចបានឃាត់ខ្លួនជនសង្ស័យសរុបចំនួន៥នាក់ រួមមាន៖១- ឈ្មោះ ស៊ាង លីវណ្ណា អាយុ៣៣ឆ្នាំ រស់នៅស្រុកអង្គរបូរី ខេត្តតាកែវ។ ២- ឈ្មោះ ធី ទីន អាយុ២២ឆ្នាំ រស់នៅស្រុកពាមជរ ខេត្តព្រៃវែង។ ៣- ឈ្មោះ គង់ សុជាតិ ហៅ កាក់ អាយុ២៩ឆ្នាំ រស់នៅស្រុកពាមជរ ខេត្តព្រៃវែង។ ៤- ឈ្មោះ ភី សុភាព ហៅ រី អាយុ៣៨ឆ្នាំ រស់នៅស្រុកមោងឫស្សី ខេត្តបាត់ដំបង។ និង៥- ឈ្មោះ ស ចាន់ អាយុ២៥ឆ្នាំ រស់នៅស្រុកស្វាយលើ ខេត្តសៀមរាប។

ក្នុងប្រតិបត្តិការនោះ សមត្ថកិច្ចបានដកហូតវត្ថុតាងមួយចំនួន រួមមាន ម្សៅក្រាមពណ៌សថ្លាសង្ស័យជាគ្រឿងញៀនចំនួន១៣កញ្ចប់ ទម្ងន់សរុប ៣៤៣.៨៩ក្រាម ជញ្ជីងថ្លឹងថ្នាំញៀន១គ្រឿង, ដាវដែក២ដើម, ទូរស័ព្ទដៃ៨គ្រឿង, ម៉ូតូ២គ្រឿង និងសម្ភារៈសម្រាប់វេចខ្ចប់គ្រឿងញៀនមួយចំនួនទៀត។

សមត្ថកិច្ចបានបញ្ជាក់ថា ប្រតិបត្តិការបង្ក្រាបបទល្មើសគ្រឿងញៀននៅក្នុងភូមិសាស្ត្រខេត្តតាកែវ កំពុងត្រូវបានអនុវត្តយ៉ាងសកម្ម និងជាបន្តបន្ទាប់ក្រោមការដឹកនាំផ្ទាល់ពីលោកឧត្តមសេនីយ៍ត្រី សេង មហា ដែលបានដាក់បទបញ្ជាឱ្យកម្លាំងជំនាញបន្តបោសសម្អាតមុខសញ្ញាជួញដូរ និងចែកចាយគ្រឿងញៀនឱ្យអស់ពីមូលដ្ឋាន ដើម្បីរក្សាសន្តិសុខ សុវត្ថិភាព និងសណ្តាប់ធ្នាប់សង្គមជូនប្រជាពលរដ្ឋ។ ជនសង្ស័យទាំង៥នាក់ រួមជាមួយវត្ថុតាង ត្រូវបានការិយាល័យជំនាញកងរាជអាវុធហត្ថខេត្តតាកែវ កសាងសំណុំរឿងបញ្ជូនទៅសាលាដំបូងខេត្តតាកែវ ដើម្បីចាត់ការតាមនីតិវិធីច្បាប់៕

អត្ថបទ៖ វីរៈ

The post អាវុធហត្ថខេត្តតាកែវ បន្តបង្ក្រាបមុខសញ្ញាគ្រឿង​ញៀន​៥នាក់ ដកហូតថ្នាំញៀន និងវត្ថុតាងមួយចំនួន appeared first on Kampuchea Thmey Daily.

វត្ថុតាងចាប់យករួមមាន ៖ ម្សៅក្រាមសថ្លាចំនួន ០៤កញ្ចប់, ជញ្ជីងអេឡិចត្រូនិកសម្រាប់ថ្លឹងចំនួន០១គ្រឿង, ដាវសាម៉ូរៃ ចំនួន ០២ដើម, កញ្ចប់ពណ៍ស (Ferrari) ចំនួន០១ (សង្ស័យជាសារធាតុញៀន), ឧបករណ៍សម្រាប់ប្រើប្រាស់គ្រឿងញៀន ចំនួន ០១ រួមនឹងសម្ភារមួយចំនួនទៀតផងដែរ។ 

ជនសង្ស័យទាំង០៦នាក់ រួមមាន ៖ ឈ្មោះ កួច តង ភេទប្រុស អាយុ ២៥ ឆ្នាំ, ឈ្មោះ តាំង ហេង ភេទ ប្រុស អាយុ ១៨ឆ្នាំ​, ឈ្មោះ ជឿង យ៉ាងម៉ី ភេទប្រុស អាយុ ២១ឆ្នាំ​, ឈ្មោះ ឡុង សម្បត្តិ ភេទប្រុស អាយុ ១១៨ឆ្នាំ, ឈ្មោះ លី ហួរ ភេទប្រុស អាយុ ២១ឆ្នាំ​ និងឈ្មោះ លី យី ភេទប្រុស អាយុ ៣០ឆ្នាំ​។

ជនសង្ស័យទាំង០៦នាក់ រួមនឹងវត្ថុតាង ត្រូវបានកម្លាំងជំនាញការិយាល័យប្រឆាំងបទល្មើសគ្រឿងញៀន នៃ កងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីធ្វើការផ្តន្ទាទោសតាមច្បាប់៕

The post អាវុធហត្ថរាជធានីភ្នំពេញ ឃាត់ខ្លួនសង្ស័យ០៦នាក់ បញ្ជូនទៅតុលាការ ពាក់ព័ន្ធករណីគ្រឿងញៀន appeared first on Kampuchea Thmey Daily.

បន្ទាប់ពីបើកការស្រាវជ្រាវអស់រយៈពេលជាច្រើនថ្ងៃមក នៅថ្ងៃទី២៧ ខែមីនា ឆ្នាំ២០២៦ កម្លាំងជំនាញការិយាល័យប្រឆាំងបទល្មើសគ្រឿងញៀន នៃ កងរាជអាវុធហត្ថរាជធានីភ្នំពេញ សហការជាមួយ កម្លាំងមូលដ្ឋានអាវុធហត្ថខណ្ឌពោធិ៍សែនជ័យ និងខណ្ឌកំបូល បានចុះបង្រ្កាប និងឃាត់ខ្លួន ជនសង្ស័យចំនួន០៤នាក់ ជាបន្តបន្ទាប់ ពាក់ព័ន្ធករណីជួញដូរដោយខុសច្បាប់នូវសារធាតុញៀន នៅចំណុចលើផ្លូវបេតុង ភូមិត្រពាំងថ្លឹង សង្កាត់ចោមចៅទី១ និងបន្ទប់ជួលគ្មានលេខ ភូមិទួលពង្រ សង្កាត់ចោមចៅទី២ ខណ្ឌពោធិ៍សែនជ័យ និងចំណុច ផ្ទះជួលលេខ១៣(បុរីML) ភូមិកំបូល សង្កាត់កំបូល ខណ្ឌកំបូល និងបន្តទៅឆែកឆេរនៅចំណុច បន្ទប់ជួលលេខ១៤ ភូមិកំបូល សង្កាត់កំបូល ខណ្ឌកំបូល រាជធានីភ្នំពេញ។ វត្ថុតាងចាប់យករួមមាន ៖ ម្សៅក្រាមសថ្លាចំនួន ១៦កញ្ចប់ ស្មើនឹងទម្ងន់ (៦៩៤,៨៨ក្រាម), ជញ្ជីងអេឡិចត្រូនិកសម្រាប់ថ្លឹងចំនួន០១គ្រឿង, ឧបករណ៍សម្រាប់ប្រើប្រាស់គ្រឿងញៀន ចំនួន ០១ រួមនឹងសម្ភារមួយចំនួនទៀតផងដែរ។ 

ជនសង្ស័យទាំង០៤នាក់ រួមមាន ៖ ឈ្មោះ សាន្ដ ភារៈ ហៅទី ភេទប្រុស អាយុ២៩ឆ្នាំ, ឈ្មោះ ហាន សុឃីម ហៅម៉ាប់ ភេទប្រុស អាយុ២៧ឆ្នាំ, ឈ្មោះ ថន ធូ ហៅធូ ភេទប្រុស អាយុ៣២ឆ្នាំ, ឈ្មោះ ឈុន ពិសិដ្ឋ ហៅមាន់ ភេទប្រុស អាយុ៣៥ឆ្នាំ។

បច្ចុប្បន្នជនសង្ស័យទាំង០៤នាក់ រួមនឹងវត្ថុតាង ត្រូវបានកម្លាំងជំនាញការិយាល័យប្រឆាំងបទល្មើសគ្រឿងញៀន នៃ កងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីធ្វើការផ្តន្ទាទោសតាមច្បាប់៕

The post អាវុធហត្ថរាជធានីភ្នំពេញ ឃាត់ខ្លួនជនសង្ស័យ០៤នាក់ បញ្ជូនទៅតុលាការពាក់ព័ន្ធករណីគ្រឿងញៀន appeared first on Kampuchea Thmey Daily.

មន្ត្រីជាន់​ខ្ពស់​ការពារ​ជាតិ​ លោក​ Joseph Humire និយាយថា៖ «នាវា​ជួញ​ដូរ​គ្រឿងញៀនចំនួន ៤៧គ្រឿង​ត្រូវបានវាយប្រហារ​ក្នុង​តំបន់​ការ៉ាប៊ីន ​និង​ប៉ាស៊ីហ្វិក​ខាងកើត​ចាប់​តាំង​ពី​យុទ្ធនាការ​នេះ​បានចាប់ផ្តើម​ក្នុងខែ​កញ្ញាឆ្នាំមុន​»។ នេះ​បើយោង​តាម Al Jazeera ផ្សាយ​ថ្ងៃ​ទី​១៧ ខែមីនា ឆ្នាំ​២០២៦ ។

​ទោះបី​​យ៉ាង​ណា​នៅថ្ងៃអង្គារពេល​​​អ្នកតាក់​តែងច្បាប់​សួរ​​ថា​តើបរិមាណគ្រឿងញៀន​ដែលចូល​សហរដ្ឋអាមេរិក​ថយចុះ​ឬអត់? ​លោក Humire ឆ្លើយ​ថា​៖ «នាវាចរ​​ជួញ​ដូរគ្រឿងញៀន​បាន​ថយចុះ ​២០ភាគរយ​ក្នុងតំបន់ការ៉ាប៊ីន។ យើង​បានវាស់វែងពី​​ការ​ថយចុះ​​នៃការ​ចល័ត​​របស់នាវា»។

ចំណែក​ លោក Adam Smith អ្នក​តំ​ណាងរាស្ត្រឆ្លើយតបវិញ​ថា៖ «ប៉ុន្តែ​នោះ​ជា​ការបដិសេធទាក់ទងនឹងគ្រឿងញៀន​ពី​ចំនួន​​ពិតដែល​ចូល​​ក្នុង​សហ​រដ្ឋ​អាមេរិក»។

អ្នក​ជំនាញសម្តែងការសង្ស័យថា ការ​វាយ​ប្រហារ​​​ទាំង​នេះ​មានផលប៉ះពាល់​គួរ​ឱ្យកត់​សម្គាល់លើ​ការជួញដូរគ្រឿងញៀន ហើយ​អ្នកជំនាញ​ផ្នែក​ច្បាប់​លើក​ឡើង​ថា៖ «យុទ្ធនាការ​នេះគឺជាការរំលោភច្បាប់អន្តរជាតិ​យ៉ាង​ច្បាស់ ហើយ​កំពុងធ្វើឱ្យមាន​ភាព​ស្រពេច​ស្រពិលរវាង​ជម្លោះ​ប្រដាប់​អាវុធ និង​សកម្មភាពឧក្រិដ្ឋកម្ម»។

យោង​តាម​ច្បាប់អន្តរជាតិ ជម្លោះប្រដាប់អាវុធ សង្គ្រាម ឬ​ភាព​ជាសត្រូវ (អរិភាព) រវាងរដ្ឋ ឬក្រុមប្រដាប់អាវុធដែលមានការរៀបចំ ក្នុង​កាលៈទេសៈទាំង​នោះ ច្បាប់អន្តរជាតិ (ដូចជាធម្មនុញ្ញ​អង្គការសហប្រជាជាតិ និងច្បាប់សង្គ្រាម) ទទួល​ស្គាល់ថា កម្លាំង​យោធាអាច​ប្រើប្រាស់​បាន ប៉ុន្តែ​ក្នុង​ដែន​កំណត់តឹងរ៉ឹង​ប៉ុណ្ណោះ​។

រីឯសកម្មភាពឧក្រិដ្ឋកម្ម ដូច​ជា​ការ​ជួញ​ដូរគ្រឿងញៀន ឬការរត់ពន្ធ​ ទាំង​នេះមិនមែន​ជាសកម្មភាព​សង្គ្រាមទេ ដូច្នេះ​ច្បាប់អន្តរជាតិមិន​អនុញ្ញាត​ឱ្យរដ្ឋប្រើប្រាស់កម្លាំងយោធា​ប្រឆាំងនឹងពួកគេទេ។

គួរ​បញ្ជាក់​ថា រដ្ឋបាល លោក ដូណាល់ ត្រាំ យកវិធីសាស្រ្តយោធា​និយម​ក្នុង​ការប្រយុទ្ធប្រឆាំង​នឹងការជួញដូរគ្រឿងញៀន អនុញ្ញាត​ឱ្យ​សហ​រដ្ឋអាមេរិក​ពង្រីកឥទ្ធិពលយោធានៅទូទាំងតំបន់៕

ប្រែសម្រួល៖ ណឺ មិនា

The post ​យោធាអាមេរិក​សម្លាប់​មនុស្ស​​១៥៧នាក់ដោយ​ចោទ​ជា​​ភេរវករ ប៉ុន្តែ​អ្នក​ជំនាញ​ថា​ «ខុសច្បាប់​»​ appeared first on Kampuchea Thmey Daily.

ប្រតិបត្តិការឃាត់ខ្លួននេះធ្វើឡើងកាលពីវេលាម៉ោង១៣និង៥០នាទី ថ្ងៃទី១៦ ខែមីនា ឆ្នាំ២០២៦ នៅចំណុចចំការស្វាយ ស្ថិតនៅភូមិរន្ទះ ឃុំអង្គប្រាសាទ ស្រុកគិរីវង់ ខេត្តតាកែវ។

តាមរបាយការណ៍របស់កងរាជអាវុធហត្ថខេត្ត ជនសង្ស័យដែលឃាត់ខ្លួនមានឈ្មោះ ធា ឈីត ភេទប្រុស អាយុ២៤ឆ្នាំ ជនជាតិខ្មែរ មុខរបរកម្មកររោងចក្រ រស់នៅភូមិរនៀបត្នោត ឃុំអង្គប្រាសាទ ស្រុកគិរីវង់ ខេត្តតាកែវ។ ឈ្មោះ ប៊ុន នី ភេទប្រុស អាយុ២៨ឆ្នាំជនជាតិខ្មែរ មុខរបរកម្មកររោងចក្រ រស់នៅភូមិត្រពាំងស្រង់ ឃុំព្រះបាទជាន់ជុំ ស្រុកគិរីវង់ ខេត្តតាកែវ។ ឈ្មោះ ង៉ែត ចំណាប់ ភេទប្រុស អាយុ២៧ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិរន្ទះ ឃុំអង្គប្រាសាទ ស្រុកគិរីវង់ ខេត្តតាកែវ។

ក្នុងប្រតិបត្តិការឃាត់ខ្លួន កម្លាំងជំនាញបានដកហូត ម្សៅក្រាមពណ៌សថ្លា ចំនួន ២កញ្ចប់ ទម្ងន់ ៦.៦២ក្រាម (ថ្លឹងទាំងសំបកថង់) ម៉ូតូចំនួន ១គ្រឿង ទូរស័ព្ទ ចំនួន ៣គ្រឿង សម្ភារ:វេចខ្ចប់ និងសម្ភារៈប្រើប្រាស់ថ្នាំញៀនមួយចំនួន។

ជនសង្ស័យ រួមទាំងវត្ថុតាង ត្រូវបានការិយាល័យជំនាញ កំពុងកសាងសំណុំរឿងបញ្ជូនទៅសាលាដំបូងខេត្តតាកែវ ដើម្បីចាត់ការតាមនីតិវិធី៕

The post អាវុធហត្ថខេត្តតាកែវ ឃាត់ខ្លួនជនសង្ស័យគ្រឿង​ញៀន៣នាក់ បញ្ជូនទៅតុលាការអនុវត្តច្បាប់ appeared first on Kampuchea Thmey Daily.

​អនុវត្តតាមបទបញ្ជាដ៏ខ្ពង់ខ្ពស់របស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងលោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ កម្លាំងជំនាញនៃអធិការដ្ឋាននគរបាលក្រុងពោធិ៍សាត់ បានបើកប្រតិបត្តិការបង្ក្រាបករណីជួញដូរគ្រឿងញៀនជាបន្តបន្ទាប់ក្រោមការដឹកនាំផ្ទាល់ដោយលោកវរសេនីយ៍ឯក កែវ សារិ អធិការនគរបាលក្រុងពោធិ៍សាត់ និងមានការសម្របសម្រួលពីព្រះរាជអាជ្ញាអមសាលាដំបូងខេត្ត កម្លាំងចម្រុះបានចុះបង្ក្រាបចំនួន ៣គោលដៅផ្សេងគ្នា កាលពីថ្ងៃទី១៣ ខែមីនា ឆ្នាំ២០២៦។

​​គោលដៅទី១ ភូមិស្ពានថ្ម សង្កាត់រលាប ឃាត់ខ្លួនជនសង្ស័យឈ្មោះ ហម ផារិទ្ធ អាយុ ៤៦ឆ្នាំ។ ដកហូតបានថ្នាំញៀន ១កញ្ចប់ (៣.៤១ក្រាម) និងទូរសព្ទ ១គ្រឿង។ តាមចម្លើយសារភាពជនសង្ស័យ ជននេះបានទិញថ្នាំញៀនពីឈ្មោះ តុ និងឈ្មោះ ញ្ញា។ គោលដៅទី២ នៅភូមិមាន់ចែ សង្កាត់ព្រៃញី ឃាត់ខ្លួនជនសង្ស័យឈ្មោះ បុទ្ធិ ទិត្យបញ្ញា (ហៅញ្ញា) អាយុ ៣៩ឆ្នាំ។ ដកហូតបានថ្នាំញៀន ១កញ្ចប់, ទូរសព្ទ ១គ្រឿង និងម៉ូតូ Scoopy ១គ្រឿង។ គោលដៅទី៣ នៅភូមិក្បាលហុង សង្កាត់បន្ទាយដី ឃាត់ខ្លួនជនសង្ស័យឈ្មោះ បុទ្ធិ ស័ក្កសេនា (ហៅតុ) អាយុ ៣៧ឆ្នាំ។ ក្នុងប្រតិបត្តិការនេះ សមត្ថកិច្ចដកហូតបានថ្នាំញៀនចំនួន ៨កញ្ចប់ធំ ដែលមានទម្ងន់សរុបដល់ទៅ ១,១៥៥.៦០ ក្រាម (ជាង ១គីឡូក្រាម) រួមជាមួយជញ្ជីងថ្លឹង និងឧបករណ៍សេពមួយចំនួនទៀត។

វត្ថុតាងសរុបដែលដកហូតបានរួមមាន ​ម្សៅក្រាមសថ្លាសង្ស័យជាសារធាតុញៀនសរុបជាង ១.១៥ គីឡូក្រាម។ ​ទូរសព្ទ ដៃ៣គ្រឿង និងម៉ូតូ ១គ្រឿង ជញ្ជីងថ្លឹងថ្នាំញៀន និងឧបករណ៍ប្រើប្រាស់។ ជនសង្ស័យទាំង ៣នាក់ សុទ្ធតែមានលទ្ធ ផលតេស្តទឹកនោម វិជ្ជមាន (+)។ តាមការសាកសួរ ជនសង្ស័យបានឆ្លើយសារភាពថា ថ្នាំញៀនទាំងនេះជារបស់ខ្លួន និងបក្សពួកម្នាក់ទៀតឈ្មោះ អែម កុសល់ (ដែលកំពុងរត់គេចខ្លួន)។

បច្ចុប្បន្ន ជនសង្ស័យ និងវត្ថុតាង ត្រូវបានឃាត់ខ្លួននៅអធិការដ្ឋាននគរបាលក្រុងពោធិ៍សាត់ ដើម្បីកសាងសំណុំរឿងបញ្ជូនទៅសាលាដំបូងខេត្ត ចាត់ការតាមនីតិវិធីច្បាប់ ខណៈសមត្ថកិច្ចកំពុងបន្តស្រាវជ្រាវតាមចាប់ខ្លួនបក្សពួកដែលនៅសេសសល់៕

The post សមត្ថកិច្ចក្រុងពោធិ៍សាត់ បញ្ជូនជនសង្ស័យ០៣នាក់ទៅកាន់តុលាការពាក់ព័ន្ធករណីជួញដូរគ្រឿងញៀនជាង ១ គីឡូ appeared first on Kampuchea Thmey Daily.