ឃ្លានអាហារ Archives - Kampuchea Thmey Daily

ប្រភេទអាហារទាំងនេះ មិនគួរហូបក្នុងពេលជាមួយគ្នា អាចពិបាករំលាយ

សាង ស្រីល័ក្ខ — Thu, 09 Dec 2021 00:58:00 +0000

អាហារមួយចំនួនពេលញុំាជាមួយគ្នាអាចធ្វើឱ្យយើងពិបាករំលាយអាហារ ហើមពោះ ចុកពោះ ឆាប់អស់កម្លាំង និងខូចសុខភាព។ តើមានប្រភេទអាហារអ្វីខ្លះដែលយើងមិនគួរញុំាក្នុងពេលជាមួយគ្នា?

១. ស៊ុត និងសាច់

ការញ៉ាំប្រូតេអ៊ីនច្រើនក្នុងពេលតែមួយធ្វើឱ្យយើងពិបាករំលាយអាហារ។ ជម្រើសដ៏ល្អដើម្បីជៀសវាងបញ្ហានេះគឺការប្តូរសាច់ទៅជាបន្លែ បើយើងញ៉ាំស៊ុតក្នុងពេលជាមួយគ្នានោះដែរ។

២. តែ និងទឹកដោះគោស្រស់

ការបន្ថែមទឹកដោះគោស្រស់ទៅក្នុងទឹកតែកំពុងទទួលបានប្រជាប្រិយភាពយ៉ាងខ្លាំង ប៉ុន្តែការធ្វើដូច្នេះអាចធ្វើឱ្យខូចប្រសិទ្ធភាពរបស់សារធាតុប្រឆាំងអុកស៊ីតកម្មដែលមាននៅក្នុងតែ។ ម៉្យាងទៀតសារជាតិកាហ្វេអ៊ីនដែលមាននៅក្នុងតែក៏អាចធ្វើឱ្យរាងកាយកាត់បន្ថយការស្រូបយកជាតិកាល់ស្យូមពីទឹកដោះគោស្រស់ដែរ។

៣. នំបុ័ង និងដំណាប់ផ្លែឈើ

ដំណាប់ផ្លែឈើមានផ្ទុកជាតិស្ករខ្ពស់ ឯនំបុ័ងធ្វើឡើងពីម្សៅស្រូវសាឡី។ ការញុំាអាហារទាំង ២ ក្នុងពេលតែមួយធ្វើឱ្យជាតិស្ករក្នុងឈាមឡើង និងធ្លាក់ចុះយ៉ាងឆាប់រហ័សដែលអាចធ្វើឱ្យយើងឆាប់អស់កម្លាំង និងឃ្លាន។

៤. ដំឡូងបំពង និងប៊ឺហ្គឺ

ដំឡូងបារាំងបំពងមានជាតិសូដ្យូម និងខ្លាញ់ខ្ពស់ ហើយនឹងនំប៊ឺហ្គឺមានកាបូអ៊ីដ្រាតខ្ពស់ដែរ។ ការញុំាអាហារទាំង ២ ជាមួយគ្នាអាចធ្វើយើងហើមពោះ និងទល់លាមក។

៥. សាច់ និងដំឡូងបារាំង

ដំឡូងបារាំងសម្បូរជាតិម្សៅ ឯសាច់មានជាតិខ្លាញ់ឆ្អែតខ្ពស់។ ការញុំាអាហារទាំង ២ ក្នុងពេលជាមួយគ្នានឹងបង្កបញ្ហាដល់ការរំលាយអាហារ។ ការញុំាបែបនេះក្នុងរយៈពេលយូរនឹងធ្វើឱ្យប្រព័ន្ធភាពសុំារបស់យើងចុះខ្សោយ។

៦. ប៉ាស្តា និងទឹកប៉េងប៉ោះ

ប៉ាស្តាផ្ទុកទៅដោយសារធាតុម្សៅដែលពិបាករំលាយ ម៉្យាងទៀតជាតិអាស៊ីដនៅក្នុងទឹកប៉េងប៉ោះធ្វើឱ្យការរំលាយអាហារកាន់តែពិបាកដែលអាចធ្វើឱ្យយើងហើមពោះ។

៧. ទឹកក្រូច និងភីហ្សា

ភីហ្សាផ្ទុកទៅដោយម្សៅ និងប្រូតេអ៊ីនដែលពិបាក្នុងការរំលាយ បូកជាមួយនឹងបរិមាណជាតិស្ករខ្ពស់នៅក្នុងទឹកក្រូចធ្វើឱ្យការរំលាយអាហារកាន់តែពិបាក។ ម៉្យាងទៀតអាហារទាំង ២ ធ្វើឱ្យប៉ះពាក់ដល់កម្រិតជាតិស្ករក្នុងឈាម ព្រមទាំងធ្វើឱ្យយើងចង់ញុំាកាន់តែច្រើន។

៨. ទឹកដោះគោជូរជាមួយផ្លែឈើ

នៅពេលដែលជាតិអាស៊ីដពីផ្លែឈើប៉ះនឹងប្រូតេអ៊ីននៅក្នុងទឹកដោះគោជូរ វាមិនត្រឹមតែប៉ះពាល់ដល់ប្រសិទ្ធភាពរបស់ជាតិសរសៃនៅក្នុងផ្លែឈើប៉ុណ្ណោះទេ វាថែមទាំងអាចធ្វើឱ្យយើងពុលទៀតផងដែលអាចបណ្តាលឱ្យយើងអាលែកហ៊្សី។

៩. ទឹកដោះគោស្រស់ជាមួយផ្លែឈើអម្បូរក្រូច

ទឹកដោះគោត្រូវការពេលយូរក្នុងការរំលាយ។ ពេលយើងញុំាផ្លែឈើអម្បូរក្រូចដូចជា ក្រូច ក្រូចឆ្មារក្នុងពេលញុំាទឹកដោះគោស្រស់ វានឹងធ្វើឱ្យទឹកដោះគោស្រស់កកដែលអាចបណ្តាលឱ្យយើងហើមពោះ និងក្រហាយទ្រូង។

១០. ទឹកដោះគោស្រស់ និងចេក

ទឹកដោះគោស្រស់ និងចេកត្រូវការពេលយូរក្នុងការរំលាយ។ ខណៈពេលដែលអាហារទាំងពីរកំពុងរំលាយ យើងអាចនឹងអស់កម្លាំង។

ប្រសិនបើយើងញុំាអាហារដែលមិនគួរញុំាក្នុងពេលជាមួយគ្នាក្នុងរយៈពេលយូរ អាចបណ្តាលឱ្យឡើងកន្ទួលរមាស់ (អាឡ័កស៊ី) មានបញ្ហាក្នុងការរំលាយអាហារ និងមានខ្យល់ដង្ហើមមិនល្អ៕

អត្ថបទផ្ដល់ដោយ៖Hello Krupet

ចុចអាន៖គួរដឹង! មើមសាគូ ផ្តល់ប្រយោជន៍ ច្រើនដល់សុខភាព

The post ប្រភេទអាហារទាំងនេះ មិនគួរហូបក្នុងពេលជាមួយគ្នា អាចពិបាករំលាយ appeared first on Kampuchea Thmey Daily.

ម៉េចបានយើងឆាប់មួម៉ៅ ពេលឃ្លានម្ដងៗ?

Sonya — Sat, 09 Oct 2021 04:06:00 +0000

ចាប់អារម្មណ៍អត់ថា ពេលយើងឃ្លានខ្លាំង តែងមានអារម្មណ៍ថា ឆាប់ខឹងមួម៉ៅជាងពេលធម្មតា? តាមបែបវិទ្យាសាស្ត្រ មកពីរាងកាយត្រូវការអាហារ ហើយខួរក្បាលត្រូវការជាតិស្ករ។

១- ម៉េចបានអារម្មណ៍ឆាប់មួម៉ៅពេលឃ្លាន?

កម្រិតជាតិស្ករគ្រប់គ្រាន់ក្នុងខួរក្បាល ជួយឲ្យចេះគ្រប់គ្រងចរន្តដែលបង្កជាឥរិយាបថហិង្សា។ ពេលញ៉ាំឆ្អែត មានជាតិស្ករគ្រប់គ្រាន់ ធ្វើឲ្យអារម្មណ៍ស្ងប់ល្អ។ ពេលរាងកាយមានជាតិស្ករមិនគ្រប់ អ័រម៉ូនផ្សេងៗត្រូវបញ្ចេញពីរាងកាយ ដូចជា អ័រម៉ូន adrenaline ដែលធ្វើឲ្យមនុស្សមានអាការៈឆេវឆាវប្រើហិង្សា ជាដើម។

ឯហ្សែនរបស់យើងក៏ដើរតួនាទីមួយផ្នែកផងដែរ ដោយបង្កើតសារធាតុម៉្យាងបញ្ចេញទៅក្នុងខួរក្បាល ពេលឃ្លានអាហារ។

២- ដំណោះស្រាយ

ទូទៅ យើងរវល់ ទើបកើតអាការៈឃ្លានខ្លាំង ហើយបានរត់រកអីញ៉ាំ។ អ៊ីចឹង ចន្លោះពេលឃ្លានខ្លាំង អាចត្រៀមអាហារសម្រន់ ឬរបស់កំប៉ិកកំប៉ុកដាក់មាត់ខ្លះ មុនដល់បានអាហារសំខាន់។

បើគ្នាយើងកំពុងសម្រកគីឡូ គួររើសអាហារមានប្រូតេអ៊ីនខ្ពស់ ហើយផ្លែឈើជាជម្រើសមួយដ៏ល្អ ពេលយើងមានអារម្មណ៍ឃ្លានខ្លាំង មុនពេលញ៉ាំអាហារពីរបីម៉ោងក្រោយមក៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ចេះតែមិនឃ្លានបាយ? វិធីនេះអាចជួយបាន

ចុចអាន៖ មូលហេតុ ៤ យ៉ាង ធ្វើឲ្យយើងបាត់បង់ចំណង់អាហារពេលព្រឹកលែងសូវឃ្លានដូចមុន

The post ម៉េចបានយើងឆាប់មួម៉ៅ ពេលឃ្លានម្ដងៗ? appeared first on Kampuchea Thmey Daily.

ហេតុអ្វីអាហារពេលព្រឹកបែបអ៊ីតាលីពេញនិយមក្នុងចំណោមមហាសេដ្ឋី

សាង ស្រីល័ក្ខ — Thu, 07 Jan 2021 07:34:34 +0000

មិនថាមហាសេដ្ឋីមានកំណើតវប្បធម៌មកពីតំបន់អារ៉ាប់ អាស៊ី ឥណ្ឌាចិន អាមេរិក យើងអាចភ្ញាក់ផ្អើលនៅពេលអាហារពេលព្រឹករបស់ពួកគេគឺប្រភេទអ៊ីតាលី Italian Breakfast ដូចជា អាហារស្រាលៗ គ្មានសាច់ ស៊ុត និង ប៊ីចេង ស្ករ អំបិលទេ។ ហើយអ្វីដែលមិនចោលបានគឺ cappuccino ក្តៅ ។

ដើម្បីដឹងថា ហេតុអ្វីមហាសេដ្ឋីពិភពលោកនានា សុខចិត្តបោះចោល គុយទាវ មាន់ហៃណាំ ឌីមសាំនិង សាំងវិចបារាំង មកញ៉ាំអាហារពេលព្រឹកស្រាលៗ ដូចជាជនជាតិអ៊ីតាលី សូមពិនិត្យមើលមឺនុយរបស់ពួកគេដែលសាមញ្ញតែ High Class ៖

១ កាហ្វេកាពូឈីណូ

ជនជាតិអ៊ីតាលីនិយាយថា សូមចាំថានេះគឺជាពេលវេលាតែមួយគត់និងដំបូងបំផុតនៃថ្ងៃថ្មីដើម្បីទទួលទានភេសជ្ជៈដែលដុតការកកពីយប់ ហើយគ្រាប់កាហ្វេសុទ្ធគឺល្អគ្មានពីរ ចំណែកជាតិទឹកដោះគោនិងបង្កើនគុណភាពឆ្អឹង។ ឥទ្ធិពលមួយទៀតនៃការផឹកកាហ្វេនៅពេលព្រឹកត្រូវបានគេស្គាល់យ៉ាងច្បាស់ថាអាចបង្កើនការអត់ធ្មត់និងជម្រុញអរម៉ូន cortisol ។

២ នំប៉័ងល្អ

នំល្អ គឺមានរសពីស្រូវសាលីពិតៗដែលមិនចាំបាច់បន្ថែមស្ករ អំបិលឬអ្វីឡើយ។ ការទទួលទានអាហារពេលព្រឹកជាមួយនំល្អ ជាផែ្នកយ៉ាងល្អឥតខ្ចោះដែលគ្រប់គ្នាគួរទម្លាប់ដុតនំសម្រាប់អាហារពេលព្រឹកស្រស់ៗជាមួយគ្រឿងផ្សំប្រេងអូលីវសុទ្ធ និងប្រើសូកូឡាខ្មៅបន្ថែមកម្លាំងប្រសិនអ្នកនឿយហត់ខ្លាំង។ នំប៉័ងលាយគ្រាប់ធុញ្ញជាតិនឹងជួយឲ្យមានអាយុយឺនយូរ ផ្តល់ឲ្យនូវសារធាតុចិញ្ចឹមដែលរាងកាយ ពិតជាបាននឹងកំពុងត្រូវការ។ ការបរិភោគនំប៉័ងនៅពេលព្រឹកនឹងផ្តល់ពេលវេលាគ្រប់គ្រាន់ដល់រាងកាយក្នុងការដុតបំផ្លាញជាតិស្ករនានាក្នុងជាតិនំបានពេញមួយថ្ងៃ។

៣ ផ្លែឈើ

បើមិនហូបផ្លែឈើនៅពេលព្រឹកទេ វីតាមីនភាគច្រើនរបស់វានឹងបាត់បង់។ ការហូបមិនមែនសម្រាប់អណ្តាតទេ តែជាការចិញ្ចឹមឆ្អឹង ឈាមនិងរាងកាយទាំងមូល។ រាល់ព្រឹក ផ្លែឈើពិតជាអាហារដ៏ល្អឥតខ្ចោះងាយស្រួលបំផុតសម្រាប់រាងកាយរបស់យើងក្នុងការរំលាយហើយប្រព័ន្ធរបស់យើងដែលត្រូវធ្វើការស្ទើរតែគ្មានសម្រាក ផ្លែឈើទាំងអស់ជាជំនួយនិងជាឱសថល្អសម្រាប់ការញ៉ាំនៅពេលវាទុំបង្កើ់តបាននូវថាមពលទាំងកាយនិងប្រាជ្ញា។

ប្រែសម្រួល៖ សុភា

ចុចអាន៖អាហារ ៦ មុខដែលសម្បូរសារធាតុប្រឆាំងជំងឺសាហាវៗ

ចុចអាន៖អត្ថប្រយោជន៍គួរឲ្យភ្ញាក់ផ្អើល នៃការបរិភោគទុរេន

The post ហេតុអ្វីអាហារពេលព្រឹកបែបអ៊ីតាលីពេញនិយមក្នុងចំណោមមហាសេដ្ឋី appeared first on Kampuchea Thmey Daily.

ឃ្លានអាហារ Archives - Kampuchea Thmey Daily

ប្រភេទអាហារទាំងនេះ មិនគួរហូបក្នុងពេលជាមួយគ្នា អាចពិបាករំលាយ

ម៉េច​បានយើង​​ឆាប់​​មួ​ម៉ៅ ​ពេល​​ឃ្លានម្ដងៗ?

ហេតុអ្វី​អាហារ​ពេលព្រឹក​បែប​អ៊ីតាលី​ពេញនិយមក្នុងចំណោមមហាសេដ្ឋី​

ម៉េចបានយើងឆាប់មួម៉ៅ ពេលឃ្លានម្ដងៗ?

ហេតុអ្វីអាហារពេលព្រឹកបែបអ៊ីតាលីពេញនិយមក្នុងចំណោមមហាសេដ្ឋី