ក្រុមហ៊ុន Rheinmetall បានប្រកាសពីការវិនិយោគក្នុងទំហំទឹកប្រាក់ជាង៣០០លានដុល្លារអាមេរិក សម្រាប់រោងចក្រថ្មីនេះ ហើយគេរំពឹងថា រោងចក្រនឹងផលិតគ្រាប់កាំភ្លើងធំបាន ២០០ ០០០គ្រាប់ក្នុងមួយឆ្នាំ។

លោក Papperger និយាយថា “ពិតជាត្រូវការរយៈពេលយូរទៀត ដើម្បីត្រៀមខ្លួនទប់ទល់នឹង អ្នកឈ្លានពាន ដែលចង់ប្រយុទ្ធប្រឆាំងនឹងអង្គការណាតូ។ ​យើងច្បាស់ជា​មិន​អី​ទេ​ក្នុង​រយៈពេល៣ទៅ៤ឆ្នាំទៀត ប៉ុន្តែ​ដើម្បី​ត្រៀម​ខ្លួន​ឲ្យ​បាន​រួចរាល់ យើង​ត្រូវ​ការ​រយៈពេល១០ឆ្នាំ”។

លោកបន្ត​ថា “យើង​ត្រូវ​ផលិត​គ្រាប់​រំសេវ​ចំនួន១.៥លាន​គ្រាប់​នៅ​អឺរ៉ុប។ គ្រាប់​រំសេវ​ដ៏ច្រើន​សន្ធឹកសន្ធាប់​របស់​អឺរ៉ុប​ត្រូវ​បាន​បញ្ជូន​ទៅ​អ៊ុយក្រែនសឹងតែអស់ ដោយ​បន្សល់ទុកតិចបំផុត សម្រាប់ខ្លួនឯង។ ដរាបណាយើងមានសង្រ្គាម យើងត្រូវជួយអ៊ុយក្រែន ប៉ុន្តែក្រោយមក យើងត្រូវការរយៈពេល ៥ ឆ្នាំ ឬយ៉ាងតិច ១០ ឆ្នាំ ដើម្បីបំពេញស្តុកគ្រាប់រំសេវឲ្យពេញលេញ”។

ការ​ព្រមាននេះ ​កើត​ឡើង​មួយ​ថ្ងៃ​បន្ទាប់​ពី​អតីតប្រធានាធិបតីអាមេរិកលោក ដូណាល់ ត្រាំ បានបង្កការភ្ញាក់ផ្អើលពេញអឺរ៉ុប ដោយនិយាយថា គាត់ធ្លាប់ប្រាប់មេដឹកនាំពិភពលោកថា គាត់នឹងមិនការពារសមាជិកណាតូណា ដែលមិនហ៊ានបង់ប្រាក់តាមគោលដៅទេ ហើយថែមទាំងលើកទឹកចិត្ត អ្នកឈ្លានពានឲ្យធ្វើរឿងដែលពួកគេចង់ទៀតផង។

ទោះបីជាយ៉ាងណាក៏ដោយ លោកអធិការបតី Olaf Scholz បានច្រានចោលពាក្យសម្តីរបស់លោក ត្រាំ ដោយនិយាយថា ណាតូគឺជាអង្គការសំខាន់សម្រាប់សហរដ្ឋអាមេរិក កាណាដា និងបណ្តាប្រទេសអឺរ៉ុប។ គ្រប់គ្នាមានទំនាក់ទំនងជាមួយគ្នា គ្មានអ្វីត្រូវព្រួយបារម្ភឡើយ។

ដោយឡែក ក្នុងបទសម្ភាសជាមួយកាសែត Welt am Sonntag ដែលចេញផ្សាយកាលពីថ្ងៃអាទិត្យទី១១ខែកុម្ភៈ មេទ័ពអាល្លឺម៉ង់ លោក Carsten Breuer បានអះអាងថា រដ្ឋាភិបាលទីក្រុងបែរឡាំង គួរតែរៀបជើងព្រួល ត្រៀមកម្លាំងយោធាចំពោះជម្លោះដែលអាចផ្ទុះឡើងជាមួយរុស្ស៊ី ក្នុងរយៈពេលប្រាំឆ្នាំខាងមុខ។

មិនត្រឹមប៉ុណ្ណឹង មេទ័ពរូបនេះ ក៏បង្ហើបផងដែរថា អាចមានការកែនទ័ពជាថ្មីក្នុងប្រទេសអាល្លឺម៉ង់ ប៉ុន្តែបញ្ហានេះកំពុងស្ថិតលើតុពិភាក្សានៅឡើយ៕

អត្ថបទ៖ សុខ សុវណ្ណ

ចុចអាន៖ មេទ័ពអាល្លឺម៉ង់ ប្រាប់ឲ្យរៀបជើងព្រួល ត្រៀមធ្វើសង្គ្រាមជាមួយរុស្ស៊ី ៥ឆ្នាំខាងមុខ

The post អឺរ៉ុប ត្រូវការពេលមួយទសវត្សរ៍ ដើម្បីពង្រឹងឃ្លាំងអាវុធ appeared first on Kampuchea Thmey Daily.

ទីភ្នាក់ងារសារព័ត៌មាន Tass បានរាយការណ៍ពីការអះអាងរបស់ក្រសួងការពារជាតិរុស្ស៊ី ហើយបានពណ៌នាថា ឃ្លាំងនេះមានទំហំធំ។

យ៉ាងណាក្តី មិនមានការផ្ទៀងផ្ទាត់ឯករាជ្យលើព័ត៌មាននេះទេ ថ្វីបើនៅមុនថ្ងៃនោះ អ៊ុយក្រែនបាននិយាយថា កងកម្លាំងរុស្ស៊ីកំពុងព្យាយាមបង្កើនការវាយលុកនៅក្នុងតំបន់នេះ ក៏ដោយ។

នៅក្នុងទីក្រុង Kharkiv, អ៊ុយក្រែនបាននិយាយថា គ្រាប់ផ្លោងរបស់រុស្ស៊ី បានវាយប្រហារលើសាលរៀបចំពិធីមង្គលការមួយ និងផ្សារ Barabashovo ដែលបណ្តាលឲ្យមានអ្នកស្លាប់ និងរបួស៕

ប្រែសម្រួល៖ Vann Vann

ប្រភព​៖ BBC

ចុចអាន៖ លោក Zelensky៖ រុស្ស៊ីចង់លុកលុយប្រទេសផ្សេងទៀត ការ វាយ ប្រហារ អ៊ុយក្រែន គ្រាន់ តែ ជា ការ ចាប់ ផ្តើម ប៉ុណ្ណោះ

The post សព្វាវុធ​រាប់​ពាន់​តោន​របស់​អ៊ុយក្រែន ធ្លាក់ក្នុងដៃ រុស្ស៊ី appeared first on Kampuchea Thmey Daily.

អ្នកនាំពាក្យបាននិយាយថា  “ជាលទ្ធផលនៃការឃ្លាំមើល និងប្រតិបត្តិការស្រាវជ្រាវរបស់កងកម្លាំងរដ្ឋាភិបាលស៊ីរីដោយមានការគាំទ្រពីយន្តហោះដ្រូនរបស់កងកម្លាំងអវកាសរុស្ស៊ីនៅតំបន់វាលខ្សាច់ភាគខាងកើតនៃខេត្ត Homs ឃ្លាំងសម្ងាត់ដ៏ធំមួយដែលប្រើដោយពួកសកម្មប្រយុទ្ធ ISIS ដើម្បីធ្វើសកម្មភាពភេរវកម្មនៅខេត្ត Homs និងខេត្ត Deir ez-Zor ត្រូវបានរកឃើញ” ។

លោកបាននិយាយថា “សកម្មប្រយុទ្ធ ៤ នាក់នៅក្នុងរថយន្តដឹកទំនិញ ២ គ្រឿងដែលមានកាំភ្លើងយន្តធុនធ្ងន់ដែលត្រូវបានគេរកឃើញនៅក្បែរឃ្លាំងសម្ងាត់ និងបានការពារឃ្លាំងនោះត្រូវបានសម្លាប់ក្នុងអំឡុងពេលប្រតិបត្តិការនេះ” ។

ឃ្លាំងសម្ងាត់នេះមានកាំភ្លើងវែង និងកាំភ្លើងយន្តធុនស្រាល ៣៦ ដើម កាំភ្លើងយន្តធុនធំ ៧ ដើម កាំភ្លើងបាញ់គ្រាប់បែក និងគ្រាប់បែក ២៨ គ្រាប់ គ្រាប់ធមីស៊ីលប្រឆាំងរថក្រោះ មីន និងគ្រាប់បែក ៨៧ គ្រាប់ គ្រឿងផ្ទុះប្រមាណ ៤០ គីឡូក្រាម និងគ្រាប់កាំភ្លើងជាង ២២,០០០ គ្រាប់ រួមទាំងឧបករណ៍ដែលផលិតដោយប្រទេសសម្ព័ន្ធមិត្តអង្គការណាតូ ។ ក្នុងឃ្លាំងនោះក្រុមសកម្មប្រយុទ្ធក៏បានរក្សាទុកថ្នាំប្រហែល ៤៥ គីឡូក្រាមដែលថ្នាំមួយចំនួនក៏ត្រូវបាននាំយកមកពីបរទេស និងអាហារ ៣៥០ គីឡូក្រាមផងដែរ ។

ជាមួយគ្នានេះដែរលោកឧត្តមនាវី Vyacheslav Sytnik អនុប្រធានមជ្ឈមណ្ឌលបង្រួបបង្រួមនៃក្រសួងការពារជាតិរុស្ស៊ីបានថ្លែងនៅក្នុងសន្និសីទកាសែតមួយកាលពីថ្ងៃពុធថា សកម្មប្រយុទ្ធមកពីក្រុមភេរវករ Jabhat al-Nusra បានបាញ់ផ្លោងសាជាថ្មីដាក់តំបន់ Idlib របស់ប្រទេសស៊ីរី ៣២ លើកក្នុងរយៈពេល ២៤ ម៉ោងចុងក្រោយនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ យោធាអាមេរិកបញ្ចេញទិន្នន័យស្តីពីគ្រោះថ្នាក់របស់ជនស៊ីវិល អំឡុងសង្គ្រាមប្រឆាំងនឹងក្រុម ISIS

ចុចអាន ៖ អាល្លឺម៉ង់និងដាណឺម៉ាក ចាប់ខ្លួនជនសង្ស័យក្រុម ISIS ១៤នាក់ រៀបផែនការវាយប្រហារភេរវកម្ម

The post រកឃើញឃ្លាំងអាវុធសម្ងាត់ដ៏ធំរបស់ក្រុមភេរវករ ISIS នៅស៊ីរី appeared first on Kampuchea Thmey Daily.

កងកម្លាំងការពារជាតិអ៊ីស្រាអែល IDF បាននិងកំពុងប្រើប្រាស់បច្ចេកវិទ្យានេះចាប់តាំងពីពាក់កណ្តាលទសវត្សរ៍ឆ្នាំ២០០០មក ដែលភាគច្រើនប្រើវាដើម្បីល្បាតនៅតាមបណ្តោយព្រំដែនរបស់ខ្លួនជាមួយទីក្រុង ហ្គាហ្សា។

ថ្វីបើយានយន្តភាគច្រើនមិនមានអាវុធស្រាប់ក៏ដោយ ប៉ុន្តែពួកគេក៏អាចបំពាក់ដោយកាំភ្លើងយន្តនិងកាំជ្រួចមីស៊ីលដែលអាចបាញ់ពីចម្ងាយបាន។

ជាលទ្ធផល អ៊ីស្រាអ៊ែលគឺជាប្រទេសមួយក្នុងចំណោមប្រទេសដែលនាំចេញបច្ចេកវិទ្យាដ្រូនធំជាងគេបំផុតនៅលើពិភពលោកដោយលក់យានគ្មានមនុស្សបើកបានក្នុងតម្លៃសរុប៤.៦ពាន់លានដុល្លារក្នុងឆ្នាំ២០១៣ដែលភាគច្រើនទៅឲ្យអាស៊ីនិងអឺរ៉ុប។

គេហទំព័រ MailOnline បានបង្ហាញឃ្លាំងអាវុធរបស់អ៊ីស្រាអែលបន្ទាប់ពីប្រទេសអ៊ីរ៉ង់អះអាងថា កាំភ្លើងដែលគ្រប់គ្រងដោយផ្កាយរណបបំពាក់លើរថយន្តភីកអាប់មួយគ្រឿងត្រូវបានប្រើដើម្បីធ្វើឃាតលោក Mohsen Fakhrizadeh ដែលជាអ្នកវិទ្យាសាស្ត្រនុយក្លេអ៊ែរកំពូលរបស់ពួកគេហើយបានដាក់ការស្តីបន្ទោសទៅលើអ៊ីស្រាអែល។

១- រថយន្តភីកអាប់បំពាក់កាំភ្លើងយន្ត

IDF បានបង្ហាញពីបច្ចេកវិទ្យានេះក្នុងឆ្នាំ២០១៦នៅពេល កាំភ្លើងយន្តត្រូវបានបំពាក់ទៅនឹងរថយន្ដភីកអាប់ Ford F-350 ដែលត្រូវបានរចនាឡើងដើម្បីល្បាតតាមព្រំដែន។

រថយន្ដដែលគេឲ្យឈ្មោះថា Border Protector Unmanned Ground Vehicles ត្រូវបានបំពាក់ដោយឧបករណ៍ចាប់សញ្ញានិងកាមេរ៉ាជាច្រើនដែលអាចឲ្យមនុស្សបញ្ជារថយន្តពីចម្ងាយបាន។

IDF បាននិយាយថា រថយន្តទាំងនេះបានដំណើរការតាំងពីឆ្នាំ២០១៥មកម្ល៉េះហើយក្រោយមកបានដាក់បញ្ចូលបច្ចេកវិទ្យាដែលគ្មានអ្នកបើកបរ។

២– ទូកបញ្ជាពីចម្ងាយ

ទូក Protector ត្រូវបានផលិតនៅក្នុងប្រទេសអ៊ីស្រាអែលដោយក្រុមហ៊ុន Rafael Advanced Defense Systems និងដាក់ឲ្យប្រើប្រាស់ក្នុងឆ្នាំ២០០៥។

ទូកគ្មានមនុស្សបើកនិងគ្មានអាវុធនេះត្រូវបានប្រើដំបូងដើម្បីធ្វើបេសកកម្មឃ្លាំមើលជាប្រចាំដោយមិនបង្កគ្រោះថ្នាក់ដល់នាវិកឡើយ។

កាសែត The Times of Israel បានរាយការណ៍ថា ក្រោយមកក្រុមហ៊ុន Rafael បានអាប់ដែតឲ្យទូកនេះអាចបាញ់គ្រាប់រ៉ុក្កែតបានដោយកងទ័ពជើងទឹកបានបាញ់សាកល្បងអាវុធប្រកបដោយជោគជ័យនៅក្នុងឆ្នាំ២០១៨។

នាវាគ្មានមនុស្សបើកមួយចំនួនរបស់កងទ័ពជើងទឹកក៏បានបំពាក់ដោយកាំភ្លើងយន្តនិងកាណុងបាញ់ទឹកផងដែរដែលត្រូវបានបញ្ជាពីចម្ងាយដូចគ្នា។

៣- យានវាយប្រហារបើកបរដោយខ្លួនឯង

យានប្រយុទ្ធគ្មានមនុស្សបើក AvantGuard ត្រូវបានរចនាឡើងនៅក្នុងប្រទេសអ៊ីស្រាអែលដោយក្រុមហ៊ុន G-NIUS ហើយបានដាក់ឲ្យប្រើប្រាស់នៅឆ្នាំ២០១០។

យាននេះត្រូវបានរចនាឡើងជាចម្បងសម្រាប់ការឃ្លាំមើល ល្បាតតាមផ្លូវ ស៊ើបការណ៍និងចាប់សញ្ញានិងបំផ្លាញគ្រឿងផ្ទុះ។

វាត្រូវបានបំពាក់ដោយរ៉ាដាលើដីដើម្បីជួយឲ្យវារកឃើញឧបករណ៍ផ្ទុះនិងប្រឆាំងរលកសញ្ញាដែលរារាំងសញ្ញាវិទ្យុ ដែលពេលខ្លះប្រើដើម្បីបំផ្ទុះឧបករណ៍។

AvantGuard ក៏អាចត្រូវបានបំពាក់ជាមួយកាំភ្លើងយន្ត៧.៦២មីល្លីម៉ែត្របញ្ជាពីចម្ងាយដែលដំណើរការពីមជ្ឈមណ្ឌលបញ្ជាផងដែរ។

៤- យានឈ្លបយកការណ៍គ្មានមនុស្សបើក

ក្នុងនាមជារ៉ូបូតវ័យចំណាស់ជាងគេបំផុតមួយនៅក្នុងឃ្លាំងរបស់អ៊ីស្រាអែល The Guardium ដែលក៏ត្រូវបានអភិវឌ្ឍដោយក្រុមហ៊ុន G-NIUS ផងដែរនោះ បានចូលបម្រើការក្នុងឆ្នាំ២០០៨។

ជារ៉ូបូតតូច គ្មានអ្នកបើកនិងគ្មានអាវុធ វាត្រូវបានរចនាឡើងជាពិសេសសម្រាប់បេសកកម្មល្បាតតាមព្រំដែននិងការស៊ើបការណ៍សម្ងាត់។

យាននេះត្រូវបានបំពាក់ដោយកាមេរ៉ា Infrared, រ៉ាដា, មីក្រូហ្វូនស្តាប់បានលឺច្បាស់, កាមេរ៉ានិងឧបករណ៍បង្ហាញការវាយប្រហារក្នុងករណីដែលពួកគេវាយប្រហារ។

ពួកគេក៏អាចត្រូវបានបំពាក់ដោយអាវុធដ៍សាហាវរួមទាំងកាំភ្លើងយន្តធុនស្រាលផងដែរ។

៥- ដ្រូន សាកាដូ

ដ្រូននេះតូចល្មមដែលអាចដាក់ក្នុងសាកាដូនិងបង្ហោះដោយដៃបាន។ ដ្រូន Elbit Skylark ត្រូវបានប្រើប្រាស់ចាប់តាំងពីឆ្នាំ២០០៨មក។

ដោយត្រូវបានអភិវឌ្ឍនៅក្នុងប្រទេសអ៊ីស្រាអែល វាត្រូវបានប្រើប្រាស់ដោយកងកម្លាំងប្រដាប់អាវុធនៅជុំវិញពិភពលោករួមទាំងកងកម្លាំងពិសេសបារាំង អូស្រ្តាលី កាណាដា ហូឡង់និងស៊ុយអែតផងដែរ។

ដ្រូននេះមានទំហំតូចពេកសម្រាប់បំពាក់ប្រព័ន្ធអាវុធហើយផ្ទុយទៅវិញ វាត្រូវបានបំពាក់ដោយម៉ាស៊ីនថតកាំរស្មីធម្មតានិងកាមេរ៉ា Infrared ដើម្បីបង្កើនភាពមើលឃើញរបស់កងទ័ពនិងផ្តល់ទិន្នន័យគោលដៅសម្រាប់ការវាយប្រហារពីអាកាស។

៦– ដ្រូនបាញ់មីស៊ីល

Hermes 450 ដែលត្រូវបានអភិវឌ្ឍនៅអ៊ីស្រាអែលដោយក្រុមហ៊ុន Elbit ត្រូវបានរចនាឡើងជាថ្មីម្តងទៀតជាដ្រូនឈ្លបយកការណ៍ប៉ុន្តែអាចបំពាក់ដោយមីស៊ីលបាន។

ជាធម្មតា Hermes ត្រូវបំពាក់ដោយម៉ាស៊ីនថតកាំរស្មីធម្មតានិងកាមេរ៉ា Infrared សម្រាប់មើលពេលថ្ងៃនិងពេលយប់និងបំពាក់ឡាស៊ែរដើម្បីជ្រើសរើសគោលដៅសម្រាប់ការវាយប្រហារតាមអាកាស។

កងទ័ពអាកាសអ៊ីស្រាអែលក៏បានរាយការណ៍ផងដែរថា បានកែច្នៃក្រុមដ្រូននេះដើម្បីបាញ់មីស៊ីល Rafael ឬ Hellfire ២គ្រាប់ក្នុងពេលតែមួយ។

ដ្រូននេះក៏មានប្រព័ន្ធស្វ័យប្រវតិ្តពេញលេញផងដែរហើយវាហោះហើរចេញពីកន្លែងរហូតដល់ចុះចតដោយខ្លួនឯង៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ “ពិភពលោកគួរតែអរគុណអ៊ីស្រាអែលចំពោះការសម្លាប់អ្នកវិទ្យាសាស្ត្រនុយក្លេអ៊ែរអ៊ីរ៉ង់”

ចុចអាន៖ អ្នកវិទ្យាសាស្ត្រអ៊ីរ៉ង់ត្រូវធ្វើឃាតក្នុងផែនការដែលចូលរួមដោយអ្នកវាយប្រហារចំនួន ៦២ នាក់

The post ស្របពេលអ៊ីរ៉ង់ប្រកាសសងសឹក មកមើលឃ្លាំងអាវុធទំនើបៗដ៏គួរឲ្យខ្លាចរបស់អ៊ីស្រាអែលសិនទើបដឹងអស្ចារ្យប៉ុនណា appeared first on Kampuchea Thmey Daily.