Connect with us

ព័ត៌មានអន្ដរជាតិ

អ្នកវិទ្យាសាស្ត្រអ៊ីរ៉ង់ត្រូវធ្វើឃាតក្នុងផែនការដែលចូលរួមដោយអ្នកវាយប្រហារចំនួន ៦២ នាក់

បានផុស

នៅ

របាយការណ៍មួយបានអះអាងថា ការធ្វើឃាតអ្នកវិទ្យាសាស្ត្រនុយក្លេអ៊ែរអ៊ីរ៉ង់លោក Mohsen Fakhrizadeh ពាក់ព័ន្ធនឹងក្រុមវាយប្រហារដែលមានគ្នា ៦២ នាក់ ។ អ្នកវិទ្យាសាស្ត្ររូបនេះត្រូវបានសម្លាប់នៅក្នុងការវាយប្រហារជាយុទ្ធសាស្រ្តមួយ នៅពេលធ្វើដំណើរតាមរថយន្តនៅទីក្រុង Absard តំបន់ Damavand ប្រទេសអ៊ីរ៉ង់ក្បែររដ្ឋធានីតេអេរ៉ង់កាលពីថ្ងៃសុក្រ ។

លោក Fakhrizadeh មានអាយុ ៦១ ឆ្នាំនៅពេលដែលគាត់ត្រូវបានបាញ់សម្លាប់ដោយខ្មាន់កាំភ្លើងដែលក៏បានបំផ្ទុះគ្រាប់បែករថយន្តដើម្បីបញ្ឈប់យានយន្តរបស់គាត់ផងដែរ ។ របាយការណ៍បានលើកឡើងថា មានមនុស្សរហូតដល់ ៦២ នាក់បានចូលរួមក្នុងការវាយប្រហារនេះជាមួយនឹងយានយន្ត ៦ គ្រឿងដើម្បីដេញតាមសម្លាប់អ្នកវិទ្យាសាស្ត្ររូបនេះ ។

អ្នកកាសែតអ៊ីរ៉ង់លោក Mohamad Ahwaze បានអះអាងថា ភ្នាក់ងារចំនួន ៥០ នាក់បានដឹកនាំការវាយប្រហារនេះ ខណៈ ១២ នាក់ទៀតស្ថិតនៅលើដងផ្លូវផ្ទាល់នៅក្នុងបេសកកម្មនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាសែត New York Post បានរាយការណ៍ថា លោក Ahwaze បានអះអាងថា ក្រុមវាយប្រហារបានចូលក្នុងវគ្គបណ្តុះបណ្តាលពិសេសក៏ដូចជាសន្តិសុខ និងសេវាកម្មស៊ើបការណ៍សម្ងាត់នៅបរទេស ។ ក្រុមនេះបានដឹងច្បាស់ពីកាលបរិច្ឆេទ និងពេលវេលានៃចលនារបស់ក្បួនការពាររបស់លោក Fakhrizadeh ដោយលម្អិតបំផុត ។

លោក Ahwaze បានអះអាងថា អគ្គិសនីនៅក្នុងតំបន់វាយប្រហារត្រូវបានកាត់ផ្តាច់ដើម្បីរារាំងដល់កិច្ចខិតខំប្រឹងប្រែងជួយសង្គ្រោះ និងបន្ថយពេលវេលារបាយការណ៍នៃការធ្វើឃាត និងដើម្បីបន្ថយការអំពាវនាវរកជំនួយ ។

របាយការណ៍មុនៗបានលើកឡើងថា រថយន្ត Nissan ដែលផ្ទុកទៅដោយគ្រឿងផ្ទុះត្រូវបានបំផ្ទុះនៅតាមផ្លូវនៃក្បួនរថយន្តរបស់លោក Fakhrizadeh ហើយក្រោយមកខ្មាន់កាំភ្លើងប្រដាប់អាវុធបានលេចចេញមក ខណៈរថយន្តត្រូវបានបញ្ឈប់ដើម្បីបើកការបាញ់ប្រហារ ។

លោក Ahwaze បានអះអាងថា “បន្ទាប់ពីគ្រាប់បែករថយន្តត្រូវបានបំផ្ទុះ ភ្នាក់ងារចំនួន ១២ បានបើកការបាញ់ប្រហារទៅលើរថយន្តរបស់លោក Fakhrizadeh និងរថយន្តការពារដំបូងគេ ។ បន្ទាប់មកមេដឹកនាំក្រុមធ្វើឃាតបានយកលោក Fakhrizadeh ចេញពីឡានរបស់គាត់ ហើយបានបាញ់សម្លាប់គាត់” ។

កាសែតនោះបានគេអះអាងថា ភ្នាក់ងារវាយប្រហារទាំងអស់បានរត់គេចខ្លួនដោយគ្មានគ្រោះថ្នាក់ បន្ទាប់ពីការវាយប្រហារនេះ ហើយមិនទាន់មានអង្គការ ឬប្រទេសណាមួយអះអាងទទួលខុសត្រូវចំពោះការធ្វើឃាតនេះនោះទេ ។

ទន្ទឹមនោះអាជ្ញាធរអ៊ីរ៉ង់បានដាក់ការស្តីបន្ទោសទៅប្រទេសអ៊ីស្រាអែល ហើយក៏បាននិយាយសំដៅទៅប្រធានាធិបតីអាមេរិក Donald Trump ថាជាប់ពាក់ព័ន្ធនឹងការវាយប្រហារនេះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Daily Star

ចុចអាន ៖ អ៊ីរ៉ង់ កំពុងថ្លឹងថ្លែងថាគួរសងសឹកតាមរបៀបណាចំពោះការធ្វើឃាតអ្នកវិទ្យាសាស្រ្តកំពូល

ចុចអាន ៖ អ៊ីស្រាអែល ប្រុងជើងការ​ខ្ពស់ បន្ទាប់ពី អ៊ីរ៉ង់ គំរាម​សងសឹក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ២ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ២ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៤ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម