ការឆ្មក់ត្រួតពិនិត្យនេះដែរធ្វើឡើង នៅព្រឹកថ្ងៃទី២៩ ខែមេសា ឆ្នាំ២០២៦ ដោយដឹកនាំចុះដោយផ្ទាល់ពីលោក ឯក ឃុនឌឿន អភិបាលរងរាជធានីភ្នំពេញ រួមជាមួយ លោក ជា ពិសី  អភិបាលខណ្ឌទួលគៅក បានដឹកនាំកម្លាំងគណៈបញ្ជាការឯកភាពខណ្ឌ ចុះត្រួតពិនិត្យជាក់ស្ដែង នៅទីតាំងដែលសង្ស័យបង្កប់ល្បែងស៉ីសង តាមបណ្តោយផ្លូវលេខ ២៣០ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ។

យោងតាមការបញ្ជាក់ពីអាជ្ញាធរជំនាញបានបញ្ជាក់ថា លើបណ្ដាញសង្គមថ្មីៗនេះ បានបង្ហោះនៅរូបភាពវីឌីអូ អង្គុយលេងល្បែងស៉ីសង ហើយបញ្ជាក់ថា ស្ថិតនៅទីតាំងដីឡូតិ៍មួយកន្លែង តាមបណ្ដោយផ្លូវលេខ ២៣០ សង្កាត់ទឹកល្អក់៣ ខណ្ឌទួលគោក។  ដូច្នេះអាជ្ញាធរខណ្ឌដឹកនាំមន្រ្តី ចុះត្រួតពិនិត្យ នៅទីតាំងជាក់ស្ដែងមិនឃើញមានអ្វី ពាក់ព័ន្ធនឹងល្បែងស៉ីសងនោះទេ ប៉ុន្តែទោះជាយ៉ាង អាជ្ញាធរបានណែនាំដល់ម្ចាស់ តារាងបាល់ទះ ក៏ដូចជាអ្នកគ្រប់គ្រង មិនត្រូវផ្ដល់ទីតាំង សម្រាប់បង្កប់លេងល្បែងស៉ីសងនោះទេ ក្នុងករណីអាជ្ញាធរតាមដានស្រាវជ្រាវឃើញថា មានបង្កប់ល្បែងស៉ីសង និងមានវិធានការតាមផ្លូវច្បាប់។

ជាចុងក្រោយ អាជ្ញាធរខណ្ឌទួលគោក សូមសំណូមពរ និងអរគុណដល់ប្រជាពលរដ្ឋ និងម្ចាស់ទីតាំងចូលរួមសហការនិងផ្ដល់ព័ត៌មាន ជូនដល់អាជ្ញាធរ ដើម្បីមានវិធានការទាន់ពេលវេលា ។

គួរបញ្ជាក់ផងដែរថា រដ្ឋបាលរាជធានីភ្នំពេញ តែងតែប្រជុំក្រើនរំលឹកដល់អាជ្ញាធរទាំង១៤ខណ្ឌ បន្តយកចិត្តទុកដាក់ ពីបញ្ហាសន្តិសុខ បទល្មើសគ្រប់ប្រភេទ ជាពិសេសបញ្ហាល្បែងស៉ីសងគ្រប់ប្រភេទ ដោយអនុវត្តតាមគោលនយោបាយ ភូមិឃុំ សង្កាត់ មានសុខសុវត្តិភាពជូនដល់ពលរដ្ឋ ៕ អត្ថបទ ៖ រដ្ឋា

The post អាជ្ញាធរខណ្ឌទួលគោក ចុះត្រួតពិនិត្យទីតាំងដែលសង្ស័យមានបង្កប់ល្បែងស៉ីសងមួយកន្លែង ក្នុងសង្កាត់ទឹកល្អក់៣ appeared first on Kampuchea Thmey Daily.

លោកសាស្ត្រាចារ្យរង លូ លីឃាង បានមានប្រសាសន៍ថា ការចុះពិនិត្យសុខភាពភ្នែកនាពេលនេះ ក្នុងគោលបំណងដើម្បីចូលរួមចំណែកក្នុងការលើកកម្ពស់សុខភាពភ្នែករបស់ប្រជាពលរដ្ឋឱ្យបានល្អប្រសើរ ព្រោះថា សុខភាពភ្នែកមានសារសំខាន់ណាស់ក្នុងការរស់នៅប្រចាំថ្ងៃ។ ដូចនេះការទៅពិនិត្យភ្នែកឱ្យបានទៀងទាត់ យ៉ាងហោចណាស់ ១ ឆ្នាំម្តង ទោះបីជាភ្នែកមិនមានបញ្ហាក៏ដោយ និងការព្យាបាលភ្នែកឱ្យបានត្រឹមត្រូវ និងសុក្រឹតដោយក្រុមគ្រូពេទ្យជំនាញ នឹងជួយធ្វើឱ្យភ្នែករបស់ពលរដ្ឋមានសុខភាពល្អ។

លោកសាស្ត្រាចារ្យរង លូ លីឃាង បានបន្តថា ការចុះពិនិត្យភ្នែកនេះ មន្ទីរពេទ្យសហការជាមួយអង្គការ ហ្វ្រេដហូឡូ និង មូលនិធិ វ័ន សាញ ក្នុងនោះ មូលនិធិ វ័ន សាញ ចែកវ៉ែនតាជូនដល់ប្រជាពលរដ្ឋដោយឥតគិតថ្លៃនៅពេលគ្រូពេទ្យជំនាញពិនិត្យឃើញថា មានបញ្ហាគំហើញដែលតម្រូវឱ្យពាក់វ៉ែនតា ដើម្បីធ្វើឱ្យភ្នែកបានល្អប្រសើរ។ចំពោះប្រជាពលរដ្ឋដែលមានបញ្ហាភ្នែកឡើងបាយ ឬតម្រូវឱ្យការវះកាត់ភ្នែកអញ្ជើញទៅមន្ទីរពេទ្យព្រះអង្គឌួងឱ្យបានលឿនបំផុត ហើយការវះកាត់គឺមិនគិតថ្លៃទេ ដោយអង្គការហ្វ្រេដហូឡូជាអ្នកជួយឧបត្ថម្ភ។

លោកនាយកមន្ទីរពេទ្យ បានថ្លែងអំណរគុណយ៉ាងជ្រាលជ្រៅចំពោះអាជ្ញាធរស្រុក មន្ទីរសុខាភិបាល នៃរដ្ឋបាលខេត្តកំពង់ចាម ដែលបានសហការយ៉ាងជិតស្និទ្ធក្នុងការរៀបចំ កម្មវិធីដ៏មានអត្ថន័យនេះ ក៏សូមថ្លែងអំណរគុណចំពោះអង្គការ One Sight Essilor Luxottica Foundation, Bloomberg និងមូលនិធិ Fred Hollows Cambodia ដែលបានផ្តល់ការគាំទ្រផ្នែកបច្ចេកទេស និងថវិកា ដើម្បីធ្វើឱ្យកម្មវិធីនេះអាចប្រព្រឹត្តទៅបានដោយជោគជ័យ។

លោក គង់ នាត តំណាងអង្គការ Fred Hollows Foundation Cambodia បានអំពាវនាវដល់ប្រជាពលរដ្ឋ ដែលមានបញ្ហាភ្នែក អញ្ជើញទៅជួបជាមួយគ្រូពេទ្យមានជំនាញឯកទេសត្រឹមត្រូវ ហើយសូមកុំជឿការផ្សព្វផ្សាយតាមបណ្តាញសង្គមមិនមានប្រភពច្បាស់លាស់។ ជាមួយគ្នានេះ ប្រសិនបើពលរដ្ឋមានប័ណ្ណមូលនិធិសមធម៌ ប័ណ្ណ ប.ស.ស. មានលទ្ធភាព ឬមិនមានលទ្ធភាពក្តី សូមមេត្តាទៅឲ្យដល់ជួបជាមួយក្រុមគ្រូពេទ្យជំនាញ ឬក៏ទៅដល់មនី្ទរពេទ្យ ដើម្បីយើងធ្វើការពិនិត្យ ព្យាបាលជំងឺភ្នែកក្នុងមនី្ទរពេទ្យបង្អែកស្រីសន្ធរ ឬទៅមនី្ទរពេទ្យព្រះអង្គឌួងក៏បាន។

លោកស្រីសាស្រ្តាចារ្យជំនួយ ជុកម៉ុល កុសុម៉ា នាយិការង នៃមនី្ទរពេទ្យព្រះអង្គឌួង បានបង្ហាញនូវសេចកី្តសប្បាយរីករាយយ៉ាងខ្លាំងដែលបានឃើញប្រជាពលរដ្ឋជាច្រើន អញ្ជើញមកទទួលការពិនិត្យសុខភាពភ្នែក ក៏ដូចជាទទួលវ៉ែនតា និងថ្នាំបន្តក់ភ្នែកត្រឡប់ទៅគេហដ្ឋានរៀងៗ ខ្លួនវិញ។

ក្នុងនោះ ក្រុមគ្រូពេទ្យជំនាញ បានផ្តល់សេវាអ្នកជំងឺសរុបចំនួន ២ ១២៨ នាក់ ស្រី ១ ៣៤៨ នាក់ , អ្នកជំងឺទទួលវ៉ែនតាមានចំនួន ១ ៧៨៤ នាក់ ស្រី ១ ១១៩ នាក់ , អ្នកជំងឺបញ្ជូន ១៨៩ នាក់ ស្រី ១២៧ នាក់ និងអ្នកជំងឺវះកាត់ ១៤ នាក់ ស្រី ៩ នាក់៕
អត្ថបទ ៖ សំអឿន

The post មន្ទីរពេទ្យព្រះអង្គឌួង ដឹកនាំក្រុមគ្រូពេទ្យចុះពិនិត្យសុខភាពភ្នែក និងចែកវ៉ែនតាដោយឥតគិតថ្លៃជូនពលរដ្ឋជាង ២ ០០០ នាក់ នៅខេត្តកំពង់ចាម appeared first on Kampuchea Thmey Daily.

ការដាក់បទបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ធ្វើឡើងបន្ទាប់ពីឃើញមានក្រុមក្មួយៗជាយុវជន យុវនារី ដែលកំពុងឋិតក្នុងវ័យសិក្សា ទៅប្រមូផ្តុំគ្នាផឹកស៊ីយ៉ាងសប្បាយទាំងកណ្តាលថ្ងៃ ដែលជាចំណុចមិនគួរបណ្តែតបណ្តោយនោះទេ។

លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ

លោកឧត្តមសេនីយ៍ឯកស្នងការ បានបន្តដាក់បញ្ជាដល់នគរបាលទូទាំងរាជធានី ត្រូវបន្តតាមសង្កេត និងចុះត្រួតពិនិត្យទីតាំងផ្តល់ការសប្បាយភាពនៅវេលាពេលថ្ងៃនេះបន្តទៀត សំដៅធានាធ្វើយ៉ាងណា កុំឲ្យកើតមាននូវទីតាំងដែលលួចលាក់ផ្តល់ជម្រកដល់ក្មេងៗជាយុវជន ឬសិស្សានុសិស្ស ទៅប្រមូលផ្តុំដើម្បីប្រព្រឹត្តិសកម្មភាព និងអំពើអប្បាយមុខនានា ពិសេសបញ្ហាគ្រឿងញៀនតែម្តង។

ជាលទ្ធផល នៃការចុះរដ្ឋបាលពិនិត្យទីតាំងផាប់កម្សាន្តខាងលើ កម្លាំងអាជ្ញាធរមានសមត្ថកិច្ច បានរកឃើញក្រុមយុវជនយុវនារីសរុបចំនួន៥៨នាក់ (ប្រុស២៨នាក់) ដោយពួកគេចូលទៅផឹកស៊ីសប្បាយ ពុំមានពាក់ព័ន្ធបទល្មើសអ្វីនោះឡើយ ។ ក្នុងនោះ អាជ្ញាធរ ក៏ពុំបានរកឃើញថា ទីតាំងខាងលើ មានលួចលាក់ ឬបង្កប់បទល្មើសអ្វីនោះដែរ ក្រៅតែពីការផ្តល់ទីតាំងសម្រាប់ការសប្បាយភាពនៅពេលថ្ងៃប៉ុណ្ណោះ។

កម្លាំងអាជ្ញាធរ បានណែនាំដល់ម្ចាស់ទីតាំង ៖ហាមមិនឲ្យមានការប្រើប្រាស់ ចែកចាយ និងជួញដូរគ្រឿងញៀន និងឧបករណ៍ បារីអេឡិចត្រូនិចគ្រប់ប្រភេទ , ហាមពុំឲ្យក្មេងដែលមានអាយុក្រោម១៨ឆ្នាំចូលក្នុងន័យសេពនូវគ្រឿងស្រវឹង និងប្រើប្រាស់នូវឧបករណ៍បារីអេឡិចត្រូនិចគ្រប់ប្រភេទ , ហាមប្រាមនូវសិស្សសាលា ដែលស្លៀកពាក់ឯកសណ្ឋានសិស្ស , អប់រំ និងណែនាំកុំឲ្យមានការប្រមូលផ្តុំ និងការចតយាន្តយន្ត គ្រប់ប្រភេទយ៉ាងអនាធិបតេយ្យនៅតាមដងផ្លូវ , កុំឲ្យមានការចាក់ភ្លេង បង្កឲ្យមានសម្លេងខ្លាំងៗ ដែលនិងប៉ះពាល់ដល់មជ្ឈដ្ឋានជុំវិញ៕  អត្ថបទ៖ សុភា

The post ស្នងការរាជធានីភ្នំពេញ បញ្ជាឲ្យកម្លាំងសមត្ថកិច្ចចុះពិនិត្យទីតាំងផាប់មួយកន្លែង ក្រោយឃើញមានក្មេងៗទៅប្រមូលផ្តុំផឹកស៊ីទាំងថ្ងៃ appeared first on Kampuchea Thmey Daily.

ប្រជាពលរដ្ឋ​បាន​បញ្ចេញមតិ​ដូចៗ គ្នា​ថា ពលរដ្ឋ​រងគ្រោះ​ដោយ​ទឹក​លូ​លិចលង់​ផ្ទះ​អស់​រយៈពេល ១០ ថ្ងៃ មក​ហើយ មិន​ដែល​ឃើញ​លោកស្រី ជួប ស៊ីយ៉ុន ចៅសង្កាត់​ព្រែកប្រា ដែល​ទើប​ឡើង​តំណែង​ថ្មីៗ ចុះ​មក​សាកសួរ​សុខទុក្ខ​ពួកគាត់​ដែល​កំពុង​រងគ្រោះ​ដោយ​ទឹក​លូ​ដ៏​ខ្មៅ​កខ្វក់ មាន​ជះ​ក្លិន​ស្អុយ​ម្តង​ណា​ឡើយ។ អ្វី​ដែល​កំពុង​ប្រឈម​នោះ គឺ ប្រជាពលរដ្ឋ​រស់​ជាមួយ​ទឹក​សំអុយ បង្ក​ទៅ​ជា​កើត​ជំងឺ​កមរមាស់ ឆ្លង​ជំងឺ​អាសន្នរោគ និង​ជំងឺ​គ្រុនឈាម។

ប្រជាពលរដ្ឋ​ពេល​បាន​ឃើញ​លោក​អភិបាល​ខណ្ឌ​ច្បារអំពៅ​ចុះ​មក​ពិនិត្យ​ទីតាំង​ដោយ​ផ្ទាល់​បែបនេះ សង្ឃឹម​ថា លោក​នឹង​ជួយ​អន្តរាគមន៍​ដាក់​ម៉ាស៊ីន​បូម​ទឹក​សំអុយ​ឲ្យ​បាន​ឆាប់​រីងស្ងួត​ដូចដើម ព្រោះ​បច្ចុប្បន្ន​សូម្បី​បន្ទោបង់​នៅ​បង្គន់​អនាម័យ​តាម​ផ្ទះ​ពុំ​បាន​ផង។

ប្រជាពលរដ្ឋ​ដដែល បន្ត​ថា ពលរដ្ឋ​កំពុង​អន់ចិត្ត​នឹង​លោកស្រី​ចៅសង្កាត់​ព្រែកប្រា ដែល​មិន​ព្រម​ចុះ​ជួយ​ពួកគាត់​សោះ កុំថាឡើយ​អំណោយ៕

អត្ថបទ ៖ នរា

The post អភិបាលខណ្ឌច្បារអំពៅ នាំចៅសង្កាត់ព្រែកប្រា ចុះពិនិត្យទឹកលូលិចចូលផ្ទះពលរដ្ឋ appeared first on Kampuchea Thmey Daily.

មន្ត្រី​ជំនាញ​បច្ចេកទេស​នៃនាយកដ្ឋានផ្លូវល្បឿនលឿន និងមន្ទីរសាធារណការខេត្តកោះកុង នៅតែបន្តចុះត្រួតពិនិត្យលក្ខណៈបច្ចេកទេសនៃគុណភាពស្ពានព្រែកតាអុក រួមគ្នាជាមួយមន្ទីរសាធារណការខេត្តកោះកុង ដើម្បី​លម្អិតកាន់តែច្បាស់អំពីផលខូចខាតប្រេះស្រោះនៃស្ពាន ព្រោះ​តែ​ការ​ដឹក​លើស​ទម្ងន់​កំណត់របស់ក្រុមរថយន្តធំៗឆ្លងកាត់។

បើ​តាម​ការ​គូស​បញ្ជាក់​របស់​លោក អន ដាវុធ ប្រធានមន្ទីរសាធារណការ និងដឹកជញ្ជូនខេត្តកោះកុង ពន្យល់ថា គុណភាពស្ពានអាចបន្តប្រើប្រាស់ចរាចរណ៍បានធម្មតា ប៉ុន្តែក្រុមរថយន្តធុនធ្ងន់ទាំងនោះ ត្រូវតែគោរពច្បាប់ដឹកជញ្ចូនជាធរមាន ករណីប្រសិនបើរកឃើញថាល្មើស គឺនឹងទោសទណ្ឌជាមិនខាន។ បច្ចុប្បន្នក្រុមមន្រ្តីជំនាញ កំពុងធ្វើរបាយការណ៍លទ្ធផលវាយតម្លៃពិនិត្យលម្អិតជាថ្មីគោរពជូនរដ្ឋមន្រ្តីក្រសួងសាធារណការ និងដឹកជញ្ចូន ពិនិត្យ និងមានវិធានការដោះស្រាយបន្តទៀត។

លោក អន ដាវុធ បានបន្ថែមថា ក្រសួង​នឹងលើកគម្រោងអភិវឌ្ឍន៍​ជួសជុលអោយបានឆាប់រហ័សចំពោះការខូចខាតស្ពានព្រែកតាអុកនេះ ដើម្បី​បន្តថែរក្សាគុណភាពស្ពានឱ្យគង់វង្សយូរអង្វែងទៅថ្ងៃមុខ។ ស្ពានព្រែកតាអុក រកឃើញថា មានការប្រេះស្រោះសសរចំនួន៤កន្លែង និងធ្នឹមតួស្ពានចំនួន១កន្លែង។

កន្លងទៅប្រជាពលរដ្ឋមានការព្រួយសម្តែងក្តីព្រួយបារម្ភអំពីការបែកប្រេះស្រោះស្ពានព្រែកតាអុកនេះ ដោយសារតែការដឹកលើសទម្ងន់របស់ក្រុមរថយន្តធុនធំដែលដឹកគ្រួស ខ្សាច់ និងថ្ម បើកបរឆ្លងកាត់ទៅមក។

ស្ពានព្រែកតាអុក មានប្រវែង១២៦ម៉ែត្រទទឹង ៨ម៉ែត្រគម្រោងសាងសង់ ក្រសួងសាធារណការនិងដឹកជញ្ជូន ស្ថាបនានាយកដ្ឋានវិស្វកម្មក្រសួងការពារជាតិ។ ស្ពាននេះសាងសង់នៅឆ្នាំ២០១១ ធ្វើ​រួច​រាល់​នៅឆ្នាំ២០១៤បើគិតអាយុកាលបានត្រឹមតែ១១ឆ្នាំ​ហើយ៕

អត្ថបទ ៖ សិរីវឌ្ឍនៈ

The post ក្រុម​មន្រ្តី​ជំនាញ ចុះ​ពិនិត្យ​គុណភាព​ស្ពាន​ព្រែក​តាអុក ជាលើកទី២ ក្រោយ​រងការ​ខូចខាត appeared first on Kampuchea Thmey Daily.

ក្នុងដំណើរពិនិត្យលើការរៀបចំនេះ លោក ឃួង ស្រេង បានត្រួតពិនិត្យបន្ថែម ជាមួយក្រុមការងារពាក់ព័ន្ធ ទាំងការរៀបចំ សន្តិសុខ សុវត្ថិភាព ការផ្សព្វផ្សាយ និងបច្ចេកទេសនានាជាដើម ដើម្បីត្រៀមទទួលស្វាគមន៍ ព្រឹត្តិការបាល់ទាត់ មិត្តភាព ដើម្បីអបអរសាទរ “ទិវាសន្តិភាពនៅកម្ពុជា” នៅថ្ងៃទី២៩ ខែធ្នូ ឆ្នាំ២០២៤ នេះ។

ដើម្បីឱ្យកាន់មានសោភ័ណ្ឌភាព និងមានអនាម័យ លោកអភិបាលរាជធានីភ្នំពេញ បានណែនាំឱ្យក្រុមករងារបរិស្ថាន រៀបចំលាងសម្អាត បរិវេន ទាំងក្នុងនិងក្រៅពហុកីឡាដ្ឋានជាតិមរតកតេជោបន្ថែមទៀតផងដែរ។ គួរបញ្ជាក់ថា ព្រឹត្តិការណ៍បាល់ទាត់មិត្តភាព អបអរសាទរ «ទិវាសន្តិភាពនៅកម្ពុជា» ដែលគ្រោងនឹងធ្វើឡើងនៅពហុកីឡាដ្ឋានជាតិមរតកតេជោ នាថ្ងៃទី២៩ ខែធ្នូ ឆ្នាំ២០២៤ ស្អែកនេះ តាមការគ្រោងទុកនឹងមានមហាជនចូលរួមប្រមាណជាង ៥ម៉ឺននាក់។

ក្នុងកិច្ចប្រជុំពីវឌ្ឍនៈភាពនៃព្រឹត្តិការណ៍បាល់ទាត់មិត្តភាព អបអរសាទរ «ទិវាសន្តិភាពនៅកម្ពុជា» កាលពីថ្ងៃទី២៣ ធ្នូ កន្លងមកនេះ នៅសាលារាជធានីភ្នំពេញ ក្រោមអធិបតីភាព លោកសន្តិបណ្ឌិត នេត សាវឿន ឧបនាយករដ្ឋមន្ត្រី, ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា លោកនាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានសហព័ន្ធកីឡាបាល់ទាត់កម្ពុជានោះ លោកឃួង ស្រេង អភិបាលរាជធានីភ្នំពេញ បានលើកឡើងថា ចំពោះព្រឹត្តិការណ៍បាល់ទាត់មិត្តភាព អបអរសាទរ «ទិវាសន្តិភាពនៅកម្ពុជា» នេះ រដ្ឋបាលរាជធានីភ្នំពេញ បានត្រៀមរួចរាល់ ទាំងការរៀបចំសណ្តាប់ធ្នាប់របៀបរៀបរយ ការតុបតែង ការដាក់ភ្លើងបំភ្លឺសាធារណៈ ការរៀបចំចំណតយានយន្ត និងការត្រៀមកម្លាំងកម្មករដើម្បីសំអាត អនាម័យបរិស្ថានជាដើម។

លោកបន្តថា ព្រឹត្តិការណ៍នេះ មានអ្នកចូលរួមទស្សនាប្រមាណជាង ៥ម៉ឺននាក់ ហើយរដ្ឋបាលរាជធានីភ្នំពេញក៏បានត្រៀមអាវយឺតចំនួន ៥ម៉ឺនអាវ ដើម្បីចែកជូនផងដែរ។

ក្នុងព្រឹត្តិការណ៍បាល់ទាត់មិត្តភាព ដើម្បីអបអរសាទរ «ទិវាសន្តិភាពនៅកម្ពុជា»នេះមានការប្រកួតចំនួន២គូ ។ដោយគូទី១ ក្រុមបាល់ទាត់គុនខ្មែរប្រកួតជាមួយក្រុមបាល់ទាត់តារាកម្ពុជាក្រុមB និងគូទី២ ក្រុមបាល់ទាត់ ស.ស.យ.ក.ប្រកួតជាមួយក្រុមបាល់ទាត់តារាកម្ពុជា ក្រុមA ហើយសម្តេចមហាបវរធិបតីហ៊ុន ម៉ាណែតនាយករដ្ឋមន្ត្រី នឹងអញ្ជើញជាអធិបតី ដ៏ខ្ពង់ខ្ពស់សម្រាប់ការប្រកួតគូទី២ រវាងក្រុមបាល់ទាត់ ស.ស.យ.ក. និងក្រុមបាល់ទាត់តារាកម្ពុជា ក្រុមA នៅវេលាម៉ោង១៧៖០០នាទី៕

ដោយ៖ ស្រីរ័ត្ន

The post អភិបាលរាជធានី ចុះពិនិត្យទីតាំងមុនរៀបចំព្រឹត្តិការណ៍បាល់ទាត់មិត្តភាពអបអរសាទរ «ទិវាសន្តិភាពនៅកម្ពុជា» នៅថ្ងៃស្អែក appeared first on Kampuchea Thmey Daily.

គម្រោងសាងសង់ផ្លូវកៅស៊ូ និងបេតុង ដែលជាគម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ (RCIP) មានប្រវែង ៧៥.៣គីឡូម៉ែត្រ ក្នុងស្រុកចំនួន៣ គឺស្រុក ជើងព្រៃ ស្រុកព្រៃឈរ និងស្រុកកំពង់សៀម តាមរយៈក្រសួងអភិវឌ្ឍន៍ជនបទ ក្រោមឥណទានធនាគារពិភពលោក និងទទួលម៉ៅការសាងសង់ដោយក្រុមហ៊ុន អឹម ធី អេ ខនស្ត្រាក់សិនខូអិលធីឌី (M.TA Construction Co.Ltd)។

ចំពោះកំណាត់ផ្លូវ KC1 ស្ថិតនៅឃុំទ្រាន ទៅដល់រង្វង់មូលនៃឃុំស្រក ស្រុកកំពង់សៀម ដែលមានប្រវែងសរុប 13,80គីឡូម៉ែត្រ ដែលមានទទឹងផ្លូវ ៦ម៉ែត្រ ដោយក្រាលកៅស៊ូ ២ជាន់ និងចិញ្ចើមផ្លូវ ១ម៉ែត្រ សងខាង ក្រាលកៅស៊ូ ១ជាន់។ តែចាប់ពី PK2+900 to 5+000 គឺប្រវែង ២ ១០០ម៉ែត្រ នៅលើទំនប់ជ្រោយចេកជាផ្លូវបេតុង ដែលមានទទឹង ៧ម៉ែត្រ កម្រាស់ ០,២ម៉ែត្រ និង ចិញ្ចើមផ្លូវ ០,៥ម៉ែត្រ សងខាងដោយក្រាលកៅស៊ូ ១ជាន់ សរុបទទឹងផ្លូវ ៨ម៉ែត្រ។

ទីតាំងមួយទៀត គឺចាប់ពី PK8+700 to 9+200 គឺមានប្រវែង 500ម៉ែត្រ ដែលនៅលើទំនប់កែប្រែ មានទទឹង ៧ម៉ែត្រ កម្រាស់ ០,២ម៉ែត្រ និងចិញ្ចើមផ្លូវ ០,៥ម៉ែត្រ សងខាងដោយក្រាលកៅស៊ូ ១ជាន់ សរុបទទឹងផ្លូវ ៨ម៉ែត្រដែរ។ សរុបប្រវែងផ្លូវបេតុង ទាំង២ ទីតាំង ២ ៦០០ម៉ែត្រ៕

អត្ថបទ​ និង​រូបភាព​៖​ ឡេក​ ចាន់ពេជ្រ

The post អភិបាលខេត្តកំពង់ចាម ចុះពិនិត្យវឌ្ឍនភាពការកសាងផ្លូវក្រាលកៅស៊ូ និងបេតុង ក្នុងឃុំទ្រាន-ឃុំស្រក ស្រុកកំពង់សៀម appeared first on Kampuchea Thmey Daily.

លោក សរ គឹមសាន្ត បានឱ្យដឹងថា ដំណើរចុះពិនិត្យនៅតាមមូលដ្ឋាននេះ ទទួលបានបទបញ្ជាណែនាំពី លោករដ្ឋមន្រ្តី ថោ ជេដ្ឋា ប្រធានអាជ្ញាធរទន្លេសាប ដើម្បីចាត់វិធានការទប់ស្កាត់សកម្មភាពឈូសឆាយទន្ទ្រានដីព្រៃលិចទឹកក្នុងតំបន់២ ដោយអនុវត្តន៍តាមច្បាប់ និងបទបញ្ញត្តិដែលមានស្រាប់ ក្នុងការហាមឃាត់ការឈូសឆាយដីព្រៃ និងធ្វើការកសាងហេដ្ឋារចនាសម្ព័ន្ធក្នុងតំបន់២ ដែលនាំឱ្យប៉ះពាល់របបទឹក គម្របដី ជីវចម្រុះ និងប្រព័ន្ធអេកូឡូស៊ី ។ល។

លោកអគ្គលេខាធិការ ក៏បានជំរុញអាជ្ញាធរមូលដ្ឋានបង្កើនការយកចិត្តទុកដាក់បន្ថែមទៀត ក្នុងការអប់រំផ្សព្វផ្សាយ ពន្យល់ ណែនាំអំពីខ្លឹមសារស្មារតីអនុក្រឹត្យលេខ ៨៣ អនក្រ.បក ចុះថ្ងៃទី២៦ ខែមេសា ឆ្នាំ២០២៣  ស្តីពីការកំណត់សិទ្ធិប្រើប្រាស់ និងអាស្រ័យផលលើដីរដ្ឋ ក្នុងដែនដីតំបន់ទ្រនាប់នៃដែនព្រៃលិចទឹក (តំបន់២) ជុំវិញបឹងទន្លេសាបស្ថិតក្នុងភូមិសាស្រ្តខេត្តកំពង់ឆ្នាំង ពោធិ៍សាត់  បាត់ដំបង បន្ទាយមានជ័យ សៀមរាប និងខេត្តកំពង់ធំ។

សូមបញ្ជាក់ថា តំបន់បឹងទន្លេសាប ត្រូវបានបែងចែកជា ៣ តំបន់។ ក្នុងនោះ តំបន់១ ជាតំបន់លំនៅដ្ឋាន ឬភូមិករ និងជាតំបន់បង្កបង្កើនផលរបស់ប្រជាពលរដ្ឋ ដែលទទួលបានសិទ្ធិកាន់កាប់ស្របច្បាប់ (ប័ណ្ណកម្មសិទ្ធិ)។ តំបន់២ ជាតំបន់ប្រើប្រាស់អាស្រ័យផល ស្រូវឡើងទឹកនិងប្រដេញទឹក និងក៏ជាតំបន់ទ្រនាប់ការពារនិងតំបន់៣ ជាតំបន់ព្រៃលិចទឹក ហាមប៉ះពាល់ដាច់ខាត និងត្រូវការពារឱ្យខានតែបាន។

អត្ថបទ៖ គឿន វេត

The post អន្តរក្រសួង ចុះពិនិត្យ និងចាត់វិធានការទប់ស្កាត់ការឈូសឆាយទន្ទ្រានដីព្រៃលិចទឹកក្នុងតំបន់២ ក្នុងខេត្តសៀមរាប appeared first on Kampuchea Thmey Daily.