​យោងតាមទិន្ន័យរបស់​ GDCE បង្ហាញថា គោលដៅ ៥ ​ដែល​កម្ពុជា​នាំចេញចេកទៅច្រើនជាងគេរួមមាន​ប្រទេសចិនជិត ​៤២ លានដុល្លារ ​ជប៉ុនជាង​ ៤,៥ លានដុល្លារ ​វៀតណាម ១,៤ លានដុល្លារ ហុងកុង ៦៤ ម៉ឺនដុល្លារ និងកូរ៉េខាងត្បូងជាង ៥៤ ម៉ឺនដុល្លារ។​

​លោក ឃឹម ហ្វីណង់ ​អ្នក​នាំ​ពាក្យ​ក្រសួង​កសិកម្ម​ មានប្រសាសន៍ថា ​ការ​​​នាំ​​​​ចេញ​​​ចេក​ស្រស់​របស់​កម្ពុជា​ទៅ​កាន់​ទីផ្សារ​បរទេស​មាន​ការ​កើន​ឡើង​​ដោយ​សារ​តែ​មាន​តម្រូវ​ការ​ខ្ពស់។ ​​​

យោង​តាម​ក្រសួងពាណិជ្ជកម្ម ​នៅ​ក្នុងឆ្នាំ ​២០២៥ ​កម្ពុជា​រក​ចំណូល​បាន​ចំនួន​ជាង​ ១៧៨ ​លានដុល្លារ ​ពីការ​នាំ​ចេញ​ផ្លែ​ចេក​ស្រស់​ ​កើន​ឡើង ​១៦,៨៣%​ ​ធៀប​នឹង​ឆ្នាំ ២០២៤។​

​កម្ពុជា​ មាន​ផ្ទៃដី​ដាំ​ដុះ​ចេក​ប្រមាណ​ជាង​ ១៦ ​ពាន់​ហិកតា និង​ផ្ទៃដី​កំពុង​​ប្រមូល​ផល​ជាង​១១​ពាន់​ហិកតា ដោយ​ក្នុងនោះ​ខេត្ត​ដែលមាន​ដាំ​ដុះ​ចេក​ច្រើនជាងគេ រួម​មាន​​ខេត្តរតនគិរី ក្រចេះ ស្ទឹង​ត្រែង កំពត កំពង់ចាម និងខេត្តកំពង់ស្ពឺ​៕

អត្ថបទ៖ ឡេង ដេត

The post ​កម្ពុជា ​រកចំណូល​បាន​ជាង ​៤៨ ​លាន​ដុល្លារ​ ពី​ការ​នាំចេញ​ចេក​​ appeared first on Kampuchea Thmey Daily.

​ក្រសួង​សេដ្ឋកិច្ច និង​ហិរញ្ញវត្ថុ បញ្ជាក់ថា ​សហគ្រាស​ដែល​ត្រូវ​បាន​កំណត់​ខាងលើ​ត្រូវទទួលបានការអនុគ្រោះ ព្យួរទុក ការបង់ពន្ធអប្បបរមា, ​ព្យួរទុកការបង់ពន្ធប្រាក់រំដោះពន្ធលើប្រាក់ចំណូល និងរួចផុតពីកាតព្វកិច្ចទុកប្រាក់ពន្ធលើការទូទាត់​ចំពោះការផ្គត់ផ្គង់សេវាដោយបុគ្គលិកមិនស្ថិតក្នុងរបបស្វ័យប្រកាស។

​សហគ្រាស​ត្រូវបំពេញលក្ខខណ ៤ ​គឺស្នើសុំវិញ្ញាបនបត្រអាករលើតម្លៃបន្ថែម​ជាបន្ទុករបស់រដ្ឋ​ពីអគ្គនាយកដ្ឋានពន្ធដារ, ​ភ្ជាប់បញ្ជីឈ្មោះអ្នកផ្គត់ផ្គង់​ ទំនិញ ឬសេវាជាមួយនឹងលិខិតប្រកាស​អាករលើតម្លៃបន្ថែមប្រចាំខែ, កាន់បញ្ជីគណនេយ្យស្របតាមច្បាប់ និងលិខិតបទដ្ឋានគតិយុត្តជាធរមាន និងដាក់លិខិតប្រកាសសារពើពន្ធជូនរដ្ឋប្រចាំខែ ប្រចាំឆ្នាំទៅតាមទម្រង់ ពេលវេលា និងទីកន្លែងដែលរដ្ឋបាលសារពើពន្ធបានកំណត៕​

The post ​រដ្ឋ​ប្រកាស​ព្យួរ​​ពន្ធ​លើ​ប្រាក់​ចំណូល​របស់​សហគ្រាស​ផលិត ស្វាយចន្ទី ម្រេច ចេក និងកសិផលមួយចំនួនទៀត appeared first on Kampuchea Thmey Daily.

យោងតាម ​​HuffPost នៅពេលដែលចេកទុំ ជាតិស្ករ ម្សៅ និងមាតិកាវីតាមីនទាំងអស់នឹងផ្លាស់ប្តូរ។ ប្រសិនបើអ្នកត្រូវការបំពេញថាមពលមុនពេលហាត់ប្រាណ ឬកំពុងគ្រប់គ្រងជាតិស្ករក្នុងឈាម ការជ្រើសរើសចេកនៅពេលទុំត្រឹមត្រូវគឺមានសារៈសំខាន់ខ្លាំងណាស់។ អ្នកជំនាញអាហារូបត្ថម្ភអាមេរិកពីររូបបានចែករំលែកពីរបៀបសម្គាល់កម្រិតនៃភាពទុំនីមួយៗ និងអត្ថប្រយោជន៍សុខភាពដែលត្រូវគ្នា។

ចេកខ្ចី (មិនទាន់ទុំ) មានពណ៌បៃតង រឹង និងពិបាកបកសំបក។ អ្នកជំនាញ Avery Zenker បាននិយាយថា ចេកនៅដំណាក់កាលនេះមានផ្ទុកម្សៅដែលធន់បំផុត និងជាតិស្ករតិចបំផុត។ ម្សៅដែលធន់ជួយចិញ្ចឹមបាក់តេរីពោះវៀនដែលមានប្រយោជន៍ កាត់បន្ថយការរលាក ធ្វើឲ្យជាតិស្ករក្នុងឈាមមានស្ថេរភាព និងបង្កើតអារម្មណ៍ឆ្អែតបានយូរ។

សាស្ត្រាចារ្យ Amanda Sauceda (សាកលវិទ្យាល័យរដ្ឋកាលីហ្វ័រញ៉ា) បានបន្ថែមថា ម្សៅដែលធន់ដើរតួដូចជាជាតិសរសៃ ធ្វើឲ្យ ferment នៅក្នុងពោះវៀន និងជួយគ្រប់គ្រងជាតិស្ករក្នុងឈាម។ ចេកបៃតងគឺសមរម្យជាពិសេសសម្រាប់អ្នកដែលមានជំងឺទឹកនោមផ្អែម ជំងឺទឹកនោមផ្អែមប្រភេទទី ២ ជំងឺមេតាប៉ូលីស ឬរោគសញ្ញាពោះវៀនឆាប់ខឹង។

ចេកទុំតែមានសំបកពណ៌លឿង មានពណ៌បៃតងបន្តិចនៅចុងទាំងពីរ ទន់ជាងចេកបៃតង ប៉ុន្តែនៅតែរឹងមាំ។ នៅដំណាក់កាលនេះ ម្សៅដែលធន់បានចាប់ផ្តើមបំលែងទៅជាជាតិស្ករសាមញ្ញ ខណៈពេលដែលកម្រិតប៉ូតាស្យូម និងម៉ាញ៉េស្យូមនៅតែមានស្ថេរភាព។ ចេកប្រភេទនេះនៅតែសម្បូរជាតិសរសៃ សមស្របសម្រាប់អ្នកដែលចង់រក្សាថាមពលឱ្យមានស្ថេរភាព ចៀសវាងការប្រែប្រួលជាតិស្ករក្នុងឈាម និងបង្កើនការរំលាយអាហារ។

ចេកទុំពេញលេញមានពណ៌លឿងស្មើគ្នា ទន់ ងាយស្រួលបកសំបក និងផ្អែម។ យោងតាមអ្នកជំនាញ Zenker ម្សៅភាគច្រើនបានបំលែងទៅជាជាតិស្ករធម្មជាតិ ជាតិសរសៃត្រូវបានកាត់បន្ថយ ខណៈពេលដែលជាតិស្ករ សារធាតុប្រឆាំងអុកស៊ីតកម្ម វីតាមីន និងសារធាតុរ៉ែឈានដល់កម្រិតខ្ពស់បំផុត។ ចេកទុំគឺសមរម្យសម្រាប់មនុស្សដែលត្រូវការបំពេញបន្ថែមថាមពលយ៉ាងឆាប់រហ័ស បង្កើនប៉ូតាស្យូម កុមារដែលចូលចិត្តរសជាតិផ្អែម អ្នកដែលចង់ទទួលទានជាតិសរសៃ ប៉ុន្តែមិនចង់មានបញ្ហារំលាយអាហារ។

ចេកទុំខ្លាំងមានចំណុចពណ៌ត្នោត ទន់ និងមានក្លិនក្រអូបខ្លាំង។ នៅពេលនេះ កម្រិតជាតិស្ករជិតដល់កម្រិតកំពូលហើយ ហើយជាតិសរសៃនៅតែបន្តថយចុះ។ ចេកទុំខ្លាំងគឺសមរម្យសម្រាប់មនុស្សដែលត្រូវការថាមពលរហ័ស មានប្រព័ន្ធរំលាយអាហារដែលងាយប្រតិកម្ម មានចំណង់អាហារមិនល្អ ឬចង់ញ៉ាំបង្អែម ប៉ុន្តែមិនសមរម្យសម្រាប់អ្នកដែលកំពុងគ្រប់គ្រងជាតិស្ករក្នុងឈាមរបស់ពួកគេទេ។

ចេកទុំពេកប្រែជាពណ៌ត្នោត ឬខ្មៅ ក្លាយជាទន់ និងទជោរ។ នេះជាដំណាក់កាលដែលចេកមានកម្រិតជាតិស្ករ និងសារធាតុប្រឆាំងអុកស៊ីតកម្មខ្ពស់បំផុត ខណៈពេលដែលជាតិសរសៃ និងវីតាមីន C ថយចុះ ខណៈពេលដែលប៉ូតាស្យូមនៅតែដដែល។ វីតាមីនមួយចំនួនទៀត ដូចជា folate កើនឡើង។ ចេកទុំពេកគួរតែប្រើសម្រាប់ដុតនំ ឬធ្វើទឹកក្រឡុក ព្រោះវាងាយរំលាយ និងផ្តល់ថាមពលរហ័ស – សមរម្យសម្រាប់អត្តពលិក ប៉ុន្តែមិនល្អសម្រាប់អ្នកដែលមានជំងឺទឹកនោមផ្អែម ឬអ្នកដែលត្រូវការរបបអាហារដែលមានជាតិសរសៃខ្ពស់នោះទេ។

សរុបមក សាស្ត្រាចារ្យ Sauceda បានសង្កត់ធ្ងន់ថា៖ «ចេកតែងតែមានជីវជាតិ មិនថាវាស្ថិតនៅក្នុងដំណាក់កាលណាក៏ដោយ»។ មិនថាវាមានពណ៌បៃតង ទុំ ឬទុំពេកទេ ប្រភេទនីមួយៗមានអត្ថប្រយោជន៍រៀងៗខ្លួន។ លើសពីនេះ ចេកក៏ជួយសម្រកទម្ងន់ផងដែរ ដោយសារជាតិសរសៃ វីតាមីន B និងប៉ូតាស្យូម – សារធាតុចិញ្ចឹមដែលជួយជំរុញការរំលាយអាហារ និងជួយដុតបំផ្លាញជាតិខ្លាញ់៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ទម្លាប់ពេលព្រឹក ៥ យ៉ាង ជួយគ្រប់គ្រងអាស៊ីតអ៊ុយរិកក្នុងរាងកាយ

The post តើចេកខ្ចី ឬចេកទុំ មានជីវជាតិដូចគ្នាដែរទេ? appeared first on Kampuchea Thmey Daily.

​លោក ឃឹម ហ្វីណង់ ​អ្នក​នាំ​ពាក្យ​ក្រសួង​កសិកម្ម​ រុក្ខា​ប្រមាញ់ និង​នេសាទបានលើកឡើងថា ​ការ​​​នាំ​​​​ចេញ​​​ចេក​ស្រស់​របស់​កម្ពុជា​ទៅ​កាន់​ទីផ្សារ​បរទេស​មាន​ការ​កើនឡើង​​ដោយ​សារ​តែមានតម្រូវ​ការខ្ពស់។

​អ្នកស្រី ហេង ដាវី ប្រធាន​គ្រប់គ្រង​ក្រុមហ៊ុន ឡុង ស្រេង ចម្ការ​ចេក​នៅ​ក្នុង​ស្រុក​ស្ទឹងត្រង់បាន​ប្រាប់​ឱ្យ​ដឹងថា បច្ចុប្បន្ន​មាន​ទីផ្សារ​​ប្រទេស​ធំ​ពីរ​ដែល​ក្រុមហ៊ុន​បាន​នាំ​ចេញ​មាន​ទីផ្សារ​​ប្រទេស​ចិន និង​ជប៉ុន។ ​

អ្នកស្រី ហេង ដាវី បន្ថែមថា ​ក្នុង​មួយ​ថ្ងៃ​ក្រុមហ៊ុន​ត្រូវ​កាប់​ចេក​ចេញ​ពី​ចម្ការ​ពី ៦ ទៅ ៧ ពាន់​ស្និត​ដើម្បី​វេច​ខ្ចប់​នាំចេញ ដែល​មួយ​ថ្ងៃ​​​យ៉ាងហោចណាស់មានពី​​ ៣ កុងតឺន័រ និង​អាច​ឈាន​ដល់ ១០ កុងតឺន័រ​ នៅ​ពេល​មាន​តម្រូវការ​ខ្ពស់ ដែល​ភាគ​ច្រើន​នាំ​ទៅ​ទីផ្សារ​​​ប្រទេស​ចិន​និង​ជប៉ុន ខណៈ​ទីផ្សារ​ក្នុង​ស្រុក​មាន​ចំនួន​តិចតួច។ ​

​កម្ពុជារកចំណូលបានជាង ១៣៨ លានដុល្លារ ពីការនាំចេញ​ចេក​ស្រស់ នៅឆ្នាំ ២០២៤ ធ្លាក់ចុះជាង ១១% ធៀបនឹងឆ្នាំ ២០២៣។

​កម្ពុជា​មាន​ផ្ទៃដី​ដាំ​ដុះ​ចេក​ប្រមាណ​ជាង​ ១៦ ​ពាន់​ហិកតា និង​ផ្ទៃដី​កំពុង​​ប្រមូល​ផល​ជាង​១១​ពាន់​ហិកតា ដោយ​ក្នុងនោះ​ខេត្ត​ដែលមាន​ដាំ​ដុះ​ចេក​ច្រើនជាងគេ រួម​មាន​​ខេត្តរតនគិរី ក្រចេះ ស្ទឹង​ត្រែង កំពត កំពង់ចាម និងខេត្តកំពង់ស្ពឺ​៕

អត្ថបទ៖ ឡេង ដេត

The post ​កម្ពុជា​រកចំណូល​បាន​ ១១៦ លាន​ដុល្លារ ​ពី​ការ​នាំចេញ​ផ្លែ​ចេក​ស្រស់ ​ appeared first on Kampuchea Thmey Daily.

លោក ឃឹម ហ្វីណង់ អនុរដ្ឋលេខាធិការ និងជាអ្នក​នាំ​ពាក្យ​ក្រសួង​កសិកម្ម​ រុក្ខា​ប្រមាញ់ និង​នេសាទបានលើកឡើងថា ការ​​​នាំ​​​​ចេញ​​​ចេក​ស្រស់​របស់​កម្ពុជា​ទៅ​កាន់​ទីផ្សារ​បរទេស​មាន​ការ​កើនឡើង​ដោយសារ​តែមានតម្រូវ​ការខ្ពស់។

អ្នកស្រី ហេង ដាវី ប្រធាន​គ្រប់គ្រង​ក្រុមហ៊ុន ឡុង ស្រេង ចម្ការ​ចេក​នៅ​ក្នុង​ស្រុក​ស្ទឹងត្រង់បានប្រាប់ឱ្យដឹងថា បច្ចុប្បន្ន​មាន​ទីផ្សារ​​ប្រទេស​ធំ​ពីរ​ដែល​ក្រុមហ៊ុន​បាន​នាំ​ចេញ​មាន​ទីផ្សារ​​ប្រទេស​ចិន និង​ជប៉ុន។

អ្នកស្រី ហេង ដាវី បន្ថែមថា ​ក្នុង​មួយ​ថ្ងៃ​ក្រុមហ៊ុន​ត្រូវ​កាប់​ចេក​ចេញ​ពី​ចម្ការ​ពី ៦ ទៅ ៧ ពាន់​ស្និត​ដើម្បី​វេច​ខ្ចប់​នាំចេញ ដែល​មួយ​ថ្ងៃ​​​យ៉ាងហោចណាស់មានពី​​ ៣ កុងតឺន័រ និង​អាច​ឈាន​ដល់ ១០ កុងតឺន័រ​នៅ​ពេល​មាន​តម្រូវការ​ខ្ពស់ ដែល​ភាគ​ច្រើន​នាំ​ទៅ​ទីផ្សារ​​​ប្រទេស​ចិន​និង​ជប៉ុន ខណៈ​ទីផ្សារ​ក្នុង​ស្រុក​មាន​ចំនួន​តិចតួច​បំផុត។

ក្រុមហ៊ុន ឡុង ស្រេង ចម្ការ​ចេក កំពុង​វិនិយោគ​ការ​ដាំដុះ​ចេក​ពូជ​អំបូង​លឿង​លើ​ផ្ទៃដី​ប្រមាណ ២ ពាន់​ហិកតា​នៅ​ស្រុក​ស្ទឹងត្រង់​ខេត្តកំពង់ចាម និង​កំពុង​ពង្រីក​ការ​ដាំដុះ​រាប់​រយ​ហិកតា​ថែម​ទៀត​។

យោងតាមក្រសួងពាណិជ្ជកម្ម កម្ពុជារកចំណូលបានជាង ១៣៨ លានដុល្លារ ពីការនាំចេញ​ចេក​ស្រស់ នៅឆ្នាំ ២០២៤ ធ្លាក់ចុះជាង ១១% ធៀបនឹងឆ្នាំ ២០២៣។

កម្ពុជាមាន​ផ្ទៃដី​ដាំ​ដុះ​ចេកប្រមាណ​ជាង​ ១៦ ​ពាន់​ហិកតា និង​ផ្ទៃដី​កំពុង​​ប្រមូល​ផល​ជាង​១១​ពាន់​ហិកតា ដោយ​ក្នុងនោះ​ខេត្ត​ដែលមាន​ដាំ​ដុះ​ចេក​ច្រើនជាងគេ រួម​មាន​​ខេត្តរតនគិរី ក្រចេះ ស្ទឹង​ត្រែង កំពត កំពង់ចាម និងខេត្តកំពង់ស្ពឺ​៕

The post កម្ពុជានាំចេញផ្លែចេកស្រស់ជិត ១៥ ម៉ឺនតោន កើនឡើងជាង ១៥% នៅឆមាសទី១ appeared first on Kampuchea Thmey Daily.

អ្នក​ស្រី​ វន សាយ័ន ដែល​ជាអ្នក​ប្រកប​របរ​លក់​ផ្លែក​ចេក​ជា​ច្រើន​ប្រភេទ នៅក្នុង​ផ្សារ​មួយ​កន្លែង​កណ្ដាល​ក្រុង​បាត់ដំបង បាន​រៀបរាប់​ថា គាត់​បាន​ប្រកប​មុខ​របរ​លក់ផ្លែ​ចេក​ច្រើន​ឆ្នាំមកហើយ។ ក្នុងនោះមានដូចជា ចេកណាំវ៉ា ចេកពងមាន់ ចេកស្នាប់មុខ និងចេកអំបូងជាដើម ។

អាជីវករ​រូប​នេះ​បាន​បន្តថា ជាទូទៅ​ការ​ប្រកប​មុខ​របរ​រកស៊ីតែង​មានចំណេញតិច ចំណេញច្រើន ឬអាចខាតក៏​មាន​ដែរ ប៉ុន្តែ​ទោះ​បីជា​យ៉ាងណា ការ​រក​​ស៊ីនៅ​តែ​បន្តទៅមុខជារៀងរាល់ថ្ងៃ ដោយ​មិនសូវមាន​ថ្ងៃឈប់​​សម្រាក​ឡើយ ព្រោះ​​ជា​មុខ​​របរចិញ្ចឹម​ជីវិត។

អ្នក​ស្រី​ វន សាយ័ន បាន​បន្ត​ថា សព្វថ្ងៃ​សម្រាប់​ចេក​ណាំវ៉ា គឺ​មាន​ទីផ្សារ​ល្អ​ជាងគេ ដោយសារ​តែ​តម្រូវការ​របស់​ប្រជាពលរដ្ឋ​មាន​ច្រើនយ៉ាង ដូច​ជា​យក​ទៅ​សែនព្រេន ធ្វើនំ ឬធ្វើចេកចៀន​ជា​ដើម​។ ហេតុដូច្នេះ​ហើយ ទើប​ចេកណាំវ៉ា​មិន​សូវលក់​សល់​នោះ​ឡើយ។

ដោយ​ឡែក​សម្រាប់​តម្លៃ​សព្វថ្ងៃ​នេះ គឺ​លក់​ទៅ​តាម​ទំហំ​ស្និត ដោយ​ចាប់ពី ១.៥០០ រៀល ដល់ ៣.៥០០ រៀល ហើយចេក​ទាំងនេះ​ អ្នក​ស្រី​ផ្ទាល់​តែង​តែ​ដើរទិញគេតាមស្រុកនានា ពិសេសនៅស្រុកបាណន់តែម្ដង។

ទន្ទឹម​នេះ អ្នកស្រី​ បានត្អូញត្អែរ​ដែរ​ថា ការលក់ដូរមិន​ទៀងទាត់​នោះទេ ដោយតម្លៃជួនឡើង ជួនចុះភ្លាមៗ ដោយ​ពុំមាន​តម្លៃ​ឋិតថេរ​នោះឡើយ ដូច្នេះ​ហើយ​ការ​ទិញពី​តាម​ចម្ការ​របស់​ប្រជាពលរដ្ឋ​យក​មក​លក់បន្ត ក៏មានការ​លំបាក​ខ្លះ​ដែរ​ក្នុងការជួលគេដឹកជញ្ជូនដើម្បីមក​ដល់ទីផ្សារ ហើយ​បើលក់​មិនបានកម្រៃខ្លះទេក៏ជាផលវិបាកដែរ ប៉ុន្តែ​បើទោះបីជា​ចំណេញ​តិច​ក៏ដោយ​ក៏ជាជាងដេកស្ងៀមនៅ​ផ្ទះដោយគ្មានចំណូលនោះឡើយ៕

អត្ថបទ : សោ និយមរ័ត្ន

The post ចេកណាំវ៉ា ទោះលក់មិនបានតម្លៃខ្ពស់ ក៏មានទីផ្សារល្អ appeared first on Kampuchea Thmey Daily.

ប្រភពដដែលបានឱ្យដឹងថា អ្នកជំងឺខ្សោយតម្រងនោមកម្រិតធ្ងន់ គឺតម្រូវឱ្យប្រើប្រាស់ថ្នាំទៀងទាត់ ដើម្បីកាត់បន្ថយគ្រោះ ថ្នាក់ផ្សេងៗជាយថាហេតុ ដូចជាការឡើងសំពាធឈាម ហើមសួត និងវិបត្តិចលនាបេះដូងជាដើម។ ក្រៅពីនេះ ក៏ត្រូវ​យក​ចិត្តទុកដាក់លើការទទួលទានផងដែរ ពិសេសការទទួលទានអាហារប្រៃខ្លាំងដូចជា ប្រហុក ផ្អក ឬឆៃប៉ូវ និងអាហារដែលមានផ្ទុកសារធាតុប៉ូតាស្យូមខ្ពស់ដូចជា ចេក ក្រូច ផ្លែប័រ និងផ្លែដូង ជាដើម។

តាមការគូសបញ្ជាក់ បើសិនជាអ្នកជំងឺខ្សោយតម្រងនោម ទទួលទានអាហារដែលមានរៀបរាប់ខាងលើនេះ ពិសេសការទទួលទានអាហារដែលមានសារធាតុប៉ូតាស្យូមខ្ពស់ អាចនឹងបង្កឱ្យគ្រោះថ្នាក់ធ្ងន់ធ្ងរ និងបានណែនាំទៀតថា សម្រាប់ការទទួលទានសារជាតិអំបិល ធ្វើយ៉ាងណាមិនឱ្យលើសពី ៥ក្រាម ក្នុងរបបអាហារប្រចាំថ្ងៃឡើយ។ លើសពីនេះ ត្រូវកាត់បន្ថយ​សារធាតុខ្លាញ់ ដែលមានប្រពភពីសត្វ និងអាហារដែលមានសារធាតុផូស្វ័រ។

បើតាមការណែនាំ អ្នកជំងឺប្រភេទនេះ ត្រូវទទួលទឹកស្អាតក្នុងកម្រិតធម្មតា (១,៥ – ៣លីត្រ/ថ្ងៃ) បន្លែឆ្អិន ហើយ​បើ​ចំពោះ​សាច់ ដូចជាត្រី, មាន់, ទា គឺអាចទទួលបានក្នុង​កម្រិតសមល្មម ដោយមានជាឧទាហរណ៍បញ្ជាក់ សម្រាប់អ្នកជំងឺទំងន់ ៥០គីឡូក្រាម អាចបរិភោគសាច់សរុបមិនឱ្យលើសពី ១៥០ក្រាម ឬមួយខាំកន្លះក្នុងមួយថ្ងៃ។

គួរបញ្ជាក់ថា ការប្រើប្រាស់ថ្នាំសម្រាប់ការព្យាបាលតែមួយមុខ មិនគ្រប់គ្រាន់ទេ ចំពោះអ្នកជំងឺខ្សោយ​តម្រងនោម​កម្រិតធ្ងន់។ ហេតុនេះការទទួលទានបានត្រឹមត្រូវ ក៏ជាផ្នែកមួយអាចជួយថែរក្សាសុខភាព និងកាត់បន្ថយគ្រោះថ្នាក់ ប្រឈមផ្សេងៗផងដែរ៕

The post ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ appeared first on Kampuchea Thmey Daily.

បំណងនេះ ត្រូវបានលោក លោក Zhongdi Sun ប្រធានក្រុមហ៊ុន ZhongJiao Tongli លើកឡើង ក្នុងជំនួបដែលសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា អនុញ្ញាតឱ្យ ចូលជួបសម្តែងការគួរសម និងពិភាក្សាការងារ នាព្រឹក ថ្ងៃទី៦ ខែវិច្ឆិកា ឆ្នាំ២០២៤  ក្រៅកិច្ចប្រជុំកំពូលមហាអនុតំបន់មេគង្គ (GMS) លើកទី៨ ពីថ្ងៃទី៦-៧ ខែវិច្ឆិកា ឆ្នាំ២០២៤។

តាមរយៈជំនួប នៅទីក្រុងគុនមិញ ខេត្តយូណាន លោកប្រធានក្រុមហ៊ុនបានលើកឡើងថា កម្ពុជាគឺជាប្រទេសដែលមាននូវសុខសន្តិភាព ស្ថិរភាពនយោបាយ ដែលការណ៍នេះជាកាលានុវត្តភាព និងកត្តាអំណោយផល សម្រាប់ការវិនិយោគនៅក្នុងកម្ពុជា។ លោកប្រធានក្រុមហ៊ុនបានគោរពជម្រាបជូនសម្ដេចបវរធិបតីថា ក្រុមហ៊ុន Zhongjiao Tongli មានមូលដ្ឋាននៅក្រុងស៊ីអាន (Xi’an) និងមានប្រតិបត្តិការអាជីវកម្មលើវិស័យពាណិជ្ជកម្ម កសិកម្ម ថាលពលស្អាត និងប្រព័ន្ធដឹកជញ្ជូនឆ្លាតវៃ។

ជាការឆ្លើយតប សម្ដេចបវរធិបតី បានសម្ដែងនូវក្តីសោមន្សរីករាយ និងវាយតម្លៃខ្ពស់ចំពោះក្រុមហ៊ុន ដែលបានវិនិយោគ និងបង្ហាញចំណាប់អារម្មណ៍ពង្រីកការវិនិយោគរបស់ខ្លួននៅកម្ពុជាបន្ថែមទៀត។

សម្ដេចបវរធិបតី ក៏បានគូសបញ្ជាក់ផងដែរថា រាជរដ្ឋាភិបាលនៅតែផ្ដល់អាទិភាពទៅលើវិស័យកសិកម្ម និងបន្តគាំទ្រការវិនិយោគលើវិស័យនេះនៅកម្ពុជា។ ជាមួយគ្នានោះ សម្ដេចបវរធិបតី បានបញ្ជាក់ថា រាជរដ្ឋាភិបាលនឹងដាក់ចេញនូវគោលនយោបាយលេីកទឹកចិត្តការវិនិយោគនៅខេត្តភាគឦសាននៃប្រទេស ហើយផ្អែកតាមគោលនយោបាយនេះ ក្រុមហ៊ុនអាចពិនិត្យលទ្ធភាពវិនិយោគលើវិស័យផ្សេងៗទៀតនៅតំបន់នោះផងដែរ។

ពាក់ព័ន្ធនឹងលទ្ធភាពនៃការពង្រីការវិនិយោគរបស់ក្រុមហ៊ុននៅកម្ពុជា សម្ដេចបវរធិបតីបានលើកទឹកចិត្តឱ្យក្រុមហ៊ុនបន្តសហការនិងពិភាក្សាបន្ថែមទៀតជាមួយក្រសួងកសិកម្ម រុក្ខាប្រមាញ់ និងនេសាទ និងក្រុមប្រឹក្សាអភិវឌ្ឍន៍កម្ពុជា៕

The post ក្រុមហ៊ុន Zhongjiao Tongli គ្រោងពង្រីកការវិនិយោគលើវិស័យកសិកម្ម ក្នុងខេត្តរតនគិរី និងមណ្ឌលគិរី appeared first on Kampuchea Thmey Daily.