ទោះបីជាចម្រៀង Cover បទ «កំភេមតែងខ្លួន» របស់លោកទទួលបានការគាំទ្រនិងសរសើរច្រើនពីទស្សនិកជន ប៉ុន្តែអ្វីដែលធ្វើឱ្យកាន់តែភ្ញាក់ផ្អើលថែមទៀតគឺលោក ជា សុជាតិ ស្រាប់តែបង្ហើបថា នេះអាចជាបទចុងក្រោយរបស់ខ្លួន។

តារាចម្រៀងលោក ជា សុជាតិ បានបញ្ជាក់ថា នេះអាចជាបទ Cover ចុងក្រោយរបស់លោក ហើយតទៅមុខលោកអាចនឹងមានស្នាដៃបន្តបន្ទាប់សម្រាប់អ្នកគាំទ្រ។ លោកថា “តើបានមើលវីដេអូពេញហើយនៅទាំងអស់គ្នា? សង្ឃឹមថាបងប្អូនបានរីករាយកំសាន្ត និងចូលចិត្តវីដេអូមួយនេះ”។

ទន្ទឹមគ្នានៃការបញ្ចេញចម្រៀងCoverបទ«កំភេមតែ ងខ្លួន»សំនៀងដើមរបស់អធិរាជសំឡេងមាសលោក តា ស៊ីន ស៊ីសាមុត យើងសង្កេតឃើញមានការគាំទ្រនិងសរសើរពីដឹកដមសំឡេងរបស់តារាប្រុសខាងលើថាច្រៀងបានពិរោះដោយមានអ្នកខ្លះទៀតចង់ឃើញលោកបន្ត Cover បទចម្រៀងជំនាន់ដើម ឱ្យបានច្រើនផងដែរ៕ អត្ថបទ៖ ចាន់រ៉ា

The post ដ្បិតទទួលការគាំទ្រលើការ Cover បទ «កំភេមតែងខ្លួន» តែ ជា សុជាតិ អះអាងថា អាចជាបទចុងក្រោយ appeared first on Kampuchea Thmey Daily.

អ្នកនាង រឹម លក្ម្សី ភរិយារបស់លោក ជា សុជាតិ សមាជិកក្រុមតារាចម្រៀងល្បីឈ្មោះ «ក្មេងខ្មែរ» បានតបទៅកាន់បុគ្គលដែលរិះគន់រូបសម្រស់របស់ខ្លួនថា ខ្លួនមិនប្រកាន់នឹងពាក្យមាក់ងាយនោះឡើយ ក៏ព្រោះអ្នកនាង មិនបានឱ្យតម្លៃលើពាក្យសម្តីនោះឡើយ ខណៈអ្នកនាងបែរជាមានអារម្មណ៍ថាខ្លួនឯងមានសំណាងខ្លាំង ដែលបានបុរសដែលមិនមានចរិកដូចជាអ្នករិះគន់នោះមកធ្វើជាស្វាមី។

អ្នកនាង រឹម លក្ម្សី ថា “មិនអីទេមាត់ជារបស់អ្នក អ្នកអាចនិយាយអីក៏បាន មើលងាយរូបសម្រស់ខ្ញុំយ៉ាងណាក៏បាន ខ្ញុំអត់ប្រកាន់ទេ ព្រោះសម្តីរបស់អ្នកគ្មានតម្លៃក្នុងចិត្តខ្ញុំទេ”។ ឆ្លៀតក្នុងឱកាសនេះដែរ អ្នកនាងបានលើកឡើងនូវចំណុចខ្លះដែលខ្លួនយល់ថា សំណាងដែលបានលោក ជា សុជាតិ ជាស្វាមី។

១. ដាំបាយ ធ្វើម្ហូប លាងចាន បោកខោអាវ ការងារប្រពន្ធគាត់ធ្វើទាំងអស់ មិនឱ្យប្រពន្ធហត់ទេ ការងារប៉ាក្មេងម៉ាក់ក្មេងក៏គាត់ជួយគ្រប់យ៉ាងមិនដែលប្រកាន់ខ្លួនទេ។ ហត់យ៉ាងណាមិនដែលរអ៊ូទេធ្វើបានគ្រប់យ៉ាង។

២. ប្តីខ្ញុំល្អណាស់ គាត់និយាយប្រាប់ថាស្រឡាញ់ខ្ញុំរាល់ថ្ងៃ សសើរប្រពន្ធស្អាត ប្រពន្ធខ្ជូតរាល់ថ្ងៃ មិនថាសម្រស់ប្រពន្ធប្រែប្រួលប៉ុណ្ណា ពេលទម្ងន់គាត់មើលថែខ្ញុំដូចព្រះនាងអ៊ីចឹង មិនចង់ឱ្យប្រពន្ធទៅធ្វើការទេ ប្រាប់ប្រពន្ធថាឈប់ធ្វើការទៅចាំបងចិញ្ចឹម។ មិនចង់ឱ្យខ្ញុំធ្វើអីទេឱ្យសម្រាកឱ្យច្រើន សុខចិត្តហត់ម្នាក់ឯង ប្រពន្ធចង់ទៅណាក៏ជូនទៅដែរ មិនថាខ្លួនឯងធ្វើការហត់ អស់កម្លាំងប៉ុណ្ណា ឮប្រពន្ធមិនស្រួលខ្លួនវិញគឺនៅមិនសុខទេភ័យធ្វើអីមិនត្រូវទេ។

៣. ដល់ពេលសម្រាលហើយ យប់ឡើងគេងបានតែ១ម៉ោង មើលកូនដាច់យប់ម្នាក់ឯងរាល់ថ្ងៃក៏មិនដាស់ប្រពន្ធដែរ សុខចិត្តឱ្យប្រពន្ធគេង ឱ្យប្រពន្ធសម្រាកឱ្យច្រើនអត់ឱ្យប្រពន្ធហត់ទេ ។

៤. ពេលទំងន់ ឡើង ២៣គីឡូ ខ្ញុំនិយាយជាមួយគាត់ថា “បងអូនធាត់ណាស់” អ្វីដែលគាត់តបមកវិញគឺអត់ទេ ប្រពន្ធបងស្អាតណាស់ ប្រពន្ធបងខ្ជូតណាស់ ទោះអូនប៉ុន្មានគីឡូក៏បងនៅតែស្រឡាញ់អូនដែរ អូនស្ថិតនៅលេខរៀងទី១ ក្នុងចិត្តបងជានិច្ច ។

ទន្ទឹមនឹងសំណេរខាងលើនេះ អ្នកនាងក៏បានរៀបរាប់ពីទុក្ខលំបាកក្នុងនាមជាម្តាយម្នាក់ ដែលលះបង់យ៉ាងណា ពេលពពោះកូនក្នុងផ្ទៃ ហើយក៏បានបញ្ជាក់ទៅកាន់បុគ្គលដែលរិះគន់ខ្លួនទៀតថា “អ្នកមើលងាយខ្ញុំចុះ ខ្ញុំមិនប្រកាន់ទេព្រោះការលះបង់របស់ខ្ញុំមិនមែនសម្រាប់អ្នកទេ គឺសម្រាប់កូន ប្តីនិងក្រុមគ្រួសាររបស់ខ្ញុំ។

ជាមួយគ្នានេះ អ្នកនាងក៏មានពាក្យមួយឃ្លាផ្ញើទៅកាន់អ្នកម្តាយគ្រប់រូបនៅលើពិភពលោកនេះថា “អ្នកគឺជាមនុស្សស្រីពូកែ អស្ចារ្យ និងមហិមាបំផុត អរគុណសម្រាប់ការលះបង់គ្រប់បែបយ៉ាងដើម្បីកូនៗ”។

គួររំលឹកថា កាលពីថ្ងៃទី៩កុម្ភៈ លោក ជា សុជាតិ បានតែបង្ហាញអារម្មណ៍រំភើបចិត្តក្នុងនាមជាឪពុកកូនដំបូងខ្លួន ភ្ជាប់នឹងរូបភាពជុំគ្រួសារយ៉ាងមានក្តីសុខ ប៉ុន្តែស្រាប់តែមានម្ចាស់គណនីហ្វេសប៊ុកមួយ បានបញ្ចេញមតិមិនខ្វល់ថាប៉ះទង្គិចអារម្មណ៍អ្នកនាង លក្ម្សី ក្នុងនាមជាម្តាយឡើយ ដោយការចំអន់រូបរាងស្ត្រីក្រោយសម្រាល ខណៈដែលគេដឹងជាទូទៅហើយថា រាល់ការពោរពោះកូន ស្ត្រីលះបង់គ្រប់យ៉ាង ទាំងរូបសម្រស់ និងកម្លាំងកាយចិត្ត។

ដោយមើលឃើញបែបនេះ មហាជន និងអ្នកសិល្បៈមួយចំនួន បានចេញមកប្រតិកម្មនឹងមតិនេះ ក៏ដូចជាចែករំលែកព្រោងព្រាតពេញបណ្តាញទំនាក់ទំនងសង្គម។

មកទល់ពេលនេះ ភរិយាលោក ជា សុជាតិ ទើបតែសម្រាលកូនបានប៉ុន្មានថ្ងៃប៉ុណ្ណោះ ខណៈម្តាយនិងកូន មានសុខភាពល្អ​ សម្រាលបានជោគជ័យយ៉ាងរលូន​ និងសុខសុវត្ថិភាពផងដែរ។ ក្រោយប្រកាសដំណឹងល្អនេះ សាធារណជនដែលជាអ្នកគាំទ្រលោក ក៏បានចូលរួមអបអរសាទរ និងមានពាក្យជូនពរជាច្រើនទៅកាន់ប៉ាម៉ាក់មួយគូនេះផងដែរ៕

The post ភរិយា ជា សុជាតិ ប្រាប់អ្នករិះគន់ខ្លួនថា សម្តីនោះគ្មានតម្លៃឡើយ តែបែរជាយល់ថាសំណាងខ្លាំង មានស្វាមីបែបនេះ appeared first on Kampuchea Thmey Daily.

ទន្ទឹមនេះពិធីការិនីដ៏មានប្រជាប្រិយភាព សុភ័ក្រ កុសុម៉ា ក៏បានសម្តែងការហួសចិត្តនឹងម្ចាស់គណនីខាងលើផងដែរ ដែលបានបញ្ចេញមតិរិះគន់ភរិយាសមាជិកក្រុមក្មេងខ្មែរ លោក ជា សុជាតិ នូវរូបសម្បត្តិរបស់នាងដែលទើបតែសម្រាលកូនដំបូងថ្មីៗ។ រឿងរ៉ាវនេះ មហាជនក៏បានសម្តែងការខឹងសម្បារ និងដៀលធ្ងន់ៗទៅកាន់បុគ្គលរូបនោះផងដែរ។

កាលពីថ្ងៃទី៩កុម្ភៈ លោក ជា សុជាតិ ទើបតែបង្ហាញអារម្មណ៍រំភើបចិត្តក្នុងនាមជាឪពុកកូនដំបូងខ្លួន ភ្ជាប់នឹងរូបភាពជុំគ្រួសារយ៉ាងមានក្តីសុខ ប៉ុន្តែស្រាប់តែមានម្ចាស់គណនីហ្វេសប៊ុកមួយ បានបញ្ចេញមតិមិនខ្វល់ថាប៉ះទង្គិចអារម្មណ៍អ្នកនាង លក្ម្សី ក្នុងនាមជាម្តាយឡើយ ដោយការចំអន់រូបរាងស្ត្រីក្រោយសម្រាល ខណៈដែលគេដឹងជាទូទៅហើយថា រាល់ការពោរពោះកូន ស្ត្រីលះបង់គ្រប់យ៉ាង ទាំងរូបសម្រស់ និងកម្លាំងកាយចិត្ត។

ដោយមើលឃើញបែបនេះ មហាជន និងអ្នកសិល្បៈមួយចំនួន បានចេញមកប្រតិកម្មនឹងមតិនេះ ក៏ដូចជាចែករំលែកព្រោងព្រាតពេញបណ្តាញទំនាក់ទំនងសង្គម។ ក្នុងនោះ អ្នកនាង សុភ័ក្រ កុសុម៉ា លើកឡើងថា “គេបង្កើតហ្វេសបុកដើម្បីងាយស្រួលបង្កើតទំនាក់ទំនងល្អជាមួយគ្នានិងគ្នា មិនមែនមានដៃចេះតែសរសេរដោយមិនបានឆ្លងការគិតនោះទេ” ហើយថែមទាំងបានចោទសួរទៅកាន់បុគ្គលរូបនោះដែរថា “ការសរសេររបស់អ្នក ដឹងទេ វាធ្វើឱ្យប៉ះពាល់ដល់អារម្មណ៍គេ បើគេចិត្តធ្ងន់មានអី ចុះបើគេចិត្តទន់ គេមិនបាក់ទឹកចិត្ត!?”។

អ្នកនាងបន្ថែមថា “ឈប់ទៅ” ព្រោះថាខ្ញុំឆ្លងកាត់អស់ហើយតាំងពីខ្ញុំនៅក្មេង មីនេះខ្មៅម៉េះ អាក្រក់ម៉េះ មើលស្បែកខ្មៅឡើងគ្រើម មីក្របី មីខ្ទីង ខ្មៅឃើញតែធ្មេញ កាលបានលាបឡេសរដូចគេ ខ្មៅចឹងតតែដាំទឹកក្តៅកោស ខ្មៅចឹងត្រាំទឹកដោះគោមួយពាងក៏មិនសរដែរ ស្គាល់ភាពឈឺចាប់អស់ហើយ រស់ជាមនុស្សដូចគ្នាគួរណាចេះលើកទឹកចិត្ត ចេះសរសើរពាក្យល្អៗគឺបានបុណ្យណាស់”។

គួរជម្រាបថា មកទល់ពេលនេះ ភរិយាលោក ជា សុជាតិ ទើបតែសម្រាលកូនបានប៉ុន្មានថ្ងៃប៉ុណ្ណោះ ខណៈម្តាយនិងកូន មានសុខភាពល្អ​ សម្រាលបានជោគជ័យយ៉ាងរលូន​ និងសុខសុវត្ថិភាពផងដែរ។ ក្រោយប្រកាសដំណឹងល្អនេះ សាធារណជនដែលជាអ្នកគាំទ្រលោក ក៏បានចូលរួមអបអរសាទរ និងមានពាក្យជូនពរជាច្រើនទៅកាន់ប៉ាម៉ាក់មួយគូនេះផងដែរ។

គួររំលឹកថា សមាជិកក្រុមក្មេងខ្មែររូបនេះ បានភ្ជាប់ពាក្យនិងរៀបអាពាហ៍ពិពាហ៍ កាលពីអំឡុងត្រីមាសទី១ ដើមឆ្នាំ២០២៤ ជាមួយនារីរូបស្រស់ លក្ម្សី ដែលគេស្គាល់ថា Artist Manager របស់ក្រុមចម្រៀងក្មេងខ្មែរ ក្រោយសាងភាពផ្អែមល្អែមក្នុងនាមជាសង្សារច្រើនឆ្នាំ។ ត្រឹមតែជាង ១ខែ ក្រោយអាពាហ៍ពិពាហ៍ ភរិយារបស់លោក ចាប់ផ្តើមពពោះកូនដំបូង និងទើបតែសម្រាលកូនបាន ៣ថ្ងៃប៉ុណ្ណោះ៕

The post មហាជននិងអ្នកសិល្បៈ ប្រតិកម្មនឹងបុគ្គលម្នាក់ ក្រោយចំអន់សម្រស់ភរិយាលោក ជា សុជាតិ appeared first on Kampuchea Thmey Daily.

ខណៈឥឡូវនេះ ភរិយាលោកកំពុងសម្រាកនៅមន្ទីរពេទ្យកាល់ម៉ែត្រ ត្រៀមសម្រាលកូនដំបូងរបស់ខ្លួន។ ទន្ទឹមនឹងក្តីរំភើបនេះ លោក ជា សុជាតិ ក្នុងនាមជាស្វាមី ក៏មានពាក្យជូនពរទៅកាន់ភរិយាព្រមនិងកូន មានសុខភាពល្អ​ សម្រាលបានជោគជ័យយ៉ាងរលូន​ និងសុខសុវត្ថិភាពផងដែរ។

ក្រោយដឹងដំណឹងល្អនេះ សាធារណជនដែលជាអ្នកគាំទ្រលោក ក៏បានចូលរួមអបអរសាទរ និងមានពាក្យជូនពរជាច្រើនទៅកាន់ប៉ាម៉ាក់មួយគូនេះផងដែរ។

គួររំលឹកថា សមាជិកក្រុមក្មេងខ្មែររូបនេះ បានភ្ជាប់ពាក្យនិងរៀបអាពាហ៍ពិពាហ៍ កាលពីអំឡុងត្រីមាសទី១ ដើមឆ្នាំ២០២៤ ជាមួយនារីរូបស្រស់ លក្ម្សី ដែលគេស្គាល់ថា Artist Manager របស់ក្រុមចម្រៀងក្មេងខ្មែរ ក្រោយសាងភាពផ្អែមល្អែមក្នុងនាមជាសង្សារច្រើនឆ្នាំ។ ត្រឹមតែជាង ១ខែ ក្រោយអាពាហ៍ពិពាហ៍ អ្នកទាំងពីរទទួលបានកាដូកូនដំបូង ខណៈកំពុងសម្រាកនៅមន្ទីរពេទ្យកាល់ម៉ែត្រត្រៀមសម្រាលកូនដំបូងរបស់ខ្លួន ជាមួយនឹងក្តីរំភើប៕

The post ជា សុជាតិ រំភើបញាប់ញ័រមិនឈប់ ខណៈត្រៀមក្លាយជាប៉ាកូនដំបូង appeared first on Kampuchea Thmey Daily.