លោកស្រី ស្រ៊ុន ស្រីនាង អភិបាលរងខេត្កកណ្តាល បានមានប្រសាសន៍ថា៖ គោលបំណងនៃការរៀបចំវេទិការផ្សព្វផ្សាយនាពេលនេះ គឺចង់អោយប្រជាពលរដ្ឋមានការយល់ដឹងកាន់តែច្បាស់អំពីអ្វីទៅជាការជួញដូរមនុស្ស ឬ ការធ្វើអាជីវកម្មផ្លូវភេទលើស្ត្រី កុមារ ការប្រើអំពើហិង្សាផ្សេងៗ នឹងអោយពលរដ្ឋបានយល់ពីរបៀបនៃការការពារខ្លួន ឬដើម្បីរកជំនួយជាដើម។ ជាពិសេសដើម្បី លុបបំបាត់ការធ្វើអំពើជួញដូរមនុស្ស និងបង្ហាញពីការចូលរួមក្នុងការទទួលយកនូវចំណេះដឹងដើម្បីយកទៅផ្សព្វផ្សាយបន្តអោយបានទូលំទូលាយអំពីច្បាប់ស្តីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មភេទលើស្ត្រី និងកុមារ និង ច្បាប់ស្តីពី ការទប់ស្កាត់អំពើហិង្សាក្នុងគ្រួសារ និងកិច្ចការពារជនរងគ្រោះក៏ដូចជាផលវិបាកនៃការធ្វើចំណាកស្រុកដោយប្រថុយប្រថានផងដែរ។

លោកស្រី ស្រ៊ុន ស្រីនាង អភិបាលរងខេត្កកណ្តាល

លោកស្រីអភិបាលរងខេត្ត បានបន្តទៀតថា៖ តាមរយៈការផ្សព្វផ្សាយច្បាប់របស់លោកគ្រូឧទ្ទេសអំពីខ្លឹមសារនៃមេរៀននីមួយៗ ដែលបានធ្វើបទបង្ហាញតាមរយៈសំណួរចម្លើយ គឺពិតជាបានឆ្លុះបញ្ចាំងឱ្យឃើញថា ប្រជាពលរដ្ឋ  សិស្សា នុសិស្ស បានយល់ច្បាស់ពីអត្ថន័យ និងការជួយអន្តរាគមន៍នៅពេលដែលមានហេតុការណ៍កើតឡើង ពីវិធីសាស្ត្រ និងវិធានការទប់ស្កាត់បែបណា ឬ ក៏យើងត្រូវចូលរួមសហការបែបណាដើម្បីសហការបង្ក្រាបនូវបទល្មើសផ្សេងៗដែលបានកើតឡើង ពាក់ព័ន្ធទៅនឹងបទល្មើសហឹង្សាក្នុងគ្រួសារ ការកេងប្រវ័ញ្ចផ្លូវភេទលើស្ត្រី និងកុមារ តាមប្រព័ន្ធអនឡាញក្តី ហើយក៏ដូចជាការជួញដូរមនុស្សគ្រប់ទម្រង់និងគ្រប់រូបភាព និងផលប៉ះពាល់នៃការធ្វើចំណាកស្រុកដោយប្រថុយប្រថាន។

លោកស្រីអភិបាលរងខេត្ត បានផ្ដាំផ្ញើដល់អាជ្ញាធរមានសមត្ថកិច្ចគ្រប់លំដាប់ថ្នាក់ សូមបន្តអនុវត្តគោលនយោបាយភូមិ-ឃុំ មានសុវត្ថិភាព ឱ្យកាន់តែមានប្រសិទ្ធភាពខ្ពស់ និងសូមប្រជាពលរដ្ឋ ក្មួយៗ សិស្សានុសិស្ស និងស្ថាប័នពាក់ព័ន្ធនានា ក៏ដូចជាតំណាងម្ចាស់អាជីវកម្មនានា សូមចូលរួមសហការទាំងអស់គ្នាឲ្យបានយ៉ាងសកម្ម គ្រប់ទម្រង់គ្រប់រូបភាពដើម្បីនាំគ្នាជួយផ្សព្វផ្សាយ អប់រំ ទប់ស្កាត់ និងបង្ក្រាបអំពើជួញដូរមនុស្ស អំពើធ្វើអាជីវកម្មផ្លូវភេទ និងអំពើហិង្សាក្នុងគ្រួសារ ឲ្យមានប្រសិទ្ធភាពជាទីបំផុត និងសូមបន្តយកចិត្តទុកដាក់ចំពោះ សាច់ញាតិ ដែលគាត់ធ្វើចំណាកស្រុកក្រៅប្រទេសក្ដី ក្នុងប្រទេសក្ដី ត្រូវមានទំនាក់ទំនងជាមួយគ្នា សួរសុខទុក្ខគ្នាទៅវិញទៅមក ដើម្បីទទួលបានព័ត៌មានពីពួកគាត់ ព្រោះថាការធ្វើចំណាកស្រុកដោយប្រថុយប្រថាន ដែលមិនមានការគ្រប់គ្រងច្បាស់លាស់គឺជាមូលហេតុមួយដែលនាំឲ្យមានការជួញដូរមនុស្សទៅក្រៅប្រទេសផងដែរ។

ជាមួយគ្នាផងដែរលោកស្រីអភិបាលរងក៏បានអំពាវនាវ ឱ្យប្រជាពលរដ្ឋ ត្រូវចូលរួមចំណែកជាមួយរាជរដ្ឋាភិបាល ក៏ដូចជារដ្ឋបាលខេត្ត ក្រុង ស្រុក ក្នុងការទប់ស្កាត់នៅបទល្មើសបោកប្រាស់តាមប្រព័ន្ធបច្ចេកវិទ្យា Online scam ក្នុងករណីមានការសង្ស័យលួចលាក់ បើកនៅទីតាំងធ្វើអាជីវកម្ម Online scam សូមប្រជាពលរដ្ឋជួយរាយការណ៍មកដល់អាជ្ញាធរ ដើម្បីមានវិធានការចុះត្រួតពិនិត្យ និងបង្ក្រាបឱ្យបានទាន់ពេលវេលា។ការឆបោកតាមបច្ចេកវិទ្យា៕

The post អាជ្ញាធរខេត្តកណ្ដាល ផ្សព្វផ្សាយច្បាប់ស្តីពីការបង្ក្រាបអំពើជួញដូរមនុស្ស ហិង្សាក្នុងគ្រួសារ និងផលប៉ះពាល់ការធ្វើចំណាកស្រុកដោយប្រថុយប្រថាន appeared first on Kampuchea Thmey Daily.

តាមការបញ្ជាក់ពីសមត្ថកិច្ចបានអោយដឹងថា ដោយមានការស្រាវជ្រាវពីកម្លាំងសម្ងាត់ យ៉ាងយកចិត្តទុកដាក់ អស់ជាច្រើនថ្ងៃ ទើបសម្រេចចុះមកកាន់ទីតាំងខាងលើ បង្រ្កាបតែម្តង។ ជាក់ស្តែងកម្លាំងនគរបាលបានហ៊ុមព័ទ្ធខ្សែ ដើម្បីមិនមានអោយនរណាចេញចូលបានឡើយ ក្រៅពីកងកម្លាំង ការពារមានភាពចលាចល ជាយថាហេតុ។

ប្រភពពីដដែលបានអោយដឹងថា កម្លាំងជំនាញបានឃាត់ម្ចាស់ទីតាំងនិងបុគ្គលិកនារីៗ រួមទាំងអ្នកពាក់ព័ន្ធបម្រើការ ក្នុងហាងបូករួមទាំងសម្ភារះមួយចំនួនធំ យកទៅសួរនាំជាបណ្តោះអាសន្ន។

ក្រោយឡោមព័ទ្ធសមត្ថកិច្ចបានបញ្ជូនមនុស្សប្រុសស្រី ទៅអគ្គស្នងការដ្ឋាននគរបាលជាតិ ដើម្បីធ្វើការសួរនាំ និងបន្តតាមនីតិវិធីច្បាប់៕ អត្ថបទ ៖ រដ្ឋា

The post នាយកដ្ឋានប្រឆាំងការជួញដូរ ឆ្មក់បង្រ្កាបទីតាំងបារបារាំងមួយកន្លែង សង្ស័យលួចលាក់បង្កប់ជួញដូរផ្លូវភេទ appeared first on Kampuchea Thmey Daily.

សារជំរុញ និងណែនាំ បានធ្វើឡើងបន្ទាប់ពីប្រមុខក្រសួងមហាផ្ទៃ បានរកឃើញថា ពីមួយថ្ងៃទៅមួយថ្ងៃ ក្រុមជនល្មើសទាំងក្នុង និងក្រៅប្រទេស បានបន្តប្រើល្បិចកលបោកបញ្ឆោត និងអូសទាញមនុស្ស តាមវិធីសាស្រ្តគ្រប់ស្នៀត និងគ្រប់មធ្យោបាយ ក្រោមរូបភាពនាំទៅរៀបការជាមួយស្វាមីជាជនបរទេសមានបាន ឬទៅរកការងារមានប្រាក់ខែខ្ពស់ជាដើម។

ថ្លែងក្នុងពិធីបិទសន្និបាតបូកសរុបការងារប្រយុទ្ធប្រឆាំងអំពើជួញដូរមនុស្ស កាលពីថ្ងៃទី១៧ ខែមីនា ឆ្នាំ២០២៦ នៅទីស្តីការក្រសួងមហាផ្ទៃ លោក ស សុខា បានសង្កត់ធ្ងន់ថា គ្រប់គ្នានៅក្នុងសង្គមត្រូវតែមានទំនួលខុសត្រូវក្នុងការរួមចំណែកដោះស្រាយបញ្ហានេះជាមួយរាជរដ្ឋាភិបាល ក្រសួងស្ថាប័ន និងអាជ្ញាធរ។

បើតាមលោករដ្ឋមន្ត្រីមហាផ្ទៃ ក្នុងឆ្នាំកន្លងទៅ សមត្ថកិច្ចពាក់ព័ន្ធគ្រប់មូលដ្ឋានបានវាយលុក និងបង្ក្រាបសំបុកបទល្មើស ទាំងបទល្មើសប្រពៃណី និងមិនប្រពៃណីបានជាច្រើនករណី ដែលក្នុងនោះបទល្មើសជួញដូរមនុស្សត្រូវបានបង្ក្រាបទន្ទឹមគ្នានឹងប្រសិទ្ធភាពនៃយុទ្ធនាការបោសសម្អាតបទល្មើសឆ្លងដែន រួមទាំងអំពើឆបោកតាមប្រព័ន្ធបច្ចេកវិទ្យា។

តាមរបាយការណ៍របស់លោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស ក្នុងឆ្នាំ២០២៥ បទល្មើសជួញដូរមនុស្ស ជាពិសេសអំពើធ្វើអាជីវកម្មផ្លូវភេទ មានចំនួន២៧២ករណី ដែលក្នុងនោះ គឺអំពើជួញដូរមនុស្សមាន១២៨ករណី ឃាត់ខ្លួនជនសង្ស័យ២០៩នាក់ និងមានជនរងគ្រោះ៦០៩នាក់ (អនីតិជនសរុប៦០នាក់)៕

The post រដ្ឋមន្ត្រីមហាផ្ទៃ ជំរុញឱ្យមានការរួមគ្នាបង្កើនការផ្សព្វផ្សាយពីគ្រោះថ្នាក់នៃអំពើជួញដូរមនុស្ស appeared first on Kampuchea Thmey Daily.

យោង​តាម​សារព័ត៌មាន BBC, លោកស្រី Cilia Flores អាយុ៦៩​ឆ្នាំ​ ត្រូវ​បាន​គេ​មើល​ឃើញ​ថា ​ជា​ឥស្សរ​ជន​ដ៏​មាន​ឥទ្ធិ​ពល​បំផុត​មួយ​នៅ​ក្នុង​ប្រទេស​វ៉េណេ​ស៊ុយ​អេ​ឡា​ ជា​ប្រតិបត្តិ​ករ​នយោបាយ​ដែល​មាន​​សិទ្ធិ​ផ្ទាល់​ខ្លួនក្នុង​ការ​សម្រេច​ចិត្ត​ដោយ​ខ្លួ​ន​ឯង​​ ក្នុង​ការ​​បង្កើត​ទ្រព្យ​​សម្បត្តិ​​របស់​​ប្រទេស​អស់​ជា​ច្រើន​ទសវត្សរ៍​មក​ហើយ​។

បន្ទាប់​ពី​ការ​ដឹក​នាំ​សភា​ជាតិ​របស់​ប្រទេស​វេណេ​ស៊ុយ​អេ​ឡា​អស់​ជា​​ច្រើន​ឆ្នាំ​មក លោក​ស្រី ​បាន​ជួយ​ពង្រឹង​ការ​កាន់​អំណាច​របស់​ស្វាមី ​បន្ទាប់​ពី​ទទួល​បាន​ជ័យ​ជម្នះ​ក្នុង​​ការ​បោះ​ឆ្នោត​ប្រធានា​ធិប​តី​ឆ្នាំ២០១៣ របស់​ លោក ម៉ាឌូរ៉ូ។

ក្នុង​នាម​ជា​ស្ត្រី​ទី​មួយ លោក​ស្រី​ត្រូវ​បាន​គេ​ដាក់​រហស្សនាម​​ថា៖«អ្នក​ខ្លាំង​​លេខ​១​» របស់​ម៉ាឌូរ៉ូ។ ប៉ុន្តែ​នៅ​ក្នុង​តួ​នាទី​នោះ​ លោក​ស្រី​បាន​យក​កៅ​អី​ខាង​ក្រោយស្វាមី​​ជា​សាធារណៈ ដោយ​បង្ហាញ​ពី​មុខ​មាត់​គ្រួសារ​បន្ថែម​ទៀត​ចំពោះ​អ្វី​ដែល​អ្នក​រិះគន់​និយាយ​ថា​ «ជា​របប​ដ៏​ឃោរ​ឃៅ»​។

គួរ​ឱ្យ​ដឹង​ផង​ដែរ​ថា លោក​ស្រី Flores បាន​ប្រឈម​មុខ​នឹង​ការ​ចោទ​ប្រកាន់​ពី​អំពើ​ពុករលួយ និង​បក្ខ​ពួក​និយម ហើយ​ក្នុង​រយៈ​ពេល​ប៉ុន្មាន​ឆ្នាំ​ចុង​ក្រោយ​នេះ សមាជិក​គ្រួសារ​របស់​លោក​ស្រី​ត្រូវ​បាន​គេ​រក​ឃើញ​ថា​ មាន​ទោស​នៅ​ក្នុង​តុលា​ការ​សហរដ្ឋ​អាមេរិក​ពី​បទ​រត់​ពន្ធគ្រឿង​ញៀន​​កូ​កា​អ៊ីន​។

ក្នុង​ពេល​​​ថ្មី​ៗនេះ ​​លោក​ស្រី​​​ប្រឈម​​មុខ​​នឹង​​ការ​​ជួញ​​ដូរ​​គ្រឿង​​ញៀន និង​​ការ​​ចោទ​​ប្រកាន់​​​ពាក់​ព័ន្ធ​អាវុធ​​នៅ​​ក្នុង​​តុលា​ការ​​ក្រុង​​ញូវ​យ៉ក រួម​​ជា​មួយ​​ប្តី​​របស់​លោក​ស្រី​ផង​ដែរ​។

ក្នុង​អាជីព​របស់ខ្លួន​​ លោក​ស្រី​​បាន​​ប្រឈម​មុខ​នឹង​ការ​ចោទ​ប្រកាន់​ជា​ច្រើន​​ក្នុងសំណុំ​រឿង​​ប្រព្រឹត្ត​អំពើ​ពុក​រលួយ​។

ក្នុង​ឆ្នាំ២០១២ លោក​ស្រី ​ត្រូវ​បាន​ចោទ​ប្រកាន់​ដោយ​សហជីព​នៃ​​​បក្ខ​ពួក​និយម​ពី​​ឥទ្ធិ​ពល​​នៃ​ការ​ជួញ​ដូរ​​មនុស្ស​រហូត​ដល់ ៤០នាក់ រួម​ទាំង​សមាជិក​ជា​ច្រើន​នៃ​គ្រួសារ​របស់លោកស្រី​​​ផង​ដែរ​។

លោក​ Christopher Sabatini ជាមន្រ្តី​ជាន់​ខ្ពស់​និងប្រធាន​កម្មវិធី Chatham House’s Latin America ដែល​​ជា​វេទិកា​វិភាគ​​​លើ​កិច្ច​ការ​នយោបាយ​ សេដ្ឋកិច្ច ប្រចាំ​តំបន់អាមេរិក​ឡាទីន បាន​​និយាយ​ថា៖ «លោក​ស្រី​ Flores ត្រូវ​​បាន​គេ​រក​ឃើញ​ថា​ ជា​ផ្នែកដ៏​ធំ​មួយ​​នៃ​​រដ្ឋា​ភិបាល​ពុក​រលួយ រំលោភ​សិទ្ធិ​មនុស្ស និង​ប្រព្រឹត្តអំពើ​ឃោរ​ឃៅ​​នានាយ៉ាង​ធ្ងន់​ធ្ងរ​​»។

លោក​​បន្ថែម​​ថា​៖​«លោកស្រី​ជា​​អ្នក​​មាន​​អំណាច​​នៅ​​ពី​​ក្រោយ​​ខ្នង​ស្វាមី​។ ប៉ុន្តែ​អំណាច​ល្អ​ណា​មួយ​នៅ​ពី​ក្រោយ​បល្ល័ង្ក មនុស្ស​មួយ​ចំនួន​​ពិត​​ជា​មិន​បាន​ឃើញអ្វី​ដែល​នាង​បាន​ប្រព្រឹត្ត​យ៉ាង​សាហាវ​ឡើយ ដូច្នេះ​គ្មាន​នរណា​ម្នាក់​ដឹង​ថា​ លោកស្រី​មាន​អំណាច​ប៉ុណ្ណា​នោះ​ទេ»។

គួរ​ឱ្យ​ដឹង​ផង​ដែរ​ថា​ លោក​ស្រី Flores ​ត្រូវ​​បាន​​គេ​​រំពឹង​​ថា​​នឹង​​ឡើង​​តុលា​ការ​​នៅ​​ថ្ងៃ​​ចន្ទ​​នេះ​​៕

ប្រែសម្រួល៖ ណឺ មិនា

The post តើប្រពន្ធរបស់ម៉ាឌូរ៉ូ​ជានរណា និង​ ហេតុអ្វី​ត្រូវ​សហរដ្ឋអាមេរិកចាប់ខ្លួន​ដែរ? appeared first on Kampuchea Thmey Daily.

ប្រតិបត្តិការនេះបានធ្វេីឡេីងកាលពីវេលាម៉ោង៩យប់ ថ្ងៃទី១៤ ខែវិច្ឆិកា ឆ្នាំ២០២៥ ស្ថិតតាមបណ្ដោយផ្លូវបេតុងអមផ្លូវរថភ្លើង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានបានឲ្យដឹងថា មុនឈានដល់ការចុះបង្ក្រាបទីតាំងហាងផឹកស៊ីមួយកន្លែងខាលើនេះ មានការផ្ដល់ព័ត៌មានថា ទីតាំងហាងផឹកស៊ីយីហោ ប៉ាឧត្តម នេះមានបង្កប់សេវាផ្លូវភេទ ដោយរាល់ថ្ងៃមានភ្ញៀវចេញចូលច្រើន ដូច្នេះក្រោយមានសេចក្ដីរាយការណ៍កម្លាំងជំនាញនៃកងរាជអាវុធហត្ថបានធ្វើការស៊ើបអង្កេតស្រាវជ្រាវរហូតឈានដល់ការឆ្មក់ ចុះបង្ក្រាបជាក់ស្ដែងតែម្ដង ដោយឃាត់ខ្លួនបាននារីជាអនីតិថិជនចំនួន១២នាក់ និងបុរសម្នាក់ជាថៅកែហាង។

បច្ចុប្បន្នបុរសម្ចាស់ហាងរួមទាំងនារីទាំង១២នាក់ ត្រូវបាននាំយកទៅមូលរដ្ឋានកងរាជអាវុធហត្ថរាជធានីភ្នំពេញដេីម្បីធ្វេីការសួរនាំ និងបន្តតាមនីតិវិធីច្បាប់៕

អត្ថបទ៖ សុភា

The post អាវុធហត្ថរាជធានី ឆ្មក់បង្ក្រាបហាងផឹកស៊ីមួយកន្លែងដែលលួចបង្កប់សេវាកម្មផ្លូវភេទ appeared first on Kampuchea Thmey Daily.

មានប្រសាសន៍ជាមួយទឹកមុខម៉ឺងម៉ាត់ លោក ញ៉ែម សំអឿន បានគូសបញ្ជាក់ថា អាជ្ញាធរមានសមត្ថកិច្ចត្រូវចូលរួមតាមសមត្ថភាព លទ្ធភាព និងភារកិច្ចរៀងៗខ្លួនក្នុងការប្រយុទ្ធប្រឆាំងអំពើជួញដូរមនុស្ស​ និងកន្លែងដែលងាយរងគ្រោះ។ លោកថ្លែងថា៖«ត្រូវចូលរួមទាំងអស់គ្នា ព្រមទាំងប្រុងប្រយ័ត្ននូវគ្រប់ល្បិចកលជនល្មើស និងត្រៀមខ្លួនឱ្យបានល្អ ក្នុងការចូលរួមប្រយុទ្ធប្រឆាំងអំពើរជួញដូរមនុស្សគ្រប់រូបភាព និងជំរុញធ្វើសកម្មភាពប្រកបដោយឆន្ទៈ ឆ្លើយតបទៅនឹងការជួញដូរមនុស្ស អំពើធ្វើអាជីវកម្មផ្លូវភេទជាដើម»។ លើសពីនេះ លោកក៏ក្រើនរំលឹកឱ្យអនុវត្តយុទ្ធសាស្ត្រទាំង៤ របស់ផែនការជាតិមានជាអាទិ៍ ការងារបង្ការទប់ ស្កាត់ កិច្ចការពារជនរងគ្រោះ ការពង្រឹងការអនុវត្តច្បាប់ និងការពង្រឹងកិច្ចសហការ ជាមួយគ្រប់ភាគីពាក់ព័ន្ធឱ្យកាន់តែមានប្រសិទ្ធភាពខ្ពស់។

លោក ញ៉ែម សំអឿន មានប្រសាសន៍ថា បញ្ហាការជួញដូរមនុស្សគឺកើតឡើងជាសកល ហើយរាជរដ្ឋាភិបាលកម្ពុជាបានអនុវត្តវិធានការផ្សេងៗ និងការពង្រឹងស្ថាប័នជាបន្តបន្ទាប់ ហើយយើងកំពុងធ្វើការកែលម្អបន្តិចម្តងៗ ដើម្បីធានាបាននូវសិទ្ធិមនុស្ស និងសុខុមាលភាពប្រជាពលរដ្ឋ។ ដោយឡែកក្នុងក្របខ័ណ្ឌខេត្តរតនគិរី លោកថាទោះជាបានធ្វើសកម្មភាពមួយចំនួនកន្លងមកក្តី ក៏សង្កេតឃើញថា នៅមានចំណុចអសកម្មមួយចំនួនដូចជា របបប្រជុំ និងការផ្ញើរបាយការណ៍មិនទៀងទាត់ ជាពិសេសពុំសូវមានកិច្ចសហការជាមួយមន្ត្រីជំនាញ នៃមន្ទីរ-អង្គភាពពាក់ព័ន្ធ អាជ្ញាធរមូលដ្ឋាន និងអង្គការដៃគូរអភិវឌ្ឍន៍នានាជុំវិញខេត្តបានគ្រប់ជ្រុងជ្រោយនៅឡើយ។

លោកសង្កត់ធ្ងន់ថា៖«ដូច្នេះលេខាធិការដ្ឋាន ត្រូវបំពេញតួនាទីក្នុងការសម្របសម្រួលជាមួយថ្នាក់ជាតិ មន្ទីរ-អង្គភាពជំនាញ អាជ្ញាធរមូលដ្ឋានគ្រប់ថ្នាក់ និងត្រូវធ្វើការយ៉ាងជិតស្និទ្ធជាមួយអង្គការដៃគូរអភិវឌ្ឍន៍នានាឱ្យបានល្អប្រសើរបន្ថែមទៀត»។

បើតាមលោកស្រី ញាន ទិត្យចិន្តា អភិបាលរងខេត្ត ក្នុងរយៈពេល៩ខែ ឆ្នាំ២០២៥ បានឆ្លុះបញ្ចាំងឱ្យឃើញពីការយកចិត្តទុកដាក់ពីសំណាក់កងកម្លាំងប្រដាប់អាវុធទាំងបី មន្ទីរ-អង្គភាពពាក់ព័ន្ធ និងក្រុមការងារ លេខាធិការដ្ឋាន គ.ខ.ប.ជ បានរួមគ្នាដើម្បីធ្វើការបង្ការ-ទប់ស្កាត់ករណីអំពើជួញដូរមនុស្សក្នុងខេត្តរតនគិរី។ លោកស្រីឱ្យដឹងថា កន្លងមកនេះ អាជ្ញាធរបានបញ្ជ្រាបការផ្សព្វផ្សាយគោលនយោបាយ ភូមិ ឃុំ សង្កាត់ មានសុវត្ថិភាព ការធ្វើវេទិកាសាធារណៈ និងចុះតាមខ្នងផ្ទះដោយផ្ទាល់ជាមួយប្រជាពលរដ្ឋ ព្រមទាំងបានការពារស្តារនីតិសម្បទាជនងាយរងគ្រោះ តាមរយៈការផ្តល់សេវាគាំទ្រ ប្រឹក្សាយោបល់ដល់ជនរងគ្រោះដោយអំពើជួញដូរមនុស្ស និងអំពើធ្វើអាជីវកម្មផ្លូវភេទជាដើម។

លើសពីនេះ អាជ្ញាធរបានតាមដាន និងធ្វើបច្ចុប្បន្នភាពប្រជាពលរដ្ឋ ពលករ និងសិស្សនិស្សិត ដែលបានវិលត្រឡប់មកពីប្រទេសថៃព្រមទាំងស្វែងរកការងារជូនដល់បងប្អូនពលករ និងបានចុះផ្សព្វផ្សាយផលប៉ះពាល់នៃការរៀបអាពាហ៍ពិពាហ៍វ័យកុមារ ពលកម្មកុមារ ការចំណាកស្រុក ដោយប្រថុយប្រថាន ការទប់ស្កាត់ ការរំលោភបំពានលើកុមារ និងការកេងប្រវ័ញ្ចកុមារតាមប្រព័ន្ធអនឡាញ៕

ដោយ៖ ខៀវ ចាប

The post អភិបាលខេត្តរតនគិរី ជំរុញពង្រឹងទប់ស្កាត់ជួញដូរមនុស្ស និងកេងប្រវ័ញ្ចផ្លូវភេទលើស្ត្រី និងកុមារ appeared first on Kampuchea Thmey Daily.

ករណីនេះ​ត្រូវ​បាន​គេ​រក​ឃើញ​បន្ទាប់​ពី​ឪពុក​ម្តាយ​នៅ​ខេត្ត West Java បាន​រាយការណ៍​ថា​កូន​របស់​ពួក​គេ​ត្រូវ​បាន​ចាប់​ពង្រត់។ ក្រោយ​ការ​ស៊ើបអង្កេត​ប៉ូលិស​បាន​រក​ឃើញ​ថា ឪពុក​ម្តាយ​ទារកពិតជា​បាន​ធ្វើ​កិច្ចសន្យា​ប្រគល់​កូន​ឱ្យ​ក្រុមជួញដូរយក​លុយ​មែន តែពេលមិន​ទទួលបាន​លុយពីក្រុមជួញដូរទើបរាយការណ៍ប្រាប់ប៉ូលិស។

លោក Surawan មន្ត្រីប៉ូលិសជាន់ខ្ពស់នៅខេត្ត West Java ប្រទេសឥណ្ឌូណេស៊ី បានឲ្យដឹងថាជនសង្ស័យគឺជាផ្នែកមួយនៃក្រុមដែលបានរៀបចំប្រតិបត្តិការជួញដូរតាំងពីឆ្នាំ ២០២៣ មកម្លេះ។ ពួកគេបានកំណត់គោលដៅទៅលើម្តាយ ឬគ្រួសារដែលមិនអាច ឬមិនចង់មើលថែទាំកូនរបស់ពួកគេ ដោយផ្តល់ប្រាក់ឱ្យពួកគេជាថ្នូរនឹងការយកទារកទាំងនោះ។ នៅក្នុងចំណោមទាំងអស់មានទារក​​ខ្លះ​មាន​អាយុ​ត្រឹម​តែ​បី​ខែប៉ុណ្ណោះ ភាគច្រើន​ត្រូវ​បាន​គេ​យក​មក​ពីខេត្ត West Java និងបាន​ផ្លាស់​ទៅ​ទីក្រុង Pontianak នៅ​លើ​កោះ Borneo មុន​ពេល​បញ្ជូន​ទៅ​ប្រទេស​សិង្ហបុរី។

ទារក​ទាំង​នោះ​ត្រូវ​បាន​គេ​លក់​ក្នុង​តម្លៃ​ចន្លោះ​ពី ១១ ទៅ ១៦ លាន​រូពី​ឥណ្ឌូណេស៊ី (ប្រហែល ៦៧៦ ដុល្លារ​ដល់ ៩៨៣ ដុល្លារ)។ សមាជិកនីមួយៗនៃក្រុមជួញដូរមានតួនាទីជាក់លាក់រៀងៗខ្លួនដោយ អ្នកខ្លះស្វែងរកឪពុកម្តាយដែលចង់បោះបង់កូនរបស់ពួកគេ ខ្លះទៀតមើលថែទារក ហើយខ្លះទៀតទទួលខុសត្រូវក្នុងការបង្កើតឯកសារក្លែងក្លាយដូចជា សំបុត្រគ្រួសារ និងលិខិតឆ្លងដែនជាដើម។

នៅក្នុងប្រតិបត្តិការប៉ូលិសបានជួយសង្គ្រោះទារក ៥ នាក់នៅ Pontianak និងម្នាក់នៅ Tangerang ក្បែរទីក្រុងហ្សាកាតា។ ជនសង្ស័យទាំង១២នាក់ត្រូវបានចាប់ខ្លួននៅក្នុងទីក្រុងផ្សេងៗគ្នា រួមមានទីក្រុងហ្សាការតា ទីក្រុង Bandung និង Pontianak។

អាជ្ញាធរឥណ្ឌូណេស៊ី ឥឡូវនេះកំពុងធ្វើការជាមួយប៉ូលិសអន្តរជាតិដើម្បីស្វែងរក និងជួយសង្គ្រោះទារកដែលត្រូវបានជួញដូរពីមុនមកអាចស្ថិតនៅក្នុងប្រទេសសិង្ហបុរីរួចស្រាប់ហើយ៕

អត្ថបទ៖ ប៊ុន​ សុភាព

The post ប៉ូលិសឥណ្ឌូណេស៊ី​ចាប់​ខ្លួន​មនុស្ស ១២ ​នាក់ ពីបទ​ជួញ​ដូរ​ទារក​ទៅ​សិង្ហបុរី appeared first on Kampuchea Thmey Daily.

ទី១. តារាសម្តែង WangXing

នៅខែមករាឆ្នាំ ២០២៥ តារាសម្ដែង WangXing បានហោះហើរពីទីក្រុងសៀងហៃ ទៅកាន់ទីក្រុងបាងកក ដោយរំពឹងថា នឹងទទួលការថតរឿងមួយនៅក្នុងផលិតកម្ម។ នាពេលនោះ បុគ្គលិកផលិតកម្ម បានមកទទួលគាត់នៅអាកាសយានដ្ឋាន រួចបើកឡាននាំគាត់ទៅទៅកាន់ទីក្រុង MaeSot ជាស្រុកមួយនៅភាគខាងជើងនៃខេត្ត Tak ស្ថិតនៅតាមបណ្ដោយព្រំដែនថៃ-មីយ៉ាន់ម៉ា ហើយបន្ទាប់មកឆ្លងកាត់តំបន់ Myawaddy របស់ប្រទេសមីយ៉ាន់ម៉ាតែម្ដង។

តួសម្ដែងចិនល្បីឈ្មោះក្នុងរឿង «Ip Man វគ្គ៣» រូបនេះ ​ត្រូវ​បាន​គេ​ឃុំ​ខ្លួន​ក្នុង​បរិវេណ​ឆបោក កោរ​សក់ និង​បង្ខំ​ឲ្យប្រព្រឹត្ត​ការ​បន្លំ​តាម​អ៊ីនធឺណិត។ បន្ទាប់ពីការផ្ទុះកំហឹងពេញបណ្តាញសង្គម អាជ្ញាធរបានជួយសង្គ្រោះគាត់ពីរបីថ្ងៃក្រោយមក ហើយបញ្ជូនគាត់ទៅប្រទេសចិនវិញភ្លាមៗ។

ថ្វីដ្បិតតែលោកត្រូវអាជ្ញាធរជួយសង្គ្រោះទាន់ពេល បុន្តែជោគវាសនារបស់ជនរងគ្រោះជនជាតិចិនចំនួន ៤៩ នាក់ផ្សេងទៀត ដែលតារាសម្ដែង Wang Xing បានរាយការណ៍ថា ពួកគេសុទ្ធតែត្រូវបានឃុំខ្លួននៅក្នុងកន្លែងតែមួយនោះ នៅមិនទាន់ដឹងនៅឡើយទេមកដល់ពេលនេះ។

ទី២. តារាម៉ូដែល Yang Zeqi

នៅខែធ្នូ ឆ្នាំ ២០២៤ តារាប្រុសបានធ្វើដំណើរទៅទីក្រុងបាងកក ដោយគិតថាជាការងារថតកុនស្របច្បាប់តែប៉ុណ្ណោះ។ ក្រោយមក គាត់ស្រាប់តែបាន​បាត់​ខ្លួន​ក្នុង​រយៈ​ពេល​មួយ​ថ្ងៃ ហើយ​ជាក់​ស្តែង​ត្រូវ​បាន​ឃុំ​ខ្លួន​ក្រោម​ការ​ធ្វើ​បាប​នៅ​ក្នុង​មជ្ឈមណ្ឌល​ឆបោក ទំនាក់ទំនង​ចុង​ក្រោយ​របស់​គាត់ គឺ​ជា​ការ​ហៅ​ជា​វីដេអូ​ដោយ​បង្ហាញ​ស្នាម​ជាំពេញទាំងដងខ្លួន។

ឪពុករបស់ Yang Zeqi បានស្វែងរកជំនួយពីស្ថានទូតថៃ ហើយបានចាប់ផ្តើមយុទ្ធនាការប្រព័ន្ធផ្សព្វផ្សាយសង្គមភ្លាមៗ។ ក្រុមហ៊ុនច្បាប់ថៃដែលគ្រប់គ្រងករណីរបស់លោក Yang បានបញ្ជាក់ថា វាត្រូវបានបញ្ជូនទៅផ្នែកប្រឆាំងការជួញដូរមនុស្សនៃការិយាល័យស៊ើបអង្កេតកណ្តាលនៃប្រទេសថៃ ដែលនាំទៅដល់ការជួយសង្គ្រោះ បានទាន់ពេលនៅថ្ងៃទី ១៦ ខែមករា។

ទី៣. តារាសម្ដែង Xu Dajiu

តារាសម្ដែង Xu Dajiu បានបង្ហោះវីដេអូតាមរយៈ Xiaohongshu ដោយចែករំលែកនូវវិធីសាស្ត្រថ្មី ដែលក្រុមអ្នកបោកប្រាស់ប្រើដើម្បីជ្រើសរើសមនុស្ស។ លោកបញ្ជាក់ថា ខ្លួនក៏បានទទួលការអញ្ជើញទៅថតនៅថៃ នៅចុងឆ្នាំ២០២៤ តាមរយៈសេចក្តីជូនដំណឹងស្តីពីការជ្រើសរើសតួសម្តែង។ ដោយនឹកស្មានមិនដល់ ត្រឹមតែ៤នាទីក្រោយមក ភាគីម្ខាងទៀតបានប្រាប់ថា គាត់ត្រូវបានជ្រើសរើសដោយជោគជ័យ ហើយសុំឲ្យគាត់ជិះយន្តហោះទៅថៃ ដើម្បីថតរឿងនៅថ្ងៃបន្ទាប់។

បន្ទាប់​ពី​​ទៅ​ដល់​អាកាសយានដ្ឋាន​ថៃ មនុស្ស​ដែល​អះអាង​ថា​មក​ពី​ក្រុម​ការងារ​ភាពយន្ត​បាន​ព្យាយាម​យក​លិខិតឆ្លងដែន​របស់​គាត់។ ទោះ​បី​ជា​យ៉ាង​ណា គាត់​និង​គូកន​មិន​ព្រម​ធ្វើ​ដូច្នេះ​ទេ ហើយ​ភាគី​ម្ខាង​ទៀត​បាន​ដក​ខ្លួន​ចេញគួរឲ្យសង្ស័យ។ Xu Dajiu បាន​និយាយ​ក្នុង​រឿង​នេះ​ថា ការ​ថត​របស់​ក្រុម​នាវិក​នៅ​ប្រទេស​ថៃ​ពិត​ជា​ក្លែងក្លាយ ហើយ​ទិសដៅ​ពិតប្រាកដ​គឺ​ មីយ៉ាន់ម៉ា។ ពេល​មក​ដល់​អាកាសយានដ្ឋាន​បាងកក ពួក​គេ​នឹង​ត្រូវ​គេ​ដឹក​ចេញ​តាម​រថយន្ត ហើយដើម្បីទាក់ទាញជនរងគ្រោះឲ្យធ្លាក់ចូលក្នុងអន្ទាក់ ក្រុមអ្នកក្លែងបន្លំដំបូងនឹងផ្តល់អត្ថប្រយោជន៍ផ្សេងៗ រួមទាំងការទិញសំបុត្រយន្តហោះថ្លៃបំផុតផងដែរ។

ទី៤. តារាម៉ូដែល Zhong Hao Bi

បងស្រីរបស់ Zhong Hao Bin បានពន្យល់បានប្រកាសនៅលើប្រព័ន្ធផ្សព្វផ្សាយសង្គមថា កាលពីដើមខែមិថុនា អតីតនិយោជកម្នាក់បានសុំឲ្យប្អូនគាត់ធ្វើដំណើរទៅថៃ ដើម្បីថតរូបសម្រាប់ទស្សនាវដ្តីមួយ។ ដោយសារតែគ្រួសារកំពុងមានតម្រូវការផ្នែកហិរញ្ញវត្ថុ តារាប្រុសបានទទួលយកសំណើរដោយមិនស្ទាក់ស្ទើរ។ នៅ​ថ្ងៃ​ទី ៨ ខែ​មិថុនា លោក​បាន​ឡើង​យន្តហោះ​ពី Guangzhou ទៅ​អាកាសយានដ្ឋាន​អន្តរជាតិ Don Muang ក្នុង​ទីក្រុង​បាងកកភ្លាមៗ។

បន្ទាប់ពីមកដល់បាងកក លោកត្រូវបាននាំទៅខេត្ត Tak ជាខេត្តភាគខាងជើងប្រទេសថៃ និងជាកន្លែងដែលគាត់បានបាត់ដំណឹងសូន្យតែម្ដង។ នៅថ្ងៃទី ១៣ ខែមិថុនា តារាសម្ដែងប្រុសអាចទាក់ទងបងស្រី ហើយបង្ហាញថាគាត់ត្រូវបានគេបោកបញ្ឆោតឲ្យធ្វើដំណើរទៅប្រទេសមីយ៉ាន់ម៉ា។ ទោះយ៉ាងណាក៏ដោយ គាត់មិនអាចផ្តល់ឲ្យនាងនូវទីតាំងពិតប្រាកដនៅពេលនោះទេ។ ករណីរបស់នាបច្ចុប្បន្ននេះ កំពុងស៊ើបអង្កេតករណីពីក្រុមប៉ូលិសក្វាងចូវយ៉ាងស្វាហាប់បំផុត។

ទោះជាយ៉ាងនេះក្ដី នៅតែមានជនជាតិចិនរាប់រយនាក់ រួមទាំងតារាសម្តែង ម៉ូដែល និងអ្នកស្វែងរកការងារធម្មតា សុទ្ធតែត្រូវបានល្បួងដោយប្រើល្បិចស្រដៀងគ្នាទាំងអស់។ ក្រុមអ្នកឆបោក បានជ្រើសរើសប្រើប្រាស់ការផ្សាយពាណិជ្ជកម្មការងារនៅលើបណ្ដាញទំនាក់ទំនង WeChat ជាមួយនឹងតំណភ្ជាប់ដែលគេចោទប្រកាន់ទៅស្ទូឌីយ៉ូថៃ ដើម្បីទាក់ទាញពួកគេចូល បន្ទាប់មកដឹកជញ្ជូនពួកគេទៅកាន់មជ្ឈមណ្ឌលបោកប្រាស់នៅជិតព្រំដែនមីយ៉ាន់ម៉ាតែម្ដង។

គួរបញ្ចាក់ដែរថា មជ្ឈមណ្ឌលឆបោកគឺជាកន្លែងខុសច្បាប់នៅជិត Mae Sot/Myawaddy ជាកន្លែងដែលបុគ្គលដែលត្រូវបានជួញដូរប្រព្រឹត្តការក្លែងបន្លំតាមអ៊ីនធឺណិត ដូចជាការបោកប្រាស់ស្នេហា និងគម្រោងវិនិយោគក្លែងក្លាយ។ ជនរងគ្រោះជាច្រើនបានស៊ូទ្រាំនឹងពលកម្មដោយបង្ខំ ការវាយដំ ការគម្រាមកំហែង កោរសក់ ហើយអ្នកជាប់ឃុំរស់នៅក្រោមការឃ្លាំមើលជាប្រចាំ។ ប្រតិបត្តិការទាំងនេះ ដំណើរការដោយក្រុមឧក្រិដ្ឋជនចិន ក្នុងការសម្របសម្រួលជាមួយកងជីវពលមីយ៉ាន់ម៉ា ដោយកេងប្រវ័ញ្ចតាមព្រំដែន៕

អត្ថបទ៖ សាង ស្រីល័ក្ខ

ចុចអាន៖តារាម៉ូដែលចិនម្នាក់ទៀត បាត់ខ្លួនក្នុងតំបន់ជួញដូរមនុស្ស ថៃ-មីយ៉ាន់ម៉ាចុចអាន៖

.

The post ក្រុមឆបោកល្បួងតារាចិន ៤ រូប ធ្លាយទៅដល់ច្រកជួញដូរមនុស្ស ថៃ-មីយ៉ាន់ម៉ា appeared first on Kampuchea Thmey Daily.