តាមសេចក្តីរាយការណ៍របស់ Daily Mail កាលពីថ្ងៃអាទិត្យទី១៥ខែធ្នូឆ្នាំ២០២៤, ជំងឺនេះត្រូវគេឲ្យឈ្មោះថា Dinga Dinga ឬគេហៅថា «ជំងឺរាំ» ហើយគិតត្រឹមពេលនេះ វាឆ្លងដល់មនុស្សប្រហែល៣០០នាក់ហើយ ភាគច្រើនជាស្រ្តីនិងកុមារី ខណៈករណីចុងក្រោយបំផុត ត្រូវគេរាយការណ៍នៅក្នុងស្រុក Bundibugyo។

ក្រុមគ្រូពេទ្យនិយាយថា ជំងឺនេះចេញរោគសញ្ញាក្តៅខ្លួនខ្លាំង ធ្វើឲ្យអ្នកឆ្លងញ័រប្រាណមិនអាចទប់បាន និងពិបាកដើរ ហើយប្រភពដើមនៃមេរោគបង្កជាជំងឺនេះ ឬការឆ្លងរបស់វា ក៏គេមិនទាន់ដឹងច្បាស់ដែរ។

មិនទាន់មានថ្នាំព្យាបាលជំងឺ Dinga Dinga ឲ្យចំឡើយ ប៉ុន្តែវាក៏មិនសាហាវដែរ ព្រោះមកទល់ពេលនេះ គ្មានសេចក្តីរាយការណ៍អំពីតួលេខមនុស្សស្លាប់ទេ។

ពាក់ព័ន្ធជំងឺនេះ មន្ត្រីសុខាភិបាលក្នុងស្រុក បានអំពាវនាវដល់អាជ្ញាធរ ឲ្យបន្តតាមដានករណីសង្ស័យ ហើយជំរុញដល់ប្រជាពលរដ្ឋទាំងអស់ ត្រូវមានអនាម័យ និងប្រុងប្រយ័ត្នជាប់ជានិច្ច៕

សូមទស្សនាវីដេអូ៖

អត្ថបទ៖ សុខ សុវណ្ណ

ចុចអាន៖ ផ្ទុះជំងឺចម្លែកក្នុងប្រទេសឥណ្ឌា ស្លាប់ម្នាក់និងរាប់រយនាក់ធ្លាក់ខ្លួនឈឺ

The post ប្រទេសនៅអាហ្វ្រិក ផ្ទុះជំងឺចម្លែក អ្នកឆ្លងហើយ ញាក់ខ្លួនដូចរាំ appeared first on Kampuchea Thmey Daily.

លោកវេជ្ជបណ្ឌិត Tran Nguyen Anh Tu អនុប្រធាននាយកដ្ឋានសោភ័ណភាពស្បែក នៅមន្ទីរពេទ្យរោគសើស្បែកទីក្រុងហូជីមិញ បាននិយាយនៅក្នុងសន្និសីទវិទ្យាសាស្ត្រប្រចាំឆ្នាំកាលពីថ្ងៃអាទិត្យថា វាជាករណីដំបូងនៃជំងឺនេះដែលត្រូវបានកត់ត្រានៅក្នុងប្រទេសវៀតណាម។

ក្រុមគ្រួសារកុមារបាននិយាយថា នាងកើតមកថ្លង់ហើយគ និងមានពិការភាពខាងរាងកាយនិងផ្លូវចិត្ត។

នាងត្រូវបានបញ្ជូនទៅកាន់មន្ទីរពេទ្យដោយមានស្នាមអុជពណ៌ត្នោតនៅលើមុខនិងដងខ្លួន ហើយភាពមិនប្រក្រតីចំពោះឆ្អឹងថ្គាម ឆ្អឹងខ្នង ស្មាទ្រូងនិងធ្មេញ។

ការវិភាគហ្សែននៅមជ្ឈមណ្ឌលជីវសាស្ត្រម៉ូលេគុល នៃសកលវិទ្យាល័យវេជ្ជសាស្ត្រនិងឱសថសាស្រ្តទីក្រុង ហូជីមិញបានរកឃើញថា នាងមានការកំឡាយហ្សែន PTPN1 ដែលត្រូវបានគេជឿជាក់ថាបណ្តាលឲ្យមានជំងឺកម្របែបនេះ។

LEOPARD គឺជាជំងឺមិនធម្មតាដែលជាប់ពាក់ព័ន្ធជាមួយអាការមានអាចម៍រុយ ឈាមភ្នែក ស្ទះសួត ប្រដាប់បន្តពូជខុសប្រក្រតី មិនលូតលាស់ និងថ្លង់។ 

លោក Tu បាននិយាយថា ចាប់តាំងពីជំងឺនេះត្រូវបានគេបង្ហាញជាលើកដំបូងក្នុងឆ្នាំ១៩៣៦មក មានតែ២០០ករណីប៉ុណ្ណោះដែលត្រូវបានបញ្ជាក់នៅក្នុងប្រវត្តិសាស្រ្តពេទ្យ។

អ្នកដែលត្រូវបានគេធ្វើរោគវិនិច្ឆ័យឃើញថាមានជំងឺនេះ ចាំបាច់ត្រូវត្រួតពិនិត្យសុខភាពឲ្យបានដិតដល់បំផុត ហើយត្រូវពិនិត្យបេះដូងម្តងក្នុងមួយឆ្នាំ៕

ប្រែសម្រួលដោយ៖ Vann Vann

ប្រភព៖ VN Express

ចុចអាន៖ ផ្ទុះជំងឺចម្លែកក្នុងប្រទេសឥណ្ឌា ស្លាប់ម្នាក់និងរាប់រយនាក់ធ្លាក់ខ្លួនឈឺ

The post ជំងឺចម្លែក កម្របំផុតក្នុងពិភពលោក ត្រូវបានគេរកឃើញនៅ វៀតណាម appeared first on Kampuchea Thmey Daily.

អ្នកដែលស្លាប់កាលពីយប់ថ្ងៃអាទិត្យគឺជាបុរសអាយុ៤៥ឆ្នាំម្នាក់ដែលត្រូវបានបញ្ជូនចូលមន្ទីរពេទ្យ GGH ក្នុងទីក្រុង Eluru ដោយគាត់មានអាការៈចង្អោរនិងប្រកាច់។

មូលហេតុដែលគេសង្ស័យគឺថា អ្នកដែលឈឺគឺបានផឹកទឹកកខ្វក់ប៉ុន្តែព័ត៌មានលម្អិតមិនទាន់ត្រូវបានអាជ្ញាធរបញ្ជាក់នៅឡើយទេ។

អ្នកជំងឺបានត្អូញត្អែរអំពីអាការៈឈឺក្បាល ក្អួត វិលមុខនិងប្រកាច់។

នាយករដ្ឋមន្ត្រីរដ្ឋ Andhra Pradesh លោក Jaganmohan Reddy ត្រូវបានគេរំពឹងថានឹងចុះទៅមើលតំបន់ដែលរងផលប៉ះពាល់នៅថ្ងៃចន្ទនេះដើម្បីពិនិត្យស្ថានការណ៍។

មន្ត្រីរដ្ឋាភិបាលក្នុងតំបន់បាននិយាយថា មូលហេតុពិតប្រាកដនៃជំងឺនេះនឹងត្រូវបានគេដឹង ពេលណាអាជ្ញាធរសុខាភិបាលរបស់រដ្ឋចេញរបាយការណ៍ធ្វើតេស្តចុងក្រោយ៕

ប្រែសម្រួលដោយ៖ Vann Vann

ប្រភព៖ Xinhua

ចុចអាន៖ អ្នកនេសាទ៥០០នាក់កើតជំងឺចម្លែកក្រោយពេលវិលត្រឡប់មកពីសមុទ្រ

ចុចអាន៖ ចិនអះអាងថា វីរុសកូរ៉ូណាមានដើមកំណើតនៅក្នុងប្រទេសឥណ្ឌាដោយសារហេតុផលតែមួយគត់នេះ

The post ផ្ទុះជំងឺចម្លែកក្នុងប្រទេសឥណ្ឌា ស្លាប់ម្នាក់និងរាប់រយនាក់ធ្លាក់ខ្លួនឈឺ appeared first on Kampuchea Thmey Daily.

កម្មករបានឆ្លងជំងឺឆ្លងចម្លែកនេះនៅភាគខាងលិចប្រទេសសេណេហ្គាល់នៃទ្វីបអាហ្វ្រិកនៅពេលពួកគេវិលត្រឡប់មកដីគោកវិញ។

ពួកគេមានដំបៅនៅលើមុខហើយក្នុងករណីខ្លះក៏មានដំបៅនៅលើប្រដាប់ភេទផងដែរ។

អ្នកនេសាទដែលមកពីទីក្រុងនេសាទជាច្រើននៅជុំវិញរដ្ឋធានី Dakar ត្រូវបានគេដាក់ឲ្យនៅដាច់ដោយឡែកពីគ្នាដើម្បីព្យាបាល។

ករណីដំបូងនៃជំងឺនេះត្រូវបានគេរាយការណ៍កាលពីសប្តាហ៍មុន។

រូបភាពដែលគេចែករំលែកនៅលើបណ្តាញសង្គមបានបង្ហាញថា បុរសទាំងនោះមានហើមនិងពងបបូរមាត់ហើយមានអុជៗនៅលើដៃរបស់ពួកគេ។

មន្ត្រីសុខាភិបាលជាន់ខ្ពស់នៅក្នុងប្រទេសនេះបានបញ្ជាក់ពីស្ថានភាពដ៏គួរឲ្យភ្ញាក់ផ្អើលនេះកាលពីថ្ងៃព្រហស្បតិ៍។

លោក Ousmane Gueye នាយកផ្នែកព័ត៌មាននិងអប់រំសុខភាពជាតិបាននិយាយថា “វាជាជំងឺរលាកស្បែកដែលទាក់ទងនឹងជំងឺឆ្លងមួយ។ យើងកំពុងពិនិត្យបន្ថែមទៀតហើយសង្ឃឹមថានឹងដឹងថាវាជាអ្វីក្នុងពេលឆាប់ៗនេះ”។

កងទ័ពជើងទឹកសេណេហ្គាល់នឹងត្រូវបញ្ជូនទៅយកទឹកសម្រាប់ធ្វើការវិភាគ៕

ប្រែសម្រួលដោយ៖ Vann Vann

ប្រភព៖ Daily Star

The post អ្នកនេសាទ៥០០នាក់កើតជំងឺចម្លែកក្រោយពេលវិលត្រឡប់មកពីសមុទ្រ appeared first on Kampuchea Thmey Daily.