តាមការផ្សាយរបស់សារព័ត៌មាន Independent កាលពីថ្ងៃសៅរ៍ទី១៤ខែកុម្ភៈ, នេះគឺជាករណីស្លាប់លើកដំបូងដោយសារជំងឺនីប៉ាហ៍ សម្រាប់ការផ្ទុះករណីឆ្លងចុងក្រោយនេះ។

គិលានុបដ្ឋាយិកាអាយុ២៥ឆ្នាំដែលគេមិនបញ្ចេញឈ្មោះ បានស្លាប់ក្នុងមន្ទីរពេទ្យនៅរដ្ឋ West Bengal។ នាងគឺជាម្នាក់ក្នុងចំណោមមនុស្ស ២ នាក់ដែលបានឆ្លងវីរុសនៅក្នុងរដ្ឋនេះ ខណៈអ្នកជំងឺម្នាក់ទៀតដែលជាបុរសវ័យ២៧ឆ្នាំ បានជាសះស្បើយ និងអនុញ្ញាតឲ្យចេញពីមន្ទីរពេទ្យត្រឡប់ទៅផ្ទះវិញហើយ។

តាមការបញ្ជាក់ពីមន្ទីរពេទ្យ គិលានុបដ្ឋាយិកា ស្លាប់ដោយសារជំងឺខ្សោយបេះដូង ក្រោយពីមានផលវិបាកធ្ងន់ធ្ងរដោយសារឆ្លងជំងឺ រួមទាំងការឆ្លងមេរោគសួតបន្ទាប់បន្សំផងដែរ។

ជុំវិញករណីនេះ អាជ្ញាធរសុខាភិបាលឥណ្ឌា បានតាមដានមនុស្សប្រហែល ២០០ នាក់រួចហើយ ដែលធ្លាប់ប៉ះពាល់ជាមួយអ្នកជំងឺ ប៉ុន្តែលទ្ធផលធ្វើតេស្តបង្ហាញថាពួកគេ «អវិជ្ជមាន» ទាំងអស់។

ការស្លាប់អ្នកជំងឺនីប៉ាហ៍នៅឥណ្ឌា កើតឡើងតែប៉ុន្មានថ្ងៃប៉ុណ្ណោះ បន្ទាប់ពីអង្គការសុខភាពពិភពលោក (WHO) បានបញ្ជាក់ពីការស្លាប់របស់ស្ត្រីម្នាក់នៅ ប្រទេសបង់ក្លាដែស ដោយសារវីរុស នីប៉ាហ៍ នេះដែរ បន្ទាប់ពីនាងបានផឹកទឹកត្នោតផ្អែម៕

អត្ថបទ៖ សុខ សុវណ្ណ

The post ឥណ្ឌា មានមនុស្សស្លាប់ដោយសារជំងឺនីប៉ាហ៍, ម្នាក់នោះជា គិលានុបដ្ឋាយិកា appeared first on Kampuchea Thmey Daily.

តាមការផ្សាយរបស់ Bernama, ក្រសួងសុខាភិបាលម៉ាឡេស៊ី បានរឹតបន្តឹងការពិនិត្យសុខភាពនៅគ្រប់ច្រកទ្វារព្រំដែនអន្តរជាតិ ខណៈទីភ្នាក់ងារការពារ និងត្រួតពិនិត្យព្រំដែនម៉ាឡេស៊ី (AKPS) ក៏កំពុងបង្កើនការត្រួតពិនិត្យលើផលិតផលសត្វដែលមានហានិភ័យខ្ពស់ដែលនាំចូលពីប្រទេសឥណ្ឌាផងដែរ។

ស្របពេលជាមួយគ្នានោះដែរ ក្រសួងសុខាភិបាលបានសហការជាមួយនាយកដ្ឋានសេវាបសុសត្វ និងនាយកដ្ឋានសត្វព្រៃ ដើម្បីតាមដានស្ថានភាពសត្វស្រុក និងសត្វព្រៃ ទោះបីជាបច្ចុប្បន្នមិនទាន់រកឃើញវីរុសនេះលើសត្វទាំងនោះក៏ដោយ។

ក្រសួងក៏ណែនាំឲ្យប្រជាជននិងទេសចរ ត្រូវរក្សាអនាម័យផ្ទាល់ខ្លួនឲ្យបានល្អផងដែរ ចៀសវាងការប៉ះពាល់ជាមួយសត្វឈឺ និងត្រូវពាក់ម៉ាសនៅកន្លែងដែលមានមនុស្សច្រើន។

កាលពីសប្តាហ៍មុនប្រទេសឥណ្ឌា បានបញ្ជាក់ច្បាស់ពីការរកឃើញអ្នកឆ្លងវីរុសនីប៉ាហ៍ ចំនួន២ករណី ខណៈ១៩០នាក់ទៀត ធ្វើចត្តាឡីស័ក រង់ចាំលទ្ធផលធ្វើតេស្ត។

ការរកឃើញនេះត្រូវបានបញ្ជាក់ដោយមន្ទីរពេទ្យ Darjeeling ក្នុងរដ្ឋ West Bengal ខណៈអ្នកជំងឺទាំងពីរ បានចេញរោគសញ្ញាតាំងតែពីខែធ្នូមកម្ល៉េះ។

លោកបន្តថា៖ «ការឆ្លងវីរុសនីប៉ាហ៍ គឺមានគ្រោះថ្នាក់ខ្លាំងណាស់ ព្រោះមានហេតុផលបីយ៉ាងចំពោះបញ្ហានេះ។ ទីមួយ គឺគ្មានវិធីព្យាបាលជាក់លាក់ឲ្យជាសះស្បើយនោះទេ ហើយក៏គ្មានថ្នាំណាមួយដែលមានប្រសិទ្ធភាពឲ្យប្រាកដដែរ។ ទីពីរ មិនទាន់មានវ៉ាក់សាំងឬថ្នាំបង្ការសម្រាប់ជំងឺនេះឡើយ ហើយទីបី គឺ អត្រាឈឺនិងស្លាប់របស់វា គឺខ្ពស់ខ្លាំងណាស់រហូតដល់៧៥%ឯណោះ»៕

អត្ថបទ៖ សុខ សុវណ្ណ

The post ម៉ាឡេស៊ី បង្កើនការត្រួតពិនិត្យ ដើម្បីទប់ស្កាត់វីរុស នីប៉ាហ៍ appeared first on Kampuchea Thmey Daily.

សារព័ត៌មាន VN Express បានដកស្រង់សម្តីសាស្ត្រាចារ្យ Vu Quoc Dat អនុប្រធានផ្នែកជំងឺតំបន់ក្តៅ និងអន្តរាគមន៍កាត់បន្ថយគ្រោះថ្នាក់ នៃមន្ទីរពេទ្យសកលវិទ្យាល័យវេជ្ជសាស្ត្រទីក្រុងហាណូយ ដែលព្រមានកាលពីថ្ងៃសុក្រទី៣០ខែមករាឆ្នាំ២០២៦ថា ដោយសារតែនីប៉ាហ៍ មានកម្រិតមេរោគសាហាវខ្លាំងនិងមានអត្រាស្លាប់ខ្ពស់បំផុត ដូច្នេះត្រូវបែងចែករោគសញ្ញាឲ្យដាច់កុំឲ្យច្រឡំគ្នាជាមួយជំងឺផ្តាសាយ ដើម្បីការពារអាយុជីវិត។

លោកបានបញ្ជាក់ថា ពេលឆ្លងវីរុសនីប៉ាហ៍ដំបូង គឺវាចេញរោគសញ្ញាដូចជាគ្រុនក្តៅ ឈឺក្បាលនិងអស់កម្លាំងជាដើម។ ដូច្នេះ ការពិនិត្យឲ្យច្បាស់អំពីរោគសញ្ញាគឺជារឿងសំខាន់ ព្រោះថា អ្នកជំងឺអាចព្យាបាលទាន់ពេល មិនទុករហូតដល់អាការៈកាន់តែធ្ងន់ធ្ងរ ធ្វើឲ្យស្មុគស្មាញដល់ការព្យាបាល ដែលឈានដល់គ្រោះថ្នាក់ដល់ជីវិត។

ស្របពេលជាមួយគ្នានេះដែរ ក្រុមអ្នកជំនាញបានបង្ហាញក្តីបារម្ភថា ភាពគ្រោះថ្នាក់បំផុតនៃវីរុសនីប៉ាហ៍ គឺស្ថិតនៅលើសមត្ថភាពរបស់វា ក្នុងការវាយប្រហារសរីរាង្គជាច្រើនក្នុងពេលតែមួយ បន្ទាប់ពីវាចូលក្នុងរាងកាយ។ វាមិនត្រឹមតែបំផ្លាញផ្លូវដង្ហើមប៉ុណ្ណោះទេ វាក៏អាចឆ្លងកាត់របាំងការពារខួរក្បាល ទៅវាយប្រហារប្រព័ន្ធប្រសាទកណ្តាលទៀតផង។

អ្នកជំងឺក៏ប្រឈមមុខនឹងហានិភ័យនៃការខ្សោយដង្ហើមដោយសាររលាកសួតធ្ងន់ធ្ងរ និងការបាត់បង់ស្មារតី ប្រកាច់ ក៏ដូចជាសន្លប់ព្រោះតែការរលាកខួរក្បាលផងដែរ។ ស្ថានភាពទាំងនេះវិវឌ្ឍទៅមុខយ៉ាងឆាប់រហ័ស និងគំរាមកំហែងដល់អាយុជីវិតក្នុងរយៈពេលដ៏ខ្លី។

យ៉ាងណា បើយោងតាមក្រសួងសុខាភិបាលកម្ពុជា វីរុសនីប៉ាហ៍ មានរោគសញ្ញាដូចជា៖

• បុគ្គលដែលឆ្លងវីរុសនីប៉ាហ៍ អាចគ្មានរោគសញ្ញា រហូតដល់មានជំងឺផ្លូវដង្ហើមស្រួចស្រាវ និង រលាកខួរក្បាលធ្ងន់ធ្ងរ ដូចជាហើមខួរក្បាល និងអាចស្លាប់។ រយៈពេលពីឆ្លងវីរុសនីប៉ាហ៍រហូត ដល់ចាប់ផ្តើមមានរោគសញ្ញា គឺ មានចន្លោះពី ៤ថ្ងៃ ទៅ ១៤ ថ្ងៃ តែអាចរហូតដល់ ៤៥ ថ្ងៃ រោគ សញ្ញារួមមានគ្រុនក្តៅ ឈឺក្បាល ក្អក ឈឺបំពង់ក ពិបាកដកដង្ហើម ក្អួត ឈឺសាច់ដុំ។ នៅពេល ដែលខួរក្បាលហើម ធ្វើឲ្យ វិលមុខ ងងុយដេក វិបត្តិស្មារតី ប្រកាច់ សន្លប់ក្នុងអំឡុង ២៤-៤៨ ម៉ោង ដែលជារោគសញ្ញាទាក់ទងនិងប្រព័ន្ធប្រសាទ។
• បុគ្គលដែលមានជំងឺរលាកខួរក្បាលស្រួចស្រាវ តែងមានផលវិបាកប្រព័ន្ធប្រសាទរយៈពេលយូរ បន្ទាប់ពីជាសះស្បើយ ក្នុងនោះ ២០% នៃអ្នកជំងឺមានជំងឺប្រកាច់ ហើយបុគ្គលមួយចំនួនតូចឈឺ ឡើងវិញ ឬវិវត្តន៍ទៅជាមានជំងឺរលាកខួរក្បាលជាថ្មី។

មិនទាន់មានវ៉ាក់សាំងឬថ្នាំបង្ការសម្រាប់ជំងឺនេះឡើយ ហើយអត្រាឈឺនិងស្លាប់របស់វា គឺខ្ពស់ខ្លាំងណាស់រហូតដល់៧៥%ឯណោះ៕

អត្ថបទ៖ សុខ សុវណ្ណ

The post វៀតណាម ព្រមានថា រោគសញ្ញានីប៉ាហ៍និងផ្តាសាយដូចគ្នាណាស់ កុំប្រហែស ប្រយ័ត្នព្យាបាលមិនទាន់ appeared first on Kampuchea Thmey Daily.

ខុសពីកូវីដ-១៩ ដែលមានអត្រាស្លាប់ទាប, វីរុសនីប៉ាហ៍ មានអត្រាស្លាប់ចន្លោះ ៤០-៧៥% ដែលនេះមានន័យថា មនុស្ស១០នាក់ដែលឆ្លង អាចនឹងស្លាប់រហូតដល់ ៧ នាក់ទៅហើយ។

ជំងឺនីប៉ាហ៍ ឆ្លងពីសត្វប្រចៀវទៅសត្វផ្សេងៗដូចជាជ្រូក សេះ ពពែ ចៀម ឆ្មា និងឆ្កែ រួចចម្លងមកមនុស្សតាមរយៈការប៉ះពាល់ផ្ទាល់ជាមួយទឹកសរីរាង្គសត្វដូចជា នោមនៃសត្វទាំងនេះ ឈាម លាមកឬទឹក។ 

ដោយសារតែគ្មានវ៉ាក់សាំងនិងថ្នាំព្យាបាលជាក់លាក់ ទើបធ្វើឲ្យគេបារម្ភថា វាអាចនឹងក្លាយជាជំងឺរាតត្បាតដូចកូវីដ-១៩ ហើយប្រទេសនៅអាស៊ីអាគ្នេយ៍រួមទាំងកម្ពុជាផងដែរ កំពុងចាត់វិធានការដូចសម័យកូវីដដើម្បីបង្ការវីរុសនីប៉ាហ៍។

កម្ពុជា

លោក ឈាង រ៉ា រដ្ឋមន្ត្រីក្រសួងសុខាភិបាលកម្ពុជា បានបញ្ជាក់ថា ក្នុងករណីមានការសង្ស័យលើអ្នកដំណើរ មន្ត្រីត្រូវអនុវត្តតាមនីតិវិធីស្តង់ដា ក្នុងការឆ្លើយតបគ្រោះអាសន្នសុខភាពសារធាណៈនៅច្រកចេញចូលប្រទេស ដោយត្រូវមានការសហការគ្នាឲ្យបានជិតស្និតជាមួយគ្រប់ផ្នែកពាក់ព័ន្ធ អាកាសយានដ្ឋាន ក្រុមហ៊ុនអាកាសចរណ៍ មន្ទីរពេទ្យជាតិនិងមន្ទីរសុខាភិបាល នៃរដ្ឋបាលរាជធានីខេត្ត។

ជាជំហានបន្ទាប់ ត្រូវមានលំហាត់សមយុទ្ធត្រៀមពេលករណីសង្ស័យមកដល់ គិតតាំងការរកឃើញ ការដាក់ឲ្យនៅដាច់ដោយឡែក ការបញ្ជូន ការព្យាបាល និងការអនុញ្ញាតឲ្យចេញពីមន្ទីរពេទ្យ។

ថៃ

ថៃបានរឹតបន្តឹងការស្កេនកម្ដៅនិងពិនិត្យរោគសញ្ញា នៅព្រលានយន្តហោះសុវណ្ណភូមិ ដនមឿង និងភូកេត។ ថៃក៏ត្រៀមមន្ទីរពេទ្យធំៗដូចជា Rajavithi និង Lerdsin ឲ្យរៀបចំបន្ទប់ចត្តាឡីស័កនិងគ្រូពេទ្យជំនាញផងដែរ។

ម៉ាឡេស៊ី

ក្រៅពីពង្រឹងវិធានការសុខភាពនៅតាមអាកាសយានដ្ឋាន ម៉ាឡេស៊ីក៏បង្កើនការត្រួតពិនិត្យអនាម័យនៅតាមកសិដ្ឋានផងដែរ ព្រោះសត្វជ្រូកគឺជាភ្នាក់ងារចម្លងរោគដែលឆ្លងពីសត្វមកមនុស្ស។ លើសពីនេះ ម៉ាឡេស៊ី បានពិនិត្យយ៉ាងតឹងរ៉ឹងលើការនាំចូលសត្វរស់ ឬផលិតផលសាច់ពីតំបន់ដែលមានហានិភ័យ។

ម៉ាឡេស៊ីក៏អនុវត្តវិធានការរាយការណ៍រោគសញ្ញាតាមរយៈកម្មវិធីទូរស័ព្ទ (ស្រដៀងនឹង MySejahtera កាលសម័យកូវីដ) សម្រាប់អ្នកធ្វើដំណើរផងដែរ។

សិង្ហបុរី

សិង្ហបុរីបានប្រើប្រាស់ប្រព័ន្ធទិន្នន័យសុខាភិបាលដើម្បីតាមដានអ្នកធ្វើដំណើរដែលមានរោគសញ្ញាគ្រុនក្តៅខុសធម្មតា។ សិង្ហបុរីក៏សហការជាមួយអង្គការសុខភាពពិភពលោក (WHO) ដើម្បីចែករំលែកព័ត៌មានបច្ចេកទេស និងវិធីសាស្ត្រធ្វើតេស្តរហ័សផងដែរ។

សិង្ហបុរីក៏ស្កេនកម្ដៅអ្នកដំណើរ និងការចេញសេចក្តីណែនាំដល់គ្រូពេទ្យឲ្យបង្កើនការប្រុងប្រយ័ត្ន ចំពោះអ្នកជំងឺដែលមានរោគសញ្ញាផ្លូវដង្ហើម និងរលាកខួរក្បាលផងដែរ។

វៀតណាម និងឥណ្ឌូណេស៊ី

ប្រទេសទាំងពីរបានបង្កើនការឃ្លាំមើលជំងឺផ្លូវដង្ហើមដែលមិនមានប្រភពច្បាស់លាស់ និងណែនាំដល់មន្ទីរពេទ្យនានាឲ្យរាយការណ៍ជាបន្ទាន់នូវករណីដែលមានរោគសញ្ញាស្រដៀងនឹងជំងឺរលាកខួរក្បាល៕

អត្ថបទ៖ សុខ សុវណ្ណ

The post ប្រទេសនៅអាស៊ីអាគ្នេយ៍ ចាប់ផ្តើមអនុវត្តវិធានការកូវីដឡើងវិញ ដើម្បីទប់ស្កាត់ជំងឺនីប៉ាហ៍ appeared first on Kampuchea Thmey Daily.

ការរកឃើញនេះត្រូវបានបញ្ជាក់ដោយមន្ទីរពេទ្យ Darjeeling ក្នុងរដ្ឋ West Bengal ខណៈអ្នកជំងឺទាំងពីរ បានចេញរោគសញ្ញាតាំងតែពីខែធ្នូមកម្ល៉េះ។

SBS News បានដកស្រង់សម្តីវេជ្ជបណ្ឌិត Subarna Goswami នៅមន្ទីរពេទ្យខាងលើ ដែលនិយាយថា ក្រៅពីអ្នកទាំងពីរ គេកំពុងតាមដានមនុស្សជាច្រើននាក់ទៀតដែលពាក់ព័ន្ធជាមួយគ្នា ហើយជិត២០០នាក់ កំពុងធ្វើចត្តាឡីស័ក។

លោកបន្តថា៖ «ការឆ្លងវីរុសនីប៉ាហ៍ គឺមានគ្រោះថ្នាក់ខ្លាំងណាស់ ព្រោះមានហេតុផលបីយ៉ាងចំពោះបញ្ហានេះ។ ទីមួយ គឺគ្មានវិធីព្យាបាលជាក់លាក់ឲ្យជាសះស្បើយនោះទេ ហើយក៏គ្មានថ្នាំណាមួយដែលមានប្រសិទ្ធភាពឲ្យប្រាកដដែរ។ ទីពីរ មិនទាន់មានវ៉ាក់សាំងឬថ្នាំបង្ការសម្រាប់ជំងឺនេះឡើយ ហើយទីបី គឺ អត្រាឈឺនិងស្លាប់របស់វា គឺខ្ពស់ខ្លាំងណាស់រហូតដល់៧៥%ឯណោះ»។

សូមជម្រាបជាថ្មី បើយោងតាមក្រសួងសុខាភិបាលកម្ពុជា វីរុសនីប៉ាហ៍ ឆ្លងតាមរយៈ៖

• សត្វប្រចៀវស៊ីផ្លែឈើដែលមានវីរុស ហើយចម្លងវីរុសទៅសត្វជ្រូក សេះ ពពែ ចៀម ឆ្មា និងឆ្កែ រួចចម្លងមកមនុស្សតាមរយៈការប៉ះពាល់ផ្ទាល់ជាមួយទឹកសរីរាង្គសត្វដូចជា នោមនៃសត្វទាំងនេះ ឈាម លាមកឬទឹក។ 
• ការទទួលទានផ្លែឈើ ឬ ទឹកផ្លែឈើ (ដូចជាទឹកត្នោត) ដែលមានទឹកនោម ឬទឹកមាត់សត្វ ប្រចៀវដែលមានផ្ទុកវីរុសនីប៉ាហ៍ចូលក្នុងនោះ។
• មនុស្សប៉ះពាល់ផ្ទាល់ជាមួយសត្វប្រចៀវស៊ីផ្លែឈើដែលមានវីរុសនីប៉ាហ៍
• ការប៉ះពាល់ផ្ទាល់ ឬតាមរយៈទឹកសរីរាង្គរបស់បុគ្គលមានផ្ទុកវីរុសនីប៉ាហ៍ ដូចជា ឈាម ទឹកនោម ទឹកមាត់ ទឹកសំបោរ ឬតំណក់ទឹកតូចៗចេញពីផ្លូវដង្ហើម ឬច្រមុះ ។

ចំពោះរោគសញ្ញារួមមាន៖

• បុគ្គលដែលឆ្លងវីរុសនីប៉ាហ៍ អាចគ្មានរោគសញ្ញា រហូតដល់មានជំងឺផ្លូវដង្ហើមស្រួចស្រាវ និង រលាកខួរក្បាលធ្ងន់ធ្ងរ ដូចជាហើមខួរក្បាល និងអាចស្លាប់។ រយៈពេលពីឆ្លងវីរុសនីប៉ាហ៍រហូត ដល់ចាប់ផ្តើមមានរោគសញ្ញា គឺ មានចន្លោះពី ៤ថ្ងៃ ទៅ ១៤ ថ្ងៃ តែអាចរហូតដល់ ៤៥ ថ្ងៃ រោគ សញ្ញារួមមានគ្រុនក្តៅ ឈឺក្បាល ក្អក ឈឺបំពង់ក ពិបាកដកដង្ហើម ក្អួត ឈឺសាច់ដុំ។ នៅពេល ដែលខួរក្បាលហើម ធ្វើឲ្យ វិលមុខ ងងុយដេក វិបត្តិស្មារតី ប្រកាច់ សន្លប់ក្នុងអំឡុង ២៤-៤៨ ម៉ោង ដែលជារោគសញ្ញាទាក់ទងនិងប្រព័ន្ធប្រសាទ។
• បុគ្គលដែលមានជំងឺរលាកខួរក្បាលស្រួចស្រាវ តែងមានផលវិបាកប្រព័ន្ធប្រសាទរយៈពេលយូរ បន្ទាប់ពីជាសះស្បើយ ក្នុងនោះ ២០% នៃអ្នកជំងឺមានជំងឺប្រកាច់ ហើយបុគ្គលមួយចំនួនតូចឈឺ ឡើងវិញ ឬវិវត្តន៍ទៅជាមានជំងឺរលាកខួរក្បាលជាថ្មី៕

អត្ថបទ៖ សុខ សុវណ្ណ

The post មនុស្សជិត២០០នាក់ កំពុងធ្វើចត្តាឡីស័កនៅឥណ្ឌា ដោយសារវីរុសនីប៉ាហ៍ appeared first on Kampuchea Thmey Daily.

លោក ឈាង រ៉ា បានបញ្ជាក់ថា បច្ចុប្បន្នកម្ពុជាមិនទាន់មានករណីជំងឺនីប៉ាស៍នៅឡើយទេ ប៉ុន្តែក្រសួងសុខាភិបាលមានភារកិច្ច ក្នុងការរៀបចំបង្ការការចម្លងចូលទៅក្នុងសហគមន៍។ ក្នុងន័យនេះ លោកបានណែនាំថាក្នុងករណីមានការសង្ស័យលើអ្នកដំណើរ គឺត្រូវអនុវត្តតាមនីតិវិធីស្តង់ដា ក្នុងការឆ្លើយតបគ្រោះអាសន្នសុខភាពសារធាណៈនៅច្រកចេញចូលប្រទេស ដោយត្រូវមានការសហការគ្នាឱ្យបានជិតស្និតជាមួយគ្រប់ផ្នែកពាក់ព័ន្ធរួមមាន អាកាសយានដ្ឋាន ក្រុមហ៊ុនហោះហើរ មន្ទីរពេទ្យជាតិ និងមន្ទីរសុខាភិបាល នៃរដ្ឋបាលរាជធានី-ខេត្ត។ ជាជំហានបន្ទាប់ត្រូវមានលំហាត់សមយុទ្ធត្រៀមករណីមានសង្ស័យមកដល់ គិតតាំងការរកឃើញ ការដាក់ឱ្យនៅដាច់ដោយឡែក ការបញ្ជូន ការព្យាបាល និងការអនុញ្ញាតិឱ្យចេញពីមន្ទីរពេទ្យ។

ទន្ទឹមនេះ លោកបានថ្លែងអំណរគុណដល់ភាគីពាក់ព័ន្ធ ថ្នាក់ដឹកនាំ និងមន្ត្រីសុខាភិបាលដែលបានចូលរួម និងត្រៀមរួចជាស្រេច ដើម្បីឆ្លើយតបប្រកបដោយប្រសិទ្ធិភាព ដោយបន្ថែមថា «ត្រូវប្រុងប្រយ័ត្នខ្ពស់ កុំឱ្យមានការរបូតជំងឺនីប៉ាស៍ ចូលក្នុងប្រទេសរបស់យើង ហើយការការពារថ្ងៃនេះ អ្នកនឹងបានប្រសើរនៅថ្ងៃស្អែក»។

គួរបញ្ជាក់ថា ជំងឺនីប៉ាស៍ គឺជាជំងឺបង្កឡើងដោយវីរុសនីប៉ាស៍ឆ្លងរាលដាលដោយផ្ទុកលើសត្វប្រចៀវ សត្វប្រឹង និងអាចឆ្លងមក មនុស្ស និងជ្រូក។ ជំងឺនេះអាចឆ្លងពីមនុស្សម្នាក់ទៅមនុស្សម្នាក់ទៀត តាមរយៈការប៉ះពាល់ផ្ទាល់ តាមទឹកសរីរាង្គរបស់មនុស្ស និងមានអត្រាស្លាប់ចន្លោះពី៤០ភាគរយទៅ៧០ភាគរយ។ វីរុសរកឃើញដំបូងក្នុងឆ្នាំ១៩៩៩ នៅ ប្រទេសម៉ាឡេស៊ី និងប្រទេសសិង្ហបុរី បណ្តាលឱ្យមនុស្ស១០០នាក់បានស្លាប់ក្នុងចំណោមអ្នកឆ្លងវីរុសចំនួន៣០០ នាក់។

ប៉ុន្តែបន្ទាប់ពីពេលនោះរហូតមកដល់បច្ចុប្បន្នមិនមានការផ្ទុះឡើងជាថ្មីត្រូវបានគេរាយការណ៍ពីប្រទេសម៉ាឡេស៊ីទៀតទេ។ វីរុសត្រូវបានរកឃើញក្នុងប្រទេសបង់ក្លាដែស និងប្រទេសឥណ្ឌាក្នុងឆ្នាំ ២០០១ និងមានការផ្ទុះឡើងស្ទើររាល់ឆ្នាំក្នុងប្រទេសបង់ក្លាដែស និងភាគខាងកើតប្រទេសឥណ្ឌានៅចន្លោះពេលទៀងទាត់៕

អត្ថបទ៖ សំអឿន

The post កម្ពុជា ត្រៀមធ្វើលំហាត់សមយុទ្ធបង្ការជំងឺនីប៉ាស៍ ខណៈជំងឺនេះកំពុងផ្ទុះនៅតំបន់អាស៊ី appeared first on Kampuchea Thmey Daily.

មន្រ្តី​នាយកដ្ឋានប្រយុទ្ធនឹងជំងឺឆ្លងអាមេរិក​(CDC) បាន​ប្រាប់​កាសែត​ Daily Mail ថា ​ពួកគេ​កំពុង​ទាក់​ទង​យ៉ាង​ជិត​ស្និទ្ធ​ជា​មួយ​អាជ្ញាធរ​​ ដើម្បី​វាយ​តម្លៃ​ស្ថាន​ភាពនេះ​​។

អ្នក​​នាំ​ពាក្យ​​ម្នាក់ ​​បាន​​និយាយ​ថា​៖«នាយកដ្ឋានប្រយុទ្ធនឹងជំងឺឆ្លងកំពុង​​តាម​​ដាន​​ស្ថាន​ការណ៍ ​និង​​ត្រៀម​​ខ្លួន​​ជា​​ស្រេច​​ក្នុង​​ការ​​ជួយអ្នក​ជំងឺ​បន្ទាន់​ ​​ក្នុង​ករណី​ចាំបាច់»។

គួរ​ឱ្យ​ដឹង​ថា ក្រសួង​សុខាភិបាល​នៃ​ប្រទេស​ឥណ្ឌា​ បាន​បង្ហាញ​កាល​ពី​ថ្ងៃ​ពុធ​ មនុស្ស​ចំនួន១៩៦នាក់​ ដែល​បាន​ទាក់​ទង​ជា​មួយ​អ្នក​ជំងឺ​  ​ឥឡូវ​នេះ​កំពុង​​ត្រួត​ពិនិត្យ​រក​មើល​មេរោគ ដែល​អាច​ឆ្លង​ពី​មនុស្ស​ម្នាក់​ទៅ​មនុស្ស​ទៀត​ ជា​ពិសេស​អាច​សម្លាប់​មនុស្ស​ពី ៤០ ទៅ ៧៥ ភាគ​រយ​នៃ​អ្នក​ឆ្លង​។

បន្ទាប់​ពីតាម​ដាន​​ព័ត៌មាន​នេះ សិង្ហបុរី និងហុងកុង​បាន​ក្លាយ​ជា​ប្រទេស​ចុង​ក្រោយ​គេ​ក្នុង​តំបន់​ ដែល​ដាក់កំហិត​ការ​ធ្វើ​ដំណើរ​​ដែល​មក​​ដល់​ពី​ប្រទេស​ឥណ្ឌា រួម​ទាំង​ការ​ត្រួត​ពិនិត្យ​សីតុណ្ហភាព និង​ពិនិត្យ​សុខភាព​ជា​ចាំបាច់​។

យ៉ាងណា​កាល​​ពី​​ថ្ងៃ​ពុធ ចក្រភព​​អង់គ្លេស​​ក៏​​បាន​​ព្រមាន​​អ្នក​​​​ដំណើរ​ ចេញ​ចូល​ប្រ​ទេស​នានា ​​​អំពី​​ការ​​ផ្ទុះ​​ឡើង​​នៃ​​ជំងឺ​​នេះផង​​ដែរ។

ទិន្នន័យ​មួយ​បង្ហាញ​ថា​មនុស្ស​ជាង​ពីរ​លាន​នាក់​បាន​ធ្វើ​ដំណើរ​ ពីប្រទេស​ឥណ្ឌា​ទៅកាន់សហរដ្ឋអាមេរិកក្នុងឆ្នាំ២០២៣​ កើន​ឡើង​មួយ​ភាគ​បួន​ធៀប​នឹង​ឆ្នាំ​មុន​។

បច្ចុប្បន្ននេះ ប្រទេស​ឥណ្ឌា​​ទាំង​មូល​ កំពុង​ស្ថិត​ក្រោម​ការ​ណែ​នាំ​អំពី​ការ​ធ្វើ​ដំណើរ​ក្នុង​កម្រិត២​ ទៅ​សហរដ្ឋអាមេរិក មាន​ន័យ​ថា ​ស្នើ​ឱ្យ​អ្នក​ធ្វើ​ដំណើរ​បង្កើន​ការ​ប្រុងប្រយ័ត្ន ចំ​ពេល​មាន​របាយការណ៍​អំពី​ឧក្រិដ្ឋ​កម្ម និង​អំពើ​ភេរវកម្មជា​ដើម​។

វេជ្ជបណ្ឌិត លោក​ស្រី​ Krutika Kuppalli អ្នក​ជំនាញ​ខាងជំងឺឆ្លង​នៅ​រដ្ឋ​តិច​សាស់ ដែល​ពី​មុន​ធ្វើការ​នៅអង្គការសុខភាពពិភពលោក (WHO) បាន​ប្រាប់​កាសែត Daily Mail ថា​៖ «ការផ្ទុះឡើងនៃមេរោគ Nipah គឺជាអ្វីដែល​នាយកដ្ឋានប្រយុទ្ធនឹងជំងឺឆ្លង គួរតែតាមដានយ៉ាង​ដិតដល់​​​បំផុត​»។

លោក​ស្រី​បន្ថែម​ថា​ ខ្លួន​​បារម្ភ​ចំពោះ​ហានិភ័យ​នៃការផ្ទុះ​ឡើង​នៅ​ក្នុង​ប្រទេស​ឥណ្ឌា​ នឹង​រីក​រាល​ដាល់​ដល់​សហរដ្ឋអាមេរិក។ តែយ៉ាង​ណា​ស្ថាន​ភាព​នេះ ​មាន​សភាព​ឆ្លង​ទាប។ ចំណែក​ហានិភ័យ​របស់សហរដ្ឋអាមេរិក​ត្រូវ​បាន​តាម​ដាន​យ៉ាង​យក​ចិត្ត​ទុក​ដាក់​បំផុត​ ពាក់​ព័ន្ធ​នឹង​លទ្ធភាព​នៃ​ករណី​នាំ​ចូល​របស់​អ្នកដំណើរ ជា​ពិសេស​អ្នក​ដែល​មាន​បញ្ហាប្រឈម​ខ្ពស់ ឬ​មាន​បញ្ហា​សុខ​ភាព​ស្រាប់​៕

ប្រែ​សម្រួល៖ ណឺ មិនា

The post អាមេរិក​រឹត​បន្តឹង​ការ​ធ្វើ​ដំណើរ​ចេញ​-ចូល​​ឥណ្ឌា ក្រោម​ហេតុ​ផល​ «ការ​ឆ្លង​ជំងឺ​នីប៉ាហ៍» appeared first on Kampuchea Thmey Daily.

ការចុះពិនិត្យនេះ ធ្វើឡើងកាលពីថ្ងៃទី២៨ ខែមករា ឆ្នាំ២០២៦ អមដំណើរដោយ លោកឧកញ៉ា វ៉ាន់ ឆារស៍ នាយកគ្រប់គ្រងក្រុមហ៊ុន ខេមបូឌា អ៊ែរផត អិនវេសមិន ខូអិលធីឌី ឯ.ក (CAIC) និងមានការចូលរួមពីថ្នាក់ដឹកនាំទទួលបន្ទុកជំងឺឆ្លង វិទ្យាស្ថានជាតិសុខាភាពសាធារណៈ វិទ្យាស្ថានប៉ាស្ទ័រ អគ្គនាយកដ្ឋានអន្តោប្រវេសន៍ អគ្គនាយកដ្ឋានគយ និងរដ្ឋាករកម្ពុជា មន្រ្តីចត្តាឡីស័ក។

លោករដ្ឋមន្ត្រីបានសង្កត់ធ្ងន់ថា ក្នុងករណីមានការសង្ស័យលើអ្នកដំណើរ មន្ត្រីជំនាញត្រូវអនុវត្តតាមនីតិវិធីស្តង់ដា ក្នុងការឆ្លើយតបគ្រោះអាសន្នសុខភាពសារធាណៈនៅច្រកចេញចូលប្រទេស ដោយត្រូវមានការសហការគ្នាឱ្យបានជិតស្និតជាមួយគ្រប់ផ្នែកពាក់ព័ន្ធ អាកាសយានដ្ឋាន ក្រុមហ៊ុនហោះហើរ មន្ទីរពេទ្យជាតិ និងមន្ទីរសុខាភិបាល នៃរដ្ឋបាលរាជធានីខេត្ត។ ជាជំហានបន្ទាប់ត្រូវមានលំហាត់សមយុទ្ធត្រៀមករណីមានសង្ស័យមកដល់ គិតតាំងការរកឃើញ ការដាក់ឱ្យនៅដាច់ដោយឡែក ការបញ្ជូន ការព្យាបាល និងការអនុញ្ញាតិឱ្យចេញពីមន្ទីរពេទ្យ។

ជាមួយគ្នានេះ លោករដ្ឋមន្ត្រីក្រសួងសុខាភិបាល បានថ្លែងអំណរគុណដល់ភាគីពាក់ព័ន្ធ ថ្នាក់ដឹកនាំ និងមន្ត្រីសុខាភិបាលដែលបានចូលរួម និងត្រៀមរួចជាស្រេច ដើម្បីឆ្លើយតបប្រកបដោយប្រសិទ្ធិភាព៕

The post ទោះកម្ពុជាមិនទាន់មានជំងឺនីប៉ាស៍ ប៉ុន្តែក្រសួងសុខាភិបាល បានរៀបចំបង្ការការចម្លងចូលក្នុងសហគមន៍ appeared first on Kampuchea Thmey Daily.