ទិន្នន័យបានបង្ហាញកាលពីថ្ងៃពុធថា មនុស្សចាស់ជិតម្នាក់ក្នុងចំណោមចាស់១០នាក់នៅក្នុងប្រទេសកូរ៉េខាងត្បូងទទួល​រងពីជំងឺភ្លេចភ្លាំង​ ដែល​ជា​ប្រភេទ​​នៃ​​ជំងឺសរសៃប្រសាទដែលជាធម្មតាចាប់ផ្តើមបន្តិចម្តងៗ និងកាន់តែអាក្រក់ទៅៗ។ វាជាមូលហេតុពី ៦០-៧០% បណ្ដាលឲ្យកើតជំងឺវង្វេងភ្លេច​។ ជំងឺនេះមានរោគសញ្ញាដំបូងទូទៅបំផុតគឺការលំបាកក្នុងការចង​ចាំព្រឹត្តិការណ៍ថ្មីៗ។

នៅក្នុងប្រទេសកូរ៉េខាងត្បូងចំនួនអ្នកកើត​ជំងឺ​វង្វេងបានឡើងដល់៩៧ម៉ឺន​នាក់គិតត្រឹមឆ្នាំ២០២៥ ស្មើនឹង ៩.១៧ ភាគរយនៃអ្នកដែលមានអាយុចាប់ពី ៦៥ឆ្នាំឡើងទៅ។​ នេះបើយោងតាមទិន្នន័យដែលចងក្រងដោយក្រសួងសុខាភិបាល និងសុខុមាលភាពសង្គម។ តួលេខនេះត្រូវបានគេរំពឹងថានឹងលើសពី ១ លាននាក់នៅឆ្នាំក្រោយ និង២លាននាក់នៅឆ្នាំ ២០៤៤។

ក្រសួង បាននិយាយថា សមាមាត្រនៃករណីជំងឺវង្វេងក្នុងចំណោមមនុស្សវ័យចំណាស់បានថយចុះដោយសារតែការទទួល​បានការអប់រំផ្នែកសុខភាពល្អជាងមុន ប៉ុន្តែសមាមាត្រនៃករណីជំងឺវង្វេងក្នុងចំណោមមនុស្សចាស់ត្រូវបានគេរំពឹងថានឹងកើនឡើងនៅកម្រិត ១០ ភាគរយរហូតដល់ឆ្នាំ ២០៤៥និងកើនឡើងដល់ប្រហែល ១២% ទៅ១៣% នៅឆ្នាំ ២០៥៩។

ទោះយ៉ាងណា ក្រសួងសុខាភិបាលកូរ៉េខាងត្បូង ថាខ្លួននឹងបង្កើតវិធានការគាំទ្រសម្រាប់អ្នកជំងឺវង្វេង ដើម្បីកាត់បន្ថយបន្ទុកផ្នែកហិរញ្ញវត្ថុ និងការថែទាំគ្រួសាររបស់ពួកគេ៕

អត្ថបទ៖ ប៊ុន សុភាព

The post មនុស្សចាស់ជិតម្នាក់​ក្នុងចំណោម១០នាក់​នៅ​កូរ៉េខាងត្បូង​កើត​​ជំងឺវង្វេង​ភ្លេច​ភ្លាំង​ appeared first on Kampuchea Thmey Daily.

ចំពោះបញ្ហាខាងលើនេះ គ្រូពេទ្យបានចំណាយពេលជាង ២ ម៉ោងដើម្បីយកធ្មេញនោះចេញ ហើយនៅថ្ងៃបន្ទាប់ទើបគ្រូពេទ្យអនុញ្ញាតឲ្យអ្នកជំងឺត្រឡប់ទៅផ្ទះវិញ ។

បើតាមអ្នកជំនាញនៅសាកលវិទ្យាល័យ Texas Southwestern Medical Center ក្នុងទីក្រុង Dallas បានឲ្យដឹងថា អ្នកស្រីមិនមានរបួសធ្ងន់ធ្ងរដែលបណ្ដាលមកពីការដកធ្មេញចេញពីពោះនោះទេ ។ ក្រៅពីជំងឺវង្វេង អ្នកស្រីមានជំងឺដាច់សរសៃឈាមខួរក្បាល និងជំងឺមហារីកកូនកណ្ដុរប្រព័ន្ធសរសៃប្រសាទកណ្តាលផងដែរ ទើបធ្វើឲ្យគាត់មិនដឹងថាមានវត្ថុអ្វីចូលទៅក្នុងក្រពះនោះ ។

ចំណែកឯក្រុម​វេជ្ជ​សា​ស្រ្តវិញ​​បានបន្ថែម​ថា​ ធ្មេញជាវត្ថុពេញនិយមដែលអ្នកជំងឺវង្វេងលេប ក្រៅពីនេះពួកគេធ្លាប់លេបឆ្អឹងមាន់ ឆ្អឹងត្រី និងគ្រឿងអលង្ការថែមទៀតផង ៕

ប្រែសម្រួល៖ វារី

ប្រភព៖ dailymail

ចុចអាន៖ អ្នកជំនាញព្រមានថា អ្នកកើតជំងឺវង្វេង អាចកើនបីដងនៅឆ្នាំ ២០៥០

The post ស្រ្តី អាមេរិក ដែលមានជំងឺវង្វេងម្នាក់ ច្រឡំលេបធ្មេញសិប្បនិម្មិតចូលពោះ appeared first on Kampuchea Thmey Daily.

ក្នុងការពិសោធន៍នោះ គេឲ្យអ្នកជំងឺអាល់ហ្សៃមឺរកម្រិតស្រាលទៅមធ្យម ៦១៣ នាក់ទទួលទានវីតាមីន E រាល់ថ្ងៃជាមួយនឹងថ្នាំ mamantine ហើយគេសង្កេតឃើញថា ពួកគេអាចធ្វើការធម្មតាបានច្រើនជាងមុន ១៩ ភាគរយ ដោយមិនចាំបាច់ពឹងពាក់អ្នកមើលថែ ។

ក្រុមដែលដឹកនាំដោយដុកទ័រ Maurice Dysken និយាយថា ការរកឃើញនេះជួយសម្រាលបន្ទុកអ្នកថែទាំមួយកម្រិតដែរ ។ ចំណែកដុកទ័រ Dough Brown ប្រធានផ្នែកស្រាវជ្រាវ និងអភិវឌ្ឍន៍នៃសង្គមមានប្រសាសន៍ដែរថា ទ្រឹស្ដីខាងលើត្រូវការការស្រាវជ្រាវបន្ថែមដើម្បីដឹងច្បាស់ពីវីតាមីន E តើពិតជាមានអត្ថប្រយោជន៍សម្រាប់អ្នកដែលមានជំងឺវង្វេងដែរឬយ៉ាងណា ។

ទោះជាវីតាមីនពិតជាផ្ដល់ប្រយោជន៍ក្ដី អ្នកត្រូវពិគ្រោះយោបល់ជាមួយគ្រូពេទ្យជាមុនសិនសឹមចាប់ផ្ដើមទទួលទាន ៕

ប្រែសម្រួល ៖ វារី

ចុចអាន ៖ អ្នកជំនាញព្រមានថា អ្នកកើតជំងឺវង្វេង អាចកើនបីដងនៅឆ្នាំ ២០៥០

The post ទទួលទានវីតាមីន E គ្រប់គ្រាន់ក្នុងមួយថ្ងៃ អាចជួយកាត់បន្ថយជំងឺវង្វេង appeared first on Kampuchea Thmey Daily.

សារព័ត៌មាន​ BBC បាន​ចុះ​ផ្សាយ​កាល​ពី​ថ្ងៃ​ទី​៩ ខែ​មករា ឆ្នាំ​២០២២ ដោយ​បាន​ដក​ស្រង់​ការ​សិក្សា​របស់​អ្នក​ជំនាញ​ថា ការ​កើន​ឡើង​នេះ ​កើត​ចេញ​ពី​ចំនួន​ប្រ​ជា​ពល​រដ្ឋ​ពិភព​លោក​កើន​ឡើង និង​កត្តា​មនុស្ស​វ័យ​ចំណាស់​ក៏​កាន់​តែ​ច្រើន​ដែរ។ ដូច​គ្នា​ដែរ កត្តា​ធាត់ ជំងឺ​ទឹក​នោម​ផ្អែម​ និង​ការ​ជក់​បារី ក៏​ជា​កត្តា​ធ្វើ​ឲ្យ​មាន​ជំងឺ​នេះ​ផង​ដែរ​។

ការ​សិក្សា​នេះ​ធ្វើ​ឡើង​លើ​មនុស្ស​នៅ​ ១៥០​ប្រទេស​ផ្សេង​គ្នា ក្នុង​គោល​បំណង​ផ្ដល់​ជា​គំនិត​ដល់​រដ្ឋាភិបាល​ដើម្បី​ជួយ​គាំទ្រ ឬ​មាន​វិធានការ​ដោះ​ស្រាយ​បញ្ហា​ទាំង​នេះ។

ជំងឺ​វង្វេង​ជា​មូលហេតុ​ធំ​ទី​ប្រាំពីរ​បង្ក​ឲ្យ​មនុស្ស​ស្លាប់​នៅ​ទូទាំង​ពិភព​លោក ហើយ​ក៏​ជា​មូល​ហេតុ​ចម្បង​មួយ​ធ្វើ​ឲ្យ​មនុស្ស​មាន​ពិការភាព និង​ត្រូវ​ការ​អ្នក​មើល​ថែ​ ក្នុង​ចំណោម​មនុស្ស​វ័យ​ចំណាស់​ជា​ច្រើន​ទៀត​។​

ដើម្បី​ដោះ​ស្រាយ​បញ្ហា​នេះ​អ្នក​ស្រាវ​ជ្រាវ​បាន​លើក​ឡើង​ថា​ ត្រូវ​មាន​កម្មវិធី​លើក​​ទឹក​ចិត្ត​ឲ្យ​ប្រ​ជា​ពល​រដ្ឋ​ទទួល​បាន​របប​អាហារ​ល្អ​ចំពោះ​សុខ​ភាព ឈប់​ជក់​បារី ហាត់​ប្រាណ​ឲ្យ​បាន​ទៀង​ទាត់ និង​ទទួល​បាន​ការ​អប់​រំ​កាន់​តែ​ប្រសើរ​៕

អត្ថបទផ្ដល់ដោយ៖ Hello Krupet

ចុចអាន៖តិចនិកការពារកូនតូចៗ មិនទាន់ចាក់វ៉ាក់សាំង ពីវីរុសបំប្លែងថ្មី អូមីក្រុង

The post អ្នកជំនាញព្រមានថា អ្នកកើតជំងឺវង្វេង អាចកើនបីដងនៅឆ្នាំ ២០៥០ appeared first on Kampuchea Thmey Daily.

លោកវរសេនីយ៍ឯក ស៊ិន ណារ៉ាក់ អធិការនគរបាល ស្រុកមង្គលបូរី បានឱ្យដឹងថា ក្រុមគ្រួសារជនរងគ្រោះកើតជំងឺវង្វេងស្មារតី ហើយតែងតែដើរឡើងលើភ្នំធំនេះជាញឹកញាប់។

មុនថ្ងៃកើតហេតុជនរងគ្រោះបានបាត់ពីផ្ទះមួយយប់ លុះព្រឹកវេលាម៉ោង៥និង៣០នាទីព្រឹកប្រជាពលរដ្ឋបានប្រទះឃើញសព ស្លាប់នៅជើងភ្នំធំ។

ក្រោយពីកើតហេតុសមត្ថកិច្ចបានចុះមកដល់កន្លែងកើតហេតុក្រុមក្នុងនោះមាននគរបាលជំនាញបច្ចេកទេសវិទ្យា​សាស្ដ្រ​នគរបាលស្រុក នគរបាលប៉ុស្តិ៍ បុគ្គលិកបណ្ឌលសុខភាពឃុំ មេភូមិ ដើម្បីធ្វើកោសល្យវិច្ច័យលើសពដោយពិនិត្យឃើញថាសពពុំឃើញមានស្នាកស្នាមអំពើឃាតកម្មសពប្រាកដស្លាប់ធ្លាក់ពីលើកំពូលភ្នំដែលមានកំពស់៤០ម៉ែត្រ។សពជនរងគ្រោះត្រូវបានប្រគល់ជូនក្រុមការងាររៀបចំធ្វើបុណ្យតាមប្រពៃណី៕ អត្ថបទ៖ វ៉ាន់ ណាង

The post លោកតាវ័យចំណាស់ ដើរវង្វេងបាត់ពីផ្ទះមួយយប់ ព្រឹកឡើងប្រទះឃើញដេកស្លាប់ ក្រោយធ្លាក់ពីលើភ្នំធំ appeared first on Kampuchea Thmey Daily.