ស្រ្តី អាមេរិក ដែលមានជំងឺវង្វេងម្នាក់ ច្រឡំលេបធ្មេញសិប្បនិម្មិតចូលពោះ

ស្ត្រីមានជំងឺវង្វេងជនជាតិអាមេរិកម្នាក់ត្រូវបានកូនប្រុសបញ្ជូនទៅមន្ទីរពេទ្យ បន្ទាប់ពីមានការឈឺចាប់ ពិបាកលេប និងចង់ក្អួត ខណៈពេលទៅដល់ពេទ្យ វេជ្ជបណ្ឌិតក៏បានធ្វើការស្កេន និងដាក់កាមេរ៉ាចូលក្នុងពោះអ្នកជំងឺ ស្រាប់តែរកឃើញធ្មេញក្រោមសិប្បនិម្មិតនក្នុងក្រពះរបស់គាត់ ហើយគ្រូពេទ្យបានសន្និដ្ឋានថា ស្រ្តីរូបនេះច្រឡំលេបធ្មេញនេះដោយខ្លួនឯង ។

ចំពោះបញ្ហាខាងលើនេះ គ្រូពេទ្យបានចំណាយពេលជាង ២ ម៉ោងដើម្បីយកធ្មេញនោះចេញ ហើយនៅថ្ងៃបន្ទាប់ទើបគ្រូពេទ្យអនុញ្ញាតឲ្យអ្នកជំងឺត្រឡប់ទៅផ្ទះវិញ ។

បើតាមអ្នកជំនាញនៅសាកលវិទ្យាល័យ Texas Southwestern Medical Center ក្នុងទីក្រុង Dallas បានឲ្យដឹងថា អ្នកស្រីមិនមានរបួសធ្ងន់ធ្ងរដែលបណ្ដាលមកពីការដកធ្មេញចេញពីពោះនោះទេ ។ ក្រៅពីជំងឺវង្វេង អ្នកស្រីមានជំងឺដាច់សរសៃឈាមខួរក្បាល និងជំងឺមហារីកកូនកណ្ដុរប្រព័ន្ធសរសៃប្រសាទកណ្តាលផងដែរ ទើបធ្វើឲ្យគាត់មិនដឹងថាមានវត្ថុអ្វីចូលទៅក្នុងក្រពះនោះ ។

ចំណែកឯក្រុម​វេជ្ជ​សា​ស្រ្តវិញ​​បានបន្ថែម​ថា​ ធ្មេញជាវត្ថុពេញនិយមដែលអ្នកជំងឺវង្វេងលេប ក្រៅពីនេះពួកគេធ្លាប់លេបឆ្អឹងមាន់ ឆ្អឹងត្រី និងគ្រឿងអលង្ការថែមទៀតផង ៕

ប្រែសម្រួល៖ វារី

ប្រភព៖ dailymail

ចុចអាន៖ អ្នកជំនាញព្រមានថា អ្នកកើតជំងឺវង្វេង អាចកើនបីដងនៅឆ្នាំ ២០៥០