ការស្នើសុំនាពេលនះ ខណៈទោះបីជាអត្រាឆ្លងថ្មី និងការស្លាប់ដោយសារមេរោគអេដស៍នៅកម្ពុជាមានការធ្លាក់ចុះជាលំដាប់ ប៉ុន្តែមេរោគអេដស៍នៅតែជាក្តីកង្វល់ដោយសារការឆ្លងថ្មីភាគច្រើនត្រូវបានរកឃើញនៅលើក្រុមប្រឈមមុខខ្ពស់ ដូចជាយុវវ័យ ក្រុមបុរសស្រឡាញ់បុរស អ្នកបំប្លែងភេទ និងអ្នកប្រើប្រាស់គ្រឿងញៀនជាដើម។

កន្លងមក ម្ចាស់ប្រព័ន្ធផ្សព្វផ្សាយ អ្នកផលិតមាតិកា និងអង្គភាព សារព័ត៌មានទាំងអស់ បានយកចិត្តទុកដាក់ ខិតខំប្រឹងប្រែង និងចូលរួមសហការយ៉ាងសកម្មក្នុងការផ្សព្វផ្សាយ សារអប់រំនានាពាក់ព័ន្ធនឹងបញ្ហាសុខភាព បញ្ហាគ្រឿងញៀន និងការបង្ការ ទប់ស្កាត់បញ្ហាផ្សេងទៀតក្នុងសង្គម ដើម្បីបញ្ជ្រាបការយល់ដឹងដល់សាធារណជនគ្រប់មជ្ឈដ្ឋានឱ្យបានកាន់តែទូលំទូលាយ។ ឆ្លៀតក្នុងឱកាសនេះ ក្រសួងព័ត៌មាន សម្តែងនូវការកោតសរសើរ និងថ្លែងអំណរគុណយ៉ាងជ្រាលជ្រៅចំពោះ ម្ចាស់ប្រព័ន្ធ ផ្សព្វផ្សាយ អ្នកផលិតមាតិកា និងអង្គភាពសារព័ត៌មានទាំងអស់ ដែលបានបំពេញតួនាទីដ៏ត្រឹមត្រូវដើម្បីលើកកម្ពស់សុខុមាលភាពសង្គម។

ជាមួយគ្នានេះ ដើម្បីបន្តសកម្មភាពខាងលើឱ្យបានកាន់តែផុលផុស ក្រសួងព័ត៌មាន ក្រសួងសុខាភិបាល អាជ្ញាធរជាតិប្រយុទ្ធនឹងជំងឺអេដស៍ និងអាជ្ញាធរជាតិប្រយុទ្ធប្រឆាំងគ្រឿងញៀន បានសហការជាមួយក្រុមហ៊ុន MSA ផលិតនូវវីដេអូសារអប់រំចំនួន ២ (ពីរ) រួមមាន ១ សារអប់រំស្តីពីជំងឺអេដស៍និងមេរោគអេដស៍ក្រោមចំណងជើងថា«កំហុសនៃទំនុកចិត្ត» និង២ សារអប់រំស្តីពីគ្រឿងញៀនក្រោមចំណងជើងថា«ច្រកទ្វារដំបូង»។

ក្នុងន័យនេះ ក្រសួងព័ត៌មាន អំពាវនាវ ម្ចាស់ប្រព័ន្ធផ្សព្វផ្សាយ អ្នក ផលិតមាតិកា និងអង្គភាពសារព័ត៌មានទាំងអស់ បន្តចូលរួមសហការជួយផ្សព្វផ្សាយវីដេអូសារអប់រំទាំងពីរនេះ ឱ្យបានជាប់ជាប្រចាំនិងច្រើនដងក្នុងមួយថ្ងៃចាប់ពីថ្ងៃនេះតទៅដើម្បីឱ្យជ្រួតជ្រាបជាចំណេះដឹងក្នុងការបង្ការ និងទប់ស្កាត់បញ្ហានេះកាន់តែមានប្រសិទ្ធភាព។

លោក​វេជ្ជបណ្ឌិត ឡូ វាសនា​គី​រី រដ្ឋលេខាធិការ​ក្រសួងសុខាភិបាល ​ធ្លាប់បានឱ្យដឹងថា ​ឆ្នាំ ២០២៥​ មាន​អ្នក​ជំងឺអេដស៍​ដែល​កំពុង​ព្យាបាល​ដោយ​ឱសថ​ប្រឆាំង​មេរោគ​អេដស៍​បាន​កើនឡើង​ពី ៦៩ ៩៩៤​ នាក់ ដល់ ៧១ ៦៩៧​ នាក់ ឬ​កើនឡើង ២,៤៣% ធៀប​នឹង​ឆ្នាំ​ ២០២៤ ​និង​មាន​អ្នកជំងឺ ៦៩៧ នាក់ ក្នុងនោះ ​មនុស្ស​ពេញវ័យ ៦៨៨​ នាក់ និង​កុមារ ០៩​ នាក់ ត្រូវបាន​រាយការណ៍​ថា​ស្លាប់​។ អត្រា​នេះ​ បើ​ធៀប​ទៅនឹង​ឆ្នាំ​ ២០២៤​ កន្លងទៅ​ ឃើញថា ​មានការ​ថយចុះ​គួរឱ្យកត់សម្គាល់​ ដោយ​ឆ្នាំ ២០២៤ ​មាន​អ្នកស្លាប់​ដោយសារ​ជំងឺអេដស៍​ប្រមាណ ​១ ១០០​ នាក់៕

The post អត្រាឆ្លងជំងឺអេដស៍នៅតែជាក្តីកង្វល់ក្នុងចំណោមយុវជន ក្រសួងព័ត៌មានអំពាវនាវជួយផ្សព្វផ្សាយសារអប់រំពីជំងឺនេះ appeared first on Kampuchea Thmey Daily.

ដោយមានការចូលរួមពីលោក សាំង សុផល ប្រធានការិយាល័យសុខភាពសិក្សាតំណាង លោក ហែម ស៊ីណារ៉េត ប្រធានមន្ទីរអប់រំយុវជន និងកីឡារាជធានីភ្នំពេញលោកវេជ្ជបណ្ឌិត ចន ផាន់ណា ប្រធានកម្មវិធីប្រចាំប្រទេសកម្ពុជានៃអង្គការមូលនិធិថែទាំសុខភាពអ្នកជំងឺអេដស៍នាយកសាលា លោកគ្រូអ្នកគ្រូនិងសិស្សានុសិស្សប្រមាណ៣០០នាក់។

ថ្លែងក្នុងទិវាសុខភាពពេលមករដូវនាឱកាសនោះ លោកវេជ្ជបណ្ឌិត ចន ផាន់ណា បានមានប្រសាសន៍ថាទិវាសុខភាពពេលមករដូវនេះធ្វើឡើងក្នុងគោលបំណងដើម្បីផ្តល់ចំណេះដឹងទាក់ទិន ការប្រឈមនិងដំណោះស្រាយផ្សេងៗនៅពេលមករដូវដើម្បីកាត់បន្ថយការរើសអើងអំឡុងពេលមករដូវ និងលើកកម្ពស់ការទទួលបានសម្ភារៈបរិក្ខារដែលមានសុវត្ថិភាព ស្អាត និងសំឡីអនាម័យឥតគិតថ្លៃ ឬមានតម្លៃសមរម្យសម្រាប់តម្រូវការ រួមទាំងវិធានការសំខាន់ៗក្នុងការការពារសុខភាពទូទៅ និងកាត់បន្ថយភាពងាយរងគ្រោះចំពោះមេរោគអេដស៍ និងការឆ្លងមេរោគផ្លូវភេទផ្សេងទៀត។

លោកវេជ្ជបណ្ឌិត ឈឹម សារ៉ាត់ នាយកប្រចាំតំបន់អាស៊ីរបស់ អង្គការ AHF បានមានប្រសាសន៍ថានៅក្នុងតំបន់ជាច្រើននៃទ្វីបអាស៊ី ការរើសអើង និងភាពស្ងៀមស្ងាត់ជុំវិញការមករដូវនៅតែបន្តជាឧបសគ្គក្នុងការទទួលបានផលិតផលសម្រាប់មករដូវ និងព័ត៌មានសុខភាពសំខាន់ៗ ។ នៅពេលដែលមនុស្សមិនអាចគ្រប់គ្រងដោយសុវត្ថិភាពចំពោះការមករដូវរបស់ពួកគេបាន គឺជាផលវិបាកដល់សុខភាព នឹងសុត្តិភាព និងធ្វើឲ្យពួកគេទទួលភាពងាយរងគ្រោះចំពោះមេរោគអេដស៍ និងជំងឺកាមរោគផ្សេងទៀត។

លោកវេជ្ជបណ្ឌិតបានបន្តថាដូចនេះទិវាសុខភាពពេលមករដូវគឺជាការរំលឹកថា ការលើកកម្ពស់ការទទួលបាន ការអប់រំ និងការពិភាក្សាដ៏ទូលំទូលាយ មានសារៈសំខាន់ណាស់ក្នុងការការពារសុខភាពបុគ្គល និងសាធារណៈ។ ប្រទេសអាស៊ីជាច្រើនដែលបានលុបចោលពន្ធលើផលិតផលសម្រាប់ការមករដូវ កំពុងជួយពង្រីកលទ្ធភាពទទួលបានសម្ភារៈបរិក្ខារ និងការប្រើប្រាស់សម្រាប់ពេលមករដូវ។ អង្គការAHF សូមលើកទឹកចិត្តឱ្យប្រទេសដទៃទៀតជាច្រើន គួរតែលុបចោលពន្ធលើផលិតផលសម្រាប់ការមករដូវ ។

លោកវេជ្ជបណ្ឌិតបានបន្តទៀតថានៅទូទាំងពិភពលោក ប្រជាជនជិត២ពាន់លាននាក់មករដូវ ដែលក្នុងនោះ ៥០០លាននាក់កំពុងជួបប្រទះនឹងភាពក្រីក្រនៅពេលមករដូវ រួមទាំងកង្វះផលិតផលគ្រប់គ្រាន់ គ្រឿងបរិក្ខារ និងបរិយាកាសគាំទ្រ។ បញ្ហាប្រឈមទាំងនេះអាចនាំឱ្យមានការខកខានទៅសាលារៀន ឬការងារ ភាពងាយរងគ្រោះផ្នែកសេដ្ឋកិច្ច និងក្នុងករណីខ្លះ ការពឹងផ្អែកលើទំនាក់ទំនងផ្លូវភេទ ឬទំនាក់ទំនងដែលមានភាពខុសគ្នានៃអាយុយ៉ាងច្រើន ដែលកាត់បន្ថយសមត្ថភាពក្នុងការចរចាការរួមភេទដែលមានសុវត្ថិភាព និងបង្កើនហានិភ័យនៃមេរោគអេដស៍ និងជំងឺកាមរោគផ្សេងទៀត។ អង្គការAHF សូមកោតសរសើរប្រទេសដែលបានកាត់បន្ថយ ឬលុបបំបាត់ពន្ធលើផលិតផលសម្រាប់មករដូវ ហើយជំរុញឱ្យទូទាំងពិភពលោកធានាបានដូចគ្នា ដើម្បីធានាលទ្ធភាពទទួលបាន និងប្រើប្រាស់សម្រាប់តម្រូវការ។

លោកវេជ្ជបណ្ឌិតបានបន្ថែមថាលើសពីនេះទៅទៀត ការរើសអើង និងភាពមិនអើពើរជុំវិញការមករដូវនៅតែជាឧបសគ្គចម្បង។ នៅក្នុងសហគមន៍ជាច្រើន ការហាមឃាត់រារាំងការពិភាក្សាដោយបើកចំហ ការទទួលបានព័ត៌មានសុខភាពផ្លូវភេទ និងសុខភាពបន្តពូជមិនទាន់គ្រប់គ្រាន់ត្រឹមត្រូវ និងបំបាក់ទឹកចិត្តមនុស្សពីការស្វែងរកការថែទាំ។ ការដោះស្រាយបញ្ហាសុខភាពរដូវត្រូវតែដើរទន្ទឹមគ្នាជាមួយនឹងកិច្ចខិតខំប្រឹងប្រែងដើម្បីធ្វើឱ្យការមករដូវជាលក្ខណៈធម្មតា ពង្រីកការទទួលបានសេវាកម្មសំខាន់ៗ រួមទាំងការបង្ការការឆ្លងមេរោគអេដស៍។ ការធ្វើតេស្ត និងការព្យាបាល ជាមួយនឹងការធានាឱ្យបានមនុស្សគ្រប់គ្នាអាចគ្រប់គ្រងសុខភាពរបស់ពួកគេបានដោយសុវត្ថិភាព ដោយសេចក្តីថ្លៃថ្នូរ និងដោយគ្មានការភ័យខ្លាច ឬការរើសអើង។

លោកវេជ្ជបណ្ឌិតបានបន្ថែមទៀតថាអង្គការAHFគាំទ្រដល់ស្ត្រី និងក្មេងស្រី និងស្ត្រីវ័យក្មេងតាមរយៈកម្មវិធីផ្តល់ភាពអង់អាចដល់ក្មេងស្រី ដែលធ្វើការសម្រាប់ក្មេងស្រីនៅក្នុងសហគមន៍ ក្មេងស្រីដែលរងគ្រោះ និងក្មេងស្រីដែលងាយរកគ្រោះដទៃទៀត។

លោក សាំង សុផល ប្រធានការិយាល័យសុខភាពសិក្សា មន្ទីរអប់រំយុវជន និងកីឡារាជធានីភ្នំពេញបានចាត់ទុកទិវាសុខភាពពេលមករដូវនេះពិតជាមានសារសំខាន់ណាស់ក្នុងការចូលរួមចំណែក ស្វែងរកការគាំទ្រ និងដំណោះស្រាយ គ្រប់គ្រងសុខភាព ការអប់រំសុខភាពបន្តពូជដែលសម ស្របតាមវ័យ និងពង្រឹងពីសារៈសំខាន់នៃក្មេងស្រីដែលកំពុងចូលរៀន ចៀសវាងការឆ្លងមេរោគអេដស៍ ការមានផ្ទៃពោះដោយមិនបានគ្រោងទុក ការកសាងជំនាញបំណិនជីវិត និងបញ្ហាសំខាន់ៗផ្សេងទៀតដែល ប៉ះពាល់ដល់សុខភាពរបស់ពួកគេពិសេសចូលរួមលើកកម្ពស់ ការអប់រំសុខភាពបន្តពូជដ៏ទូលំទូលាយ និងសមភាពយេនឌ័រ ការយល់ដឹង និងជួយក្មេង ស្រីឱ្យរស់នៅមានសុខភាពល្អដែលអាចឲ្យពួកគេបានចូលរៀន និងផ្តល់សិទ្ធិគ្រប់គ្រងជីវិតរបស់ពួកគាត់។

គួរបញ្ជាក់ថាអង្គការមូលនិធិថែទាំសុខភាពអ្នកជំងឺអេដស៍ (AHF) ដែលជាអង្គការថែទាំសុខភាពអ្នកជំងឺអេដស៍ធំជាងគេបំផុតរបស់ពិភពលោក ស្វែងរការគាំទ្រ និងផ្តល់ឳសថព្យាបាលដោយមិនគិតពីលទ្ធភាពនៃការបង់ប្រាក់ ដល់ប្រជាជនជាង ៣ លាននាក់នៅទូទាំង ៥០ ប្រទេស រួមទាំងសហរដ្ឋអាមេរិក និងនៅអាហ្វ្រិក អាមេរិកឡាទីន/ការ៉ាប៊ីន តំបន់អាស៊ី/ប៉ាស៊ីហ្វិក និងអឺរ៉ុបខាងកើត៕ អត្ថបទ៖សំអឿន

The post អង្គការAHFប្រារព្វទិវាសុខភាព ពេលមករដូវដើម្បីលើកកម្ពស់សុខភាពស្ត្រី និងក្មេងស្រីឱ្យកាន់តែប្រសើរ appeared first on Kampuchea Thmey Daily.

ការអំពាវនាវរបស់អង្គការ AHFនេះ បានធ្វើឡើងនៅព្រឹកថ្ងៃទី១៨ ខែមីនា ឆ្នាំ២០២៦ ក្នុងកិច្ចប្រជុំជាមួយអង្គការដៃគូ និងបណ្តាញការងារ នៅមណ្ឌលថែរក្សាសុខភាព ទួលគោកភ្នំពេញ ក្រោមប្រធានបទ “សហភាពអឺរុប: បញ្ឈប់ការរារាំងទទួលបានសមធម៌សេវាសុខភាព” ដោយជំរុញឱ្យការសម្រេចចិត្តរបស់គណៈកម្មការអឺរ៉ុប គាំទ្រឧបសម្ព័ន្ធនៃការទទួលបាន និងចែករំលែកអត្ថប្រយោជន៍ (PABS)ដែលមានកាតព្វកិច្ចស្របច្បាប់ចំពោះកិច្ចព្រមព្រៀងជំងឺរាតត្បាតរបស់អង្គការសុខភាពពិភពលោក WHO។

បើតាមលោកវេជ្ជបណ្ឌិត ចន ផាន់ណា ប្រធានគ្រប់គ្រងកម្មវិធីប្រចាំប្រទេស អង្គការមូលនិធិថែទាំសុខភាពអ្នកជំងឺអេដស៍កម្ពុជាបានមានប្រសាសន៍ថា តាមពិតកិច្ចព្រមព្រៀងជំងឺរាតត្បាតរបស់ WHO ដែលត្រូវបានអនុម័តនៅក្នុងខែឧសភា ឆ្នាំ២០២៥ ប៉ុន្តែមិនអាចបន្តទៅមុខបានទេ រហូតដល់ការចរចាសម្រាប់ឧបសម្ព័ន្ធ PABS ត្រូវបានបញ្ចប់។ ឧបសម្ព័ន្ធនេះគ្រប់គ្រងពីរបៀបដែលគំរូភ្នាក់ងារបង្ករោគ និងទិន្នន័យហ្សែនត្រូវបានចែករំលែក ដើម្បីអភិវឌ្ឍវ៉ាក់សាំង ការធ្វើរោគវិនិច្ឆ័យ ការព្យាបាល និងរបៀបដែលអត្ថប្រយោជន៍ត្រូវបានប្រគល់មកវិញប្រកបដោយសមធម៌។ ការចរចានៅតែពិបាកដោយ គណៈកម្មការអឺរ៉ុប និងប្រទេសអ្នកមានដូចជាអាល្លឺម៉ង់ និងស្វីស នៅបន្តប្រឆាំងនឹងបទប្បញ្ញត្តិសមធម៌សំខាន់ៗទាំងនេះ។

លោកវេជ្ជបណ្ឌិតបានបន្តថា «ថ្ងៃឱសានវាទកិច្ចព្រមព្រៀង ខិតជិតមកដល់យ៉ាងឆាប់រហ័ស នាខែឧសភា ឆ្នាំ២០២៦ ហើយ ការបរាជ័យក្នុងការទទួលបានកិច្ចព្រមព្រៀងមួយដែលអាចទទួលស្គាល់ និងអាចអនុវត្តបាននោះវាអាចធ្វើឱ្យយឺតយ៉ាវក្នុងការផ្តល់សច្ចាប័ន និងបង្កកើតមានសារជាថ្មី ម្តងទៀតនូវកង្វះសមធម៌ និងភាពមិនស្មើគ្នាដែលយើងឃើញកើតមានឡើងក្នុងពេលរីករាតត្បាតកូវីដ១៩ ខណៈពេលដែលក៏ធ្វើឱ្យប៉ះពាល់ដល់កិច្ចខិតខំប្រឹងប្រែងក្នុងការកសាងសមត្ថភាពផលិតកម្មសម្រាប់ក្នុងតំបន់ និងអធិបតេយ្យភាពសុខភាពពិតប្រាកដនៅក្នុងប្រទេសដែលមានចំណូលទាប និងមធ្យម»។

លោកវេជ្ជបណ្ឌិតបានស្នើសហភាពអឺរ៉ុបថា កិច្ចព្រមព្រៀងជំងឺរាតត្បាតមិនអាចត្រូវបានផ្តល់សច្ចាប័នដោយគ្មានឧបសម្ព័ន្ធPABSទេ ហើយឧបសម្ព័ន្ធនេះមិនគួរត្រូវបានអនុម័តដោយគ្មានបទប្បញ្ញត្តិសមធម៌ដែលមានកាតព្វកិច្ចនោះទេ។ លើសពីនេះអ្នកដែលទទួលបានប្រាក់ចំណេញពីប្រព័ន្ធត្រូវតែចូលរួមចំណែកដល់ប្រព័ន្ធ។ ចំណែកក្រុមហ៊ុនផលិតដែលចូលរួម និងអ្នកប្រើប្រាស់ពាណិជ្ជកម្មទាំងអស់ត្រូវតែទទួលរងនូវការចែករំលែកអត្ថប្រយោជន៍ជាកាតព្វកិច្ចជាមួយនឹងការទទួលខុសត្រូវពិតប្រាកដ និងភាពច្បាស់ប្រាកដផ្នែកច្បាប់តាមរយៈកាតព្វកិច្ចក្នុងកិច្ចសន្យាហើយអត្ថប្រយោជន៍ត្រូវតែរួមបញ្ចូលការទទួលបានវ៉ាក់សាំង ការធ្វើរោគវិនិច្ឆ័យ និងការព្យាបាលដោយសមធម៌ អាជ្ញាប័ណ្ណមិនផ្តាច់មុខសម្រាប់ក្រុមហ៊ុនផលិតនៅក្នុងប្រទេសកំពុងអភិវឌ្ឍន៍ក្នុងអំឡុងពេលមានអាសន្នដល់សុខភាពសំខាន់ៗ និងការចូលរួមវិភាគទានហិរញ្ញវត្ថុប្រចាំឆ្នាំ។

លោកវេជ្ជបណ្ឌិតបានបន្ថែមថា «ប្រសិនបើយើងមិនដឹងថា អ្នកណាកំពុងចូលប្រើប្រព័ន្ធទេ យើងមិនអាចធ្វើឱ្យពួកគេទទួលខុសត្រូវបានទេ។ សហភាពអឺរ៉ុបត្រូវតែគាំទ្រការចុះបញ្ជីអ្នកប្រើប្រាស់ និងការតាមដាន ដើម្បីការពារភាពសុចរិតនៃប្រព័ន្ធ និងធានាថា វាមិនអាចកេងប្រវ័ញ្ចបានទេ និងធានាការរាប់បញ្ចូលពេញពេញដោយតម្លៃសម្រាប់សង្គមស៊ីវិល ព្រោះថា តម្លាភាព ការទទួលខុសត្រូវ និងសំឡេងសហគមន៍ គឺចាំបាច់ដើម្បីការពារសមធម៌។

ជាងនេះទៀតត្រូវបញ្ឈប់ការរារាំងសមធម៌ ទទួលកិច្ចព្រមព្រៀងមួយរួចរាល់ព្រោះថា ឧបសម្ព័ន្ធខ្សោយមួយប្រឈមនឹងការកើតម្តងទៀតនូវភាពមិនស្មើគ្នា និងកង្វះសមធម៌ ដូចកាលជំងឺរាតត្បាតកូវីដ-១៩ ខណៈពេលនោះដែលក៏ធ្វើឱ្យប្រទេសទាំងអស់ប្រឈមនឹងហានិភ័យ។ រីឯប្រទេសកំពុងអភិវឌ្ឍន៍កំពុងអំពាវនាវឱ្យមានការចែករំលែកអត្ថប្រយោជន៍ដែលមានកាតព្វកិច្ច និងអាចអនុវត្តបាន ហើយសហភាពអឺរ៉ុបត្រូវតែឈប់ពន្យារពេល និងអនុវត្ត។ បន្ថែមពីនេះបើគ្មានការចែករំលែកអត្ថប្រយោជន៍ដែលមានលក្ខណៈសមធម៌នោះទេ គំនិតផ្តួចផ្តើមប្រកបដោយអធិបតេយ្យភាពសម្រាប់ផលិតកម្មដោយប្រទេសក្នុងតំបន់ ហើយធិបតេយ្យភាពសុខភាពប្រឈមនឹងការក្លាយជាការសន្យាដែលអត់ប្រយោជន៍។ បទប្បញ្ញត្តិ PABS ដែលមានកាតព្វកិច្ចគឺមានសារៈសំខាន់ដើម្បីធ្វើឱ្យវាក្លាយជាការពិត។

សូមរំលឹកថា អង្គការមូលនិធិថែទាំសុខភាពអ្នកជំងឺអេដស៍ (AHF) គឺជាអង្គការសកលមិនស្វែងរកប្រាក់ចំណេញ ដែលផ្តល់ការព្យាបាល និងការស្វែងរកការគាំទ្រ ដល់មនុស្សជាង ២.៨ លាននាក់នៅក្នុងប្រទេសចំនួន ៥០ទូទាំងពិភពលោក នៅទ្វីបអាហ្វ្រិក អាមេរិក តំបន់អាស៊ី/ប៉ាស៊ីហ្វិក និងអឺរ៉ុប។ បច្ចុប្បន្នយើងជាអ្នកផ្តល់សេវាថែទាំសុខភាពអេដស៍/អេដស៍មិនរកប្រាក់ចំណេញធំជាងគេបំផុតនៅលើពិភពលោក៕

អត្ថបទ៖ សំអឿន

The post អង្គការ AHF អំពាវនាវសហភាពអឺរ៉ុបបញ្ឈប់ការរារាំងទទួលបានសមធម៌សេវាសុខភាព appeared first on Kampuchea Thmey Daily.

ចៅក្រម​បីរូប​របស់​សហរដ្ឋអាមេរិក​មានមូលដ្ឋាន​នៅ​ទីក្រុង Richmond រដ្ឋ ​Virginia បាន​និយាយ​ថា៖« ការ​អនុញ្ញាត​ឱ្យ​បុគ្គល​ដែល​ផ្ទុក​មេរោគ​អេដស៍​ ចូល​រួមបម្រើ​វិស័យ​កងកម្លាំងប្រដាប់អាវុធ​អាចមិន​ល្អ​ ឬ​ធ្វើ​ឱ្យ​ស្មុគ​ស្មាញ​ដល់បេសកកម្ម​របស់យោធា​ដោយ​ដាក់​បន្ទុក និង​ការ​ចំណាយ​ផ្សេងៗ​»។

តុលា​ការ​បានបដិសេធសេចក្តីសម្រេចឆ្នាំ២០២៤ ដោយ​ចៅ​ក្រម​ម្នាក់​នៅរដ្ឋ Virginia ដោយ​ការ​​លុប​ចោល​ការ​ហាម​ឃាត់​ការ​ចូល​បម្រើ​កង​ទ័ព​។ ​

គោលនយោបាយនេះ បានអនុម័ត​ជាផ្លូវការជាលើកដំបូងក្នុងឆ្នាំ ១៩៩១ ត្រូវបានជំទាស់ដោយមនុស្សបីនាក់ដែលមាន​ផ្ទុកមេរោគ​អេដស៍​​។​ ពួកគេ​និយាយ​ថា​ខ្លួន​មិន​មាន​រោគសញ្ញា ​មិន​អាចរកឃើញការ​​ផ្ទុក​មេរោគ​អ្វី​ឡើយ ដោយ​សារតែការព្យាបាល និង​យក​ចិត្ត​ទុក​ដាក់​របស់​គ្រូ​ពេទ្យ​។

មាន​អ្នក​ផ្ទុក​មេរោគ​អេដស៍​រហូតដល់ ៩៥ភាគរយ ​ទទួល​ការ​ព្យាបាល តែ​​​មិន​អាច​រក​ឃើញ​ថាមាន​រោគ​សញ្ញាអ្វី​ មាន​ន័យថា ពួកគេមិន​អាច​ចម្លង​មេរោគ​ទៅដៃគូ​ផ្លូវភេទរបស់ពួកគេ​បានទេ។ នេះ​បើ​យោង​តាម​មជ្ឈមណ្ឌល​គ្រប់​គ្រង ​និងបង្ការ​ជំងឺ​របស់​សហរដ្ឋ​អាមេរិក​។

យ៉ាងណា​​ តុលាការ​បាន​និយាយកាល​ពី​ថ្ងៃ​ពុធ​​ថា​ ការព្យាបាល​អាច​ធ្វើ​ឱ្យ​យោធា​ចំណាយ​រហូតដល់ ២០ ០០០ដុល្លារ ​ក្នុង​មនុស្ស​ម្នាក់​ជា​រៀង​រាល់​ឆ្នាំ។ ​ពេល​ដែល​មាន​សមាជិក​យោធា​​ផ្ទុក​មេរោគអេដស៍​នៅ​ជួរ​មុខ​នឹង​បង្ហាញ​ពី​បញ្ហាជាក់​ស្តែង​និង​ផ្នែក​ការទូត។

តុលាការបន្ត​ថា​៖ «លើក​ឡើង​ទាំង​អស់របស់​យោធាគឺ​ជា​ការ​វិនិច្ឆ័យ​សម​ហេតុ​ផល​ ទាក់​ទងនឹងបេសកកម្ម​ស្របច្បាប់​របស់​យោធា ចំណែក​គោលន​យោបាយ​នេះ​គឺ​មាន​សុពល​ភាពខ្ពស់​​»។

ចំណែក​មេធាវី​ម្នាក់​បាន​លើក​ឡើង​ថា អ្នក​​ផ្ទុក​មេរោគ​ដែល​មិនអាចរកឃើញ​ថា​មាន​រោគ​សញ្ញា​អ្វី កម្លាំង​របស់​ពួកគេ​អាចដាក់​ពង្រាយ​នៅ​គ្រប់​ទី​កន្លែង និង​អនុវត្តភារកិច្ច​​​គ្មាន​ដែនកំណត់ ហើយ​ពុំ​មាន​ហានិភ័យ​នៃការចម្លង​ទៅ​អ្នកដទៃ​ឡើយ​។

លោក Gregory Nevins អ្នក​ធ្វើ​ការ​លើ​​សិទ្ធិ​អ្នក​ស្រឡាញ់​ភេទ​ដូចគ្នា ​(LGBTQ Lambda Legal) បានលើក​ឡើង​ក្នុង​សេចក្តីថ្លែងការណ៍​មួយថា៖ « សេច​ក្តី​សម្រេចនេះ​មិន​អើពើ​នឹងការរីកចម្រើន​ផ្នែកវេជ្ជសាស្ត្រ​រាប់​ទសវត្សរ៍មក​ហើយ​នោះទេ ជា​ពិសេស​សមត្ថភាព​របស់​មនុស្ស​ដែល​​រស់​នៅ​ជា​មួយ​អ្នក​ផ្ទុក​មេរោគអេដស៍​​គឺ​មាន​ភាព​ខុសគ្នានិងមាន​សក្តានុពល​របស់​ពួកគេ​រៀង​​ខ្លួន​​»។

យ៉ាងណា ក្រសួង​ការពារជាតិ​អាមេរិក​មិន​ទាន់​ឆ្លើយ​តបពី​ករណី​នេះ​នៅឡើយ​ទេ៕

ប្រែសម្រួល៖ ណឺ មិនា

The post តុលាការ​រដ្ឋ Virginia បដិសេធ​មិនឲ្យ​​អ្នក​ផ្ទុក​មេរោគអេដស៍ចូល​បម្រើកងទ័ព​ appeared first on Kampuchea Thmey Daily.

បើតាមលោកវេជ្ជបណ្ឌិត ចន ផាន់ណា ប្រធានគ្រប់គ្រងកម្មវិធីប្រចាំប្រទេស អង្គការមូលនិធិថែទាំសុខភាពអ្នកជំងឺអេដស៍បានមានប្រសាសន៍ថា យុទ្ធនាការទិវាស្រោមអនាម័យអន្តរជាតិអង្គការមូលនិធិថែទាំសុខភាពអ្នកជំងឺអេដស៍កម្ពុជា នឹងមានរៀបចំព្រឹត្តិការណ៍មួយចំនួនរួមមានការអប់រំ ការធ្វើតេស្ត ការចែកស្រោមអនាម័យ ពិភាក្សាពីស្រោមអនាម័យ អបអរសាទរ និងរបាំកំសាន្តសប្បាយ ជាមួយតន្ត្រី សម័យ បុរាណ ផងដែរដើម្បីឆ្លើយតបនឹងការឆ្លងរាលដាលមេរោគអេសដ៍។

លោកវេជ្ជបណ្ឌិតបានបន្តថា ការកើនឡើងនៃអត្រាឆ្លងជំងឺកាមរោគនៅទូទាំងពិភពលោក ជាពិសេសជំងឺស្វាយ មិនមែនជារឿងអាថ៌កំបាំងទេ វាជាអ្វីដែលកើតឡើងនៅពេលដែលមូលនិធិសកលថយចុះ ហើយស្រោមអនាម័យមិនត្រូវបានផ្តល់អាទិភាពសម្រាប់ការបង្ការមេរោគអេដស៍ បើគ្មានការកែតម្រូវជាបន្ទាន់ទេ ការឆ្លងមេរោគអេដស៍នឹងកើនឡើងក្នុងពេលឆាប់ៗនេះ។

លោកវេជ្ជបណ្ឌិតបានបន្តទៀតថា ស្រោមអនាម័យដែលប្រើប្រាស់រាប់ទសវត្សរ៍ក្នុងការឆ្លើយតបនឹងមេរោគអេដស៍ជាសកល និងមិនចំណាយច្រើន។ ការរក្សាការបង្ការការឆ្លងមេរោគអេដស៍ និងការទប់ស្កាត ការកើនឡើងនៃការឆ្លងជំងឺកាមរោគមិនតម្រូវឱ្យមានការច្នៃប្រឌិតវិទ្យាសាស្ត្រថ្មីទេ តែតម្រូវឱ្យមានឆន្ទៈគោលនយោបាយ ការវិនិយោគប្រកបដោយចីរភាព និងការប្តេជ្ញាចិត្តឡើងវិញដើម្បីធានាថាស្រោមអនាម័យគឺឥតគិតថ្លៃ ឬមានតម្លៃសមរម្យ និងអាចរកបានយ៉ាងទូលំទូលាយសម្រាប់អ្នកដែលត្រូវការវាបំផុត។

លោកវេជ្ជបណ្ឌិតបានបញ្ជាក់ថា ទិវាស្រោមអនាម័យអន្តរជាតិដែលតែងតែរៀបចំនៅថ្ងៃទី១៣ ខែកុម្ភៈត្រូវបានបង្កើតឡើងដោយមូលនិធិថែទាំសុខភាពអេដស៍ ក្នុងឆ្នាំ២០០៩ ដើម្បីអបអរសាទរស្រោមអនាម័យជាជម្រើសដ៏ល្អបំផុតរបស់ពិភពលោក សម្រាប់ការការពារមេរោគអេដស៍ ជំងឺកាមរោគផ្សេងៗ និងការមានផ្ទៃពោះដែលមិនបានគ្រោងទុក៕

អត្ថបទ៖ សំអឿន

The post អង្គការ AHF និងអាជ្ញាធរជំងឺអេដស៍ នឹងរៀបចំទិវាស្រោមអនាម័យអន្តរជាតិដើម្បីទប់ស្កាត់ការឆ្លងរាលដាលជំងឺអេដស៍ appeared first on Kampuchea Thmey Daily.

លោក​វេជ្ជបណ្ឌិត ឡូ វាសនា​គី​រី រដ្ឋលេខាធិការ​ក្រសួងសុខាភិបាល ​បាន​មានប្រសាសន៍ថា ​ឆ្នាំ ២០២៥​ មាន​អ្នក​ជំងឺអេដស៍​ដែល​កំពុង​ព្យាបាល​ដោយ​ឱសថ​ប្រឆាំង​មេរោគ​អេដស៍​បាន​កើនឡើង​ពី ៦៩ ៩៩៤​ នាក់ ដល់ ៧១ ៦៩៧​ នាក់ ឬ​កើនឡើង ២,៤៣% ធៀប​នឹង​ឆ្នាំ​ ២០២៤ ​និង​មាន​អ្នកជំងឺ ៦៩៧ នាក់ ក្នុងនោះ ​មនុស្ស​ពេញវ័យ ៦៨៨​ នាក់ និង​កុមារ ០៩​ នាក់ ត្រូវបាន​រាយការណ៍​ថា​ស្លាប់​។ អត្រា​នេះ​ បើ​ធៀប​ទៅនឹង​ឆ្នាំ​ ២០២៤​ កន្លងទៅ​ ឃើញថា ​មានការ​ថយចុះ​គួរឱ្យកត់សម្គាល់​ ដោយ​ឆ្នាំ ២០២៤ ​មាន​អ្នកស្លាប់​ដោយសារ​ជំងឺអេដស៍​ប្រមាណ ​១ ១០០​ នាក់។

លោក​វេជ្ជបណ្ឌិត អ៊ុក វិជ្ជា ប្រធាន​មជ្ឈមណ្ឌល​ជាតិ​ប្រយុទ្ធ​នឹង​ជំងឺ​អេដស៍​សើស្បែក​ និង​កាមរោគ ​នៃ​ក្រសួងសុខាភិបាល​ បាន​មានប្រសាសន៍​ថា មាន​មូលហេតុ​មួយចំនួន​ដែល​បណ្តាលឱ្យ​អ្នករស់នៅ​ជាមួយ​មេរោគ​អេដស៍​ទាំងនោះ​ស្លាប់បាត់​បង់ជីវិត​ ក្នុងនោះ​រួមមាន​ អ្នកជំងឺ​ចាស់ជរា គ្រោះថ្នាក់​ចរាចរណ៍ និង​មាន​អ្នកជំងឺ​មួយចំនួន​បាន​អនុវត្ត​ការ​លេបថ្នាំ​មិនបាន​ត្រឹមត្រូវ បណ្តាលឱ្យមាន​ភាព​ស៊ាំ​ក្នុង​ខ្លួន​ប្រឈម​នឹង​ការស្លាប់​ព្រោះថា អ្នកជំងឺ​អេដស៍​ ត្រូវកា​រ​លេបថ្នាំ​ពន្យារ​ជីវិត​ឱ្យបាន​ទៀងទាត់​ជា​ប្រចាំ ​ហាត់ប្រាណ​ និង​បរិភោគ​ចំណីអាហារ​ឱ្យបាន​គ្រប់គ្រាន់​ ដើម្បី​ទ្រទ្រង់​សុខភាព​ឱ្យ​បាន​ល្អប្រសើរ។

លោក​វេជ្ជបណ្ឌិត ​បានប​ន្ត​ទៀតថា ប្រសិនបើ​អ្នកជំងឺ​អនុវត្តបាន​ខ្ជាប់ខ្ជួន​នោះ​ពួកគាត់​នឹងមាន​សុខភាព​ល្អ និង​អាច​រស់នៅ​ដូច​មនុស្ស​ធម្មតា​អីចឹង​ដែរ​។

លោក​វេជ្ជបណ្ឌិត ​បាន​ពន្យល់​ថា ​«ការ​ដែល​យើង​ដឹង​ពី​អ្នកស្លាប់​នេះ ដោយសារតែ​អ្នកជំងឺ​មិន​បាន​មក​ទទួល​ថ្នាំ​ពន្យារ​អាយុជីវិត​រយៈពេល ​២៨​ ថ្ងៃ និង​មិនអាច​ទំនាក់ទំនង​បាន ​យើង​អាច​សន្និដ្ឋានថា គាត់​ស្លាប់បាត់​បង់ជីវិត​ហើយ​។ ​ប៉ុន្តែ​ក៏មាន​ករណីខ្លះ​គាត់​បាត់​មុខ​មិន​ទទួល​ថ្នាំ​មែន តែ​គាត់​បានមក​វិញ ​យើង​ក៏​ចុះឈ្មោះ​សាជាថ្មី ករណីនេះ​មាន​តិចតួច​ទេ​»។

លោក​វេជ្ជបណ្ឌិត អ៊ុក វិជ្ជា បាន​បញ្ជាក់ថា ទោះបីជា​ក្នុង ​១ ​ឆ្នាំ ​អាច​មាន​អ្នក​ស្លាប់​ដោយសារ​ជំងឺ​អេដស៍​ ១ ១០០ ​នាក់ ក៏មាន​អត្រា​អ្នក​ឆ្លង​ជំងឺអេដស៍​ថ្មី​ប្រមាណ​ ១ ២០០ ​នាក់​ដែរ​ ដែល​ពួកគេ​ទាំងនោះ​ជា​ក្រុម​ប្រឈម​ខ្ពស់​ដូចជា​ ក្រុម​យុវវ័យ ក្រុម​បុរស​ស្រលាញ់​បុរស ក្រុម​បំប្លែង​ភេទ និង​ក្រុម​អ្នកប្រើប្រាស់​គ្រឿងញៀន​ជាដើម។

យ៉ាងណាក៏ដោយ ​កម្ពុជា ​កំពុងស្ថិត​នៅលើ​មាគ៌ា​ឆ្ពោះទៅ​សម្រេច​គោលដៅ​សកល ៩៥-៩៥-៩៥ មានន័យថា ៩៥% នៃ​អ្នក​ផ្ទុក​មេរោគ​អេដស៍​បានដឹង​ពី​ស្ថានភាព​ នៃ​មេរោគ​អេដស៍​របស់​ខ្លួន ៩៥% និង​អ្នក​ដឹងខ្លួន​ថា​ផ្ទុកមេរោគ​អេដស៍ បានទទួល​ការព្យាបាល​ដោយ​ឱសថ​ប្រឆាំង​មេរោគ​អេដស៍ (ART) និង ៩៥% នៃ​អ្នក​កំពុង​ទទួល ART មាន​លទ្ធផល​តេស្ត​បន្ទុក​មេរោគ​អេដស៍​ក្នុង​ឈាម​កម្រិត​ទាប​បំផុត​មិនអាច​រាប់បាន (viral load suppressed)។ ជា​លទ្ធផល ធៀប​នឹង​គោលដៅ ៩៥-៩៥-៩៥ ខាងលើនេះ គិត​ត្រឹម​ដំណាច់​ឆ្នាំ ២០២៤ កម្ពុជា សម្រេច​បាន ៩២% ១០០% និង ៩៨%៕

អត្ថបទ ៖ សំអឿន

The post អត្រាស្លាប់ដោយសារជំងឺអេដស៍នៅកម្ពុជា មានការថយចុះពីជាង ១ ពាន់នាក់ មកត្រឹមជិត ៧០០ នាក់ appeared first on Kampuchea Thmey Daily.

ការ​ជំរុញ​នេះ ក្នុង​ឱកាស លោក សេង សីលា អភិបាល​រង​ខេត្ត​ស្វាយរៀង តំណាង​ដ៏​ខ្ពង់ខ្ពស់​លោក​អភិបាល​ខេត្ត បាន​អញ្ជើញ​ជា​អធិបតីភាព​ក្នុង​សិក្ខាសាលា​ស្ដីពី«ការ​បង្ការ ការ​ឆ្លង​រាលដាល នៃ​មេរោគ​អេដស៍ ក្នុង​ចំណោម​ក្រុម​ប្រជាជន​គន្លឹះ​បម្រើការ​ក្នុង​សេវា​កម្សាន្ត ទេសចរណ៍ នៃ​សេដ្ឋកិច្ច​ក្រៅ​ប្រព័ន្ធ ក្នុង​ខេត្ត​ស្វាយរៀង» នៅ​មន្ទីរ​សុខាភិបាល នៃ​រដ្ឋបាល​ខេត្ត​ស្វាយរៀង កាលពី​ព្រឹក​ថ្ងៃ​ទី ១៦ ខែ​ធ្នូ ឆ្នាំ ២០២៥ នេះ។

នា​ឱកាស​នោះ លោក សេង សីលា បាន​អំណរគុណ និង​កោតសរសើរ​ដល់​អ្នក​ចូលរួម​ទាំងអស់ ព្រមទាំង​ជំរុញ​ដល់​មន្ទីរ​សុខាភិបាល អង្គការ​ដៃគូ អាជ្ញាធរ​ដែនដី និង​ម្ចាស់​គ្រឹះស្ថាន​សេវា​កម្សាន្ត សូម​បន្ត​ពង្រឹង​ការ​សហការ​គ្នា​ឱ្យ​បាន​ល្អ​ក្នុង​ការ​អនុវត្ត​វិធានការ​ទាំងអស់​ប្រកប​ដោយ​ប្រសិទ្ធភាព និង​ការ​ទទួល​ខុស​ត្រូវ​ខ្ពស់ ដើម្បី​រួមចំណែក​សម្រេច​បាន​នូវ​ទិសដៅ​គ្មាន​ការ​ឆ្លង​ថ្មី គ្មាន​ការ​រើសអើង និង​គ្មាន​ការ​ស្លាប់ ដោយសារ​អេដស៍ ក្នុង​ខេត្ត​ស្វាយរៀង។

សិក្ខាសាលា​ខាង​លើ​នេះ​មាន​ការ​លើកឡើង​ពី​វិធានការ​សំខាន់ៗ មួយ​ចំនួន ដើម្បី​សម្រេច​បាន​នូវ​គោលដៅ​លុបបំបាត់​ជំងឺ​អេដស៍​ឆ្នាំ ២០២៥-២០២៦ រួមមាន ៖ ១.ការ​គ្រប់គ្រង​ការ​លក់​ស្រោម​អនាម័យ និង​ទឹក​រំអិល ៖ គឺ​ការ​ធ្វើ​ឱ្យ​ការ​លក់ និង​ចែកចាយ​ស្រោម​អនាម័យ ត្រូវ​បាន​គ្របដណ្ដប់ ១០០% ក្នុង​គ្រឹះស្ថាន​សេវា​កម្សាន្ត និង​អាហារដ្ឋាន​ទាំងអស់ ដើម្បី​ធានា​គុណភាព និង​ការ​ប្រើប្រាស់​បាន​ត្រឹមត្រូវ។ ២.​ការ​លើក​កម្ពស់​សុខភាព​ផ្លូវ​ភេទ និង​បន្ត​ពិនិត្យ​ឈាម ៖ ត្រូវ​ជំរុញ​ឱ្យ​មាន​ការ​ពិនិត្យ​ឈាម​ស្វែងរក​មេរោគ​អេដស៍ និង​ជំងឺ​កាមរោគ​ជាប្រចាំ ចំពោះ​បុគ្គលិក​បម្រើការ​ក្នុង​សេវា​កម្សាន្ត និង​ការ​បញ្ជូន​ទៅកាន់​សេវា​ព្យាបាល​ឱ្យ​បាន​ទាន់​ពេលវេលា។ ៣.​ការ​ចូលរួម​ពី​ម្ចាស់​គ្រឹះស្ថាន ៖ ម្ចាស់​គ្រឹះស្ថាន​ ត្រូវ​យកចិត្តទុកដាក់​ខ្ពស់​ដល់​សុខភាព​បុគ្គលិក​ ដោយ​ធានា​ថា​ បុគ្គលិក​ទាំងនោះ​ត្រូវ​ទទួល​បាន​ព័ត៌មាន​ត្រឹមត្រូវ និង​សេវា​សុខភាព​ដែល​ចាំបាច់។ ៤.​ការ​សហការ​រវាង​អាជ្ញាធរ​ និង​ដៃគូ​ ៖ ពង្រឹង​យន្តការ​ការងារ​ជាមួយ​អាជ្ញាធរ​គ្រប់​ថ្នាក់ និង​អង្គការ​ដៃគូ ដើម្បី​ធានា​ថា​ការងារ​ចុះ​អប់រំ​ និង​ពិនិត្យ​តាមដាន​ដល់​គោលដៅ​ប្រព្រឹត្ត​ទៅ​ដោយ​រលូន។

គួរ​ជម្រាប​ថា សិក្ខាសាលា​ខាង​លើ​នេះ ក៏​មាន​ការ​ចូលរួម​ពី​លោកស្រី​អនុ​ប្រធាន​មន្ទីរ​សុខាភិបាល លោក​-​លោកស្រី ជា​សមាជិក លេខាធិការដ្ឋាន​ប្រយុទ្ធ​នឹង​ជំងឺ​អេដស៍​ខេត្ត លោក លោកស្រី ជា​ចៅ​សង្កាត់ និង អ​.​ក​.​ន​.​ក នៃ​សង្កាត់​ទាំង ៧ ក្នុង​ក្រុង​ស្វាយរៀង និង អង្គការ​ដៃគូ រួមមាន អង្គការ AHF , អង្គការ HACC និង​តំណាង​ម្ចាស់​គ្រឹះស្ថាន​សេវា​កម្សាន្ត អាហារដ្ឋាន ខារ៉ាអូខេ ម៉ាស្សា សណ្ឋាគារ ផ្ទះសំណាក់ ជាច្រើន​នាក់​ទៀត​ផង​ដែរ៕

អត្ថបទ ៖ ភក្ដី

The post អភិបាលរងខេត្តស្វាយរៀង ជំរុញមន្ទីរសុខាភិបាល អាជ្ញាធរដែនដី បន្តសហការគ្នាឱ្យល្អ ដើម្បីសម្រេចទិសដៅគ្មានការឆ្លងថ្មី គ្មានការរើសអើង គ្មានការស្លាប់ដោយសារអេដស៍ appeared first on Kampuchea Thmey Daily.

នៅក្នុងទិវាអេដស៍ពិភពលោករៀបចំឡើងដោយអង្គការមូលនិធិថែទាំសុខភាពអ្នកជំងឺអេដស៍កម្ពុជា(AHF) កាលពីរសៀលថ្ងៃទី៣០វិច្ឆិកានៅសួនច្បារវត្តបទុមវតី រាជធានីភ្នំពេញ លោកបណ្ឌិត បានមានប្រសាសន៍ថា« ឥឡូវនេះជំងឺអេដ៍នៅមិនទាន់បញ្ចប់នៅឡើយទេយើងទាំងអស់គ្នាត្រូវរួមគ្នាបញ្ចប់ជំងឺអេដស៍កុំឱ្យមានជំងឺអេដស៍ សម្រាប់កូនចៅយើងជំនាន់ក្រោយសូមឱ្យមានត្រឹមយើង»។

លោកបណ្ឌិតបានបន្ថែមថាលើសពីនេះសូមលប់បំបាត់ឱ្យបានការម៉ាក់ងាយរើសអើងសម្រាប់អ្នកផ្ទុកមេរោគអេដស៍និងប្រជាជនគន្លឹះគឺប្រជាជនយើងត្រូវរស់នៅក្រោមដំបូលសុខសន្តិភាពនិងសុខុដុមរមនា។លើសពីនេះអ្នកជំងឺអេដស៍សូមបន្តការថែទាំសុខភាពឱ្យបានល្អតាមរយៈការលេបថ្នាំឱ្យបានទៀតទាត់ព្រោះថាជំងឺអេដស៍ជាជំងឺរ៉ាំរ៉ៃត្រូវប្រើថ្នាំនេះដូចអ្នកដែលមានជំងឺលើសសម្ពាធឈាមនិងជំងឺទឹកនោមផ្អែមដែរដើម្បីមានសុខភាពល្អចូលរួមកសាងការអភវឌ្ឍន៍សង្គមសេដ្ឋកិច្ចកម្ពុជាហើយកុំបោះបង់ការព្យាបាលសូមទទួលយកការព្យាបាលមួយជីវិតដោយសារយើងមានថ្នាំគ្រប់គ្រាន់នៅគ្រប់នៅតាមទូតាំងទាំ៧៤កន្លែងដោយឥតគិតថ្លៃ។

លោកសាស្ត្រាចារជំនួយ អ៊ុកវិជ្ជា ប្រធានមជ្ឈមណ្ឌលជាតិប្រយុទ្ធនឹងជំងឺអេដស៍សើរស្បែកនិងកាមរោគបានបញ្ជាក់ថារហូតមកដល់ពេលនេះជំងឺអេដស៍នៅមិនទាន់បញ្ចប់នៅឡើយទេដោយមានអ្នកឆ្លងថ្មីក្នុង១ថ្ងៃនៅសល់៣នាក់និងប្រមាណជាង៤ពាន់នៅមិនទាន់ដឹងខ្លួនថាមានឆ្លងជំងឺនេះនៅឡើយក្នុងចំណោមអ្នកផ្ទុកប្រមាណ៧៦០០០នាក់និងមានអ្នកស្លាប់ប្រមាណ១ពាន់នាក់។

លោក សាស្ត្រាចារ្យជំនួយបានក្រើនរំលឹកដល់យុវជននិងអ្នកប្រឈមទាំងអស់ឱ្យមានការប្រុងប្រយ័ត្នជាប់ជានិច្ចទាំងការប្រើស្រោមនិងថ្នាំបង្ការប្រឹពទាំងការលេប មុនប្រឈម ថ្នាំចាក់មួយម្ជុលបាន២ខែនិងកងសម្រាប់ស្ត្រីដោយ១ដងប្រើបាន២៨ថ្ងៃ។

លោក សាស្ត្រាចារ្យជំនួយបានអំពាវនាវដល់ប្រជាពលរដ្ឋបើសង្ស័យថាមានឆ្លងជំងឺអេដស៍សូមប្រញាប់ទៅធ្វើតេស្តដើម្បីធ្វើការព្យាបាលក្នុងថ្ងៃតែមួយដើម្បីឈានឆ្ពោះទៅរកភាពជោគជ័យនៅឆ្នាំ២០៣០ខាងមុខនេះ។

លោកវេជ្ជបណ្ឌិត ឈឹម សារ៉ាត់ នាយកប្រចាំតំបន់អាស៊ីរបស់ AHF បានមានប្រសាសន៍ថា «តំបន់អាស៊ីជាចំណុចសំខាន់ក្នុងការឆ្លើយតបទៅនឹងជំងឺអេដស៍។ ទោះបីជាមានវឌ្ឍនភាពកន្លងមកក៏ដោយ ការឆ្លងមេរោគអេដស៍កើនឡើងក្នុងចំណោមប្រជាជនគន្លឹះ បានបង្ហាញថាការប្រយុទ្ធនៅមិនទាន់ទៅដល់ការបញ្ចប់មេរោគអេដស៍នៅឡើយទេ។ រដ្ឋាភិបាលត្រូវតែប្តេជ្ញាចិត្តឡើងវិញក្នុងការផ្តល់អាទិភាពដល់ការបង្ការ ការធ្វើតេស្ត និងការព្យាបាលសម្រាប់ទាំងអស់គ្នា ដោយធានាថាគ្មានសហគមន៍ណាមួយត្រូវបានទុកចោលឡើយជាពិសេសនៅក្នុងស្ថានភាពដែលគម្លាតថវិកាកំពុងលេចឡើងដោយសារតែការផ្លាស់ប្តូរ ភូមិសាស្ត្រសេដ្ឋកិច្ច។ ទិវាអេដស៍ពិភពលោកនេះរំលឹកយើងថា មេរោគអេដស៍/ជំងឺអេដស៍ មិនទាន់បញ្ចប់នៅឡើយទេ ហើយសកម្មភាពប្រកបដោយចីរភាពគឺមានសារៈសំខាន់ណាស់ដើម្បីបញ្ចប់ជំងឺអេដស៍នៅក្នុងតំបន់របស់យើង។»

លោកវេជ្ជបណ្ឌិត ចន ផាន់ណា ប្រធានគ្រប់គ្រងកម្មវិធី AHF ប្រចាំប្រទេសបានមានប្រសាសន៍ថា«យើងមិនអាចបញ្ចប់មេរោគអេដស៍/ជំងឺអេដស៍ដោយមិនបានបញ្ឈប់ការឆ្លងមេរោគអេដស៍ថ្មី ដោយគ្មានស្រោមអនាម័យនោះទេ។

ស្រោមអនាម័យមានប្រសិទ្ធភាព ហើយវាមានតម្លៃសមរម្យ ប៉ុន្តែជារឿយៗវាត្រូវបានគេមើលរំលង។ យើងស្វែងរកការគាំទ្រសម្រាប់ការទទួលបានស្រោមអនាម័យដោយឥតគិតថ្លៃ ឬដោយតម្លៃសមរម្យ និងការប្រើប្រាស់ត្រឹមត្រូវ ពីព្រោះបើគ្មានស្រោមអនាម័យទេ មនុស្សមិនអាចការពារសុខភាពរបស់ពួកគេបានទេ ហើយយើងនឹងមិនអាចប្រយុទ្ធនឹងមេរោគអេដស៍នៅក្នុងប្រទេស និងទូទាំងពិភពលោកបានទេ»។

លោកវេជ្ជបណ្ឌិតបានលើកឡើងថាលើសពីនេះការប្រកួតប្រជែងទីផ្សារផ្នែកឱសថនៅតែបន្តរារាំងវឌ្ឍនភាពសម្រាប់ការឆ្លើយតបទៅនឹងមេរោគអេដស៍/ជំងឺអេដស៍ទូទាំងពិភពលោក។ សូម្បីតែមានការបង្ការដ៏ទំនើបដូចជាថ្នាំចាក់ដែលមានប្រសិទ្ធភាពយូរក៏ដោយ តែវាមានតម្លៃខ្ពស់និង ប្រទេសមួយចំនួនដែលកំពុងត្រូវការមិនអាចទទួលបាន។ វឌ្ឍនភាពពិតប្រាកដទាមទារឱ្យក្រុមហ៊ុនឱសថគិតគូរពីសុខភាពមនុស្ស មុនប្រាក់ចំណេញ ។

លោកវេជ្ជបណ្ឌិតបានបន្តថាទិវាអេដស៍ពិភពលោកប្រយុទ្ធនឹងជំងឺអេដស៍ជាវេទិកាដ៏សំខាន់សម្រាប់អ្នករស់នៅជាមួយមេរោគស្វែងរកការគាំទ្រ ដើម្បីទទួលស្គាល់វឌ្ឍនភាពដែលបានធ្វើឡើងជាការចងចាំអ្នកដែលបាត់បង់ជិវិតដោយសារជំងឺទាក់ទងនឹងជំងឺអេដស៍ និងអ្នកដែលបន្តការប្រយុទ្ធ និងអំពាវនាវឱ្យរដ្ឋាភិបាលទូទាំងពិភពលោកប្តេជ្ញាចិត្តប្រើប្រាស់ធនធានចាំបាច់ និងការគាំទ្រផ្នែកនយោបាយដើម្បីបញ្ចប់មេរោគអេដស៍/ជំងឺអេដស៍។ នៅក្នុងទិវាអេដស៍ពិភពលោកប្រយុទ្ធនឹងជំងឺអេដស៍ នេះយើងត្រូវបានរំលឹកថា ការប្រយុទ្ធនឹងមេរោគអេដស៍មិនទាន់បញ្ចប់ទេ។

គួរបញ្ជាក់ថាអង្គការមូលនិធិថែទាំសុខភាពអ្នកជំងឺអេដស៍(AHF)គឺជាអង្គការមិនរកប្រាក់កម្រៃជាសាកលដែលផ្តល់សេវាមិនគិតពីលទ្ធភាពនៃការបង់ប្រាក់និងការតស៊ូមតិដល់មនុស្សជាង២.៧លាននាក់ក្នុងប្រទេសចំនួន៥០ នៅទូទាំងពិភពលោកក្នុងទ្វីបអាហ្រ្វិក អាមេរិក តំបន់អាស៊ីប៉ាស៊ីហ្វិក និងអឺរ៉ុប។ បច្ចុប្បន្ន(AHF)ជាអ្នកផ្តល់សេវាថែទាំសុខភាពនៅលើពិភពលោក ពីមេរោគអេដស៍/ជំងឺ អេដស៍ដ៏ធំបំផុត ដែលមិនស្វែងរកប្រាក់ចំណេញ៕

អត្ថបទ ៖ សំអឿន

The post មន្ត្រីជាន់ខ្ពស់អាជ្ញាធរអេដស៍អំពាវនាវឱ្យសាធារណជនរួមគ្នាបញ្ចប់ជំងឺអេដស៍ដើម្បីអនាគតកូនចៅជំនាន់ក្រោយ appeared first on Kampuchea Thmey Daily.