ពិធីដែលប្រារព្ធឡើងនៅថ្ងៃ៣កើត ខែពិសាខនេះ គឺជាមត៌កអរូបីដែលឆ្លុះបញ្ចាំងពីទំនាក់ទំនងយ៉ាងជិតស្និទ្ធរវាងមនុស្ស ជំនឿ និងធម្មជាតិ។ បើតាមទំនៀមទម្លាប់ ពិធីនេះមានអត្ថន័យសំខាន់ៗដូចជា៖

– ការចាប់ផ្តើមរដូវកាលថ្មី៖ ខុសពីពិធីឡើងអ្នកតានៅខែមាឃ (បញ្ជូនអ្នកតាចុះទឹក) ដែលជានិមិត្តរូបនៃការបញ្ចប់រដូវច្រូតកាត់ ពិធីក្នុងខែពិសាខនេះ គឺជាសញ្ញាណនៃការ «បញ្ជូនអ្នកតាឡើងគោក» ដើម្បីត្រៀមលក្ខណៈចូលដល់រដូវវស្សា។

– ការសុំសេចក្តីសុខ និងទឹកភ្លៀង៖ អ្នកភូមិរៀបចំពិធីនេះឡើងក្នុងគោលបំណងបន់ស្រន់សុំសេចក្តីសុខសប្បាយដល់សហគមន៍ និងបួងសួងសុំឱ្យមានភ្លៀងធ្លាក់គ្រប់គ្រាន់សម្រាប់ការងារកសិកម្ម ស្របពេលដែលរដូវភ្ជួររាស់ចាប់ផ្តើមចូលមកដល់។

– ការអភិរក្សមត៌កអរូបីក្នុងតំបន់អង្គរ៖ ទោះបីជាស្ថិតក្នុងសម័យកាលទំនើបយ៉ាងណាក្តី ក៏កិច្ចពិធីតាមបែបបុរាណនេះនៅតែបន្តរស់រវើកក្នុងជីវភាពប្រចាំថ្ងៃរបស់អ្នកស្រុកអង្គរយ៉ាងខ្ជាប់ខ្ជួន។ នេះគឺជាសក្ខីភាពមួយបង្ហាញពីភាពរឹងមាំនៃអត្តសញ្ញាណវប្បធម៌ខ្មែរ ដែលត្រូវបានថែរក្សាតកូនតចៅ។

ក្នុងកិច្ចការអភិរក្សនេះ អាជ្ញាធរជាតិអប្សរា តែងតែផ្តល់ការគាំទ្រយ៉ាងសកម្ម ទាំងផ្នែកធនធាន និងស្មារតី ដើម្បីជំរុញឱ្យសហគមន៍មូលដ្ឋានមានលទ្ធភាពបន្តថែរក្សាទំនៀមទម្លាប់ដ៏មានតម្លៃទាំងនេះ។ ការចូលរួមរបស់បងប្អូនប្រជាពលរដ្ឋមិនត្រឹមតែជាការគោរពតាមជំនឿប៉ុណ្ណោះទេ ប៉ុន្តែគឺជាការចូលរួមចំណែកយ៉ាងសំខាន់ក្នុងការថែរក្សា «ព្រលឹង» នៃរមណីយដ្ឋានអង្គរ ឱ្យនៅបន្តមានជីវិតជានិរន្តរ៍។ បេតិកភណ្ឌអរូបី គឺជាអត្តសញ្ញាណ និងជាដង្ហើមនៃសហគមន៍៕

The post ទំនៀមទម្លាប់អ្នកស្រុកអង្គរ៖ ពិធីឡើងអ្នកតា និងការបញ្ជូនអ្នកតាឡើងគោក នៅប្រាសាទវត្តអធ្វា appeared first on Kampuchea Thmey Daily.

លោក ខាំភុន វុន ជាជនជាតិដើមភាគតិច ទំពួន រស់នៅភូមិកាចូនលើ ឃុំកាចូន ស្រុកវើនសៃ ខេត្តរតនគិរី បានថ្លែងប្រាប់ថា សម្រាប់ជនជាតិដើមភាគតិចគោរពគងបុរាណនេះណាស់ ព្រោះវាបានមន្សល់ទុកតាំងពីដូនតាមក។ សម្រាប់លោកក៏មានគងបុរាណមួយផងដែរ​ ដែលបានបន្សល់ទុកពីឪពុក។ លោករៀបរាប់ថា៖«ប្រវត្តិគងនេះថា កាលដើមឡើយអ្នកផ្សេងកាន់កាប់ ប៉ុន្តែយកដូរជាមួយឪពុកខ្ញុំ។ មានន័យថាគងនេះមួយ ប្តូរជាមួយដំរី ១ក្បាល និងក្របី ៤ ក្បាល»។

លោកបន្តថា គងនេះមិនបានដឹងពីអាយុកាលនោះទេ ពីព្រោះមានអ្នកកាន់កាប់តជំនាន់ ប៉ុន្តែមិនថាអ្នកណាកាន់កាប់នោះទេ គឺអ្នកភូមិគោរពគងនេះ និងតែងតែយកគងនៅទៅលេងភ្លេងក្នុងកម្មវិធីកម្សាន្ត និងបុណ្យផង។

បើតាម លោក ខាំភុន វុន ជាជនជាតិដើមភាគតិច ជាទូទៅគេធ្វើពិធីសែនគងនេះទៀងទាត់ណាស់ ទៅតាមកំណត់គឺ១ ខែសែនម្តង មានស្រាពាង និងមាន់ស្ងោ ដើម្បីឱ្យម្ចាស់ផ្ទះមានសេចក្តីសុខ រកស៊ីមានបានជាដើម។ បច្ចុប្បន្ន រូបរាងគងរបស់គាត់បែក១ចំហៀង ដោយសារប្អូនរបស់គាត់កើតមានជម្ងឺវិកលចរិត បោះពីលើផ្ទះត្រូវកាំជណ្តើរ ប៉ុន្តែគាត់ទុក​សម្រាប់គោរព និងយកទៅលេងភ្លេងក្នុងពិធីផ្សេងៗ ។ លោកបន្តលើកឡើងទៀតថា កាលពីមិនទាន់បែក គងនេះបញ្ចេញសំឡេងរាប់រយគីឡូម៉ែត្រ និងមានសំឡេងពិរោះរណ្តុំ៕

អត្ថបទ៖ ខៀវ ចាប

The post ទោះបីឆ្លងកាត់ច្រើនសម័យកាល គងបុរាណនៅតែជានិមិត្តរូបរបស់ជនជាតិដើមភាគតិច សម្រាប់ប្រគុំនៅពិធីបុណ្យផ្សេងៗ appeared first on Kampuchea Thmey Daily.

ឧបករណ៍បំពងសម្លេង ដូចជាទូរទស្សន៍

អាសនៈ​ត្រូវ​ការ​ភាព​ស្ងប់ស្ងាត់ និង​ភាព​បរិសុទ្ធ​ដើម្បី​បង្ហាញ​ការ​គោរព។ ការដាក់ឧបករណ៍បំពងសម្លេង ទូរទស្សន៍ ឬឧបករណ៍ពង្រីកដោយចៃដន្យនៅលើ ឬនៅជិតអាសនៈ បណ្តាលឱ្យមានសំលេងរំខាន និងបាត់បង់ភាពឧឡារិក។

ដោយសារតែវាគ្មិន និងទូរទស្សន៍គឺជាឧបករណ៍ដែលបង្កើតសំលេងរំខាន និងរំញ័រខ្លាំង ដែលរំខានដល់លំហខាងវិញ្ញាណ។ តាម​ហុងស៊ុយ អាសនៈ​ជា​កន្លែង​ប្រមូលផ្តុំ​ថាមពល​ល្អ ប៉ុន្តែ​សំឡេង​ខ្លាំងៗ​ពី​វា អាច​រំខាន​ថាមពល​បាន​យ៉ាង​ងាយ បង្ក​ភាព​ចលាចល​ក្នុង​គ្រួសារ និង​បង្ក​បញ្ហា​ការងារ​។

ដំណោះស្រាយ៖ ផ្លាស់ទីឧបករណ៍បំពងសំឡេង និងទូរទស្សន៍ឲ្យឆ្ងាយពីអាសនៈ ប្រសើរជាងទៅបន្ទប់ផ្សេងទៀត។ ប្រសិនបើផ្ទះរបស់អ្នកតូច ចូរជ្រើសរើសជ្រុងដាច់ដោយឡែក យ៉ាងហោចណាស់ ២ទៅ៣ម៉ែត្រពីអាសនៈ ហើយបិទឧបករណ៍នៅពេលអុជធូប ដើម្បីរក្សាកន្លែងស្ងាត់។

អាងចិញ្ចឹមត្រីតូច

អាងចិញ្ចឹមត្រីដែលមានទឹកហូរ និងត្រីហែលទឹកគឺស្រស់ស្អាត ប៉ុន្តែការដាក់វានៅលើ ឬក្បែរអាសនៈគឺមិនសមរម្យទេ។ នៅក្នុងក្បួនហុងស៊ុយ ទឹកដែលផ្លាស់ទីឥតឈប់ឈរគឺថាមវន្ត ខណៈពេលដែលអាសនៈត្រូវការស្ថេរភាព និងស្ងប់ស្ងាត់។

អាងចិញ្ចឹមត្រីក៏បង្កើតសំណើមផងដែរ ដែលអាចបំផ្លាញឈើអាសនៈយ៉ាងងាយស្រួល ឬធ្វើឲ្យកន្លែងមានផ្សិត និងគ្មានអនាម័យ។ ការដាក់អាងចិញ្ចឹមត្រីនៅជិតអាសន ក៏មានន័យថាទ្រព្យសម្បត្តិអាចហូរចេញយ៉ាងងាយស្រួល ហើយអាជីវកម្មនឹងពិបាក។

របៀបដោះស្រាយ៖ ផ្លាស់ទីអាងចិញ្ចឹមត្រីទៅបន្ទប់ទទួលភ្ញៀវឬជ្រុងបើកចំហផ្សេងទៀត។ បើ​អ្នក​ចូល​ចិត្ត​ដាំ​ទឹក​តុបតែង​គួរ​រើស​ផ្កាឈូក​តូច​ដាក់​ឆ្ងាយ​ពី​អាសនៈ ទាំង​ស្អាត​តាម​ហុងស៊ុយ។

កំប៉ុងជើងធូបដែលមានដែកមុតស្រួច

គ្រួសារជាច្រើនប្រើកំប៉ុងជើងធូបដែក ដើម្បីងាយស្រួលដោតធូប ប៉ុន្តែប្រភេទនេះមិនស័ក្តិសមសម្រាប់អាសនៈគ្រួសារទេ។ លោហធាតុមុតស្រួច ផ្ទុកថាមពលសម្លាប់មនុស្ស បំផ្លាញភាពកក់ក្តៅ និងភាពសុខដុមនៃកន្លែងគោរពបូជា។ ដំបង​ធូប​ដែក​ក៏​ងាយ​ច្រេះ​ដែរ ធ្វើ​ឲ្យ​អាសនៈ​ប្រឡាក់ និង​ប៉ះពាល់​ដល់​ភាព​ឧឡារិក។

កញ្ចក់

កញ្ចក់គឺជាវត្ថុដែលធ្លាប់ស្គាល់ ប៉ុន្តែការដាក់វានៅលើកន្លែងថ្វាយគ្រឿង ឬទល់មុខអាសនៈគឺជាបម្រាម។ មិនថាជំនឿហុងស៊ុយឬជំនឿខ្មែរ គេជឿថា កញ្ចក់ឆ្លុះបញ្ចាំងពីអ្វីគ្រប់យ៉ាងរួមទាំងថាមពលអវិជ្ជមាន ដែលអាចបំបែកថាមពលល្អនៃអាសនៈ

កញ្ចក់ទល់មុខក៏បង្កើតអារម្មណ៍នៃភាពអសន្តិសុខ ដូចជាប្រសិនបើនរណាម្នាក់កំពុងមើល ចូលទៅក្នុងលំហដ៏ពិសិដ្ឋ។ កញ្ចក់ដែលដាក់នៅកន្លែងខុស អាចរំខានម្ចាស់ផ្ទះបានយ៉ាងងាយនៅពេលថ្វាយបង្គំ ជះឥទ្ធិពលបន្តិចម្តងៗដល់ចិត្តសាស្ត្រ និងធ្វើឲ្យការងារមិនសូវរលូន។

ដំណោះស្រាយ៖ រំកិលកញ្ចក់ទៅបន្ទប់គេង ឬកន្លែងរស់នៅ។ ប្រសិនបើអាសនៈស្ថិតនៅក្នុងបន្ទប់ទទួលភ្ញៀវ ត្រូវប្រាកដថាមិនមានកញ្ចក់ធំទល់មុខទេ។ គ្របដណ្តប់កញ្ចក់ជាមួយនឹងវាំងនននៅពេលមិនប្រើ។

វត្ថុតូចៗផ្សេងទៀត

គ្រួសារជាច្រើនងាយស្រួលទុកកាបូប កូនសោ ទូរស័ព្ទ ឬរបស់ក្មេងលេងនៅលើអាសនៈ។ វត្ថុ​ទាំង​នេះ​មិន​គួរ​ដាក់​នៅ​លើ​អាសនៈ​ទេ ព្រោះ​ធ្វើ​ឲ្យ​លំហ​រញ៉េរញ៉ៃ និង​ខ្វះ​ភាព​ឧឡារិក។

ក្នុងជំនឿហុងស៊ុយសង្កត់ធ្ងន់ថា អាសនៈត្រូវតែស្អាតដើម្បីឲ្យថាមពលល្អចរាចរ។ គំនរវត្ថុផ្សេងៗ មិនត្រឹមតែធ្វើឲ្យបាត់បង់សោភ័ណភាពប៉ុណ្ណោះទេ ថែមទាំងបង្កការលំបាកដល់ក្រុមគ្រួសារក្នុងការប្រមូលផ្តុំនៅពេលថ្វាយបង្គំ ងាយនាំឲ្យមានការរំខាន និងពិបាកក្នុងការប្រមូលទ្រព្យសម្បត្តិ។

វិធី​ដោះស្រាយ៖ សម្អាត​អាសនៈ​ដោយ​បន្សល់​ទុក​តែ​ធូប ធូប​លង្ហិន ផ្កា​ស្រស់ និង​ថាស​ថ្វាយ។ ទិញប្រអប់តូចមួយដើម្បីទុករបស់តូចៗនៅជ្រុងមួយទៀត រក្សាអាសនៈឲ្យស្អាត និងមានខ្យល់ចេញចូលគ្រប់គ្រាន់៕

គ្រូ ណុប

ចុចអាន៖ស្អែកនេះ ​អ្នកកើត​ឆ្នាំជូតនិងខាល ត្រៀមទទួលដំណឹងល្អ ពីការងារ ហើយលាភធំក៏ចូលមកដល់ព្រមគ្នា

The post ហាមដាក់របស់ប៉ុន្មាននេះលើអាសនៈ ដែលអាចនាំឲ្យកូនចៅមានជម្លោះ គ្មានសុភមង្គល appeared first on Kampuchea Thmey Daily.

១ មានអារម្មណ៍កក់ក្តៅ៖ អារម្មណ៍នៃថាមពលវិជ្ជមាន មិនត្រជាក់ពេកឬក្ដៅពេក ដែលអាចថាភាពកក់ក្តៅដូចជាឈាមដែលបូមពេញរាងកាយ។ នៅពេលដែលអ្នកនៅម្នាក់ឯង ឬនៅកន្លែងជាក់លាក់មួយ ដូចជាប្រាសាទចាស់ ព្រះវិហារបុរាណ និងកន្លែងប្រវត្តិសាស្ត្រផ្សេងៗ សាលធំស្ងប់ស្ងាត់ ឬសូម្បីតែបន្ទប់គេង និងការិយាល័យរបស់អ្នកជាដើម។​ ដែលទីកន្លែងដែលរៀបរាប់នេះ ស្រាប់តែមានអារម្មណ៍ចម្លែកខុសសព្វដង នោះហើយជាសញ្ញាមានមនុស្សតាមថែរក្សារ។

២ សុបិនដូចជាការពិតច្រើនដង៖ សុបិនគឺជាការមើលឃើញយ៉ាងរស់រវើកនៃព្រឹត្តិការណ៍ដែលមានអត្ថន័យ ឬសារមួយចំនួនចង់ប្រាដល់យើង។ ការយល់សប្តិដែលស្រដៀងនឹងហេតុការណ៍ដែលធ្លាប់ឃើញពីមុន ឬមិនធ្លាប់សោះទាំងអស់នោះសុទ្ធសឹងតែជាដំណឹងមួយចង់បញ្ចាក់ពីអំពីព្រឹត្តិការណ៍នានាប្រុងនឹងកើតឡើង។

៣ លេខដដែលៗ៖ ឃើញលេខដដែលៗ ឬនិមិត្តសញ្ញាដូចជា ១១១, ២២២, ៣៣៣។ វាអាចមានអត្ថន័យពិសេសដូចជានៅពេលដែលអ្នកឃើញលេខនេះ នៅលើសញ្ញានៅទីនោះ។ ដើរ​ទៅ​កន្លែង​ផ្សេង​ក៏​ឃើញ​លេខ​នេះ ក្នុងមួយថ្ងៃ ឬ ២-៣ ថ្ងៃជាប់គ្នា អ្នកនឹងឃើញតែលេខដដែលៗប៉ុណ្ណោះ។ ​ទាំងនេះក៏ជាប្រផ្នូលដែលប្រាប់ពីហេតុការណ៍ដែលកើតឡើងដែរ។

៤ មានមនុស្សមកខ្សឹប៖ មិនថាជាសំឡេង ឬសារក្នុងចិត្ត ដែលអ្នកមិនអាចពន្យល់បាន។ ជាឧទាហរណ៍ តើអ្នកធ្លាប់អង្គុយនៅទីនោះ ហើយមានអារម្មណ៍ដូចជាអាចឮសំឡេងខ្សឹបក្នុងត្រចៀកដែរទេ? មនុស្សខ្លះប្រហែលជាមិនច្បាស់ទេមិន​អាច​ឮ​ពាក្យឬភាសា ប៉ុន្តែ​អាច​ទទួល​អារម្មណ៍​ថា​សំឡេង​ជិត​ត្រចៀក។ មនុស្សខ្លះឮពាក្យនេះច្បាស់ និយាយឲ្យសាមញ្ញទៅ វាជាញ្ញាណទី៦ដែលជាញាណឲ្យយើងដឹងហេតុកាណ៍ប្រុងនឹងកើតឡើង។

៥ ព្រឹត្តិការណ៍ចៃដន្យ៖ សុខៗអ្នកជួបប្រទះព្រឹត្តិការណ៍ ដែលហាក់ដូចជាការប្រាស្រ័យទាក់ទងគ្នាដោយចៃដន្យ ដូចជាការចូលមកក្នុងសារ ឬពាក្យដែលឆ្លុះបញ្ចាំងពីគំនិតរបស់អ្នក ឬអ្វីមួយដែលអ្នកទើបតែបានអំពីវា?

៦ អារម្មណ៍មានវត្តមាននរណាម្នាក់៖ មានអារម្មណ៍ថាមាននរណាម្នាក់នៅក្បែរ ទោះបីជាគ្មានអ្នកផ្សេងក៏ដោយ។ មនុស្សយើងមានថាមពលនៅក្នុងខ្លួនដូចជាពេលដែលមិត្តម្នាក់នៅក្បែរ។ វា​ដូច​ជា​ការ​ព្រមាន​ឲ្យ​មាន​ការ​ប្រុង​ប្រយ័ត្ន។ ត្រូវដឹងខ្លួនជានិច្ចរាល់គ្រប់សកម្មភាពដែលបានធ្វើ។

៧ ការផ្លាស់ប្តូរក្នុងជីវិត៖ មានការផ្លាស់ប្តូរច្បាស់លាស់ ឬធំនៅក្នុងជីវិត ទាំងវិជ្ជមាន និងអវិជ្ជមាន រឿងដែលមិនធ្លាប់មានពីមុនមកកើតឡើងចំពោះអ្នកក្នុងរយៈពេល ១-៣ ខែ រហូតដល់អ្នកមានអារម្មណ៍ថាអ្វីៗនៅជុំវិញអ្នកខុសពីធម្មតា។ អ្នកត្រូវតែថែរក្សាអ្វីមួយ។

៨ អារម្មណ៍ចម្លែក មិនអាចពន្យល់បាន៖ មានអារម្មណ៍សោកសៅ បាក់ទឹកចិត្ត រំភើប ឬរីករាយដោយគ្មានហេតុផល។ (មិនមែនជាអារម្មណ៍នៃការអស់រដូវទេ ឬវដ្តរដូវ) ប៉ុន្តែវានឹងក្លាយជាអារម្មណ៍ភ្លាមៗ វា​ដូចជា​ការ​មាន​អារម្មណ៍​អ្នក​ផ្សេង​ក្រៅ​ពី​ខ្លួន​ឯង​នៅ​ក្នុង​ខ្លួន​អ្នក។ ទាំងនេះហាក់ជាសារមួយ ចង់បង្ហាញខ្លួនឯងតាមរយៈអ្នកឲ្យមានការស្ងប់ចិត្តប្រសិនបើមានរឿងណាមូយបានកើតឡើង។

៩ ការមើលឃើញនិមិត្តសញ្ញា៖ ការមើលឃើញនិមិត្តសញ្ញា ឬវត្ថុដែលមានអត្ថន័យនៅពេលដ៏សំខាន់។ តើអ្នកធ្លាប់ឃើញឡានក្រុង ឬឡានដែលមានផ្ទាំងប៉ាណូឆ្លងកាត់អ្នកទេ? ហើយមួយសន្ទុះ វាដូចជាឡានដដែល ឬសញ្ញាដូចគ្នាឆ្លងកាត់ភ្នែករបស់អ្នកញឹកញាប់? ទាំងនេះវាកំពុងតែព្យាយាមបកស្រាយអ្វីដែលអ្នកឃើញ គ្រាន់តែមិនទាន់ច្បាស់ប៉ុណ្ណោះ៕

គ្រូ ណុប

ចុចអាន៖មនុស្សស្រីមានប្រជ្រុយ៥កន្លែងលើរាងកាយ គេចាត់ទុកថានាំលុយ ពូកែគ្រប់គ្រងទ្រព្យ

The post សញ្ញាទាំង ៩ បង្ហាញថា មានផ្លូវក្នុងតាមការពារ ថែរក្សាអ្នក appeared first on Kampuchea Thmey Daily.

កាលពីពេលថ្មីៗនេះ មានគ្រូបារមី១រូប ឈ្មោះ អេន ចរិយា ហៅអ្នកគ្រូលី ដែលអះអាងថា ខ្លួនត្រូវបានព្រះនាងឥន្ទ្រទេវីចូលសណ្ឋិត និងបំពុលពេញបណ្តាញសង្គម។ នារីម្នាក់នេះ ក៏ត្រូវបានអាជ្ញាធរកោះហៅកាលពីថ្ងៃទី៣០ ខែមករា ឆ្នាំ២០២៤ កន្លងទៅ ទៅសួរនាំ និងឱ្យធ្វើកិច្ចសន្យាឈប់បន្តសកម្មភាពបំពុលសង្គមរបស់ខ្លួនទៀត។

ជុំវិញបញ្ហានេះ លោកបណ្ឌិត ឈត ប៊ុនថង បានឱ្យ កម្ពុជាថ្មី ដឹងថា ក្នុងច្បាប់រដ្ឋធម្មនុញ្ញកម្ពុជា មិនបានហាមប្រាមពលរដ្ឋក្នុងការគោរព និងប្រកាន់យកជំនឿណាមួយឡើយ ហើយអ្នកគោរពប្រតិបត្តិនោះ គោរពសាសនាណាមួយក៏បាន កុំឱ្យតែប៉ះពាល់ដល់សណ្តាប់ធ្នាប់សាធារណៈ កិត្តិយស និងសេចក្តីថ្លៃថ្នូររបស់អ្នកដទៃ។ ការដែលអាជ្ញាធរកោះហៅនារីខាងលើធ្វើកិច្ចសន្យាឈប់បំពុលសង្គមទៀតនេះ គឺត្រឹមត្រូវ ព្រោះដោយសារនារីខាងលើធ្វើខុសនឹងរដ្ឋធម្មនុញ ប៉ះពាល់ដល់វប្បធម៌ និងរំលោភលើសេចក្តីទុកចិត្តរបស់អ្នកជឿនេះឯង។

លោកបណ្ឌិតបានលើកឡើងថា៖ “ខ្ញុំគិតថា អាជ្ញាធរគួរបន្តធ្វើតទៅទៀត ហើយការធ្វើរបស់អាជ្ញាធរ គឺធ្វើគ្រប់បុគ្គលទាំងឡាយណា ទោះបីថា បុគ្គលនោះមានខ្នងបង្អែក ឬអត់ខ្នងបង្អែក គឺត្រូវធ្វើដូចគ្នាឱ្យតែប្រព្រឹត្តខុសច្បាប់ ដែលគាត់បំពុលសង្គម”។ បន្ថែមពីនេះ លោកក៏ផ្តាំដល់អ្នកអនុវត្តច្បាប់ គួរអនុវត្តឱ្យបានខ្ជាប់ខ្ជួន កុំចាំទាល់តែមានការអន្តរាគមន៍ពីនាយករដ្ឋមន្ត្រីទើបចេញសកម្មភាព ព្រោះរឿងរ៉ាវមួយចំនួនថ្នាក់ដឹកនាំកំពូលមិនបានដឹងនោះឡើយ។ ដូច្នេះ ការអនុវត្តច្បាប់ ក៏មានការយឺតយ៉ាវដូចគ្នា។

រីឯ លោកសាស្ត្រាចារ្យ​ សំបូរ មាណ្ណារ៉ា វិញយល់ថា បើនិយាយពីបារមី គឺជាអំណួតអួតអាងដែលចេញពីបុគ្គលមួយចំនួនគិតថា ខ្លួនឯងអាចស្រូបទាញអ្នកជឿ និងមានការបម្រើជាភាពល្បី ឬធនធានជាដើម ហើយចំណុចនេះ ក៏កើតមានជាយូរមកហើយនៅក្នុងសង្គមខ្មែរ ហើយក៏អាចក្លាយជាប្រពៃណីផងដែរ មានទាំងវិជ្ជមាន និងអវិជ្ជមាន។ សម្រាប់លោកសាស្ត្រាចារ្យផ្ទាល់ ចំពោះបារមីក្នុងពេលបច្ចុប្បន្ននេះ លោកមិនបានរកឃើញពីចំណុចវិជ្ជមាននោះឡើយ ច្រើនតែអវិជ្ជមាន ដែលធ្វើឱ្យប៉ះពាល់ដល់វប្បធម៌ និងជំរុញឱ្យមនុស្សងប់ងុលហួសហេតុបង្កជាផលប៉ះពាល់ជាច្រើន។

ចំណុចដែលក្រសួងបានកោះហៅនារីម្នាក់ដែលសំអាងថាព្រះនាងឥន្ទ្រទេវីចូលសណ្ឋិតនោះ លោកសាស្រ្តាចារ្យយល់ថា ជារឿងមួយដែលធ្វើឱ្យប៉ះពាល់យ៉ាងខ្លាំងដល់ព្រះកិត្តិនាមរបស់ទ្រង់។ លោកបន្តថា ក្រសួងធ្វើកិច្ចការនេះ គឺជាការត្រឹមត្រូវ ព្រោះចៀសវាងធ្វើឱ្យខូចខាតដល់វប្បធម៌ខ្មែរកាន់តែខ្លាំង។ សម្រាប់ករណីដទៃទៀត ប្រសិនជាមានបុគ្គលផ្សេងទៀតអួតអាងថា ខ្លួនមានបារមី និងបំពុលសង្គមនៅក្នុងបណ្តាញសង្គមដោយចេតនាអាក្រក់នោះ គឺហៅទៅអប់រំត្រឹមត្រូវហើយ។ លោកបន្ថែមថា មិនមែនសុទ្ធតែអ្នកមានបារមីអាក្រក់ទាំងអស់ឡើយ គឺត្រូវមើលពីទង្វើ ផលប៉ះពាល់ដែលបុគ្គលនោះប្រព្រឹត្តដែរ ទើបអាចយករឿងទាំងនោះ មកដោះស្រាយបានដោយសំអាងលើច្បាប់ដែលបានចែង។

ចំពោះករណីនេះ លោកសាស្ត្រាចារ្យ សំបូរ មាណ្ណារ៉ា ស្នើដល់អាជ្ញាធរត្រូវយកចិត្តទុកដាក់ចំពោះអ្នកដែលមានបារមីនោះថា តើបុគ្គលនោះធ្វើឱ្យប៉ះពាល់ដល់ប្រជាជនដែរទេ? ឬធ្វើឱ្យខូចខាតដល់វប្បធម៌ខ្មែរដែរទេ? ជាពិសេស អាជ្ញាធរត្រូវតាមដានឱ្យខ្លាំងថា តើបារមីនោះធ្វើឱ្យមានការរំលោភបំពានដល់នារីភេទដែរទេ? ទាំងនេះហើយសុទ្ធតែជាករណីត្រូវតែមានចំណាត់ការតាមផ្លូវច្បាប់ដែលអាជ្ញាធរមិនអាចមើលរំលងបានឡើយ៕

The post អ្នកជំនាញ២រូប ជំរុញឱ្យអាជ្ញាធរបន្តហៅគ្រូបារមីផ្សេងទៀតធ្វើកិច្ចសន្យាឈប់បំពុលមហាជន appeared first on Kampuchea Thmey Daily.

មុននឹង​ជឿលើអ្វីមួយពាក់ព័ន្ធនឹងជំនឿ ឬសាសនា តើប្រជាពលរដ្ឋ​គួរពិនិត្យ​មើល​លើ​ចំណុចអ្វីខ្លះ?

មុននឹងជឿលើអ្វីមួយត្រូវតែគិតឱ្យបានហ្មត់ចត់ ពីព្រោះ​ជំនឿ ឬសាសនា ​គឺជា​មូល​ដ្ឋាន​​នៃជីវិត និងជោគវាសនារបស់មនុស្សម្នាក់ៗ។ ហេតុនេះ មុននឹងជឿលើ​ជំនឿ ​ឬ​សាសនា​ណាមួយ ត្រូវតែ​ស្វែងយល់អំពីប្រភព អត្ថន័យ ខ្លឹមសារ ភាពសមហេតុផល ភាពត្រឹមត្រូវ ភាពច្បាស់លាស់ គោលបំណង និង​ផល​ប្រយោជន៍​​ដែល​ទទួលបានពីជំនឿ ​ឬ​សាសនា​នោះ។ ជាពិសេស ត្រូវពិចារណាថា បើគេជឿ គោរព និងប្រតិបត្តិតាមជំនឿ ឬសាសនានោះ តើគេ​​ទទួលបាន​សេចក្ដីសុខ សេចក្ដីចម្រើន សេចក្ដីថ្លៃថ្នូរ ភាពវាងវៃ គតិបណ្ឌិត និង​សុខដុម​ដែរឬទេ?

នៅពេលមានបុគ្គលមួយចំនួន បង្ហាញខ្លួនថា ពួកគេមានបុណ្យបារមី ជាបុគ្គល​អស្ចារ្យ ឬ​មាន​មន្តអាគមពូកែស័ក្ដិសិទ្ធិ តើប្រជាពលរដ្ឋ គួរតែជឿដែរ ឬទេ? ហេតុអ្វី?

នៅពេលដែលមានបុគ្គលណាម្នាក់អួតអាងខ្លួនឯង ឬត្រូវបានគេលើកតម្កើងថា​ ជា​បុគ្គល​​អស្ចារ្យ ឬ​មាន​មន្តអាគម​ពូកែស័ក្ដិសិទ្ធិ​ យើងត្រូវតែពិចារណាថា តើបុគ្គល ឬក្រុមនោះ​​ មាន​លក្ខណៈពិសេសអ្វីខ្លះ ដូចជា៖

១. បុគ្គលនោះ កើតមកពីណា? ពីមនុស្ស ឬពីទេវៈ? មានប្រវត្តិយ៉ាងម៉េច?

២. តើគាត់​បានធ្វើអ្វីខ្លះ និងឆ្លងកាត់អ្វីខ្លះ ទើបបានក្លាយជាតួអង្គនោះ?

៣. តើគាត់មានអ្វីពិសេសជាងមនុស្សធម្មតា? ធ្វើអ្វីបានខ្លះ? ជួយបានអ្វីខ្លះ? ដល់​ខ្លួនយើង និងសង្គម?

៤. តើរបៀបដែលគាត់ធ្វើនោះ មានភាពជាក់ស្ដែងដែរ ឬទេ? ស័ក្ដិសិទ្ធិ ឬទេ? សម​ហេតុ​ផល ឬទេ? ឬក៏មានភាពលាក់លៀម? មានល្បិចកល? មានការរៀបចំ​ដែរ ឬទេ? មានគោលបំណងដើម្បីបំភាន់ ឬកេងចំណេញដែរ ឬទេ?

៥. តើគាត់អាចព្យាបាល អាចសង្គ្រោះអ្នកជំងឺ ជនរងគ្រោះ ជនងាយរងគ្រោះ បានដែរឬទេ? ចេះជប់សេចក្ដីសុខ សុភមង្គល ឬផលប្រយោជន៍​ឱ្យ​អ្នកជឿ ដោយមិន​ចាំបាច់​ខិតខំស្វែងរកសេចក្ដីសុខ ឬផលប្រយោជន៍ដោយខ្លួនបាន​ដែរ ឬទេ?

៦. តើរបៀបដែលគាត់ធ្វើនោះ ស្រដៀងគ្នា ឬដូចគ្នានឹងអ្វីដែលជនខិលខូច​មួយ​ចំនួនបានធ្វើកន្លងមកដែរ ឬទេ? ដូចជា ករណី អតីតព្រះចៅអធិការ​វត្ត​ស្រះចក, គ្រូសិល្ប៍ព្យាបាលជំងឺនៅ​កំពង់ធំ, បុគ្គលដែល​បាន​តាំង​ខ្លួន​ជា​ព្រះ​សិអារ្យមេត្រី, តួអង្គព្រហ្មភ្នំគូលេន និងគ្រូសិល្ប៍ គ្រូវេទមន្ត គ្រូអាបធ្មប់ គ្រូស្ដោះផ្លុំ មួយ​ចំនួន​ទៀត​ដែលបានព្យាបាល​អ្នកជំងឺ​ដោយបាន​បៀតបៀន​កេរ្ដ៍ខ្មាស់ ​ឬ​រំលោភ​សេព​សន្ថវៈអ្នកជំងឺ ជាដើម។

៧. ក្រៅពីនេះ បងប្អូននៅចាំទេ ព្រឹត្តិការណ៍នៅ​ស្តាតអូឡាំពិកក្នុងសម័យអ៊ុនតាក់ ជាច្រើនឆ្នាំ​កន្លងមក ដែលលោក ម៉ៃអេវិន បានឃោសនា អះអាថា ខ្លួន​អាច​ជួយព្យាបាលជំងឺមនុស្ស​​គថ្លង់ ខ្វាក់ ខ្វិន ឬមនុស្សដែលមានជំងឺរ៉ាំរ៉ៃ ឱ្យជាសះ​ស្បើយ តែទីបផុត គាត់មិនអាចធ្វើទៅបានដូចការសន្យា ហើយក៏មានការតវ៉ា​ពីអ្នកទៅរកសេវានោះ ដោយផ្ទុះអំពើហិង្សា និងចលាចលនៅពេលនោះ។ ដូចគ្នាដែរ ករណី​ទឹកលិចលោក​នៅភ្នំគូលេន តើបងប្អូននៅចាំបានទេ មាន​ការខាតបង់ពេល​វេលា ប្រាក់កាស ទ្រព្យសម្បត្តិរបស់អ្នកជឿជាច្រើននាក់ រហូត​ដល់មាន​អន្តរាគមន៍ពីអាជ្ញាធរ។  

៨. ប្រសិនបើមានករណីដែលបាន និងកំពុងកើតឡើងថ្មីនេះ ស្រដៀងគ្នាទៅនឹង​ករណី​ដូចបានរៀនរាប់ខាងលើ គួរតែប្រុងប្រយ័ត្ន ក្រែងលោរងគ្រោះ​ដូច​ករណី​ទាំងនេះ និងដូចករណីមុនៗ ឬក៏ករណីតាថេន ចៅសន ដែរ។       

នៅពេលដែលមានប្រជាពលរដ្ឋ​ជឿងប់ងុលនឹង​បុគ្គល​មួយ​ចំនួន​ដូចបានលើកឡើង​ខាង​លើ តើពួកគាត់អាចនឹងរងគ្រោះអ្វីខ្លះដែរ?

ជំនឿ ឬសាសនា គឺជាអាវុធមុខពីរ បើជឿត្រូវនាំឱ្យមានសេចក្ដីសុខ សេចក្ដីចម្រើន សេចក្ដីថ្លៃថ្នូរ និងសុខដុម ប៉ុន្តែ បើជឿខុស នាំឱ្យពួកគេអាចវង្វេង យល់ច្រឡំ យល់ខុស សម្រេចចិត្តខុស ខាតបង់ពេលវេលា ប្រាក់កាស ចាញ់បោកគេ ជាដើម។ ទីបំផុត ពួកគេអាច មានភាពជ្រុលនិយម ងាយរងគ្រោះ ងាយត្រូវបានគេយកទៅ​ប្រើប្រាស់​ជា​មធ្យបាយ ឬ​​ឧបរកណ៍សម្រាប់សម្រេចបំណងណាមួយ ដូចជា គោលបំណងខាង​នយោបាយ ភេរវកម្ម សេដ្ឋកិច្ច​ (ផ្សាយលក់ផលិតផល ផ្សព្វផ្សាយផេក) សង្គ្រាម ជាដើម។ ឧទាហរណ៍ ក្នុងអតីតកាល ធ្លាប់មានក្រុមតាលីបង់ អាល់កៃដា ហ៊ូទី ហាម៉ាស ជាដើម ក៏ត្រូវអ្នក​នយោបាយយកមកប្រើប្រាស់ ដើម្បីផលប្រយោជន៍របស់ខ្លួនដែរ។ ប៉ុន្តែ បើអ្នកណាម្នាក់​ ឬ​ក្រុម​ណាមួយ​ជឿស៊ុប ជឿមាំ ជឿដាច់ខាត ឬមាន​ភាព​ជ្រុលនិយមហើយ គ្មានអ្នកណា​ម្នាក់​អាច​ផ្ដល់យោបល់ដល់​គេ​បាន​ឡើយ។

តាមពិត រឿងមានតួអង្គអស្ចារ្យនេះ មិនមែនជារឿងថ្មីទេ គឺមានតាំងពីយូរមកហើយ ប៉ុន្តែ នៅតែ​មិនអាចជួយសង្គមបាន ដូចជា ប្រទេសកម្ពុជា ធ្លាប់ជាមហានគរ មានទឹកដីធំធេង ឥឡូវនៅសល់ប៉ិនសព្វថ្ងៃនេះ។ មុនប៉ុលពត សម្បូរណាស់តួអង្គអស្ចារ្យ ពេលប៉ុលពត ឡើងកាន់អំណាចគ្រប់គ្រងបែបផ្ដាច់ការ និងសម្លាប់មនុស្សអស់រាប់លាននាក់ មិនមាន​តួអង្គ​អស្ចារ្យ ឬអាទិទេពណាមួយអាច​ជួយ​បានទេ។ សង្គ្រាមស៊ីវិលនៅមីយ៉ាន់ម៉ា សង្គ្រាម​រុស្ស៊ី-អ៊ុយក្រែន និង​សង្គ្រាមអ៊ីស្រាអែល​-ប៉ាឡេស្ទីន ជាដើម​ ដែលសុទ្ធតែកើតឡើង​នៅ​បណ្ដាប្រទេស​សម្បូរជំនឿលើអាទិទេព ហើយក៏មិនមានតួអង្គ​អស្ចារ្យណា​មួយ​អាចជួយ​សាសនិកទាំងនោះបាន ដែលសង្គ្រាមទាំងនោះ បណ្ដាលឱ្យមានអ្នកស្លាប់ និងរបួស​រាប់ម៉ឺន រាប់សែននាក់ និង​ខូចខាច​ទ្រព្យសម្បត្តិអស់ជាច្រើន។    

តើជំនឿលើសាសនា មានគោលការណ៍អនុវត្តដែរ ឬទេ? បើមាន តើចំណុច​អ្វីខ្លះ​ដែរ?

មុននឹងឆ្លើយសំណួរនេះ សូមញែកសាសនាចេញពីជំនឿ​មិនសមហេតុផល​ ឬ​អបិយ​ជំនឿ។ សាសនា គឺជាសំណុំនៃជំនឿរៀបរយ ការអនុវត្ត និង​ប្រព័ន្ធ​នានា​ដែល​ភាគច្រើន​ទាក់ទង​នឹងជំនឿ និង​ការគោរពគម្ពីរ មនោគមវិជ្ជា តួអង្គអស្ចារ្យ ដូចជា ព្រះអាទិទេព ឬតួអង្គអធិធម្មជាតិ ជាដើម។ ចំណែក អបិយជំនឿ គឺជាជំនឿមិនគួរឱ្យស្រឡាញ់, មិនគួរឱ្យពេញចិត្ត។ ក្នុងន័យនេះ អាច​សំដៅដល់ជំនឿលើ​អាប ធ្មប់ ​ព្រាយបិសាច ព្រលឹង​ខ្មោច អមនុស្ស ផ្លូវក្នុង ជាដើម។

មាត្រា៤៣ នៃរដ្ឋធម្មនុញនៃ​ព្រះរាជាណាចក្រកម្ពុជាចែងថា ប្រជាព​លរដ្ឋខ្មែរទាំងពីរភេទ​ មានសិទ្ធិពេញទីខាងជំនឿ។ សេរីភាពខាងជំនឿ និងការប្រតិបត្តិខាង​សាសនា ត្រូវបានរដ្ឋធានា ក្នុងក្របខណ្ឌដែលមិនប៉ះពាល់ដល់ជំនឿ ឬសាសនាដទៃទៀត ដល់សណ្ដាប់ធ្នាប់ និងសន្តិសុខសាធារណៈ។ ព្រះពុទ្ធសាសនា ជាសាសនារបស់រដ្ឋ។

ក្រៅពីរដ្ឋធម្មនុញ នៅមានច្បាប់ និងគោលការណ៍ផ្សេងៗទៀតរបស់ក្រសួងធម្មការ​ និង​សាសនា។ លើសពីនេះ ក៏មានគោលការណ៍នៃសមាគមអន្តរសាសនា និងសាសនា​នីមួយៗ​ផងដែរ ដើម្បី​ជួយតម្រង់ទិសការប្រតិបត្តិសាសនានីមួយៗ ដើម្បីកុំឱ្យមានការ​ប៉ះ​ទង្គិចគ្នា និងបញ្ជៀសហានិភ័យដល់សង្គម។    

តើបុគ្គល ឬក្រុមដែលធ្វើសកម្មភាពនាំឱ្យប៉ះពាល់ដល់សាសនារបស់រដ្ឋ ឬសង្គម អាចមាន​ទោស​ទណ្ឌ​ដែរ​ឬទេ?

និយាយដល់ទោសទណ្ឌ គឺត្រូវពិនិត្យមើលទិដ្ឋភាពច្បាប់ និងសកម្មភាពប្រតិបត្តិជំនឿ ​ឬសាសនា ប្រសិនបើ​វាផ្ទុយនឹងច្បាប់ វាពិតជាមានកំហុស។ ប្រសិនបើមានកំហុស វាពិតជាត្រូវមាន​ការ​ណែ​នាំ​ ការតម្រង់ទិស ការអប់រំ ការទប់ស្កាត់ ឬការដាក់ទោស ជាដើម។ ក្នុង​រដ្ឋធម្មនុញ្ញ​មាត្រទី៤៣ ចែងថា សេរីភាពខាងជំនឿ និងការប្រតិបត្តិខាង​សាសនា ត្រូវបានរដ្ឋធានា ក្នុង​ក្របខណ្ឌដែលមិនប៉ះពាល់ដល់ជំនឿ ឬសាសនាដទៃទៀត ដល់សណ្ដាប់ធ្នាប់ ​និង​សន្តិសុខ​សាធារណៈ តែបើប៉ះពាល់ អាជ្ញាធរមានសិទ្ធិគ្រប់គ្រាន់ក្នុងការចាត់វិធានការផ្លូវច្បាប់។

ជារួម ជំនឿដែលមនុស្សម្នាក់ៗ​ប្រកាន់យក អាចត្រូវ ឬខុស, អាចពិត ឬមិនពិត, អាចសមហេតុផល ឬមិនសមហេតុផល ហើយវាក៏អាច​ធ្វើឱ្យអ្នកជឿ ទទួលបានសេចក្ដីសុខ ឬសេចក្ដីទុក្ខ, ជោគជ័យ ឬបរាជ័យ, សុភមង្គល ឬ​អពមង្គល និងមានសុខដុមភាព ឬភាពបែកបាក់ផងដែរ។

តាមការពិចារណារបស់ខ្ញុំ ជំនឿ ឬសាសនាទាំងអស់ ត្រូវបានសន្មត ឬ​បង្កើត​ឡើង​ដោយ​មនុស្ស ដោយបានតាក់តែងជាប្រភព ប្រវត្តិទាក់ទងនឹងដំណើររឿង បែបបទ ពិធី ជំនឿ​ ដោយ​មាន​តួ​អង្គព្រះ ឬអាទិទេព វត្ថុពិសិដ្ឋ ព្រមទាំងបានចងក្រងជាទ្រឹស្ដី និងគម្ពីរ ជាដើម។ តាមពិត អ្វី​ៗ​ដែលមានចែង និងអះអាង​នៅក្នុង​សាសនា​ទាំង​អស់ ​មិនមែនសុទ្ធតែ​មាន​សច្ចភាព​ដាច់​ខាត​នោះ​ទេ។ ចំណុចខ្លះ ពិត ឬសមហេតុផល និងចំណុចខ្លះទៀត មិនពិត ឬមិនសមហេតុផលនោះឡើយ។

ហេតុនេះ សូមអ្នកជឿទាំងអស់​ កុំជឿដោយខ្វះបញ្ញា ខ្វះការពិចារណា និងខ្វះ​ការគិត​ហ្មត់ចត់ ហើយកុំមានភាព​ជ្រុលនិយម ​និង​ការរើសអើង​ដល់អ្នកកាន់សាសនាដទៃ​ ឬ​អ្នកមិន​ជឿ​លើ​សាសនា។ ប្រសិន​បើមិនដូច្នេះទេ អ្នក​នឹង​ក្លាយ​ជាអ្នករងគ្រោះ និង​អ្នកបង្កជម្លោះ​ជាមួយ​សាសនិកដទៃ ឬមនុស្សដទៃទៀត។

ហេតុនេះ មុននឹង​ប្រកាន់​យកជំនឿណាមួយមកធ្វើជាមគ្គុទ្ទេសក៍ជីវិតរបស់ខ្លួន មនុស្ស​​ម្នាក់ៗ ​ត្រូវតែប្រាកដថា​ ជំនឿនោះ គឺជាអ្វីមួយ​ដែលមានភាពត្រឹមត្រូវ សមហេតុផល ស្របនឹងសច្ចភាព និងអាច​នាំឱ្យ​ខ្លួន​ទទួលបានផលប្រយោជន៍ពីជំនឿទាំងនោះ។ លើស​ពី​នេះទៀត វានឹងមិននាំឱ្យយើង​ និង​សង្គមរបស់យើង​ទទួលរងគ្រោះតាម​រូបភាព​ផ្សេងៗ​ដោយ​សារជំនឿរបស់យើង៕

ដោយ៖ បណ្ឌិត ឈត ប៊ុនថង អ្នកជំនាញផ្នែកទស្សនវិជ្ជា និងសង្គមនៃរាជបណ្ឌិត្យសភាកម្ពុជា

The post មុននឹងជឿលើអ្វីមួយ គួរពិចារណាលើកត្តាអ្វីខ្លះ? appeared first on Kampuchea Thmey Daily.

ជំនឿ​នេះ​ចាប់​ផ្ដើម​ដោយ​គោលការណ៍​ដែល​ក្រចក និង​សក់​ជា​ផ្នែក​មួយ​នៃ​រាង​កាយ។ នៅពេល​ដែល​ត្រូវ​កាត់​ក្រចក និង​សក់ វា​អាច​នាំ​ឲ្យ​មាន​រឿង​អាក្រក់ឬជំងឺអាចកើតឡើងផងដៃរ។

ជំនឿ​ពី​បុរាណ​កាល​ថា តើ​យើង​គួរ​កាត់សក់​ថ្ងៃ​ណា​ដើម្បី​លាភ​សំណាង ?

ថ្ងៃអាទិត្យ កាត់សក់ថ្ងៃអាទិត្យ វាត្រូវបានគេជឿថាជីវិតនឹងមានអាយុវែង គ្មានជំងឺ មានសុខភាពល្អរឹងមាំរហូតទៅ។

ថ្ងៃច័ន្ទ ការកាត់សក់របស់អ្នកនៅថ្ងៃច័ន្ទ ត្រូវបានគេជឿថានាំមកនូវសំណាងល្អ។

ថ្ងៃអង្គារ វាត្រូវបានគេជឿថា កាត់សក់នៅថ្ងៃអង្គារ វា​នឹង​ធ្វើ​ឲ្យ​អ្នក​ជា​មនុស្ស​ដែល​មាន​អំណាច និង​មហិច្ឆតាធំ។

ថ្ងៃពុធ កុំកាត់សក់របស់អ្នកនៅថ្ងៃពុធ។ ព្រោះជំនឿបែបនេះ នឹងមាន​ការ​ឈ្លោះប្រកែក​គ្នា មាន​ទុក្ខ​លំបាក និង​គ្មាន​សំណាង​។

ថ្ងៃព្រហស្បតិ៍ កាត់សក់ថ្ងៃព្រហស្បតិ៍ មានជំនឿថាទេវតា ឬវត្ថុពិសិដ្ឋនឹងការពារអ្នក។

ថ្ងៃសុក្រ ការកាត់សក់របស់អ្នកនៅថ្ងៃសុក្រ​ ត្រូវបានគេជឿថានាំមកនូវសំណាងល្អ។ ទាក់ទាញដល់អ្នកដែលបានឃើញ ឃើញនឹងចូលចិត្តអាណិតស្រលាញ់។

ថ្ងៃសៅរ៍ ការកាត់សក់របស់អ្នកនៅថ្ងៃសៅរ៍ ត្រូវបានគេជឿថាទទួលបានជោគជ័យ។ អ្វីដែលអ្នកគិត អ្នកនឹងទទួលបានអ្វីដែលអ្នកចង់បាន។

ជំនឿតាំងពីបុរាណកាល៖ តើយើងគួរកាត់ក្រចកនៅថ្ងៃណា ដើម្បីលាភសំណាង?

ថ្ងៃអាទិត្យ ការកាត់ក្រចកថ្ងៃអាទិត្យ មាន​ជំនឿ​ថា​នឹង​មាន​លាភ​សំណាង កិត្យានុភាព និង​ជួប​តែ​រឿង​ល្អៗ​ដោយ​មិន​នឹក​ស្មាន​ដល់ ។

ថ្ងៃច័ន្ទ ការ​កាត់​ក្រចក​នៅ​ថ្ងៃ​ច័ន្ទ​​ ត្រូវ​បាន​គេ​ជឿ​ថា​នាំ​មក​នូវ​លាភ​សំណាង ជួយបន្ថែមរឿងល្អៗចូលក្នុងជីវិតរបស់អ្នក។

ថ្ងៃអង្គារ កុំកាត់ក្រចកនៅថ្ងៃអង្គារ ព្រោះ​គេ​ជឿ​ថា​នឹង​ធ្វើ​ឲ្យ​ទ្រព្យ​សម្បត្តិ​ត្រូវ​ខាត​បង់ និង​ជួប​តែ​សំណាង​អាក្រក់។

ថ្ងៃពុធ ការកាត់ក្រចកថ្ងៃពុធ មានជំនឿថាអ្នកនឹងជួបតែភាពរុងរឿង។ វាត្រូវបានចាត់ទុកថាជាថ្ងៃដ៏រីករាយ។

ថ្ងៃព្រហស្បតិ៍ កុំកាត់ក្រចកនៅថ្ងៃព្រហស្បតិ៍ ព្រោះមានជំនឿថា អ្នកនឹងជួបតែទុក្ខ ជួបប្រទះតែឧបសគ្គ។

ថ្ងៃសុក្រ ការ​កាត់​ក្រចក​នៅ​ថ្ងៃ​សុក្រ​ត្រូវ​បាន​គេ​ជឿ​ថា​ នឹង​នាំ​មក​នូវ​ភាព​រុងរឿងអំពីទ្រព្យសម្បត្តិ មិនខ្វះលុយចាយទេ។

ថ្ងៃសៅរ៍ កុំកាត់ក្រចកនៅថ្ងៃសៅរ៍ ព្រោះគេជឿថា ងាយនឹងឈឺ មិនមានសុខភាពល្អ។

ទោះយ៉ាងណាក៏ដោយ ជំនឿ​លើ​ការ​កាត់​សក់ ឬ​កាត់​ក្រចក ជា​ជំនឿ​ផ្ទាល់​ខ្លួន​តាំង​ពី​បុរាណ​មក។ ចំណែក​អ្នក​មិន​ជឿ​ក៏​មិន​អី​ដែរ! ព្រោះ​ជា​ជំនឿ​ផ្ទាល់​ខ្លួន។ អាច​ជ្រើសរើស​តាម​ចិត្ត​ និងគិតថាសមហេតុផលប៉ុណ្ណោះ!

គ្រូ ណុប

ចុចអាន៖ធាតុហុងស៊ុយ ៤ ប្រភេទ ជួយអាជីពរលូនទៅមុខឥតឧបសគ្គ និងមានសំណាងល្អក្នុងជីវិត

The post កាត់ក្រចក កាត់សក់ថ្ងៃណា នឹងជួយឲ្យមានលាភសំណាង ចៀសពីគ្រោះចង្រៃ appeared first on Kampuchea Thmey Daily.

១ សំអាតមុខផ្ទះ

តំបន់​នៅ​មុខ​ផ្ទះ​ប្រៀប​ដូច​ជា​មាត់​នៃ​ទ្រព្យ​សម្បត្តិ។ វាគឺជាចំណុចទទួលថាមពលដ៏ល្អ ហើយគេជឿថាការលាងមុខ ឬសម្អាតមុខផ្ទះ ប្រៀបដូចជាការបោសសម្អាតសំណាងអាក្រក់ លាងជម្រះរឿងអាក្រក់ៗ ហើយចាត់ទុកថាជាការអំពាវនាវឲ្យជួបតែរឿងល្អៗចូលមកក្នុងផ្ទះទាំងមូល អំពីហិរញ្ញវត្ថុ ការងារ និង សំណាងពេញមួយឆ្នាំ២០២៣។

២ សម្អាត​វត្ថុ​សក្តិសិទ្ធិក្នុងផ្ទះ

ការ​សម្អាត​វត្ថុ​បរិសុទ្ធ វា​ជា​រឿង​មួយ​ទៀត​ដែល​ត្រូវ​ធ្វើ​ក្នុង​ថ្ងៃ​ចូល​ឆ្នាំ​​ ព្រោះ​ជា​កន្លែង​ថ្វាយបង្គំ​តោង​ជាប់ក្នុងចិត្ត និងបន្ថែមភាពរីករាយដល់ផ្ទះ វាគួរតែត្រូវបានសម្អាតដើម្បី​ការពារធូលីពីការជាប់។ ជាពិសេសការដាក់​រូប​ព្រះពុទ្ធ​ឲ្យ​បាន​ត្រឹម​ត្រូវ ​ជួយឲ្យមានលាភ​សំណាង លើក​តម្កើង​កិត្យានុភាព និង​អារម្មណ៍​សុខសាន្ត។

៣ សម្អាត ឬផ្លាស់ប្តូរកាបូប​របស់អ្នក

បើ​សម្អាត​កាបូប​មី ឬ​ប្តូរ​កាបូប​ថ្មី គេ​ជឿ​ថា​កាបូប​ប្រៀប​ដូច​ជា​កន្លែង​ស្តុក​ទុក នឹងជួយ​បង្កើន​ទ្រព្យសម្បត្តិ​ហិរញ្ញវត្ថុ ធ្វើឲ្យ​ហិរញ្ញវត្ថុ​មិន​ជាប់គាំង ​ឬ​មិនលេចធ្លាយ​តាមចន្លោះប្រហោង​ណាមួយ។ សម្រាប់ឆ្នាំ ២០២៣ ពណ៌​ហុងស៊ុយ​សម្រាប់​ប្ដូរកាបូបមានពណ៌ស្វាយ បៃតង ក្រហម ទឹកក្រូច ខៀវ បន្ថែមក្រដាស់ប្រាក់ដែលបញ្ចប់ដោយលេខ ៨ ។

៤ ស្រង់ទឹកព្រះរស់ក្នុងផ្ទះ ​ហើយ​សុំការអភ័យទោសឬអ្នក​ដែលចិញ្ចឹមយើង

ក្នុងឱកាសចូលឆ្នាំ នេះ​ជា​ឱកាស​ដ៏​ល្អ​មួយ​ដើម្បី​ស្រង់ព្រះរស់ ឬ​អ្នក​ដែល​ចិញ្ចឹម​យើង។ ការបង្ហាញការ​ដឹងគុណចំពោះអ្នកមានគុណគឺការសុំទោសចំពោះអ្វីដែលយើង​បានធ្វើខុសកាលពី​អតីតកាល អាចជាចេតនា ឬ​អចេតនា។ បើ​ធ្វើ​បាន វា​នឹង​ជួយ​លើក​ស្ទួយ​ជីវិត​ឲ្យ​មាន​ភាព​ចម្រុងចម្រើន ធ្វើ​អ្វី​ក៏​រលូន​គ្មាន​ការ​ធ្លាក់​ចុះ អំពើ​អាក្រក់​នឹង​រលាយ​បាត់​ទៅ ជួប​តែ​រឿង​ល្អ​ៗ ។

៥ សម្អាត​រាងកាយ និងចិត្តរបស់​អ្នក

ចាប់ផ្តើម​ជាមួយផ្នែករាងកាយស្អាត មិនថាកាត់សក់ ឬ​កាត់ក្រចក។ យក​ទឹក​សល់ស្រង់ព្រះរស់​ដែលជា​ទឹក​បរិសុទ្ធ ឬទឹក​មន្តពី​ព្រះសង្ឃ​មក​មក​ងូតឬលុបមុខ​ដើម្បី​លាភ​សំណាង សម្អាត​ភាព​រញ៉េរញ៉ៃ អ្វីក៏ដោយដែលមានបញ្ហា ឬអាក្រក់ សូម​ឲ្យ​កន្លងផុតទៅ ហើយ​ពេល​សម្អាត​កាយ និង​ចិត្ត គួរតែ​ជា​គំនិត​ល្អ​។ នោះហើយជា​ទាំងអស់វានឹងត្រូវបានចាត់ទុកថា​ជាការចាប់ផ្តើម​ដ៏ល្អសម្រាប់ឆ្នាំថ្មីហើយពេញមួយឆ្នាំនឹងមានតែរឿងល្អ​ចូលមក៕

គ្រូ ណុប

ចុចអាន៖ដើរលេងចូលឆ្នាំខ្មែរដោយសុវត្ថិភាព កុំភ្លេចប្រយ័ត្នលើ ៤ ចំណុចធំៗនេះ

The post ៥ យ៉ាងត្រូវធ្វើក្នុងថ្ងៃចូលឆ្នាំ ដើម្បីនាំមកនូវសុភមង្គល ទទួលលាភសំណាង appeared first on Kampuchea Thmey Daily.