ឌួង ឆាយ Archives - Kampuchea Thmey Daily

ឌួង ឆាយ ទម្លាយការពិតក្រោយភ្ជាប់ពាក្យជាមួយគូដណ្តឹងអាយុ១៨ឆ្នាំ

deth leng — Sat, 26 Mar 2022 04:10:52 +0000

កាលពីថ្ងៃទី ២៤ ខែមីនាឆ្នាំ២០២២កន្លងទៅនេះអ្នកប្រើប្រាស់បណ្តាញសង្គមហ្វេសប៊ុកនិងមហាជនទូទៅបានសម្តែងការភ្ញាក់ផ្អើលបន្ទាប់ពីមា នការស៊ែរចែករំលែករូបភាពជាច្រើនសន្លឹកបង្ហាញពីទិដ្ឋភាពនៃពិធីភ្ជាប់ពាក្យរបស់លោក ឌួង ឆាយ និងនារីស្រស់ស្អាតវ័យប្រហែលគ្នា។

បន្ទាប់ពីពិធីភ្ជាប់ពាក្យនេះរំលងបាន២ថ្ងៃស្រាប់តែលោក ឌួង ឆាយ បានទម្លាយការពិតអំពីសម្ព័ន្ធភាពស្នេហារវាងលោកនិងអនាគតភរិយាវ័យ១៨ឆ្នាំរូបនេះ។ លោក ឌួង ឆាយបានបង្ហោះភ្ជាប់រូបភាព១សន្លឹកដូច្នេះថា កូនប្រុសស្រលាញ់ច្បាស់លាស់គឺហ៊ានចូលចែចូវតាមចាស់ទុំគោរពតាមទំនៀមទំលាប់ប្រពៃណីខ្មែរយើងប្រារព្ធពិធីពិសារស្លាដក់នឹងកន្សែង។

លោកបន្តថា សូមគោរពអរគុណដល់អ្នកម្តាយដែលបានណែនាំនារីខ្មែរដ៏ល្អម្នាក់មានពូជពង្សវង្សត្រកូនលល្អដល់កូន។ សូមអរគុណអនាគតលោកឪពុកក្មេកនិងអ្នកម្តាយក្មេកដែលបានផ្តល់នូវឱកាសអនុ ញ្ញាតព្រមព្រៀងឲ្យកូនទាំងពីរស្រលាញ់គ្នានឹងបានប្រារព្ធធ្វើពិធីនេះឡើង។សូមអរគុណដល់អនាគតឧត្តមភរិយាដែលអូនព្រមស្រលាញ់ជ្រើសរើសទទួលយកបងធ្វើជាគូជីវិតជាពិសេសគឺក្នុងថ្ងៃដែលជីវិតបងស្ថិតនៅក្នុងភាពងងឹតបាត់បង់អ្វីៗគ្រប់យ៉ាង ជួបទុក្ខលំបាកវេទនាជាទីបំផុត។

លោក ដួង ឆាយ និយាយទៀតថា “អូនបានចូលមកជួយបំពេញអត្ថន័យជីវិតបង អូនតែងតែឈរកៀកនៅក្បែរជួយផ្តល់កម្លាំងចិត្តនឹងមិនដែលហារស្តីបន្ទោសដាក់បងសូម្បីតែមួយម៉ាត់ចំពោះនូវរាល់កំហុសឆ្គងដែលបងតែងមានរហូតមកអូនព្រមទទួល យកភាពខ្វះខាតដោយការជួយបំពេញបន្ថែម អូនព្រមទទួលយកនូវរាល់អតីតកាលមិនល្អរបស់បង។ លើសពីនេះគឺអូនអាណិតស្រលាញ់ដល់កូនៗទាំង៣របស់បងខ្លាំងណាស់”។

លោកបញ្ជាក់ថា “បងសូមសន្យាថា និងតបស្នងការស្រលាញ់ដ៏ស្មោះស្ម័គ្ររបស់អូនមួយនេះនឹងជួយមើលថែរក្សាផ្តល់ភាពកក់ក្តៅជូនអូនដូចដែលលោកឳពុកអ្នកម្តាយអូនធ្លាប់បានថ្នាក់ថ្នមមើលថែឲ្យបានល្អជាទីបំផុត ផ្តល់កម្លាំងចិត្តជូនអូននិងកសាងសុភមង្គលជាមួយគ្នា។ សូមអរគុណពូមីងបងប្អូនទាំងអស់គ្នាចំពោះការអានិតស្រលាញ់រាប់អាន និងអបអរសាទរជូនពរ”៕

អត្ថបទ៖ ចាន់រ៉ា

The post ឌួង ឆាយ ទម្លាយការពិតក្រោយភ្ជាប់ពាក្យជាមួយគូដណ្តឹងអាយុ១៨ឆ្នាំ appeared first on Kampuchea Thmey Daily.

ឌួង ឆាយ ប្រកាសសូមទោសជំនួសឪពុករបស់ខ្លួន

Kang Tola — Mon, 14 Feb 2022 13:06:08 +0000

ក្រោយតុលាការសាលាដំបូងរាជធានីភ្នំពេញ បានសម្រេចឃុំខ្លួនលោក ឌួង ងៀប បណ្ដោះអាសន្ននៅពន្ធនាគារ នៅមុននេះបន្តិចលោក ឌួង ឆាយ បានប្រកាសសូមទោសជំនួសឪពុកខ្លួន តាមរយៈការឡាយផ្ទាល់លើបណ្តាញសង្គមហ្វេសបុកនៅថ្ងៃស្អែកនេះ។

លោកបានសរសេរថា “ស្អែកម៉ោង 8:00pm រាត្រី ខ្ញុំបាទនឹងឡាយវីដេអូសូមទោសជំនួសលោកប៉ារបស់ខ្ញុំ”។

លោក ឌួង ងៀប ត្រូវបានសមត្ថកិច្ចរាជធានីភ្នំពេញនាំទៅកាន់សាលាដំបូងរាជធានីភ្នំពេញ នៅព្រឹកថ្ងៃទី ១៤ ខែកុម្ភៈនេះ ពាក់ព័ន្ធនិងបទល្មើស «មិនបំពេញកាតព្វកិច្ច ចំពោះឧបករណ៍ដែលអាចជួញដូរបាន» មានទឹកប្រាក់ប្រមាណ ១០លានដុល្លារ ដែលត្រូវបានប្ដឹង ដោយអ្នកវិនិយោគជនជាតិចិនតៃវ៉ាន់ និងបានបញ្ជូនទៅឃុំខ្លួនបណ្តោះអាសន្ននៅពន្ធនាគារ PJ។

The post ឌួង ឆាយ ប្រកាសសូមទោសជំនួសឪពុករបស់ខ្លួន appeared first on Kampuchea Thmey Daily.

ដេត ម៉ាលីណា ផ្ទុះប្រតិកម្ម និងព្រមានផ្លូវច្បាប់លើបុគ្គលម្នាក់ ដែលរិះគន់ជេរដៀលកិត្តិយសខ្លួន

Sorn Phanith — Wed, 03 Nov 2021 09:46:25 +0000

នៅលើទំព័រហ្វេសប៊ុករបស់អ្នកនាង ដេត ម៉ាលីណា នារសៀលថ្ងៃទី០៣ ខែវិច្ឆិកា ឆ្នាំ២០២១នេះ បានបញ្ចេញប្រតិកម្ម ដោយបង្ហាញការមិនពេញចិត្តលើបុគ្គលម្នាក់ ដែលប្រើសម្តីរិះគន់និ ងជេរ ដៀលកិត្តិយសមកលើរូបនាងទៀតផង។ ក្នុងនោះអ្នកនាង ដេត ម៉ាលីណា ក៏បានព្រមានផ្លូវច្បាប់លើករណីនេះផងដែរ។

យោងតាមការបង្ហោះរបស់អ្នកនាង ដេត ម៉ាលីណា ដែលបានភ្ជាប់និងការចុះផ្សាយថា” ព្រលះ ដេត ម៉ាលីណា ខ្លាំងៗនាងឯងមានលុយប៉ុន្មានមកនៅជាមួយ ឌួង ឆាយ ” ,ព្រមទាំងឈ្មោះម្ចាស់គណនីហ្វេសប៊ុកមួយទៀតឈ្មោះ ស្អែកស្លាប់ ស្អែកស្លាប់ នោះអ្នកនាងបានលើកឡើងថា នាងខ្ញុំសុំសួរលោកពូថា លោកពូជាប៉ូលិសជាអ្នកសារព័ត៌មានឬជាតុលាការ ? ហើយលោកពូមានប្អូនស្រី មានប្រពន្ធ ឬមានម្ដាយឬអត់ទើបលោកពូប្រើពាក្យបែបនឹងមកលើរូបនាងខ្ញុំ ទាំងដែលនាងខ្ញុំមិនស្គាល់លោកពូទាល់តែ សោះហេតុអី្វបានជាលោកពូប្រើពាក្យសម្តីជេរនឹងដៀលកិត្តិយសមកលើរូបនាងខ្ញុំបែបនេះ។

អ្នកនាង ដេត ម៉ាលីណាបន្តថា បើសិនជាលោកពូឆ្លើយសំនួរដែលនាងខ្ញុំសួរលោកពូ ប៉ុន្តែបើសិនចម្លើយនាងខ្ញុំទទួលយកមិនបានទេ អ្វីដែលលោកពូប្រើធ្វើនិងទង្វើនឹងពាក្យសម្តីចោទប្រកាន់មកលើនាងខ្ញុំបែបនេះ នាងខ្ញុំសុំឲ្យច្បាប់ជួយដោះស្រាយដែលលោកពូបានប្រើពាក្យសម្តីបែបនេះមកលើនាង ខ្ញុំព្រោះប៉ាម៉ាក់បងប្អូន និងក្រុមគ្រួសារមិនដែលមានអ្នកណាប្រើពាក្យបែបនេះមកលើរូបនាងខ្ញុំទេ ហើយនាងខ្ញុំនឹងលោកពូមិនដែលស្គាល់គ្នា ហើយក៏មិនដែលមានទំនាស់អ្វីជាមួយគ្នាដែរ។

អ្នកនាង ដេត ម៉ាលីណា និយាយទៀតថា នាងខ្ញុំមិនដឹងថា លោកពូមានគោលបំណងអ្វីមកលើរូបនាងខ្ញុំហើយមិនដឹងថា បានផលប្រយោជន៍អ្វីដែរបានលោកពូទំនេរអត់ការងារធ្វើមកអង្គុយនិយាយរឿងនាងខ្ញុំនិយាយទាំងដែលលោកពូ គ្មានភាពជាបុរសអី្វបន្តិច ដូច្នេះនាងខ្ញុំទទួលយកមិនបាននោះទេ។ លោកពូមិនមែនជាខ្ញុំហើយមិនមែនជាមនុស្សនៅក្នុងក្រុមគ្រួសាររបស់ខ្ញុំដែរ ខ្ញុំសូមទាមទាររកយុត្តិធម៌តាមផ្លូវច្បាប់ ព្រោះនាងខ្ញុំមិនអាចបន្តឲ្យមនុស្សម្នាក់ៗ ដែលមិនដឹងរឿងច្បាស់មកជេរដៀលជាន់ពន្លិចមកលើរូបនាងខ្ញុំដែរ។

អ្នកនាង ដេត ម៉ាលីណា និយាយថា លោកពូជាមនុស្សប្រុសទៀតខ្ញុំជឿជាក់ថា ប្រហែលជាមានអ្វីនៅពីក្រោយហើយទើបលោកហ៊ាននិយាយបែបនេះ នាងខ្ញុំក៏មានកិត្តិយសនឹងតម្លៃរបស់នាងខ្ញុំដែរ នាងខ្ញុំជឿលើច្បាប់ សុំឲ្យច្បាប់ជួយរកយុត្តិធម៌នាងខ្ញុំ។ សូមបញ្ជាក់ថា ចាប់ពីថ្ងៃនេះតទៅ ប្រសិនជាមានជនណាម្នាក់ឬសារព័ត៌មានណា ដែលចុះផ្សាយឬលាបពណ៌នឹងនិយាយបំផ្លើសពីនាងខ្ញុំទៀត នាងខ្ញុំសុំធ្វើការតាមផ្លូវច្បាប់ហើយ ព្រោះនាងខ្ញុំគ្មានពេលវេលាមកអង្គុយបកស្រាយពីរឿងលាបពណ៌ដដែលៗនេះទេ នាងខ្ញុំអត់ទំនេរ ព្រោះនាងខ្ញុំត្រូវធ្វើការរកលុយដើម្បីចិញ្ចឹមមើលថែកូនៗនឹងមើលថែក្រុមគ្រួសាររបស់នាងខ្ញុំផ្ទាល់។

អ្នកនាងបន្ថែមថា នាងខ្ញុំមិនបានអាងអី្វត្រូវការប្ដឹងនោះទេ ប៉ុន្តែនាងខ្ញុំមិនអាចទុកបន្តឲ្យនាងខ្ញុំរងនៅការបង្ខូចឈ្មោះបែបនេះតទៀតទេ ព្រោះនាងខ្ញុំគ្មានពេលវេលាទំនេរទៅចំណាយថវិកាទៅលើសារពត៌មានដើម្បីចុះផ្សាយ ឬគ្មានពេលនិយាយបក ស្រាយនាំតែខូចកិត្តិយសនាងខ្ញុំនោះទេ ព្រោះនាងខ្ញុំត្រូវការពេលវេលាផ្ទាល់ខ្លួនរបស់នាងខ្ញុំដែរ បើនរណានិយាយដែលមិនមែនជាការពិត នាងខ្ញុំក៏ត្រូវការពារកិត្តិយស ព្រោះនាងខ្ញុំក៏ជាម្ដាយរបស់កូនៗទាំងបីនាក់ដែរ៕

អត្ថបទ៖ ចាន់រ៉ា

The post ដេត ម៉ាលីណា ផ្ទុះប្រតិកម្ម និងព្រមានផ្លូវច្បាប់លើបុគ្គលម្នាក់ ដែលរិះគន់ជេរដៀលកិត្តិយសខ្លួន appeared first on Kampuchea Thmey Daily.

អ្នកនាង ដេត ម៉ាលីណា បង្ហាញខ្លួននៅតុលាការព្រឹកមិញនេះ

Dy Bunnara — Wed, 02 Jun 2021 08:25:38 +0000

ភ្នំពេញ៖ នៅព្រឹកមិញនេះ មហាជនមានការចាប់អារម្មណ៍ ក្រោយបានឃើញអ្នកនាង ដេត ម៉ាលីណា ធ្វើដំណើរចេញពីសាលាដំបូងរាជធានីភ្នំពេញ ជាប់ពាក់ព័ន្ធបណ្តឹងលើអតីតឧកញ៉ា ឌួង ឆាយ ពីបទប្រើប្រាស់អំពើហិង្សា។

រឿងរ៉ាវជម្លោះគ្រួសាររវាងលោក ឌួង ឆាយ និងអតីតភរិយាអ្នកនាង ដេត ម៉ាលីណា ធ្វើឲ្យកក្រើកប្រទេសកាលពីចុងឆ្នាំ២០២០។ មហាជនបានគិតថា វាបានបញ្ចប់ទៅហើយនោះ តាមពិតគឺនៅមិនទាន់ដាច់ស្រេចឡើយពោលគឺអ្នកនាង ដេត ម៉ាលីណា នៅតែបន្តនិងបានដាក់ពាក្យប្ដឹងអតីតសា្វមីគឺលោក ឌួង ឆាយ ពីបទប្រើប្រាស់អំពើហិង្សាមកលើរូបរាងកាយ។

ដោយឡែកនៅព្រឹកថ្ងៃទី០២ ខែមិថុនា ឆ្នាំ២០២ ១នេះ គេក៏បានឃើញអ្នកនាង ដេត ម៉ាលីណា បានឡើងតុលាការតាមដីកាកោះហៅរបស់សាលាដំបូងរាជធានីភ្នំពេញ។ កន្លងមកធ្លាប់មានការចុះផ្សាយថារឿងរ៉ាវរបស់អ្នកទាំងពីរ បានបញ្ចប់សព្វគ្រប់អស់ ហើយក្រោយពីលោក ឌួង ឆាយ ព្រមអហោសកម្មគ្រប់យ៉ាង ហើយចុះចេញដោយខ្លួនទទេជាមួយនឹងបំណុលធនាគារជាង៣លានដុល្លារអាមេរិកថែមទៀតផង។

ជុំវិញករណីខាងលើនេះ គេមិនទាន់ដឹងថាអ្នកនាង ដេត ម៉ាលីណា អាចលើកលែងទោស ឫក៏អហោសកម្មឲ្យអតីតស្វាមីគឺលោក ឌួង ឆាយ ដូចការទទូចសុំក្នុងការឡាយបានដែរឬយ៉ាងណាទេ?៕

អត្ថបទ៖ ចាន់រ៉ា

The post អ្នកនាង ដេត ម៉ាលីណា បង្ហាញខ្លួននៅតុលាការព្រឹកមិញនេះ appeared first on Kampuchea Thmey Daily.

ក្រោយលាចាកសិក្ខាបទ ឌួង ឆាយ បង្ហោះសារយ៉ាងឈឺចាប់បំផុត ទៅកាន់អតីតភរិយា

Sokhom Khon — Thu, 20 May 2021 10:12:30 +0000

អតីតឧកញ៉ា ឌួង ឆាយ បន្ទាប់ពីលាចាកសិក្ខាបទមិនទាន់បានប៉ុន្មានផង ក៏ស្រាប់តែលោកបានបង្ហាញសារមិនសប្បាយចិត្ត និងលើកការសូមទោសចំពោះកូនៗរបស់ខ្លួន។

លោក ឌួង ឆាយ បានលើកឡើងទាំងកម្សត់ថា ពុកសូមទោសណាកូនៗដែលពុកគ្មានសមត្ថភាពមើលថែគ្រួសារឲ្យបានល្អ។ បង្កើតកូនៗមករងទុកដោយសារពុក ពុកពិតជានឹកកូនៗណាស់ ជាង២ខែនេះមិនបានជួប និងគ្មានសមត្ថភាពក្នុងការជួបឱបថើបកូនៗ ។

លោក ឌួង ឆាយ បានបន្តទៀតថា ពុកសង្ឃឹមថា នឹងបានជួបកូនៗឆាប់ៗនេះ ពួកយើងជាអ្នកបង្កើតគេមក មិនមែនគេចង់មកកើតជាមួយយើងនោះទេ។ ដូច្នេះសូមឲ្យមានការទទួលខុសត្រូវចំពោះកូនៗផង ខ្ញុំសូមអង្វរ អ្នកដែលពិបាករងគ្រោះបំផុតគឺកូនៗ ។

លោកបន្ថែមថា អានិតជាងគេ គឺកូនប្រុសច្បង គ្នាឈឺមើលមិនទាន់ឃើញច្បាស់ និងកូនស្រីពៅទើបជាងមួយខួប មិនទាន់ដឹងអី្វ ហើយគ្រួសារត្រូវជួបរឿងបែបនេះ។ ជីវិតខ្ញុំបានជួបព្រុះភ្លៀងខ្លាំងៗជាច្រើនដង ដែលមនុស្សទូទៅមិនដែលសូម្បីតែឮដល់អនិច្ចាខ្លួនឯងសូមទោសនៅរាល់កំហុសរបស់ខ្ញុំ ខ្ញុំទទួល ខុសទាំងអស់៕

អត្ថបទ ៖ ចាន់រ៉ា

The post ក្រោយលាចាកសិក្ខាបទ ឌួង ឆាយ បង្ហោះសារយ៉ាងឈឺចាប់បំផុត ទៅកាន់អតីតភរិយា appeared first on Kampuchea Thmey Daily.

ព្រះតេជគុណ ឌួង ឆាយ លាចាកសិក្ខាបទទាំងអាឡោះអាល័យ

Kang Tola — Mon, 17 May 2021 12:11:23 +0000

ភ្នំពេញ ៖ ព្រះតេជគុណ ឌួង ឆាយ បាន លាចាកសិក្ខាបទមកជាឃរាវាសវិញហើយ នាថ្ងៃទី១៧ ខែឧសភា ឆ្នាំ២០២១ នេះបើតាមការបង្ហោះតាមបណ្ដាញទំនាក់ទំនងហ្វេសបុករបស់លោក។

នៅក្នុងហ្វេសបុករបស់លោក បានសរសេរថា ព្រះករុណា ខ្ញុំបាទ ឌួង ឆាយ បានលាចាកសិក្ខាបទមកជាឃរាវាសវិញហើយទាំងក្តីអាឡោះអាល័យជាទីបំផុត។ សូមអរព្រះគុណ និងអរគុណចំពោះព្រះគុណម្ចាស់គ្រប់ព្រះអង្គ លោកយាយ លោកតា ពូមីង ពុកម៉ែ បងប្អូនទាំងឡាយ ដែលតែងតែស្រលាញ់រាប់អាន និងគាំទ្រខ្ញុំព្រះករុណា ខ្ញុំបាទរហូតមក។

សូមអរព្រះគុណ និងអរគុណ ចំពោះព្រះគុណម្ចាស់គ្រប់ព្រះអង្គ លោកអាចារ្យ គណៈកម្មការ វត្តមុនីប្រសិទ្ធីវង្ស ជាពិសេសខ្ញុំព្រះករុណាសូមថ្លែងអំណរព្រះករុណាទិគុណយ៉ាងជ្រាលជ្រៅបំផុតចំពោះសម្តេចព្រះឧត្តមវង្សា កិតិ្តបណ្ឌិត មួង រ៉ា (លោកឪ) សម្តេចព្រះសង្ឃនាយករងទី៣ នៃព្រះរាជាណាចក្រកម្ពុជា ដែលមានព្រះទ័យសណ្តោសប្រោសប្រទានដល់ខ្ញុំព្រះករុណាបានស្នាក់អាស្រ័យក្នុងកំឡុងពេលសាងផ្នួស គុណបំណាច់ដ៏ធំធេងមួយនេះ ខ្ញុំព្រះករុណានឹងចងចាំទុកក្នុងបេះដូងជារៀងរហូត។

ជាចុងក្រោយ សូមប្រគេនពរ និងជូនពរបានរួចចាកផុតទុក្ខទាំងពួងគ្រប់ៗព្រះអង្គ គ្រប់ៗគ្នាប្រកបដោយសេចក្តីសុខជានិច្ចនិរន្តរ៍តរៀងទៅ។

សូមឲ្យពិភពលោកទាំងមូល ជាពិសេសប្រទេសកម្ពុជាបានរួចចាកផុតពីជំងឺរាតត្បាតកូវីដ-១៩ ក្នុងពេលឆាប់នេះ៕

ពី ៖ ឌួង ឆាយ

កែសម្រួលដោយ ៖ នាគព័ន្ធ

The post ព្រះតេជគុណ ឌួង ឆាយ លាចាកសិក្ខាបទទាំងអាឡោះអាល័យ appeared first on Kampuchea Thmey Daily.

ភរិយាឧកញ៉ា ឌួង ងៀប អំពាវនាវសុំយុត្តិធម៌សម្រាប់ខ្លួនឯង និងព្រះតេជព្រះគុណ ឌួង ឆាយ

deth leng — Sat, 15 May 2021 07:11:26 +0000

ភរិយារបស់លោកឧកញ៉ា ឌួង ងៀប និងត្រូវជាម្ដាយបង្កើតព្រះតេជព្រះគុណ ឌួង ឆាយ គឺលោកស្រី ខុង លីស៊ីអាណា បានចេញមុខទទូចស្នើសុំយុត្តិធម៌សម្រាប់ខ្លួនឯង និងកូនប្រុសគឺព្រះតេជព្រះគុណ ឌួង ឆាយ បង្ករការចាប់អារម្មណ៍ខ្លាំងចំពោះមហាជន។

លោកស្រី ខុង លីស៊ីអាណា បានរៀបរាប់រឿងរ៉ាវជាច្រើនដែលកើតឡើងកន្លងមកដោយស្នើសុំទៅស្ថានប័នពាក់ព័ន្ធបន្តស្វែងរកយុត្តិធម៌សម្រាប់លោកស្រីផ្ទាល់រួមទាំងកូនប្រុស។

លោកស្រីឱ្យដឹងថា ស្វាមីរបស់ខ្លួនមិនបានភ្ញាក់រលឹកដឹងកំហុសខ្លួនបានធ្វើខុសយ៉ាងធ្ងន់ធ្ងរចំពោះកូន ឌួង ឆាយ ហើយថែមទាំងប្ដឹងលែងលះលោកស្រី និងជំរុញតុលាការឱ្យកោះហៅលោកស្រីជាលើកទី២ដើម្បីចូលខ្លួនទាញហេតុផលដើម្បីលែងលះនៅថ្ងៃទី១៩ ខែឧសភា ខាងមុខនេះ។

លោកស្រីប្រាប់ថា “នាងខ្ញុំអាចទទួលរងភាពអយុត្តិធម៌ដោយស្វាមីបានប៉ុន្តែនាងខ្ញុំដាច់ខាតមិនអាចឱ្យកូនប្រុស ឌួង ឆាយរងភាពអយុត្តិធម៌ដោយសារស្វាមីរបស់នាងខ្ញុំបានជាដាច់ខាត។ នាងខ្ញុំត្រូវតែទាមទារយុត្តិធម៌សម្រាប់កូនប្រុស ឌួង ឆាយ”។

បើតាមលោកស្រី ខុង លីស៊ីអាណា អ្វីដែលកូនប្រុសរបស់ខ្ញុំនិយាយថាអតីតកូនប្រសាមានគម្រោងការរៀបចំផែនការដាក់អន្ទាក់កូនប្រុសរបស់ខ្ញុំជាមួយអតីតប្តីរបស់ខ្ញុំគឺជាការពិត។

មូលហេតុដែលឪពុករៀបចំផែនការដាក់អន្ទាក់បំផ្លាញកម្ចាត់កូនខ្លួនឯងដោយសារគាត់ខឹងកូនប្រុសបានជួយណែនាំមេធាវីការពារក្ដីផ្លូវច្បាប់ដល់នាងខ្ញុំដើម្បីប្ដឹងរឿងឯកពន្ធនភាពដែលមានស្រីសហាយរហូតឈានដល់មានកូនស្រីឥតខាន់ស្លានឹងបានយកទ្រព្យសម្បត្តិរួមជាច្រើនលានដុល្លារទៅធ្វើភូមិគ្រឹះ២កន្លែងនិងដីជាច្រើនកន្លែងដែលបានកាត់ចេញពីប្លង់ក្រុមហ៊ុន។

លោកស្រីបន្តថាតើសាកសមដែរទេដែលប្ដីលួចលាក់មានសហាយនៅខាងក្រៅរហូតមានកូនមកឱ្យប្រពន្ធកូននៅផ្ទះទទួលស្គាល់ពេញមុខពេញសិទ្ធិបែបនេះ។ប៉ុន្តែកូនប្រុសខ្ញុំមិនបានជួយអ្វីលើសពីការណែនាំមេធាវី។

សូម្បីតែខ្ញុំឱ្យកូនប្រុស ឌួង ឆាយ ទៅធ្វើសាក្សីនៅតុលាការថាឪពុកខ្លួនមានស្រី និងកូននៅក្រៅក៏ឌួង ឆាយ មិនព្រមទៅ និងធ្វើតាមហើយពេលខ្ញុំប្ដឹងចុះរក្សាការពារផ្ទះស្រីសហាយរបស់គាត់បានឱ្យប្រតិកម្មដោយឱ្យទុកកិត្តិយសកេរ្តិ៍ឈ្មោះ និងផ្លូវក្រោយសម្រាប់ឪពុករបស់គេ។ ប៉ុន្តែឪពុកនៅតែដាច់ចិត្តរៀបចំគម្រោងផែនការជាមួយអតីតកូនប្រសាដើម្បីធ្វើបាបកូនប្រុសរបស់ខ្លួនឯងបង្កើតទាំងអស់។

ពាក់ព័ន្ធនឹងបញ្ហានេះមិនទាន់មានការបកស្រាយពីលោក ឧកញ៉ា ឌួង ងៀប ដែលជាស្វាមីរបស់លោកស្រីនៅឡើយនោះទេ។

ដោយឡែកទាក់ទងរឿងកូនប្រុស ឌួង ឆាយ និងអតីតភរិយាត្រូវបានលោកស្រីលើកឡើងថាពេលរៀបការរួចហើយលោកស្រីបានឱ្យកូនទាំងពីរទៅរស់នៅផ្ទះវីឡានិងគ្រប់គ្រងស្ថានីយប្រេងតូតាល់នៅផ្លូវ២០០៤ដែលចំនេញ១ម៉ឺនដុល្លារក្នុង១ ខែ (១០,០០០ដុល្លារ) ដើម្បីបានប្រាក់ចំណូលស្រាប់ចំណាយ និងធ្វើដើមទុនធ្វើជំនួញ។

ប៉ុន្តែអតីតកូនប្រសាចង់ទៅនៅផ្ទះខាងម្ដាយរបស់គេដើម្បីម្ដាយរបស់គេបានជួយមើលកូនចំណែករឿងដីផ្ទះស៊ីសុវត្ថិនិងផ្ទះវីឡាដែលអតីតកូនប្រសារបស់ខ្ញុំថាទិញដោយលុយខ្លួនឯងជាមួយកូនប្រុ សរបស់ខ្ញុំនោះមិនមែនជាការពិតទេ ខ្ញុំមានភស្តុតាងដែលម្ចាស់ផ្ទះស៊ីសុវត្ថិឈ្មោះលោក ហុី ប៊ុនថា និងភរិយាបានមកយកសែកលុយនៅក្រុមហ៊ុនរបស់ខ្ញុំ និងដកលុយពីកុងធនាគារក្រុមហ៊ុនរបស់ខ្ញុំកក់លើកទី១ ចំនួន ៥០,០០០ដុល្លារនិងបង់ផ្ដាច់លើកទី២ចំនួន ១៤១,៦០០ដុល្លារ។

លោកស្រីនិយាយទៀតថាចំណែកដីផ្ទះវីឡាដែលកូនប្រសាកំពុងរស់នៅរាល់ថ្ងៃក៏ជាកេរ្តិ៍អំណោយរបស់អ្នកស្រី ដែលបានផ្ដល់ឱ្យថែម និងបានទិញដីមួយឡូត៍ថែមទៀតជាប់ផ្ទះវីឡាដែលមានតម្លៃ១២៥.០០០ដុល្លារដែលបានដកលុយចេញពីកុងក្រុមហ៊ុនរបស់ ខ្ញុំដដែលប៉ុន្តែបែរជាអតីតកូនប្រសានិយាយថាទិញដោយខ្លួនឯងដែលនាងខ្ញុំមានភស្តុតាងបង្ហាញនៅទីនេះ។

លោកស្រីអះអាងថាអតីតកូនប្រសារបស់លោកស្រីលើកឡើងនិយាយក្នុងការឡាយចុងក្រោយរបស់នាងពាក់ព័ន្ធនឹងទ្រព្យសម្បត្តិគឺមិនមែនជាការពិត និងគ្មានភស្តុតាងទាល់តែសោះ។

លោកស្រីនិយាយទៀតថាចុងក្រោយនៅក្នុងឆ្នាំ២០២០កូនប្រសាបានខ្ចីលុយនាងខ្ញុំចំនួន៦០ម៉ឺនដុល្លារ ដើម្បីទិញផលិតផលនៅកូរ៉េយកមកលក់ដែលជារោងចក្រមិត្តភក្តិរកស៊ីដីធ្លីជាមួយខ្ញុំកាលពីជាង១០ឆ្នាំមុនដែលរាល់មុខជំនួញទាំងអស់ជាគំនិតផ្ដួចផ្តើមនិងដើមទុនពីគ្រួសាររបស់ខ្ញុំទាំងអស់ប៉ុន្តែបែរ ជានាងនិយាយមកថារាល់ភាពជោគជ័យរាល់ថ្ងៃបានមកពីនាងផ្ដួចផ្ដើមគំនិតរកស៊ីទាំងដែលនា ងមិនចេះភាសាអង់គ្លេសច្បាស់លាស់និងមិនហ៊ានទាំងឡាយហ្វេសប៊ុកលក់ដូរផងតាំងពីដំបូងមក៕ អត្ថបទ៖ ចាន់រ៉ា

The post ភរិយាឧកញ៉ា ឌួង ងៀប អំពាវនាវសុំយុត្តិធម៌សម្រាប់ខ្លួនឯង និងព្រះតេជព្រះគុណ ឌួង ឆាយ appeared first on Kampuchea Thmey Daily.

ឌួង ឆាយ Archives - Kampuchea Thmey Daily

ឌួង ឆាយ​ ទម្លាយ​ការពិត​ក្រោយ​ភ្ជាប់​ពាក្យ​ជាមួយ​គូដណ្តឹង​អាយុ១៨ឆ្នាំ

ឌួង ឆាយ​ ប្រកាស​សូមទោសជំនួស​ឪពុក​របស់​ខ្លួន