នាព្រឹកថ្ងៃទី២៨ ខែឧសភា ឆ្នាំ២០២៦ លោក ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានទទួលជួបសម្តែងការគួរសម និងសំណេះសំណាលជាមួយលោក សុវត្ថិ មុនីនាគ (N.John) ជាកំពូលតារាចម្រៀងខ្មែរប្រចាំផលិតកម្ម Circa 13 Music របស់សហរដ្ឋអាមេរិក នៅស្ថានទូតកម្ពុជាប្រចាំសាធារណរដ្ឋកូរ៉េ។

ក្នុងឱកាសនៃជំនួប លោក Pete Dinero អ្នកគ្រប់គ្រងក្រុមហ៊ុន Circa 13 Music បានជម្រាបឯកអគ្គរាជទូតថា នេះជាលើកទី១ ដែលក្រុមរបស់លោកបានមកសម្តែងក្នុងកម្មវិធីប្រគំតន្រ្តីនៅទីក្រុងសេអ៊ូល។ លោកបន្តថា ក្រោយការសម្តែងថ្ងៃនេះ ក្រុមហ៊ុនរបស់លោកនឹងបន្តកិច្ចសហការកាន់តែល្អជាមួយក្រុមហ៊ុនសិល្បៈកម្សាន្តរបស់កូរ៉េ ដើម្បីឱ្យលោក N.John មានឱកាសសម្តែងកាន់តែច្រើននៅប្រទេសកូរ៉េ ដោយសាររូបលោកមានមហិច្ឆតាចង់ជំរុញប្រជាប្រិយភាពរបស់លោក N.John ឱ្យកាន់តែល្បីល្បាញ ក្នុងទឹកដីនៃប្រទេសកូរ៉េ និងបណ្តាប្រទេសនានាក្នុងតំបន់អាស៊ីអាគ្នេយ៍។

ជាមួយគ្នានេះ លោក ឃួន ផុនរតនៈ ឯកអគ្គរាជទូតបានសម្តែងនូវមោទកភាពដែលបានឃើញតារាចម្រៀងខ្មែរឡើងសម្តែងលើឆាកអន្តរជាតិ។ លោកសង្ឃឹមថាលោក N.John នឹងអាចធ្វើការសហការជាមួយស្ថានទូត ក្នុងការចូលរួមសម្តែងក្នុងកម្មវិធីធំៗរបស់ស្ថានទូត ដើម្បីឱ្យបងប្អូនខ្មែរបានជួប និងទស្សនាការសម្តែងរបស់លោក។ លោកក៏បានជម្រាបលោក N.John ថាឆ្នាំក្រោយជាឆ្នាំពិសេសនៃទំនាក់ទំនងការទូតគម្រប់ខួប​ ៣០ឆ្នាំ​ រវាងប្រទេសកម្ពុជា-កូរ៉េ លោកចង់ឱ្យមានការបង្ហាញអំពីសិល្បៈចម្រៀងរួមគ្នារវាងកម្ពុជា-កូរ៉េ ដែលបញ្ចូលនូវវប្បធម៌ និងអរិយធម៌ខ្មែរ ដើម្បីឱ្យបណ្តាអង្គទូត និងភ្ញៀវបរទេសបានទស្សនា និងស្គាល់កាន់តែច្រើនអំពីវប្បធម៌ដ៏សំបូរបែបរបស់ប្រទេសកម្ពុជា៕

The post N.John លើកមុខមាត់កម្ពុជាលើឆាក K-pop ខណៈទទួលបានការកោតសរសើរពីឯកអគ្គរាជទូតកម្ពុជា appeared first on Kampuchea Thmey Daily.

យ៉ាងណា តាមរយៈចម្រៀង «១សីហា» ចេញផ្សាយភ្លាមៗមិនបានប៉ុន្មាននាទីផង ជនជាតិបរទេសគ្រប់ជាតិសាសន៍ល្បីៗទូទាំងសកលលោក បាននិងសម្រុកទៅ Reaction លើបទមួយនេះផ្ទុះយ៉ាងគគ្រឹកគគ្រេង។ អ្វីដែលធ្វើឲ្យពួកគេយកខ្នងដៃជូតទឹកភ្នែកយំតាមនោះ ពោលគឺអត្ថន័យនៃបទដែលតារាប្រុសកម្ពុជាវ័យ ២៨ឆ្នាំ បានធ្វើការរ៉ាយរ៉ាប់អំពីទុក្ខសោកដែលប្រជាជនកម្ពុជាបានជួបប្រទះនាបច្ចុប្បន្ននេះ ព្រមជាមួយនឹងការអង្វរទាមទារឲ្យទាហានខ្មែរមានសុវត្ថិភាពក្រោយក្លាយជាចំណាប់ខ្មាំងក្នុងដៃរបស់ថៃ។

ជាការកត់ម្គាល់ បទចម្រៀង «១សីហា» របស់វណ្ណដានាពេលនេះបានក្លាយជា Soft Power ( ថាមពលទន់ឬអំណាចទន់) ជ្រាបដល់ដូងចិត្តនិងបេះដូងជនបរទេសដល់ថ្នាក់ស្រកទឹកភ្នែក ខ្លះយកដៃខ្ទប់ទ្រូងនិងមុខ សោកសង្រេងដល់ជនភៀសសឹកកម្ពុជា មិនថាទាំងមនុស្សចាស់និងកូនក្មេង ឬក៏ស្រ្តីមានផ្ទៃពោះដែលត្រូវបង្ខំចិត្តជម្លៀសចេញពីលំនៅដ្ធានរៀងៗខ្លួន។

លើសពីនេះទៀត សូម្បីតែលោក Teddy Grey On Stuff ដែលជាអ្នកបង្កើតឌីជីថល មានអ្នកតាមដាននៅលើយូធូប ៣៤0K និងអ្នកទស្សនា ១០០ លាននៅលើវេទិកាបាននិយាយថា​ «អំឡុងពេលដែលខ្ញុំមកលេងប្រទេសកម្ពុជា​ គ្មានប្រជាជនខ្មែរណាម្នាក់ប្រាប់ខ្ញុំថា​ កុំទៅលេងប្រទេសថៃទេ។ តែផ្ទុយមកវិញ​ ពេលដែលខ្ញុំទៅលេងប្រទេសថៃ​ ស្ទេីរតែគ្រប់ប្រជាជនថៃនិយាយថា​ កុំទៅលេងកម្ពុជា​។ ពេលនោះខ្ញុំប្រាប់វិញថា របស់ថ្លៃ​ របស់ថោក​ អ្នកទិញគេចេះមេីលខ្លួនឯងហើយ»។

ក្នុងនោះផងដែរ លោកក៏បានបង្ហាញអារម្មណ៍រញ្ចួយចិត្តយ៉ាងខ្លាំង បន្ទាប់ពីបានស្ដាប់បទ «១សីហា» របស់វណ្ណដាចប់ភ្លាម Digital creator រូបនេះថែមទាំងមិននឹកស្មានថា ហេតុអ្វីប្រជាជនកម្ពុជាដ៏ស្លូតត្រង់ បែរជាជួបនូវរឿងយុត្តិធម៌ទៅវិញ? ជាពិសេស នៅត្រង់អត្ថន័យដែលវណ្ណដាច្រៀងថា «ពួកអស់ឯងសាហាវណាស់ ទារុណកម្មមនុស្សចាស់ ក្មេងៗគេងយំចាំមើលផ្លូវលោកឪពុក បាត់តាំងពីថ្ងៃចន្ទ រកឃើញវិញនៅថ្ងៃសុក្រ» ត្រង់ឃ្លានេះហើយដែលធ្វើឲ្យគាត់បង្ហាញទឹកមុខភ្ញាក់ផ្អើលជាខ្លាំង៕

សូមទស្សនាបទចម្រៀង «១សីហា» ខាងក្រោមនេះ៖

អត្ថបទ៖ សាង ស្រីល័ក្ខ

ចុចអាន៖តារាថៃ ប្រើវេទិការធ្វើត្រាប់បែបឌឺដង​ឲ្យទាហានខ្មែរ បង្ហាញឲ្យឃើញអំពើអសីលធម៌ និងការស្អប់ខ្ពើម

The post ​បុគ្គល Reaction ល្បីៗ បង្ហាញអារម្មណ៍ក្ដុកក្ដួល អាណិតពលរដ្ធខ្មែរ ក្រោយស្ដាប់បទ «១សីហា» របស់ វណ្ណដា ចប់ភ្លាម appeared first on Kampuchea Thmey Daily.

ថ្មីៗនេះ កញ្ចនា បានធ្វើឲ្យអ្នកគាំទ្រងាកមកចាប់អារម្មណ៍ជាខ្លាំង ទៅលើសម្លេងដ៏ស្រទន់ តាមរយៈវីដេអូ ការច្រៀងផ្ទាល់ ជាមួយនឹងបទចម្រៀងបរទេស ចំណងជើង Before Spring Ends។ បទនេះ ត្រូវបានគេពេញនិយមប្រើប្រាស់នៅក្នុងបណ្ដាញសង្គម TikTok និង ត្រូវបានគេស្គាល់ថា ជាបទចម្រៀងពិបាកច្រៀង។

យ៉ាងណាមិញ កញ្ចនា បានច្រៀងចម្រៀងមួយនេះ ជាមួយនឹងសម្លេងដ៏ពិរោះរណ្ដំ ធ្វើឲ្យអ្នកស្ដាប់អន្លង់អន្លោចទៅតាមសំនៀង មិនចាញ់ម្ចាស់សំនៀងដើម។ វីដេអូច្រៀងផ្ទាល់ជាមួយបទ Before Spring Ends របស់ តារាចម្រៀងស្រីរូបនេះ ទទួលបានអ្នកទស្សនាយ៉ាងច្រើន និងអ្នកចែករំលែកពេញបណ្ដាញសង្គម៕

The post ចិត្ត កញ្ចនា បង្ហើរសំនៀង ច្រៀងបទដែលពិបាកច្រៀង បានយ៉ាងពិរោះ ធ្វើឲ្យមហាជនស្ដាប់សរសើរមិនដាច់ពីមាត់ appeared first on Kampuchea Thmey Daily.

ខណៈឥឡូវនេះ ភរិយាលោកកំពុងសម្រាកនៅមន្ទីរពេទ្យកាល់ម៉ែត្រ ត្រៀមសម្រាលកូនដំបូងរបស់ខ្លួន។ ទន្ទឹមនឹងក្តីរំភើបនេះ លោក ជា សុជាតិ ក្នុងនាមជាស្វាមី ក៏មានពាក្យជូនពរទៅកាន់ភរិយាព្រមនិងកូន មានសុខភាពល្អ​ សម្រាលបានជោគជ័យយ៉ាងរលូន​ និងសុខសុវត្ថិភាពផងដែរ។

ក្រោយដឹងដំណឹងល្អនេះ សាធារណជនដែលជាអ្នកគាំទ្រលោក ក៏បានចូលរួមអបអរសាទរ និងមានពាក្យជូនពរជាច្រើនទៅកាន់ប៉ាម៉ាក់មួយគូនេះផងដែរ។

គួររំលឹកថា សមាជិកក្រុមក្មេងខ្មែររូបនេះ បានភ្ជាប់ពាក្យនិងរៀបអាពាហ៍ពិពាហ៍ កាលពីអំឡុងត្រីមាសទី១ ដើមឆ្នាំ២០២៤ ជាមួយនារីរូបស្រស់ លក្ម្សី ដែលគេស្គាល់ថា Artist Manager របស់ក្រុមចម្រៀងក្មេងខ្មែរ ក្រោយសាងភាពផ្អែមល្អែមក្នុងនាមជាសង្សារច្រើនឆ្នាំ។ ត្រឹមតែជាង ១ខែ ក្រោយអាពាហ៍ពិពាហ៍ អ្នកទាំងពីរទទួលបានកាដូកូនដំបូង ខណៈកំពុងសម្រាកនៅមន្ទីរពេទ្យកាល់ម៉ែត្រត្រៀមសម្រាលកូនដំបូងរបស់ខ្លួន ជាមួយនឹងក្តីរំភើប៕

The post ជា សុជាតិ រំភើបញាប់ញ័រមិនឈប់ ខណៈត្រៀមក្លាយជាប៉ាកូនដំបូង appeared first on Kampuchea Thmey Daily.

ជាមួយគ្នានេះ អ្នកឧកញ៉ា ឡេង ណាវ៉ាត់ត្រា បានបញ្ជាក់ថា ទោះបច្ចុប្បន្នមានអ្នកទស្សនាជាង៤លានដង ក៏ដោយ ចាប់ពីម៉ោងពេលនេះតទៅ ត្រូវកែប្រែដោយកាត់ចេញនូវវីដេអូមានប្លង់តុក្កតាឡាប៊ូប៊ូទាំងស្រុងទើបអាចផុសឡើងវិញបាន ។

អ្នកឧកញ៉ា បានលើកឡើងបន្តថា មួយរយៈនេះលោក Jonathan ជាអ្នកដឹកនាំសម្ដែងនៃបទ(សែកមន្ត)ដែលការដឹកនាំនោះ បានប្រើប្រាស់តុក្កតាឡាប៊ូប៊ូ។ កន្លងទៅអ្នកដឹកនាំសម្ដែងបានកែតម្រូវខ្លះទៅហើយក្ដី តែមកដល់ពេលនេះ អ្នកឧកញ៉ា បានពិនិត្យឃើញថានៅតែមានការវែកញែកពីផលប៉ះពាល់ផ្សេងៗនៅបណ្ដាញសង្គម ។

ទន្ទឹមគ្នានេះ អ្នកឧកញ៉ា ក៏បានគោរពអរគុណពុកម៉ែបងប្អូនទាំងអស់ដែលផ្ដល់យោបល់កែតម្រូវដើម្បីសិល្បៈកម្ពុជា ក្នុងការឈានទៅមុខ ។ អ្នកឧកញ៉ា ចាត់ទុក ពុកម៉ែបងប្អូនទាំងអស់គ្នាប្រៀបដូចជាកញ្ចក់ដែលឆ្លុះបញ្ជាំងនូវចំណុចខ្វះខាតរបស់ក្រុមការងារ៕

The post អ្នកឧកញ៉ា ឡេង ណាវ៉ាត្រា បញ្ជាឲ្យអ្នកគ្រប់គ្រង Galaxy Navatra និងដឹកនាំផលិត លុបបទ«សែកមន្ត» ដើម្បីកែសម្រួលនិងកាត់ប្លង់តុក្កតាឡាប៊ូប៊ូចេញ appeared first on Kampuchea Thmey Daily.

យ៉ាងណាមិញ ទន្ទឹមនឹងភាពល្បីល្បាញជាមួយនឹងបទចម្រៀងបែបទាន់សម័យ តារាចម្រៀងរូបស្អាតម្នាក់នេះ ក៏ត្រូវបានមហាជនធ្វើការរិះគន់ទៅលើការស្លៀកពាក់របស់នាងផងដែរ ដោយគេមិនពេញចិត្តត្រង់ភាពស៊ិចស៊ី ពាក់លេចលើលេចក្រោម បើទោះបីជា រ៉ាប៊ី ដើរលើវិថីនេះច្រើនឆ្នាំចេញចម្រៀងសុទ្ធតែល្បីៗយ៉ាងណាក្ដី។

ដូចថ្មីៗនេះដែរ រ៉ាប៊ី បានបង្ហោះវីដេអូខ្លីមួយ បង្ហាញអំពីក្បាច់រាំលើឆាក បទរាំញ័រៗ បានធ្វើឲ្យមហាជនមួយចំនួនចូលបញ្ចេញមតិទៅលើការស្លៀកពាក់របស់នាង​ថាមិនសមរម អ្នកខ្លះដៀល ប្រើពាក្យប្រមាថ និងមានដល់ខ្លះ ចង់ហៅក្រសួងវប្បធម៌ឲ្យអប់រំរូបនាងទៀតផង។

មិននៅស្ងៀមទេ រ៉ាប៊ី ក៏បានតបខមិនបុគ្គលម្នាក់ដែលចង់ហៅក្រសួងវប្បធម៌ថា ” ឡើងមកភ្នំពេញមកទៅក្រសួង២អ្នកពូរ បើអត់លុយចាំចេញសាហ៊ុយអោយ ចង់ដឹងណាស់ថាខុសអីគេ អ្នកណាអត់មកឆ្កែ”។ បើទោះបីជារូបនាងទទួលបានការរិះគន់ច្រើនយ៉ាងណាក្ដី នូវតែមានអ្នកគាំទ្រជាច្រើនចេញមុខចូលខមិនលើកទឹកចិត្ត និង បង្ហាញការស្រឡាញ់គាំទ្រទៅកាន់រូបនាងមិនតិចដែរ៕

សូមទស្សនាវីដេអូខាងក្រោម៖

https://www.facebook.com/reel/585469407376425/?ref=embed_video

The post ពូកែខមិនពេក! រ៉ាប៊ី ចង់ដឹកដៃអ្នករិះគន់ទៅជួបក្រសួងវប្បធម៌ជាមួយគ្នា appeared first on Kampuchea Thmey Daily.

ជាការពិតមហាជនកន្លងបានដឹងហើយចំពោះរឿងរ៉ាវនៃសម្ព័ន្ធភាពស្នេហារស្រលាញ់ស្រីភេទដូចគ្នារបស់តារាស្រី អេននី ហ្សាម និង នារីស្រស់ស្អាត់ម្នាក់ទៀតបង្កការចាប់អារម្មណ៍ដល់អ្នកគាំទ្រ និងមហាជនផងដែរក្រោយសាមីខ្លួនអ្នកទាំងពីរបានម្លាយរឿងបង្កាត់ភ្លើងស្នេហ៍ភេទដូចគ្នាបង្ហាញជាសាធារណៈ។

ទោះបីយ៉ាងណាបន្ទាប់ពីស្នាមញញឹម និងភាពផ្អែមល្ហែមជាមួយគ្នាជាង៣ឆ្មាំមកនោះស្រាប់តែស្រីស្អាត អេននី ហ្សាម ប្រកាសដំណឹងដើរដល់ផ្លូវទាល់(បែក គ្នា)។ អតីតតារាចម្រៀង អេននី ហ្សាម បានរៀបរាប់ថា”ខ្ញុំមិនល្អគ្រប់គ្រាន់ខ្ញុំស្រលាញ់ពេកហួងហែងពេក ប្រច័ណ្ឌពេក ខ្លាចបាត់បង់ពេក ទោះខំហាម ទោះខំឈ្លោះទោះខំយ៉ាងណាក៏នៅតែបែបនឹងគ្មានន័យ”។ អេននី ហ្សាម បន្តទៀតថាចុងក្រោយពួកយើងត្រូវដើរត្រូវរៀងខ្លួន ចុងក្រោយនៅតែគេជ្រើសជំរើសល្អជាងយើងចុងក្រោយអ្នកផ្សេងនៅតែសំខាន់ជាងយើងចុង ក្រោយគេជ្រើសយកសេរីភាព ចុងក្រោយពួកយើងក៏បែកគ្នាចុងក្រោយ៣ឆ្នាំជាងសល់តែអនុស្សាវរីយ៍លាហើយ……។

នាងបានលើកឡើងបន្ថែមដែរថា ខ្ញុំអស់សម្ថភាពហើយបញ្ចប់ត្រឹងនឹងចុះហើយក៏គ្មានអ្នកណាចង់បែកពីមនុស្សដែលខ្លួនឯងស្រលាញ់បំផុតទេតែគ្រប់យ៉ាងយើងតែម្ខាង។ សុំទោសមិនអាចស្រោចស្រង់បានយំឆ្អែតហើយ ទឹកភ្នែកហូររាល់ពេលបើកភ្នែកហូរៗ៕

អត្ថបទ៖ ចាន់រ៉ា

The post ស្រលាញ់គ្នាជាង៣ឆ្នាំ! ចុងក្រោយចំណងស្នេហ៍ភេទដូចគ្នារបស់ អេននី ហ្សាម ត្រូវបានបញ្ចប់ appeared first on Kampuchea Thmey Daily.

ជាមួយវត្តមានតារាចម្រៀងជើងចាស់ដ៏មានប្រជាប្រិយភាពលោកពូឃ្លាំង បានធ្វើឲ្យបរិយាកាសថ្ងៃមង្គលការរបស់គូស្វាមីភរិយាថ្មីនៅខេត្តកំពត ពោរពេញដោយភាពភ្ញាក់ផ្អើល សប្បាយរីករាយទាំងកូនកំលោះកូនក្រមុំ និងភ្ញៀវកិត្តិយសចូលរួមគ្រប់ទិសទី។

ពូឃ្លាំងចូលរួមក្នុងនាមតំណាងឲ្យក្រុមហ៊ុន វឌ្ឍនៈ ប្រ៊ូវើរី ពិតជារំភើបរីករាយ ដែលបានចុះទៅដោយផ្ទាល់ដល់រោងការ ដើម្បីចែករំលែកពេលវេលាមង្គល ជូនពរគូស្វាមីថ្មីឲ្យមានសុភមង្គល ផ្តល់នូវកាដូចំណងដៃដល់កូនកំលោះ កូនក្រមុំ ថែមទាំងច្រៀងចម្រៀងជាច្រើន ដើម្បីបង្កើនបរិយាកាសឲ្យកាន់តែរីករាយ ជាមួយអនុស្សាវរីយជាច្រើន។

តស់! ចាំមើលទាំងអស់គ្នា តើវត្តមានតារាចម្រៀងល្បីៗតំណាងឲ្យក្រុមហ៊ុន វឌ្ឍនៈ ប្រ៊ូវើរី រូបណា នឹងទៅ Surprise ដល់គូស្វាមីភរិយាថ្មីបន្ទាប់?

សូមចុច Link នេះ ដើម្បីឱកាសទទួលបានចំណងដៃពិសេស៖ ពេលវេលាល្អ អបអរថ្ងៃមង្គល bit.ly/49kHN7V

កុំភ្លេចទំនាក់ទំនងឥឡូវនេះសម្រាប់ពត៌មានបន្ថែម 088 866 62 98

សូមទស្សនាវីដេអូ៖

The post តារាចម្រៀងកំពូលកូរ ពូឃ្លាំង ចុះទៅ Surprise ថ្ងៃមង្គលការនៅខេត្តកំពត appeared first on Kampuchea Thmey Daily.