កាលពីរសៀលថ្ងៃទី ១៨ ខែឧសភា ឆ្នាំ ២០២៦ ម្សិលមិញ មន្ត្រីជំនាញ នៃមន្ទីរបរិស្ថានខេត្តពោធិ៍សាត់ និង អាជ្ញាធរមានសមត្ថកិច្ច មានក្តីរំជួលចិត្ត និង សោកស្តាយយ៉ាងខ្លាំង បន្ទាប់ពីទទួលបានព័ត៌មានស្តីពី ករណីសត្វប្រើសញីមានផ្ទៃពោះ ១ ក្បាល ទម្ងន់ ១១០ គីឡូក្រាម បានវង្វេងចូលមកក្នុងភូមិឋានរបស់ប្រជាពលរដ្ឋ ក្នុងភូមិ ប៊ុន រ៉ានី សែនជ័យ ដំណាក់ទ្រយឹង ហើយត្រូវបុគ្គលអគតិមួយចំនួន ព្រួតដៃគ្នាវាយ និង បង្អៅឆ្កែដេញ បណ្តាលឲ្យសត្វព្រៃផ្អើលរត់បុករបងលួសមុតសាច់ ហើយត្រូវឆ្កែខាំរហូតដល់ស្លាប់យ៉ាងព្រៃផ្សៃក្នុងចម្ការដំឡូងមី។

សកម្មភាពអមនុស្សធម៌នេះ មិនត្រឹមតែជាការបំផ្លិចបំផ្លាញសម្បត្តិធនធានធម្មជាតិ និង សត្វព្រៃ សត្វប្រើស ស្ថិតប្រភេទងាយរងគ្រោះ ក្នុងបញ្ជី IUCN Red List ប៉ុណ្ណោះទេ ប៉ុន្តែវាជាអំពើខុសច្បាប់ក្នុងក្រមបរិស្ថានយ៉ាងធ្ងន់ធ្ងរ។

ក្រោយពេលកើតហេតុភ្លាមៗ មន្ត្រីឧទ្យានុរក្ស នៃដែនជម្រកសត្វព្រៃភ្នំឱរ៉ាល់ អាជ្ញាធរមូលដ្ឋាន បានចុះអន្តរាគមន៍ រាយការណ៍ជូនលោកប្រធានមន្ទីរ និង ស្នើសុំគោលការណ៍ពី លោក ខូយ រីដា អភិបាល នៃគណៈអភិបាលខេត្តពោធិ៍សាត់ និមន្តព្រះសង្ឃ ដើម្បីធ្វើកិច្ចបង្សុកូល ឧទ្ទិសកុសលផលបុណ្យ ជូនដល់វិញ្ញាណក្ខន្ធសត្វប្រើសញី និង កូនក្នុងផ្ទៃដ៏កម្សត់នោះ ស្ថិតនៅវត្ត ប៊ុន រ៉ានី សែនជ័យ ដំណាក់ទ្រយឹង ឲ្យបានសមរម្យផងដែរ។

អាជ្ញាធរ ក៏បានអំពាវនាវយ៉ាងទទូចដល់ប្រជាពលរដ្ឋទាំងអស់ ក្នុងករណីប្រទះឃើញមានសត្វព្រៃវង្វេងចូលក្នុងភូមិឋាន សូមមេត្តាចូលរួមការពារ ថែរក្សា និង រាយការណ៍ជាបន្ទាន់មកមន្ត្រីបរិស្ថាន ឬ អាជ្ញាធរមូលដ្ឋានដែលនៅជិតបំផុត ដើម្បីសង្គ្រោះពួកវាឲ្យបានទាន់ពេលវេលា ជៀសវាងការបង្ករបួសស្នាម ឬ សម្លាប់សត្វព្រៃដោយអចេតនា និង ចេតនា៕

The post មន្ទីរបរិស្ថានខេត្តពោធិ៍សាត់ ថ្កោលទោសក្រុមបុគ្គលអគតិព្រួតដៃគ្នាវាយសត្វប្រើសញីមានផ្ទៃពោះ ១ ក្បាល ជិតផុតពូជ ស្លាប់ក្នុងចម្ការដំឡូងមី appeared first on Kampuchea Thmey Daily.

នៅក្នុងពិធីនេះ បងប្អូនពលករ និងសហគមន៍ខ្មែរ បានលើកឡើងបដា និងស្រែករួមគ្នាថា «កម្ពុជា ត្រូវការសន្តិភាពៗ ជយោវីរកងទ័ពកម្ពុជាៗ»។

ការ​ជួប​ជុំ​សម្ដែង​មតិ ដើម្បីថ្កោលទោសនេះ គឺបន្ទាប់ពីយោធាថៃ បានធ្វើការឈ្លានពានសារជាថ្មី មកលើដែនអធិបតេយ្យរបស់កម្ពុជា ចាប់ពីរសៀលថ្ងៃទី៧ ខែធ្នូ ឆ្នាំ២០២៥មក ដោយ​បាន​ប្រើប្រាស់​អាវុធ​ធុនតូច និងធុនធំ ដោយកំរោល និងមិនរើសគោលដៅយ៉ាងសាហាវព្រៃផ្សៃ។

សកម្មភាពជួបជុំសម្ដែងមតិនេះ គឺជាការបង្ហាញនូវស្មារតីស្នេហាជាតិ និងការរួបរួមរបស់ជនរួមជាតិខ្មែរនៅឯក្រៅប្រទេស ជាពិសេសនៅប្រទេសកូរ៉េខាងត្បូង ក្នុងការការពារផលប្រយោជន៍ជាតិ និងការទាមទារឱ្យមានយុត្តិធម៌ ចំពោះអំពើឈ្លានពានដែលបានកើតឡើងម្តងហើយម្តងទៀត ពីសំណាក់យោធាថៃ៕

The post ពលករ និង​សហគមន៍​ខ្មែរ នៅកូរ៉េខាងត្បូង បន្ត​ជួប​ជុំ​សម្តែង​មតិ​ដោយ​ថ្កោលទោស​យោធាថៃ ដែល​បាន​ឈ្លាន​ពាន​ជា​ថ្មី​មក​លើ​ដែន​អធិបតេយ្យភាពកម្ពុជា appeared first on Kampuchea Thmey Daily.

លោក សំ សឿន ប្រធាន​សហភាព​ពលកម្ម​ជាតិ​កម្ពុជា បាន​លើក​ឡើង​ថា អំពើ​ហិង្សា និង​ការ​រំលោភ​បំពាន​ផ្លូវ​ភេទ​យ៉ាង​សាហាវ​ព្រៃផ្សៃ​យង់ឃ្នង​របស់​យោធា​ឈុត​ខ្មៅ​ថៃ​មក​លើ ពល​ការិនី​ចំណាក​ស្រុក​កម្ពុជា គឺជា​ការ​រំលោភ​បំពាន​យ៉ាង​ធ្ងន់ធ្ងរ​លើ​សិទ្ធិមនុស្ស សិទ្ធិ​ស្ត្រី និង​សិទ្ធិ​ជាតិ នៃ​ពលករ​ចំណាក​ស្រុក ដែល​ត្រូវ​បាន​ការពារ​យ៉ាង​ខ្ជាប់ខ្ជួន​ដោយ​ច្បាប់រដ្ឋធម្មនុញ្ញ​កម្ពុជា លិខិត​តុ​បក​រណ៍​អាស៊ាន ច្បាប់​អន្តរជាតិ និង​អនុសញ្ញា CEDAW។

លោក​ថ្លែង​ថា «​ខ្ញុំ​សូម​ថ្កោលទោស​យ៉ាង​ដាច់អហង្ការ​ចំពោះ​ទាហាន​ឈុត​ខ្មៅ​ថៃ ​៧​ នាក់ ដែល​បាន​រំលោភ​សេពសន្ថវៈ​លើ​រាងកាយ និង​វាយដំ​ប្រជាពលរដ្ឋ​ខ្មែរ​ដែល​ធ្វើការ​នៅ​ប្រទេស​ថៃ​មានបំណង​ត្រឡប់​ប្រទេស​កំណើត​វិញ។ ទង្វើ​របស់​យោធា​ថៃ​នេះ បាន​បង្ហាញ​ពី​អត្តចរិត​ដ៏​សាហាវ​ឃោរឃៅ​ព្រៃផ្សៃ​របស់​ក្រុម​យោធា​ថៃ​ដែល​តែង​ប្រព្រឹត្ត​មក​លើ​ពលរដ្ឋ​កម្ពុជា​»។

ស្រដៀង​គ្នា​នេះ លោក ហង្ស រ៉ាវី ប្រធាន​សហភាព​សហជីព​រក្សា​សិទ្ធិ​កម្មករ​កម្ពុជា លើក​ឡើង​ថា ករណី​រំលោភ​បំពាន​ដ៏​ឃោរឃៅ​មិន​អាច​ទទួល​យក​បាន​នេះ មិន​ត្រឹមតែ​ជា​អំពើ​អមនុស្សធម៌​ទៅលើ​ជនរងគ្រោះ​ប៉ុណ្ណោះ​ទេ ប៉ុន្តែ​ថែមទាំង​ជា​ការ​បំពាន​លើ​គោលការណ៍​មនុស្សធម៌​របស់​សមាគម​ប្រជា​ជាតិ​អាស៊ី​អាគ្នេយ៍ (ASEAN) ដែល​មាន​បំណង​លើកកម្ពស់ និង​ធានា​សិទ្ធិមនុស្ស​នៅ​ក្នុង​តំបន់។

លោក​បាន​បង្ហាញ​ក្តី​ព្រួយបារម្ភ​យ៉ាងខ្លាំង​ចំពោះ​វប្បធម៌​និ​ទណ្ឌ​ភាព និង​ការ​មិន​គោរព​សិទ្ធិ​នារី​ពាក់ព័ន្ធ​នឹង​កង​កម្លាំងយោធា​ឈុត​ខ្មៅ​របស់​ថៃ ដែល​បង្ក​ហានិភ័យ​ធ្ងន់ធ្ងរ​ដល់​សុវត្ថិភាព និង​សិទ្ធិ​របស់​ពល​ការិនី​កម្ពុជា ព្រមទាំង​ក្រុម​អ្នក​ចំណាកស្រុក​ដទៃ​ទៀត។

លោក​ថ្លែង​ថា «​ខ្ញុំ​សូម​ថ្កោលទោស​ចំពោះ​ទង្វើ​ព្រៃផ្សៃ​អមនុស្សធម៌​របស់​យោធា​ឈុត​ខ្មៅ​ថៃ ដែល​ធ្វើ​ឱ្យ​ប៉ះពាល់​ដល់​សតិអារម្មណ៍​ស្ត្រី​ជា​ពល​ការិនី​ចំណាកស្រុក​កម្ពុជា។ ទង្វើ​នេះ យើង​មិន​អាច​ទទួល​យក​បាន ព្រោះ​ជា​ទង្វើ​ព្រៃផ្សៃ អាក្រក់​ក្រៃលែង ដែល​ជាតិ​សាសន៍​យើង​មិន​ដែល​មាន​សមត្ថកិច្ច​ណា​ធ្វើ​បែបនេះ​នោះ​ទេ​លើ​ជាតិ​សាសន៍​ដទៃ​»។

ទន្ទឹម​នេះ លោក ប៉ាវ ស៊ីណា ប្រធាន​សម្ព័ន្ធ​សហជីព​ចលនា​កម្មករ និង​ជា​ប្រធាន​សហភាព​ចលនា​កម្មករ​កម្ពុជា បាន​បង្ហាញ​ក្តី​រន្ធត់ចិត្ត​ចំពោះ​ទង្វើ​អមនុស្សធម៌​ដែល​ប្រព្រឹត្ត​ដោយ​ទាហាន​ឈុត​ខ្មៅ​ថៃ ដែល​បាន​រំលោភ​ស្ត្រី​ជា​ពលករ​ខ្មែរ និង​ប្រើប្រាស់​អំពើ​ហិង្សា​លើ​ពលរដ្ឋ​កម្ពុជា។

លោក​ថ្លែង​ថា «​នេះ​ជា​ទង្វើ​ឧក្រិដ្ឋ​ដែល​មិន​អាច​អត់ឱន​ឱ្យ​បាន ហើយ​ខ្ញុំ​គិត​ថា​ទង្វើ​នេះ​អាច​កើត​មាន​ឡើង​តែ​ចំពោះ​ទាហាន​ថៃ​ទេ ដែល​ជា​ប្រភេទ​ពួក​មនុស្ស​គ្មាន​បេះដូង​ជា​មនុស្ស ក្នុង​ការ​ធ្វើ​ទង្វើ​ដែល​យើង​ស្ទើរតែ​មិនដែល​ឮ​ទាល់តែសោះ​ចំពោះ​ទាហាន​បណ្តា​ប្រទេស​ផ្សេងៗ​»។

ជាមួយ​គ្នា​នេះ សហជីព​នៅ​កម្ពុជា បាន​អំពាវនាវ​ដល់​សហគមន៍​អន្តរជាតិ​ទាំងអស់​ចាត់វិធានការ​ច្បាស់​លាស់ និង​បន្ទាន់ ដើម្បី​ធានា​ការ​បញ្ឈប់​អំពើ​ហិង្សា និង​ការ​រំលោភ​សិទ្ធិ​ស្ត្រី​ទាំងអស់​ជាបន្ទាន់ និង​ធានា​ឱ្យ​មាន​យុត្តិធម៌​ពេញលេញ​សម្រាប់​ជនរងគ្រោះ។ សូម​សហគមន៍​អន្តរជាតិ​មេត្តា​ចេញ​សេចក្ដីថ្លែងការណ៍​ថ្កោលទោស​យ៉ាង​ម៉ឺងម៉ាត់​លើ​កងទ័ព​ឈុត​ខ្មៅ​ថៃ ចំពោះ​អំពើ​ជា​ឧក្រិដ្ឋកម្ម​សង្គ្រាម និង​ឧក្រិដ្ឋកម្ម​ប្រឆាំង​មនុស្សជាតិ​នេះ៕

The post សហជីពនៅកម្ពុជា ថ្កោលទោសយ៉ាងដាច់អហង្ការចំពោះអំពើចាប់រំលោភបូក​លើពលករស្ត្រីកម្ពុជាដោយកងទ័ពឈុតខ្មៅថៃ appeared first on Kampuchea Thmey Daily.

លោក ទុយ កុសល ពលរដ្ឋមកពីខេត្តព្រៃវែងបាននិយាយថា «ខ្ញុំបានឃើញសំណេរ​ស៊ន តារាដែរ ខ្ញុំ​គិត​ថា គាត់​កំពុង​វង្វេងប្រវត្តិសាស្រ្ត​ខ្លួន​ឯង ព្រោះ​គាត់​ជា​អ្នក​នយោបាយប្រឆាំងជ្រុលនិយម​ដែលកំពុងប្រើប្រាស់មូលដ្ឋាន​ក្រៅ​ប្រទេស​វាយ​ប្រហារ​លើ​រដ្ឋាភិបាល​កម្ពុជា​ដែល​កំពុង​ដឹក​នាំ​ប្រទេសដោយសម្ដេចបវរធិបតី ហ៊ុន ម៉ាណែត ហើយខ្ញុំសូមថ្កោលទោសការលើកឡើងរបស់ស៊ន តារា ដែលប្រមាថធ្ងន់ធ្ងរដល់ជនរងគ្រោះ​ក្នុង​សម័យ​អាមេរិក​ទម្លាក់​គ្រាប់បែក»។

លោកបន្ត​ថា «សំណេរ​របស់ស៊ន តារា បែបនេះ គឺជាចេតនាបំភ្លៃប្រវត្តិសាស្ត្រពិត និងជាការប្រមាថយ៉ាងធ្ងន់ធ្ងរទៅដល់ជនជាតិខ្មែរស្លូតត្រង់ ដែលបាន​ស្លាប់បាត់បង់ជីវិត និងរងរបួស ធ្លាក់​ខ្លួន​ពិការ​រាប់សែននាក់ បង្កឡើងដោយគ្រាប់បែកអាមេរិក ដែល​បាន​ទម្លាក់​ស្រោច​មក​លើ​ទឹកដី​កម្ពុជា​ចន្លោះទស្សវត្សឆ្នាំ៦០ និង៧០»។

ពលរដ្ឋ​រូប​នេះ​បាន​បង្ហាញ​ពី​ការ​ឈឺ​ចាប់​នូវ​អ្វី​ដែល​កើត​ឡើងពី​អតីតកាល​បាន​ក្លាយ​ជា​ប្រវត្តិសាស្ត្រ​ដ៏ជូរចត់សម្រាប់ខ្មែរទៅហើយ ប៉ុន្ដែអ្វីដែលរឹតតែឈឺចាប់ជាងនេះទៅទៀតនោះ គឺការបកស្រាយបំភ្លៃប្រវត្តិសាស្ត្រពិត និងចេតនាកេងចំណេញនយោបាយរបស់ពួកជ្រុលនិយម វារឹតតែធ្វើឱ្យខ្មែរមិនអាចទទួលយកបានទៀត។

លោក ស៊ូ ស៊ាម ពលរដ្ឋម្នាក់ទៀតមកពីខេត្តព្រៃវែងបានថ្លែងថា «ស៊ន តារា ពិត​ជា​បាន​ប្រមាថ​ធ្ងន់ធ្ងរ​ខ្លាំងណាស់​ដល់​អាយុ​ជីវិត​របស់​ប្រជាជនខ្មែរដែល​ស្លាប់​និង​រងគ្រោះ​ដោយសារ​គ្រប់បែកដែល​ទម្លាក់ដោយអាមេរិក។ ដូច្នេះ ស៊ន តារា មិនគួរហៅខ្លួនឯងថាជាខ្មែរទៀតឡើយ ព្រោះអ្នកមិនសមនឹងកើតជាជាតិសាសន៍ដ៏ស្លូតត្រង់ និងសុច្ចរិតមួយនេះទេ»។

លោក​បន្ត​ថា ប្រវត្តិសាស្ត្រពិតបានចារយ៉ាងច្បាស់ និង​ត្រូវ​បាន​ទទួល​ស្គាល់​ដោយ​ភាគី​អាមេរិក​ខ្លួនឯងផងដែរ​ថា អាមេរិក​គឺ​ពិត​ជា​បាន​ទម្លាក់គ្រាប់បែក​មក​លើ​កម្ពុជា ដោយ​មាន​គោលដៅ​ទៅ​លើ​យោធាយៀកកុងមែន ប៉ុន្តែ​ការ​ទម្លាក់​គ្រាប់​បែក​ដ៏​ច្រើន​សន្ធឹកសន្ធាប់​អស់រយៈ​ពេល​ជាច្រើនឆ្នាំលើទឹកដីកម្ពុជាដ៏កម្សត់ គឺ​បាន​សម្លាប់​ប្រជាជនកម្ពុជា​ចន្លោះ​ពី ៥ម៉ឺន ទៅដល់ ១៥ម៉ឺននាក់។

លោកបន្ថែមថា ឥទ្ធិពល​គ្រាប់​បែក​អាមេរិក បាន​បង្ក​ឱ្យ​មាន​ជន​ពិការ​រហូតមកដល់ពេលបច្ចុប្បន្ន និងបំផ្លាញភូមិដ្ឋានប្រជាជនខ្មែរព្រមទាំងហេដ្ឋារចនាសម្ព័ន្ធខ្ទេចខ្ទី។ សព្វថ្ងៃគ្រាប់បែក​ដែល​សេសសល់​នៅ​កប់​ក្នុង​ដី​ច្រើន​ណាស់ ដែល​បាននឹង​កំពុង​តែ​បន្ត​សម្លាប់ប្រជាជនខ្មែរ​ស្លូតត្រង់​ដែល​មិន​ដឹង​អី​រហូត​ដល់​សព្វ​ថ្ងៃ។

ពលរដ្ឋ​ម្នាក់​ទៀតលោក អ៊ុន គិនសេរីរដ្ឋា អាយុជិត ៦០ឆ្នាំ រស់នៅខេត្តស្វាយរៀងបានលើកឡើងថា «ខ្ញុំមានការឈឺចាប់ខ្លាំងណាស់ដែលមានជនអគតិជ្រុលនិយមក្រៅប្រទេសមួយក្ដាបតូចនេះ​ព្យាយាម​បង្វែរ​ប្រវត្តិសាស្រ្ត និង​ព្យាយាម​ការពារ​ជនល្មើស​ដែល​ធ្វើ​ឱ្យ​ពលរដ្ឋខ្មែរស្លាប់ទាំងដែលមិនមានកំហុសអ្វីទាំងអស់។ ខ្ញុំ​សូម​ថ្កោលទោសបុគ្គល ស៊ន តារា ដែលដើរតាមផ្លូវនយោនបាយជ្រុលនិយមរបស់ទណ្ឌិត សម រង្ស៊ី»។

លោក​បន្ត​ថា ជា​ការ​ពិត​សោកនាដកម្ម​នេះ កូន​ខ្មែរ​ត្រូវតែចងចាំ និងមិនអាចបំភ្លេចបានឡើយ ចៀសវាងជនឆ្លៀតឱកាស បំភ្លៃប្រវត្តិសាស្ត្រ និងបោកប្រាស់យុវជនខ្មែរជំនាន់ក្រោយបាន។ ការបង្ហោះសាររបស់ ស៊ន តារា គឺបង្ហាញថាជននេះកំពុងវង្វេងផ្លូវកាន់តែធ្ងន់ធ្ងរ ដែលប្រហែលជាមិនអាចមានអ្នកណាដាស់តឿនក្រើនរំលឹកបានឡើយ។

ចំណែក​លោក សំ សឿន អ្នកឃ្លាំមើលការអភិវឌ្ឍន៍សង្គម និងនយោបាយបាន​ថ្លែង​ថា «បើទោះ​បី​ជា​ខ្ញុំមិនបានសិក្សាស៊ីជម្រៅទៅលើចំណុចនេះ ប៉ុន្ដែខ្ញុំបានដឹងថា អាមេរិក​បានទម្លាក់គ្រាប់បែកយ៉ាងច្រើន​លើទឹកដីកម្ពុជាក្នុងអំឡុងសង្គ្រាមយៀកកុង និងសង្គ្រាមត្រួតត្រាខ្មែរ»។

ជាក់ស្តែងគ្រាប់បែកដែលទម្លាក់ពីយន្តហោះរបស់សហរដ្ឋអាមេរិក ក្នុងរដ្ឋបាលលោកប្រធានាធិបតី ចនសុន (Johnson) ចាប់ពីឆ្នាំ១៩៦៥ ដល់១៩៧៣ មកលើទឹកដីកម្ពុជាចំនួនប្រមាណ ៤៧៥ ៥១៥តោន(ជិតកន្លះលានតោន) និងនៅក្នុងរដ្ឋបាលលោកប្រធានាធិបតី រីឆាត និចសុន (Richard Nixon) ចាប់ពីឆ្នាំ១៩៦៩ បានបញ្ជាដាច់ណាត់ឱ្យទម្លាក់គ្រាប់បែកសម្លាប់អ្វីៗដែលមានជីវិត ដោយកុំឱ្យកងទ័ពខ្វល់ពីអ្វីទាំងអស់ រួមទាំងការចំណាយ។

លោកបន្ត​ថា ការ​ទម្លាក់គ្រាប់បែកក្នុងរដ្ឋបាលលោក Nisxon កាន់តែខ្លាំងក្លា ពោលគឺមានចំនួនប្រមាណជាង ២លានតោនក្នុងរយៈពេល៥ឆ្នាំ (១៩៦៩-១៩៧៣) នាំឱ្យទិន្នន័យសរុបមានចំនួនជាង ២លាន ជ៨សែនតោន ក្នុងរយៈពេលជាង៨ឆ្នាំ គឺពីថ្ងៃទី៤ ខែតុលា ឆ្នាំ១៩៦៥ ដល់ថ្ងៃទី១៥ ខែសីហា ឆ្នាំ១៩៧៣។ ក្នុងនោះមានកូនគ្រាប់បែកចង្កោមជាង ២៨លានគ្រាប់ និងគ្រាប់បែកគីមីថែមទៀតផង។

ដូច្នេះ លោក សំ សឿនបានចាត់ទុកការនិយាយថា “អាមេរិក​មិន​ដែល​ទម្លាក់គ្រាប់បែក​សម្លាប់ខ្មែរទេ”គឺ​ជា​ការ​និយាយភូតកុហកបោកប្រាស់ប្រជាពលរដ្ឋខ្មែរ ពោល​មិនមែន​ជា​ការ​ពិតឡើយ។ គ្រាប់បែកអាមេរិកបានសម្លាប់ប្រជាជនកម្ពុជា បំផ្លាញភូមិដ្ឋានប្រជាជន និងបង្កឲ្យមានមហន្តរាយធ្ងន់ធ្ងរ ដែលបណ្តាល​ឱ្យ​កម្ពុជាបានធ្លាក់ក្នុងភាពអស្ថិរភាពនយោបាយ និង​ជំរុញ​ឱ្យ​ខ្មែរក្រហម​មានឱកាសដណ្តើមបានជ័យជន្នះគ្រប់គ្រងកម្ពុជា។ នេះ​ជាការពិតដែលមិនអាចប្រកែកបាន៕

The post ពលរដ្ឋកម្ពុជា​ថ្កោលទោស ស៊ន តារា ដែល​កំពុង​វង្វេង​ប្រវត្តិសាស្រ្ត​ដោយលើកឡើងថា “អាមេរិក​មិន​ដែល​ទម្លាក់​គ្រាប់​បែក​សម្លាប់​ខ្មែរ” appeared first on Kampuchea Thmey Daily.

សេចក្តីថ្លែងការណ៍រួមរបស់ប្រទេសទាំង៤០ បានសរសេរថា៖ «យើងថ្កោលទោសយ៉ាងដាច់អហង្ការទៅលើការវាយប្រហារថ្មីៗនេះមកលើកងរក្សាសន្តិភាពអង្គការសហប្រជាជាតិម្នាក់នៅក្នុងប្រទេសលីបង់។ សកម្មភាពវាយប្រហារបែបនេះ ត្រូវតែបញ្ឈប់ជាបន្ទាន់ ហើយគួរតែមានការបើកការស៉ើបអង្កេតឱ្យបានត្រឹមត្រូវ»។ ជាមួយនឹងការថ្កោលទោសយ៉ាងនេះ ក្រុមប្រទេសទាំង៤០ ក៏បានចាត់ទុកថា តួនាទីរបស់កងរក្សាសន្តិភាពអង្គការសហប្រជាជាតិនៅក្នុងប្រទេសលីបង់ គឺមានសារៈសំខាន់ពិសេសណាស់នៅក្នុងតំបន់ដែលកំពុងឡើងកម្តៅមួយនេះ។

ក្រុមប្រទេសទាំង៤០ បានអំពាវនាវដល់គ្រប់ភាគីជម្លោះទាំងអស់គោរពនូវវត្តមានរបស់កងរក្សាសន្តិភាពអង្គការប្រជាជាតិនៅក្នុងប្រទេសលីបង់ រួមទាំងកាតព្វកិច្ចរបស់គេក្នុងការធានានូវសុវត្ថិភាព និងសន្តិសុខរបស់កងទ័ពរបស់ខ្លួនគ្រប់ពេលទាំងអស់។ ដូច្នេះហើយ ពួកគេអាចអនុវត្តកាតព្វកិច្ចរបស់ខ្លួន និងបន្តការងាររបស់ពួកគេក្នុងការសម្របសម្រួល និងគាំទ្រដល់ការស្វែងរកសន្តិភាព និងស្ថិរភាពនៅក្នុងប្រទេសលីបង់ ក៏ដូចជាតំបន់ទាំងមូល។

គួរសម្រាបជូនថា សេចក្តីថ្លែងការណ៍ថ្កោលទោសរបស់ប្រទេសទាំង៤០រួមទាំងកម្ពុជានេះ ធ្វើឡើងបន្ទាប់ពីកងរក្សាសន្តិភាពនៃអង្គការសហប្រជជាតិម្នាក់ប្រចាំនៅក្នុងប្រទេសលីបង់ បានរងរបួសដោយសារតែការបាញ់ប្រហារមួយដែលមិនដឹងចេញពីខាងណា ហើយក្រុមណាជាអ្នកធ្វើនោះឡើយ។ កងរក្សាសន្តិភាពដែលរងរបួសពេលនេះ គឺជាកងទ័ពទី៥ហើយ ដែលបានរងគ្រោះព្រោះការបាញ់ប្រហារនៅក្នុងប្រទេសលីបង់។ ត្បិតថា មិនដឹងខាងណាជាបាញ់ប្រហារ ប៉ុន្តែ សារព័ត៌មានបារាំង france24 បានកត់សម្គាល់ថា ការបាញ់ប្រហារនេះ កើតឡើងតែ២ថ្ងៃប៉ុណ្ណោះក្រោយមានការវាយប្រហាររបស់អ៉ីស្រាអែលទៅលើក្រុមសកម្មប្រយុទ្ធ Hezbollah នៅក្នុងប្រទេសលីបង់។

ក្រុមប្រទេសទាំង៤០ បានគូសបញ្ជាក់ជាថ្មីពីការប្តេជ្ញាចិត្តក្នុងការធ្វើកិច្ចសហប្រតិបត្តិការពហុភាគីជាមួយនឹងអង្គការសហប្រជាជាតិ។ ក្រុមប្រទេសទាំងនេះ ក៏បានអំពាវនាវឱ្យមានការគោរពច្បាប់អន្តរជាតិ ជាពិសេស ធម្មនុញ្ញអង្គការសហប្រជាជាតិ ក៏ដូចជាដំណោះស្រាយផ្សេងៗទៀតរបស់ក្រុមប្រឹក្សាសន្តិសុខនៃអង្គការសហប្រជាជាតិ៕

The post កម្ពុជា និងប្រទេស៣៩ទៀត រួមគ្នាថ្កោលទោសការវាយប្រហារលើកងទ័ពមួកខៀវអង្គការសហប្រជាជាតិនៅលីបង់ appeared first on Kampuchea Thmey Daily.

នៅព្រឹកថ្ងៃទី១៣ ខែសីហា ឆ្នាំ២០២៤ សមាគមពលរដ្ឋខ្មែរទាំង៦ បានចេញញត្តិគាំទ្រចំពោះសារអំពាវនាវរបស់សម្តេចតេជោ ហ៊ុន សែន ចំពោះក្រុមឧទ្ទាមក្រៅច្បាប់ក្រៅប្រទេស ដែលបានញុះញង់ឱ្យមានបាតុកម្មតាមបណ្តាប្រទេសមួយចំនួនប្រឆាំងនឆងគម្រោងអភិវឌ្ឍន៍ត្រីកោណ កម្ពុជា ឡាវ វៀតណាម (CLV) ក្នុងគោលដៅឱ្យកម្ពុជាមានស្ថានភាពដូចប្រទេសបង់ក្លាដេស បង្កអសន្តិសុខ និងបំផ្លាញសន្តិភាពនៅកម្ពុជា។

នៅក្នុងញតិ្តគាំទ្រនេះ សមាគមពលរដ្ឋខ្មែរទាំង៦ បានប្រកាសថ្កោលទោស ប្រឆាំងយ៉ាងដាច់អហង្ការចំពោះទង្វើទាំងឡាយណាដែលបង្កឡើងដោយក្រុមឧទ្ទាមក្រៅច្បាប់នៅក្រៅប្រទេស ដូចជាគម្រោងបង្កើតរដ្ឋាភិបាលក្រៅច្បាប់ និងសកម្មភាពញុះញង់ បង្កើតព័ត៌មានប្រតិដ្ឋ ភូតភរកុហក បោកប្រាស់គ្រប់រូបភាពដល់សាធារណជន ដើម្បីប៉ុនប៉ងផ្តួលរលំរដ្ឋាភិបាលស្របច្បាប់ដែលដឹកនាំដោយសម្តេចធិបតី ហ៊ុន ម៉ាណែត។ បន្ថែមពីនេះ សមាគមពលរដ្ឋខ្មែរទាំង៦ ក៏ស្នើសុំដល់សមត្ថកិច្ចចាត់វិធានការតាមច្បាប់ និងអំពាវនាវដល់មហាជនមានស្មារតីប្រុងប្រយ័ត្ន និងថ្កោលទោសចំពោះក្រុមឧទ្ទាមក្រៅច្បាប់ក្នុងគោលបំណងបង្កអស្ថិរភាពសង្គម និងបំផ្លាញសន្តិភាពសង្គម។

សូមជម្រាបថា សមាគមពលរដ្ឋខ្មែរទាំង៦ ដែលមានមូលដ្ឋាននៅប្រទេសអូស្ត្រាលី និងនូវ៉ែលហ្សេឡង់ មានដូចជា សមាគមខ្មែរ-អូស្ត្រាលី នៃរដ្ឋឃ្វីនស្លែនដ៍, សមាគមពលរដ្ឋខ្មែរអូស្ត្រាលី រដ្ឋវិចតូរីយ៉ា, សមាគមយុវជនខ្មែរ ទីក្រុងស៊ីដនី, សមាគមមិត្តភាពកម្ពុជា និងវប្បធម៌ ប្រចាំរដ្ឋអូស្ត្រាលីខាងត្បូង, សមាគមទ្រទ្រង់វប្បធម៌ខ្មែរ រដ្ឋធានីវែល្លីងតុន និងសមាគមខ្មែរ ញូហ្សេលែន៕

The post សមាគមពលរដ្ឋខ្មែរក្រៅប្រទេស៦ ប្រកាសគាំទ្រសាររបស់សម្តេចតេជោ និងថ្កោលទោសចំពោះក្រុមឧទ្ទាមក្រៅច្បាប់ appeared first on Kampuchea Thmey Daily.

លោក​បណ្ឌិត ហុង វណ្ណៈ អ្នក​ជំនាញ​សេដ្ឋកិច្ច នៃ​រាជ​បណ្ឌិត្យ​សភា​កម្ពុជា លើក​ឡើង​ថា គោលការណ៍ នៃ​ការ​ស្រាវជ្រាវ និង​ធ្វើ​របាយការណ៍ ត្រូវ​ប្រកាន់ខ្ជាប់​នូវ​ក្រមសីលធម៌ នៃ​ការ​ឆ្លើយ​សំណួរ​ដោយ​ស្ម័គ្រចិត្ត និង​គ្មាន​ការ​បង្ខិតបង្ខំ​អ្វី​ទាំងអស់។ ជាមួយ​គ្នា​នេះ លោក​និយាយ​ថា វា​ត្រូវ​មាន​ភាព​ប្រាកដប្រជា​ចំពោះ​របកគំហើញ​ដែល​ជា​លទ្ធផល នៃ​ការ​ស្រាវជ្រាវ​នោះ។

ទោះបីជា​យ៉ាងណា លោក​បណ្ឌិត ហុង វណ្ណៈ កត់​សម្គាល់​ថា អង្គការ​សង់​ត្រាល់ ដែល​បាន​ទទួល​ជំនួយ​បរទេស​ធ្វើ​ខុស​ក្រមសីលធម៌​វិជ្ជាជីវៈ នៃ​ការ​ស្រាវជ្រាវ បង្កើត​របកគំហើញ បំភ្លៃ​សំណាក ដោយ​បំពាន​ឯកជន​ភាព​របស់​សហ​ជីព និង​កម្មករ-និយោជិត។

លោក​ថ្លែង​ថា «ការ​បំប្លែង​ការ​ពិត​នេះ គឺ​ប៉ះពាល់​ធ្ងន់ធ្ងរ​ដល់​ដំណើរការ​អភិវឌ្ឍ​ប្រទេសជាតិ​ជា​រួម ជា​ពិសេស​រោងចក្រ​ផលិត​សម្លៀក​បំពាក់ ស្បែកជើង សម្ភារៈ​សម្រាប់​ធ្វើដំណើរ​ទាំងអស់​ដែល​បង្កើត​ការងារ​ប្រហែលជា ១ លាន​នាក់ ជូន​ពលរដ្ឋ​កម្ពុជា និង​នាំ​ប្រាក់ចំណូល​ដល់​ជាតិ​ប្រហែលជា ១៧ ពាន់​លាន ក្នុង ១ ឆ្នាំៗ ហ្នឹង​គឺជា​ការ​ប៉ះពាល់​ធ្ងន់ធ្ងរ»។

អ្នក​ជំនាញ​រូប​នេះ បាន​ពន្យល់​ថា បើ​សិន​ជា​មាន​ការ​បំពាន និង​រឹតត្បិត​សិទ្ធិ​សេរីភាព​កម្មករ​នៅ​កម្ពុជា​មែន​នោះ សហជីព​មូលដ្ឋាន​ដែល​តំណាង​ឲ្យ​កម្មករ-និយោជិត ក៏ដូចជា​កម្មករ-និយោជិត​ខ្លួនឯង ដែល​ទទួល​បាន​ចំណេះដឹង​ផ្នែក​ច្បាប់ និង​សុខុមាលភាព តាមរយៈ​អង្គការ​ផ្សេងៗ ដែល​បាន​ចុះទៅ​បង្ហាត់បង្ហាញ​នោះ នឹង​ចេញ​តវ៉ា​ដោយ​ខ្លួនឯង ដោយ​មិន​ចាំបាច់​អង្គការ​សង់​ត្រាល់​ចេញ​របាយការណ៍​នោះ​ទេ។

ដូច​គ្នា​នេះ​ដែរ លោក​បណ្ឌិត ឈត ប៊ុនថង អ្នក​ទស្សនវិជ្ជា និង​ជា​អ្នកស្រាវជ្រាវ នៃ​រាជបណ្ឌិត្យ​សភា​កម្ពុជា យល់ស្រប​ជាមួយ​លោក​បណ្ឌិត ហុង វណ្ណៈ ថា ភាព​គ្មាន​ជំនាញ​វិជ្ជាជីវៈ​របស់​អង្គការ​សង់​ត្រាល់ ដែល​ចេញ​របាយការណ៍​មិន​ឆ្លុះបញ្ចាំង​ការ​ពិត និង​ជា​របាយការណ៍​ដែល​មិន​ទទួល​បាន​ទិន្នន័យ​ពេញលេញ គ្មាន​សច្ចភាព ធ្វើ​ឲ្យ​មាន​ការ​យល់ច្រឡំ បង្ក​ឲ្យ​មាន​ការ​បះបោរ​ចលាចល ដោយ​កម្មករ-និយោជិត ឬ​អ្នក​ដែល​ឈឺឆ្អាល​ក្នុង​រឿង​កម្មករ-និយោជិត ក្នុង​សង្គម។

លោក​និយាយ​ថា របាយការណ៍​បំប៉ោង​ការ​ពិត​របស់​សង់​ត្រាល់ ក៏​ប៉ះពាល់​ដល់​វិនិយោគិន អ្នកបញ្ជា​ទិញ លែង​ចង់​ដាក់​ទុន​រកស៊ី​បន្ត​ទៀត​នៅ​កម្ពុជា​ផង​ដែរ។ មិនតែប៉ុណ្ណោះ លោក​បន្ថែម​ថា បណ្តា​ប្រទេស​ផ្សេងៗ ទៀត នៅ​សហគមន៍​អឺរ៉ុប នឹង​ដាក់​សម្ពាធ​លើ​កម្ពុជា ព្រោះតែ​យល់​ច្រឡំ​អំពី​ការ​អនុវត្ត​សិទ្ធិ​សេរីភាព​កម្មករ-និយោជិត។

លោក​បណ្ឌិត ឈត ប៊ុនថង គូស​បញ្ជាក់​ថា «របាយការណ៍​មួយ ប៉ះពាល់​ដល់​សង្គម​ទាំងមូល ដូច្នេះ​ទាមទារ​ឲ្យ​មាន​ការ​បង្ហាញ​ការ​ពិត ដែល​ជា​សច្ចភាព មិនមែន​ចេះតែ​ធ្វើឡើង​ដោយ​ធ្វេសប្រហែស​បាន​ទេ ព្រោះ​កាលណា​ចេញ​ទៅ​វា​ប៉ះពាល់​ផល​ប្រយោជន៍​ជាតិ ប៉ះពាល់​ផលប្រយោជន៍​ថៅកែ ប៉ះពាល់​ផលប្រយោជន៍​សេចក្ដីថ្លៃថ្នូរ​របស់​ស្ថាប័ន​ជាតិ​ពាក់ព័ន្ធ​នឹង​វិស័យ​ការងារ​ជាដើម»។

គួរ​បញ្ជាក់​ថា ក្នុង​សេចក្ដីថ្លែងការណ៍​ចេញផ្សាយ​យប់​ថ្ងៃ​ទី ២៦ ខែ​មិថុនា អង្គការ​សង់​ត្រាល់ បាន​ទទួល​ស្គាល់​ថា ទំហំ​សំណាក នៃ​ការ​ស្រាវជ្រាវ​របស់​ខ្លួន​នៅ​មាន​កម្រិត ហើយ​គ្មាន​លក្ខណៈ​តំណាង​ឲ្យ​បទ​ពិសោធ​ជាក់ស្ដែង​របស់​កម្មករ-និយោជិត នៅ​កម្ពុជា​ទេ។ ការ​បកស្រាយ​បំភ្លឺ​នេះ ផ្ទុយ​ពី​របាយការណ៍​របស់​ខ្លួន ដែល​ចេញផ្សាយ​កាលពី​ថ្ងៃទី ៤ ខែ​មិថុនា ថា សេរីភាព​របស់​សហជីព​នៅ​កម្ពុជា​ទាំងមូល ត្រូវ​បាន​បំផ្លិចបំផ្លាញ​នោះ៕

The post អ្នកជំនាញ ថ្កោលទោសភាពគ្មានវិជ្ជាជីវៈ នៃរបាយការណ៍របស់​សង់ត្រាល់ ដែលប៉ះពាល់វិស័យកាត់ដេរធ្ងន់ធ្ងរ appeared first on Kampuchea Thmey Daily.

ការ​បង្ហោះ​តាម​បណ្ដាញ​សង្គម​របស់ ទណ្ឌិត​ក្បត់ជាតិ ៣ ជំនាន់​នេះ កាលពី​ថ្ងៃ​ទី ២០ ខែ​កុម្ភៈ ឆ្នាំ ២០២៣ ដោយ​ចោទប្រកាន់​យ៉ាង​គឃ្លើន​លើ ព្រះ​អម្ចាស់​ជីវិត​តម្កល់​លើ​ត្បូង គឺជា​អំពើ​ល្មើសច្បាប់​ដ៏​ធ្ងន់ធ្ងរ​បំផុត​ដែល​មិន​អាច​លើកលែង​បាន ដោយ​មាត្រា ៧ នៃ​រដ្ឋធម្មនុញ្ញ នៃ​ព្រះរាជាណាចក្រ​កម្ពុជា បាន​ចែងថា «​អង្គ​ព្រះមហាក្សត្រ មិន​អាច​នរណា​រំលោភបំពាន​បាន​ឡើយ​» និង​បទល្មើស​ព្រហ្មទណ្ឌ ដែល​មាន​ចែង និង​ផ្ដន្ទាទោស តាម​បទប្បញ្ញត្តិ នៃ​ក្រមព្រហ្មទណ្ឌ នៃ​ព្រះរាជាណាចក្រ​កម្ពុជា។

យើងខ្ញុំ សំណូមពរ​ដល់​អាជ្ញាធរ​មាន​សមត្ថកិច្ច មេត្តា​ចាត់វិធានការ​តាម​ផ្លូវ​ច្បាប់​ឲ្យ​បាន​ម៉ឺងម៉ាត់ ចំពោះ​ទណ្ឌិត​អន្ធពាល សម រ​ង្ស៉ី ដែល​នៅតែ​បន្ត​ប្រព្រឹត្ត​អំពើ​អសីលធម៌ និង​បំពាន​ច្បាប់​ជា​ធរមាន យ៉ាង​គឃ្លើន​នេះ។

យើងខ្ញុំ​ទាំងអស់​គ្នា សូម​ប្ដេជ្ញា​គាំទ្រ និង​ដង្ហែ​តាម​ព្រះ​រាជតម្រិះ​ដ៏​ខ្ពង់ខ្ពស់​បំផុត នៃ​អង្គ​ព្រះមហាក្សត្រ ព្រះប្រមុខរដ្ឋ ជា​ទី​គោរព​សក្ការៈ និង​ស្រឡាញ់ ដ៏​ជ្រាលជ្រៅ​បំផុត ចំពោះ​ទឹក​ព្រះទ័យ​ស្នេហា​ជាតិ​ដ៏​ល្អ​បរិសុទ្ធ និង​ព្រះរាជ​តួនាទី ដ៏​ត្រឹមត្រូវ​តាម​រដ្ឋធម្មនុញ្ញ នៃ​ព្រះរាជាណាចក្រ​កម្ពុជា។

យើងខ្ញុំ​ទាំងអស់​គ្នា​សូម​ប្រកាស​គាំទ្រ​យ៉ាង​ពេញទំហឹង​ចំពោះ​យុទ្ធនាការ​ដែល​ប្រកាស​ដោយ​សម្ដេច​អគ្គ​មហា​សេនា​បតី​តេ​ជោ ហ៊ុន សែន ក្នុង​ការ​កម្ចាត់​ចោល​នយោបាយ​ជ្រុល​និយម​របស់​ជន​ក្បត់ជាតិ​បី​ជំនាន់​ឲ្យ​អស់​ពី​កម្ពុជា ដើម្បី​រក្សា​សន្តិភាព ស្ថិរភាព​សង្គម និង​សេចក្ដី​សុខសាន្ត​របស់​ប្រជាពលរដ្ឋ​ខ្មែរ៕

The post លោក ឃួង ស្រេង និងលោក ម៉ប់ សារិន ប្រកាសថ្កោលទោសជនក្បត់ជាតិ ៣ ជំនាន់ សម រង្ស៉ី ដែលប្រមាថដល់អង្គព្រះមហាក្សត្រម្ដងហើយម្ដងទៀត appeared first on Kampuchea Thmey Daily.