លោកស្រីបានបញ្ជាក់ថា «អ្នកដឹកនាំល្អ និងមានឥទ្ធិពល គឺមិនត្រឹមតែធ្វើឱ្យអ្នក ក្រោមបង្គាប់ ព្រមនិងអនុវត្តតាមនោះទេ ប៉ុន្តែជាការជំរុញពួកគេឱ្យមានឆន្ទៈ និងការប្តេជ្ញាចិត្ត ក្នុងការបំពេញការងារ ដើម្បីសម្រេចបាននូវគោលដៅរួមរបស់អង្គភាព និងសម្រាប់សង្គមជាតិទាំងមូល»។ លោកស្រីបន្តថា ការដឹកនាំ មិនមែនត្រឹមតែយើងមានសមត្ថភាពបញ្ជា និងគ្រប់គ្រងប៉ុណ្ណោះទេ ប៉ុន្តែត្រូវ ការមានចក្ខុវិស័យវែងឆ្ងាយ ការបង្កើតចិត្តរួបរួម ការបំផុសគំនិតឱ្យអ្នកដទៃ ចេះធ្វើការ សម្រេចចិត្តប្រកបដោយទំនួលខុសត្រូវ។

បើតាមលោកស្រី ប៉ាង ដានី គោលបំណងសំខាន់វគ្គបណ្តុះបណ្តាលនេះ គឺជាការបំប៉ននូវចំណេះដឹង និងការអភិវឌ្ឍជំនាញក្នុងការគ្រប់គ្រងធនធានមនុស្ស ការធ្វើឱ្យប្រសើរឡើងនូវឥទ្ធិពលក្នុងនាមជា អ្នកដឹកនាំ និងបង្កើនភាពអង់អាចក្លាហានបន្ថែមទៀតក្នុងការនិយាយជាសាធារណៈឱ្យកាន់ តែមានប្រសិទ្ធភាព ឆ្លើយតបនឹងតម្រូវការជាក់ស្តែងរបស់មន្ត្រីរាជការនៅមូលដ្ឋានថ្នាក់ក្រោម ជាតិ មន្ទីរ/អង្គភាព និងបណ្តាក្រុង/ស្រុក សង្កាត់/ឃុំ។

វគ្គបណ្តុះបណ្តាលនេះ បានរៀបចំឡើងឆ្លើយតបនឹងអាទិភាពគន្លឹះទី១ នៃយុទ្ធសាស្ត្របញ្ចកោណដំណាក់កាលទី១ គឺមនុស្ស (ក្នុងចំណោមអាទិភាពគន្លឹះទាំង៥ គឺ មនុស្ស ផ្លូវ ទឹក ភ្លើង និងបច្ចេកវិទ្យា) ហើយក៏ស្របនឹងអាទិភាព ដែលមានចែងក្នុងមុំទី១ និងមុំទី២ នៃស្នូលនៃយុទ្ធសាស្ត្របញ្ចកោណ សំដៅដល់ការពង្រឹង និងការកែទម្រង់ស្ថាប័ន តាមរយៈការ ពង្រឹងសមត្ថភាពនៃភាពជាអ្នកដឹកនាំ និងការរៀបចំបណ្តាញអ្នកដឹកនាំ ព្រមទាំងការលើកកម្ពស់សមត្ថភាពធនធានមនុស្សប្រកបដោយភាពជំនាញ ឆន្ទៈ ម្ចាស់ការ និងក្រមសីលធម៌ វិជ្ជាជីវៈស្របតាមតួនាទី និងការទទួលខុសត្រូវផងដែរ។ នេះជាការបញ្ជាក់បន្ថែមរបស់ លោកស្រីអភិបាលរងខេត្ត។

នាឱកាសនោះដែរ លោកស្រីគណៈអធិតី ក៏បានលើកទឹកចិត្តដល់សិក្ខាកាមទាំងអស់ ចូលរួមឱ្យបានសកម្មក្នុងវគ្គបណ្តុះបណ្តាលនេះ ដោយយកចិត្តទុកដាក់ស្តាប់ការចែករំលែកចំណេះដឹងរបស់គ្រូឧទ្ទេស ដើម្បីបានជាពុទ្ធិ និងបទពិសោធន៍ថ្មីៗ ល្អៗ យកទៅដឹកនាំអង្គភាពរបស់ខ្លួន សម្រាប់បម្រើប្រជាពលរដ្ឋ។ ព្រមទាំងជាការចូលរួមចំណែកអនុវត្តកម្មវិធីនយោបាយ និងយុទ្ធសាស្ត្របញ្ចកោណដំណាក់កាល ទី១ របស់រាជរដ្ឋាភិបាលកម្ពុជានីតិកាលទី៧នៃរដ្ឋសភា ក្រោមការដឹកនាំប្រកបដោយគតិបណ្ឌិត របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕

The post លោកស្រី ប៉ាង ដានី៖ អ្នកដឹកនាំល្អ និងមានឥទ្ធិពល ជំរុញឱ្យអ្នកក្រោមបង្គាប់មានការប្តេជ្ញាចិត្តក្នុងការបំពេញការងារ appeared first on Kampuchea Thmey Daily.

អភិបាលខេត្តស្វាយរៀងបានលើកឡើងថា ដោយសារប្រទេសជាតិមានសុខសន្តិភាពពេញលេញ មានការគោរពសិទ្ធិសេរីភាព និងមានទំនុកចិត្តពីអ្នកវិនិយោគ ដែលជាមរតកសមិទ្ធផលបន្សល់ទុកពីអគ្គមគ្គទេសក៍ជាតិដ៏ឆ្នើម គឺសម្ដេចតេជោ អតីតនាយករដ្ឋមន្ត្រី និងបច្ចុប្បន្នបាននិងកំពុងបន្តថែរក្សាការពារ និងអភិវឌ្ឍន៍ ក្រោមការដឹកនាំប្រកបដោយភាពឈ្លាសវៃ និងប៉ិនប្រសប់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ។  កត្តាសន្តិភាព និងស្ថិរភាពនយោបាយ ដែលរាជរដ្ឋាភិបាលកម្ពុជា កសាងសម្រចបានទាំងនេះហើយ ជាមូលដ្ឋានគ្រឹះ និងជាបុរេលក្ខខណ្ឌ ដែលនាំឲ្យប្រទេសជាតិយើងមានការអភិវឌ្ឍដូចសព្វថ្ងៃ ។

លោក អុិន ខេមរា រដ្ឋលេខាធិការក្រសួងការងារ បានមានប្រសាសន៍ថា ក្រោមមូលដ្ឋានគ្រឹះ នៃសុខសន្តិភាព ការរីកចម្រើននៅក្នុងវិស័យឧស្សាហកម្ម ការវិនិយោគបង្កើតរោងចក្រសហគ្រាស ដែលមានការកើនឡើងជាបន្តបន្ទាប់នៅក្នុងក្របខ័ណ្ឌទូទាំងប្រទេស ក៏ដូចជានៅក្នុងមូលដ្ឋាន គឺពិតជាមិនមែនកើតឡើងដោយការចៃដន្យនោះទេ នេះក៏ព្រោះតែ យើងមានក្របខ័ណ្ឌគោលនយោបាយ ក្របខ័ណ្ឌច្បាប់ល្អប្រសើររបស់រាជរដ្ឋាភិបាល ដែលបានជួយគាំទ្រ គាំពារ ការពារអ្នកវិនិយោគ និងសកម្មភាពវិនិយោគគ្រប់ប្រភេទ ។

លោក អុិន ខេមរា បន្តថាការចូលរួមសហការយ៉ាងល្អប្រសើរ និងស្អិតរមួតរវាងកម្មករនិយោជិត  និង និយោជក ក្នុងការធានាឲ្យមាននូវសុខដុមនីយកម្មវិជ្ជាជីវៈនៅកន្លែងធ្វើការ ព្រមជាមួយនិងការគិតគូរយកចិត្តទុកដាក់ខ្ពស់ពីសំណាក់រាជរដ្ឋាភិបាល ចំពោះសុខទុក្ខ សុខុមាលភាព និងអត្ថប្រយោជន៍ជូនដល់ កម្មករនិយោជិត និងនិយោជក ដែលកន្លងមកនេះ រាជរដ្ឋាភិបាល បានរៀបចំឲ្យមានរបបសន្តិសុខសង្គមផ្នែកថែទាំសុខភាព សម្រាប់កម្មករ កម្មការិនី ដោយទទួលការពិនិត្យព្យាលជំងឺដោយមិនបង់ប្រាក់ពីមន្ទីរពេទ្យរដ្ឋ កម្មការិនីដែលមានផ្ទៃពោះសម្រាលកូន គឺត្រូវបានអនុញ្ញាតឲ្យឈប់សម្រាក រយៈពេល ៣ខែ ដោយទទួលបានប្រាក់ឈ្នួល ១២០ ភាគរយ អាចចេញសម្រាកមុន ១៥នាទី សម្រាលកូនដោយទទួលបានប្រាក់ឧបត្ថម្ភជាដើម ការរៀបចំឲ្យមានប្រាក់សោធននិវត្តន៍ និងបានរៀបចំច្បាប់ស្ដីពីប្រាក់ឈ្នួលអប្បបរមាផងដែរ៕

ដោយ៖ភក្ដី

The post ថ្នាក់ដឹកនាំជួបជាមួយកម្មករនិយោជិតខេត្តស្វាយរៀង អបអរខួបលើកទី១៣៨ នៃទិវាពលកម្មអន្តរជាតិ appeared first on Kampuchea Thmey Daily.

ការជម្រាបជូននេះ គ្រាដែលលោកស្រី Carmen Moreno ឯកអគ្គរដ្ឋទូតសហភាពអឺរ៉ុបដែលផុតអាណត្តិ កាលពីព្រឹកថ្ងៃទី ៣១ ខែសីហា ឆ្នាំ ២០២៣ បានស្នើសុំពិភាក្សាការងារចុងក្រោយជាមួយលោក កែវ រ៉េមី ទេសរដ្ឋមន្ត្រីទទួលបន្ទុក​បេកកម្មពិសេស, ប្រធានគណៈកម្មាធិការសិទ្ធិមនុស្សកម្ពុជា និងជាអនុប្រធានអចិន្ត្រៃយ៍ នៃក្រុមការងាររាជរដ្ឋាភិបាល ទទួលដំណើរការនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) រួមជាមួយលោក ហែម ក្រាញ់តូនី រដ្ឋលេខាធិការនៃទីស្តីការគណៈរដ្ឋមន្តី និងជាប្រធានរដ្ឋបាលស្តីទីនៃអ.វ.ត.ក. និងលោក ថោង សុជាតិ រដ្ឋលេខាធិការនៃទីស្តីការគណៈរដ្ឋមន្តី និងជាមន្ត្រីគ្រប់គ្រងជាន់ខ្ពស់នៃអ.វ.ត.ក.។

ក្នុងជំនួបនេះ លោកស្រីឯកអគ្គរដ្ឋទូតបានវាយតម្លៃខ្ពស់ ចំពោះកិច្ចសហប្រតិបត្តិការយ៉ាងល្អប្រសើរ របស់សហភាពអឺរ៉ុបក្នុងរយៈពេល ៤ឆ្នាំកន្លង ដែលបានរួមចំណែកដល់ដំណើរការកាត់សេចក្ដីរបស់អ.វ.ត.ក.ប្រកបដោយជោគជ័យ និងបន្តគាំទ្រដល់ការអនុវត្តមុខងារសេសសល់របស់អ.វ.ត.ក និងលទ្ធផលរំពឹងទុកសមច បានក្នុងរយៈពេល ៣ឆ្នាំ (២០២៣​-២០២៥) ដោយបានលើកឡើងអំពីសារៈសំខាន់នៃការងារអប់រំនិង ផ្សព្វផ្សាយបណ្ណសារនៃសំណុំរឿង និងដំណើរការកាត់សេចក្ដីរបស់សាលាក្ដីខ្មែរក្រហមឲ្យបានទូលំទូលាយ និងមានអត្ថន័យដល់សាធារណជន និងយុវជនជំនាន់ក្រោយ ព្រមទាំងនៅថ្នាក់តំបន់និងអន្តរជាតិ ដែលជាសមិទ្ធផលនិងកេរដំណែលរបស់ជាតិ ហើយក៏ជាសមិទ្ធផលរួមរបស់មនុស្សជាតិទាំងមូលផងដែរ។

ជាការឆ្លើយតបលោក កែវ រ៉េមី បានបញ្ជាក់ថា រដ្ឋបាលសាលាក្ដីខ្មែរក្រហម កំពុងតែមមាញឹកក្នុងការរៀបចំ និងកសាងបន្ទប់តាមស្ដង់ដារអន្តរជាតិសម្រាប់គ្រប់គ្រង និងរក្សាបណ្ណសារសំណុំរឿងដែលមានជិត ៤លានទំព័រ កសាងបណ្ណា​ល័យ និងបន្ទប់សវនាការត្រាប់( Library and Moot Court) សម្រាប់បម្រើឱ្យការងារផ្សព្វផ្សាយ, ស្រាវជ្រាវនិងបណ្តុះបណ្តាល។

ជាមួយគ្នានោះដែរលោក កែវ រ៉េមី ក៏បានជម្រាបជូនលោកស្រីឯកអគ្គរដ្ឋទូតថា ថ្នាក់ដឹកនាំបន្តវេនគឺប្រកបដោយសមត្ថ​ភាពខ្ពស់ ឈ្លាសវៃ និងជវភាព (Dynanic) ហើយលើកឡើងផងដែរថា គោលនយោបាយ និងយុទ្ធសាស្ត្របញ្ចកោណរបស់រាជរដ្ឋាភិបាល នីតិកាលទី ៧នៃរដ្ឋសភា ក្រោមគតិ​បណ្ឌិត​ដឹកនាំដ៏ឆ្លាតវៃរបស់ឯកឧត្តមបណ្ឌិត ហ៊ុន ម៉ាណែត នាយករដ្ឋមន្ត្រីនៃកម្ពុជា បានយកចិត្តទុដាក់ខ្ពស់លើការងារអប់រំ និងផ្សព្វផ្សាយក្នុងស្មារតីឲ្យអ្នកស្រាវជ្រាវ និងយុវជនជំនាន់ក្រោយទទួលបានព័ត៌មានពេញលេញលើប្រវត្តិសាស្រ្តរបស់ខ្លួន ដើម្បីរក្សាឲ្យបាននូវសុខសន្តិភាព, ពង្រឹងដល់ការចងចាំ (Remembrance) និងការមិនវិលត្រលប់ឡើងវិញ (Non-Recurrence) នៃរបបឃោរឃៅបែបនេះនៅក្នុងសង្គមជាតិ។

ចំពោះតួនាទីក្នុងតំបន់ និងអន្តរជាតិ លោកស្រីឯកអគ្គរដ្ឋទូតបានលើកឡើងជាទស្សនៈថា កម្ពុជាមិន មែនជាប្រទេសក្រីក្រទៀតទេ ទាំងធនធាន និងបទពិសោធន៍ និងជាពិសេសជាប្រទេសមានសក្តានុពលជាងគេក្នុងតំបន់ ទាក់ទងទៅនឹងការស្វែងរកសន្តិភាព និងការបង្រួបបង្រួមជាតិ ព្រមទាំងមានសមិទ្ធផលធំៗដូចជាការកាត់សេចក្តីដោយជោគជ័យនៃរបបខ្មែរក្រហម។ ហេតុដូចនេះ កម្ពុជាដែលមានអំណាចទន់ (Soft Power) ក្នុងដៃ គប្បីមានមហិច្ឆតា និងគួរដើរ តួនាទីឲ្យកាន់តែសកម្ម និងនាំមុខ ដើម្បីចែករំលែក បទពិសោធន៍ និងសមិទ្ធផលទាំងអស់របស់ខ្លួន ទៅលើឆាកតំបន់ និងអន្តរជាតិ។

ក្នុងនោះដែរ លោកស្រីឯកអគ្គរដ្ឋទូតសហភាពអឺរ៉ុប បានលើកជាសំណូមពរចំនួន ២ចំណុចដល់រាជរដ្ឋាភិបាលសម្រាប់ធ្វើការពិចារណា រួមមាន៖ ទី១-គួរពិនិត្យលទ្ធភាពឲ្យមានកិច្ចសហការគ្នា ឬលំហរ (Open Space) នៃការចូលរួមសកម្មភាពឡើងវិញរបស់សង្គមស៊ីវិល និងសកម្មជនសិទ្ធិមនុស្សប្រក​បដោយលក្ខណៈបរិយាប័ន្ន (Inclusiveness) និងទី២-គួរជំរុញសេចក្តីព្រាងច្បាប់ ស្ដីពី សិទ្ធិទទួលបានព័ត៌មាន។ លោក កែវ រ៉េមី បានសន្យាពាំនាំសំណូមពរទាំងពីរខាងលើ ដល់ប្រមុខរាជរដ្ឋាភិបាល៕

The post លោក កែវ រ៉េមី ជម្រាបជូនទូតអឺរ៉ុបចប់អាណត្តិថា ថ្នាក់ដឹកនាំបន្តវេនគឺប្រកបដោយសមត្ថភាពខ្ពស់ និងឈ្លាសវៃ appeared first on Kampuchea Thmey Daily.

ក្នុងពិធីនោះផងដែរ ក៏មានការអញ្ជើញចូលរួមពីសំណាក់លោក ប៉ែន កុសល្យ អភិបាលនៃគណៈអភិបាលខេត្តឧត្តរមានជ័យ លោកប្រធានក្រុមប្រឹក្សាខេត្តឧត្តរមានជ័យ ក្រុមការងាររបស់ក្រសួងវប្បធម៌វិចិត្រសិល្បៈ មន្រ្តីរាជការជុំវិញខេត្តឧត្តរមានជ័យយ៉ាងច្រើនកុះករ។

សម្តេចកិត្តិសង្គហបណ្ឌិត បានបួងសួងថ្វាយព្រះពរជ័យថ្វាយព្រះមហាក្សត្រ ព្រះមហាក្សត្រី ជាសម្តេចម៉ែ សម្តេចយាយ សម្តេចយាយទួត មុនិនាថ សីហនុ និងប្រគេនពរដល់ព្រះសង្ឃគ្រប់ព្រះអង្គ និងជូនពរសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ក្នុងតំណែងនាយករដ្ឋមន្ត្រីកម្ពុជា ថ្នាក់ដឹកនាំ សមាជិក-សមាជិកា ព្រឹទ្ធសភា-រដ្ឋសភា ព្រមទាំងប្រជាពលរដ្ឋនៅទូទាំងប្រទេស សូមឲ្យជួបសេចក្តីសុខ សន្តិភាព និងសេចក្តីចម្រើនគ្រប់ៗគ្នា និងសូមឲ្យប្រទេសជាតិរួចផុតពីជំងឺដង្កាត់ គ្រោះកាចចង្រៃជៀសផុតពីគ្រោះរាំងស្ងួត និងសម្បូរសប្បា​យជានិច្ចនិរន្តន៍។ ជាពិសេស សូមឲ្យដំណើរការនៃការរៀបចំរដ្ឋសភា និងរាជរដ្ឋាភិបាលថ្មីអាណត្តិទី ៧ ដំណើរការទៅដោយរលូន។

គួររំលឹកផងដែរថា ស្ពានទ័ព ឬស្ពានទិព្វនេះ ត្រូវបានសាងសង់ឡើងនៅចុងស.វទី ១២ ក្នុងរាជព្រះបាទ​ជ័យវរ័្មនទី ៧ ស្ថិតនៅលើដងផ្លូវបុរាណមួយ ចេញពីអតីតរាជធានីអង្គរធំ ទៅកាន់រាជធានីភីម៉ាយ (បច្ចុប្បន្ននៅប្រទេសថៃ)។ ស្ពានទ័ព សង់កាត់ស្ទឹងស្រែង ដែលមានបណ្តោយប្រវែង ១៥០ម៉ែត្រ ទទឹងប្រវែង ១៦.៥០ម៉ែត្រ និងកម្ពស់ ១០ម៉ែត្រ។ ស្ពានទ័ពកំពុងប្រឈមនឹងបញ្ហសទ្រុឌទ្រោមរចនាសម្ព័ន្ធជាច្រើន ពិសេសផ្នែកខាងកើត។

អស់រយៈពេលជាច្រើនសតវត្ស សសរស្ពាន ពិសេសផ្នែកខាងកើតបានសឹករេចរិលដោយសារចរន្តទឹកហូរខ្លាំង ក៏ដូចជាទឹកហូរនាំដី និងដើមឈើតូចធំ មកចាក់បន្តលុបសសរស្ពាន រហូតដល់កម្ពស់ ៤ម៉ែត្រ។ លើសពីនេះ ដោយសារតែការដុះព្រៃយ៉ាងក្រាស់ និងខ្វះការថែទាំ ធ្វើឲ្យថ្មភក់ ដងខ្លួននាគ មួយចំនួនត្រូវគេសំលៀងកាំបិត ឬបំបែកជាផ្នែកៗ។

ចំណែកឯប្រាសាទព្រហ្មកិល ត្រូវបានសាងសង់ឡើងនៅលើដីរាបស្មើ ក្បែរផ្លូវបុរាណមួយខ្សែដែលចេញពីរាជធានី អង្គរទៅកាន់ប្រាសាទភិមាយជាប្រាសាទទោល មានប្រាង្គមួយបែរមុខទៅទិសខាងកើតជាសំណង់ស្ថិតនៅក្នុង រជ្ជកាលព្រះបាទេជ័យវរ្ម័នទី ៧ នាចុងសតវត្សទី ១២ និងដើមសតវត្សទី ១៣ ជាប្រាសាទស្ថិតក្នុងរចនាបថបាយ័ន។ សំណង់នេះជាហោបន់ស្រន់របស់សាលាសំណាក់ ឬទីស្នាក់អាស្រ័យរបស់អ្នកដំណើរ ឬហៅម្យ៉ាង ទៀតថា ផ្ទះភ្លើង ឬធម្មសាលា៕

អត្ថបទ៖ វិមាន

The post សម្តេច ម៉ែន សំអន អុជធូបថ្វាយគ្រឿងសក្ការៈ និងបួងសួងសុំសេចក្តីសុខ ចូលមានដល់ថ្នាក់ដឹកនាំនិងពលរដ្ឋទូទាំងប្រទេស appeared first on Kampuchea Thmey Daily.

នៅក្នុង​សន្និសីទ​បង្ហាញ​ពី​ «​ភាព​ជោគជ័យ​​រយៈ​ពេល ៥ ​ឆ្នាំ​កន្លង​មក​របស់​​ខេត្ត​ឧត្តរ​មាន​ជ័យ​» កន្លងទៅ​នេះ លោក​អភិបាល​ខេត្ត​បានលើកឡើង​ពី​ការ​អនុវត្ត​​គោលនយោបាយ​លើក​កម្ពស់​សមភាព​យេនឌ័រ​​ ខណៈ​មាន​ស្ត្រី​រហូត​ដល់ ៧៣​នាក់​ កំពុង​កាន់តួនាទីជាថ្នាក់ដឹកនាំ​​ទៅ​តាម​​តួនាទី​​ក្នុង​រចនាសម្ព័ន្ធក្នុង​ខេត្ត។

ក្នុង​ចំណោម​ស្ត្រី​ធ្វើ​ជា​ថ្នាក់​ដឹក​នាំ​ទាំង ៧៣​ នាក់ ​ដែល​កំពុង​បម្រើការ​ងារ​ក្នុង​ខេត្ត​ឧត្តរមានជ័យ​នា​ពេល​បច្ចុប្បន្ន​ ​មាន​មុខ​ដំណែង​​ដូច​ខាង​ក្រោម៖

​

ស្ត្រីបម្រើការ​នៅ​ក្នុង​ជួរ​ក្រុម​ប្រឹក្សា​ខេត្ត​មាន ០៦នាក់, ស្ត្រី​ជា​គណៈ​អភិបាល​ខេត្ត ០២ រូប, ស្ត្រី​ជា​អភិបាល​រង​ក្រុង ស្រុក ០៥ រូប, ស្ត្រី​ជា​ប្រធានមន្ទីរចំនួន ០៤ រូប ស្ត្រី​ជា​មេឃុំ ០១ រូប, ស្ត្រី​ជា​ក្រុម​ប្រឹក្សា​ក្រុងស្រុក ១២ រូប និង​ស្ត្រី​ជា​ក្រុម​ប្រឹក្សា​ឃុំ សង្កាត់ ៤៣ រូប បន្ថែម​ពី​លើ​ស្ត្រី​ក្នុង​រចនាសម្ព័ន្ធ​​គ្រប់គ្រង​ដឹក​នាំ​ក្នុង មន្ទីរ អង្គភាព និង​​ស្ថាប័ន​នានា​ផង​ដែរ។

ក្រៅ​ពី​ខេត្ត​ឧត្តរមានជ័យ​ដែល​មាន​ការ​លើកទឹកចិត្ត​ដល់ស្រ្តី​ពង្រឹង​សមត្ថភាព​ ផ្តល់​ឱកាស​ស្មើៗ​គ្នានលើ​តួនាទី​ដឹកនាំ ដោយឡែក​ក្នុង​ចំណោម​អភិបាល​រាជធានី​ខេត្ត​ក្រុង​ទាំង ២៥ ក៏​មាន​ស្ត្រី​ ២ រូប​កំពុង​តួនាទី​ជា​អភិបាល​ខេត្ត​ដឹកនាំ​កិច្ចការ​ក្នុង​ខេត្ត​​។

ក្នុង​នោះ​លោក​ស្រី មិថុនា ភូថង ​ជា​ស្ត្រី​ដំបូង​គេនិង​វ័យ​ក្មេង​ជាង​គេ ដែល​ត្រូវ​បាន​រាជរដ្ឋាភិបាល​កម្ពុជា ប្រកាស​តែង​តាំង​ធ្វើ​ជា​អភិបាលនៃ​គណៈ​អភិបាល​ខេត្ត​កោះ​​កំឡុង​ខែ​មិថុនា​ ឆ្នាំ​២០១៧។

ដោយ​ឡែក ​ស្ត្រី​ម្នាក់​ទៀត គឺលោក​ស្រី​ បាន​ ស្រី​ មុំ ​បច្ចុប្បន្ន​មាន​មុខ​តំណែង​ជា​អភិបាល នៃ​គណៈអភិបាល​ខេត្ត​ប៉ៃ​លិន​ ដែល​ត្រូវ​បាន​រាជ​រដ្ឋាភិបាល​កម្ពុជា​ប្រកាស​តែង​តាំង​កាល​ពី​ចុង​ឆ្នាំ​២០២០​​​៕

រូបភាព៖ អង្គភាពអ្នកនាំពាក្យរាជរដ្ឋាភិបាលកម្ពុជា

The post ខេត្ត​ឧត្តរមានជ័យ​​ស្ត្រី​កាន់​តួនាទី​ដឹកនាំ​កាន់តែ​ច្រើន ប្រធា​នមន្ទីរ​មានដល់​ទៅ ០៤ រូប appeared first on Kampuchea Thmey Daily.

​គួរ​បញ្ជាក់​ថា កាលពី​ថ្ងៃទី​១០​កុម្ភៈ​កន្លងមកនេះ លោក​ ឃួ​ង ស្រេង លោក​ហ៊ុន​ម៉ា​ណែ​ត លោក​ហ៊ុន ម៉ានិត​កូនប្រុស​របស់​សម្ដេច​អគ្គមហាសេនាបតី​តេ​ជោ​ ហ៊ុន សែន លោក មាន ចាន់​យ៉ា​ដា លោក​ហួត ហៃ​និង​លោក​នួន ផា​រ័ត្ន អភិបាលរង​រាជធានី​ភ្នំពេញ និង​ឥស្សរជន​មួយ​ចំនួនទៀត​ បាន​ចាក់​វ៉ាក់សាំង​ការពារ​ជំងឺ​កូ​វីដ​-១៩​នេះ នៅ​មន្ទីរពេទ្យ​កាលម៉ែត ទៅតាម​ការរៀបចំ​រប​ស់​ក្រសួងសុខាភិបាល ហើយ​បើ​គិត​មកដល់ពេលនេះ លោក​ឃួ​ង ស្រេង បាន​ចាក់​វ៉ាក់សាំង​កូ​វីដ​-១៩ មាន​រយៈពេល​កន្លះ​ខែ​ហើយ ប៉ុន្តែ​វ៉ាក់សាំង​កូ​វីដ​-១៩​មិនបាន​ធ្វើ​ឲ្យ​លោក​មាន​បញ្ហា​អ្វី​នោះទេ លោក​បាន​ហាត់ប្រាណ​ជាធម្មតា បំពេញការងារ​បាន​រាល់ថ្ងៃ ។ ជាងនេះទៅទៀត ក្នុង​ព្រឹត្តិការណ៍​សហគមន៍​២០​កុម្ភៈ​នេះ លោក​អភិបាល​រាជធានី​ភ្នំពេញ​បាន​ប្រចាំការ នៅ​ទី​បញ្ជាការ​ស្រាល គណៈបញ្ជាការ​រដ្ឋបាល​ភ្នំពេញ ដើម្បី​ដោះ​បញ្ហា​បន្ទាន់ៗ កូ​វីដ​-១៩ ព្រឹត្តិការណ៍​សហគមន៍​២០​កុម្ភៈ ១​យប់ រហូត​ជិត​ភ្លឺ​១​សប្តាហ៍​ហើយ តែ​សុខភាព​លោក​នៅ​រឹងមាំ​ដដែល មិនមាន​អ្វី​ប្រែប្រួល​នោះទេ​។

​គួរបញ្ជាក់​ទៀតថា ក្នុង​កិច្ច​សម្ភាស​ជាមួយ​អ្នកកាសែត​ កាលពី​ល្ងាច​ថ្ងៃទី​១៥​កុម្ភៈ​កន្លងមកនេះ លោក​ ឃួ​ង ស្រេង​ បានធ្វើការ​អំពាវនាវ​ឲ្យ​បងប្អូន​ប្រជាពលរដ្ឋ​ទាំងអស់​ កុំ​ជឿ​លើ​ការឃោសនា​របស់​ជន​អគតិ​មួយ​ចំនួន​ជុំវិញ​ចាក់​វ៉ាក់សាំង​កូ​វីដ​-១៩ (Sinopharm Beijing Institute of Biological Products) ដែល​ជា​ជំនួយ​ផ្តល់​ដោយ​សាធារណរដ្ឋ​ប្រជាមានិត​ចិន​នេះ។ ​ពួកគេ​គ្មាន​បំណង​ល្អ​ជាមួយ​យើង​ទេ ពួកគេ​មានតែ​គំនិត​ចង់​បំភ្លេច​បំផ្លាញ ភាពសុខសាន្ត​របស់​ក​ម្ពុ​ជា​តែប៉ុណ្ណោះ​។ សម្ដេច​តេ​ជោ​ ហ៊ុន សែន ​គ្មាន​ហេតុផល​ណាមួយ​ ដែល​ត្រូវ​បំភ្លេច​បំផ្លាញ​អាយុជីវិត​ប្រជាពលរដ្ឋ​នោះទេ។ សម្ដេច​ មិន​ត្រឹមតែ​បាន​រំដោះប្រទេស​ជាតិ​ចេញពី​ការកាប់សម្លាប់​នៃ​របប​ប៉ុលពត​ប៉ុណ្ណោះ​ទេ តែ​សម្ដេច​បាន​កសាង​ប្រទេស​ដ៏​លំបាក​មួយ​នេះ ក្លាយជា​ប្រទេស​មានការ​អភិវឌ្ឍ​រីកចម្រើន​ថែមទៀត ។ សម្ដេច​បាន​គិតគូរ​ពី សុខទុក្ខ​ប្រជាពលរដ្ឋ តើ​មាន​ហេតុផល​ណាមួយ​ដែល​សម្ដេច​ចង់​បំភ្លេច​បំផ្លាញ​អាយុជីវិត​ប្រជាពលរដ្ឋ​នោះ​៕

អត្ថបទ៖ ​ស្រីរ័ត្ន

សូមចុចអាន៖ ​រាជរដ្ឋាភិបាលកម្ពុជាអនុវត្តវិធានការច្បាប់បន្ថែម ដើម្បីទប់ស្កាត់ការរីករាលដាលនៃជំងឺ កូវីដ១៩

The post ថ្នាក់ដឹកនាំ​ ទទួល​ការចាក់​វ៉ាក់សាំង​ការពារ​កូ​វីដ​-១៩​លើក​ទី​២ ជាមួយនឹង​សុខភាព​រឹងមាំ មិនមាន​បញ្ហា​អ្វី​ទេ​ appeared first on Kampuchea Thmey Daily.

នៅ​ឆ្នាំ 2020 នេះ​ ក្នុង​តួនាទី​ជា​ប្រធាន​អាស៊ាន និង​តួនាទី​បន្ថែម​ជា​សមាជិក​មិន​​អចិន្ត្រៃយ៍​នៃ​អង្គការសហប្រជាជាតិ,​ វៀតណាម​បាន​ជម្នះ​រាល់​ការ​ប្រឈម​ ដោយ​ពង្រីក​សមត្ថភាព​ដឹកនាំ​ជួយ​កំណត់​តួនាទី​របស់​អាស៊ាន​ សម្រាប់​តំបន់​និង​សម្រាប់​ពិភពលោក​។ ​នេះ​ជា​ការ​កំណត់​របស់​ឯក​អគ្គរដ្ឋទូត ត្រឹង ឌឹ​ក​ប៊ិ​ញ ប្រធាន​គណៈប្រតិភូ​វៀតណាម​ប្រចាំ​អាស៊ាន ។ ចាប់​តាំង​ពី​ថ្ងៃ​ចូល​ជា​សមាជិក​អាស៊ាន ​(​ខែកក្កដា​ឆ្នាំ 1995 )​ មកដល់ពេលនេះ​វៀតណាម ​គឺជា​ប្រទេស​សមាជិក​ដ៏​សកម្ម​ម្ចាស់ការ​និង​មានការ​ទទួលខុសត្រូវ​ ក្នុង​អាស៊ាន​។​ វៀតណាម​ បាន​ជួយ​ជ្រោមជ្រែង​យ៉ាង​សំខាន់​ ក្នុង​ការ​រីក​ធំធាត់​របស់​សមាគម​អាស៊ាន​។ ​ដំបូងបង្អស់ គឺ​វៀត​

​ណា​ម​ជួយ​ក្នុង​ការកំណត់​គោលដៅ​អភិវឌ្ឍន៍​ បណ្ដា​គោលការណ៍​សំខាន់ៗ​របស់​អាស៊ាន​ ក្នុង​រយៈពេល​វែង​។​ ក្នុង​ពេល​ធ្វើជា​ប្រធាន​អាស៊ាន​នា​ឆ្នាំ 2010 កន្លងទៅ​វៀតណាម​ បាន​លើក​ឡើង​នូវ​គំនិត​ផ្ដួចផ្ដើម​ថ្មី ហើយ​ត្រូវ​បាន​អនុវត្ត​ជា​គោលការណ៍ ដូចជា​កិច្ចប្រជុំ​រដ្ឋមន្ត្រី​ការពារ​ជាតិ​បើកទូលាយ (ADMM+) , បង្កើត​គណៈកម្មការ​ជំរុញ​និង​ការពារ​សិទ្ធិ​ស្ត្រី​ និង​កុមារ​អាស៊ាន​។​ ក្នុង​កិច្ច​សហប្រតិបត្តិការ​ជាមួយ​ដៃគូ​អាស៊ាន​ឆ្នាំ 2010 វៀតណាម​បាន​ផ្ដួច​ផ្ដើម​គំនិត​បើកទូលាយ​កម្រិត​ខ្ពស់​អាស៊ី ដោយ​ឲ្យ​រុស្ស៊ី​និង​សហរដ្ឋអាមេរិក​ចូលរួម​។ ​វៀតណាម​ជានិច្ច​ជា​កាល​ ស្ថិត​ក្នុងចំណោម​ប្រទេស​ ដែល​មាន​តួលេខ​ខ្ពស់​បំផុត ​ក្នុង​ការ​អនុវត្ត​ផែនការ​ស្ថាបនា សហគមន៍​​អាស៊ាន​។

​នៅ​ឆ្នាំ 2019 វៀតណាម​ ជំរុញ​ការ​ឆ្លង​សម្រេច​កិច្ចចរចា​លើ​សន្ធិសញ្ញា​ពាណិជ្ជកម្ម សេវាកម្ម​ ដោយ​កាត់បន្ថយ​ពន្ធដារ​នឹង​បញ្ចប់​ការចរចា​លើ​លើ​កិច្ចព្រមព្រៀង​ដៃគូ​សេដ្ឋកិច្ច​ ទូទាំង​តំបន់​(RCEP)​ហើយ​ត្រូវ​បាន​ចុះហត្ថលេខា​នៅ​ឆ្នាំ 2020 នៅ​ប្រទេស​វៀតណាម​។ ​ក្នុង​ឆ្នាំ 2019 វៀតណាម ​បាន​ចូលរួម​បង្កើន​ការងារ​ការទូត​រវាង​អាស៊ាន​និង​ដៃគូ​។ ​លទ្ធផល​ដ៏​សំខាន់​មួយ​ គឺ​វៀតណាម​រួម​នឹង​ប្រទេស​ជា​សមាជិក​អាស៊ាន​បាន​កសាង និង​បាន​ឆ្លង​យោបល់​ពី​បញ្ហា​មហា​​សមុទ្រ​ឥណ្ឌា​-​មហាសមុទ្រ​ប៉ាស៊ីហ្វិក​, ​ជួយ​បង្កើត​ជំហរ​រួម​របស់​អាស៊ាន​ចំពោះ​បញ្ហា​នេះ ជំរុញ​កិច្ច​សហប្រតិបត្តិការ​ជាមួយ​ បណ្ដា​ប្រទេស​លើ​មូលដ្ឋាន​សមស្រប​ទៅ​នឹង​តម្លៃ​របស់​អាស៊ាន​។

​ខ្លឹមសារ​សំខាន់​ ដែល​បណ្ដា​ប្រទេស​ជា​សមាជិក​អាស៊ាន​ចាប់អារម្មណ៍​នោះ​ គឺ​វៀតណាម​កំពុង​ចរចា​ជាមួយ​ចិន​ លើ​បញ្ហា​ក្រម​ប្រតិបត្តិ​ សម្រាប់​សមុទ្រ​ចិន​ខាងត្បូង និង​ធានា​ថា​ នេះ​គឺជា​លិខិត​តូប​ករណ៍​ដ៏​មាន​ប្រសិទ្ធភាព​។​ ឆ្នាំ 2019 វៀតណាម​បាន​ជំរុញ​ទំនាក់ទំនង​អាស៊ាន​-​ជប៉ុន​។​ ​អាច​និយាយ​បាន​ថា ​ក្នុង​រយៈពេល 25 ឆ្នាំ​កន្លងទៅ​និង​ក្នុង​ពេល​ថ្មីៗ​នេះ​វៀតណាម​កាន់តែ​ចូលរួម​យ៉ាងសកម្ម​ ក្នុង​បណ្ដា​សកម្មភាព​សហប្រតិបត្តិ​ការ និង​ជិតស្និទ្ធ​ជាមួយ​អាស៊ាន​ពង្រឹង​ការ​រួបរួម​សាមគ្គី​ ឯកភាព​គ្នា ​ក្នុង​អាស៊ាន​និង​ពង្រឹង​តួនាទី​ជា​ស្នូល​របស់​អាស៊ាន ​ក្នុង​ការ​រក្សា​កិច្ចសហការ​សន្តិភាព និង​ស្ថិរភាព​ក្នុង​តំបន់​។

​ក្នុង​ដំណាក់​កាល​នីមួយៗ ​តែង​មានការ​ប្រឈម​និង​ការ​ងាយ​ស្រួល​លាយឡំ​គ្នា​។ ​ប្រៀបធៀប​ក្នុង​ដំណាក់​កាល​ពី 10 ទៅ 20 ឆ្នាំមុន​អ្វី​ដែល​ងាយស្រួល​នោះ​ គឺ​អាស៊ាន បាន​រីក​លូតលាស់​ជាង ​ធំធាត់​ជាង មាន​តួនាទី​សំខាន់​ក្នុង​តំបន់​។ ​អាស៊ាន​បច្ចុប្បន្ន​ គឺជា​អង្គ​ការដែល​ស្អិត​រមួត​ជាង​ជា​សហគមន៍​ ដែល​នាំមក​នូវ​ផលប្រយោជន៍​ ដល់​បណ្ដា​ប្រទេស​ជា​សមាជិក​។​ ទន្ទឹម​គ្នា​នេះ ​ក្នុង​នោះ​ក៏​មាន​ការ​ប្រឈម​ ផង​ដែរ​។ ​ធ្វើ​យ៉ាងណា​ ដើម្បី​ឲ្យ​ស៊ី​ជម្រៅ​ជាង​នូវ​ចំណងទាក់ទង​គ្នា ​ក្នុង​តំបន់ កំណត់​តួនាទី​អាស៊ាន​ ក្នុង​តំបន់​លើ​បញ្ហា​នានា​ ដូចជា​ទំនាក់ទំនង​សេដ្ឋកិច្ច​រហូតដល់​កិច្ចធានា​សន្តិភាព សន្តិសុខ​ក្នុង​តំបន់​។

​យ៉ាងនេះ​ក្ដី ការ​ប្រឈម​ដ៏​ធំ​បំផុត​របស់​អាស៊ាន​នា​ពេល​បច្ចុប្បន្ន​ គឺ​ការប្រែប្រួល​យ៉ាង​ឆាប់រហ័ស​ក្នុង​តំបន់ និង​លើ​សកលលោក​ពិសេស​ គឺ​ការ​ប៉ះទង្គិច​គ្នា​រវាង​សហរដ្ឋអាមេរិក​និង​ចិន​ ក្នុង​វិស័យ​ពាណិជ្ជកម្ម ឬ​លើ​បញ្ហា​ភូមិសាស្ត្រ​នយោបាយ​ផ្សេងទៀត​។​ បច្ចុប្បន្ន ​អាស៊ាន​កំពុង​រួមគ្នា​រិះរក​វិធី​ដោះស្រាយ ​ធ្វើ​យ៉ាងណា​ឲ្យ​មាន​ប្រសិទ្ធភាព​បំផុត​ធានា​សាមគ្គីភាព ​ក្នុង​អាស៊ាន​និង​ធានា​ឲ្យ​ការប្រែប្រួល​នេះ​ មិន​ជះឥទ្ធិពល​ដល់​ការ​កសាង​សហគមន៍​អាស៊ាន នោះ​គឺជា​ការ​ប្រឈម​ក្នុង​កម្រិត​ធំធេង​បំផុត​។​ ក្រៅ​ពី​នេះ​ អាស៊ាន​ក៏​ត្រូវ​ប្រឈម​ជា​មួយ​នឹង​ការសាកល្បង​ជាក់ស្ដែង​ដូចជា​បញ្ហា​ជំងឺឆ្លង ការប្រែប្រួល​អាកាសធាតុ ឧក្រិដ្ឋកម្ម​ឆ្លងដែន ការគ្រប់គ្រង​ព្រំដែន ចែករំលែក​ការ​យល់​ដឹង​លើ​ការ​ដោះស្រាយ​ជម្លោះ​រវាង​រដ្ឋ​និង​រដ្ឋ​ ដែល​មិន​ត្រឹមតែ​បញ្ហា​ព្រំដែន​នោះ​ទេ​ តែ​ថែមទាំង​បញ្ហា​ពាណិជ្ជកម្ម​ទៀត​ផង​។

​ចំពោះ​អាស៊ាន​ខ្លួនឯង​វិញ​ ក៏​មាន​ទាំង​ការ​ប្រឈម​និង​ភាព​ងាយ​ស្រួល​ផង​ដែរ​។​ បច្ចុប្បន្ន​ការ​ប្រឈម​មួយ​ក្នុងចំណោម​ការ​ប្រឈម​ជាច្រើន​សម្រាប់​អាស៊ាន​ គឺ​ធ្វើ​យ៉ាងណា​រួមគ្នា​បង្កើន​ប្រសិទ្ធភាព​យន្តការ ដើម្បី​បង្កើន​ភាព​សមស្រប​រប​ស់​អា​ស៊ាន​ ក្នុង​ការ​ដោះស្រាយ​បញ្ហា​ក្ដៅ​ ក្នុង​តំបន់​បង្កើន​កិច្ចសហការ​។ ​ស្រប​នឹង​ការ​ធ្វើ​ជា​ប្រធាន​អាស៊ាន​ឆ្នាំ 2020 វៀតណាម​ក៏បាន​ចូល​ជា​សមាជិក​មិន​អចិន្ត្រៃយ៍​នៃ​អង្គការសហប្រជាជាតិ។ នេះ​គឺជា​តួនាទី​ត្រួត​បន្ថែម​ ដែល​ពោរពេញ​ទៅ​ដោយ​ការ​ប្រឈម​និង​មាន​អត្ថប្រយោជន៍​។ ​វៀតណាម​អាច​ប្រើ​ឱកាស​នេះ​ ដើម្បី​លើក​តម្កើង​តួនាទី​ឋានៈ​ ដែល​មិនមែន​ ដើម្បី​តែ​វៀតណាម​នោះ​ទេ​ តែ​ដើម្បី​អាស៊ាន​ទាំងមូល​នៅ​លើ​វេទិកា​អន្តរជាតិ​អង្គការសហប្រជាជាតិ​ ក្នុង​កិច្ច​សហប្រតិបត្តិការ​រ​វាង​អាស៊ាន​និង​អង្គការសហប្រជាជាតិ​។ ​វៀតណាម​មានឱកាស​ចែករំលែក​ធ្វើ​ឲ្យ​ងាយស្រួល ​ដល់​គោលដៅ​អភិវឌ្ឍន៍​និរន្តរភាព​ សម្រាប់​ឆ្នាំ 2030 នឹង​គោលដៅ​កសាង​សហគមន៍​អាស៊ាន​ឆ្នាំ 2025​។​

ការ​រំពឹង​ទុក​ដ៏​ធំ​បំផុត​សម្រាប់​វៀតណាម​ គឺ​ធ្វើ​យ៉ាង​ណា​អាច​ជំរុញ​ដឹកនាំ​ដាក់​ចេញ​នូវ​ផែនការ​សកម្មភាព​ ដើម្បី​អនុវត្ត​ការ​កសាង​សហគមន៍​អាស៊ាន នោះ​គឺ ជា​ប្រការ​សំខាន់​បំផុត​សម្រាប់​អាស៊ាន​ធ្វើ​យ៉ាង​ណា​ពង្រីក​តួនាទី​ដឹកនាំ​និង​បង្កើន​ការ​យល់​ដឹង ឯកភាព​រួមគ្នា​ជាមួយ​អាស៊ាន​លើ​បញ្ហា​នានា​តាំងពី​បញ្ហា​តំបន់​រហូតដល់​បញ្ហា​អន្តរជាតិ បញ្ហា​សន្តិសុខ សន្តិភាព ស្ថេរភាព​។​វៀតណាម​ ត្រូវ​មាន​ផែនការ​រក​ឲ្យ​ឃើញ​នូវ​វិធានការ​បង្កើន​ស្ថាប័ន​អាស៊ាន​ជួយ​អាស៊ាន​ឲ្យ​ធ្វើដំណើរ​រលូន​ជាង​ប្រសិទ្ធភាព​ជាង​។

​វៀតណាម​ បាន​កំណត់​ប្រធានបទ​ សម្រាប់​ឆ្នាំ​ធ្វើជា​ប្រធាន​អាស៊ាន 2020 នេះ​គឺ​<<​ផ្សារភ្ជាប់​និង​ម្ចាស់ការ​បន្សាំ​ខ្លួន​>>​ ដើម្បី​បង្ហាញ​ពី​បំណង​ចង់បាន​អាស៊ាន​មួយ មាន​សាមគ្គីភាព ជំហរ​រឹងមាំ​ចំពោះ​មុខ​ផល​ប៉ះ​ពាល់​គ្រប់​បែប​យ៉ាង​ពី​ស្ថានការណ៍​អន្តរជាតិ និង​ស្ថានការណ៍​ក្នុង​តំបន់​។​សហគមន៍​អាស៊ាន​អាច​នឹង​លើកកម្ពស់​ថាមភាព​ម្ចាស់ការ ភ្ញាក់​រលឹក​ចំពោះ​ឱកាស​និង​បញ្ហា​ប្រឈម​។ ​លទ្ធភាព​ម្ចាស់ការ​បន្សាំ​ខ្លួន​អាច​នឹង​រីកដុះដាល​ទៅ​បាន​លុះត្រាតែ​អាស៊ាន​មាន​សាមគ្គីភាពស្អិត​រមួ​ត​ជាមួយគ្នា​៕

​

The post តួនាទី​ដឹកនាំ​របស់​វៀតណាម​ ក្នុង​វេន​ជា​ប្រធាន​សមាគម​ប្រជាជាតិ​អាស៊ី​ភាគ​អាគ្នេយ៍ ឬ​ហៅ​កាត់​ថា​ អាស៊ាន​ (ASEAN) appeared first on Kampuchea Thmey Daily.

លោកស្រី វេជ្ជបណ្ឌិត យក់ សម្បត្តិ រដ្ឋលេខាធិការ​ក្រសួង​សុខាភិបាល បានមានប្រសាសន៍នៅព្រឹកថ្ងៃទី៥ ខែវិច្ឆិកានេះថា ក្រសួងសុខាភិបាល នឹង​ធ្វើតេស្ត​ថ្នាក់ដឹកនាំ និង​មន្ត្រី​ពាក់ព័ន្ធ ដែលបាន​ប៉ះពាល់​ផ្ទាល់ និង​ប្រយោល ជាមួយ​រដ្ឋមន្ត្រី​ការបរទេស​ហុងគ្រី ម្ដង​ទៀត នៅថ្ងៃទី៥ បន្ទាប់ពីធ្វើតេស្ត ថ្ងៃទី១ កាលពីថ្ងៃទី៤ ខែវិច្ឆិកា ឆ្នាំ២០២០ ដោយលទ្ធផលតេស្តអវិជ្ជមានកូវីដ១៩។

លោកស្រីបានបន្ថែមទៀតថា ចំពោះអ្នកដែលបានប៉ះពាល់ផ្ទាល់ និងប្រយោល ក្រសួងបានអនុញ្ញាតឲ្យធ្វើ​ចត្តាឡីស័ក នៅតាមអង្គភាព និងនៅតាមលំនៅដ្ឋាន។

​លោកស្រីបានបញ្ជាក់ថា រហូតមកដល់យប់ថ្ងៃទី៤ ខែវិច្ឆិកា ឆ្នាំ២០២០ ក្រសួងបានធ្វើតេស្តរកជំងឺ កូវីដ-១៩ ចំពោះអ្នកដែលជាប់ពាក់ព័ន្ធជាមួយរដ្ឋមន្ត្រីក្រសួងការបរទេស និងពាណិជ្ជកម្មហុងគ្រី ​ចំនួន​៦២៨​នាក់ តែលទ្ធផលតេស្តអវិជ្ជមានទាំងអស់។

សូមបញ្ជាក់ថា លោក ភីធ័រ ហ្សីយាតូ (Péter Szijjártó) រដ្ឋមន្ត្រីក្រសួងការបរទេស និងពាណិជ្ជកម្មហុងគ្រី ដែលទើបបញ្ចប់ដំណើរទស្សនៈកិច្ចនៅកម្ពុជា ត្រូវបានធ្វើតេស្តវិជ្ជមានវីរុសកូវីដ-១៩ បន្ទាប់ពីទៅដល់ប្រទេសថៃ សម្រាប់ដំណើរទស្សនកិច្ចផ្លូវការមួយ។

ក្នុងពេលមកកម្ពុជា លោកបានជួបជាមួយថ្នាក់ដឹកនាំជាន់ខ្ពស់របស់កម្ពុជា ជាច្រើនដូចជា៖ សម្ដេចនាយក រដ្ឋមន្ត្រី ហ៊ុន សែន លោក ប្រាក់ សុខុន រដ្ឋមន្ត្រីការបរទេស និង សហប្រតិបត្តិការ អន្តរជាតិ , លោក វេ ង សាខុន រដ្ឋមន្ត្រី ក្រសួងកសិកម្ម រុក្ខាប្រមាញ់ និង នេសាទ , លោក ប៉ាន សូរ ស័ក្ដិ រដ្ឋមន្ត្រីក្រសួង ពាណិជ្ជកម្ម និង លោក សួស យ៉ា រ៉ា សមាជិក​សភា កម្ពុជា ៕

អត្ថបទ ៖ សំអឿន

The post លទ្ធផល​ ៖ អ្នក​ប្រាស្រ័យ​ទាក់ទង​​​ជា​មួយ រដ្ឋមន្ត្រី​ ហុងគ្រី អវិជ្ជមាន​កូវីដ-១៩ appeared first on Kampuchea Thmey Daily.