ទន្ទឹមនោះ កាលពីថ្ងៃសៅរ៍ នាយកដ្ឋានសេវាកម្មវេជ្ជសាស្រ្តបានប្រកាសថា មន្រ្តីសុខាភិបាលអាចផ្ដល់ថ្នាំនេះដល់អ្នកជំងឺកូវីដគ្រប់ក្រុមទាំងអស់បាន ។

ក្រសួងបានប្រកាសថា ចំណែកអ្នកជំងឺពណ៌បៃតងដែលមានរោគសញ្ញាស្រាលទៅមិនមានរោគសញ្ញា ដែលស្ថិតនៅក្រោមការព្យាបាលតាមផ្ទះ នឹងត្រូវប្រើស្មៅប្រមាត់មនុស្ស ។

ទោះយ៉ាងនេះក្តីលោកវេជ្ជបណ្ឌិត Kiattiphum Wongworajit ជាអគ្គលេខាធិការអចិន្ត្រៃយ៍នៃក្រសួងសុខាភិបាលបាននិយាយថា ក្រសួងបានកែសម្រួលផែនការប្រើប្រាស់ថ្នាំដើម្បីពន្លឿន និងពង្រីកការគ្រប់គ្រងអ្នកជំងឺកូវីដទាំងអស់ ដែលកំពុងកើនឡើងការស្លាប់ ។

ចាប់តាំងពីថ្ងៃទី ៤ ខែសីហា តម្រូវការថ្នាំ Favipiravir បានកើនឡើងដល់ ៨៥ ម៉ឺនគ្រាប់ក្នុងមួយថ្ងៃ ខណៈគ្រាន់តែទីក្រុងបាងកកប្រើប្រាស់ ៧៦ ម៉ឺនគ្រាប់ទៅហើយ ។

ស្របពេលជាមួយគ្នានេះ ក្រសួងបានប្រគល់ភារកិច្ចឲ្យអង្គការឱសថរបស់រដ្ឋាភិបាល (GOP) ទទួលបានថ្នាំ Favipiravir ចំនួន ១២០ លានគ្រាប់បន្ថែមទៀត ចាប់ពីខែសីហាដល់ខែកញ្ញា ហើយបន្ទាប់មក ៣០០ លានគ្រាប់ ចាប់ពីខែតុលាដល់ខែធ្នូ ។ លើសពីនេះ GPO នឹងទទួលបានថ្នាំចាក់បញ្ចូលតាមសេរ៉ូម Remdesivir ចំនួន ១០ ម៉ឺនបន្ថែមទៀតនៅខែនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Thaiger

ចុចអាន ៖ ជោគជ័យខ្លាំងឡើងៗ លោក ប្រាយុទ្ធ ឲ្យបង្កើតគណៈកម្មាធិការ សិក្សាយកថ្នាំផលិតពីស្មៅប្រមាត់មនុស្ស ទៅព្យាបាលកូវីដ

The post ថៃ នឹងប្រើថ្នាំផ្ដាសាយធំមួយប្រភេទទៀតព្យាបាលអ្នកជំងឺកូវីដទាំងអស់ appeared first on Kampuchea Thmey Daily.

លោក Nithi Mahanonda អគ្គលេខាធិការ CRA និងជានាយកមន្ទីរពេទ្យ Chulabhorn Memorial បាននិយាយថា បណ្ឌិត្យសភានិងមហាវិទ្យាល័យឱសថសាស្រ្តនៃសាកលវិទ្យាល័យជូឡាឡុងកន និងក្រុមហ៊ុន Medica Innova បានសហការគ្នា បង្កើតថ្នាំទឹកស៊ីរ៉ូ Favipiravir ដើម្បីព្យាបាលអ្នកជំងឺកូវីដ ដែលពិបាកលេបថ្នាំគ្រាប់ ដូចជាកុមារ មនុស្សមានជំងឺរលាកបំពង់កនិងមនុស្សចាស់ជាដើម។

ថ្នាំ Favipiravir ត្រូវបានគេប្រើប្រាស់ជាទូទៅ ដើម្បីព្យាបាលជំងឺផ្តាសាយ ប៉ុន្តែការសិក្សាបានបង្ហាញថា វាក៏អាចជួយកាត់បន្ថយរោគសញ្ញាធ្ងន់ធ្ងរនៃជំងឺកូវីដ-១៩ ដំណាក់កាលដំបូងផងដែរ។

ការអភិវឌ្ឍថ្នាំទឹកស៊ីរ៉ូ Favipiravir នេះ គឺជាគំនិតផ្តួចផ្តើមរបស់ព្រះនាង Chulabhorn Krom Phra Srisavangavadhana។

លោកវេជ្ជបណ្ឌិត Nithi ពន្យល់ថា ថ្នាំទឹកស៊ីរ៉ូនេះ គ្មានជាតិស្ករទេ។ សារធាតុផ្សំសំខាន់ៗសម្រាប់ផលិតថ្នាំនេះ ត្រូវបានជ្រើសរើសយ៉ាងយកចិត្តទុកដាក់ និងបានឆ្លងកាត់ដំណើរការត្រួតពិនិត្យការផលិត ដែលបំពេញតាមស្តង់ដារផលិតអន្តរជាតិ។

ថ្នាំទឹកស៊ីរ៉ូនេះ បានផលិតដាក់ក្នុងដបមានពីរទំហំគឺ ៨០០មីលីក្រាមក្នុង៦០មីលីលីត្រ និង ១៨០០មីលីក្រាមក្នុង១៣៥មីលីលីត្រ។ អ្នកជំងឺត្រូវបានណែនាំឲ្យប្រើថ្នាំនេះ មុនពេលញ៉ាំអាហារ ពីរដងក្នុងមួយថ្ងៃ៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ វៀតណាម គ្រោងប្រើប្រាស់ថ្នាំចាក់មួយប្រភេទ សម្រាប់ព្យាបាល កូវីដ

The post ថៃ ប្រើវិធីសាស្រ្តថ្មី ដើម្បីព្យាបាលអ្នកជំងឺកូវីដ ដែលពិបាកលេបថ្នាំ appeared first on Kampuchea Thmey Daily.

អ្នកវិទ្យាសាស្ត្រអះអាងថា ថ្នាំផ្តាសាយ Favipiravir មានសក្តានុពលក្នុងការសម្លាប់មេរោគ SARS-CoV-2 ក្នុងរយៈពេលត្រឹមតែប៉ុន្មានថ្ងៃប៉ុណ្ណោះ។

ការសាកល្បងដំណាក់កាលដំបូងនៅអង់គ្លេស ចំពោះថ្នាំប្រឆាំងវីរុសមួយនេះ ត្រូវបានគេជឿជាក់ថា បានទទួលជោគជ័យ ខណៈលទ្ធផលនឹងបញ្ចេញក្នុងរយៈពេល៦ខែទៀត។

កាសែត The Mirror បានរាយការណ៍ថា ថ្នាំ Favipiravir ដែលត្រូវបានអភិវឌ្ឍនៅក្នុងប្រទេសជប៉ុនកាលពីឆ្នាំ២០១៤ កំពុងត្រូវបានគេសិក្សាយ៉ាងយកចិត្តទុកដាក់ថាតើ វាបញ្ឈប់អ្នកជំងឺកូវីដពីការធ្លាក់ខ្លួនឈឺធ្ងន់ដែរឬទេ។

លោកសាស្រ្តាចារ្យ Kevin Blyth ប្រធានសិក្សានៃការសាកល្បងមកពីសកលវិទ្យាល័យ Glasgow បាននិយាយថា “វានឹងក្លាយជាជំហានដ៏ធំមួយឆ្ពោះទៅមុខ ប្រសិនបើថ្នាំប្រឆាំងវីរុសនេះ មានប្រសិទ្ធភាព។ អ្នកនឹងមិនមានសេវាមន្ទីរពេទ្យណាត្រូវរងសម្ពាធខ្លាំងទៀតនោះទេ ព្រោះតែអ្នកជំងឺលែងមកមន្ទីរពេទ្យទៀតហើយក្រោយលេបថ្នាំនេះ”។

ប្រសិនបើការសាកល្បងបង្ហាញពីភាពជោគជ័យ ថ្នាំរាប់លានដូស នឹងត្រូវប្រគល់ទៅឲ្យសេវាសុខភាពជាតិអង់គ្លេស (NHS)។

ប្រសិនបើការសាកល្បង GETAFIX ដំណាក់កាលទី២និងទី៣ បង្ហាញថា ថ្នាំ Favipiravir ដំណើរការមែននោះ វាអាចជាថ្នាំព្យាបាលប្រឆាំងវីរុសកូវីដ-១៩ អាការស្រាលដំបូងគេបំផុត។

អ្នកក្រុង Glasgow អាចស្ម័គ្រចិត្តសម្រាប់ការសាកល្បងនេះ ភ្លាមៗនៅពេលពួកគេបញ្ចេញរោគសញ្ញា។ ការសាកល្បងដាច់ដោយឡែកមួយទៀត ក៏កំពុងធ្វើឡើងដោយប្រើថ្នាំដូចគ្នានេះដែ នៅក្នុងទីក្រុងឡុងដ៍៕

ប្រែសម្រួលដោយ៖​ Vann Vann

ប្រភព៖ Daily Star

ចុចអាន៖ ក្តៅៗ ជប៉ុន អនុញ្ញាតឲ្យប្រើប្រាស់ថ្នាំ Baricitinib ព្យាបាលអ្នកជំងឺកូវីដ-១៩

The post ក្តីសង្ឃឹមរបស់ពិភពលោក! ថ្នាំផ្តាសាយមួយប្រភេទ អាចសម្លាប់កូវីដក្នុងរយៈពេលត្រឹមប៉ុន្មានថ្ងៃ, អង់គ្លេសកំពុងពិនិត្យមើល appeared first on Kampuchea Thmey Daily.