តាមការផ្សាយរបស់ THE KOREA HERALD, សីតុណ្ហភាព​​ក្រោម​ដករហូត​ដល់​កក ​​​ត្រូវ​បានគេ​រំពឹង​ថា​នឹង​បន្ត​ពេញ​មួយ​ថ្ងៃ​នៅ​ក្នុង​តំបន់​ជា​ច្រើន​នៅ​ទី​ក្រុង​សេអ៊ូល​។

ចំណែក​ឯសីតុណ្ហភាព​ខ្ពស់​នៅ​ពេល​ថ្ងៃនឹងកើន​​ឡើង​​ត្រឹម​តែ​ -៤អង្សាសេ​ប៉ុណ្ណោះ​ រួម​មាន​តំបន់ Chuncheon ខេត្ត Gangwon និង​ -១អង្សា​សេ​នៅតំបន់​ ​Daejeon។

កោះ​ភាគ​ខាង​កើត​តំបន់​ Ulleungdo និង Dokdo នៅ​តែ​ស្ថិត​ក្រោម​ការ​ព្រមាន​អំពី​ព្រឹល​ធ្លាក់​ខ្លាំង​ ជាមួយ​នឹង​ការព្យាករ​ដែលអាច​ធ្លាក់​​ព្រិលរហូត​ដល់ ​១៥សង់​ទី​ម៉ែត្រ​ពេញ​មួយ​ថ្ងៃ​៕​

ប្រែសម្រួល៖ ណឺ មិនា​

The post ​ទី​ក្រុង​សេអ៊ូល​ ចុះ​ត្រជាក់​ខ្លាំង​! ​សីតុណ្ហភាព​​ធ្លាក់​​ដល់​ -១១.៨ អង្សា​សេ appeared first on Kampuchea Thmey Daily.

បើងាកទៅមើលកំណត់ត្រាចាស់វិញ កាលពីថ្ងៃទី២៨ខែវិច្ឆិកាឆ្នាំ១៩៧២ ទីក្រុងសេអ៊ូល ត្រូវរងការវាយប្រហារដោយព្រឹលធ្លាក់ខ្លាំងក្នុងកម្រិតត្រឹម ១២.៤ សង់ទីម៉ែត្រប៉ុណ្ណោះ ដូច្នេះកំណត់ត្រានេះត្រូវបានបំបែកហើយ។

តាមការចុះផ្សាយរបស់សារព័ត៌មាន YNA, នៅថ្ងៃពុធទី២៧ខែវិច្ឆិកាឆ្នាំ២០២៤ រដ្ឋធានីនៃប្រទេសកូរ៉េខាងត្បូង ត្រូវបានគ្របដណ្តប់ដោយព្រឹលធ្លាក់យ៉ាងធ្ងន់ធ្ងរជាទីបំផុត ដែលគ្រប់គ្នាមិនធ្លាប់ឃើញសោះក្នុងរយៈពេលជាង៥០ឆ្នាំមកនេះ។

ដោយសារតែសភាពធ្ងន់ធ្ងរបែបនេះហើយ ទើបរដ្ឋបាលឧតុនិយមកូរ៉េ «KMA» បានចេញការព្រមានឲ្យពលរដ្ឋទាំងឡាយ បញ្ចៀសការធ្វើចរាចរណ៍តាមយានយន្តលើដងផ្លូវបើចាំបាច់ ហើយផ្អាកធ្វើសកម្មភាពនៅក្រៅផ្ទះជាបណ្តោះអាសន្នសិន ជាពិសេសត្រូវប្រយ័ត្នដើមឈើឬមែកឈើបាក់។

មិនត្រឹមប៉ុណ្ណឹង KMA ចេញសេចក្តីប្រកាសឲ្យពលរដ្ឋត្រៀមខ្លួន ព្រោះប៉ុន្មានថ្ងៃខាងមុខ ព្រឹលកម្រិត២០សង់ទីម៉ែត្រ អាចនឹងធ្លាក់នៅទូទាំងរដ្ឋធានីតែម្តង៕

អត្ថបទ៖ សុខ សុវណ្ណ

ចុចអាន៖ ប៉ាគីស្ថាន ជួបព្យុះព្រឹលដ៏កម្រ សម្លាប់មនុស្ស៣៥នាក់ ភាគច្រើនជាកុមារ

The post ទីក្រុងសេអ៊ូល ជួបប្រទះព្រឹលធ្លាក់ខ្លាំងបំផុត បំបែកកំណត់ត្រាខែវិច្ឆិកា appeared first on Kampuchea Thmey Daily.

នៅក្នុងការត្រួតពិនិត្យថ្មីៗបំផុត ផលិតផលចំនួន​១៤៤ប្រភេទ​​ស្ថិតនៅ​ក្រោម​​ម៉ាកយីហោ Shein, AliExpress និង Temu ត្រូវបាន​ត្រួតពិនិត្យ​សាក​ល្បង​​ ហើយផលិតផលជាច្រើន​ស្ថិតក្រោម​ម៉ាកយីហោ​នោះ​មិនបានបំពេញតាមស្តង់ដារសុវត្ថិភាពទេ ដោយស្បែកជើងពី Shein ត្រូវបានរកឃើញថា មានផ្ទុកសារធាតុ phthalates ខ្ពស់។ phthalates​ជាសារធាតុគីមីដែលប្រើដើម្បីធ្វើឱ្យប្លាស្ទិក​មានភាពបត់បែនជាងមុន ដោយ​ស្បែក​ជើង​មួយគូមានសារធាតុនេះដល់ទៅ ២២៩​ដងលើសពីការកំណត់ច្បាប់។

មន្ត្រីម្នាក់មកពីក្រុមសុខភាពបរិស្ថានរបស់ទីក្រុងសេអ៊ូល បានប្រាប់ AFP ថា៖​«ថ្នាំ​ប្លាស្ទិក Phthalate ប៉ះពាល់ដល់មុខងារបន្តពូជដូចជាការកាត់បន្ថយចំនួនមេជីវិតឈ្មោល ហើយអាចបណ្តាលឱ្យគ្មានកូនឬកូនកើតមិនគ្រប់ខែ»។ ជាមួយគ្នានេះ​សារធាតុគីមីមួយប្រភេទនេះត្រូវបានចាត់ថ្នាក់ជាសារធាតុបង្កជំងឺមហារីកលើមនុស្សដោយវិទ្យាស្ថានមហារីកអន្តរជាតិ ដូច្នេះត្រូវតែមានការយកចិត្តទុកដាក់ពិសេសដើម្បីជៀសវាងការប៉ះពាល់រយៈពេលយូរជាមួយរាងកាយមនុស្ស។

លើសពីនេះសារធាតុ Formaldehyde ដែលជាសារធាតុគីមីដែលប្រើជាទូទៅក្នុងផលិតផលសាងសង់គេហដ្ឋាន ត្រូវបានរកឃើញនៅក្នុងមួករបស់ Shein នៅកម្រិតមួយដែលមិនអាចអនុញ្ញាត​ឲ្យ​ប្រើ​ប្រាស់​។ ដបថ្នាំលាបក្រចកពីរដបពី Shein ត្រូវបានគេរកឃើញថាមានសារធាតុ Dioxane ដែលជាសារធាតុបង្កជំងឺមហារីកដល់មនុស្សដែលអាចបង្កឱ្យមានការពុលថ្លើមក្នុងកម្រិតលើសពី ៣,៦ ដងនៃកម្រិតដែលបានអនុញ្ញាត និងកំហាប់មេតាណុល ១,៤ ដងលើសពីកម្រិតដែលអាចទទួលយកបាន។

ទោះយ៉ាងណា តំណាង​​ក្រុមហ៊ុន Shein បានប្រាប់ AFP ថាពួកគេ «ធ្វើការយ៉ាងជិតស្និទ្ធជាមួយភ្នាក់ងារពិនិត្យអន្តរជាតិដើម្បីអនុវត្តការធ្វើតេស្តគំរូដោយផ្អែកលើហានិភ័យដើម្បីធានាថាផលិតផលដែលផ្តល់ដោយអ្នកផ្គត់ផ្គង់បំពេញតាមស្តង់ដារសុវត្ថិភាពផលិតផលរបស់ Shein» ។

ក្រៅពីម៉ាកផលិតផល Shein អាជ្ញាធរ​ក្រុង​សេអ៊ូល​ក៏បាន​រក​ឃើញ​ថា ស្បែក​ជើង​ពី​ក្រុមហ៊ុន​ Temu មាន​ផ្ទុក​សារធាតុ​សំណ​ក្ក្នុង​កម្រិត​ច្រើន​ជាង១១ដង​នៃ​ការ​កំណត់​ដែល​អនុញ្ញាត។ តំណាង​ក្រុមហ៊ុន Temu មិន​បាន​ឆ្លើយ​តប​ភ្លាមៗ​ចំពោះ​សំណើ​សុំ​អត្ថាធិប្បាយ​របស់ AFPទេ ខណៈមន្ត្រី​ក្រុង​សេអ៊ូល​បាន​ស្នើ​សុំ​ឱ្យ​ដក​ផលិតផល​ចេញ​ពី​ការ​លក់​នេះ​បើ​យោង​តាម​សេចក្តី​ថ្លែងការណ៍​របស់​រដ្ឋាភិបាល ហើយរដ្ឋាភិបាលក្រុងសេអ៊ូលនឹងបន្តធ្វើតេស្ដសុវត្ថិភាពជាប្រចាំ និងបង្ហាញលទ្ធផល។

គួរបញ្ជាក់ថាក្រុមហ៊ុនយក្សរបស់ចិន រួមមាន Shein, Temu និង AliExpress ទទួលបានប្រជាប្រិយភាពយ៉ាងខ្លាំងនៅជុំវិញពិភពលោកក្នុងប៉ុន្មានឆ្នាំថ្មីៗនេះ ដោយផ្តល់ជូននូវជម្រើសដ៏ច្រើននៃសម្លៀកបំពាក់ និងគ្រឿងប្រើប្រាស់ទាន់សម័យក្នុងតម្លៃទាបគួរឱ្យភ្ញាក់ផ្អើល។

ការកើនឡើងយ៉ាងគំហុកបាននាំឱ្យមានការបង្កើនការត្រួតពិនិត្យលើការអនុវត្តអាជីវកម្ម និងស្តង់ដារសុវត្ថិភាពរបស់ពួកគេ រួមទាំងនៅក្នុងសហភាពអឺរ៉ុប និងកូរ៉េខាងត្បូង ដែលមន្ត្រីទីក្រុងសេអ៊ូលបានធ្វើការត្រួតពិនិត្យប្រចាំសប្តាហ៍នៃទំនិញដែលលក់តាមអនឡាញលើម៉ាកយីហោពេញនិយម។

កាលពីខែមេសា សហភាពអឺរ៉ុបបានបន្ថែម Shein ទៅក្នុងបញ្ជីក្រុមហ៊ុនឌីជីថលរបស់ខ្លួនដែលមានទំហំធំល្មមដើម្បីស្ថិតនៅក្រោមច្បាប់សុវត្ថិភាពដ៏តឹងរ៉ឹង រួមទាំងវិធានការការពារអតិថិជនពីផលិតផលដែលមិនមានសុវត្ថិភាព ជាពិសេសក្រុមហ៊ុនដែលអាចបង្កគ្រោះថ្នាក់ដល់អនីតិជន។ Shein និង Temu បានដាក់​លក់​តាម​ពាណិជ្ជ​កម្ម​​អេឡិច​ត្រនិក(e-commerce) របស់ចិន titan Alibaba ក្នុងការប្រជែងនឹង Amazon ជាពិសេសតាមរយៈការធ្វើទីផ្សារក្នុងសហរដ្ឋអាមេរិក៕

អត្ថបទ៖ ប៊ុន សុភាព

The post ​អាជ្ញាធរកូរ៉េ​រកឃើញផលិតផល​ម៉ាកល្បីៗ​​របស់​​ចិនផ្ទុក​​​សារធាតុគីមីលើស​កម្រិត​​​​ appeared first on Kampuchea Thmey Daily.

ប៉ូលិសបញ្ជាក់ថា គ្រោះថ្នាក់នេះ កើតឡើងនៅក្នុងរដ្ឋធានីសេអ៊ូល នៃប្រទេសកូរ៉េខាងត្បូង នាវេលាម៉ោងប្រហែល២១:៣០នាទីយប់ (ម៉ោងនៅកូរ៉េ) ដោយអ្នកបើកបរវ័យ​៦៨​ឆ្នាំ ​បាន​បើក​រថយន្ត​បុករះក្រុម​អ្នក​ថ្មើរ​ជើង ​ដែល​កំពុង​រង់ចាំ​ភ្លើងស្តុប។

យោងតាមសារព័ត៌មានក្នុងស្រុក រថយន្តបង្ក បានបើកបរបញ្ច្រាស់ផ្លូវ ហើយជ្រុលចង្កូតទៅបុករថយន្តពីរគ្រឿងទៀត មុនពេលបុករះអ្នកថ្មើរជើង។

ឧបទ្ទវហេតុនេះ កើតឡើងនៅផ្លូវបំបែកជិតសាលាក្រុងសេអ៊ូលហើយ អ្នកបើកបរ​ ​ត្រូវ​ចាប់ខ្លួន​នៅ​កន្លែង​កើតហេតុ​ ខណៈប៉ូលិសកំពុងបើកការស៊ើបអង្កេតលើឧបទ្ទវហេតុនេះ។

ភ្លាមៗប៉ូលិសក៏មិនទាន់ចេញរបាយការណ៍ដែរថាតើ អ្នកបើកបរមានប្រើប្រាស់គ្រឿងញៀន ឬមានជាតិអាល់កុលក្នុងខ្លួនដែរឬអត់ពេលគ្រោះថ្នាក់កើតឡើង ប៉ុន្តែរូបគេបានផ្តល់ចម្លើយសារភាពទៅប៉ូលិសថា មិនដឹងយ៉ាងម៉េច នៅសុខៗរថយន្តស្រាប់តែបន្ថែមល្បឿនដោយខ្លួនឯង។

សូមបញ្ជាក់ថា ក្នុងនាមជាប្រទេសមាន​ការ​ថែទាំ​ផ្លូវនិង​យានជំនិះ​បាន​ល្អ, គ្រោះថ្នាក់ចរាចរណ៍បណ្តាលឲ្យមានមនុស្សស្លាប់ច្រើនបែបនេះ គឺជារឿងដ៏កម្របំផុតនៅកូរ៉េខាងត្បូង៕

អត្ថបទ៖ សុខ សុវណ្ណ

ចុចអាន៖ អាកាសធាតុនៅ ទីក្រុងសេអ៊ូល ចុះត្រជាក់ខ្លាំងដល់ -១៨ អង្សាសេ

The post រថយន្តបុករះហ្វូងមនុស្ស មានអ្នកស្លាប់រដូករណែលនៅទីក្រុង សេអ៊ូល  appeared first on Kampuchea Thmey Daily.

អាកាសធាតុចុះត្រជាក់ខ្លាំងបែបនេះត្រូវគេរំពឹងថា នឹងបន្តកើតឡើងពេញមួយសប្តាហ៍ ខណៈកម្រិតត្រជាក់ទាបនៅពេលព្រឹកនៅទូទាំងប្រទេស អាចនឹងធ្លាក់ចុះចន្លោះពី -១៧ អង្សាសេ និង ២ អង្សាសេ ។

ទន្ទឹមនោះ ឥទ្ធិពលនៃការចុះ​ត្រជាក់នេះ បានគ្រប់ដណ្តប់ទៅ​លើតំបន់សេអ៊ូល ប៊ូសាន ដាជុន និង​ដេហ្គូ នៅ​ម៉ោង ៩ យប់​កាលពីថ្ងៃ​អាទិត្យ ខណៈអាជ្ញាធរក៏បានព្រមានពីការធ្លាក់ព្រិលខ្លាំងសម្រាប់តំបន់ភាគកណ្តាល និងភាគខាងលិចរបស់ប្រទេសផងដែរ ។

ស្របពេលជាមួយគ្នានេះ ក៏មានការដាក់ចេញសេចក្តីណែនាំ និងឲ្យពលរដ្ឋប្រុងប្រយ័ត្នផងដែរ ប​ន្ទាប់ពីសីតុណ្ហភាពនៅពេលព្រឹកក្នុងទីក្រុងសេអ៊ូលធ្លាក់ចុះដល់ -១២ អង្សាសេក្នុងរយៈពេល ២ ថ្ងៃជាប់ៗគ្នា ខណៈសេចក្ដីណែនាំក៏ព្រមានឲ្យមានការប្រុងប្រយ័ត្ននៅសីតុណ្ហភាព ​ចន្លោះពី ១០ អង្សាសេទៅ -៣ អង្សាសេ ។

គួរបញ្ជាក់ថា ការចុះត្រជាក់​ខ្លាំងបែបនេះ បានផ្អាកការហោះហើររបស់កូរ៉េខាងត្បូងជាង ២១១ ជើង ហើយវាក៏បង្កការខូចខាតមួយចំនួនផងដែរនៅស្ថានីយ៍​រថភ្លើង ខណៈក្នុងចំណោមនោះមាន ២៨ ករណី គឺកើតមានឡើង ដោយសារតែខ្យល់បក់ខ្លាំង៕

ប្រែសម្រួល៖ នាង រតនៈ

ប្រភព៖ CNA

The post អាកាសធាតុនៅ ទីក្រុងសេអ៊ូល ចុះត្រជាក់ខ្លាំងដល់ -១៨ អង្សាសេ appeared first on Kampuchea Thmey Daily.

ទីស្នាក់ការកណ្តាលប្រឆាំងគ្រោះមហន្តរាយ និងសុវត្ថិភាពបាននិយាយថា យ៉ាងហោចណាស់មនុស្ស ៥ នាក់បានស្លាប់នៅក្នុងទីក្រុងសេអ៊ូល និង ២ នាក់ទៀតនៅក្នុងខេត្ត Gyeonggi គិតត្រឹមម៉ោង ៦ ព្រឹកថ្ងៃអង្គារនេះ ដោយនៅក្នុងនោះមនុស្ស​ ៤ ​នាក់​បាន​ស្លាប់​ បន្ទាប់​ពី​ជាប់​ក្នុង​អគារ​លិច​ទឹក ម្នាក់ឆក់ចរន្ត​អគ្គិសនី ​ម្នាក់ស្លាប់​នៅ​ក្រោម​កម្ទេចកម្ទី​នៃ​ចំណត​រថយន្ត​ក្រុង និង​ម្នាក់​ទៀត​ស្លាប់​ក្នុង​ការ​រអិល​បាក់​ដី ហើយរហូតមកដល់ពេលនេះយ៉ាងហោចណាស់មនុស្ស ៩ នាក់នៅក្នុងតំបន់បានរងរបួស ខណៈ ៦ នាក់កំពុងបាត់ខ្លួននៅឡើយ ។

បើយោងតាមប្រព័ន្ធផ្សព្វផ្សាយក្នុងស្រុកដែលដកស្រង់ប្រភពពីរដ្ឋបាលឧតុនិយមកូរ៉េ (KMA) បានឲ្យដឹងថា ភាគខាងត្បូងនៃទីក្រុងសេអ៊ូលបានទទួលរងនូវកម្រិតទឹកភ្លៀងលើសពី ១០០ មីលីម៉ែត្រក្នុងមួយម៉ោងកាលពីល្ងាចថ្ងៃចន្ទ ដោយផ្នែកខ្លះនៃទីក្រុងមានកម្រិតទឹកភ្លៀងរហូតដល់ ១៤១.៥ មីលីម៉ែត្រ ដែលជាភ្លៀងធ្លាក់ខ្លាំងបំផុតមិនធ្លាប់ក្នុងរយៈពេល ៨០ ឆ្នាំ ។

ភ្លៀងធ្លាក់ខ្លាំងនៅទីក្រុងសេអ៊ូលមានកម្រិត ៤២០ មីលីម៉ែត្រ គិតត្រឹមម៉ោង ៥ ព្រឹកថ្ងៃអង្គារនេះ ខណៈនៅក្នុងសង្កាត់ Gangnam អគារមួយចំនួនមិនមានអគ្គិសនីប្រើប្រាស់ បន្ទាប់ពីត្រូវបានជន់លិច ។ ចំណែកហាងមួយចំនួន រថយន្ត ឡានក្រុង និងស្ថានីយ៍រថភ្លើងក្រោមដី និងហាងមួយចំនួនក៏ត្រូវបានលិចទឹកដូចគ្នា និងកំពុងធ្វើឲ្យអ្នកដំណើរជាប់គាំងផងដែរ ។

ទន្ទឹមនោះ KMA ក៏បានចេញការព្រមានអំពីការបន្តភ្លៀងធ្លាក់ខ្លាំងនៅទូទាំងរាជធានី និងតំបន់ទីប្រជុំជន ព្រមទាំងផ្នែកខ្លះនៃខេត្ត Gangwon និងខេត្ត Chungcheong រហូតយ៉ាងហោចណាស់ដល់ថ្ងៃពុធ ខណៈការណែនាំបែបនេះធ្វើឡើង នៅពេលដែលទឹកភ្លៀងត្រូវបានព្យាករណ៍ថានឹងមានកម្រិតលើសពី ៦០ មីលីម៉ែត្រក្នុងរយៈពេល ៣ ម៉ោង ឬ ១១០ មីលីម៉ែត្រក្នុងរយៈពេល ១២ ម៉ោង ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ចិន ដាក់វិធានការក្ដៅ ៨ ចំណុចទៅ អាមេរិក ក្រោយលោកស្រី Pelosi មកតៃវ៉ាន់

The post ភ្លៀងធ្លាក់ខ្លាំងមិនធ្លាប់មាននៅ សេអ៊ូល កំពុងផ្ដាច់ជីវិតមនុស្សច្រើននាក់ appeared first on Kampuchea Thmey Daily.