ព័ត៌មានអន្ដរជាតិ
រថយន្តបុករះហ្វូងមនុស្ស មានអ្នកស្លាប់រដូករណែលនៅទីក្រុង សេអ៊ូល
យោងតាមសេចក្តីរាយការណ៍របស់សារព័ត៌មាន Yonhap កាលពីថ្ងៃចន្ទទី១ខែកក្កដា, រថយន្តមួយគ្រឿង បានបើកចូលបុករះហ្វូងមនុស្ស បណ្តាលឲ្យបាត់បង់ជីវិតចំនួន៩នាក់ ខណៈ៤នាក់ទៀតរងរបួស ហើយប៉ូលិសព្រមានថា តួលេខអ្នកស្លាប់អាចកើនឡើងទៀត។

ប៉ូលិសបញ្ជាក់ថា គ្រោះថ្នាក់នេះ កើតឡើងនៅក្នុងរដ្ឋធានីសេអ៊ូល នៃប្រទេសកូរ៉េខាងត្បូង នាវេលាម៉ោងប្រហែល២១:៣០នាទីយប់ (ម៉ោងនៅកូរ៉េ) ដោយអ្នកបើកបរវ័យ៦៨ឆ្នាំ បានបើករថយន្តបុករះក្រុមអ្នកថ្មើរជើង ដែលកំពុងរង់ចាំភ្លើងស្តុប។
យោងតាមសារព័ត៌មានក្នុងស្រុក រថយន្តបង្ក បានបើកបរបញ្ច្រាស់ផ្លូវ ហើយជ្រុលចង្កូតទៅបុករថយន្តពីរគ្រឿងទៀត មុនពេលបុករះអ្នកថ្មើរជើង។

ឧបទ្ទវហេតុនេះ កើតឡើងនៅផ្លូវបំបែកជិតសាលាក្រុងសេអ៊ូលហើយ អ្នកបើកបរ ត្រូវចាប់ខ្លួននៅកន្លែងកើតហេតុ ខណៈប៉ូលិសកំពុងបើកការស៊ើបអង្កេតលើឧបទ្ទវហេតុនេះ។
ភ្លាមៗប៉ូលិសក៏មិនទាន់ចេញរបាយការណ៍ដែរថាតើ អ្នកបើកបរមានប្រើប្រាស់គ្រឿងញៀន ឬមានជាតិអាល់កុលក្នុងខ្លួនដែរឬអត់ពេលគ្រោះថ្នាក់កើតឡើង ប៉ុន្តែរូបគេបានផ្តល់ចម្លើយសារភាពទៅប៉ូលិសថា មិនដឹងយ៉ាងម៉េច នៅសុខៗរថយន្តស្រាប់តែបន្ថែមល្បឿនដោយខ្លួនឯង។

សូមបញ្ជាក់ថា ក្នុងនាមជាប្រទេសមានការថែទាំផ្លូវនិងយានជំនិះបានល្អ, គ្រោះថ្នាក់ចរាចរណ៍បណ្តាលឲ្យមានមនុស្សស្លាប់ច្រើនបែបនេះ គឺជារឿងដ៏កម្របំផុតនៅកូរ៉េខាងត្បូង៕
អត្ថបទ៖ សុខ សុវណ្ណ
ចុចអាន៖ អាកាសធាតុនៅ ទីក្រុងសេអ៊ូល ចុះត្រជាក់ខ្លាំងដល់ -១៨ អង្សាសេ

-
សន្តិសុខសង្គម៤ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៧ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៧ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៤ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៦ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១៨ ម៉ោង ago
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត