ព័ត៌មានអន្ដរជាតិ
ចិន ដាក់វិធានការក្ដៅ ៨ ចំណុចទៅ អាមេរិក ក្រោយលោកស្រី Pelosi មកតៃវ៉ាន់
បើទោះជាប្រធានសភាអាមេរិកលោកស្រី Nancy Pelosi បញ្ចប់ដំណើរទស្សនកិច្ចមកកាន់តៃវ៉ាន់មួយសប្ដាហ៍ទៅហើយក្ដី ប៉ុន្តែភាពតានតឹងរវាងអាមេរិក និងចិនដែលចាត់ទុកកោះនេះជាផ្នែកសំខាន់នៃទឹកដីរបស់ខ្លួន មិនបានចុះកម្ដៅនោះទេ ។
ទន្ទឹមនោះ ការមកដល់កោះតៃវ៉ាន់របស់លោកស្រី Pelosi ក៏ធ្វើឲ្យចិនផ្ទុះការខឹងសម្បារយ៉ាងខ្លាំង និងបានធ្វើសមយុទ្ធយោធាទ្រង់ទ្រាយធំជាបន្តបន្ទាប់ ចាប់តាំងពីថ្ងៃព្រហស្បតិ៍សប្ដាហ៍មុន ក៏ដូចជាវិធានការតបតចំនួន ៨ ចំណុចទៅអាមេរិកវិញផងដែរ ។
នេះគឺជាវិធានការតបតទាំង ៨ ដែលរដ្ឋាភិបាលទីក្រុងប៉េកាំងប្រកាសដាក់លើសហរដ្ឋអាមេរិកចំពោះដំណើរទស្សនកិច្ចរបស់លោកស្រី Pelosi មកកាន់កោះតៃវ៉ាន់ ៖
១. លុបចោលកិច្ចសន្ទនាកម្រិតមេបញ្ជាការយោធាជាន់ខ្ពស់ ចិន-អាមេរិក
២. លុបចោលកិច្ចពិភាក្សាសម្របសម្រួលគោលនយោបាយការពារជាតិ ចិន-អាមេរិក (DPCT)
៣. លុបចោលកិច្ចប្រជុំពិគ្រោះយោបល់លើដែនសមុទ្រយោធា ចិន-អាមេរិក (MMCA)
៤. ផ្អាកកិច្ចសហប្រតិបត្តិការ ចិន-អាមេរិក លើការធ្វើមាតុភូមិនិវត្តន៍ជនអន្តោប្រវេសន៍ខុសច្បាប់
៥. ផ្អាកកិច្ចសហប្រតិបត្តិការ ចិន-អាមេរិក លើជំនួយផ្នែកច្បាប់ក្នុងរឿងព្រហ្មទណ្ឌ
៦. ផ្អាកកិច្ចសហប្រតិបត្តិការ ចិន-អាមេរិក ប្រឆាំងឧក្រិដ្ឋកម្មឆ្លងដែន
៧.ផ្អាកកិច្ចសហប្រតិបត្តិការប្រឆាំងគ្រឿងញៀន ចិន-អាមេរិក
៨. ផ្អាកកិច្ចចរចា ចិន-អាមេរិក ស្តីពីការប្រែប្រួលអាកាសធាតុ
គួរបញ្ជាក់ថា វិធានការឆ្លើយតបទាំង ៨ ចំណុចនេះត្រូវបានប្រទេសចិនដាក់ទៅកាន់សហរដ្ឋអាមេរិក បន្ទាប់ពីរដ្ឋាភិបាលទីក្រុងប៉េកាំងបានចោទទីក្រុងវ៉ាស៊ីនតោនថា មិនបានគោរពគោលនយោបាយចិនតែមួយ ខណៈកាលពីពេលថ្មីៗនេះ ចិនក៏បានដាក់ទណ្ឌកម្មលើលោកស្រី Pelosi ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Global Times
ចុចអាន ៖ ចិន បញ្ចប់សមយុទ្ធយោធារយៈពេល ៤ ថ្ងៃ រកការសម្រេចចិត្តបង្រួបបង្រួម ជាមួយ តៃវ៉ាន់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង