ព័ត៌មានអន្ដរជាតិ
ប៉ាគីស្ថាន ជួបព្យុះព្រឹលដ៏កម្រ សម្លាប់មនុស្ស៣៥នាក់ ភាគច្រើនជាកុមារ
តាមការចុះផ្សាយរបស់ Reuters នៅថ្ងៃអង្គារទី៥ខែមីនា, មនុស្សចំនួន៣៥នាក់ត្រូវបាត់បង់ជីវិត និងរាប់សិបនាក់ផ្សេងទៀតរងរបួស ពេលដែលភ្លៀងធ្លាក់ខ្លាំង និងព្យុះព្រឹលដ៏កម្រ វាយប្រហារតំបន់ដាច់ស្រយាលនៃប្រទេសប៉ាគីស្ថាន កាលពីចុងសប្តាហ៍កន្លងទៅ ខណៈអាជ្ញាធរគ្រប់គ្រងគ្រោះមហន្តរាយនិយាយថា ក្នុងចំណោមអ្នកស្លាប់ គឺមានកុមាររហូតដល់ទៅ២២នាក់ឯណោះ។
អាកាសធាតុដ៏កាចសាហាវនេះ បានវាយប្រហារតំបន់ភាគខាងជើងនិងខាងលិចប្រទេសប៉ាគីស្ថាន ហើយក្រៅពីបង្កទុក្ខវេទនាដល់មនុស្ស គ្រោះធម្មជាតិនេះ ក៏បណ្តាលឲ្យស្ទះផ្លូវ និងបំផ្លាញផ្ទះរាប់រយខ្នងផងដែរ។
តាមពិតទៅ អ្នកជំនាញភ្ញាក់ផ្អើលមែនទែន ចំពោះការធ្លាក់ព្រឹលនេះ ព្រោះថា ជាធម្មតាប្រទេសប៉ាគីស្ថាន ត្រូវមានអាកាសធាតុសើមទៅវិញទេក្នុងខែមីនា។ យ៉ាងណា លោក Mushtaq Ali Shah អតីតប្រធាននាយកដ្ឋានឧតុនិយមរបស់ប្រទេស បានសន្មតថា លក្ខខណ្ឌមិនធម្មតានេះ គឺបណ្តាលមកពីបម្រែបម្រួលអាកាសធាតុ។
លោកបន្ថែមថា ជាទូទៅ ព្យុះព្រឹលបែបនេះកើតឡើងត្រឹមមួយសន្ទុះប៉ុណ្ណោះ ប៉ុន្តែលើកនេះពិតជាគួរឲ្យភ្ញាក់ផ្អើលមែន ព្រោះវាអូសបន្លាយពេលលើស៣០នាទីទៅទៀត។
ស្របពេលជាមួយគ្នានោះ លោក Hajit Shah អ្នកស្រុក Kirk ក្នុងខេត្ត Khyber Pakhtunkhwa ភាគពាយព្យ បានប្រាប់ BBC ថា “នៅស្រុកនេះ ខ្ញុំធ្លាប់ឃើញព្រឹលធ្លាក់តែម្តងគត់។ តាមខ្ញុំចាំបាន មានព្រឹលធ្លាក់តិចៗពីរបីនាទីកាលពី២៥ឬ៣០ឆ្នាំមុន”។
សូមបញ្ជាក់ គ្រោះធម្មជាតិនេះ បានបំផ្លាញផ្ទះយ៉ាងតិច១៥០ខ្នង នៅក្នុងខេត្ត Khyber Pakhtunkhwa និងខេត្ត Balochistan ខណៈអគ្គិសនី ត្រូវបានកាត់ផ្តាច់ទាំងស្រុងនៅតាមស្រុកមួយចំនួន។
រដ្ឋាភិបាលខេត្ត Khyber Pakhtunkhwa បានផ្តល់ជំនួយសង្គ្រោះដល់តំបន់រងគ្រោះ ហើយប្រកាសផ្តល់ជំនួយផ្នែកហិរញ្ញវត្ថុដល់អ្នករងរបួស និងក្រុមគ្រួសារអ្នកស្លាប់៕
អត្ថបទ៖ សុខ សុវណ្ណ
ចុចអាន៖ ព្យុះព្រឹលកាចសាហាវ វាយប្រហារអាមេរិក ផ្តាច់ជីវិតមនុស្សជិត ៩០នាក់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ