ព្រះរាជអាជ្ញា Veronica Hernandez បានប្រាប់អ្នកយកព័ត៌មានថា ជនសង្ស័យ ៦ នាក់ត្រូវបានឃុំខ្លួន បន្ទាប់ពីរកឃើញករណីឃាតកម្មក្នុងទីក្រុង Poza Rica ។

ការរកឃើញនេះត្រូវបានធ្វើឡើងកាលពីថ្ងៃអាទិត្យ ទី១៣ ខែសីហា ខណៈប៉ូលិសបានដេញតាមជនសង្ស័យម្នាក់ដល់អគារមួយដែលធ្លាប់មានករណីចាប់ជំរិតមនុស្ស ៣ នាក់ ។ បន្ទាប់​មក​ប៉ូលិស​បាន​ធ្វើ​ប្រតិបត្តិការ​នៅ​​តំបន់​នោះ ទើប​រក​ឃើញសាកសព​នៅ​កន្លែង​ផ្សេង​ៗទៀត ​។

សូមជម្រាបថា Veracruz គឺជាតំបន់សម្បូរអំពើហឹង្សាបំផុតរបស់ម៉ិកស៊ិក ដោយសារការប្រយុទ្ធគ្នារវាងក្រុមគូប្រជែង ដើម្បីគ្រប់គ្រងផ្លូវជួញដូរគ្រឿងញៀន ។

ជាមួយគ្នានោះ ប្រទេសអាមេរិកឡាទីនបានកត់ត្រាករណីឃាតកម្មជាង ៤០០ ០០០ តាំងពីការចាប់ផ្តើមនៃការវាយលុកប្រឆាំងគ្រឿងញៀនយោធាដ៏ចម្រូងចម្រាសក្នុងឆ្នាំ ២០០៦ ។

ចំណែកឯការបាត់ខ្លួនក៏មានច្រើនជាង ១១០ ០០០ ករណីទៅទៀត ចាប់តាំងពីឆ្នាំ ១៩៦២ មក ដែលភាគច្រើនត្រូវបានសន្មតថាជា ឧក្រិដ្ឋកម្ម ៕

ប្រែសម្រួល៖ វារី

ប្រភព៖ CNA

ចុចអាន៖ ស្រ្តីជនជាតិកូរ៉េ សម្លាប់កូនពីរនាក់ ក្លាស្សេទូរទឹកកកជិត ៥ឆ្នាំ ទើបបែកធ្លាយដល់ប៉ូលិស

The post រកឃើញសាកសពមនុស្ស ១៣ នាក់ក្នុងទូទឹកកក នៅប្រទេសម៉ិកស៊ិក appeared first on Kampuchea Thmey Daily.

ការ​រក្សា​សីតុណ្ហ​ភាព​ត្រជាក់​នៅ​ក្នុង​ទូរទឹកកក មាន​សារៈសំខាន់​ណាស់ ដោយ​ទីភ្នាក់ងារ​ស្តង់ដារ​ចំណី​អាហារ (The Food Standard Agency) ណែនាំ​ថា សីតុណ្ហភាព​ល្អ​បំផុត​នៃ​ទូទឹកកក​របស់​យើង គួរ​តែ​ស្ថិត​នៅ​ចន្លោះ​ពី ៣-៥ អង្សា​សេ។ ការ​រៀប​ចំ​ទូទឹកកក​ឲ្យ​បាន​ត្រឹមត្រូវ​នឹង​ជួយ​កាត់​បន្ថយ​ការ​ខ្ជះខ្ជាយ​អាហារ ឱកាស​នៃ​ការ​ពុល​អាហារ​ថយ​ចុះ និង​ជួយ​សន្សំ​សំចៃ​ទំនិញ​ប្រចាំ​សប្ដាហ៍។

តិចនិក​រៀប​ចំ​អាហារ​ត្រឹម​ត្រូវ​ក្នុង​ទូ​ទឹក​កក

១. រក្សា​អាហារ​ឆៅ និង​ឆ្អិន​ឲ្យ​នៅ​ដាច់​ដោយ​ឡែក​ពី​គ្នា។ ដាក់​អាហារ​ចម្អិន​រួច នៅ​លើ​ធ្នើរ​ខាង​លើ​បំផុត​នៃ​ទូរ​ទឹក​កក ខ្ពស់​ជាង​អាហារ​ឆៅ​ជានិច្ច ដើម្បី​ចៀសវាង ការ​ស្រក់​ទឹក​ចេញ​ពី​អាហារ​ឆៅ​ចម្លង​មេរោគ​ទៅ​លើ​អាហារ​ឆ្អិន។

២. ប្រយ័ត្ន​ប្រយែង​ចំពោះ​សាច់ ប្រសិន​បើ​សាច់​រក្សា​ទុក​យូរ ហើយ​មាន​ក្លិន​មិន​ល្អ គួរ​បោះ​ចោល កុំ​ទុក​ក្នុង​ទូទឹក​កក​ចៀសវាង​កើត​បាក់តេរី។

៣. សម្អាត​ទូទឹក​កក​ជា​ប្រចាំ សម្អាត​តាំង​ពី​ធ្នើរ​លើ​ដល់​ក្រោម គ្រប់​ជ្រុង​​គ្រប់​ជ្រោយ។

៤. សម្អាត​ទូ​ផ្នែក​កក ចៀសវាង​ទឹក​កក​ច្រើន​ទៅ​ៗ ពិបាក​ក្លាសេ​សាច់

៥. រក្សា​អាហារ​ស្រស់​ដូច​ជា សាលាដ នៅ​ខាង​មុខ​អាហារ​ដទៃ មិន​ត្រូវ​ឲ្យ​ប៉ះ​ផ្នែក​ខាង​ក្រោយ​នៃ​ទូទឹកកក​ទេ ព្រោះ​ផ្នែក​ខាង​ក្រោយ​ត្រជាក់​ខ្លាំង ហើយ​បន្លែ​ដូច​សាលាដ​អាចក្លាយជាអាហារ​កក ញ៉ាំ​លែង​កើត​បាន។

៦. រក្សា​អាហារ​ផលិត​ពី​ទឹក​ដោះ​គោ (ទឹក​ដោះ​គោ ឈីស…) នៅ​ធ្នើរ​កណ្ដាល​នៃ​ទូរ​ទឹកកក ឬ​ដៃ​ទ្វារ​ទូរ​ទឹកកក​បាន

៧. ទុក​បន្លែ និង​ផ្លែឈើ​មួយ​ចំនួន​ឲ្យ​ឆ្ងាយ​ពី​ទូទឹកកក ពោល​គឺ​មិន​ចាំ​បាច់​ដាក់​វា​ក្នុង​ទូរ​ទឹកកក​ទេ ព្រោះ​វា​អាច​បណ្ដាល​ឲ្យ​បន្លែ ផ្លែឈើ​ដទៃ​រលួយ​លឿន​ដូច​ជា ផ្លែ​ប៊ើរ ផ្លែ​ចេក ផ្លែ​សារី និង​ផ្លែ​ប៉េងប៉ោះ​ជាដើម។

៨. អាហារ​កំប៉ុង​ដែល​បើក​ហើយ​គួរ​តែ​រក្សា​ទុក​ក្នុង​ទូទឹកកក ចំណែក​អាហារ​ឆៅ​គួរ​តែ​ដាក់​ក្នុង​ថង់ ឬ​ប្រអប់​បិទ​ជិត មុន​ដាក់​ចូល​ក្នុង​ទូរ។

៩. មិន​ត្រូវ​ដាក់​អាហារ​ក្ដៅ​ចូល​ក្នុង​ទូ​ទឹក​កក​ភ្លាមៗ​ដាច់​ខាត ព្រោះ​វា​អាច​បង្ក​សីតុណ្ហភាព​ទូទៅ​ក្នុង​ទូ កើន​ឡើង អាច​បណ្ដាល​ឲ្យ​ពុល​ចំណី និង​ខូច​អាហារ​ក្នុង​ទូ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ វិធី​រក្សា​បន្លែ​​ផ្លែឈើ​ឲ្យ​នៅ​ស្រស់​បាន​យូរ​ និង​ជួយ​សន្សំ​សំចៃ​ប្រាក់​មិន​ទិញ​ច្រើន​ដង

ចុចអាន៖ ការពារខ្លួន! កូវីដអាចរស់នៅក្នុងទូទឹកកករហូត១ខែ និងលោហៈធាតុផ្សេងទៀតរាប់ថ្ងៃឯណោះ

The post រៀបចំអាហារក្នុងទូទឹកកកតាមតិចនិកនេះ ធានាមិនងាយកើតបាក់តេរី appeared first on Kampuchea Thmey Daily.

Twin Cooling Plus ជាទូទឹកកកដែលជួយរក្សាអាហារឱ្យកាន់តែស្រស់ទ្វេដង ឆ្ងាញ់ និងល្អសម្រាប់សុខភាព…!

(ភ្នំពេញ) ថ្ងៃទី ១៦ ខែធ្នូ ឆ្នាំ ២០២០៖ ការទុកដាក់អាហារ បន្លែ ត្រីសាច់ ផ្លែឈើ និងភេសជ្ជៈផ្សេងៗឱ្យបានល្អ ស្រស់បានយូរ និងរក្សារសជាតិដើមគឺជារឿងសំខាន់បំផុតសម្រាប់ជីវិតប្រចាំថ្ងៃ និងជាមូលហេតុចម្បងដែលលោកអ្នកត្រូវការទូទឹកកកដែលមានគុណភាពល្អ និងឆ្លាតវៃ!

ថ្ងៃនេះ សាមសុង នឹងធ្វើការបង្ហាញជូនដល់លោកអ្នកពីរបៀបថែរក្សា បន្លែ ផ្លែឈើ ត្រីសាច់ និងភេសជ្ជៈផ្សេងៗក្នុងទូទឹកកកឱ្យនៅស្រស់បានយូរតាមវិធីដូចខាងក្រោម៖

* កំណត់សីតុណ្ហភាពឱ្យបានត្រឹមត្រូវ (3 អង្សារផ្នែកក្លាសេ និង -19 អង្សារផ្នែកកក)

* ទុកដាក់បន្លែ ត្រីសាច់ ផ្លែឈើ ឬភេសជ្ជៈតាមកន្លែងឱ្យបានត្រឹមត្រូវ (តាមថ្នាក់ ឬថត)

* វេចខ្ចប់ដាក់ក្នុងប្រអប់ ឬថង់ប្លាស្ទិចឱ្យបានត្រឹមត្រូវ

ជាមួយនឹងទូទឹកកក Twin Cooling Plus លោកអ្នកនឹងមានភាពងាយស្រួលព្រោះ Twin Cooling Plus បំពាក់បច្ចេកវិទ្យាទំនើបបំផុតដោយមាន Fan និង  Evaporator ចំនួន ២ ដែលបញ្ចេញភាពត្រជាក់ដាច់ពីគ្នាពីផ្នែកកក និងផ្នែកក្លាសេ។ Twin Cooling Plus មានភាពត្រជាក់ល្អសព្វពេញទូល្អលើសពីទូទឹកកកធម្មតា ធ្វើឱ្យអាហារនៅស្រស់បានយូរមិនងាយខូចព្រមទាំងអស់បញ្ហាពីរឿងឆ្លងក្លិនលាយឡំគ្នាពីផ្នែកក្លាសេទៅផ្នែកកក ព្រមទាំងមានសំណើមដល់ទៅ ៧០% ដែលល្អបំផុតសម្រាប់បន្លែ និងផ្លែឈើ នៅស្រស់បានយូរមិនងាយស្រពោន។

បន្ថែមពីនោះទូទឹកកកប្រភេទនេះគឺមានមុខងារក្លាសេដ៏ឆ្លាតវៃ Smart Conversion ដែលអាចកំណត់សីតុណ្ហភាពក្លាសេតាមតម្រូវការជាក់ស្តែង ពោលគឺអាចបិទចោលផ្នែកណាមួយក៏បានដែលអត់បានប្រើ បិទផ្នែកកកក៏បាន បិទផ្នែកក្លាសេក៏បាន ឬក៏បំប្លែងផ្នែកកកទៅក្លាសធម្មតាក៏បានទៀត។ Twin Cooling Plus នាំមកជូននូវការក្លាសេដ៏ឆ្លាតវៃ!

ហើយអ្វីដែលកាន់តែពិសេសបំផុត សាមសុង បំពាក់បច្ចេកវិទ្យា Digital Inverter Technology លើកំប្រេះស័រដែលផ្តល់នូវលក្ខណៈពិសេសដូចជា៖

– សន្សំសំចៃ 50%

– មានសំឡេងស្ងាត់ល្អ (គ្មានសំឡេងរំខាន)

– មានការបញ្ជាក់ពី VDE នៃប្រទេសអាឡឺម៉ង់លើគុណភាពកំប្រេះស័រថាជាប់ធន់ប្រើបានយូរដល់ទៅ 21 ឆ្នាំ

– មានការធានាលើកំប្រេះស័ររហូតដល់​ ១០ ឆ្នាំ

សម័យបច្ចេកវិទ្យាថ្មី លោកអ្នកត្រូវតែជ្រើសរើសទូទឹកកកទំនើបទាន់សម័យដែលធ្វើឱ្យជីវិតលោកអ្នកកាន់តែរីករាយស្រស់ស្រាយគ្រប់ពេល និងបំពេញគ្រប់តម្រូវការ! តោះ…នៅចាំអីទៀត…ឆ្លៀតទិញមួយគ្រឿងសម្រាប់គេហដ្ឋានឥឡូវនេះឱ្យហើយភ្លាមទៅ…!! Samsung Twin Cooling Plus ជាទូទឹកកកដែលផ្តល់ឱ្យលោកអ្នកនូវអាហារស្រស់រាល់ថ្ងៃ និងមានសុខភាពល្អជានិច្ច!

ចង់ជ្រាបឱ្យកាន់តែច្បាស់សូមអញ្ចើញមកទស្សនាដោយផ្ទាល់នៅតាមបណ្តាហាងទំនើប សាមសុង ឬតាមដេប៉ូចែកចាយបន្តផលិតផល សាមសុង ដែលនៅជិតលោកអ្នកបំផុត។ សម្រាប់ព័ត៌មានបន្ថែមលោកអ្នកក៏អាចធ្វើការទំនាក់ទំនងមកកាន់សេវាបម្រើអតិថិជនដោយឥតគិតថ្លៃតាមរយៈលេខ៖ 1800 203 232 ឬទស្សនាវីដេអូតាម link ខាងក្រោម៖

អត្ថបទ ផ្សាយពាណិជ្ជកម្ម

The post ទូទឹកកក សាមសុង Twin Cooling Plus™ ជួយឱ្យបន្លែ ផ្លែឈើ ត្រីសាច់ កាន់តែស្រស់បានយូរលើសទូទឹកកកធម្មតា និងរក្សារសជាតិដើមបានល្អបំផុត! appeared first on Kampuchea Thmey Daily.

ប្រទេសជប៉ុនមានកិច្ចព្រមព្រៀងក្នុងការទិញវ៉ាក់សាំងសរុបចំនួន ២៩០ លានដូសពីក្រុមហ៊ុនអាមេរិក Pfizer ក្រុមហ៊ុនអង់គ្លេស AstraZeneca និងក្រុមហ៊ុនអាមេរិកមួយទៀតឈ្មោះ Moderna សម្រាប់ប្រជាជនចំនួន ១៤៥ លាននាក់ ប្រសិនបើមនុស្សគ្រប់គ្នាទទួលការចាក់ចំនួន ២ ដងតាមតម្រូវការ ។

វ៉ាក់សាំងរបស់ក្រុមហ៊ុន Pfizer ត្រូវរក្សាទុកនៅសីតុណ្ហភាពប្រហែលដក ៧៥ អង្សាសេ ហើយវ៉ាក់សាំង Moderna រក្សាទុកនៅសីតុណ្ហភាពដក ២០ អង្សាសេដែលជាសីតុណ្ហភាពពិបាកមួយក្នុងការស្តុកទុក ។

ក្រសួងបាននិយាយនៅក្នុងសេចក្តីថ្លែងការណ៍មួយថា ក្រុមហ៊ុនវ៉ាក់សាំង Pfizer ក៏ដូចជាក្រុមហ៊ុន Moderna និងដៃគូក្នុងស្រុករបស់ខ្លួនគឺក្រុមហ៊ុនឱសថ Takeda Pharmaceutical គ្រោងនឹងបង្កើតបណ្តាញដើម្បីរក្សាវ៉ាក់សាំងនៅសីតុណ្ហភាពសមស្រប នៅពេលពួកគេត្រូវបានចែកចាយទៅកន្លែងដែលពួកគេនឹងត្រូវប្រើប្រាស់ និងចាក់ ។

គួរបញ្ជាក់ថា គិតត្រឹមពេលនេះប្រទេសជប៉ុនមានករណីឆ្លងជំងឺកូវីដ ១៩ ចំនួន ១៦៥,៨៤០ ករណី និងមានអ្នកស្លាប់ចំនួន ២,៤២០ នាក់ ខណៈអ្នកជាសះស្បើយមានចំនួន ១៤០,៦២២ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ក្រុមមនុស្ស ៣ ប្រភេទដែលមិនគួរចាក់វ៉ាក់សាំងកូវីដ

ចុចអាន ៖ សហរដ្ឋអាមេរិក​រង់ចាំ​អនុម័ត​វ៉ាក់សាំង ​ខណៈការ​ស្លាប់​ប្រចាំថ្ងៃកើនឡើង​ដល់ ៣ ពាន់នាក់

The post ជប៉ុនត្រៀមទិញទូទឹកកក ១០,៥០០ គ្រឿងសម្រាប់រក្សាទុកវ៉ាក់សាំងកូវីដ appeared first on Kampuchea Thmey Daily.