នៅ​ក្នុងកិច្ច​សន្ទនាហិរញ្ញវត្ថុរបស់កម្ពុជាថ្មី ក្រោម​ប្រធាន​បទ​ «វឌ្ឍនភាពនៃការប្រើប្រាស់ប្រព័ន្ធឌីជីថលក្នុងវិស័យហិរញ្ញវត្ថុនៅ​កម្ពុជា ​— កាលានុវត្តភាព ហានិភ័យ និងដំណោះស្រាយ» លោកសុផា បាន​លើក​ឡើង​ថា នៅ​ឆ្នាំ​២០០៧ Mobile app នៅ​មិន​ទាន់​មាន​នៅ​ឡើយ​ ដោយ​ធនាគារ​មួយ​ចំនួន​បាន​អភិវឌ្ឍន៍​ Internet Bangking អាច​ធ្វើ​ការ​ទូទាត់​តាម​អ៉ីនធឺណិត​ ប៉ុន្តែ​នៅ​មាន​ដែន​កំណត់​ខ្លាំង​ ព្រោះ​នា​ពេល​នោះស្ទើតែ ១០០% គឺ​ជាអតិថិជនប្រើជា​សាច់​ប្រាក់​ និង​មួយ​ចំនួន​ទៀត​គឺ​សែក​។

ប៉ុន្តែអ្វីដែលគួរឱ្យគត់សម្គាល់ យើងឃើញថា មក​ដល់​ពេល​បច្ចុប្បន្ន​នេះ ការ​ធ្វើ​ប្រតិបត្តិការ​តាម​រយៈ​​ប្រព័ន្ធ​ឌីជីថល​ ធៀប​ជា​មួយ​នឹង​ការធ្វើប្រតិបត្តិការប្រើជាសាច់ប្រាក់ បើ​ទោះ​បី​ធនាគារ​ហត្ថា ដែល​កន្លង​មក​ប្រជាពលរដ្ឋ​ស្គាល់​ថា​ជា​ធនាគារ​ហត្ថា​កសិករ​ ស្ថិត​នៅ​ខ្នាត​តូច​នៅ​ឡើយ​នោះ ក៏​ប៉ុន្តែ​រឿង​មួយ​ដែល​គួរ​ឱ្យ​ចាប់​អារម្មណ៍ គឺ​ ៨០% ប្រជាពលរដ្ឋ​បានងាក​ប្រើប្រាស់​ការ​ទូទាត់​​តាម​រយៈ​ឌីជីថល​ និងតាម​រយៈ​បាគង ជំនួសវិញ។ លោក មិន សុផា បន្ថែមបែបនេះ។

ជាមួយគ្នានេះ លោក​ក៏បានបញ្ជាក់ដែរថា កន្លង​មក​ធនាគារ​ដាក់​បុគ្គិក​ច្រើន​សម្រាប់​ទទួល​លុយ​ពី​អតិថិជន ប៉ុន្តែ​មក​ដល់​ពេល​បច្ចុប្បន្ន​នេះ​វិញ​ គឺ ៨០% ពលរដ្ឋ​ងាក​មក​ទូទាត់​តាម​រយៈ​ប្រព័ន្ធ​អ៊ីនធឺណិត​ Banking ជំនួស​វិញ។

ចំពោះតួរលេខនេះដែរ​លោក​យល់ថា​ ទិន្ន័យ​នេះ មិនមែនកើនឡើងចំពោះតែធនាគារហត្ថា មួយនោះទេ គឺចំពោះ​ធនាគារ និង​ស្ថាប័ន​ហិរញ្ញវត្ថុ​ទូទៅ​ដែរ​ ក៏តួរលេខនេះកើតមានការកើតឡើងដូចគ្នាដែរ។ ​ដូច្នេះ​ហើយ អ្វី​ដែល​ជា​ការ​ពង្រឹង​របស់​ធនាគារ​​បន្ថែម​ គឺ​ជា​ការ​ច្នៃ​ប្រឌិត​ទៅ​លើ​ប្រព័ន្ធ​ឌីជីថល​ដើម្បី​ផ្តល់​ភាព​ងាយ​ស្រួល​ជូន​អតិថិជន​ ជាជាង​ការ​វិនិយោគ​ទៅ​លើ​សាខា៕

The post អតិថិជនក្នុងវិស័យហិរញ្ញវត្ថុប្រមាណ ៨០% ងាកមកប្រើប្រាស់ប្រព័ន្ធឌីជីថល appeared first on Kampuchea Thmey Daily.

មន្ទីរពេទ្យកុមារអង្គរ ជាមន្ទីរពេទ្យកុមារមានកេរ្តិ៍ឈ្មោះល្បីមួយនៅក្នុងខេត្តសៀមរាប ផ្តល់សេវាថែទាំឯកទេសដល់កុមារដែលមានស្ថានភាព ជំងឺរ៉ាំរ៉ៃ កម្រ និងមានសភាពស្រួចស្រាវធ្ងន់ធ្ងរ នៅទូទាំងប្រទេសកម្ពុជា។ ។  លោក Wee Mun Seng អនុប្រធានអគ្គនាយក នៃធនាគារហត្ថា បាននិយាយថា “យើងខ្ញុំមានកិត្តិយសលើកិច្ចសហការជាមួយមន្ទីរពេទ្យកុមារអង្គរ ក្នុងការចូលរួមបំពេញបេសកកម្មផ្តល់សេវាថែទាំសុខភាពដ៏មានសារៈសំខាន់ដល់កុមារនៅក្នុងប្រទេសកម្ពុជា។ យើងខ្ញុំជឿជាក់លើកម្លាំងរួបរួមក្នុងការផ្តល់ផលជាវិជ្ជមានទៅឲ្យសង្គមទាំងមូល។ ការចូលរួមប្រាក់ឧបត្ថម្ភនេះ សបញ្ជាក់អំពីការប្តេជ្ញាចិត្តរបស់យើងក្នុងការជួយគាំទ្រដល់សុខុមាលភាពសហគមន៍ដែលយើងកំពុងផ្តល់សេវាកម្មជូន”។

រីឯ លោកវេជ្ជបណ្ឌិត ងួន ច័ន្ទភក្ត្រា នាយកមន្ទីរពេទ្យកុមារអង្គរ មានប្រសាសន៍ថា ក្នុងនាមតំណាងឲ្យថ្នាក់ដឹកនាំ គ្រូ ពេទ្យនិងបុគ្គលិកទាំងអស់នៃមន្ទីរពេទ្យកុមារអង្គរ ពិតជាមានមោទនភាពបំផុត ដែលបានទទួលការឧបត្ថម្ភគាំទ្រនេះ ក្នុងការជួយលើកស្ទួយដល់វិស័យសុខាភិបាល ដើម្បីឲ្យសុខុមាលភាពកុមារកម្ពុជាឲ្យកាន់តែប្រសើរឡើង ព្រោះពួកគេគឺជាអនាគតដ៏រឹងមាំនៃប្រទេសកម្ពុជាយើង។ លោកបានបន្តថា ការចូលរួមប្រាក់ឧបត្ថម្ភសប្បុរសធម៌នេះ នឹងរួមចំណែកដល់មន្ទីរពេទ្យកុមារអង្គរ ក្នុងការបំពេញបេសកកម្មផ្តល់សេវាថែទាំសង្រ្គោះជីវិត សេវាវះកាត់ផ្សេងៗ និងសេវាស្តារនីតិសម្បទាដទៃផ្សេងទៀត សម្រាប់កុមារកម្ពុជាដែលកំពុងត្រូវការសេវាទាំងអស់នេះ។

បន្ទាប់ពីផ្តល់ប្រាក់សម្បុរធម៌ដល់មន្ទីរពេទ្យ តំណាងធនាគារ និងប្រតិភូធនាគារ បានចុះជួបសំណេះសំណាលជាមួយ មាតាបិតា អាណាព្យាបាល កុមារដែលមានជំងឺកំពុងសម្រាកព្យាបាលជំងឺនៅក្នុងមន្ទីរពេទ្យកុមារអង្គរ ព្រមទាំងបានឧបត្ថម្ភថវិកាមួយចំនួនដល់អ្នកជំងឺផងដែរ ៕

ដោយ៖ គឿន វេត

The post មន្ទីរពេទ្យកុមារអង្គរខេត្តសៀមរាប ទទួលបានថវិកាបរិច្ចាគ៣០លានរៀលពីធនាគារហត្ថា appeared first on Kampuchea Thmey Daily.

ថ្វីត្បិតថា សេដ្ឋកិច្ចពិភពលោកបាននិងកំពុងស្ថិតក្នុងស្ថានភាពមិនច្បាស់លាស់ ដោយមានបញ្ហាប្រឈមជាច្រើនយ៉ាងណាក្តី តែសម្រាប់វិស័យធនាគារ និងហិរញ្ញវត្ថុកម្ពុជា នៅតែអាចដំណើរការបានទៅដោយរលូន និងកាន់តែសកម្ម ក្នុងដំណើរការស្ដារឡើងវិញនូវសេដ្ឋកិច្ចកម្ពុជា បន្ទាប់ពីវិស័យនេះ បានរងផលប៉ះពាល់ដោយសារតែវិបត្តិកូវីដ-១៩។

នៅក្នុងចំណោមធនាគារជាច្រើន ធនាគារហត្ថា គឺជាចំណែកមួយជួយដល់ប្រជាពលរដ្ឋ ជាពិសេសប្រជាកសិករ ដែលមានតម្រូវការផ្នែកហិរញ្ញវត្ថុ យកទៅប្រើប្រាស់ក្នុងវិស័យកសិកម្ម។

ធនាគារ ហត្ថា គឺជាធនាគារមួយក្នុងចំណោមធនាគារឈានមុខផ្សេងទៀតនៅកម្ពុជា ដែលទទួលបានអាជ្ញាប័ណ្ណធ្វើប្រតិបត្តិការធនាគារពាណិជ្ជពីធនាគារជាតិនៃកម្ពុជា និងក្រសួងពាណិជ្ជកម្ម ចាប់ពីថ្ងៃទី ២៦ ខែ សីហា ឆ្នាំ ២០២០។

មុននឹងក្លាយជាធនាគារ, ហត្ថាគឺជាអង្គការមួយមានឈ្មោះថា ហត្ថាកសិករ ដែលផ្តោតទៅលើការផ្តល់ឥណទានសម្រាប់ប្រជាពលរដ្ឋ ជាពិសេសកសិករ ដែលចាប់ផ្តើមដំណើរការ នៅឆ្នាំ ១៩៩៦។

លោកឧកញ៉ា ហួត អៀងតុង ស្ថាបនិកនៃការបង្កើតអង្គការនេះ បានឱ្យដឹងថា ក្រោយពីដំណើរការអង្គការនេះមួយរយៈពេលមក នៅឆ្នាំ ២០០០ ធនាគារជាតិបានចេញសេចក្តីប្រកាសមួយថា គ្រប់ប្រតិបត្តិករឥណទានទាំងអស់ត្រូវតែមានអាជ្ញាបណ្ណចេញដោយធនាគារជាតិនៃកម្ពុជា។ ពេលនោះហើយ ដែលអង្គរការហត្ថាកសិករ បានប្រែក្លាយពីអង្គការក្រៅរដ្ឋាភិបាល ទៅជាក្រុមហ៊ុនទទួលខុសត្រូវមានកម្រិត ពោលគឺគ្រឹះស្ថានមីក្រូហិរញ្ញវត្ថុ ហត្ថាកសិករ នៅឆ្នាំ ២០០១។

លោកឧកញ៉ា ហួត អៀងតុង បានរំលឹកទៀតថា ដើមទុនដំបូងរបស់ធនាគារហត្ថា មានចំនួនតែ ៣ម៉ឺនដុល្លារប៉ុណ្ណោះ ក្រោយមកនៅឆ្នាំ ២០០១ បានកើនឡើងរហូតដល់ជាង ៥០ម៉ឺនដុល្លារ។ ការពង្រីកខ្លួនបន្តិចម្តងៗ រហូតដល់ឆ្នាំ ២០១០ បានបំលែងខ្លួនពីគ្រឹះស្ថានមីក្រូហិរញ្ញវត្ថុទៅជាគ្រឹះស្ថានទទួលប្រាក់បញ្ញើសន្សំ។ ហត្ថា បានក្លាយជាធនាគារនៅឆ្នាំ ២០២០ និងបានចងសម្ព័ន្ធមិត្តជាមួយធនាគារក្រុងស្រ៊ី នៅប្រទេសថៃ ដោយបច្ចុប្បន្នមានទុនកើនឡើងដល់ជាង ២ពាន់លានដុល្លារអាមេរិក។

បើតាមលោកឧកញ៉ា ហួត អៀងតុង ការអភិវឌ្ឍខ្លួនរីកចម្រើនជាបន្តបន្ទាប់របស់ធនាគារហត្ថានេះ កើតចេញកិច្ចសហការរវាងថ្នាក់ដឹកនាំក្រុមហ៊ុន និងបុគ្គលិកទាំងអស់ ដោយមានគោលការណ៍ស្មោះត្រង់ ម៉ឺងម៉ាត់ ច្បាស់លាស់ និងគោរពកិច្ចសន្យា។

​ប្រធានអគ្គនាយក​ធនាគារ ហត្ថា បានលើកឡើងថា អតិថិជនរបស់ធនាគារហត្ថា គឺជាកសិករមានប្រមាណ ៣០% ក្នុងចំណោមអតិថិជនសរុបជាងកន្លះលាននាក់។

សូមបញ្ជាក់ថា បច្ចុប្បន្ននេះ ធនាគារហត្ថា បានផ្តល់ការងារដល់បុគ្គលិកប្រមាណ ៦ពាន់នាក់ នៅទូទាំងប្រទេស៕

The post ដើមទុនដំបូង៣ម៉ឺនដុល្លារ ធនាគារហត្ថា ពង្រីកឡើងដល់ ២ពាន់លានដុល្លារនាពេលបច្ចុប្បន្ន appeared first on Kampuchea Thmey Daily.

ក្នុងសេចក្តីបំភ្លឺ មានខ្លឹមសារដូច្នេះថា«នាពេលថ្មីៗកន្លងមកនេះ ធនាគារហត្ថា បានសង្កេតឃើញថា មានបណ្តាញ​ទំនាក់ទំនងសង្គមមួយចំនួនបានផ្សាយព័ត៌មានប្រាសចាកពីការពិត ក្នុងន័យញុះញង់ ចោទប្រកាន់ និងបង្ហូចកេរ្តិ៍ឈ្មោះ ធនាគារហត្ថា ដោយបានចុះផ្សាយថា៖ មន្ត្រីធនាគារហត្ថា បានបង្ខំឱ្យអតិថិជនម្នាក់ ដែលបច្ចុប្បន្នកំពុងរស់​នៅក្នុងភូមិ​ពោធិ៍អណ្តែត សង្កាត់ព្រែកស្ដី ក្រុងសំពៅពូន ខេត្តកណ្តាល លក់ទ្រព្យសម្បត្តិ ដើម្បីយកលុយទៅសងធនាគារ។

ករណីនេះធនាគារហត្ថា បានធ្វើការបំភ្លឺ និងបញ្ជាក់ថា ពុំមានករណីដូចការចោទប្រកាន់ និងបង្កាច់ បង្អួច ខាងលើ​នោះឡើយ។ កន្លងមកមន្រ្តីធនាគារហត្ថា តែងតែប្រកាន់យ៉ាងខ្ជាប់ខ្ជួននូវដំណោះ ស្រាយប្រកប​ដោយភាពទន់ភ្លន់ មានក្រមសីលធម៌វិជ្ជាជីវៈខ្ពស់ និងមានការយោគយល់អធ្យាស្រ័យ យ៉ាងច្រើន​ជាមួយអតិថិជន​របស់ខ្លួន។

ធនាគារហត្ថា ប្រកាន់ខ្ជាប់ជានិច្ចវិជ្ជាជីវៈក្នុងការធ្វើអាជីវកម្ម និងជាគ្រឹះស្ថានដែលបម្រើសេវាហិរញ្ញវត្ថុ​ប្រកបដោយ​ភាពកក់ក្ដៅ តម្លាភាព និងសុក្រឹតភាព ដើម្បីការរីកចម្រើនរបស់សាធារណជនទូទៅ។ ធនាគារហត្ថា បាននិងកំពុង​អនុវត្តយ៉ាងពេលលេញនូវយន្តការ ច្បាប់តាមផ្លូវតុលាការ ស្របតាមច្បាប់ និងបទប្បញ្ញត្តិជាធរមាន ក្នុងករណីមាន​ការលក់ទ្រព្យសម្បត្តិសង បំណុល ចំពោះអតិថិជនណាដែលមានលទ្ធភាពសង តែពុំមានឆន្ទៈសង។

នៅក្នុងខ្លឹមសារដដែលនេះ ធនាគារហត្ថា ក៏បានអរគុណដល់អតិថិជន និងសាធារណជនទាំងអស់ ដែលតែងតែគាំទ្រ និងបន្តការគាំទ្រសេវាកម្មរបស់ ធនាគារហត្ថា កន្លងមកផងដែរ៕

The post ធនាគារហត្ថាបដិសេធការចុះផ្សាយថា មន្ត្រីធនាគារបង្ខំឱ្យអតិថិជនលក់ទ្រព្យសម្បត្តិ​ដើម្បីសងធនាគារ appeared first on Kampuchea Thmey Daily.

ជនជាប់ចោទដែលតុលាការកាត់ទោសនេះឈ្មោះ ស្រ៊ន់ សាវុធ ភេទប្រុស អាយុ៣៣ឆ្នាំ មានទីលំនៅមុនពេលចាប់ខ្លួន ផ្ទះសង់ថ្មី ផ្លូវBT ភូមិត្នោតជ្រុំ២ សង្កាត់បឹងទំពន់ ខណ្ឌមានជ័យ មានមុខរបរជាប្រធានផ្នែកត្រួតពិនិត្យប្រព័ន្ធប្រតិបត្តិការធនាគារហត្ថា ម.ក សាខាភ្នំពេញ ។

លោក ពេជ្រ វិជ្ជាធរ អនុប្រធានសាលាដំបូងរាជធានីភ្នំពេញ និងជាចៅក្រមជំនុំជំរះបានលើកឡើងថា លោក ស្រ៊ន់ សាវុធ ត្រូវបានចោទប្រកាន់ពីបទ «រំលោភលើទំនុកចិត្តពិសេស និងបទ លួចចូលទៅក្នុងប្រព័ន្ធប្រព្រឹត្តកម្មស្វ័យប្រវត្ថ ទិន្ន័យ និងសម្អាតប្រាក់ ប្រព្រឹត្តកាលពី១៩ ខែកញ្ញា ឆ្នាំ២០២២ នៅរាជធានីភ្នំពេញ។

ប្រឈមមុខការចោទប្រកាន់របស់តុលាការបែបនេះ ជនជាប់ចោទបានសារភាពថា ខ្លួនបានចូលបំរើការនៅធនាគារហត្ថា.ម.ក តាំងពីឆ្នាំ២០១១ នៅការិយាល័យកណ្ដាល ដោយមានតួនាទីជាប្រធានផ្នែកត្រួតពិនិត្យប្រព័ន្ធប្រតិបត្តិការទូទៅរបស់អតិថិន។ ក្រោយមកដោយសារខ្លួនញៀនលេងល្បែងសុីសងតាមអនឡាញអស់ប្រាក់របស់ខ្លួនផ្ទាល់ក៏បែកគំនិត្យលួចចូលទៅក្នុងប្រព័ន្ធទិន្ន័យរបស់អតិថិជនមួយចំនួនលួចដកប្រាក់ និងបង្វែរប្រាក់ចេញពីអាខោនអិតិជនអោយចូលមកក្នុងអាខោន ABA របស់ខ្លួនអស់ប្រាក់ប្រមាណជា ៦៥៥ ៤៧៥ ដុល្លារ ដោយមិនអោយថ្នាក់ដឹកនាំធនាគារដឹងឡើយ រហូតដល់ថ្ងៃទី១៩ ខែកញ្ញា ឆ្នាំ២០២២ ទើបថ្នាក់ដឹកនាំដឹងក៏ប្ដឹងសមត្ថកិច្ចអាវុធហត្ថចាប់ខ្លួនតែម្ដង។

ក្នុងរឿងក្ដីនេះ ដោយសារជនជាប់ចោទបានសារភាពយ៉ាងក្បោះក្បាយពីទង្វើរបស់ខ្លួនដូច្នេះ តំណាងអយ្យការបានសម្រេច​តម្កល់ទុកបទចោទប្រកាន់អោយនៅដដែល ហើយសំណូមពរអោយចៅក្រមតុលាការផ្ដន្ទាទោសតាមច្បាប់។ ចៅក្រមជំនុំជំរះបានកំណត់យកថ្ងៃទី០២/០៨/២០២៣ ខាងមុខដើម្បីប្រកាសសាលក្រម៕

អត្ថបទ៖ មករា

The post កាត់ទោសមន្ត្រីធនាគារហត្ថាដែលលួចដកប្រាក់អតិថិជនជាង៦០មុឺនដុល្លារ appeared first on Kampuchea Thmey Daily.

លោកឈួន សុខា នាយកតំបន់ធនាគារ ហត្ថា ខេត្តសៀមរាប បាន មាន ប្រសាសន៍ប្រាប់កម្ពុជាថ្មីយើងថា ការចូលរួមបរិច្ចាគឈាមរបស់ បុគ្គលិក ធនាគារ ហត្ថា ក្នុងកម្មវិធីថ្ងៃនេះគឺជាសកម្មភាពមនុស្សធម៌​ដ៏មានសារៈសំខាន់មួយ ដែលពិតជាមានតម្លៃក្រៃលែងក្នុងការជួយសង្គ្រោះជីវិតមនុស្ស។ ការងារសង្គមនៅថ្ងៃនេះ  ជាសកម្មភាពមួយបន្ថែមទៀត ដែលបានបង្ហាញកាន់តែច្បាស់អំពីការយកចិត្តទុកដាក់ របស់ធនាគារ ហត្ថា ក្នុងការចូលរួមចំណែកលើកស្ទួយសុខមាលភាពសង្គមកម្ពុជាឱ្យកាន់តែប្រសើរឡើង។ សូមបញ្ជាក់ថា នាខែឧសភា ក្នុងឆ្នាំនេះ ដោយមានការសហការពីមជ្ឍមណ្ឌលជាតិផ្តល់ឈាមភ្នំពេញ ធនាគារ ហត្ថា បានប្រារព្ធកម្មវិធីបរិច្ចាគឈាម ម្តងរួមមកហើយនៅរាជធានីភ្នំពេញ ដែលមានបុគ្គលិកការិយាល័យកណ្តាល ធនាគារ ហត្ថា ស្ម័គ្រចិត្តបរិច្ចាគ​ឈាមចំនួន ១0៨នាក់ និងទទួលបានឈាមចំនួន ៧៤ ប្លោក សម្រាប់គាំទ្រដល់មជ្ឍមណ្ឌល​ជាតិផ្តល់ឈាម។” លោកបន្តថា “ធនាគារ ហត្ថា គឺតែងតែចូលរួមយ៉ាងសកម្មក្នុងសកម្មភាពសង្គម ទាំងវិស័យសុខាភិបាល វិស័យអប់រំ និងការងារមនុស្សធម៌នានាជាច្រើនរួមមាន៖ សាងសង់អគារ និងឧបត្តម្ភគ្រែពេទ្យជូនមន្ទីរពេទ្យ សាងសង់អាគារសិក្សា ចូលរួមរៃអង្គាសថវិកាជូនមន្ទីរពេទ្យកុមារអង្គរ ផ្តល់សម្ភារសិក្សាជូនសិស្សសាលា ផ្តល់អណ្តូងទឹក បង្រៀនអតិថិជន និងសិស្សានុសិស្សអំពីចំណេះដឹងហរិញវត្ថុ ដាំដើមឈើ សម្អាតអនាម័យតាមដងផ្លូវ ជួសជុលផ្លូវ ឧបត្តម្ភប្រាក់ជូន​ធនាគារជាតិ​ដើម្បីគាំទ្រការងារសង្គម ព្រមទាំងចូលរួមឧបត្តម្ភជាមួយរាជរដ្ឋាភិបាលដើម្បីទិញវ៉ាក់សាំង​ការពារជំងឺកូវីដ១​៩​ជាដើម។  ជាថ្មីម្តងទៀតតាមរយៈកម្មវិធី “បរិច្ចាគឈាម សង្គ្រោះជីវីត ពិតជួយសង្គមជាតិ” នាថ្ងៃនេះ គឺជាការចូលរួម បន្ថែមទៀតរបស់ ធនាគារ ហត្ថា ក្នុងការរួមចំណែកលើកស្ទួយ និងលើកកម្ពស់សុខមាលភាពសង្គម។”

លោកជឿជាក់ថា សកម្មភាពថ្ងៃនេះ នឹងក្លាយជាគំរូដ៏ល្អមួយ ក្នុងការផ្សព្វផ្សាយឱ្យកាន់តែទូលំទូលាយ អំពីអត្ថប្រយោជន៍​នៃការបរិច្ចាគឈាម ព្រមទាំងលើកទឹកចិត្តទៅកាន់បុគ្គលិកផ្សេងទៀត ក៏ដូចជាសាធារណជននានា ឱ្យធ្វើការបរិច្ចាគឈាម ដោយស្ម័គ្រចិត្តបន្ថែមទៀត ដើម្បីចូលរួមផ្តល់ក្តីសង្ឈឹមដល់អ្នកជំងឺដែលត្រូវការឈាមជាចាំបាច់។

អត្ថបទ៖ គឿន វេត

The post បុគ្គលិកធនាគារ ហត្ថា សាខាជុំវិញ​ខេត្តសៀមរាប ជាង ១០០នាក់ស្ម័គ្រចិត្ត​បរិច្ចឈាម ក្រោមប្រធានបទបរិច្ចាគឈាម សង្រ្គោះជីវិត ពិតជួយសង្គមជាតិ appeared first on Kampuchea Thmey Daily.

​លោក​ឧ​ញ៉ា ហួត អៀង​តុង ប្រធាន​អគ្គនាយក ធនាគារ ហត្ថា បាន​មានប្រសាសន៍ថា​៖ “​ធនាគារ ហត្ថា បាន​យល់​យ៉ាងច្បាស់​អំពី​តម្រូវការ​របស់​អតិថិជន ជាពិសេស​តម្រូវការ​សេវាកម្ម​ធនាគារ​តាមបែប​ឌីជីថល ដូចនេះ​បានជា​ធនាគារ​វិនិយោគ​នូវ​ទឹកប្រាក់​យ៉ាងច្រើន​សន្ធឹកសន្ធាប់ ដើម្បី​បង្កើត និង​ដាក់ឲ្យ​ប្រើប្រាស់ Hattha Smart Banking នៅថ្ងៃនេះ។ យើង​ជឿជាក់ថា Hattha Smart Banking ពិតជា​អាចជួយ​សម្រួល​ដល់​ការធ្វើ​ប្រតិ​ប​តិ្ត​ការ​ហិរញ្ញវត្ថុ​របស់​អតិថិជន​ឱ្យ​កាន់​តែមាន​ភាពងាយស្រួល ចំណេញ​ពេលវេលា ជាពិសេស​ជា​ផ្នែក​មួយ​ដ៏​សំខាន់​សម្រាប់​ការរស់នៅ និង​ការប្រកប​អាជីវកម្ម​តាមបែប​គន្លង​ប្រក្រតីភាព​ថ្មី ក្នុង​បរិបទ​នៃ​ជំងឺ​កូ​វីដ​១៩”​។ លោក​បាន​បន្ថែមទៀតថា​៖ “​ជា​ជំហាន​ដំបូង យើង​ដាក់ឲ្យ​ប្រើប្រាស់​នៅ​សាខា​ចំការមន​នេះ​មួយ​សិន ហើយ​ក្នុងពេល​ឆាប់ៗ​ខាងមុខនេះ Hattha Smart Banking នឹងត្រូវ​ដាក់ឱ្យ​ប្រើប្រាស់​ជាច្រើន​កន្លែង​ផ្សេងទៀត​ក្នុង​ក្រុងភ្នំពេញ និង​បណ្តា​ខេត្ត​ធំៗ​មួយចំនួនទៀត​។​”

​លោក នួន វីរៈដា​រ៉ា អគ្គនាយក​ឌីជីថល ធនាគារ ហត្ថា បាន​មានប្រសាសន៍ថា​៖ “​ជាមួយ Hattha Smart Banking អតិថិជន​អាចធ្វើ​ប្រតិបត្តិការ​ហិរញ្ញវត្ថុ​យ៉ាង​សម្បូរបែប ២៤/៧ បាន​យ៉ាង​ងាយស្រួល មិន​អស់​កម្រៃ​សេវា និង​មាន​សុវត្ថិភាព​ខ្ពស់​។ សេវា​ហិរញ្ញវត្ថុ​ទាំងនោះ​រួមមាន បើក​គណនី​បញ្ញើ​សន្សំ បើក​គណនី​បញ្ញើ​មាន​កាលកំណត់ ដាក់​/​ដក​ប្រាក់ ផ្ទេរប្រាក់​ក្នុង​និង​ឆ្លង​ធនាគារ បង់​វិ​ក័យ​ប​ត្រ​គ្រប់​ប្រភេទ ជាដើម​។​ល​។​”

​ក្នុងឱកាស​នេះ​ផងដែរ ដើម្បី​អបអរសាទរ​នូវ​សមិទ្ធផល​ថ្មី​មួយទៀត​ក្នុងការ​ដាក់ឱ្យ​ប្រើប្រាស់​នូ​វ Hattha Smart Banking បាន​ដោយ​ជោគជ័យ ធនាគារ ហត្ថា ក៏បាន​រៀបចំ​ស្តង់​ប្រូ​មូ​សិន​នៅមុខ​ការិយាល័យ​សាខា​ចំការមន​រយៈពេល ៣ ថ្ងៃ ចាប់ពី​ថ្ងៃទី​២៨ រហូតដល់ ថ្ងៃទី​ ៣០ ខែមេសា ឆ្នាំ​២០២២ ក្នុង​គោលបំណង​ផ្តល់នូវ​ព័ត៌មាន​ផ្សេងៗ​ទាក់ទង​ទៅនឹង​សេវា​ហិរញ្ញវត្ថុ និង​ផ្តល់នូវ​រង្វាន់​ភ្លាមៗ​ជាច្រើន​ដល់​អតិថិជន​ចូលរួម​កម្មវិធី​រួមមាន​៖ iiWatch AirPods ឆ​ត្រ ថង់​បរិស្ថាន និង​វត្ថុ​អនុស្សាវរីយ៍ ជាច្រើន​ទៀត​។ ដើម្បី​ជ្រាប​ព័ត៌មាន​កាន់តែច្បាស់​សូម​ទំនាក់ទំនង ១៨០០ ២១២ ២២២ (​ឥតគិតថ្លៃ​) ឬ ០២៣ ៩៩៩ ២៦៦​។

​អំពី​ធនាគារ ហត្ថា

​ធនាគារ ហត្ថា បាន​កម្លា​យ​ខ្លួន​ជា​ផ្លូវការ​ពី គ្រឹះស្ថាន​មីក្រូហិរញ្ញវត្ថុ​ហត្ថា កសិករ លីមីត​ធី​ត មកជា​ធនាគារពាណិជ្ជ នៅ​ខែសីហា ឆ្នាំ ​២០២០ បន្ទាប់ពី​បានផ្តល់​សេវា​ហិរញ្ញវត្ថុ​ក្នុងប្រទេស​កម្ពុ​ជាជាង ២៧​ឆ្នាំ​។ គិត​ត្រឹម ​ខែ​មិនា ឆ្នាំ ​២០២១ ធនាគារ ហត្ថា មាន​ការិយាល័យ​សាខា​សរុប​ចំនួន ១៧៧ ម៉ាស៊ីន​អេ​ធី​អឹម​ចំនួន ១៣៧ ហើយ​មាន​អតិថិជន​បាន​បើក​គណនី​សរុប​ជាង ៥០០,០០០​គណនី ជាមួយ​ផលប័ត្រ​ឥណទាន​សរុប​ជិត ១,៩០០​ លាន​ដុល្លារ​អាមេរិក និង​ប្រាក់​បញ្ញើ​សន្សំ​សរុប​ជិត ១,២០០​ លាន​ដុល្លារ​អាមេរិក​។ ចំណែកឯ​អតិថិជន​ដែល​កំពុង​ប្រើប្រាស់​កាត​អេ​ធី​អឹម​របស់​ធនាគារ ហត្ថា មាន​សរុប​ជិត ៨០,០០០​ អ្នក និង​មាន​អតិថិជន​ប្រើប្រាស់​សេវា Hattha Mobile មាន​សរុប​ជំ​នួន​ជាង ៩០,០០០ ​នាក់​។ ជាមួយនឹង​ការផ្តល់សេវា​ហិរញ្ញវត្ថុ​យ៉ាងច្រើន​សម្បូរបែប​ដល់​អ​តិ​ថិ​ជន​ដូចជា​៖ សេវា​ឥណទាន សេវា​ប្រាក់​បញ្ញើ​សន្សំ សេវា​ផ្ទេរប្រាក់​ក្នុងស្រុក សេវា​ផ្ទេរប្រាក់​ឆ្លង​ធនាគារ​ក្នុងស្រុក សេវា​អេ​ធី​អឹម សេវា​ធនាគារ​ចល័ត សេវា​បើកប្រាក់​បៀវត្ស ព្រមទាំង​ជា​ភ្នាក់ងារ​ណែនាំ​លក់​សេវា​ធានារ៉ាប់រង និង​សេវា​ហិរញ្ញវត្ថុ​ជាច្រើន​ផ្សេងទៀត​។

​ធនាគារ ហត្ថា គឺជា​បុត្រ​សម្ព័ន្ធ​របស់​ធនាគារ​ក្រុង​ស្រ៊ី ដែលជា​ធនាគារពាណិជ្ជ​ធំជាងគេ​លំដាប់​ទី ៥ នៅ​ព្រះរាជាណាចក្រ​ថៃឡង់​ដ៏ និង​ជា​សមាជិក​របស់​សម្ព័ន្ធ​ហិរញ្ញវត្ថុ​អន្តរជាតិ Mitsubishi UFJ Financial Group (MUFG) ដែលជា​សម្ព័ន្ធ​ហិរញ្ញវត្ថុ​ធំជាងគេ​បំផុត​នៅ​ប្រទេស​ជប៉ុន ព្រមទាំង​ជា​សម្ព័ន្ធ​សេវា​ហិរញ្ញវត្ថុ​ដ៏​ធំ​មួយ​ក្នុងចំណោម​សម្ព័ន្ធ​ហិរញ្ញវត្ថុ​ធំជាងគេ​លើ​សកលលោក​៕​

​

The post ធនាគារ ហត្ថា ដាក់ឱ្យដំណើរការជាផ្លូវការនូវ Hattha Smart Banking ដើម្បីបន្តផ្តល់នូវសេវាហិរញ្ញវត្ថុយ៉ាងសម្បូរបែប និងទាន់សម័យ appeared first on Kampuchea Thmey Daily.

​កិច្ចសហប្រតិបត្តិការ​នេះ ​គឺ​ស្របតាម​យុទ្ធសាស្ត្រ​ប៊េ​ង​កា​សួ​រេ​ន​របស់​ក្រុមហ៊ុន ខេ​ម​ឡៃ​ហ្វ និង ធនាគារ ហត្ថា ដើម្បី​បង្កើន​ការយល់ដឹង​ដល់​ប្រជាជន​កម្ពុជា​ឱ្យ​យល់ច្បាស់​អំពី​អត្ថប្រយោជន៍​នៃ​ការប្រើប្រាស់​សេវាកម្ម​ធានារ៉ាប់រង​ចំពោះ សុវត្ថិភាព​ហិរញ្ញវត្ថុ សុខភាព និង​សុខុមាលភាព​។ ភាពជា​ដៃគូ​នេះ អនុញ្ញាតឱ្យ​ទីប្រឹក្សា​ធានារ៉ាប់រង​ប្រកបដោយ​វិជ្ជាជីវៈ​របស់​ក្រុមហ៊ុន ខេ​ម​ឡៃ​ហ្វ ផ្តល់ជូន​ការប្រឹក្សា ការណែនាំ​នូវ​ដំណោះស្រាយ និង​កិច្ចការពារ​ហិរញ្ញវត្ថុ​ប្រកបដោយ​គុណភាព និង​ប្រសិទ្ធភាព​ជូន​ដល់​អតិថិជន​។​

​លោក Johnson Chai អគ្គនាយក​ក្រុមហ៊ុន ខេ​ម​ឡៃ​ហ្វ មានប្រសាសន៍ថា “​យើង​មាន​សេចក្ដីសោមនស្ស​រីករាយ​ក្រៃលែង​ដែល​ក្លាយជា​ដៃគូ​យុទ្ធសាស្ត្រ​ធានារ៉ាប់រង​ថ្មី​របស់ ធនាគារ ហត្ថា​។ យើង​មានការ​ប្តេជ្ញាចិត្ត​ក្នុង​ការបន្ត​អភិវឌ្ឍ​ផលិតផល​ធានារ៉ាប់រង​ខ្នាតតូច​បន្ថែមទៀត ​ដើម្បី​បំពេញ​សេចក្តីត្រូវការ​របស់​អតិថិជន​ធនាគារ​ ដែលមាន​ចំណូល​ទាប និង​មធ្យម​ក្នុង​គោលបំណង​ ដើម្បីឱ្យ​ពួកគាត់​រស់នៅ​ប្រកបដោយ​សុខុមាលភាព​ល្អប្រសើរ​ជាមួយនឹង​សុវត្ថិភាព​ហិរញ្ញវត្ថុ និង​ភាពកក់ក្តៅ​ក្នុង​ចិត្ត​ដោយ​ដឹងថា​ ក្រុមហ៊ុន ខេ​ម​ឡៃ​ហ្វ តែងតែ​ការ​ពារ​ពួកគាត់​គ្រប់ពេលវេលា​។ ដើម្បី​បំពេញ​តាម​ការសន្យា​របស់​យើង​ក្នុង​ការចូលរួម​ជំរុញឱ្យមាន​ភាព​រីកចម្រើន​ក្នុង​វិស័យ​ធានារ៉ាប់រង ធនាគារ ហត្ថា និង​ក្រុមហ៊ុន ខេ​ម​ឡៃ​ហ្វ​នឹង​សហការគ្នា​ឱ្យ​អស់ពី​លទ្ធភាព​ក្នុងការ​ស្វែងយល់​ឱ្យ​ច្បាស់​អំពី​តម្រូវការ​របស់​អតិថិជន​ ដើម្បី​ធ្វើការ​បម្រើសេវា​ឱ្យបាន​ចំ​គោលដៅ​កាន់​តែមាន​ប្រសិទ្ធភាព និង​បង្កើន​ភាពសម្បូរ​បែប​នៃ​បណ្តាញ​ចែកចាយ​ក៏ដូចជា​បង្កើន​ចំនួន​អតិថិជន​សម្រាប់​ស្ថាប័ន​របស់​យើង​”​។

​លោក​ឧកញ៉ា ហ៊ួ​ត អៀង​តុង ប្រធាន​អគ្គនាយក ធនាគារ ហត្ថា មានប្រសាសន៍ថា “«​បន្ទាប់ពី​បាន​បម្រើសេវា​ហិរញ្ញវត្ថុ​នៅ​កម្ពុជា​អស់​រយៈកាល ៣​ ទសវត្ស​កន្លងមក ធនាគារ ហត្ថា សម្រេចបាន​នូវ​នូវ​សមិទ្ធផល​យ៉ាង​ល្អ​គាប់​ជាច្រើន​ ក្នុងនោះ​រាប់បញ្ចូល​ទាំង​ភាពងាយស្រួល​ការប្រើប្រាស់​សេវា​ឌីជីថល និង​ការ​បម្រើសេវា​ដោយផ្ទាល់​ពី​បុគ្គលិក​របស់​យើង​យ៉ាង​ទូលំទូលាយ​ទូទាំងប្រទេស​តាមរយៈ​សាខា​ទាំង ​១៧៧ ការផ្តល់ជូន​នូវ​អត្រា​ការប្រាក់​ដែលមាន​ប្រកួតប្រជែង​ខ្ពស់​លើ​ទីផ្សារ និង​ការផ្តល់ជូន​សេវា​ហិរញ្ញវត្ថុ​ដែល​ប្រកបដោយ​ទំនុកចិត្ត​ខ្ពស់​។ នៅថ្ងៃនេះ យើង​នឹង​ពាំ​នាំនូវ​ការផ្តល់ជូន​ថ្មី​បន្ថែមទៀត​ សម្រាប់​អតិថិជន​របស់​យើង​ក្នុងការ​ទទួលបាន​នូវ​ជម្រើស​កាន់តែ​ប្រសើរ និង​កក់ក្តៅ​ក្នុងការ​ប្រើប្រាស់​សេវា​ហិរញ្ញវត្ថុ​តាមរយៈ ធនាគារ ហត្ថា និង​ខេ​ម​ឡៃ​ហ្វ​។ លោក​បាន​បន្ថែមថា ការប្រើប្រាស់​សេវា​ធានារ៉ាប់រង​គឺ​ត្រូវបាន​លើកទឹកចិត្ត​យ៉ាង​ទូលំទូលាយ​ពី​សំណាក់​អ្នកជំនាញ​ក្នុងការ​ទទួលបាន​នូវ​ការការពារ និង​ធានាបាន​នូវ​ភាពជោគជ័យ​ប្រកបដោយ​ស្ថិរភាព​គ្រប់​កាលៈទេសៈ​យ៉ាង​ល្អប្រសើរ​ទាំង​នៅក្នុង​អាជីវកម្ម និង​ក្នុង​ជីវភាព​រស់នៅ​ប្រចាំថ្ងៃ​របស់​គ្រប់​ក្រុមគ្រួសារ​”​។

​ដើម្បី​អបអរសាទរ​ភាពជា​ដៃគូ​អាជីវ​កម្មនេះ សម្រាប់​អតិថិជន​របស់ ធនាគារ ហត្ថា ទាំងអស់​ដែល​បាន​ប្រើប្រាស់​សេវា​ធានារ៉ាប់រង​របស់​ក្រុមហ៊ុន ខេ​ម​ឡៃ​ហ្វ ចាប់ពី​ថ្ងៃទី​ ២៨ ខែមីនា ឆ្នាំ​ ២០២២ រហូតដល់​ថ្ងៃទី​ ៣១ ខែឧសភា ឆ្នាំ​ ២០២២ នឹង​ទទួលបាន​ការបញ្ចុះតម្លៃពិសេស ១២% ភ្លាមៗ​។

​សូម​ទំនាក់ទំនង​ក្រុមការងារ​យើងខ្ញុំ​សម្រាប់​ព័ត៌មាន​បន្ថែម និង​ទទួលយក​ការផ្តល់ជូន​ពិសេស​នេះ​ទាំងអស់គ្នា​!

​អំពី​ក្រុមហ៊ុន​ធានារ៉ាប់រង​អាយុជីវិត​ខ្នាតតូច​កម្ពុជា “​ខេ​ម​ឡៃ​ហ្វ​” ម​.​ក

​ក្រុមហ៊ុន​ធានារ៉ាប់រង​អាយុជីវិត​ខ្នាតតូច​កម្ពុជា “​ខេ​ម​ឡៃ​ហ្វ​” ម​.​ក គឺជា​ក្រុមហ៊ុន​ធានារ៉ាប់រង​អាយុជីវិត ដំបូង​បំផុត​ដែល​បាន​បើក​ដំណើរការ​ក្នុង​ព្រះរាជាណាចក្រ​កម្ពុជា​។ ក្នុង​ឆ្នាំ ២០១៥ ក្រុមហ៊ុន​រ៉ូយ៉ាល់​គ្រុប ដែល​គ្រប់គ្រង​ដោយ អ្នកឧកញ៉ា គិត ម៉េង បាន​ទិញ​ភាគហ៊ុន ១០០% ពី​ក្រសួង​សេដ្ឋកិច្ច​និង​ហិរញ្ញវត្ថុ បច្ចុប្បន្ននេះ ខេ​ម​ឡៃ​ហ្វ​មិន​ត្រឹមតែ​ជា​ក្រុមហ៊ុន​ធានារ៉ាប់រង​អាយុជីវិត​ទី​ ១ ដែល​ចាប់ផ្ដើម​ដំណើរការ​របស់ខ្លួន​ក្នុង​ព្រះរាជាណាចក្រ​កម្ពុជា​តែប៉ុណ្ណោះ​ទេ ថែមទាំង​ជា​ក្រុមហ៊ុន​ដែល​ត្រូវបាន​គ្រប់គ្រង និង ដំណើរការ ១០០% ដោយ​ប្រជាជន​កម្ពុជា​មួយរូប​។ ក្រុមហ៊ុន​ជឿជាក់ថា​នេះ​ គឺជា​អ្វីដែល​ប្រជាជន​កម្ពុជា​ទាំងអស់​អាច​នឹងមាន​មោទកភាព​។​

​លេខ​ទូរស័ព្ទ​៖ ០៦១ ៤៣ ១១១១ ឬ ទំព័រ​ហ្វេ​ស​ប៊ុ​ក​៖ CamlifeClub

​អំពី​ធនាគារ ហត្ថា ម​.​ក​

​ធនាគារ ហត្ថា ម​.​ក គឺជា​ធនាគារ​មួយ​ក្នុងចំណោម​ធនាគារ​ឈានមុខ​ផ្សេងទៀត​នៅ​កម្ពុជា ដែល​ទទួលបាន​អាជ្ញាប័ណ្ណ​ធ្វើ​ប្រតិបត្តិការ​ធនាគារពាណិជ្ជ​ពី ធនាគារជាតិ​នៃ​កម្ពុជា និង​ក្រសួងពាណិជ្ជកម្ម ចាប់ពី​ថ្ងៃទី ២៦ ខែ សីហា ឆ្នាំ ២០២០​។ ជាមួយ​បទពិសោធន៍​ក្នុងការ​បម្រើសេវា​ហិរញ្ញវត្ថុ​ទៅកាន់​ប្រជាជន​កម្ពុជា​អស់​រយៈពេល​ជិត ៣០​ឆ្នាំ ក្រោយ​ការផ្លាស់ប្តូរ​មុខមាត់​ថ្មី​របស់ខ្លួន ធនាគារ ហត្ថា បាន​កែលម្អ និង​ដាក់ឱ្យ​ប្រើប្រាស់​បន្ថែម​នូវ​សេវាកម្ម​ហិរញ្ញវត្ថុ​ជាច្រើន​ផ្សេងទៀត​ក្នុងនោះ​មានដូចជា​៖ ការផ្ទេរ​ប្រាក់​ឆ្លង​ប្រទេស​ទៅកាន់​ប្រទេស​ថៃ​តាមរយៈ Hattha Mobile និង​សាខា​នានា​ទូទាំងប្រទេស សេវា​ទូទាត់​តាម QR Code របស់ Hattha Mobile នៅ​ប្រទេស​ថៃ ការដាក់ឱ្យ​ប្រើប្រាស់ Hattha Smart Banking និង​បានធ្វើការ​យ៉ាង​ជិតស្និទ្ធ​ជាមួយ​ធនាគារជាតិ​នៃ​កម្ពុជា ដើម្បី​បើក​ដំណើរការ​ផ្ទេរប្រាក់​ឆ្លង​ធនាគារ (​ប្រព័ន្ធ​បាគង​) បាន​គ្រប់​ទីកន្លែង គ្រប់ពេលវេលា (24/7) កាន់តែ​ងាយស្រួល និង​លឿន​ជាង​មុន ដោយ​មិនចាំបាច់​ទៅ​សាខា​ធនាគា​ដោយផ្ទាល់ និង​សេវា​ហិរញ្ញវត្ថុ​ជាច្រើន​ផ្សេងទៀត បន្ថែម​លើ​សេវា​ដែលមាន​ស្រាប់​ដូចជា​៖ សេវា​ឥណទាន សេវា​ប្រាក់​បញ្ញើ​សន្សំ សេវា​ផ្ទេរប្រាក់​ក្នុងស្រុក សេវា​អេ​ធី​អឹម សេវា​បើកប្រាក់​បៀវត្ស និង​ជា​អ្នក​ណែនាំ​លក់​សេវា​ធានារ៉ាប់រង​ផងដែរ​។​

​លេខ​ទូរស័ព្ទ​៖ ១៨០០ ២១២ ២២២ (​ឥតគិតថ្លៃ​)/ ០២៣ ៩៩៩ ២៦៦

​

The post កិច្ចសហប្រតិបត្តិការរវាងក្រុមហ៊ុន ខេមឡៃហ្វ និងធនាគារ ហត្ថា ក្នុងការចូលរួមលើកកម្ពស់កិច្ចការពារហិរញ្ញវត្ថុដល់អតិថិជន appeared first on Kampuchea Thmey Daily.