ការចេញមកបញ្ជាក់នាពេលនេះ ធ្វើឡើងក្រោយពីបុគ្គលឈ្មោះ ស៊ិន សុភា អតីតមន្ត្រីការិយាល័យនគរបាលចរាចរណ៍ នៃស្នងការដ្ឋាននគរបាលរាជធានីភ្នំពេញ កាលពីពេលថ្មីៗនេះ បានបង្ហោះសារនៅលើបណ្ដាញសង្គមរបស់ខ្លួនរៀបរាប់ពីការឈឺចាប់ និងការរងគ្រោះដោយសារអ្វីដែលលោកហៅថា “របាយការណ៍ភូតកុហក” និង “បក្ខពួកនិយម” នៅក្នុងអង្គភាព។ លោក ស៊ិន សុភា ក៏បានសម្តែងនូវការមិនសុខចិត្តយ៉ាងខ្លាំង ចំពោះសេចក្តីសម្រេចបណ្តេញលោកចេញពីការងារ។

នៅក្នុងសំណេររបស់លោក ស៊ិន សុភា អតីតមន្ត្រីការិយាល័យនគរបាលចរាចរណ៍ នៃស្នងការដ្ឋាននគរបាលរាជធានីភ្នំពេញ ក៏បានស្នើទៅ​ លោក ស​ សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ និងនាយឧត្តមសេនីយ៍ ស ថេត អគ្គស្នងការដ្ឋាននគរបាលជាតិឲ្យជួយរកយុត្តិធម៌ជូនលោកផង ហើយក៏ស្នើសុំឲ្យអធិការកិច្ច​ ក្រសួង​មហាផ្ទៃ​ ចុះស៊ើបអង្កេត​រឿងរបស់លោកឡើងវិញ។

តាមការបំភ្លឺរបស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញបានឲ្យដឹងថា ឈ្មោះ ស៊ិន សុភា អតីតមន្ត្រីការិយាល័យនគរបាលចរាចរណ៍ ដែលក្នុងពេលបម្រើការងារជាមន្រ្តីនគរបាលអនុវត្តច្បាប់ចរាចរណ៍ផ្លូវគោក បានសាងកំហុសឆ្គងជាបន្តបន្ទាប់បង្កប៉ះពាល់កិត្តិយសសេចក្តីថ្លៃថ្នូរនគរបាលជាតិ និងធ្វើឲ្យប៉ះពាល់ផលប្រយោជន៍ប្រជាពលរដ្ឋ ស្លូតត្រង់ ដែលកន្លងមក ស្នងការដ្ឋាននគរបាលរាជធានីភ្នំពេញ ផ្តល់ឱកាសឲ្យឈ្មោះ ស៊ិន សុភា កែប្រែកំហុសឆ្គងនៅការិយាល័យបុគ្គលិកជាច្រើនដង តែឈ្មោះ ស៊ិន សុភា មិនព្រមកែខ្លួនហើយនៅតែបន្តកសាងកំហុសឆ្គង។

ស្នងការដ្ឋាននគរបាលរាជធានីភ្នំពេញ ក៏បញ្ជាក់ថា កាលពីអំឡុងឆ្នាំ២០២១: ឈ្មោះ ស៊ិន សុភា កន្លងមកធ្លាប់ល្មើសបទវិន័យនគរបាលជាតិកម្ពុជា ដោយបានប្រើប្រាស់ឯកសណ្ឋាន សញ្ញាស័ក្ដិ បង្ហោះជាវីដេអូចម្រៀងនៅលើបណ្ដាញសង្គមហ្វេសប៊ុក និងTik Tok ដើម្បីផលប្រយោជន៍ផ្ទាល់ខ្លួន ដែលនាំឲ្យប៉ះពាល់កិត្តិយស សេចក្ដីថ្លៃថ្នូរ របស់កងកម្លាំងនគរបាលជាតិ ហើយត្រូវបានអគ្គស្នងការដ្ឋាននគរបាលជាតិ អនុវត្តទណ្ឌកម្មខាងវិន័យក្រោមរូបភាព បន្ថយឋានន្តរស័ក្ដិចំនួន១ថ្នាក់។

កាលពីអំឡុងខែកុម្ភៈ ឆ្នាំ២០២៤: ឈ្មោះ ស៊ិន សុភា យកជនស៊ីវិលឲ្យចុះអនុវត្តការងារជំនាញនៅគោលដៅរបស់ខ្លួនគ្រប់គ្រង រៀបចំឲ្យឈ្មោះ យឹម សុផាណា ផ្ទេរប្រាក់ផាកពិន័យក្លែងក្លាយទំលាក់កំហុសឲ្យមន្ត្រីនគរបាលចរាចរណ៍នៅគោលដៅស្តុបក្ដាន់ពីរ និងផ្ដើមគំនិតបង្កើតផេកក្លែងក្លាយឈ្មោះ គង់ ម៉ូលីកា បង្ហោះផ្សព្វផ្សាយព័ត៌មានមិនពិត និងដាក់កំហុសលើមន្ត្រីនគរបាលចរាចរណ៍ នៅគោលដៅស្តុបក្តាន់ពីរ ថាមានភាពអសកម្ម ដែលខ្លួនបានរៀបចំ ដែលធ្វើឲ្យសាធារណៈមតិរិៈគន់ស្ថាប័ននគរបាលជាតិ។

កាលពីថ្ងៃទី២៨ ខែធ្នូ ឆ្នាំ២០២៤: ឈ្មោះ ស៊ិន សុភា ឃាត់រថយន្ត១គ្រឿង ល្មើសភ្លើង សញ្ញាចរាចរណ៍ មិនមានបណ្ណបើកបរនៅចំណុចស្តុបអូរបែកក្អម បុគ្គលរូបនេះ បានប្រើប្រាស់ វិធានការស្របច្បាប់គំរាមទារប្រាក់ ដោយយកតួនាទីសិទ្ធអំណាចគាបសង្កត់ដើម្បីផលប្រយោជន៍។ ចាត់ចែងបញ្ជាឲ្យមន្ត្រីនាំរថយន្តចេញពីគោលដៅ ដើម្បីបិទបាំងពីមហាជន និងមានភាពងាយស្រួលដល់ការដាក់សម្ពាធក្នុងការទារប្រាក់ រហូតធ្វើឲ្យម្ចាស់រថយន្តបានឡើងតោងខាងក្រោយរថយន្ត បង្កឲ្យមានការភ្ញាក់ផ្អើលដល់ប្រជាពលរដ្ឋដែលធ្វើដំណើរលើដងផ្លូវ ថតសកម្មភាពបង្ហោះលើបណ្ដាញសង្គម។ សកម្មភាពនេះបានលាក់បាំងព័ត៌មានមិនរាយការណ៍ជូននាយការិយាល័យ ដើម្បីមានគោលការណ៍ដោះស្រាយ មុនហេតុការណ៍មិនទាន់ផ្ទុះលើបណ្ដាញសង្គម ហើយត្រូវបានអគ្គស្នងការដ្ឋាននគរបាលជាតិ អនុវត្តទណ្ឌកម្មខាងវិន័យក្រោមរូបភាព ព្រមានជាលាយលក្ខណ៍អក្សរ និងបន្ថយ ឋានន្តរស័ក្ដិចំនួន១ថ្នាក់។

កាលពីថ្ងៃទី០៣ ខែកញ្ញា ឆ្នាំ២០២៥: គឺផ្ដើមចេញពីការមិនសប្បាយចិត្តជាមួយថ្នាក់ដឹកនាំការិយាល័យ ដែលពុំបានដាក់ឈ្មោះរូបគេ (ស៊ិន សុភា) ចុះគោលដៅ ទើបធ្វើឲ្យមានការថ្នាំងថ្នាក់ចិត្ត ឈានដល់បែកធ្លាយឯកសារផ្ទៃក្នុងអង្គភាពឲ្យទៅសារព័ត៌មានយកបង្ហោះខ្លឹមសារវាយប្រហារមកលើការិយាល័យនគរបាលចរាចរណ៍ផ្លូវគោក។

គួររំលឹកថា លោក ស៊ិន សុភា អតីតមន្ត្រីការិយាល័យនគរបាលចរាចរណ៍ នៃស្នងការដ្ឋាននគរបាលរាជធានីភ្នំពេញ កាលពីថ្ងៃទី២០ ខែមករា ឆ្នាំ២០២៦ ត្រូវបានលោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សម្រេចអនុវត្តទណ្ឌកម្មតាមរូបភាព ដកហូតមុខតំណែង ឋានន្ដរស័ក្ដិ និងបណ្ដេញចេញពីក្របខ័ណ្ឌមន្ត្រីនគរបាលជាតិ ដោយមូលហេតុល្មើសវិន័យកងកម្លាំងនគរបាលជាតិកម្ពុជា៕

The post ស្នងការរាជធានី បញ្ជាក់ពីការអនុវត្តវិន័យនគរបាលជាតិលើឈ្មោះ ស៊ិន សុភា អតីតមន្ត្រីការិយាល័យនគរបាលចរាចរណ៍ផ្លូវគោក appeared first on Kampuchea Thmey Daily.

ការប្រកាសអនុវត្តច្បាប់ចរាចរណ៍ផាកពីន័យនេះ ធ្វើឡើងនោក្នុងកិច្ចប្រជុំបូកសរុបលទ្ធផលការងារកម្លាំងនគរបាលចរាចរណ៍ និងដាក់ទិសដៅការងារបន្ត ដែលដឹកនាំដោយលោកឧត្តមសេនីយ៍ទោ ហេង រតនា ស្នងការរងផែនការងារនគរបាលចរាចរណ៍ នៅព្រឹកថ្ងៃទី១៥ ខែកុម្ភៈ ឆ្នាំ២០២៦។ ការអនុវត្តការរឹតបន្តឹងច្បាប់ចរាចរណ៍នេះ ធ្វើឡើងក្រោយអត្រាគ្រោះថ្នាក់កំពុងបន្តគំរាមកំហែងដល់សុខសុវត្ថិភាពលើដងផ្លូវសាធារណៈ និងអាយុជីវិតរបស់ពលរដ្ឋអ្នកដំណើរ ។

ការចុះរឹតបន្តឹងច្បាប់តាមរយៈការផាកពិន័យឡើងវិញនេះ ក៏ធ្វើឡើងបន្ទាប់ពីមានគោលការណ៍អនុញ្ញាតពីក្រសួងមហាផ្ទៃ និងអគ្គស្នងការដ្ឋាននគរបាលជាតិ ក្រោយពិនិត្យឃើញថា អត្រាគ្រោះថ្នាក់មិនបានថមថយនោះឡើយ បន្ទាប់ពីកម្លាំងសមត្ថកិច្ចបានប្រើប្រាស់វិធានការណ៍រឹតបន្តឹងច្បាប់តាមរយៈការចុះផ្សព្វផ្សាយអប់រំណែនាំអស់រយៈពេលជាងកន្លះឆ្នាំកន្លងមក ពោលគិតចាប់តាំងពីខែកក្កដា ឆ្នាំ២០២៥៕

អត្ថបទ៖ សុភា

The post នគរបាលចរាចរណ៍រាជធានី នឹងចុះអនុវត្តច្បាប់ ផាកពិន័យឡើងវិញ ក្រោយអត្រាគ្រោះថ្នាក់មានកម្រិតខ្ពស់ appeared first on Kampuchea Thmey Daily.

ការនាំខ្លួននាយរងផ្នែកចរាចរណ៍នៃអធិការដ្ឋាននគរបាលខណ្ឌសែនសុខ ទៅសួរនាំនេះ ធ្វើឡើងបន្ទាប់ពីមានការផ្សព្វផ្សាយព័ត៌មាននៅតាមបណ្តាញសង្គមដោយចោទប្រកាន់ថា លោកស្រីអនុសេនីយ៍ឯក ឈុំ សុភារុណ ឋានៈនាយរងផ្នែកចរាចរណ៍នៃអធិការដ្ឋាននគរបាលខណ្ឌសែនសុខ បានទទួលយកលុយចំនួន ១៦០,០០០ ដុល្លារ (ដប់ប្រាំមួយម៉ឺនដុល្លារអាមេរិក) ដើម្បីរត់ការឯកសារឲ្យជនជាតិចិនតៃវ៉ាន់ចំនួន១០នាក់ ប៉ុន្តែរត់ការមិនបានសម្រេច។

បើតាមក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ លោកស្រីអនុសេនីយ៍ឯក ឈុំ សុភារុណ នាយរងផ្នែកចរាចរណ៍នៃអធិការដ្ឋាននគរបាលខណ្ឌសែនសុខ ត្រូវបានកម្លាំងការិយាល័យនគរបាលព្រហ្មទណ្ឌនៃអគ្គស្នងការដ្ឋាននគរបាលជាតិ អញ្ជើញទៅបំភ្លឺ នៅថ្ងៃទី២៧ ខែមករា ឆ្នាំ២០២៦នេះ ដើម្បីសួរនាំតាមជំនាញរបស់សមត្ថកិច្ច៕

The post នាំខ្លួននាយរងផ្នែកចរាចរណ៍ខណ្ឌម្នាក់ទៅសួរនាំ ក្រោយ​រងការចោទប្រកាន់ ស៊ីដាច់លុយ១៦ម៉ឺនដុល្លារពីជនជាតិចិន appeared first on Kampuchea Thmey Daily.

ការចាប់ឃាត់នេះ គឺដើម្បីធ្វើការអប់រំជាលើកទី១ប៉ុណ្ណោះ ដោយពុំមានការផាកពិន័យនោះឡើយ ប៉ុន្តែក្នុងករណីម្ចាស់​រថយន្ដមិនរាងចាល និងមិនគោរពតាមកិច្ចសន្យា ហើយនៅតែបន្តល្មើសធ្វើចរាចរណ៍ចូលរាជធានីភ្នំពេញក្នុងម៉ោងហាមឃាត់ជាលើកទី២ម្តងទៀត នោះសមត្ថកិច្ចនឹងអនុវត្តតាមផ្លូវច្បាប់ជាធរមាន។

គួរបញ្ជាក់ថា រថយន្តធុនធំដែលត្រូវបានសមត្ថកិច្ចជំនាញចាប់ឃាត់យកមកធ្វើកិច្ចសន្យាអប់រំទាំងអស់ គឺសុទ្ធតែបានចរាចរណ៍ចូលក្នុងរាជធានីភ្នំពេញ ដោយមិនគោរពតាមបំរាមហាមឃាត់របស់រដ្ឋបាលរាជធានីភ្នំពេញ បើទោះបីជាកន្លងទៅ កម្លាំងសមត្ថកិច្ចបានចុះរឹតបន្តឹងច្បាប់នៅតាមព្រំប្រទល់រាជធានីជាប់ខេត្តនានា តាមរយៈការហាមឃាត់រាល់រថយន្តធុនធំទាំងឡាយ ឲ្យវាងទិសដៅចរាចរណ៍បកត្រឡប់ទៅវិញ ក្នុងម៉ោងដែលមិនមានការអនុញ្ញាតឲ្យមានការចរាចរណ៍ចូលក៏ដោយ។

គួររំលឹកថា កម្លាំងសមត្ថកិច្ចផែនចរាចរណ៍រាជធានីភ្នំពេញ ក្រោមបទបញ្ជា និងគោលការណ៍ដឹកនាំរបស់ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានចាប់ផ្តើមដំណើរការការចុះរឹតបន្តឹងច្បាប់តាមរយៈការផ្សព្វផ្សាយអប់រំពលរដ្ឋដែលល្មើសច្បាប់ ពីថ្ងៃទី០១ ខែធ្នូ ឆ្នាំ២០២៥មកម្លេះ ដោយពុំមានការផាកពិន័យជាប្រាក់នោះឡើយ ដើម្បីឲ្យពលរដ្ឋអ្នកដំណើរចូលរួមគោរពច្បាប់ចរាចរណ៍ឲ្យបានខ្ជាប់ខ្ជួនទាំងអស់គ្នា ក្នុងគោលដៅរក្សាសុខសុវត្ថិភាពលើដងផ្លូវសាធារណៈ រក្សាទ្រព្យសម្បត្តិ និងការពារអាយុជីវិតទាំងអស់គ្នា៕

អត្តបទ៖ សុភា

The post នគរបាលចរាចរណ៍ព្រមានអនុវត្តវិធានការច្បាប់ លើរថយន្តធុនធំទាំងអស់បើនៅតែបន្តល្មើស​បើកចូលក្រុងក្នុងម៉ោងហាមឃាត់ appeared first on Kampuchea Thmey Daily.

ការប្រកាសអនុវត្តវិធានការអប់រំនេះ ធ្វើឡើងនៅក្នុងកិច្ចប្រជុំផ្សព្វផ្សាយផែនការការងារជំនាញ ពិសេសផែនការចុះអនុវត្តការរឹតបន្តឹងច្បាប់ចរាចរណ៍ផ្លូវគោក ដឹកនាំដោយលោកឧត្តមសេនីយ៍ទោ ហេង រតនា ស្នងការរងទទួលផែនការងារនគរបាលចរាចរណ៍ និងលោកវរសេនីយ៍ឯក មួន សុខា ស្នងការរងទទួលដឹកនាំការិយាល័យនគរបាលចរាចរណ៍ផ្លូវគោក នាព្រឹកថ្ងៃទី២៩ ខែវិច្ឆិកា ឆ្នាំ២០២៥ ដោយមានការចូលរួមពីមន្ត្រីពាក់ព័ន្ធតាមបណ្ដាខណ្ឌទាំង១៤ក្នុងភូមិសាស្ត្ររាជធានីភ្នំពេញ។

លោកឧត្តមសេនីយ៍ទោ ហេង រតនា ក៏បានណែនាំដល់កម្លាំងសមត្ថកិច្ច ត្រូវពង្រឹងការគោរពវិន័យឲ្យបានខ្ពស់ និងត្រូវរក្សាឲ្យបាននូវក្រមសីលធម៌ល្អជាមួយពលរដ្ឋ ពេលចុះអនុវត្តភារកិច្ចការងារ ណែនាំឲ្យពលរដ្ឋដែលល្មើស ចូលរួមគោរពច្បាប់ឲ្យបានខ្ជាប់ខ្ជួន ដើម្បីសុខសុវត្ថិភាពលើដងផ្លូវសាធារណៈ រក្សាអាយុជីវិតខ្លួនឯង ក៏ដូចជាអ្នកដទៃ។

លោកឧត្តមសេនីយ៍ទោស្នងការរង ក៏បានផ្ញើសារដាស់តឿនដល់ប្រជាពលរដ្ឋអ្នកដំណើរ សូមកុំបើកបរនៅពេលស្រវឹង ព្រោះគ្រឿងស្រវឹងនឹងធ្វើឲ្យយើងគ្រប់គ្នាបាត់បង់ភាពម្ចាស់ការលើខ្លួនឯងពេលកំពុងធ្វើដំណើរ។ ហើយអត្រា នៃគ្រោះថ្នាក់ចរាចរណ៍ភាគច្រើន គឺកើតឡើងដោយសារកត្តាបើកបរដោយប្រើប្រាស់គ្រឿងស្រវឹង ពិសេសនាពេលរាត្រីតែម្តង ខណៈក្នុងខែវិច្ឆិកានេះ គ្រោះថ្នាក់ចរាចរណ៍បានឆក់យកអាយុជីវិតមនុស្សជាង៣០នាក់៕

អត្ថបទ៖ សុភា

The post នគរបាលចរាចរណ៍រាជធានី នឹងចាប់ផ្ដើមចុះអនុវត្តច្បាប់នៅដើមខែធ្នូខាងមុខនេះ appeared first on Kampuchea Thmey Daily.

ប្រមុខមហាផ្ទៃកម្ពុជា លោក ស សុខា អះអាងថា ចាប់ពីយប់ថ្ងៃទី២៥ ខែកក្កដា ឆ្នាំ២០២៥នេះតទៅតែម្ដង លោកសម្រេចបញ្ជាឱ្យអគ្គស្នងការនគរបាលជាតិ ដែលមានស្នងការនគរបាលរាជធានី-ខេត្តជាសេនាធិការ ផ្អាកជាបណ្ដោះអាសន្ន ការអនុវត្តច្បាប់ស្ដីពីចរាចរណ៍ផ្លូវគោក រហូតដល់មានការបញ្ជាក់ជាថ្មីនាពេលក្រោយ។

បទបញ្ជារបស់លោក ស សុខា នាពេលនេះកើតឡើងបន្ទាប់ពីមានការផ្សាយនៅលើបណ្ដាញសង្គមថាប៉ូលីសចរាចរណ៍បានធ្វើសកម្មភាពផាកពិន័យលើពលរដ្ឋកម្ពុជាដែលភៀសសឹកចេញពីតំបន់ប្រឈមផ្ទុះសង្គ្រាមបង្កឡើងដោយភាគីថៃ ឆ្ពោះទៅកាន់ទីទួលសុវត្ថិភាព។

លោក ស សុខា អះអាងថា ក្នុងចន្លោះពេលនេះ មន្ត្រីនគរបាលចរាចរណ៍ទូទាំងប្រទេស និងបន្តអនុវត្តតួនាទីភារកិច្ច សម្របសម្រួលការធ្វើចរាចរណ៍តាមដងផ្លូវសាធារណៈ ជាពិសេសតាមដងផ្លូវជាតិសំខាន់ៗ ដែលមានការធ្វើចរាចរណ៍របស់កងកម្លាំង អាជ្ញាធរមានសមត្ថកិច្ច និងប្រជាពលរដ្ឋ ក្នុងបេសកកម្មការពារបូរណភាពទឹកដីនិងអធិបតេយ្យភាពជាតិ។

ក្នុងពេលជាមួយគ្នានេះ ប្រមុខមហាផ្ទៃកម្ពុជាលោក ស សុខា ទទូច ជនរួមជាតិ ដែលធ្វើដំណើរតាមដងផ្លូវមេត្តាគោរពច្បាប់ បើកបរប្រកបដោយការទទួលខុសត្រូវ ដើម្បីធានាសុវត្ថិភាព និងអាយុជីវិតផ្ទាល់ខ្លួន រួមទាំងអ្នកដំណើរផ្សេងទៀតលើដងផ្លូវ៕

The post ចាប់ពីយប់ថ្ងៃទី២៥នេះទៅ លោក ស សុខា បញ្ជាឱ្យ នគរបាលផ្អាកផាកពិន័យ តែឱ្យពលរដ្ឋគោរពច្បាប់ដើម្បីការពារអាយុជីវិត appeared first on Kampuchea Thmey Daily.

តាមការបញ្ជាក់ពីក្រុមការងារព័ត៌មាន និងប្រតិកម្មរហ័ស នៃស្នងការការដ្ឋាននគរបាលរាជធានីភ្នំពេញ បន្ទាប់ពីបែកធ្លាយករណីនេះ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាទៅលោកស្នងការរងផែនការងារធនធានមនុស្ស ការិយាល័យបុគ្គលិក កោះហៅមន្ត្រីនគរបាលចរាចរណ៍ និងមន្រ្តីជាប់កិច្ចសន្យា ចំនួន៩រូប នៅគោលដៅស្តុបព្រះសក្យមុនីចេតិយ ស្ថិតក្នុងសង្កាត់ស្រះចក ខណ្ឌដូនពេញ ដើម្បីសួរនាំបំភ្លឺ និងកំពុងធ្វើការស្រាវជ្រាវតាមជំនាញរបស់នគរបាល ប្រមូលព័ត៌មានឲ្យបានច្បាស់លាស់គ្រប់ជ្រុងជ្រោយយកមកវិភាគវាយតម្លៃ ហើយធ្វើរបាយការណ៍ រាយការណ៍ជូនឯកឧត្តមស្នងការ ដើម្បីពិនិត្យនិងសម្រេច។

តាមការបំភ្លឺ ក្រុមមន្ត្រីនគរបាលចរាចរណ៍នៅគោលដៅ ស្តុបព្រះសក្យមុនីចេតិយ បានហៅអ្នកបើកបររថយន្ដម្នាក់ដែលជាជនជាតិឥណ្ឌូនេស៊ី សួរនាំរកឯកសាររថយន្ត នៅពេលនោះជនជាតិឥណ្ឌូនេស៊ី បានបង្ហាញ ប័ណ្ណបើកបរអាស៑ាន រួចហើយ តែប៉ូលីសនៅតែទាមទាររកឯកសារ ផ្សេងៗ រហូតប៉ូលីសទាមទារលុយចំនួន៣០០ដុលា្លរ តែបុរសឥណ្ឌូនេស៊ី បានសម្រួលមកត្រឹម៥០ដុល្លារវិញ មិនតែប៉ុណ្ណោះមានប៉ូលីសមកទាមទារបន្ថែម៤០០០រៀល។

បន្ទាប់ពីមានការផ្សព្វពីសម្មភាពក្រុមមន្ត្រីនគរបាលចរាចរណ៍ទាំងនេះ ធ្វើឲ្យមហាជន ក៏ដូចជាអ្នកលេងបណ្ដាញសង្គមនាំគ្នារិះគន់លើក្រុមមន្ត្រីអនុវត្តច្បាប់ទាំងនេះមិនសំចៃមាត់៕

The post ក្រុមមន្ត្រីនគរបាលចរាចរណ៍ដែលទារលុយពីបុរសឥណ្ឌូនេស៊ី ត្រូវបានហៅ​មកសួរនាំ និងរង់ចាំការសម្រេចពីលោកស្នងការ appeared first on Kampuchea Thmey Daily.

បើតាមលោក សំ វិច្ឆិកា ករណីនេះបានកើតឡើងនៅព្រឹកថ្ងៃទី៤ ខែមិថុនា ឆ្នាំ២០២៥នេះ នៅចំណុចផ្លូវហាណូយ កែងវិថី ឌីប៉ុក ក្នុងមូលដ្ឋានខណ្ឌសែនសុខ រាជធានីភ្នំពេញ។ លោកបញ្ជាក់ថា នៅគោលដៅអនុវត្តច្បាប់ចរាចរណ៍នេះ គឺអនុវត្តដោយមន្ត្រីការិយាល័យនគរបាលចរាចរណ៍ នៃស្នងការដ្ឋាននគរបាលរាជធានីភ្នំពេញ តែទោះបីយ៉ាងណា​លោកមិនទាន់បញ្ជាក់ពីមូលហេតុលើករណីនេះនៅឡើយទេ ខណៈមន្ត្រីជំនាញកំពុងហៅភាគីទាំងសងខាងមកសួរនាំ។

សូមបញ្ជាក់ថា នៅព្រឹកថ្ងៃទី៤មិថុនា នេះ មានបុរសម្នាក់បានបង្ហោះចែកចាយវីដេអូមួយដោយអះអាងថា មន្ត្រីនគរបាលចរាចរណ៍អនុវត្តច្បាប់បានវាយបំបែករថយន្ដរបស់ខ្លួនទាំងដែលគាត់គ្មានកំហស់ ខណៈកម្លាំងសមត្ថិកិច្ចក៏អះអាងថា អ្នកបើករថយន្ដបានបើកបុកមន្ត្រីដែលកំពុងអនុវត្តច្បាប់៕

The post ស្នងការរាជធានី កោះហៅមន្ត្រីនគរបាលចរាចរណ៍ និងអ្នកបើកបររថយន្ដដែលប៉ះទង្គិចគ្នានៅផ្លូវហាណូយមកសួរនាំ appeared first on Kampuchea Thmey Daily.