តាមរយៈសារដែលបានបង្ហោះលើទំព័រហ្វេសប៊ុកផ្លូវការរបស់ខ្លួន នារសៀលថ្ងៃទី១១ ខែឧសភា នាយ ពាក់មី បានសម្តែងនូវក្តីឈឺចាប់ក្នុងនាមជាឪពុកម្នាក់ ដែលមានកូនជាទីស្រលាញ់ ដោយលោកបានសរសេរថា “ក្នុងនាមខ្ញុំជាឪពុកម្នាក់ ដែលមានកូនជាទីស្រលាញ់ ខ្ញុំពិតជារន្ធត់ចិត្ត ឈឺចាប់ និងសោកស្តាយជាមួយឪពុកម្តាយក្មួយស្រីជាខ្លាំង”។

សាររបស់តារាកំប្លែងរូបនេះ បានធ្វើឱ្យមហាជនជាច្រើនមានការចាប់អារម្មណ៍ និងចូលរួមសម្តែងមតិអាណិតអាសូរ ចំពោះគ្រួសាររងគ្រោះ ខណៈមនុស្សជាច្រើនក៏បានបង្ហាញក្តីកង្វល់ចំពោះសុវត្ថិភាពកុមារ និងអំពើហិង្សាកាន់តែគួរឱ្យព្រួយបារម្ភក្នុងសង្គមបច្ចុប្បន្ន។

គួរជម្រាបដែរថា នារសៀលថ្ងៃនេះ កម្លាំងជំនាញនៃស្នងការដ្ឋាននគរបាលខេត្តកណ្ដាល ក៏បានចេញមកបញ្ជាក់ពីមូលហេតុ និងដើមចមករណីខាងលើរហូតធ្វើឱ្យជនរងគ្រោះបាត់បង់ជីវិតផងដែរ ខណៈជនដៃដល់ត្រូវបានកម្លាំងជំនាញឃាត់ខ្លួនដើម្បីអនុវត្តនិតិវិធីច្បាប់។

បើតាមរបាយការណ៍របស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល ករណីនេះកើតឡើងនៅវេលាម៉ោង០៨ និង៣០នាទី ថ្ងៃទី១០ ខែឧសភា ឆ្នាំ២០២៦ នៅចំណុចផ្ទះជនដៃដល់ឈ្មោះ គីម វណ្ណា ស្ថិតនៅភូមិកូនជ្រែ ឃុំព្រែកអំបិល ស្រុកស្អាង ខេត្តកណ្ដាល។ របាយការណ៍ដដែលបញ្ជាក់ថា ជនដៃដល់ក៏ត្រូវជាពូសាច់ថ្លៃរបស់ជនរងគ្រោះផងដែរ។

របាយការណ៍ដដែលបញ្ជាក់ទៀតថា នៅរៀងរាល់ថ្ងៃសោរ៍ ឬថ្ងៃអាទិត្យ គ្រួសារជនរងគ្រោះតែងតែនាំជនរងគ្រោះចេញពីផ្ទះនៅក្រុងតាខ្មៅទៅលេងជីដូន ជីតា នៅភូមិកូនជ្រែ ឃុំព្រែកអំបិល ស្រុកស្អាង ដែលនៅទល់មុខគ្នាជាមួយផ្ទះជនសង្ស័យ។

នៅចំពោះមុខសមត្ថកិច្ច ជនដៃដល់បានឆ្លើយសារភាពថា ខ្លួនពិតជាបានធ្វើសកម្មភាពតែម្នាក់ឯង ចាប់ឃុំឃាំង និងបង្ខាំងដោយខុសច្បាប់មានស្ថានទម្ងន់ទោស (ចាប់ជំរិតបណ្តាលឱ្យជនរងគ្រោះស្លាប់) ពិតប្រាកដមែន ដោយសារខឹងម្តាយជនរងគ្រោះមើលងាយក្រុមគ្រួសារខ្លួន និងខ្ចីលុយពីម្តាយជនរងគ្រោះមិនបាន។

តាមរយៈសាររប​ស់ជនដៃដល់ដែលបានផ្ញើទៅឪពុកម្តាយកុមារីរងគ្រោះ ជនដៃដល់បានបង្ខំឲ្យពួកគេផ្ញើលុយចំនួន ១ម៉ឺនដុល្លារតាមវីងឲ្យខ្លួន ដោយទុកពេលត្រឹម១ម៉ោងប៉ុណ្ណោះ បើលើសម៉ោងកំណត់សូមរង់ចាំសពកូនស្រីចុះ ហើយជនដៃដល់ក៏បានគំរាមកុំប្រាប់រឿងនេះដល់នគរបាល និងអ្នកជិតខាងដែរ។

ក្រោយជួបហេតុការណ៍ដ៏រន្ធត់នេះ ឪពុកម្តាយក្មេងស្រីរងគ្រោះបានប្តឹងទៅកម្លាំងនគរបាលភ្លាមៗ ហើយកម្លាំងនគរបាលជំនាញព្រហ្មទណ្ឌ សហការជាមួយនគរបាលមូលដ្ឋានបើកប្រតិបត្តិការ និងឈានដល់ការចាប់ខ្លួនជនដៃដល់ តែអកុសលក្មេងស្រីរងគ្រោះបានស្លាប់ទៅហើយ៕

The post នាយ ពាក់មី សម្តែងការសោកស្តាយជាពន់ពេក ចំពោះការស្លាប់កុមារី ៥ឆ្នាំ ក្នុងករណីជំរិតទារប្រាក់ appeared first on Kampuchea Thmey Daily.

តាមការបញ្ជាក់ ផ្ទះដែលគ្រោងសាងសង់នេះ ត្រូវការថវិកាប្រមាណជាង ១ម៉ឺនដុល្លារ ខណៈមកដល់ពេលនេះ បានទទួលការគាំទ្រពីសប្បុរសជនទាំងក្នុង និងក្រៅប្រទេសជាង ៣០លានរៀលហើយ។ ហេតុនេះ លោកក៏បានអំពាវនាវឱ្យសប្បុរសជន បន្តចូលរួមជួយគាំទ្រតាមលទ្ធភាព ដើម្បីបំពេញគម្រោងនេះឱ្យបានល្អប្រសើរ។

ក្នុងឱកាសនោះ នាយ ពែកមី បានបង្ហាញការដឹងគុណយ៉ាងជ្រាលជ្រៅចំពោះទឹកចិត្ត “ខ្មែរជួយខ្មែរ” ដែលបានរួមគ្នាជួយគាំទ្រវីរកងទ័ព និងជាកីឡាកររូបនេះ ឱ្យមានលំនៅដ្ឋានសមរម្យដូចគេដូចឯង។

សូមជម្រាបថា នាយ ពែកមី បានចេញមុខអំពាវនាវគៀងគរជំនួយពីសប្បុរសជន ដើម្បីសាងសង់ផ្ទះជូនលោក ព្រឿង សុជាតិ ដែលជាវីរកងទ័ព និងជាកីឡាករ ឱ្យមានលំនៅដ្ឋានសមរម្យដូចគេដូចឯង។ ខណៈសកម្មភាពនេះ មហាជនជាច្រើនក៏បានបង្ហាញការគាំទ្រ និងរំភើបចិត្តចំពោះសកម្មភាពសប្បុរសធម៌នេះ ដោយជឿជាក់លើការប្តេជ្ញាចិត្តរបស់នាយ ពែកមី ក្នុងការជួយដល់អ្នកត្រូវការ៕ ដោយ៖ ចាន់រ៉ា

The post ទីបំផុត នាយ ពែកមី ចេញមុខនាំកម្លាំងសាមគ្គីពីសប្បុរសជនខ្មែរ សង់ផ្ទះជូនវីរកងទ័ព ព្រឿង សុជាតិ appeared first on Kampuchea Thmey Daily.

នាយ ពាក់មី បានប្រាប់ឱ្យដឹងថាសម្រាប់ព្រឹត្តិការណ៍ប្រកួតបាល់ទាត់មិត្តភាពក្រោមប្រធានបទ” រួមគ្នាផ្ញេីសំឡេងជូនពរលេីកទឹកចិត្តនឹងដឹងគុណវីរកងទ័ពជួរមុខ “នឹងរៀបចំធ្វើឡើងនាថ្ងៃអាទិត្យទី១១ ខែមករា ឆ្នាំ២០២៦ខាងមុខនេះ​នៅទីរួមខេត្តព្រះវិហា​រតែម្តង។

តារាកំប្លែងនាយ ពាក់មី បានបញ្ជាក់ថា “ជួបគ្នាឆាប់ៗនេះបងប្អូនកូនក្មួយយក​មាន់​ទាមកជួនកងទ័ពយេីង​ ខ្ញុំជូនអាវផ្ការីកគ្រប់រដូវ១ឈុត​ កម្មវិធីប្រកួតបាល់ទាត់ មិត្តភាពក្រោមប្រធានបទ​ (​រួមគ្នា​ផ្ញេីសំឡេងជូនពរលេីកទឹកចិត្ត​នឹងដឹងគុណចំពោះវិរកងទ័ពជួរមុខ​) ក្រុមតារាផ្ការីកគ្រប់រដូវនឹងក្រុម U13 ផ្ការីកគ្រប់រដូវ​ នឹងទៅជួបបងប្អូនទាំងអស់គ្នាឆាប់ៗនេះ​”។

គួររម្លឹកថាកាលពីកន្លងទៅតារាកំប្លែងល្បីឈ្មោះលោក ចែម ចាន់រ៉ា ហៅ ពាក់មី បានចេញមុខអំពាវនាវជាថ្មីដល់ប្រជាពលរដ្ឋនិងមហាជនខ្មែរទូទាំងប្រទេស ត្រូវបន្តរួមសាមគ្គីគ្នាជាធ្លុងមួយដោយកុំជឿតាមការញ៉ោះញុងឱ្យខ្មែឈ្លោះគ្នាឯង​ ពីសំណាក់ក្រុមអគតិមួយក្តាប់តូចនៅក្រៅប្រទេស៕ ដោយ: ចាន់រ៉ា

The post នាយ ពាក់មី បន្តកម្មវិធីប្រកួតបាល់ទាត់មិត្តភាព “រួមគ្នាផ្ញេីសំឡេងជូនពរលេីកទឹកចិត្តនឹងដឹងគុណវីរកងទ័ព” នៅខេត្តព្រះវិហារ appeared first on Kampuchea Thmey Daily.

ដោយសារស្ថានភាពបន្ទាន់ និងចំនួនដ៏ច្រើនលើសលប់នៃជនភៀសសឹកកម្ពុជា តារាកំប្លែងរូបនេះ​ក៏មិនខុសពីសប្បុរសជនដទៃទៀតដែរ ដែលមានទឹកចិត្តចូលរួមសម្រាកបន្ទុករាជរដ្ឋាភិបាលកម្ពុជា តាមរយៈការកៀរគរជាសម្ភារៈចាំបាច់ និងស្បៀងសម្រាប់ពលរដ្ឋភៀសសឹកកម្ពុជា ខណៈគ្រោងចេញដំណើរនៅថ្ងៃស្អែកនេះ។

លោកសង្កត់ធ្ងន់ដែរថា លោកមិនទទួលនូវថវិកាចូលរួមនោះឡើយ​ ដោយស្នើសុំជាសម្ភារៈ និងអាហារក្រៀមជំនួសវិញ ខណៈចំពោះប្រភេទអាហារក្រៀម លោកមានមី ១ពាន់កេសរួចហើយ នៅឡើយសុំជំនួយជាអាហារក្រៀម និងសម្ភារៈចាំបាច់ផ្សេងទៀត ដូចជា តង់, ភួយ, អង្រឹង, ខ្នើយ ជាដើម។ល។

ដោយឡែក ទាក់ទងនឹងទឹកបរិសុទ្ធវិញ លោកគូសបញ្ជាក់ដែរថា ក៏មិនទទួលពីភ្នំពេញទៅដែរ ក្នុងន័យថាធ្ងន់និងពិបាកដឹកជញ្ជូនផ្លូវឆ្ងាយ ដោយហេតុនេះ ទាក់ទងនឹងទឹកពិសារ លោកគ្រោងទិញនៅក្បែរតំបន់ភៀសសឹកតែម្តង។ សូមស្តាប់វីដេអូលម្អិត៖

The post ពាក់មី ប្រកាសទទួលតែជំនួយអាហារក្រៀម និងសម្ភារៈចាំបាច់ ខណៈគ្រោងចេញដំណើរស្អែកនេះ appeared first on Kampuchea Thmey Daily.

ជាមួយគ្នានេះ លោកក៏អំពាវនាវឱ្យសាធារណជនរួមគ្នាផ្សព្វផ្សាយដំណឹងឱកាសការងារនេះ ដល់អ្នកដែលមានបំណងរកការងារធ្វើ និងរៀនជំនាញផងដែរ ដើម្បីផ្តល់ឱកាសការងារក្នុងស្រុកឱ្យកាន់តែច្រើន ក្នុងន័យដើម្បីរួមចំណែកអភិវឌ្ឍនសេដ្ឋកិច្ចជាតិទាំងអស់គ្នា តាមរយៈយុទ្ធនាការ «ខ្មែរជួយរកការងារឱ្យខ្មែរ» របស់ក្រសួងការងារ និងបណ្តុះបណ្តាលវិជ្ជាជីវៈ។ ខណៈក៏មានលក្ខខណ្ឌការងារល្អប្រសើរ ប្រាក់ខែសមរម្យ ពិសេសគឺអត្ថប្រយោជន៍ជាច្រើនទៀតពីរបបបេឡាជាតិសន្តិសុខ(ប.ស.ស) លើការថែទាំសុខភាព របបគ្រោះថ្នាក់ និងប្រាក់ចូលនិវត្តន៍ជាដើម។ ។

តាមរយៈយុទ្ធនាការ «ខ្មែរជួយរកការងារឱ្យខ្មែរ» របស់ក្រសួងការងារ និងបណ្តុះបណ្តាលវិជ្ជាជីវៈ បានផ្តល់នូវលក្ខខណ្ឌងាយស្រួល ៣ សម្រាប់អ្នកដែលមានបំណងចង់ស្វែងរកការងារធ្វើ ឬក្រុមហ៊ុនដែលត្រូវការបុគ្គលិក ឬក៏រៀនជំនាញណាមួយដើម្បីចាប់អាជីព។

បើតាមនាយ ពាក់មី សម្រាប់ពលករដែលទើបត្រឡប់ពីប្រទេសថៃ ដែលមានបំណងចង់រកការងារធ្វើ អាចស្កេនតាមរយៈ QR Code” រកការងារឱ្យខ្មែរ-សម្រាប់អតីតពលករ” ឬអាចទំនាក់ទំនងទៅកាន់ក្រុមការងារក្រសួងបានតាមរយៈលេខ ១២៩៧ ។ ចំណែកឯក្រុមហ៊ុនដែលត្រូវការបុគ្គលិកខ្មែរវិញ អាចស្កេនតាមរយៈ QR Code” ស្វែងរកបុគ្គលិកខ្មែរ” ឬទាក់ទងទៅកាន់លេខ ១២៩៧ ដូចគ្នា។ នាយ ពាក់មី បញ្ជាក់ដែរថា ក្រុមការងារនៃក្រសួងការងារ នឹងដើរតួនាទីជួយសម្របសម្រួលលើការចុះឈ្មោះ និងផ្គូរផ្គងរកការងារដែលត្រូវលក្ខខណ្ឌជូន។

ដោយឡែក មិនថាបងប្អូនពលករដែលមកពីប្រទេសថៃទេ ជាពិសេសយុវជនយុវតីដែលទើបនឹងប្រឡងសញ្ញាបត្រទុតិយភូមិ ហើយមានបំណងចង់ចាប់យកជំនាញវិជ្ជាជីវៈណាមួយ អាចស្វែងរកអាចចុះឈ្មោះចូលរៀនជំនាញ តាមរយៈស្កេន QR Code” ផ្តល់ជំនាញឱ្យខ្មែរ-សម្រាប់រៀនជំនាញ” ឬទំនាក់ទំនងទៅកាន់ក្រុមការងារក្រសួងតាមរយៈលេខ ១២៩៧ ។

នាយ ពាក់មី បន្តថា ការធ្វើការនៅក្នុងស្រុក មិនត្រឹមតែជាការរួមចំណែកក្នុងការអភិវឌ្ឍនសេដ្ឋកិច្ចប្រទេសជាតិប៉ុណ្ណោះទេ ប៉ុន្តែក៏ផ្តល់ឱ្យពលរដ្ឋខ្មែរដែលធ្វើការនៅក្នុងស្រុក មានលក្ខខណ្ឌការងារល្អប្រសើរ ប្រាក់ខែសមរម្យ ពិសេសគឺអត្ថប្រយោជន៍ជាច្រើនទៀតពីរបបបេឡាជាតិសន្តិសុខ(ប.ស.ស) លើការថែទាំសុខភាព របបគ្រោះថ្នាក់ និងប្រាក់ចូលនិវត្តន៍ជាដើម។ សូមស្តាប់វីដេអូលម្អិត៖

The post នាយ ពាក់មី ៖ ធ្វើការនៅក្នុងស្រុក គឺរួមចំណែកអភិវឌ្ឍនសេដ្ឋកិច្ចជាតិ ខណៈបុគ្គលផ្ទាល់ ក៏ទទួលបានប្រយោជន៍ផ្សេងៗពី ប.ស.ស appeared first on Kampuchea Thmey Daily.

តាមរយៈសំណេរលើទំព័រហ្វេសប៊ុកផ្លូវការ រាត្រីថ្ងៃទី០២ សីហានេះ នាយ ពាក់មី អំពាវនាវសប្បុរសដូច្នេះថា “សូមបងប្អូន​ជួយឱ្យគាត់មានផ្ទះនៅនឹងគេផង”។ ទន្ទឹមនេះ នាយ ពាក់មី អះអាងដែរថា ជុំវិញកិច្ចការងារសាងសង់ផ្ទះជូនយោធិនរូបនេះ គឺលោកជាអ្នកធ្វេីការងារនេះ​ដោយផ្ទាល់​។

បើតាមវីដេអូសម្ភាស នាយ ពាក់មី បញ្ជាក់ដែរថា ក្នុងមូលនិធិជួយសង់ផ្ទះជូនគ្រួសារយោធិនរូបនេះ គឺត្រូវការទិញទាំងដីផងដែរ ដោយតម្លៃដីជាប់ទីតាំងផ្ទះសាច់ញាតិរបស់គាត់នោះ តម្លៃ ១១០០០ដុល្លារ ។ ចំណែកឯការចំណាយលើការសាងសង់ផ្ទះ នាយ ពាក់មី នឹងបន្តស្នើសុំទៅកាន់ឧកញ៉ាៗ និងសប្បុរសជនដទៃទៀត។

សូមស្តាប់វីដេអូសម្ភាសលម្អិត៖

ជាមួយនឹងការស្នើសុំនេះ មហាជនបានសម្តែងការគាំទ្រពេញទំហឹង។ ក្នុងចំណោមនោះ មានមតិភាគច្រើនលើកឡើងថា សម្រាប់វីរៈកងទ័ពកម្ពុជា គួរតែទទួលបានការគិតគូរនិងយកចិត្តទុកដាក់។ ខ្លះទៀត លើកឡើងថា “ជាពេលវេលាបង្ហាញការដឹងគុណសម្រាប់កងទ័ពការពារជាតិ”។

គួររម្លឹកថា យោធិនរូបនេះ ក៏មិនខុសពីពលទាហានខ្មែរពលីជាច្រើនរូបផ្សេងទៀតនោះដែរ។ កំឡុងពេល ដែលសៀមឈ្លានពានកម្ពុជា លោកបានចូលរួមប្រយុទ្ធយ៉ាងអង់អាចក្លាហាន តទល់នឹងសត្រូវឈ្លានពាន ខណៈទទួលបានការកោតសរសើរពីសំណាក់មហាជនកម្ពុជាគ្រប់ៗគ្នា។ ដោយហេតុនេះ នាយ ពាក់មី ក៏សន្យាសង់ផ្ទះជូនយោធិនរូបនេះ ដើម្បីមានលំនៅជាក់លាក់នឹងគេ អាចបន្តប្រកបការងារចិញ្ចឹមកូនៗដោយមិនកង្វល់ច្រើនទៅថ្ងៃមុខ៕

The post នាយ ពាក់មី ស្នើសប្បុរសជនចូលរួមមូលនិធិធ្វើផ្ទះឱ្យយោធិនរហ័សនាម “Rambo ខ្មែរ” មានផ្ទះនៅនឹងគេ appeared first on Kampuchea Thmey Daily.

តាមរយៈវីដេអូខ្លីជិត១នាទី នាយ​ ពាក់មី ស្នើសុំដូច្នេះថា “ក្នុងនាមយើងប្រជាពលរដ្ឋខ្មែរ សូមមេត្តាបងប្អូនបញ្ឈប់សកម្មភាពថតវីដេអូឬរូបភាពនៃការចល័តទ័ព និងទីតាំងដាក់អាវុធរបស់កម្ពុជាទៅឲ្យខាងសត្រូវដឹងនិងមើលឃើញឲ្យសោះ”។នាយបន្តថា “ខ្ញុំសូមសំណូមពរបងប្អូនយើងកុំថតបង្ហោះកន្លែងផ្ទុះអាវុធឬទីតាំងកងទ័ពរបស់យើងកំពុងឈរជើងប្រយុទ្ធយ៉ាងអង់អាចក្លាហានជាមួយទាហារឈ្លានពានរបស់ថៃ”។

ទន្ទឹមនេះ នាយ ពាក់មី ក៏ស្នើឱ្យមានការចូលរួមផ្តល់កំលាំងចិត្តដល់កងទ័ពរបស់កម្ពុជា ដែលកំពុងតែប្រយុទ្ធការពារទឹកដីជាតិមាតុភូមិ កំចាត់ពួកចោរខ្មាំងសត្រូវនៅតាមបន្ទាត់ព្រំដែន។

តាមរយ:ការអំពាវនាវរបស់តារាកំប្លែងនាយ ពែកមីខាងលើនេះ គេសង្កេតឃើញមានការបញ្ចេញមតិគាំទ្រយ៉ាងច្រើនពីសំណាក់បងប្អូនមហាជនខ្មែរដើម្បីរួមគ្នាលើកទឹកចិត្តដល់កងទ័ពកម្ពុជា និងពិសេសគឺការបញ្ឈប់សកម្មភាពថតបង្ហោះវីដេអូចល័តទ័ពឬទីតាំងកងទ័ពកំពុងផ្ទុះអាវុធបណ្តេញចោរឈ្លានពានរបស់ទាហានថៃ៕ ចាន់រ៉ា

The post នាយ ពែកមី អំពាវនាវឱ្យបញ្ឈប់ការបង្ហោះវីដេអូចល័តទ័ព ឬទីតាំងអាវុធរបស់កម្ពុជា appeared first on Kampuchea Thmey Daily.

នៅលើបណ្តាញសង្គមហ្វេសប៊ុកថ្មីៗនេះគឺមានការប ង្ហោះចែករំលែកយ៉ាងភ្លូកទឹកភូកដីក្រោយបុគ្គលម្នាក់បានជេរប្រមាថតេសដៀលស្ត្រីខ្មែរ​កប់ៗមាត់ដោយទ ង្វើរនេះត្រូវបានមហាជនចាត់ទុកថារឿងមិនអាចអត់ ឱននឹងទទួលយកបានឡើយ ។សម្តីនេះបានធ្វើឲ្យព លរដ្ឋខ្មែរទូទាំងប្រទេសផ្ទុះប្រតិកម្មនិងស្នើឲ្យក្រសួងស្ថាប័នពាក់ព័ន្ធគួរមានចំណាត់ការក្តៅចំពោះបុគ្គលរូ បនោះ។

ដោយឡែកតារាកំប្លែងនាយ ពែកមី បានលើកឡើងតាមរយ:ការស្នើចិត្តមហាជនថាកុំដោយសាតែបគ្គល ម្នាក់​បងប្អូនផុសធ្វេីអោយមានការរេីសអេីង ជាតិសា សន៍ខឹងបុគ្គលណានិយាយតែបុគ្គលនឹងទៅផ្ទះ ខ្ញុំរា ល់ថ្ងៃនៅក្បែបងប្អូនឥស្លាម​, កីឡាករUផ្ការីកគ្រប់រដូវ​ ៩០ភាគរយជាកូនខ្មែរឥស្លាម អាចថា ខ្ញុំស្គាល់ខ្មែរឥ ស្លាមច្រេីន​ ។

នាយ ពែកមី និយាយទៀតថាពួកគាត់ស្លូតបូតដូចតែយេីងដែរទេ​ការរស់នៅរកសុីសុំតែសុខសប្បាយ​ទេភាគច្រេីនស្រលាញ់កីឡាបាល់ទាត់ខែបុណ្យទានពួក គាត់ចេះចែករំលែកគ្នា​ ជួយគ្នា​ណាស់​គឺយេីងអាចរស់ក្នុងដំបូលតែមួយជាមួយខ្មែរយេីងបាន​សូមបញ្ឈប់កា រផុស​ ធ្វេីអោយមានការេីសអេីងជារិសាសន៍​។

ចំណែកឯភរិយាអតីតតារាកំប្លែងលោកស៊ុក សុភាបា នលើកឡើងដែរថាសុំមេត្តា ដៀលថាអោយតែបុគ្គលម្នាក់នេះបានហើយ កុំលេងដល់ ពូជៗបែបនេះ សម្ដីយើងដៀលដល់ដូនតាគេគឺលើសជាងនេះឆ្ងាយណា ស់ ។យើងខឹងអាក្អូននេះដៀលដោយប្រើពាក្យថាពួក ចុះទម្រំដល់ពូជគេ? វាលើសពេកហើយ ហើយដែលគ្នាបាត់ទឹកដីគួរអោយសង្វែគពេកហើយយើងមិនបា ច់យកមកជាន់ថែមទេ។

អ្នកនាង លុយ រីម៉ា ហៅ សារីនណា បានបន្តថាខមមិ នទាំងនេះសូមផ្ញើរទៅអាក្អូននឹងអានហើយឈឺខួផង នេះទើបសមត្រូវប្រើពាក្យថាត្រីស្អុយ១គឺស្អុយ១កន្ដ្រកគឺ អាក្អូនឯងអត់ប្រើខួរគិតទេ នៅមិននៅចេញមកប្រើភាសារអោយគេដៀលដល់ពូជ។ចំពោះបងប្អូនអ្ន កខមមិនដៀលពូជគេមើលឈ្មោះអាខោនអ្នកផុសផងគឺពុំមែនឈ្មោះខ្មែរទេ។ កុំអោយគេបានដៃឈរសើចឃើញខ្មែរជេរគេដែរ៕ អត្ថបទ៖ ចាន់រ៉ា

The post រឿងបុរសម្នាក់ជេរស្ត្រីខ្មែរ​កប់ៗមាត់! នាយ ពែកមី ស្នើមហាជន កុំខឹងស្អប់ដល់ខ្មែរឥស្លាមដែលមិនពាក់ព័ន្ធ appeared first on Kampuchea Thmey Daily.