នាយ តាក់ស៊ី Archives - Kampuchea Thmey Daily

សម្ដេចធិបតី និងលោកជំទាវ ចេញថ្លៃព្យាបាលទាំងស្រុងដល់នាយតាក់ស៊ី កំពុងមានជំងឺទឹកនោមផ្អែម ខ្សោយតម្រងនោម

Ngoeul Narath — Tue, 03 Dec 2024 14:45:03 +0000

សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត បានជួយឧបត្ថម្ភដល់ការព្យាបាលជំងឺតារាកំប្លែង នាយ តាក់ស៊ី ទាំងស្រុង ដែលកំពុងសម្រាកនៅមន្ទីរពេទ្យព្រះកេតុមាលា។

ដោយក្តីមេត្តាករុណាដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បានឱ្យក្រុមការងារគ្រូពេទ្យស្ម័គ្រចិត្តរបស់សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ក្នុងនាមសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ចុះសួរសុខទុក្ខ នាយ តាក់ស៊ី មានជំងឺប្រចាំកាយលើសសម្ពាធឈាម ទឹកនោមផ្អែម និងខ្សោយតម្រងនោម កំពុងសម្រាកព្យាបាលនៅមន្ទីរពេទ្យព្រះកេតុមាលា។

តាមសេចក្ដីប្រកាសព័ត៌មាន ផ្សាយលើទំព័រហ្វេសប៊ុកនាយករដ្ឋមន្ត្រី នាថ្ងៃទី០៣ ខែធ្នូ សរសេរដូច្នេះ៖«សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ទទួលបន្ទុកចំណាយទាំងអស់ទាំងក្នុងការព្យាបាល និងការឧបត្ថម្ភបន្ថែមសម្រាប់ជីវភាពប្រចាំថ្ងៃក្នុងពេលព្យាបាលជំងឺនេះដែរ»។

គួរឱ្យដឹងថា កាលពីថ្ងៃទី២៨ ខែវិច្ឆិកា នាយតាក់ស៊ី ត្រូវបានក្រុមគ្រួសារបញ្ជូនទៅសង្គ្រោះបន្ទាន់នៅមន្ទីរពេទ្យកេតុមាលា ក្រោយពេលអាការៈជំងឺធ្វើទុក្ខខ្លាំង។

ជាការកត់សម្គាល់ នាយតាក់ស៊ី មានជំងឺទឹកនោមផ្អែម ជាប់ប្រចាំកាយរយៈពេលជាយូរណាស់មកហើយ ដែលជំងឺនេះតែងតែបង្ករជាបញ្ហាចោទខ្លាំងដល់នាយតាក់ស៊ី ពេលជំងឺធ្វើទុក្ខម្ដងៗមិនអាចចេញសម្ដែងសិល្បៈ និងរកចំណូលបានទៀងទាត់ឡើយ។

បច្ចុប្បន្ន នាយតាក់ស៊ី មានវ័យ៥៤ឆ្នាំ ជាសិល្បករកំប្លែងមានប្រជាប្រិយភាពមួយរូប ទទួលបានការគាំទ្រពីសំណាក់ទស្សនិកជន។ នាយតាក់ស៊ី ធ្លាប់សម្ដែងជាតួអង្គស្វា ឬតួអង្គស៊ុនអ៊ូខុង និងអាចសម្ដែងជាតួអង្គជាអ្នកជំងឺ ព្រមទាំងតួអង្គផ្សេងៗទៀត៕

The post សម្ដេចធិបតី និងលោកជំទាវ ចេញថ្លៃព្យាបាលទាំងស្រុងដល់នាយតាក់ស៊ី កំពុងមានជំងឺទឹកនោមផ្អែម ខ្សោយតម្រងនោម appeared first on Kampuchea Thmey Daily.

នាយ តាក់ស៊ី រំភើបនិងដឹងគុណប្រមុខថ្នាក់ដឹកនាំកម្ពុជា ដែលឧបត្ថម្ភការព្យាបាលលោក នៅមន្ទីរពេទ្យព្រះកេតុមាលា ទាំងស្រុង

Chan Sotheavy — Tue, 03 Dec 2024 14:39:25 +0000

តារាកំប្លែងនាយ តាក់ស៊ី បានសម្តែងក្តីរំភើបខ្លាំងខណ:ដែលសម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ្រ ចន្ទមុន្នី បានចំណាយថវិកាជួយថ្លៃព្យាបាលជំងឺរបស់លោកទាំងស្រុង ដែលកំពុងសម្រាកព្យាបាលនៅមន្ទីរពេទ្យ ព្រះកេតុមាលា ។

បើតាមការឲ្យដឹងពីសំណាក់តារាកំប្លែងនាយ តាក់ស៊ី នៅថ្ងៃទី០៣ ខែធ្នូ ឆ្នាំ២០២៤នេះ បានបញ្ជាក់ថា “ខ្ញុំបាទនាយ តាក់ស៊ីនិងភរិយាក៏សូមគោរពថ្លែងអំណរអរគុណ ដល់សម្ដេចបវរធិបតីហ៊ុនម៉ាណែត និងលោកជំទាវបណ្ឌិត ពេជ្រ ចន្ទមុន្នី ដែលបានចំណាយថវិកាព្យាបាលជំងឺរបស់ខ្ញុំទាំងស្រុង។

នាយ តាក់ស៊ី បានរៀបរាប់ថា “ខ្ញុំបាទនឹងគ្រួសារសូមថ្លែងអំណរអរគុណយ៉ាងជ្រាលជ្រៅចំពោះលោកទាំងពីរ សូមគោរពជូនពរ សូមឱ្យមានជោគជ័យមានសុភមង្គល សូមទេវតាជួយឃុំគ្រង អញ្ជើញទៅទីកន្លែងណាសុំបានក្តីសុខសេចក្ដីចម្រើន សូមអរគុណ ហើយក៏អគុណដល់លោកគ្រូ-អ្នកគ្រូពេទ្យផងដែរ ដែលយកចិត្តទុកដាក់ដល់រូបខ្ញុំបាទផងដែរ”។

គួរបញ្ជាក់ដែរថា តារាកំប្លែងនាយតាក់ស៊ី ត្រូវការដូក្រលៀនម្ខាងគឺត្រូវចំណាយលុយចំនួនខ្ទង់ ៥ម៉ឺនដុល្លារខណ:លោកវេជ្ជបណ្ឌិតក៏បានបញ្ជាក់ឲ្យដឹងថានាយ តាក់សុី គឺមានជម្រើសសចុងក្រោយពីរ ទីមួយត្រូវលាងឈាមពេញមួយជីវិតមួយអាទិត្យចំនួនបីដងនិងជម្រើសទី២គឺត្រូវតែធ្វេីការវះកាត់ប្ដូរក្រលៀនថ្មី៕ អត្ថបទ៖ ចាន់រ៉ា

The post នាយ តាក់ស៊ី រំភើបនិងដឹងគុណប្រមុខថ្នាក់ដឹកនាំកម្ពុជា ដែលឧបត្ថម្ភការព្យាបាលលោក នៅមន្ទីរពេទ្យព្រះកេតុមាលា ទាំងស្រុង appeared first on Kampuchea Thmey Daily.

នាយ តាក់ស៊ី ចូលសង្គ្រោះបន្ទាន់ ដោយសារបញ្ហាខូចក្រលៀន និងមានទឹកដក់ក្នុងសួត (មានវីដេអូ)

Chan Sotheavy — Thu, 28 Nov 2024 07:22:00 +0000

តារាកំប្លែងនាយ តាក់ស៊ី បានធ្លាក់ខ្លួនឈឺធ្ងន់ចូលសង្គ្រោះបន្ទាន់ ដោយសារបញ្ហាជំងឺខូចក្រលៀន និងមានទឹកដក់ក្នុងសួត ខណ:ពេលនេះត្រូវបានភរិយានិងក្រុមគ្រួសារបញ្ចូនទៅសង្គ្រោះបន្ទាន់ នៅមន្ទីរពេទ្យព្រះកេតុមាលា បង្កការភ្ញាក់ផ្អើលដល់អ្នកគាំទ្រនិងមហាជនជាថ្មី។

បើតាមលោក សាវិន ហ្វីលីព បានបញ្ជាក់ឲ្យថាតារាកំប្លែង នាយ តាក់សុី ពេលនេះ កំពុងលាងឈាមបន្ទាន់ ដោយសារតែជំងឺខូចក្រលៀន។ លោកបញ្ជាក់ទៀតថា នាយ តាក់សុី មិនត្រឹមតែខូចក្រលៀនទេ ថែមទាំងមានទឹកដក់ក្នុងសួតទៀតផង។

លោក សាវិន ហ្វីលីព បានបន្តទៀតថា នាយ តាក់សុី អាយុ ៤៥ឆ្នាំ កំពុងស្ថិតនៅក្នុងស្ថានភាពលាងឈាមសង្រ្គោះបន្ទាន់នៅមន្ទីរពេទ្យព្រះកេតុមាលាដោយសារជំងឺទឹកនោមផ្អែម ធ្វេីឱ្យខូចក្រលៀន ខណៈក្រុមគ្រូពេទ្យប្រាប់ថា ពេលនេះនាយ តាក់សុី មានជម្រើសចុងក្រោយពីរ ទីមួយ គឺត្រូវលាងឈាមពេញមួយជីវិត ដោយធ្វើមួយអាទិត្យចំនួនប ៣ដងនិងជម្រើស ទី២ គឺត្រូវតែធ្វេីការវះកាត់ប្ដូរក្រលៀនថ្មី។

ចំណែកតារាសម្តែងលោក អុឹម ជីវ៉ា បានបង្ហោះរូបភាពភ្ជាប់ខ្លឹមសារដែរថា “ហុឺ..បើកភ្នែកភ្លាមអ្នកសិល្បៈចាស់ៗឆាតមកព្រោងព្រាតសុំឱ្យជួយពួកគាត់។ ហុឺ ឃើញទិដ្ឋភាពបែបនេះមិនដឹងនិយាយថាម៉េច មានតែជួយតាមលទ្ធភាព”។ ជាមួយគ្នានេះដែរ នាយ តាក់ ស៊ី ក៏បានអំពាវនាវសុំការជួយឧត្ថម្ភពីសំណាក់ទស្សនិកជននិងសប្បុរសជនផងដែរ។

នាយ តាក់ស៊ី បានលើកឡើងថា” ជួយខ្ញុំផងបងប្អូន លេខខ្ញុំ 069 295646/ 090 995 698។ ក្នុងនោះគេក៏បានឃើញទិដ្ឋភាពជាក់ស្តែងដែលនាយតាក់ស៊ីកំពុងដេកស្ដូកស្ដឹងនៅលើគ្រែពេទ្យយ៉ាងអាណិតទៀតផង។ ដំណឹងនេះក៏បានធ្វើឱ្យមហាជន និងអ្នកគាំទ្រជាច្រើនបង្ហាញការព្រួយបារម្ភចំពោះសុខភាពតារាកំប្លែងរូបនេះគ្រប់គ្នា៕ អត្ថបទ៖ ចាន់រ៉ា

The post នាយ តាក់ស៊ី ចូលសង្គ្រោះបន្ទាន់ ដោយសារបញ្ហាខូចក្រលៀន និងមានទឹកដក់ក្នុងសួត (មានវីដេអូ) appeared first on Kampuchea Thmey Daily.

ក្រោយ នាយតាក់ស៊ី ប្រតិកម្ម ភាគីផលិតកម្ម«ភី» ចេញបកស្រាយសុំទោស

អ៊ិន ពិសី — Tue, 25 Jul 2023 07:10:48 +0000

តារាកំប្លែង នាយតាក់ស៊ី ថ្មីៗនេះ បានបញ្ចេញប្រតិកម្មសម្ដែងការហួសចិត្ត និងទាមទារឲ្យខាងម្ចាស់ផលិតកម្ម «ភី» ចេញមុខសុំទោសជាសាធារណៈ ក្រោយផលិតកម្មមួយនេះបង្ហោះសារលក្ខណៈប្រមាថអាយុជីវិតរបស់លោក។ យ៉ាងណាមិញ បន្ទាប់ពីមានប្រតិកម្ម ទីបំផុតភាគីផលិតកម្ម«ភី» បានចេញមកបកស្រាយ និងសុំទោស នាយតាក់ស៊ី ជាសាធារណៈចំពោះកំហុសដោយអចេតនា។

ប្រតិកម្មរបស់តារាកំប្លែង នាយតាក់ស៊ី ធ្វើឡើងស្របពេលដែលនៅលើផេកហ្វេសប៊ុករបស់ផលិតកម្ម «ភី» បានបង្ហោះរូបភាពភ្ជាប់ជាមួយសំណេរថា «លោកបានទទួលមរណភាពហើយ»។

តាមរយៈវីដេអូ Live របស់ នាយតាក់ស៊ី និងភរិយា បានលើកឡើងថា លោកពិតជាមិនសប្បាយចិត្តទេពេលឃើញម្ចាស់ផលិតកម្ម«ភី» បង្ហោះសារថា លោកបានទទួលមរណភាព។ នាយ តាក់ស៊ី បញ្ជាក់ថា នៅលើផេកហ្វេសប៊ុកផលិតកម្ម«ភី» បានបង្ហោះរឿងនេះចំនួន ២ លើក ធ្វើឲ្យមហាជនមានការភាន់ច្រឡំ ខណៈលោកមិនទាន់មានរឿងអ្វីកើតឡើងនោះឡើយ។

ក្រោយមានប្រតិកម្មពី នាយតាក់ស៊ី ភ្លាមៗនោះ ខាងភាគីផលិតកម្ម«ភី» បានចេញមកបកស្រាយ និងសុំទោសជាសាធារណៈនូវកំហុសឆ្គងដោយអចេតនារបស់ខ្លួន។

ជាក់ស្ដែងនៅលើផេកហ្វេសប៊ុកផ្លូវការរបស់ផលិតកម្ម«ភី» បានបញ្ជាក់ថា «យើងខ្ញុំជាអ្នកសិល្បៈរួមអាជីពផុសសារជួយរំលែកទុក្ខគ្រួសារបង បែរជាមានកំហុស? ខ្ញុំបានសរសេរខុស ព្រោះទូរស័ព្ទលោតហ្វុងអក្សរ តែខុសភ្លាមបានកែភ្លាមៗរួចរាល់នៅពេលនោះទៅហើយ ម៉េចក៏បានទៅជាមានការយល់ច្រឡំខុសបែបនេះ?។ ខ្ញុំបាទជាម្ចាស់ផេក ផលិតកម្ម «ភី» សុំបកស្រាយរឿងសរសេរខុសពីថ្ងៃនោះ តែក៏បានកែភ្លាមៗ ពេលដឹងថា សរសេរខុស តែអ្នកមើលហើយស្គ្រីនភ្លាម មានបំណងចោទប្រកាន់បំណងល្អពួកយើងខ្ញុំ»។

ផលិតកម្ម«ភី» ក៏បានបន្តទៀតថា «តាមពិតទៅក្នុងនាមខ្ញុំជាអ្នកសិល្បៈរួមអាជីព ពេលបានដឹងដំណឹងអ្នកសិល្បៈដូចគ្នាមានទុក្ខ ពួកយើងតែងតែព្យាយាមជួយទៅតាមអ្វីដែលអាចធ្វើទៅបានតែប៉ុណ្ណោះ មិនមានបំណងអាក្រក់ណាមួយនោះទេ សូមពុកម៉ែបងប្អូនយោគយល់ និងអធ្យាស្រ័យដល់ពួកយើងខ្ញុំផង និងជាពិសេស សូមការអធ្យាស្រ័យពីបង នាយតាក់ស៊ី ផង សូមបងកុំមានការយល់ច្រឡំ»៕

អត្ថបទ ៖ ចាន់រ៉ា

The post ក្រោយ នាយតាក់ស៊ី ប្រតិកម្ម ភាគីផលិតកម្ម«ភី» ចេញបកស្រាយសុំទោស appeared first on Kampuchea Thmey Daily.

ចូលរួមរំលែកទុក្ខ! នាយ តាក់ស៊ី ជួបទុក្ខធំម្តាយទទួលមរណភាព

Sokhom Khon — Thu, 06 Jul 2023 23:47:50 +0000

នេះជាដំណឹងមរណ:ទុក្ខដ៏ក្រៀមក្រំ និងសោកសៅបំផុត ខណ:តារាកំប្លែងនាយ តាក់ស៊ី និងក្រុមគ្រួសារពេលនេះកំពុងមានទុក្ខជាទម្ងន់ដោយសារតែអ្នកម្តាយជាទីស្រលាញ់បានទទួលមរណភាពទាំងក្តីអាឡោះអាល័យជាពន់ពេក។

តាមប្រភពព័ត៌មានពីអ្នកសិល្ប:រួមអាជីពបានបញ្ជាក់ឲ្យដឹងថា ម្តាយបង្កើតរបស់តារាកំប្លែងនាយ តាក់សុី បានទទួលមរណភាពនៅវេលានាទីល្ងាចថ្ងៃទី០៦ ខែកក្កដា ឆ្នាំ២០២៣ ដោយរោគាពាធ។ ចំណកតារាកំប្លែងរូបនេះក៏បានបញ្ជាក់ដែថា សូមគោរពជូនដំណឹងដល់បងប្អូនមិត្តភក្កិឱ្យបានជ្រាបថា អ្នកម្ដាយបង្កើតរបស់លោកបានលាចាកលោកនៅថ្ងៃទី០៦ ខែកក្កដា នៅវេលាម៉ោង៤និង៤៣ល្ងាច សូមបងប្អូនជ្រាបជាដំណឹង។

នាយ តាក់ស៊ី បានឲ្យដឹងទៀតថា ពិធីបុណ្យសពម្ដាយប្រព្រឹត្តទៅនៅស្រុកកំណើតហើយនឹងត្រូវបូរជានៅថ្ងៃសុក្រទី០៧ ខែកក្កដា ឆ្នាំ២០២៣ វេលាម៉ោង៧និង០៥នាទីយប់ដែលស្ថិតនៅភូមិត្បូងដំរី ឃុំកំពង់ចម្លងស្រុកខ្សាច់កណ្ដាល ខេត្តកណ្ដាល។

តាមរយ:ដំណឹងនៃមរណ:ភាពអ្នកម្តាយជាទីស្រលាញ់របស់តារាកំប្លែងរូបនេះ គេឃើញមានអ្នកគាំទ្រព្រមទាំងសិល្បករសិល្បការិនីជាច្រើនបានសម្តែងការចូលរួមសោកស្តាយ និងផ្ញើសារចូលរួមរំលែកមរណទុក្ខដ៏សោកសៅជាមួយគ្រួសារសព៕

អត្ថបទ៖ ចាន់រ៉ា

The post ចូលរួមរំលែកទុក្ខ! នាយ តាក់ស៊ី ជួបទុក្ខធំម្តាយទទួលមរណភាព appeared first on Kampuchea Thmey Daily.

នាយ តាក់ស៊ី ប្រកាសលក់ឡានបន្ទាន់ ដើម្បីយកលុយមើលជំងឺ

Sorn Phanith — Tue, 26 Jul 2022 09:38:26 +0000

តារាកំប្លែងនាយ តាក់ស៊ី កាលពីថ្មីៗនេះបានធ្លាក់ខ្លួនឈឺធ្ងន់ ត្រូវបានភរិយា និងក្រុមគ្រួសារបញ្ជូនទៅសង្គ្រោះបន្ទាន់នៅមន្ទីរពេទ្យព្រះកេតុមាលា បង្កការភ្ញាក់ផ្អើលដល់អ្នកគាំទ្រ និងមហាជនជាថ្មី។

យ៉ាងណាមិញ បន្ទាប់ពីអស់លទ្ធភាពនៃការមើលជំងឺតារាកំប្លែងនាយ តាក់ស៊ី បានប្រកាសលក់ឡានជាបន្ទាន់។ ជាក់ស្តែងនាយ តាក់ស៊ី បានបង្ហោះនៅលើបណ្តាញសង្គមហ្វេសប៊ុកថា នាយសូមប្រកាស់លក់ឡានក្នុងតម្លៃ ៦ ពាន់ដុល្លារជាប្រញាប់។

នាយ តាក់ស៊ីបានបន្តទៀតថា”ខ្ញុំបាទនាយតាក់ស៊ី សូមប្រកាសលក់ឡានបន្ទាន់ ដើម្បីប្រញាប់យកលុយមកព្យាបាលជំងឺ ព្រោះខ្ញុំបាទអស់លទ្ធភាពហើយសូមបងប្អូនជួយទិញឡានខ្ញុំបាទផង ខ្ញុំលក់តម្លៃត្រឹមតែ ៦០០០ ដុល្លារប៉ុណ្ណោះ។ ចរចាបានសូមទំនាក់ទំនងតាមរយៈលេខខ្ញុំបាទ,០៦៩ ២៩ ៥៦ ៤៦ , ០៩០ ៩៩៥ ៦៩៨ ,០៦១ ៧៥ ៨៣ ៣៧។

សូមជម្រាបថា កាលពីថ្មីៗកន្លងទៅនាយ តាក់ស៊ី បានធ្លាក់ខ្លួនឈឺធ្ងន់ ត្រូវសម្រាកព្យាបាលនៅមន្ទីរ ពេទ្យអស់មួយរយៈត្រូវការបញ្ចូលឈាមជាច្រើនកំប្លោក ទម្រាំសង្គ្រោះជីវិតបាននិងត្រូវគ្រូពេទ្យអនុញ្ញាតឱ្យត្រឡប់ទៅតាមដាននៅផ្ទះវិញ៕

អត្ថបទ៖ ចាន់រ៉ា

The post នាយ តាក់ស៊ី ប្រកាសលក់ឡានបន្ទាន់ ដើម្បីយកលុយមើលជំងឺ appeared first on Kampuchea Thmey Daily.

ភរិយានាយ តាក់ស៊ី ប្រកាសសុំជំនួយឈាមដើម្បីជួយសា្វមី ខណៈកំពុងសង្គ្រោះបន្ទាន់

Sokhom Khon — Wed, 06 Jul 2022 03:54:19 +0000

នាយ តាក់ស៊ី ធ្លាក់ខ្លួនឈឺធ្ងន់ខណ:ប្រពន្ធប្រកាសសុំការផ្តល់ឈាមសង្គ្រោះជីវិតប្តីតារាកំប្លែងនាយ តាក់ស៊ី បានធ្លាក់ខ្លួនឈឺធ្ងន់ ខណ:ពេលនេះត្រូវបានភរិយានិងក្រុមគ្រួសារបញ្ចូនទៅសង្គ្រោះបន្ទាន់នៅមន្ទីរពេទ្យព្រះកេតុមាលាបង្កការភ្ញាក់ផ្អើលដល់អ្នកគាំទ្រនិងមហាជនជាថ្មី។

នៅគណនីហ្វេសប៊ុកឈ្មោះ Neay Taxi ដែលត្រូវបានគេដឹងថា ពេលនេះភរិយារបស់នាយ តាក់ស៊ី ជាអ្នកកំពុងប្រើប្រាស់បានរៀបរាប់ឲ្យដឹងនៅថ្ងៃទី០៦ ខែកក្ដដា ឆ្នាំ២០២២នេះថា ឥឡូវនាយ តាក់ស៊ី ដែលជាប្ដីកំពុងធ្លាក់ខ្លួនឈឺធ្ងន់ធ្ងរ ខណ:នាយក៏ត្រូវការបញ្ចូលឈាមជាច្រើនប្លោកជាបន្ទាន់ដើម្បីជួយសង្គ្រោះជីវិត។ ភរិយានាយ តាក់ស៊ី ក៏បានប្រកាសដោយអង្វរសុំជំនួយនៃការបរិច្ចាគឈាមពីសប្បុរជនផងដែរ។

ភរិយាតារាកំប្លែងនាយ តាក់ស៊ី បានលើកឡើងថា « អាណិតប្ដីណាស់ពេទ្យឯកជនអស់លទ្ធភាពមើលហើយ ដោយសារអាការៈរបស់គាត់ធ្ងន់ពេកត្រូវបញ្ជូនមកមន្ទីរពេទ្យទាហាន គឺមន្ទីរពេទ្យកេតុមាលា ហើយនាងខ្ញុំសុំឱ្យបងប្អូនជួយបរិចា្ចគឈាមដល់ប្ដីខ្ញុំផងត្រូវការឈាមបន្ទាន់ណាស់ក្នុងថ្ងែនេះខ្វះឈាម៥ទៅ៨សាក់បានគ្រប់»។

ភរិយាតារាកំប្លែងរូបនេះបន្ថែមទៀតថា សូមបងប្អូនជួយបរិច្ចាគឈាមផងហើយបើបងប្អូនចង់មកសួរសុខទុក្ខគាត់សូមទាក់ទងតាមលេខទូរសព្ទគឺ 069 29 56 46, 061 75 83 37, 090 99 56 98។

ជាមួយគ្នានេះដែរគេក៏បានឃើញទិដ្ឋភាពជាក់ស្តែងដែលនាយ តាក់ស៊ី កំពុងដេកស្ដូកស្ដឹងនៅលើគ្រែពេទ្យយ៉ាងអាណិតទៀតផង។ ដំណឹងនេះក៏បានធ្វើឱ្យមហាជននិងអ្នកគាំទ្រជាច្រើនបង្ហាញការព្រួយបារម្ភចំពោះសុខភាពតារាកំប្លែងរូបនេះគ្រប់គ្នា៕

អត្ថបទ៖ ចាន់រ៉ា

The post ភរិយានាយ តាក់ស៊ី ប្រកាសសុំជំនួយឈាមដើម្បីជួយសា្វមី ខណៈកំពុងសង្គ្រោះបន្ទាន់ appeared first on Kampuchea Thmey Daily.

នាយ តាក់ស៊ី ធ្លាក់ខ្លួនជួលផ្ទះមួយខែ៦០ដុល្លារ ពេលខ្លះសឹងរកលុយបង់ថ្លៃផ្ទះគ្មាន

Sorn Phanith — Thu, 21 Oct 2021 09:41:32 +0000

បន្ទាប់ពីបាត់ខ្លួនអស់មួយរយៈក្នុងអាជីពសិល្បៈ តារាកំប្លែងនាយ តាក់ស៊ី ពេលនេះក៏ស្រាប់តែ លេចដំណឹងជាថ្មីថា នាយធ្លាក់ខ្លួនជួលផ្ទះមួយខែ៦០ដុល្លារ ពេលខ្លះរកលុយបង់ថ្លៃផ្ទះគ្មាន។

លោក អ៊ឹម ជីវ៉ា បានទម្លាយឲ្យដឹងថាហ៊ឺ..!អាណិត តារាកំប្លែងនាយ តាក់ស៊ី ណាស់ ពីថៅកែឡាន ថៅ កែដីឡូតិ៍ជាតាល្បីបែរជាធ្លាក់ខ្លួនជួលផ្ទះ១ខែ៦០ដុល្លារ ពេលខ្លះរកលុយបង់ថ្លៃផ្ទះមិនបានផងសូមបងប្អូនជួយហៅគាត់ទៅថតដើម្បីបានប្រាក់កម្រៃផង។

តារាកំប្លែងនាយ តាក់ស៊ី បច្ចុប្បន្នជួលផ្ទះគេនៅម្តុំស្ថានីយទូរទស្សន៍CTN ក្នុងមួយខែ៦០ដុល្លារ ដោយនាយតាក់ស៊ី និយាយថា សូមពុកម៉ែបងប្អូនជួយហៅគាត់ថតផង ដើម្បីបានប្រាក់ចិញ្ចឹមគ្រួសារ ព្រោះសព្វថ្ងៃនេះគាត់ក្រខ្លាំងណាស់ ណាមួយត្រូវចិញ្ចឹមម្តាយនៅស្រុកទៀត។

សូមជម្រាបដែរថាតារាកំប្លែងល្បីឈ្មោះកន្លងមកបា នជួបរឿងរ៉ាវដ៏កម្សត់និងធ្លាក់ខ្លួនឈឺធ្ងន់ម្តងរួចមកហើយបន្ទាប់ពីបែកបាក់អតីតភរិយាអ្នកនាង ភីម។ ប៉ុន្តែក្រោយមកនាយក៏មានសង្ឃឹមជាថ្មីខណៈទទួលបានការជួយពីសប្បុរសជន៕