ការលើកឡើងនេះ ក្នុងឱកាស គណៈប្រតិភូក្រុមប្រឹក្សាធនាភិបាលសន្តិសុខសង្គម នៃ ប.ស.ស ដឹកនាំដោយ លោក ហ៊ីវ រស្មី អនុរដ្ឋលេខាធិការក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានក្រុមប្រឹក្សាធនាភិបាលសន្ដិសុខសង្គម នៃ ប.ស.ស បានអញ្ជើញចុះទស្សនកិច្ចសិក្សានៅធនាគារជាតិ នៃកម្ពុជា និងនិយ័តករមូលបត្រកម្ពុជា ដើម្បីស្វែងយល់ពីបទពិសោធ នៃការគ្រប់គ្រងការវិនិយោគ និងកាលានុវត្តភាពសម្រាប់ការវិនិយោគមូលនិធិសន្ដិសុខសង្គម កាលពីថ្ងៃទី ២៩ ខែមេសា ឆ្នាំ ២០២៦ ម្សិលមិញ។

នាឱកាសនោះ លោក ហ៊ីវ រស្មី បានលើកឡើងថា «បទពិសោធ និងបច្ចេកទេសដែលទទួលបានពីស្ថាប័នកំពូលទាំងពីរនេះ នឹងក្លាយជាមូលដ្ឋានគ្រឹះដ៏រឹងមាំសម្រាប់ក្រុមប្រឹក្សាធនាភិបាល ក្នុងការរៀបចំគោលការណ៍គ្រប់គ្រងមូលនិធិ និងសម្រេចចិត្តលើផែនការវិនិយោគឲ្យកាន់តែមានសុវត្ថិភាព តម្លាភាព និងទទួលបានផលចំណេញខ្ពស់ ដើម្បីជាឧត្តមប្រយោជន៍ដល់កម្មករ-និយោជិត និងមន្ត្រីសាធារណៈជាសមាជិក ប.ស.ស ទាំងអស់»។

ក្នុងដំណើរទស្សនកិច្ចនៅធនាគារជាតិ នៃកម្ពុជា គណៈប្រតិភូ ទទួលបានការស្វាគមន៍យ៉ាងកក់ក្ដៅពី ​លោក គឹមទី កោមលី​ អគ្គនាយកប្រតិបត្តិការ ដោយបានពិភាក្សាយ៉ាងស៊ីជម្រៅលើបញ្ហាបច្ចេកទេស រួមមាន យន្តការគ្រប់គ្រងទុនបម្រុងវិនិយោគ ការបែងចែកទ្រព្យសកម្មជាយុទ្ធសាស្ត្រ ការវាយតម្លៃលើទ្រព្យសកម្មវិនិយោគសកល និងការគ្រប់គ្រងហានិភ័យឲ្យបានច្បាស់លាស់។

ដោយឡែក ក្នុងជំនួបជាមួយ ​លោក ស៊ូ សុជាតិ​ ប្រតិភូរាជរដ្ឋាភិបាលទទួលបន្ទុកជាអគ្គនាយកនិយ័តករមូលបត្រកម្ពុជា នាវេលារសៀលថ្ងៃដដែល អ្នកជំនាញ បានបង្ហាញអំពីវឌ្ឍនភាព នៃទីផ្សារមូលបត្រកម្ពុជា កាលានុវត្តភាពវិនិយោគ ការបោះផ្សាយសញ្ញាបណ្ណ និងឱកាសវិនិយោគនានាសម្រាប់មូលនិធិសន្តិសុខសង្គម៕

The post អនុរដ្ឋលេខាធិការក្រសួងការងារ ៖ បទពិសោធ និងបច្ចេកទេសទទួលបានពីស្ថាប័នកំពូលពីរ​ នឹងក្លាយជាមូលដ្ឋានគ្រឹះដ៏រឹងមាំសម្រាប់ក្រុមប្រឹក្សាធនាភិបាល appeared first on Kampuchea Thmey Daily.

​លោក ស៊ូ សុជាតិ ​មានប្រសាសន៍ថា ​កម្ពុជាមានកិច្ចសហប្រតិបត្តិការ​ក្នុង​ការលើកកម្ពស់ទីផ្សារ​ឧបករណ៍​និស្សន្ទជាមួយ​សម្ព័ន្ធធនា​គារ​ពិភពលោក ​(WBG)​។ ​

គម្រោងនេះ ​សហការ​ជាមួយ​សាជីវកម្មហិរញ្ញវត្ថុអន្តរជាតិ (IFC) ​ដែលជាផ្នែកមួយនៃសម្ព័ន្ធធនា​គារ​ពិភពលោក ​(WBG)​ មានការ​កែសម្រួល​បទបញ្ញត្តិ ​និង​ការជំរុញការយល់ដឹងពាក់ព័ន្ធទីផ្សារ​ឧបករណ៍​និស្សន្ទនៅកម្ពុជា។​

លោក ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា ​បានស្នើឱ្យ​មានពង្រីក​កិច្ចសហប្រតិបត្តិការ​បន្ថែម​ទៀត ក្នុងការអភិវឌ្ឍទីផ្សារ​ឧបករណ៍និស្សន្ទនៅកម្ពុជា៕

The post ​កម្ពុជា ​ចាប់ដៃ​ជាមួយធនាគារ​ពិភពលោក​អភិវឌ្ឍ​ទីផ្សារ​ឧបករណ៍​និទស្សន្ទ​ appeared first on Kampuchea Thmey Daily.

​នៅក្នុងកិច្ចប្រជុំនោះ ភាគីទាំងពីរបានពិភាក្សាអំពីការបង្កើតកិច្ចសហប្រតិបត្តិការរវាង និយ័តករ​មូលបត្រ​កម្ពុជា និងគណៈ​កម្មការ​មូល​បត្រ​សហរដ្ឋ​អា​មេរិក ព្រមទាំងបាន ចែករំលែកបទពិសោធ​អំពីការ​ត្រួតពិនិត្យលើទ្រព្យឌីជីថលដោយ និយ័តករ​មូលបត្រ​កម្ពុជា និងគណៈ​កម្មការ​មូល​បត្រ​សហរដ្ឋ​អា​មេរិក​ ព្រមទាំងការដាក់ចេញគោលនយោបាយ​ដែលគាំទ្រដល់ការអភិវឌ្ឍ​វិស័យមូល​បត្រដោយប្រទេសទាំងពីរ។​

​លោក ​ស៊ូ សុជាតិ ​មានប្រសាសន៍ថា គណៈ​កម្មការ​មូល​បត្រ​សហរដ្ឋ​អា​មេរិកបានរៀប​ចំសន្និ​សីទ​អន្តរ​ជាតិ​ចាប់​ពីថ្ងៃ​ទី ​២២ ​ខែមេសា ​រហូត​ដល់សប្ដាហ៍ក្រោយ ​ដោយបាន​អញ្ជើញ​និយ័តករ​មូលបត្រ​កម្ពុជា​ចូលរួម​។​

​លោក ​ស៊ូ សុជាតិ ​បន្ថែមថា ជំនួបទ្វេភាគីរវាងភាគីកម្ពុជា ​និងសហរដ្ឋអាមេរិក នឹងស្វែងរក​ជាមួយ​គ្នា​ដើម្បី​ឈានទៅ​រក​គម្រោង​ណាមួយជាក់ស្ដែង ហើយបន្តធ្វើការជាមួយគ្នា​ក្នុងការ​គ្រប់គ្រង​វិស័យ​មូល​បត្រ។​

​លោកបន្តថា ​នេះក៏ជាឱកាស​សម្រាប់​និយ័តករ​មូលបត្រ​កម្ពុជា ដែលអាចរៀនសូត្រពីអាមេរិក ខណៈ​គណៈ​កម្មការ​មូល​បត្រ​សហរដ្ឋ​អា​មេរិក​​ជានិយ័ករដែលមានវ័យចំណាស់ ហើយធំជាងគេ​។

​គិតមកដល់ពេលនេះ ក្រុមហ៊ុន​ដែលបានបោះផ្សាយ​ និងចុះបញ្ជីលក់មូលបត្រ​នៅផ្សារ​មូល​បត្រកម្ពុជា ​បានប្រមូលសាច់ប្រាក់​ពីទីផ្សារក្នុងរង្វង់ ​៧០០ លានដុល្លារ ​ក្នុងនោះ​មានក្រុមហ៊ុនចំនួន ១២ ​បានបោះផ្សាយលក់មូលបត្រកម្មសិទ្ធិ ​និងក្រុមហ៊ុនចំនួន ១៥ ​បោះផ្សាយលក់មូល​បត្របំណុល៕​

អត្ថបទ៖ ឡេង ដេត

The post ​និយ័តករមូលបត្រកម្ពុជា-អាមេរិក ជួបប្រជុំទ្វេភាគី នៅរដ្ឋធានីវ៉ាស៊ីនតោន appeared first on Kampuchea Thmey Daily.

នៅ​ក្នុង​សេចក្តី​ជូន​ដំណឹង​របស់ និយ័តករ​មូល​បត្រ​កម្ពុជា (SERC) បាន​គូស​បញ្ជាក់​ឱ្យ​ដឹង​ថា ក្រសួងសេដ្ឋកិច្ច និងហិរញ្ញវត្ថុ បានអនុម័តដាក់ឱ្យ​ប្រើប្រាស់ប្រកាសលេខ ១៣៣ សហវ.ប្រក.ន.ម.ក. ចុះថ្ងៃទី៥ ខែកុម្ភៈ ឆ្នាំ២០២៦ ស្តីពីការលើកលែងពន្ធលើ​ចំណេញមូលធនសម្រាប់ផលិតផលក្នុងវិស័យមូលបត្រ។

ការ​សម្រេច​ដាក់​ឱ្យ​ប្រើប្រាស់​នូវ​ការ​លើកលែងពន្ធលើ​ចំណេញមូលធនសម្រាប់ផលិតផលក្នុងវិស័យមូលបត្រ​នេះ គឺ​ធ្វើ​ឡើង​នៅ​ក្នុងគោលបំណងផ្តល់ការលើកលែងពន្ធលើចំណេញ មូលធន​សម្រាប់​ផលិតផលមូលបត្រ​ស្រប​តាមអនុក្រឹត្យលេខ ៣៩ អនក្រ.បក ចុះថ្ងៃទី១៤ ខែមីនា ឆ្នាំ២០២៥ ស្តីពី​ការលើក​ទឹកចិត្តពន្ធដារ​ក្នុងវិស័យ​មូលបត្រ និង​ការ​ពន្យារពេលអនុវត្តពន្ធលើចំណេញមូលធនសម្រាប់ ផលិតផលផ្សេងទៀតក្នុងវិស័យមូលបត្រ។

តាម​រយៈ​សេចក្តី​ជូន​ដំណឹង​ខាង​លើ និយ័តករមូលបត្រ​កម្ពុជា សង្ឃឹម​ថា​វិនិយោគសាធារណៈ ក្រុមហ៊ុនក្នុងវិស័យមូលបត្រ និងសាធារណជន ជ្រាបជាព័ត៌មាន៕

The post រដ្ឋអនុម័តការលើកលែងពន្ធលើចំណេញមូលធនសម្រាប់ផលិតផលក្នុងវិស័យមូលបត្រ appeared first on Kampuchea Thmey Daily.

ប្រកាសនេះ មានវិសាលភាព អនុវត្តចំពោះបុគ្គលរាយការណ៍​ក្នុងវិស័យមូលបត្រ រួមមាន ក្រុមហ៊ុនមូលបត្រ ដែលធ្វើអាជីវកម្មជើងសារមូលបត្រ ឈ្មួញជើងសារឧបករណ៍និទស្សន្ទ បុគ្គលផ្សេងទៀតដែលពាក់ព័ន្ធដោយផ្ទាល់ ជាមួយវិនិយោគិនមូលបត្រ។

ចំពោះទណ្ឌកម្មខាងវិន័យ នឹងត្រូវទទួលរងការព្រមាន ការស្ដីបន្ទោស រហូតដល់ដកហូតអាជ្ញាបណ្ណអាជីវកម្ម និង​ផាក​ពិន័យ ប្រសិនបើរកឃើញថា ក្រុមហ៊ុនចុះបញ្ជី មិនអនុវត្តកាតព្វកិច្ច ដែលមានចែងក្នុងច្បាប់ពាក់ព័ន្ធនឹងការប្រឆាំង​ការសម្អាតប្រាក់ និងហិរញ្ញប្បទានភេរវកម្ម៕

The post ក្រុមហ៊ុនមូលបត្រ​ នឹងទទួលរងពិន័យ ឬដកហូតអាជ្ញាបណ្ណ បើរកឃើញថា មិនអនុវត្តតាមច្បាប់ប្រឆាំងការសម្អាតប្រាក់ appeared first on Kampuchea Thmey Daily.

លោក​បាន​លើក​ឡើង​បែប​នេះ នៅក្នុង​កម្មវិធីដាក់ឱ្យដំណើរការផ្ទាល់ជួញដូរទ្រព្យឌីជីថលនៅក្នុងបរិស្ថាន សាកល្បង​បច្ចេកវិទ្យាហិរញ្ញវត្ថុក្នុងវិស័យមូលបត្ររបស់ក្រុមហ៊ុន ស៊ីធីអ៊ុច-98 កាល​ពី​ពេល​ថ្មី​ៗ​នេះ​។

បើតាមលោក​ ស៊ូ សុជាតិ ការដាក់ឱ្យដំណើរកាថ្នាល ជួញដូរ​ទ្រព្យឌីជីថល​របស់​ក្រុមហ៊ុន ស៊ីធីអ៊ុច-98 ឯ.ក នៅក្នុងបរិស្ថានសាកល្បង​បច្ចេកវិទ្យាហិរញ្ញវត្ថុ ក្នុងវិស័យមូលបត្រ គឺបង្ហាញពី​វឌ្ឍនភាព​នៃ​ការ​អភិវឌ្ឍ​បច្ចេកវិទ្យា​ហិរញ្ញវត្ថុ​នៅ​ក្នុង​វិស័យមូលបត្រ តាមរយៈ​ការជំរុញ​ការ​អនុវត្ត​ក្របខ័ណ្ឌ​គោល​នយោបាយ​របស់​រាជរដ្ឋាភិបាលពាក់ព័ន្ធនឹងបច្ចេកវិទ្យា ហិរញ្ញវត្ថុ។

លោក​បានគូសបញ្ជាក់ថា៖ «បន្ទាប់ពីក្រុមហ៊ុនជោគជ័យក្នុងការសាកល្បងផ្ទាល់ជួញដូរទ្រព្យឌីជីថលក្នុងបរិស្ថានសាកល្បង​បច្ចេក​វិទ្យាហិរញ្ញវត្ថុ​ក្នុងវិស័យមូលបត្រ ក្រុមហ៊ុនអាចស្នើសុំអាជ្ញាបណ្ណ ដើម្បីធ្វើ​អាជីវកម្មផ្តល់សេវាទ្រព្យឌីជីថល ស្របតាមបទប្បញ្ញត្តិជាធរមានផងដែរ»។

កម្មវិធីដាក់ឱ្យដំណើរការថ្នាល ជួញដូរទ្រព្យឌីជីថល ត្រូវបានរៀបចំឡើង​ក្នុងគោល​បំណង​បង្ហាញ​ដល់​សាធារណជន និង​វិនិយោគិន សក្តានុពល​អំពី​ការ​ដាក់​ឱ្យដំណើរការផ្ទាលជួញដូរទ្រព្យឌីជីថល របស់ក្រុមហ៊ុន ស៊ីធីអ៊ុច-98 ឯ.ក ដែល ជាក្រុមហ៊ុនទទួលបានការអនុញ្ញាតពី​និយ័តករមូលបត្រ​កម្ពុជា​ ឱ្យដាក់​ថ្នាល​ជួញដូរទ្រព្យ​ឌីជីថល​ចូលរួម​ក្នុងបរិស្ថាន​សាក​ល្បង​​បច្ចេកវិទ្យា​ហិរញ្ញវត្ថុក្នុងវិស័យមូលបត្រ។

ជាក់ស្តែង​ ថ្នាលជួញដូរ​ទ្រព្យឌីជីថល ជា​ថ្នាលជួញដូរដែល​ប្រើប្រាស់បច្ចេកវិទ្យាប្លុកឆេន ដែលត្រូវ​បាន​មជ្ឈដ្ឋាន​ទូទាំង​ពិភព​លោក​ចាត់ទុក​ថា​ជា​បច្ចេកវិទ្យាថ្មីមួយ ដែល​អាចជួយបង្កើននូវប្រសិទ្ធិភាព សុវត្ថិភាព និង​តម្លាភាព​នៃ​ប្រតិបត្តិការ​ហិរញ្ញវត្ថុ ព្រម​ទាំង​បង្កើតនូវ​កាលានុវត្តភាពជាផលិតផល និង​សេវាកម្មហិរញ្ញវត្ថុថ្មីៗនៅក្នុងវិស័យមូលបត្រ៕

The post លោក ស៊ូ សុជាតិ៖ ការដាក់ឱ្យដំណើរការថ្នាលជួញដូរទ្រព្យឌីជីថលក្នុងវិស័យមូលបត្រ បង្ហាញពីវឌ្ឍនភាពនៃការអភិវឌ្ឍបច្ចេកវិទ្យាហិរញ្ញវត្ថុ appeared first on Kampuchea Thmey Daily.

ក្នុង​ពិធី​ចុះ​បញ្ជី​លក់​សញ្ញាបណ្ណ​ជាផ្លូវការរបស់ ក្រុមហ៊ុន ជូនពេញ អាហ្វ្រិកូ នៅផ្សារមូលបត្រកម្ពុជា នៅថ្ងៃទី ២១ ខែមករា ឆ្នាំ ២០២៦​ លោក ស៊ូ សុជាតិ ​មាន​ប្រសាសន៍​ថា តាម​រយៈការ​ដាក់​ចេញ​នូវ​បទប្បញ្ញត្តិ​ថ្មី​ៗ និង​គំនិត​ផ្តួច​ផ្តើម​ដើម្បី​បង្កើន​ចំណេះ​ដឹង​ផ្នែក​ហិរញ្ញវត្ថុ​ដល់​សាធារណជន​ និង​បណ្តា​ក្រុមហ៊ុន​នានា ទីផ្សារ​មូលបត្រ​កម្ពុជា​បាន​ទទួល​ការ​ចាប់​អារម្មណ៍​យ៉ាង​ខ្លាំង​ ដោយ​ក្នុង​នោះ​មាន​ក្រុមហ៊ុន​ជា​ច្រើន​ដែល​​កំពុង​ត្រៀម​ខ្លួន​ធ្វើ​ការ​បោះ​ពុម្ភ​ផ្សាយ​លក់​ទាំង​មូលបត្រ​កម្មសិទ្ធិ និង​មូល​បត្រ​ចំណូល ហើយ​នឹង​អាច​ធ្វើ​ការ​ចុះ​​បញ្ជី​លក់​​មូល​បត្រ​របស់​ខ្លួន​ជា​បន្ត​បន្ទាប់​នាពេល​ឆាប់​ៗ​ខាង​មុខ​នេះ​។

គិតមកដល់ពេលនេះ ក្រុមហ៊ុនដែលបានបោះផ្សាយ និងចុះបញ្ជីលក់មូលបត្រនៅផ្សារ មូលបត្រកម្ពុជា បានប្រមូលសាច់ប្រាក់ពីទីផ្សារក្នុងរង្វង់ ៧០០ លានដុល្លារអាម៉េរិក។ ក្នុងនោះ មានក្រុមហ៊ុន​ចំនួន ១២ បានបោះផ្សាយលក់មូលបត្រកម្មសិទ្ធិ និងក្រុមហ៊ុនចំនួន ១៥ បានបោះផ្សាយលក់ មូលបត្របំណុល ដោយ​រួមបញ្ចូលទាំងសញ្ញាបណ្ណបៃតង និងសញ្ញាបណ្ណចីរភាព ដែលនេះជាមោទនភាពមួយសម្រាប់កម្ពុជា។

លោក​ ស៊ូ សុជាតិ បាន​អះអាង​ថា «ថ្វី​ត្បិត​តែ​ប្រទេស​កម្ពុជា​យើង​ចាប់ផ្តើមទីផ្សារក្រោយគេ ហើយ​ទំហំ​ទីផ្សារ​នៅតូច ប៉ុន្តែ​ការ​អនុវត្ត និង​ការ​អភិវឌ្ឍទីផ្សារ គឺ​​ស្រប​ទៅនឹងនិន្នាការថ្នាក់តំបន់ និងសកល»។

ទន្ទឹម​នេះ លោក ហុង សុហួរ ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃផ្សារមូលបត្រកម្ពុជា បាន​លើក​ឡើង​ដែរ​ថា សក្តានុពលនៃទីផ្សារមូលបត្រ គឺពុំមានដែនកំណត់នោះទេ ក្រុមហ៊ុនដែល​មាន​កំណើន​អាជីវកម្ម​អាច​កៀរគរទុន​ម្តងហើយម្តងទៀត ដោយវិសាលភាពនៃវិនិយោគិនរបស់យើងធំទូលាយ និងមានពីគ្រប់វិស័យ ទាំង​រូបវ័ន្តបុគ្គល និងនីតិបុគ្គល ទាំងក្នុងស្រុក និងក្រៅស្រុក។

តាមរយៈសមិទ្ធិផលកន្លងមក និងការប្រមូលទុនយ៉ាងគំហុកនៅក្នុងឆ្នាំមុននេះ ការកៀរគរទុនបាន​កើនឡើង​រហូត​ដល់​ប្រមាណ ២៦៥ លានដុល្លារអាមេរិក។

ពាក់ព័ន្ធទៅនឹងទីផ្សារភាគហ៊ុន លោក ហុង សុហួរ ក៏បានឱ្យដឹងដែរថា គិតត្រឹមបច្ចុប្បន្ន​នេះ​ ផ្សារ​មូលបត្រ​កម្ពុជា​មានក្រុមហ៊ុន​ចុះ​បញ្ជីសរុប​ចំនួន ២៧ ដែលរួមមានក្រុមហ៊ុនចំនួន ១២ បានចុះ​បញ្ជីលក់មូលបត្រកម្មសិទ្ធិ និងក្រុមហ៊ុន ១៥ ទៀត បាន​ចុះ​បញ្ជី​ជា​សញ្ញាបណ្ណ​សាជីវកម្ម។ ក្រុមហ៊ុនទាំង ២៧ នេះ បានប្រមូលទុនសរុបពីផ្សារមូលបត្រប្រមាណជា ៧០៣ លានដុល្លារអាមេរិក។

បើក្រលេកមើលទិន្នន័យទីផ្សារវិញ​ ក្នុងឆ្នាំ២០២៥ ទីផ្សារមានស្ថិរភាព និងមានភាពធន់ ដោយសន្ទស្សន៍ទីផ្សារបានបិទនៅ ៤២៣,០៦ពិន្ទុ កើនឡើង២,៥% បើធៀប នឹងឆ្នាំ២០២៤ ហើយទំហំជួញដូរភាគហ៊ុនជាមធ្យមក្នុងមួយថ្ងៃមានប្រមាណ ១១ ម៉ឺនដុល្លារ ជាមួយនឹងបរិមាណជួញដូរភាគហ៊ុនជាមធ្យមមានប្រមាណជា ១០ ម៉ឺនភាគហ៊ុន ដោយមានការជួញដូរតាមការចរចាបានកើតឡើងជាច្រើនដងក្នុងឆ្នាំ២០២៥ កន្លងទៅនេះ។

រីឯចំនួនគណនីជួញដូរបានហក់ទៅដល់ប្រមាណជា ៧៣.០០០ គណនីជួញដូរ គិតត្រឹមឆ្នាំ២០២៥ ដោយមានកើន ឡើងប្រមាណជា ១៤.៥០០ គណនី បើធៀបនឹងឆ្នាំ២០២៤។

លោក ហុង សុហួរ បានសង្កត់ធ្ងន់ថា ទោះបីជាស្ថានភាពសេដ្ឋកិច្ចជា សកលហាក់មានភាពមិននឹងនរ បន្ថែមដោយការឈានពានពីសំណាក់ប្រទេសជិតខាងមកលើប្រទេសកម្ពុជាក្តី តែផ្សារមូលបត្រកម្ពុជានៅតែធ្វើដំណើរយ៉ាងស្វាហាប់ទៅមុខ និងរក្សាបានភាពធន់ ពោលគឺធ្វើដំណើរឆ្ពោះទៅមុខជានិច្ច ទោះបីជាជំហ៊ានតូចៗក្តី តែនៅតែបន្តឥតឈប់ឈរ៕

The post ផ្សារមូលបត្រកៀរគរទុនប្រមាណ ៧០០ លានដុល្លារ appeared first on Kampuchea Thmey Daily.

ការ​អនុម័ត​លើ​សេចក្តី​ព្រាង​ច្បាប់​នេះ​ ត្រូវ​បាន​ធ្វើ​ឡើង​នៅ​ក្នុង​ប្រជុំក្រុមប្រឹក្សា អ.ស.ហ. លើកទី២៧ អាណត្តិទី១ ក្រោម​អធិបតេយ្យ​ភាព​បណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធាន ក្រុមប្រឹក្សា អ.ស.ហ. លើរបៀបវារៈចំនួន ៧ ដោយក្នុងនោះ​ក៏មានផង​ដែរ​នូវការ​ស្នើ​សុំ​អនុម័ត​លើ​សេចក្តី​ព្រាង ប្រកាស​ស្តីពី “ការផ្តល់អាជ្ញាបណ្ណ និងការគ្រប់គ្រងអាជីវកម្មទ្រព្យឌីជីថល” របស់ ន.ម.ក.។

បន្ទាប់ពីធ្វើបទ បង្ហាញជូនអង្គប្រជុំរួចមក អង្គប្រជុំបានពិភាក្សាផ្លាស់ប្តូរយោបល់ទាំងកម្រិតបច្ចេកទេស និងគោលនយោបាយលើ របៀបវារៈដែលបានរៀបចំដោយមន្ត្រីជំនាញ ន.ម.ក.។

ជាលទ្ធផល ក្រុមប្រឹក្សា អ.ស.ហ. បានអនុម័តលើសេចក្តី-ព្រាងប្រកាសស្តីពី “ការផ្តល់អាជ្ញាបណ្ណ និងការគ្រប់គ្រងអាជីវកម្មទ្រព្យឌីជីថល” របស់ ន.ម.ក.។

សេចក្តីព្រាង ប្រកាសនេះ បានបែងចែកជា ៩ ជំពូក ៦៣ ប្រការ ដោយបានកំណត់ពីលក្ខខណ្ឌ និង​នីតិវិធី​ក្នុង​ការ​ផ្តល់​អាជ្ញាបណ្ណ បន្តអាជ្ញាបណ្ណ និង​កាតព្វកិច្ច​ផ្សេងៗរបស់ក្រុមហ៊ុនផ្តល់សេវាទ្រព្យឌីជីថល ភ្នាក់ងារ​ទ្រព្យ​ឌីជីថល និង​បុគ្គល​ពាក់ព័ន្ធ ផ្សេង​ទៀត ក្នុង​ទិសដៅ​ធានា​ឱ្យ​មាន​នូវ​​សុច្ចរិតភាព​ទីផ្សារ តម្លាភាព សណ្តាប់ធ្នាប់ និង​កិច្ច​ការពារ​វិនិយោគិន។

សេចក្តីព្រាងប្រកាសនេះ មានវិសាលភាពអនុវត្តចំពោះគ្រប់សកម្មភាពពាក់ព័ន្ធនឹងអាជីវកម្មទ្រព្យឌីជីថល ដែល​មិន​ជាប់​ពាក់ព័ន្ធ​នឹងការ​ប្រើប្រាស់​ទ្រព្យឌីជីថលជាយន្តការនៃការទូទាត់នៅក្នុងព្រះរាជាណាចក្រកម្ពុជា។

ការអនុម័តលើសេចក្តីព្រាងប្រកាសស្តីពី ការផ្តល់អាជ្ញាបណ្ណ និងការគ្រប់គ្រងអាជីវកម្មទ្រព្យឌីជីថល របស់ ន.ម.ក. បានចូលរួមចំណែកអនុវត្តគោលនយោបាយរបស់រាជរដ្ឋាភិបាលក្នុងការជំរុញកំណើនសេដ្ឋកិច្ចជាតិ ដោយស្របតាមការចង្អុលបង្ហាញផ្លូវដោយគោលនយោបាយអភិវឌ្ឍន៍បច្ចេកវិទ្យាហិរញ្ញវត្ថុកម្ពុជា២០២៣-២០២៨ របស់រាជរដ្ឋាភិបាល ព្រមទាំងស្រប​តាមតម្រូវការ​ចាំបាច់ចំពោះមុខសម្រាប់ការបន្តអភិវឌ្ឍ​ទីផ្សារមូល​បត្រ​កម្ពុជា៕

The post រដ្ឋអនុម័តសេចក្តីព្រាង ប្រកាសស្តីពី “ការផ្តល់អាជ្ញាបណ្ណ និងការគ្រប់គ្រងអាជីវកម្មទ្រព្យឌីជីថល” appeared first on Kampuchea Thmey Daily.