កម្មវិធី​នេះ​បង្កើត​ឡើង​ក្នុង​គោលបំណងផ្សារភ្ជាប់ទំនាក់ទំនងរវាងនិស្សិតកម្ពុជា និង​និស្សិតអន្តរជាតិជាង ១០០ប្រទេស ដែលកំពុងសិក្សានៅទីនោះ។ កម្មវិធី​នេះ​មាន​រយៈ​ពេល​មួយ​សប្តាហ៍​ពេញ រួមមានការសម្តែងរបាំប្រពៃណី ការតាំងពិព័រណ៍វប្បធម៌ និងការលក់ម្ហូបអាហារខ្មែរ។

ក្នុង​ឱកាស​នេះ និស្សិតខ្មែរ បានសម្តែងនូវការដឹងគុណ និងថ្លែងអំណរគុណយ៉ាងជ្រាលជ្រៅ ចំពោះ លោក ហាំង តុលា ប្រធានក្រុមការងារប្រទេសជប៉ុន ដែលបានឧបត្ថម្ភថវិកា សម្រាប់ទិញឈុតសម្លៀកបំពាក់ប្រពៃណី និងក្រុមការងារតំបន់ហ្វូគូអូកា ដែលបានឧបត្ថម្ភថ្លៃផ្ញើសម្ភារៈ​ទៅប្រទេសជប៉ុន ដើម្បីគាំទ្រដល់និស្សិតខ្មែរ ក្នុង​ការ​រៀបចំកម្មវិធីខាងលើ៕

The post និស្សិតខ្មែរនៅជប៉ុនរៀបចំ «សប្តាហ៍កម្ពុជា ២០២៦» ផ្សព្វផ្សាយ​វប្បធម៌ជាតិ​ទៅ​កាន់​និស្សិតអន្តរជាតិ appeared first on Kampuchea Thmey Daily.

គិតត្រឹមថ្ងៃទី ២៩ ខែកក្កដា ឆ្នាំ ២០២៥ និស្សិតកម្ពុជាចំនួន ៤១០នាក់ហើយ បានសម្រេចចិត្តចាកចេញពីប្រទេសថៃ ខណៈក្រសួងអប់រំកំពុងសម្របសម្រួលផ្តល់អាហារូបករណ៍ឱ្យចូលរៀននៅតាមគ្រឹះស្ថានឧត្តមសិក្សានានានៅកម្ពុជា។ តាមគម្រោង នៅថ្ងៃទី​៣០ កក្កដា នឹងមាននិស្សិតចំនួន ១៣ នាក់បន្ថែមទៀត វិលចូលប្រទេសវិញ។

ការវិលចូលស្រុកនេះ ស្របពេលដែលកម្ពុជា-ថៃ មានជម្លោះព្រំដែន ពោលភាគីថៃឈ្លានពានដែនអធិបតេយ្យភាពកម្ពុជា ក៏មានការកើនឡើងនូវការរើសអើង ការប្រើហិង្សា និងការគំរាមកំហែងដល់សុវត្ថិភាពរបស់បងប្អូនប្រជាពលរដ្ឋខ្មែរ ដែលកំពុងស្នាក់នៅនិងធ្វើការនៅប្រទេសថៃ បង្កឡើងដោយក្រុមជ្រុលនិយមថៃ។ ជាការកត់សម្គាល់ សូម្បីពលរដ្ឋខ្មែរដើរតាមផ្លូវ កំពុងធ្វើការ និងកំពុងគេងក្នុងបន្ទប់ ត្រូវបានក្រុមជ្រុលនិយមថៃ ធ្វើទុក្ខបុកម្នេញ វាយ ទាត់ធាក់ ដែលវីដេអូហិង្សាទាំងនោះត្រូវបានចែកចាយនៅលើបណ្តាញសង្គម។

កាលពីថ្ងៃទី ១៦ ខែមិថុនា ឆ្នាំ ២០២៥ សម្តេចតេជោ ហ៊ុន សែន​ ប្រធានព្រឹទ្ធសភា បានផ្តាំទៅនិស្សិតខ្មែរដែលទទួលបានអហារូបករណ៍សិក្សានៅប្រទេសថៃ ពិចារណាវិលត្រឡប់មកកម្ពុជាវិញ ក្នុងករណីថៃធ្វើទុក្ខបុកម្នេញអំឡុងពេលសិក្សា ចំពេលមានភាពតាងតឹងក្នុងជម្លោះព្រំដែន។ ជាមួយនឹងការហៅមកផ្ទះយើងវិញ សម្តេចតេជោ អះអាងធានាផ្តល់អាហារូបករណ៍ និងទទួលបន្ទុកចេញថ្លៃសិក្សា។

គួរជម្រាបផងដែរថា អំឡុងពេលផ្ទុះសង្គ្រាមរយៈជាងមួយខែមកនេះ ពោលគិតចាប់ពីថៃឈ្លានពានទឹកដីកម្ពុជា កាលពីថ្ងៃទី​២៤ ខែឧសភា មកដល់ថ្ងៃទី ២៨ ខែកក្កដា ឆ្នាំ ២០២៥ សាលារៀនចំនួន ៦០៥ កន្លែង ត្រូវបានបិទទ្វារ ហើយប៉ះពាល់សិស្សជាង១៥ម៉ឺននាក់ គ្រូបង្រៀន ៦ ២៧៦ នាក់ ក្នុងខេត្តចំនួន ៥រួមមាន ខេត្តព្រះវិហារ ឧត្តរមានជ័យ បន្ទាយមានជ័យ កោះកុង និងខេត្តពោធិ៍សាត់៕

The post និស្សិតខ្មែរមួយចំនួនដែលសិក្សានៅថៃសម្រេចចិត្តបោះបង់ការសិក្សា ហើយវិលចូលកម្ពុជាវិញ appeared first on Kampuchea Thmey Daily.

លោក​បណ្ឌិតសភា​ចា​រ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួង​អប់រំ យុវជន និង​កីឡា បានឱ្យដឹងថា​ ក្នុងចំណោម​និស្សិត​ចំនួន​ ១០៨​ នាក់​ នោះ បាន​ចាក​ចេញពី​ខេត្ត​អ៊ូ​ប៊ុន​ថា​នី ប្រទេស​ថៃ មក​កម្ពុជា​វិញ ​ក្នុងនោះ​ នៅ​ថ្ងៃទី​ ២៦ ខែកក្កដា ឆ្នាំ ​២០២៥ មាន ​២៩​ នាក់ បាន​ចាក​ចេញពី​ខេត្ត​អ៊ូ​ប៊ុន​ថា​នី ប្រទេស​ថៃ មក​កម្ពុជា​វិញ តាម​ប្រទេស​ឡាវ​ និង​នៅ​ថ្ងៃទី ​២៧ ខែកក្កដា ឆ្នាំ ​២០២៥​ មាន ៧៩​ នាក់ ចេញពី​ខេត្ត​អ៊ូ​ប៊ុន​ថា​នី ប្រទេស​ថៃ មក​កម្ពុជា​វិញ។

គួរ​បញ្ជាក់​ថា ក្រៅពី​និស្សិត​ខ្មែរ​ ក៏មាន​ពលករ​ខ្មែរ​រស់នៅ និង​ធ្វើការ​នៅ​ប្រទេស​រាប់​ម៉ឺន​នាក់​ បាន​ចាក​ចេញ​ពី​ប្រទេស​ថៃ ​វិល​ត្រលប់មក​ប្រទេស​កម្ពុជា​វិញ​ ជា​បន្តបន្ទាប់​។ ជាក់ស្តែង​ប្រជាពលរដ្ឋ​ខ្មែរ​ប្រមាណ​ជិត ១០ ​ម៉ឺន​នាក់ បាន​វិល​ចូល​មាតុប្រទេស​វិញ​ នា​ថ្ងៃទី​ ២៧ ខែ​កក្កដា ​នេះ តាម​ច្រក​ព្រំដែន​អន្តរជាតិ​ដូង ខេត្ត​បាត់ដំបង ចាប់ពី​ពេល​ច្រក​បើក​ម៉ោង ៨ ​ព្រឹក រហូត​បិទ​វិញ​ត្រឹម​ម៉ោង ៣ រសៀល​នេះ។

លោក ហេង សួរ រដ្ឋមន្ត្រីក្រសួង​ការងារ និង​បណ្ដុះបណ្ដាល​វិជ្ជាជីវៈ និង​លោក សុខ លូ អភិបាល នៃ​គណៈ​អភិបាលខេត្ត​បាត់ដំបង នា​ព្រឹក​ថ្ងៃទី ​២៧ ខែកក្កដា ឆ្នាំ​ ២០២៥ ​នេះ បាន​អញ្ជើញ​ទៅ​រង់ចាំ​ទទួល និង​សម្របសម្រួល​ជូន​ប្រជាពលរដ្ឋ និង​​ពលករ​ខ្មែរ​ដែល​វិល​ត្រឡប់មក​ស្រុកកំណើត​វិញ ព្រមទាំង​សំណេះសំណាល​សួរសុខទុក្ខ​មន្ត្រីរាជការ នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ និង​អង្គភាព​ពាក់ព័ន្ធ​គ្រប់​ផ្នែក ដែល​កំពុង​ប្រចាំការ​នៅ​ច្រកព្រំដែន​អន្តរជាតិ​ដូង និង​មណ្ឌល​សំចត​ច្រក​ដូង ក្នុង​ខេត្ត​បាត់ដំបង៕

អត្ថបទ ៖ សំអឿន

The post រយៈពេល ២ ថ្ងៃ មាននិស្សិតខ្មែរជាង ១០០ នាក់ បានចេញពីខេត្តអ៊ូប៊ុនថានី ប្រទេសថៃ មកកម្ពុជាវិញ appeared first on Kampuchea Thmey Daily.

អញ្ជើញថ្លែងសារពិសេស ចេញពីវិមានព្រឹទ្ធសភា នៅព្រឹកថ្ងៃទី ១៦ ខែមិថុនានេះ សម្តេចតេជោ ហ៊ុន សែន មានប្រសាសន៍ថា រាជរដ្ឋាភិបាលកម្ពុជាបានត្រៀមខ្លួនរួចហើយសម្រាប់ធ្វើកិច្ចការទាំងឡាយចំពេលមានភាពតានតឹងរវាងកម្ពុជា-ថៃ និងកាត់បន្ថយទាំងអស់នូវការពឹងពាក់ពីសំណាក់ថៃ។ ការថ្លែងរបស់សម្តេចតេជោ ដើម្បីឆ្លើយតបទៅនឹងបងប្អូនមួយចំនួនដែលបានចូលមកបញ្ចេញមតិ ជាពិសេសនិស្សិត​កម្ពុជាដែលកំពុងសិក្សានៅថៃ។ ក្នុងនោះនិស្សិតខ្មែរខ្លះបានបញ្ចេញមតិថា គួរបន្តសិក្សានៅថៃ ឬយ៉ាងណា។

ជាការឆ្លើយតប​ តាមរយៈការថ្លែងសារពិសសេសនៅព្រឹកនេះ សម្តេចតេជោ បញ្ជាក់យ៉ាងដូច្នេះថា៖«ខ្ញុំសូមផ្តាំទៅ(និស្សិតខ្មែរ) បើគេបន្តឱ្យរៀនបាន រៀនទៅ បើទ្រាំមិនបានទេ ត្រឡប់មកខ្មែរវិញ មករៀននៅស្រុកខ្មែរវិញ មានអាហារូបករណ៍។ បើសិនជាក្រសួងអប់រំ យុវជន និងកីឡា និងខាងរដ្ឋាភិបាលមិនអាចទទួលខុសត្រូវបាន ខ្ញុំជាអ្នកចេញលុយឱ្យរៀន ។ ខ្ញុំយកការទទួលខុសត្រូវទៅលើបញ្ហានេះ បើសិនគេធ្វើទុក្ខបុកម្នេញ ក្នុងពេលដែលកំពុងសិក្សា» ។

ជាការកត់សម្គាល់ ក្រសួងអប់រំ យុវជន និងកីឡា តែងតែប្រកាសជ្រើសរើសនិស្សិតអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និង ថ្នាក់បណ្ឌិត ទៅសិក្សានៅសាកលវិទ្យាល័យនានានៅក្នុងប្រទេសថៃ​​ ដែលផ្តល់ដោយភាគីថៃ។

លើសពីនេះ សម្តេចតេជោ ក៏បានអំពាវនាវដល់ពលករខ្មែរដែលកំពុងបម្រើការងារនៅថៃ ឱ្យត្រឡប់ចូលប្រទេសវិញ ដោយបញ្ជាក់បន្ថែមថា ទោះបីជាគ្មានលិខិតស្របច្បាប់ក៏ដោយ រាជរដ្ឋាភិបាលកម្ពុជាចាំទទួលជានិច្ចឱ្យតែជាពលរដ្ឋកម្ពុជា។ សម្តេចបញ្ជាក់ថា៖«សម្រាប់អ្នកមាន ឬគ្មានលិខិតស្របច្បាប់​ ឱ្យតែជាជនជាតិខ្មែរ គឺទទួលយកទាំងអស់ ព្រោះយើងត្រូវតែទទួលយកពលរដ្ឋរបស់យើងត្រឡប់មកវិញ។ កុំទុកឱ្យគេប្រមាថ កុំទុកឱ្យគេធ្វើបាប ព្រោះទង្វើការររើសអើងជាតិសាសន៍នៅក្នុងប្រទេសថៃ ទៅលើពលករកម្ពុជាកំពុងបានឡើងកម្តៅ»៕

The post សម្តេចតេជោ ផ្តាំនិស្សិតខ្មែរទទួលអាហារូបករណ៍សិក្សានៅថៃ វិលមកស្រុកវិញ ករណីគេធ្វើទុក្ខបុកម្នេញ appeared first on Kampuchea Thmey Daily.

សម្រាប់លក្ខខណ្ឌនៃការផ្តល់អាហារូបករណ៍ឱ្យនោះគឺ៖

• ជានិស្សិតកំពុងរៀន ឬនឹងចូលរៀនថ្នាក់បរិញ្ញាបត្រ
• ជានិស្សិតដែលចំណាយការសិក្សា និងស្នាក់នៅក្នុងប្រទេសជប៉ុនដោយខ្លួនឯង
• ត្រូវការធនធានរៀនបន្តថ្នាក់មហាវិទ្យាល័យ ហើយគ្រួសាររកបានចំណូលតិចជាង៥លានយ៉េនក្នុងមួយឆ្នាំ
• ភាសាជប៉ុនល្អ និងមាន GPA យ៉ាងតិច២.៥
• មានសុខភាពល្អ ឧស្សាហ៍ព្យាយាម និងមិនកំពុងជាប់អាហារូបករណ៍ដទៃ
• ត្រូវគោរពតាមលក្ខខណ្ឌផ្សេងៗរបស់មូលនិធិ។

និស្សិតដែលទទួលបានអាហារូបករណ៍នេះ នឹងទទួលបានអត្ថប្រយោជន៍ជាច្រើនដូចជា ប្រាក់អាហារូបករណ៍ប្រចាំខែចំនួន១០ម៉ឺនយ៉េន (ខែមេសា ឆ្នាំ២០២៤ ដល់ខែមីនា ឆ្នាំ២០២៥)។ និស្សិតក៏អាចស្នើសុំអាហារូបករណ៍បន្ថែមបានដោយយោងតាមលទ្ធផលសិក្សាប្រចាំឆ្នាំ។ បន្ថែមពីនេះ និស្សិតនឹងទទួលបានប្រាក់បង់ថ្លៃចូលរៀន ៣០ម៉ឺនយ៉េន សម្រាប់និស្សិតឆ្នាំទី១។ អ្នកសិក្សាដែលជានិស្សិតនៅប្រទេសជប៉ុន ដែលមានចំណាប់អារម្មណ៍អាចចុះឈ្មោះបានតាមរយៈ (khley.com/MBC24) អាហារូបករណ៍នេះ នឹងឈប់ទទួលពាក្យនៅថ្ងៃទី២១ ខែមករា ឆ្នាំ២០២៤៕

The post ជប៉ុនផ្តល់អាហារូបករណ៍ដល់និស្សិតកម្ពុជាដែលចេះជប៉ុន និងកំពុងស្នាក់នៅទីនោះ appeared first on Kampuchea Thmey Daily.

បច្ចុប្បន្ន និសិ្សតជ័យលាភីទាំងនេះ កំពុងទទួលការបណ្តុះបណ្តាលមុនពេលធ្វើដំណើរ ដើម្បីត្រៀមខ្លួនសម្រាប់ការសិក្សានៅឯប្រទេសអូស្ត្រាលី។ និស្សិតទាំងនេះ ជាតំណាងឱ្យបុគ្គលមានទេពកោសល្យរបស់កម្ពុជា មកពីខាងរដ្ឋាភិបាល សង្គមស៊ីវិល និងវិស័យឯកជន។ ចាប់តាំងពីឆ្នាំ ១៩៩៤ មក និសិ្សតខ្មែរជាង ១០០០នាក់ហើយ បានទទួលអាហារូបករណ៍ទៅបន្តការសិក្សានៅប្រទេសអូស្ត្រាលី។ អូស្ត្រាលី គឺជាដៃគូដ៏យូរអង្វែង ដែលប្តេជ្ញាកសាងសមត្ថភាពធនធានមនុស្សនៅកម្ពុជា៕

The post និសិ្សតខ្មែរ៤៥នាក់ ទទួលបានអាហារូបករណ៍ ទៅសិក្សាបន្តនៅអូស្ត្រាលី appeared first on Kampuchea Thmey Daily.

លោក ស៊ុំ ភិរុណ បានឱ្យដឹងថា ពួកលោកបានជាប់តាំងពីថ្ងៃទី៧ ខែតុលា គឺពេលសង្គ្រាមផ្ទុះដំបូង ហើយបានរត់ទៅផ្ទះ និងពួននៅក្នុងផ្ទះរហូតដល់ថ្ងៃនេះ លុះខ្ទង់ម៉ោង ១០ព្រឹក នៅអ៊ីស្រាអ៊ែល គឺមានគេគោះទ្វារ។

លោក ស៊ុំ ភិរុណ បានឱ្យដឹងបន្តថា៖ “ខ្ញុំបានទាក់ទងទៅម្ចាស់កសិដ្ឋាន ទើបម្ចាស់កសិដ្ឋាន ទាក់ទងទៅអ្នកសម្របសម្រួលពួកខ្ញុំ ឱ្យបញ្ជូនទៅទីសុវត្ថិភាព ព្រោះគាត់ថា ពួកខ្ញុំក៏អត់មានសុវត្ថិភាព ពេលហ្នឹងខាងអ្នកសម្របសម្រួលបានខលមកឱ្យរៀបចំអ៊ីវ៉ាន់ ពួកគាត់នឹងមកជម្លៀសពួកខ្ញុំ ហើយក៏បានពួកទាហ៊ានអ៊ីស្រាអ៊ែលជួយសម្រួលផ្លូវ។ ចំពោះម្ហូបបាយ លុយកាក់ គឺអត់មានទេ”។

លោក ស៊ុំ ភិរុណ បានបង្ហាញថា ពេលសង្គ្រាមផ្ទុះ មានគ្រាប់ធ្លាក់ដូចស្រោចទឹកភ្លៀង ពួកលោកអត់មានព្រលឹងក្នុងខ្លួនទេ ហើយមិនគិតថា មានជីវិតរស់រានឡើយ ដោយសារគ្រាប់ធ្លាក់ពេញមេឃ គ្រប់កន្លែង។ សង្គ្រាមបាញ់រហូតគ្មានពេលសម្រាក ហើយគ្រាប់ប្លោងធ្លាក់គ្រប់ពេល ព្រោះនៅជាប់ព្រំដែន ខណៈអគាររលំ រថយន្តឆេះ សត្វ និងមនុស្សស្លាប់តាមផ្លូវគួរឱ្យរន្ធត់ និងសង្វេគ។

លោក ស៊ុំ ភិរុណ បានឱ្យដឹងបន្តថា៖ “ឥឡូវ ពួកយើងបានមកដល់កន្លែងមានសុវត្ថិភាព សូមអរគុណរាជរដ្ឋាភិបាល និងក្រសួងពាក់ព័ន្ធដែលបានជួយសម្របសម្រួល និងអរគុណរដ្ឋាភិបាលអ៊ីស្រាអ៊ែល និងអ្នកសម្របសម្រលរបស់ពូកខ្ញុំ។
ពួកខ្ញុំជានិស្សិតហាត់ការ និងមករៀនកសិកម្មនៅអ៊ីស្រាអ៊ែល គឺដើម្បីចង់ទទួលចំណេះដឹងទាក់ទង់បច្ចេកទេសកសិកម្មប្រទេសគេមកអភិវឌ្ឍនៅប្រទេសយើងវិញ ប៉ុន្តែជាអកុសលជួបហេតុការណ៍នេះ”។

លោក ស៊ុំ ភិរុណ លើកឡើងបន្តថា៖ “នៅពេលជម្លៀសនិស្សិតយើងអស់ហើយ ខ្ញុំសូមសំណូមពរដល់រាជរដ្ឋាភិបាល ជាពិសេស សម្ដេច ហ៊ុន ម៉ាណែត ជួយសម្រួលយកនិស្សិតយើងទៅមាតុភូមិវិញ ព្រោះពួកខ្ញុំរៀនក៏លែងចូល ធ្វើការក៏លែងបាន ដោយសារស្ថេរភាពសង្គមរបស់គេលែងមានស្ថិតស្ថេរហើយ ព្រោះសង្គមក្នុងសង្គ្រាម គឺរស់នៅអត់សុខសាន្តទេ មានតែភាពទុក្ខព្រួយក្ដីបារម្ភ ព្រោះពួកខ្ញុំធ្លាប់រស់នៅក្នុងម្លប់សន្តិភាព​ មិនធ្លាប់មានសង្រ្គាមពីមុនមក”។

តាមរយៈសារជាសំឡេង នៅរសៀលថ្ងៃទី១០ ខែតុលានេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានចូលរួមរំលែកទុក្ខដ៏ក្រៀមក្រំបំផុត ជាមួយគ្រួសារសពរបស់និស្សិតកម្ពុជាម្នាក់ ឈ្មោះ ចាន់ ឧត្ដម ដែលបានបាត់បង់ជីវិតនៅក្នុងហេតុការណ៍សង្គ្រាមនេះ។ សម្ដេចធិបតី ហ៊ុន ម៉ាណែត បានបញ្ជាក់ទៅកាន់ជនរួមជាតិ ពិសេសប្រជាពលរដ្ឋខ្មែរកំពុងមានវត្តមាននៅប្រទេសអ៊ីស្រាអែល និងក្រុមគ្រួសាររបស់ពួកគេថា សុវត្ថិភាពរបស់ប្រជាពលរដ្ឋ ជាពិសេសនិស្សិតខ្មែរ ដែលកំពុងមានវត្តមាននៅប្រទេសអ៊ីស្រាអែល គឺជាអាទិភាពខ្ពស់បំផុតរបស់រាជរដ្ឋាភិបាល។​ រាជរដ្ឋាភិបាល បានតាមដានរាល់សភាពការណ៍ទាំងអស់ ទាំងយប់ទាំងថ្ងៃ ចាប់តាំងពីហេតុការណ៍ផ្ទុះឡើង នៅប្រទេសអ៊ីស្រាអែល នាប៉ុន្មានថ្ងៃមកនេះ​ បានខិតខំធ្វើយ៉ាងណាធានាសុវត្ថិភាពរបស់ប្រជាពលរដ្ឋ ពិសេសនិស្សិតខ្មែរកំពុងមានវត្តមាននៅប្រទេសអ៊ីស្រាអែល។

នៅក្នុងពិធីបិទបញ្ចប់កញ្ចក់កាមេរ៉ា-ថតខ្សែភាពយន្តភាគ រឿង កូនប្រុសក្រោមពន្លឺព្រះចន្ទពេញបូណ៌មី នៅល្ងាចម្សិលមិញ ថ្ងៃទី៩ ខែតុលា ឆ្នាំ២០២៣នេះ សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា​ បានប្រកាស ប្រសិនបើក្នុងករណីដែលអ៊ីស្រាអែល តម្រូវឱ្យកម្ពុជាជម្លៀសនិស្សិត​​ និងពលរដ្ឋជាង ៤០០ នាក់ចេញពីអ៊ីស្រាអែលក្នុងថ្ងៃណាមួយ គឺកម្ពុជាមិនខ្លាចនឹងចំណាយថវិកាជួលយន្តហោះពិសេស ដើម្បីទៅដឹកនិស្សិត និងពលរដ្ឋទាំងនោះឡើយ។

ជាការកត់សម្គាល់ មកទល់ពេលនេះ រដ្ឋាភិបាលអ៊ីស្រាអែលមិនទាន់បានប្រកាសឱ្យជនបរទេស រួមទាំងក​ម្ពុជាដែលរស់នៅប្រទេសអ៊ីស្រាអែល ចាកចេញពីទឹកដីខ្លួននៅឡើយទេ បើទោះបីជាអ៊ីស្រាអែកំពុងប្រយុទ្ធគ្នាយ៉ាងក្ដៅគគុកជាមួយក្រុមហាម៉ាស់។ បើតាមសម្ដេចធិបតី ហ៊ុន ម៉ាណែត ជាលទ្ធផល គិតត្រឹមម៉ោង ៧ព្រឹក ថ្ងៃទី១០ ខែតុលា ឆ្នាំ២០២៣​ នេះ គឺរាជរដ្ឋាភិបាលកម្ពុជា កំណត់ និងទាក់ទងបានទាំងអស់ នូវប្រជាជន និងនិស្សិតខ្មែរកំពុងមានវត្តមាននៅប្រទេសអ៊ីស្រាអែលចំនួន ៤៥៤នាក់។ ក្នុងចំណោមនោះ មានប្រជាជន និងនិស្សិតខ្មែរចំនួន ៣២៣នាក់ ត្រូវបានចល័តទៅទីតាំងមានសុវត្ថិភាព និង ១៣១នាក់ នៅទីតាំងដែលមានហានិភ័យនៅឡើយ៕

អត្ថបទ៖ ច័ន្ទ វីរៈ

The post និស្សិតខ្មែរនៅអ៊ីស្រាអែលបានទៅដល់ទីតាំងសុវត្ថិភាព តែជួបបញ្ហាពងបែកពេញមាត់ appeared first on Kampuchea Thmey Daily.

ការឲ្យដឹងរបស់សម្ដេចតេជោ ហ៊ុន សែន​ ខាងលើនេះ បានធ្វើឡើងនៅក្នុងពិធីបិទវគ្គបណ្តុះបណ្តាលឆ្នាំ ២០២២ និងបើកវគ្គបណ្តុះបណ្តាលឆ្នាំ ២០២៣ របស់សាលាភូមិន្ទរដ្ឋបាល (ERA) នៅព្រឹកថ្ងៃទី ២៧ ខែមេសា ឆ្នាំ ២០២៣នេះ។

សម្ដេចតេជោ ហ៊ុន សែន បានថ្លែងថា និស្សិតខ្មែរឥស្លាមចំនួន ៦នាក់ ដែលកំពុងសិក្សានៅរដ្ឋធានីខាទុំ ក្នុងប្រទេស ស៊ូដង់ ដែលកំពុងមានការប្រយុទ្ធគ្នាយ៉ាងខ្លាំងក្លានោះ ត្រូវបានជម្លៀសចេញពីប្រទេសស៊ូដង់ហើយ តាមរយៈនាវា។ បច្ចុប្បន្ននេះ និស្សិតខ្មែរឥស្លាមទាំង ៦នាក់នោះ បានធ្វើដំណើរទៅដល់ប្រទេសអារ៉ាប៊ីសាអ៊ូឌីតហើយ​ ដែលមានការជួយសម្រួបសម្រួលពីសំណាក់ប្រទេសម៉ាឡេស៊ី។

សម្ដេចតេជោ ហ៊ុន សែន ថ្លែងបញ្ជាក់ថា «ត្រឹមម៉ោង ៩ នៅប្រទេសអារ៉ាប៊ីសាអ៊ូឌីតបានមកដល់ ស្មើនឹងម៉ោង ១យប់នៅក្នុងប្រទេសរបស់យើង តាមការជូនដំណឹងរបស់ឯកឧត្ដម ឧស្មាន ហាសាន់ គឺបានបញ្ជាក់ថា និស្សិតទាំង ៦នាក់នេះ គឺកំពុងធ្វើដំណើរទៅកាន់សណ្ឋាគារ ប្រហែលជាគេអាចដល់សណ្ឋាគារហើយ»

អ្នកនាំពាក្យក្រសួងការបរទេសកម្ពុជា បានឲ្យដឹងថា មាននិស្សិតខ្មែរចំនួន ៦នាក់ (ស្រី ២នាក់) បានចេញទៅសិក្សានៅក្នុងសាកលវិទ្យាល័យមួយ នៅក្នុងទីក្រុងខាទុំ ប្រទេសស៊ូដង់។ បន្ទាប់ពីការផ្ទុះឡើងនូវការប្រយុទ្ធបង្ហូរឈាម នៅក្នុងទីក្រុងខាតូម កាលពីថ្ងៃទី ១៥ ខែមេសា ឆ្នាំ ២០២៣មក  សាកលវិទ្យាល័យខាងលើបានប្រមូលផ្តុំនិស្សិតទាំងអស់ (ចម្រុះជាតិសាសន៍) ឲ្យមកស្នាក់នៅក្នុងទីតាំងមួយ ក្នុងសាកលវិទ្យាល័យ៕

អត្ថបទ៖ ឃួន សុភ័ក្រ

The post សម្ដេចតេជោ ហ៊ុន សែន ៖ និស្សិតខ្មែរឥស្លាម ៦នាក់ ដែលកំពុងសិក្សានៅប្រទេសស៊ូដង់ ត្រូវបានជម្លៀសចេញហើយ appeared first on Kampuchea Thmey Daily.