នេនទុំ បានបង្ហាញពីការព្រួយបារម្ភយ៉ាងខ្លាំង ព្រោះគណនី Gmail នេះ ជាផ្នែកដ៏៏សំខាន់ ដែលបានរក្សាទុកនូវស្នាដៃចម្រៀងរបស់លោកច្រើនឆ្នាំមកនេះ​ ខណៈក៏ជាបណ្តាញផ្សព្វផ្សាយស្នាដៃចម្រៀងរបស់លោកផងដែរ ទៅកាន់អ្នកគាំទ្រ។

ហេតុនេះ លោកបានអំពាវនាវបន្ទាន់ដល់អ្នកជំនាញផ្នែកបច្ចេកវិទ្យា និងសន្តិសុខអុីនធើណិត ឲ្យជួយស្ដារគណនីទាំងរបស់លោកមកវិញ ដើម្បីជៀសវាងការប្រើក្នុងផ្លូវមិនត្រឹមត្រូវដោយប្រការណាមួយ។ ជាមួយគ្នានេះ លោកក៏បានអំពាវនាវដល់អ្នកគាំទ្រទាំងអស់ ឲ្យមានការប្រុងប្រយ័ត្ន ចំពោះមាតិកា ឬសារណាមួយដែលអាចត្រូវបានបង្ហោះពីគណនីរបស់លោកក្នុងអំឡុងពេលនេះ។

រឿងនេះក៏ជាសាររំលឹកដ៏សំខាន់មួយសម្រាប់អ្នកប្រើប្រាស់បណ្ដាញសង្គមទាំងអស់ ឲ្យយកចិត្តទុកដាក់ខ្ពស់លើសុវត្ថិភាពឌីជីថល ដូចជា ការប្រើពាក្យសម្ងាត់រឹងមាំ ការបើក Two-Factor Authentication (2FA) និងការប្រុងប្រយ័ត្នចំពោះការចុចតំណភ្ជាប់មិនស្គាល់ប្រភព។

មកដល់ពេលនេះ មិនទាន់មានព័ត៌មានបន្ថែមអំពីការស្ដារគណនីវិញបានជោគជ័យឬនៅឡើយទេ ខណៈអ្នកគាំទ្រជាច្រើនកំពុងបង្ហាញការគាំទ្រ និងសង្ឃឹមថា លោកនេនទុំអាចទទួលបានការគ្រប់គ្រងគណនីរបស់ខ្លួនវិញក្នុងពេលឆាប់ៗនេះ៕

The post នេនទុំ អំពាវនាវរកអ្នកជំនាញ IT ជួយស្តារ YouTube Channel មកវិញ ក្រោយគេ Hack គ្រប់គ្រងបាន appeared first on Kampuchea Thmey Daily.

តារាចម្រៀងរ៉េបល្បីឈ្មោះ នេនទុំ មួយរយ:នេះ ត្រូវបានទស្សនិកជនកត់សម្គាល់ឃើញថា លោកតែងតែបង្ហាញសកម្មភាពសប្បុរសធម៌ ជួយដល់អ្នកខ្វះខាតជនពិការច្រៀងនៅតាមភ្លើងស្តុប ព្រមទាំងអ្នកសិល្ប:ចាស់ជរាជួបការលំបាកជាដើម។

តួយ៉ាងពេលនេះ គេឃើញតារាចម្រៀងនេនទុំ បានបង្ហាញវត្តមានច្រៀង ដើម្បីជួយលក់នំបុរសពិការម្នាក់ដែលកំពុងលក់នំតាមផ្លូវ និងភ្លើងស្តុប ដើម្បីបានប្រាក់កម្រៃចិញ្ចិញជីវិតដោយមិនលើកដៃសំពះសុំគេឡើយ។

ទង្វើមនុស្សធម៌របស់ នេនទុំ ក៏តែងទទួលបានការគាំទ្រនិងការស្ញើចសរសើរពីសំណាក់ម ជ្ឈដ្ឋានមហាជនមួយចំនួន។ជាមួយគ្នានេះដែរ ក្រៅពីការសរសើរទឹកចិត្តរបស់លោក នេនទុំ ក្នុងនាមទឹកចិត្តខ្មែរជួយខ្មែរគេក៏ឃើញមានបងប្អូនពលរដ្ឋខ្មែរមួយចំនួនដែលបានធ្វើដំណើរឆ្លងកាត់ទីនោះបាននាំគ្នាឈប់ជួយទិញនំបុរសពិការរូបនោះអស់ផងដែរ។ ខណ: នេនទុំ បានបង្ហាញអារម្មណ៍រំភើប ពិសេសគឺកោតសរសើរបុរសរូបនោះខំប្រឹងតស៊ូដើម្បីចិញ្ចឹមជីវិត៕ ចាន់រ៉ា

The post អ្នកគាំទ្រសរសើរទង្វើល្អរបស់ នេន ទុំ ក្រោយឃើញសកម្មភាពច្រៀងលក់នំជួយបុរសពិការម្នាក់ appeared first on Kampuchea Thmey Daily.

ទោះបីជាយ៉ាងការរិះគន់ពីសំណាក់បុគ្គលមួយចំនួន លើការចេញបទរ៉េបរបស់លោកយ៉ាងណាក៏ដោយ តារាចម្រៀងល្បី នេនទុំ ជារឿយៗបានចេញមុខបកស្រាយ និងពន្យល់ទៅកាន់មហាជនព្រមទាំងអ្នកគាំទ្រចំពោះវិស័យមួយនេះ។ លើសពីនេះ នេនទុំ មិនបានអន់ចិត្តឬបាក់ទឹកចិត្តឡើយ ពោលគឺតារាប្រុសរូបនេះបានបង្ហាញពីជំនឿជាក់និងសន្យាមិនបោះបង់ ចោលការខិតខំខ្លួននោះទេ។

តារាចម្រៀងរ៉េប នេនទុំ បានឱ្យដឹងថា លោកអរគុណដល់ Angkor Studio ដែលផ្តល់ឱកាសឱ្យលោកក្លាយជាតារា ហើយកុំបោះបង់ត្រូវផ្ចិតផ្ចង់ចេះសាងសង់ជីវិតខ្លួនឯងមេឃភ្លៀងគង់រាំង លើកទឹកចិត្តថ្នាក់ថ្នមបីបមបន្តស្វែងរកគោដៅគោរពស្រឡាញ់អ្វីៗដែលយើងមាន។ លោកបន្ថែមថា ប្រាប់ខ្លួនឯងទៅខ្ញុំជឿថាឯងធ្វើបាន ឯងល្អឯងនិងរីកចំរើន។

ជាមួយគ្នានោះដែរក៏មានអ្នកគាំទ្រ នេនទុំ បានស្នើឱ្យលោកចេញបទចម្រៀងបែបខ្មែរកុំចោលអត្តសញ្ញាណ។ មានការលើកឡើងថា ខ្ញុំចង់ស្ដាប់ឧបករណ៍ខ្សែដៀវ ហើយគងឃ្មួសចូលក្នុង Rapper របស់បងទុំកុំស្អីបន្តិចចាប៉ីដងវែងៗច្រើនពេក ខ្សែដៀវក៏មិនធម្មតាដែរ។

តារាចម្រៀងរ៉េប នេនទុំ កន្លងមកត្រូវបានទស្សនិកជនកត់សម្គាល់ឃើញថា លោកតែងតែបង្ហាញសកម្មភាពសប្បុរសធម៌ជួយអ្នកខ្វះខាតជនពិការច្រៀងនៅតាមភ្លើងស្កុបព្រមទាំងអ្នកសិល្ប:ចាស់ជរាជួបការលំបាកជាដើម។ សកម្មភាពមនុស្សធម៌របស់ នេនទុំ ក៏ទទួលបានការគាំទ្រនិងកាស្ញើចសរសើរពីសំណាក់មជ្ឈដ្ឋានមហាជនមួយចំនួន៕ អត្ថបទ៖ ចាន់រ៉ា

The post នេន ទុំ សន្យាមិនបោះបង់ការខិតខំរបស់ខ្លួន ព្រោះតែគំនិតអវិជ្ជមានអ្នកមួយចំនួនឡើយ appeared first on Kampuchea Thmey Daily.

ថ្មីៗនេះ នេន ទុំ ដែលមហាជនតែងតែស្គាល់តាមរយៈចម្រៀង Hip Hop បែបសហម័យបង្កប់ន័យអប់រំនោះ បានធ្វើឱ្យមហាជនដែលជាអ្នកនិយមតាមដានវិស័យចម្រៀងរ៉េប HipHop មានការចាប់អារម្មណ៍នឹងលោកជាខ្លាំង បន្ទាប់ពីតារា Hip Hop ជើងចាស់រូបនេះ បានប្តូររសជាតិ ដេញតាមសម័យចម្រៀងរ៉េបបែបទំនុកកាចៗ តាមរយៈបទ «អុញ» ។

ជាមួយនឹងការផ្លាស់ប្តូរនេះ អ្នកគាំទ្ររបស់លោកជាច្រើន បានសម្តែងការភ្ញាក់ផ្អើលទន្ទឹមនឹងពាក្យស្ងើចសរសើរចំពោះសមត្ថភាពរបស់តារាចម្រៀង Hip Hop ជើងចាស់រូបនេះ ដែលអាចបត់បែនតាមសម័យកាលបាន ខណៈមួយបទនេះ លោកធ្វើឡើងមិនមានបំណងនាំឱ្យក្តៅក្រហាយដល់អ្នកណាឡើយ គឺគ្រាន់តែជាផ្លាស់ប្តូររសជាតិចម្រៀងជូនអ្នកគាំទ្រស្តាប់កម្សាន្ត។

ប៉ុន្តែ ទន្ទឹមនឹងពាក្យសរសើរ ក៏មានមតិខ្លះលើកឡើងហាក់មានទស្សនៈអគតិចំពោះលោក ដោយប្រាប់ឱ្យតារាចម្រៀងរូបនេះ នៅរក្សាភាពចាស់ទុំក្នុងចម្រៀង Hip Hop ដោយពុំចាំបាច់ប្រឹងបង្ហាញសមត្ថភាពក្នុងវិស័យចម្រៀងរ៉េបនោះទេ។ មិនតែប៉ុណ្ណោះ បុគ្គលរូបនោះ ថែមទាំងបានប្រមាថដល់អ្នកគុណរបស់លោកថែមទៀត ជាហេតុធ្វើឱ្យលោកទោមនស្ស និងតបឆ្លើយតាមរយៈវីដេអូ

ការលើកឡើងនេះ នេន ទុំ បានចាត់ទុកជាទស្សនៈអវិជ្ជមានមួយ ដែលហាក់មានចេតនាឃារឃាំងសមត្ថភាពរបស់លោក និងកំពុងបង្ហាញអស្មិមានះរបស់ខ្លួនក្នុងនាមជាយុវវ័យជំនាន់ក្រោយ មិនទទួលយកការអភិវឌ្ឍរបស់សិល្បករ ហើយទទួលយកតែអ្វីដែលថ្មី ទោះចាស់មានគុណតម្លៃក៏ដោយ។

លោកថា សម្តីដែលយុវជនរូបនោះ បានដៀលថាដល់លោក លោកនឹងមិនទទួលយកឡើយ ហើយថែមទាំងបានណែនាំបុគ្គលរូបនោះឱ្យចេះរៀនបើកចិត្ត កុំធ្វើជាអ្នកដែលចាំតែជាន់ពន្លិច បើមិនចេះសាទរនឹងសមិទ្ធផលគេទេនោះ។ ឆ្លៀតក្នុងឱកាសនេះ លោកសន្យានឹងជូនចម្រៀងអប់រំដល់យុវជនដែលតិះដៀល និងប្រើសម្តីមិនសមរម្យដល់លោកថែមទៀតផង៕

The post នេន ទុំ ដាក់ចំៗទៅអ្នកចាំតែរិះគន់ថា បើមិនចេះសាទរនឹងសមិទ្ធផលគេទេ គួរកុំធ្វើជាអ្នកដែលចាំតែជាន់ពន្លិច appeared first on Kampuchea Thmey Daily.

ជាការពិត គេសង្កេតឃើញថាថ្មីៗនេះ មានការចាប់អារម្មណ៍ខ្លាំង ក្រោយតារាសម្តែងជើងចាស់ខ្មែរមួយរូប បានចេញមុខត្អូញត្អែរនិងទម្លាយជាបន្តបន្ទាប់ពាក់ព័ន្ធបណ្តាផលិតកម្ម ឬផលិតករមួយចំនួន នៅពេលពួកគេថតសម្តែងចប់មិនព្រមបើកលុយថ្លៃកម្រៃខ្លួនទៅតាមការសន្យា ដោយតួខ្លះទៀតឈានចូលជាឆ្នាំ ក៏ពុំទាន់ទទួលបានលុយទាំងនោះឡើយ។

តាមរយ:បទចម្រៀង “ជីវិតអ្នកសិល្ប:” របស់តារារ៉េប នេនទុំ ទើបតែចេញឃ្លីបខ្លីបង្ហោះនៅលើបណ្តាញសង្គមហ្វេសប៊ុកនេះដែរ យើងសង្កើតឃើញមានអ្នកគាំទ្រមួយចំនួនបាននាំគ្នាចាប់អារម្មណ៍ទៅលើអត្ថន័យបទនេះ ដែលច្រៀងរៀបរាប់ពីទុក្ខលំបាករបស់អ្នកសិល្ប:មួយចំនួន ដោយសារតែការមិនឲ្យតម្លៃពីបុគ្គលមួយចំនួនតូច។

ជាក់ស្តែង តារាសម្តែងជើងចាស់អ្នកស្រី រ៉េត រ៉ូស ទម្លាយរឿងរ៉ាវនៃការអន់ចិត្តព្រោះម្ចាស់ផលិតកម្មមិនបើកលុយឲ្យលើកម្រៃថតរឿង។ ក្នុងនោះអ្នកស្រីក៏បានផ្តាំ ផ្ញើតួសម្តែងជំនាន់ក្រោយមួយចំនួន ឲ្យមានការប្រុងប្រយ័ត្នចំពោះបណ្តាផលិតករមួយចំនួនតូច ដែលតែងកេងប្រវ័ញ្ចលើកម្លាំងញើសឈាមរបស់អ្នកសិល្ប: ទាំងចាស់និងថ្មី។

ទន្ទឹមគ្នានេះ តារាស្រីល្បីឈ្មោះយូរឆ្នាំគឺអ្នកនាង ស្វែង សុជាតា ក៏បានចេញមុខទម្លាយផងរឿងម្ចាស់ផលិកម្មមួយចំនួនដែលមិនឱ្យតម្លៃដល់សិល្បករសិល្បការិនី គឺការមិនព្រមបើកប្រាក់កម្រៃពីកម្លាំងពលកម្មឱ្យតួសម្តែងឡើយ ទាំងដែលថតចប់ដោយខ្លះមានរហូតឆ្នាំជាដើម។ អ្នកនាង ស្វែង សុជាតា បានគាំទ្រឱ្យតារាសម្តែងដែលត្រូវគេកេងចំណេញប្រាក់កម្រៃពីការថត រួមគ្នាបកអាក្រាតចំពោះរឿងនេះផងដែរ៕ អត្ថបទ៖ ចាន់រ៉ា

The post នេនទុំ សម្រេចចេញបទ “ជីវិតអ្នកសិល្ប:” ក្រោយផ្ទុះរឿងម្ចាស់ផលិតកម្មកេងប្រវ័ញ្ចកម្លាំងញើសឈាមសិល្បករ appeared first on Kampuchea Thmey Daily.

តាមរយ:វីដេអូខ្លី ក្នុងកិច្ចសម្ភាសមួយតារាចម្រៀង នេន ទុំ បានលើកឡើងថា “សូមណែនាំប្អូនៗមើល Video នេះ ខ្ញុំគ្មានអី្វត្រូវលាក់លៀមទេ ត្រូវស្គាល់ថ្នាំញៀនឱ្យច្បាស់។ នេនទុំ បានរៀបរាប់ថា អំឡុងពេលដែលព្យាយាមផ្តាច់ថ្នាំគឺនៅក្នុងខ្លួន លោកមានការពិបាកជាខ្លាំង ព្រោះត្រូវចងដៃចងជើងទាំងបួនមិនខុសពីគេថតសម្តែងក្នុងរឿងទេ”។

នេនទុំ បន្តថា “ខ្ញុំព្យាយាមផ្តាច់វា(ថ្នាំញៀន) ៥-៦ដង បើតាមខ្ញុំចាំ ខ្ញុំមកម្តងគឺខ្ញុំផ្តាច់អត់ឈ្នះថ្នាំទេ មានពេលខ្លះ លួចជិះម៉ូតូឌុបកាន់ទាំងស៊េរ៉ូមទៅរកវា…រហូត៥ ឬ៦ដងទើបខ្ញុំសម្រេចចិត្តថា បើមិនអាចយកឈ្នះវាបានក្នុងពេលហ្នឹងទេ គឺជីវិតយើងមានតែប៉ុណ្ណឹងហើយ នៅពេលយើងចាប់ផ្តើមបានយល់ក៏តាំងចិត្តផ្តាច់វាដល់ថ្នាក់ប្រាប់ឱ្យម្តាយចាប់ចងខ្ញុំ”។

នេនទុំ និយាយទៀតថា ថ្ងៃដែលផ្តាច់ដំបូង១ឬ២ថ្ងៃ គឺធ្វើទុកខ្លាំងមែនទែន ដោយមានអាការ:ចាប់ផ្តើមប្រកាច់បែកពពុះមាត់ គ្រប់គ្រងខ្លួនឯងអត់បានទេ ហើយអាការ:បែបនេះធ្វើទុករហូតទៅដល់៥ ឬ ៦ថ្ងៃ ទើបចាប់ផ្តើមស្បើយខ្លះៗមកវិញដូច្នេះលោកសូមផ្តាំទៅយុវវ័យយើងត្រូវចៀសឱ្យឆ្ងាយ និងគិតឡើងវិញ អំពីផលប៉ះពាល់នៃការប្រើប្រាស់គ្រឿងញៀន៕ អត្ថបទ៖ ចាន់រ៉ា

The post នេនទុំ ទម្លាយរឿង​ធ្លាប់ញៀនថ្នាំ និងផ្តាំយុវវ័យថា ត្រូវស្គាល់គ្រឿងញៀនឱ្យច្បាស់ កុំសាក ព្រោះមិនស្រួលផ្តាច់ឡើយ appeared first on Kampuchea Thmey Daily.

ខណៈដែលកំពុងផ្ទុះការចាប់អារម្មណ៍លើចម្រៀងថ្មីៗរបស់តារាល្បីឈ្មោះមួយចំនួន ទាក់ទងនឹងការលាយបញ្ចូលដោយឧបករណ៍បុរាណខ្មែរ “ចាបុីវែងដងវែង” តាមរយៈសារនេះ លោកចង់បញ្ជាក់ថា បទថ្មីរបស់លោកដែលមានចំណងជើងថា «សារិកាលោមចិត្ត» តាក់តែងនិពន្ធឱ្យចេញជារូបរាងឡើង ពុំមែនជាការជោតាមគ្នានោះទេ។

តួយ៉ាង មួយបទនេះ លោកបានចេញ Teaser តាំងពីថ្ងៃទី២១ វិច្ឆិកា ហើយក៏ចេញ Full MV ជាផ្លូវការនៅថ្ងៃទី២៥ វិច្ឆិកា ឆ្នាំ២០២៤ ពោលគឺតាំងពីមុនពេលដែលតារាចម្រៀងដទៃទៀត មិនទាន់បញ្ចេញចម្រៀងថ្មីរបស់ខ្លួនមកម្ល៉េះ។

គួរជម្រាបថា ក្នុងឱកាសអបអរខួបលើកទី៨ នៃការដាក់បញ្ចូលចាបុីដងវែង ក្នុងបញ្ជីបេតិកភណ្ឌអរូបីនៃមនុស្សជាតិ របស់អង្ការយូណេស្កូ តារាចម្រៀងមួយចំនួនបានបញ្ចេញ MV ចម្រៀងថ្មីរបស់ខ្លួន ដែលសុទ្ធសឹងតែមានការលាយបញ្ចូលដោយឧបករណ៍ភ្លេចបុរាណខ្មែរមួយនេះ ដែលរួមមាន នេន ទុំ; ខេម និងលោក ព្រាប សុវត្ថិ។ ខណៈចម្រៀងទាំង ៣បទនេះ សុទ្ធតែមានអត្ថន័យនៃការលួងលោមស្នេហា ព្រមទាំងចំណុចពិសេសរៀងខ្លួន និងទទួលបានការគាំទ្រផងដែរ៕

The post បទចម្រៀងភ្ជាប់នឹងចាបុីដងវែង! នេន ទុំ ថា មិនមែនជោតាមគ្នាទេ គេហៅថាតាម Trad appeared first on Kampuchea Thmey Daily.

នេនទុំ បានបញ្ជាក់នូវឆន្ទ:របស់ខ្លួនថា ដោយសារតែគេរិះថា តារាអាងអីលើកដៃសុំជំនួយ នៅពេលឈឺ ឬធ្លាក់ខ្លួន ព្រោះពាក្យនេះ ទើបធ្វើឲ្យរូបលោកខំប្រឹងរកស៊ីទាំងថ្ងៃទាំងយប់ស្ទើរគ្មានពេលសម្រាកមិនថាអាជីពសិល្ប: ឬក៏មុខរបរលក់ផ្អកលក់ប្រហុកគឺឲ្យតែមានពេលនឹងឱកាសលោកខំប្រឹង។

តារាចម្រៀង នេនទុំ បានបន្តថា “យើងមិនចាំបាច់អ្នក ណាគេមកជួយទេហើយក៏គ្មានអ្នកណាគេដឹងទុក្ខធុរ: យើងលំបាកអ្វីដែរគឺក្រៅពីយើងខ្លួនយើង នឹងគ្មាននរណាគេមកសោកសៅពេលឃើញយើងធ្លាក់ខ្លួនឈឺពិបាកទេ អ៊ីចឹងទាន់ពេលយើងនៅមានកម្លាំងមានដង្ហើមអ្វីដែលអាចធ្វើបានយើងគួរតែខំប្រឹងធ្វើតស៊ូដើរទៅមុខដើម្បីខ្លួនឯង”។

តាមរយ:សម្តីលើកឡើងរបស់តារាចម្រៀងរ៉េបលោក នេនទុំ ខាងលើ គឺមានការបញ្ចេញមតិគាំទ្រពីសំណាក់មហាជននិងអ្នកប្រើប្រាស់បណ្តាញសង្គមផងដែរ ព្រោះនេះគឺជាការឆ្លុះបញ្ជាំងពីរឿងពិតនៅក្នុងចង្កោមអ្នកសិល្ប:ក ន្លងមក ខណ:ពេលខ្លះទស្សនិកជនតែងលើកឡើង ជជែកឬរិះគន់ថា អ្នកសិល្ប:ខ្លះពេលមានបាន សម្ញែងភាពហ៊ឺហារស៊ីវិល័យ តែពេលធ្លាក់ខ្លួនតាំងលើកដៃសុំជំនួយជាដើម។

តារាចម្រៀងរ៉េប នេនទុំ នាមួយរយ:ចុងនេះ ត្រូវបានទស្សនិកជនកត់សម្គាល់ឃើញថា លោកតែងតែបង្ហាញសកម្មភាពសប្បុរសធម៌ជួយដល់អ្នកខ្វះខាតជនពិការច្រៀងនៅតាមភ្លើងស្កុប ព្រមទាំងអ្នកសិល្ប:ចាស់ជរាជួបការលំបាកជាដើម។ទង្វើមនុស្សធម៌របស់នេនទុំកន្លងមក តែងទទួលបានការគាំទ្រនិងស្ញើចសរសើរពីសំណាក់មជ្ឈដ្ឋានមហាជនផងដែរ៕ អត្ថបទ៖ ចាន់រ៉ា

The post នេនទុំ បំផុសអ្នកសិល្បៈត្រូវចេះខំដោយខ្លួនឯង កុំឲ្យដល់ពេលឈឺ ឬធ្លាក់ខ្លួន លើកដៃសុំជំនួយ appeared first on Kampuchea Thmey Daily.