ជីវិតកម្សាន្ដ
នេន ទុំ ដាក់ចំៗទៅអ្នកចាំតែរិះគន់ថា បើមិនចេះសាទរនឹងសមិទ្ធផលគេទេ គួរកុំធ្វើជាអ្នកដែលចាំតែជាន់ពន្លិច
ក្រោយ នេន ទុំ បានផ្លាស់ប្តូររសជាតិចម្រៀងរបស់ខ្លួន បត់បែនតាមស្ទាយល៍រ៉េបទាន់សម័យ ស្រាប់តែមានអ្នកចេញមករិះគន់ ហើយថែមទាំងមានយុវជនម្នាក់បានតិះដៀលដល់ម្តាយលោកថែមទៀត។ តបទៅនឹងការពោលពាក្យដោយមិនគិត នេន ទុំ ដាច់ចំៗវិញថា លោកមិនអាចឈប់បង្ហាញសមត្ថភាពខ្លួន តាមសម្តីជនអគតិឡើយ ហើយថែមទាំងសន្យា ជូនចម្រៀងអប់រំដល់យុវជនដែលប្រើសម្តីមិនសមរម្យរូបនោះថែមទៀតផង។

ថ្មីៗនេះ នេន ទុំ ដែលមហាជនតែងតែស្គាល់តាមរយៈចម្រៀង Hip Hop បែបសហម័យបង្កប់ន័យអប់រំនោះ បានធ្វើឱ្យមហាជនដែលជាអ្នកនិយមតាមដានវិស័យចម្រៀងរ៉េប HipHop មានការចាប់អារម្មណ៍នឹងលោកជាខ្លាំង បន្ទាប់ពីតារា Hip Hop ជើងចាស់រូបនេះ បានប្តូររសជាតិ ដេញតាមសម័យចម្រៀងរ៉េបបែបទំនុកកាចៗ តាមរយៈបទ «អុញ» ។
ជាមួយនឹងការផ្លាស់ប្តូរនេះ អ្នកគាំទ្ររបស់លោកជាច្រើន បានសម្តែងការភ្ញាក់ផ្អើលទន្ទឹមនឹងពាក្យស្ងើចសរសើរចំពោះសមត្ថភាពរបស់តារាចម្រៀង Hip Hop ជើងចាស់រូបនេះ ដែលអាចបត់បែនតាមសម័យកាលបាន ខណៈមួយបទនេះ លោកធ្វើឡើងមិនមានបំណងនាំឱ្យក្តៅក្រហាយដល់អ្នកណាឡើយ គឺគ្រាន់តែជាផ្លាស់ប្តូររសជាតិចម្រៀងជូនអ្នកគាំទ្រស្តាប់កម្សាន្ត។
ប៉ុន្តែ ទន្ទឹមនឹងពាក្យសរសើរ ក៏មានមតិខ្លះលើកឡើងហាក់មានទស្សនៈអគតិចំពោះលោក ដោយប្រាប់ឱ្យតារាចម្រៀងរូបនេះ នៅរក្សាភាពចាស់ទុំក្នុងចម្រៀង Hip Hop ដោយពុំចាំបាច់ប្រឹងបង្ហាញសមត្ថភាពក្នុងវិស័យចម្រៀងរ៉េបនោះទេ។ មិនតែប៉ុណ្ណោះ បុគ្គលរូបនោះ ថែមទាំងបានប្រមាថដល់អ្នកគុណរបស់លោកថែមទៀត ជាហេតុធ្វើឱ្យលោកទោមនស្ស និងតបឆ្លើយតាមរយៈវីដេអូ
ការលើកឡើងនេះ នេន ទុំ បានចាត់ទុកជាទស្សនៈអវិជ្ជមានមួយ ដែលហាក់មានចេតនាឃារឃាំងសមត្ថភាពរបស់លោក និងកំពុងបង្ហាញអស្មិមានះរបស់ខ្លួនក្នុងនាមជាយុវវ័យជំនាន់ក្រោយ មិនទទួលយកការអភិវឌ្ឍរបស់សិល្បករ ហើយទទួលយកតែអ្វីដែលថ្មី ទោះចាស់មានគុណតម្លៃក៏ដោយ។
លោកថា សម្តីដែលយុវជនរូបនោះ បានដៀលថាដល់លោក លោកនឹងមិនទទួលយកឡើយ ហើយថែមទាំងបានណែនាំបុគ្គលរូបនោះឱ្យចេះរៀនបើកចិត្ត កុំធ្វើជាអ្នកដែលចាំតែជាន់ពន្លិច បើមិនចេះសាទរនឹងសមិទ្ធផលគេទេនោះ។ ឆ្លៀតក្នុងឱកាសនេះ លោកសន្យានឹងជូនចម្រៀងអប់រំដល់យុវជនដែលតិះដៀល និងប្រើសម្តីមិនសមរម្យដល់លោកថែមទៀតផង៕

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៦ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ