សារព័ត៌មាន BBC ផ្សាយ​នៅ​ថ្ងៃ​ទី​១៣ ខែ​កក្ក​ដា ឆ្នាំ​២០២៦ ឱ្យ​ដឹង​ថា មនុស្សរាប់ពាន់​នាក់បានបាត់បង់ផ្ទះ​សម្បែង ដោយ​សារទឹកជំនន់​ភ្លាមៗ​ និងការបាក់ដី​ បន្ត​​វាយប្រហារតំបន់ធំៗ​នៃប្រទេស រួមទាំង​រដ្ឋធានី Dhaka ផងដែរ។

កាល​ពីសប្តាហ៍មុន សិស្សានុសិស្ស​ជាច្រើននាក់ និងគ្រូបង្រៀន​ម្នាក់​បាត់​បង់​ជីវិត​ ពេល​ទឹកជំនន់​បានហូរកាត់​សាលារៀនរបស់​ពួកគេ។

សូម​បញ្ជាក់​ថា បង់ក្លាដែសគឺជា​ប្រទេសដែល​មានទំនាប និងទន្លេ​ជា​ច្រើន ជារឿយៗ​មានភ្លៀងធ្លាក់​ខ្លាំង និងទឹកជំនន់ក្នុង​រដូវវស្សា​ប្រចាំ​ឆ្នាំ​។ ប៉ុន្តែ​អ្នកជំនាញព្រមានថា ការប្រែប្រួលអាកាសធាតុ​បាន​ធ្វើ​ឱ្យភ្លៀងធ្លាក់ខ្លាំង និងញឹកញាប់ជាង​មុន។

ភ្លៀង​ធ្លាក់ខ្លាំង​បាន​ចាប់ផ្តើម​ជាងមួយសប្តាហ៍មុន ពេល​ភ្លៀង​កាន់តែខ្លាំង​ក្នុងរយៈពេល​ប៉ុន្មានថ្ងៃ​ថ្មីៗនេះ អាជ្ញាធរបាន​ចេញការ​ព្រមានអំពីទឹក​ជំនន់ បាក់ដី ​ជម្លៀសគ្រួសារ​ក្នុងតំបន់​ដែល​មានហានិភ័យខ្ពស់ និងពន្យារពេលការប្រឡងសម្រាប់​​សិស្ស​។

បច្ចុប្បន្ន​មនុស្ស​រាប់ពាន់នាក់​ កំពុងរស់នៅ​ក្នុងជម្រក​របស់រដ្ឋាភិបាល​។ គិត​ត្រឹមថ្ងៃអាទិត្យ មនុស្សជាង ១លាននាក់បានរងផលប៉ះពាល់​ដោយ​ភ្លៀង នេះបើយោងតាមអាជ្ញាធរ។

ក្នុង​ចំណោមអ្នកស្លាប់ ៥១នាក់​​មកដល់ពេលនេះ ២៨​នាក់​ គឺស្ថិតក្នុង​ស្រុក Cox’s Bazar​ ។ ស្រុកនេះគឺជាជម្រករបស់​ជនជាតិរ៉ូហ៊ីងយ៉ា​ជាងមួយលាននាក់ ជាកន្លែងតាំង​ទីលំនៅជនភៀសខ្លួន​ធំជាងគេបំផុត​របស់ពិភពលោក។

លោក Sarder Udoy Raihan មក​ពីមជ្ឈមណ្ឌលព្យាករណ៍ និងព្រមាន​ទឹកជំនន់ ប្រាប់ទីភ្នាក់ងារសារព័ត៌​មាន AFP ថា ស្ថានភាព​នៅ​ភាគអាគ្នេយ៍​នៃប្រទេសទំនង​ជានឹងប្រសើរ​ក្នុងពេលឆាប់ៗ​នេះ។

ប៉ុន្តែដោយ​សារខ្យល់មូសុងបន្ត​ប៉ះពាល់ដល់តំបន់ភាគឦសាន និង​ភាគខាងជើងនៃប្រទេសបង់ក្លាដែស លោក​ព្រមានថា៖ « មានលទ្ធ​ភាព​នៃទឹកជំនន់បន្ថែមទៀត»​៕

សម្រួល៖ ណឺ មិនា​

The post ព្យុះ​នៅ​បង់ក្លាដែស សម្លាប់មនុស្ស​យ៉ាងហោចណាស់ ៥១នាក់ និងប៉ះពាល់​ជាង ១លាននាក់​​ appeared first on Kampuchea Thmey Daily.

រដ្ឋ​មន្ត្រីគ្រប់គ្រងគ្រោះមហន្តរាយ និង​សង្គ្រោះ លោក Asadul Habib Dulu បាន​ប្រាប់សភាជាតិ​ថា ភ្លៀងធ្លាក់ខ្លាំង​ជាបន្តបន្ទាប់​នៅទូទាំងប្រទេស ជាពិសេស​ក្នុង​ផ្នែក​ភាគអាគ្នេយ៍​នៃតំបន់ Chattogram ប​ណ្តាល​ឱ្យមនុស្ស ៣០ នាក់​ស្លាប់។

គួរ​បញ្ជាក់​ថា ចំនួន​អ្នកស្លាប់ខ្ពស់​បំផុតគឺ ១៩នាក់​ ក្នុងតំបន់​ឆ្នេរ​សមុទ្រ Cox’s Bazar ជា​កន្លែងដែល​ជនជាតិ Rohingya ប្រហែល ១.២ លាន​នាក់​បាន​ជ្រកកោន​ ចាប់តាំងពីខែសីហា ឆ្នាំ២០១៧ បន្ទាប់ពីរត់គេច​ពីការ​បង្ក្រាប​របស់​យោធានៅ​ក្នុងប្រទេសមីយ៉ាន់ម៉ា។

លោកបន្ត​ថា មជ្ឈមណ្ឌល​ជ្រកកោនត្រូវ​បានបើករួច​ហើយ​ នៅ​ក្នុង​តំបន់ដែលរងផលប៉ះពាល់ ដើម្បីដោះស្រាយ​គ្រោះមហន្តរាយ​នេះ។

រដ្ឋមន្ត្រីបាន​ធានាថា៖ « ជារៀង​រាល់ឆ្នាំ មានអ្នកស្លាប់​ដោយសារការ​រស់​នៅក្រោមភ្នំ ឬនៅតំបន់ដែល​មានហានិភ័យ។ ដើម្បី​ដោះស្រាយ​ស្ថានភាពនេះ​ជាអចិន្ត្រៃយ៍ គ្រួសារងាយរងគ្រោះ​នឹងត្រូវស្តារ​ឱ្យ​ទៅ​នៅ​លើដី​របស់រដ្ឋាភិបាល ហើយ​ផ្ទះនឹងត្រូវបានសាងសង់សម្រាប់ពួកគេ»។

មិន​ខុស​គ្នា​ប៉ុន្មាន លោក Md. Salah Uddin អនុរដ្ឋលេខាធិការក្រសួង​ពាក់ព័ន្ធ ប្រាប់សារព័ត៌មាន​ Anadolu តាមទូរស័ព្ទ​ថា ការស្លាប់​នេះ រួម​ទាំងមនុស្ស ​៥នាក់​ នៅថ្ងៃព្រហស្បតិ៍ គឺបណ្តាល​មកពីការ​រអិលបាក់ដី និងឧប្បត្តិហេតុផ្សេងៗទៀត​​ទាក់ទង​នឹងទឹកជំនន់ ខណៈ​ភ្លៀងធ្លាក់ខ្លាំង​បានវាយប្រហារ​​តំបន់​ Chattogram ​ប៉ះ​ពាល់​ស្រុក​ចំនួន៤ រួមទាំង Cox’s Bazar​ ។

លើសពីនេះ គ្រោះមហន្តរាយធម្មជាតិ​បានឆក់យកជីវិតមនុស្សរហូត​ដល់ ២៤៩នាក់ ចន្លោះឆ្នាំ ២០២១ និង ២០២៥ ដោយ​ទឹកជំនន់ ​ព្យុះ​ស៊ីក្លូន និងគ្រោះមហន្តរាយធម្មជាតិ​ផ្សេងទៀត​។ ជាពិសេស​ បង្កការខូចខាតប្រមាណ ៣.៣ លានដុល្លារ នេះបើយោងតាមរដ្ឋមន្ត្រីដែល​បានជម្រាបជូនសភា៕

សម្រួល៖ ណឺ មិនា

The post មនុស្ស​យ៉ាង​ហោច​ណាស់​ ៣០នាក់នៅ​បង់​ក្លាដែស​ ស្លាប់​ក្នុងគ្រោះ​មហន្តរាយ បណ្តាល​មកពី​ភ្លៀង​ធ្លាក់​ខ្លាំង ​​​ appeared first on Kampuchea Thmey Daily.

ប្រទេសផ្សេងៗ ដូចជា​ថៃ បង់ក្លាដែស ឥណ្ឌា និងវៀតណាម កំពុងប្រឹងប្រែងប្រញាប់ប្រញាល់ទិញ​ LNG ដែល​មាន​លក់នៅលើទីផ្សារផ្ទាល់ៗ ដើម្បីធានាថា ពួកគេមានថាមពលគ្រប់គ្រាន់ ខណៈ​សង្គ្រាមរវាងសហរដ្ឋអាមេរិក និងអ៊ីស្រាអែលជាមួយអ៊ីរ៉ង់នៅតែបន្តដែលបង្កការរាំងស្ទះដល់ផ្លូវដឹកជញ្ជូនកាត់តាមច្រកសមុទ្រហ័រមូហ្ស ​ហើយពេលវេលានៃការបិទបញ្ចប់មិនទាន់ច្បាស់នៅឡើយ។

ការដេញថ្លៃរបស់ក្រុមហ៊ុនឥណ្ឌា GAIL (India) Limited និង Gujarat State Petroleum Corporation ​សម្រាប់ខែនេះ មិន​បាន​ឈ្នះនោះទេ ដែល​វាបង្ហាញថា គ្មានឥន្ធនៈផ្គត់ផ្គង់គ្រប់គ្រាន់។

ដោយឡែក​ក្រុមហ៊ុនថាមពលរដ្ឋថៃ ​PTT Public Company Limited ឯណោះវិញ​ កំពុងស្វែងរកការទិញ​/ដឹកចូលនូវ LNG សម្រាប់ចុងខែមីនា ឬដើមខែមេសា ប៉ុន្តែអាចធានាការ​នាំចូលសម្រាប់តែ​ខែក្រោយប៉ុណ្ណោះ។

ឧស្ម័នធម្មជាតិរួមចំណែកប្រមាណ ៦០% សម្រាប់ការផលិតថាមពលអគ្គិសនីពីឥន្ធនៈនៅក្នុងប្រទេស​ថៃ​។

ប្រទេសមួយចំនួននៅតែអាចទិញ​ LNG​ សម្រាប់ខែមីនា ប៉ុន្តែក្នុងតម្លៃខ្ពស់ខ្លាំង។​ ដើម្បីបញ្ចៀសវិបត្តិថាមពលក្នុងស្រុក ប្រទេសបង់ក្លាដែសបានទិញ LNG ដែលត្រូវដឹកជញ្ជូន ២ ជើង ដោយ​មួយ​ក្នុងតម្លៃប្រហែល ២៨ ដុល្លារ/mmbtu ​(១លានឯកតាកំដៅអង់គ្លេស) ពោលគឺខ្ពស់ជាងតម្លៃនៅខែមករា ដល់ទៅប្រហែល ២,៥ ដង ខណៈមួយទៀត ក្នុង (ខ្ពស់ជាងខែមករាប្រហែល 2.5 ដង) និងមួយទៀតក្នុងតម្លៃប្រហែល ២៣ ដុល្លារ/mmbtu ។ ​នេះបើតាមការឱ្យដឹងពីប្រភពនៅក្រុមហ៊ុនថាមពលរដ្ឋបង់ក្លាដែស Petrobangla។ ​

គេមើលឃើញថា កង្វះនៃការផ្គត់ផ្គង់ កើតឡើងចំពេលដែលអាស៊ីអាគ្នេយ៍រំពឹងថានឹង​មាន​អាកាសធាតុក្ដៅខ្លាំងនារដូវប្រាំងឆ្នាំនេះ ដែលអាចបង្កើនតម្រូវការថាមពល។ លើសពីនេះ បណ្ដាប្រទេសនៅអាស៊ីក៏ត្រូវប្រកួតប្រជែងជាមួយអឺរ៉ុប លើការទិញឧស្ម័នពីប្រភព​ផ្គង់ផ្គត់។ ​

គួរគូសបញ្ជាក់ថា តម្លៃឧស្ម័នធម្មជាតិពង្រាវ​សកលបានកើនឡើង ដោយសារតែ​ការរំខានដល់ទីផ្សារថាមពលពីជម្លោះមជ្ឈិមបូព៌ាបច្ចុប្បន្ន។ ​តម្លៃនៅអាស៊ីបានកើនឡើងជាងទ្វេដងចាប់តាំងពីថ្ងៃទី ២៨ ខែកុម្ភៈ នៅពេលដែលសង្គ្រាមបាន​ផ្ទុះឡើង​ ហើយពាណិជ្ជកររំពឹងថា តម្លៃនឹងនៅតែខ្ពស់ ដរាបណាជម្លោះនៅតែបន្ត៕

The post បណ្ដាប្រទេសនៅអាស៊ីពិបាករកប្រភពផ្គត់ផ្គង់ឧស្ម័នធម្មជាតិពង្រាវជំនួសមជ្ឈិមបូព៌ា appeared first on Kampuchea Thmey Daily.

​របាយការណ៍ UN បង្ហាញថា​ ចំនួនប្រជាជនក្រុងតូក្យូ បានកើនឡើងយឺតជាងចំនួនប្រជាជននៃប្រទេសឥណ្ឌូណេស៊ី និងបង់ក្លាដែស ហើយជាលទ្ធផល ក្រុងតូក្យូបាន​ធ្លាក់ចំណាត់ថ្នាក់ «ទីក្រុងដែល​មាន​ប្រជាជនរស់នៅច្រើនជាងគេបំផុតទូទាំងពិភព​លោក​​» ពីលេខ១នៅឆ្នាំ ២០០០ មកលេខ ៣ នៅឆ្នាំ ២០២៥​។

គិតត្រឹមថ្ងៃទី ១ កក្កដា ឆ្នាំ ២០២៥ ក្រុងហ្សាការតាមាន​ប្រជាជនរស់នៅ ៤១,៩ លាន​នាក់ បន្ទាប់មកទីក្រុងដាកា (៣៦,៥ លាននាក់) តូក្យូ (៣៣,៤ លាននាក់) ញូវដេលីរបស់ឥណ្ឌា (៣០,២ លាននាក់) សៀងហៃរបស់ចិន (២៩,៥ លាននាក់) និងក្វាងចូវ (២៧,៥ លាននាក់)។

​របាយការណ៍ដដែល​បាន​ព្យាករថា នៅឆ្នាំ ២០៥០ ទីក្រុងដាកា នឹង​ក្លាយជាទីក្រុងមាន​ប្រជាជនច្រើនជាងគេបំផុតលើពិភព​លោក បន្ទាប់មកគឺហ្សាការតា សៀងហៃ ញូវដេលី ការ៉ាឈី (ប៉ាគីស្ថាន) ខណៈទីក្រុងតូក្យូនឹង​ធ្លាក់ចំណាត់ថ្នាក់ទៅលេខ ៧។

របាយការណ៍ UN បាន​និយាយថា ប្រជាជនរស់នៅទីក្រុងកាន់តែច្រើន ដោយឥឡូវនេះ ៤៥% នៃប្រជាជនសរុប ៨,២ ប៊ីលាន​នាក់លើពិភព​លោក​ រស់នៅទីក្រុង​ ដែលភាគរយនេះគឺខ្ពស់ជាងទ្វេដងធៀបនឹង​សមាមាត្រនៅឆ្នាំ ១៩៥០។ ២/៣ ​នៃកំណើនប្រជាជនពិភពលោកចាប់ពីឆ្នាំ ២០២៥ ដល់ ២០៥០ ត្រូវបានព្យាករថានឹងកើតឡើងនៅក្នុងទីក្រុង ​ខណៈភាគច្រើនដែលនៅសល់ គឺកើតឡើងនៅទីប្រជុំជនផ្សេងៗ។

របាយការណ៍​បន្តថា ទីក្រុងតូក្យូ និងសេអ៊ូល(កូរ៉េខាងត្បូង) គឺជាទីក្រុងតែ២គត់ក្នុងចំណោមទីក្រុងធំៗទាំង ១០ ក្នុងឆ្នាំ ២០២៥ ​ដែលឃើញពី​ការធ្លាក់ចុះនៃចំនួនប្រជាជននៅឆ្នាំ ២០៥០​ ដោយសារតែអត្រាមានកូនទាប និងការធ្លាក់ចុះចំនួនប្រជាជនសរុប៕

​

​

The post ហ្សាការតារបស់ឥណ្ឌូណេស៊ី វ៉ាដាច់​តូក្យូ ក្លាយជាទីក្រុងធំជាងគេបំផុតរបស់ពិភពលោក appeared first on Kampuchea Thmey Daily.

យុទ្ធនាការរយៈពេលមួយខែមានគោលបំណងចាក់ថ្នាំបង្ការដល់កុមារប្រហែល ៥០លាននាក់ដែលមានអាយុចន្លោះពី ៩ ខែដល់ ១៥ឆ្នាំជាមួយនឹងការចាក់តែមួយនៃវ៉ាក់សាំងប្រឆាំងនឹងជំងឺគ្រុនពោះវៀន (TCV) ។ ត្រូវបានអនុម័ត និងមានលក្ខណៈគ្រប់គ្រាន់ជាមុនដោយអង្គការសុខភាពពិភពលោក (WHO) វ៉ាក់សាំងនេះផ្តល់ការការពាររហូតដល់ ៥ឆ្នាំ ហើយកំពុងត្រូវបានគ្រប់គ្រងដោយឥតគិតថ្លៃក្រោមកម្មវិធីពង្រីកលើការចាក់ថ្នាំបង្ការ (EPI) របស់រដ្ឋាភិបាល​បង់ក្លាដែស​​។

ការជំរុញការចាក់វ៉ាក់សាំងនេះកើតឡើងចំពេលមានការកើនឡើងនៃក្តីបារម្ភអំពីជំងឺគ្រុនពោះវៀនដែលសុំា​ទៅ​នឹង​ថ្នាំនៅទូទាំងអាស៊ីខាងត្បូង។ ចាប់តាំងពីឆ្នាំ ២០១៦​ ប្រទេស​ប៉ាគីស្ថានបានប្រយុទ្ធប្រឆាំងនឹងការផ្ទុះឡើងដែលធន់នឹងថ្នាំ​អង់ទីប៊ីយោទិចស្ទើរតែទាំងអស់ លើកលែងតែថ្នាំមួយប៉ុណ្ណោះ។

តាមសេចក្តីរាយការណ៍នោះ បុគ្គលិកសុខាភិបាលបង់ក្លាដែសកំពុងចាក់វ៉ាក់សាំងកុមារតាមសាលារៀន គ្លីនិកសហគមន៍ និងការទៅសួរសុខទុក្ខពីផ្ទះមួយទៅផ្ទះមួយ ដោយមានការយកចិត្តទុកដាក់ជាពិសេសចំពោះតំបន់អនាធិបតេយ្យក្នុងទីក្រុង និងតំបន់ជនបទដាច់ស្រយាល។ ការជំរុញនេះនឹងបន្តរហូតដល់ថ្ងៃទី១៣ខែវិច្ឆិកា បន្ទាប់ពីនោះ TCV នឹងត្រូវបានបញ្ចូលក្នុងកាលវិភាគចាក់ថ្នាំបង្ការជាប្រចាំរបស់ប្រទេសបង់ក្លាដែស។

ធាតុបង្កជំងឺបង្កឡើងដោយបាក់តេរី​ «Salmonella Typhi» ហើយឆ្លងតាមរយៈអាហារ និងទឹកដែលមានមេរោគ។ វាបណ្តាលឱ្យមានគ្រុនក្តៅ ចង្អោរ ឈឺពោះ និងចំណុចពណ៌ផ្កាឈូកនៅលើទ្រូង ហើយក្នុងករណីធ្ងន់ធ្ងរអាចនាំឱ្យមានផលវិបាកនៅក្នុងពោះវៀន និងក្បាលដែលអាចបណ្តាលឱ្យស្លាប់បាន។

អ្នកស្រាវជ្រាវជនជាតិបង់ក្លាដែសថ្មីៗនេះបានរកឃើញប្រភេទដែលធន់ទ្រាំនឹង ceftriaxone ដែលជាសញ្ញាដ៏គួរឱ្យព្រួយបារម្ភមួយ ព្រោះថា ceftriaxone នៅតែជាវិធីព្យាបាលដ៏មានប្រសិទ្ធភាពមួយក្នុងចំណោមវិធីព្យាបាលមួយចំនួនដែលមានស្រាប់៕

The post ​កុមារ​​និងយុវជន​៥០លាន​នាក់នៅ​បង់ក្លាដែស​តម្រូវ​ឲ្យ​ចាក់​វ៉ាក់សាំង​​​​ appeared first on Kampuchea Thmey Daily.

ការវាយតម្លៃរបស់ ADB បានកត់សម្គាល់ថា សសរស្តម្ភទាំង ៣ នៃសេដ្ឋកិច្ចរបស់​បង់ក្លាដែស ដែលរួមមានវិស័យធនាគារ ស្ថាប័នហិរញ្ញវត្ថុមិនមែនធនាគារ (NBFIs) និងទីផ្សារភាគហ៊ុន ត្រូវបានជាប់គាំងនៅក្នុងអស្ថិរភាព ទោះបីជា​រដ្ឋាភិបាលរបស់មេដឹកនាំបណ្ដោះអាសន្នលោក Muhammad Yunus ប្រឹងប្រែងក្នុងការធ្វើអ្វីៗ​ឱ្យ​វិលទៅរកភាពប្រក្រតីឡើងវិញក៏ដោយ។​

បង់ក្លាដែស បានជាប់​បញ្ហា​ដ៏អាក្រក់ដដែលៗ ដែល​រួមមានបញ្ហា​​​​​កម្ចីដែល​ខកសំណង ឬសងមិនរួច​ (Defaulted Loans) កម្សោយ​បទប្បញ្ញត្តិ​ ឥទ្ធិពលនយោបាយ អំពើពុករលួយ និងចំនួន​ច្រើន​នៃក្រុមហ៊ុនដែលមាន​ហានិភ័យ​ហិរញ្ញវត្ថុ​។ ​កត្តាទាំងអស់នេះ បានធ្វើឱ្យសេដ្ឋកិច្ចរបស់ប្រទេសស្ថិតក្នុងស្ថានភាពមិនច្បាស់លាស់ ដែលនាំឱ្យមានភាពមិនច្បាស់លាស់អំពីអនាគត ខណៈ​បង់ក្លាដែសកំពុងត្រៀមរៀបចំការបោះឆ្នោត​ជ្រើសរើសមេដឹកនាំថ្មី​នៅឆ្នាំក្រោយ។

ទាំងនេះគឺជាស្ថានភាពនៃសសរស្តម្ភទាំង ៣ នៃសេដ្ឋកិច្ចបង់ក្លាដែស៖

1. វិស័យធនាគារជាប់គាំងក្នុងបញ្ហា​​ឥណទានខកសំណង

អ្នកជំនាញផ្នែកហិរញ្ញវត្ថុបានកត់សម្គាល់ថា គោលនយោបាយដ៏ធូររលុងជាច្រើនឆ្នាំ ការជ្រៀតជ្រែកផ្នែកនយោបាយ និងអំពើពុករលួយ បានធ្វើឱ្យវិស័យធនាគារបង់ក្លាដែស​ធ្លាក់ចូលទៅក្នុង​បន្ទុក ដោយសារតែបញ្ហា​កម្ចីមិនអាចសង​។ នេះបើតាមការរាយការណ៍របស់កាសែត Dhaka Tribune។ យោង​តាម​ការ​ប៉ាន់​ស្មាន​ពី​ធនាគារកណ្ដាល​​បង់ក្លាដែស ​កម្ចីមិនអាចសង មាន​រហូតដល់ទៅ ៦ ទ្រីលាន តាកា (៤៩,៣ ប៊ីលាន​ដុល្លារអាមេរិក) ​គិតត្រឹមបំណាច់ខែមិថុនា ឆ្នាំ ២០២៥។ ​

ក្រៅពីនេះ ឥណទានសងមិនរួចលួចលាក់ (Hidden Defaults) មាន​រហូតដល់ទៅ ៣,១៨ ទ្រីលាន​ តាកា (ប្រហែល ២៦ ប៊ីលាន​ដុល្លារ)។

ក្នុង​អំឡុង​ពេល​រដ្ឋាភិបាល​មុន មាន​ «ការ​លួច​ប្លន់ក្នុងនាមប្រាក់កម្ចី» ​ទ្រង់ទ្រាយធំ។ អ្នកជំនួញដែលមានអំណាចជាច្រើនមិនបានសងប្រាក់កម្ចីរបស់ពួកគេទេ ទោះបីជាពួកគេមានលុយក៏ដោយ។ ដោយ​សារ​តែបញ្ហានេះ ​រដ្ឋាភិបាលបានស្នើឱ្យដកចេញនូវនិយមន័យនៃ «អ្នកខ្មីមិនសងដោយ​ចេតនា» ​ក្នុងសេចក្តីព្រាងច្បាប់ស្តីពីក្រុមហ៊ុនធនាគារថ្មី។ នេះបើតាមការឱ្យដឹងរបស់​មន្ត្រីធនាគារបង់ក្លាដែសម្នាក់ ប្រាប់ The Dhaka Tribune ​។

ច្បាប់ដែលបានធ្វើវិសោធនកម្មឆ្នាំ ២០២៣ បានតម្រូវឱ្យគ្រប់ធនាគារទាំងអស់រៀបចំបញ្ជី «អ្នកខ្មីមិនសងដោយ​ចេតនា» ហើយបញ្ជូនវាទៅធនាគារកណ្តាល។​​ ប៉ុន្តែសេចក្តីព្រាងច្បាប់របសរដ្ឋាភិបាល​លោក Yunus បាន​អះអាងថា ការកំណត់អត្តសញ្ញាណ «អ្នកខ្មីមិនសងដោយ​ចេតនា» ​គឺស្មុគស្មាញ និងមិនស្របតាមការពិត។

ទាក់ទិញនឹង​បញ្ហានេះ លោកបណ្ឌិត Ahsan H Mansur ទេសាភិបាលធនាគារបង់ក្លាដែសបានសន្យាថានឹងមានតម្លាភាពកាន់តែច្រើនដោយនិយាយថា៖ «ចាប់ពីពេលនេះតទៅ គ្មានព័ត៌មានណាមួយត្រូវបានរក្សាទុកជាសម្ងាត់ទេ។ ប្រាក់កម្ចីដែលមិនសងទាំងអស់ នឹងត្រូវបានបង្ហាញជាសាធារណៈ ហើយកិច្ចខិតខំប្រឹងប្រែងស្តារឡើងវិញយ៉ាងតឹងរឹងនឹងត្រូវអនុវត្ត»។

– ABD៖ ប្រព័ន្ធធនាគារដ៏ខ្សោយបំផុតនៅអាស៊ី​

របាយការណ៍ថ្មីៗរបស់ធនាគារអភិវឌ្ឍន៍អាស៊ី (ADB) បាន​បង្ហាញថា បង់ក្លាដែសឥឡូវនេះមានបរិមាណប្រាក់កម្ចី​ខកសំណងច្រើនជាងគេនៅអាស៊ី។ នៅឆ្នាំ ២០២៤ ​មាន ២០,២ ភាគរយ នៃប្រាក់កម្ចីទាំងអស់ គឺជាប្រាក់កម្ចីខកសំណង ឬសងមិនរួច ​ដោយ​កើនឡើង ២៨ ភាគរយ ធៀបនឹង​ឆ្នាំមុន។

ADB បាន​ពណ៌នា​​បង់ក្លាដែស​ថា​មាន «ប្រព័ន្ធ​ធនាគារ​ខ្សោយ​បំផុត» នៅ​អាស៊ី ហើយ​ផ្ទុយទៅវិញ ឥណ្ឌា ប៉ាគីស្ថាន និងស្រីលង្កា បានគ្រប់គ្រងកាត់បន្ថយប្រាក់កម្ចី​ខកសំណង​តាមរយៈកំណែទម្រង់ផ្សេងៗ​។

អតីតប្រធានសេដ្ឋវិទូរបស់ធនាគារពិភពលោក លោកបណ្ឌិត Zahid Hussain បាននិយាយថា៖ «ច្បាប់កាន់តែតឹងរ៉ឹង នោះចំនួនប្រាក់កម្ចី​ខកសំណងនឹងកើនឡើងកាន់តែច្រើន។ បើគ្មានកំណែទម្រង់ដិតដល់ដូចប្រទេសឥណ្ឌាទេ វិបត្តិនេះនឹងមិនបញ្ចប់ឡើយ»។

លោក Selim Raihan នាយកប្រតិបត្តិនៃវិទ្យាស្ថានស្រាវជ្រាវ បណ្តាញអាស៊ីខាងត្បូងស្តីពីគំរូសេដ្ឋកិច្ច (SANEM) បានបន្ថែមថា៖ «បញ្ហានឹងមិនត្រូវបានដោះស្រាយទេ លុះត្រាតែ​ការជ្រៀតជ្រែកផ្នែកនយោបាយត្រូវបានបញ្ឈប់ ហើយប្រព័ន្ធតុលាការត្រូវបានពង្រឹង»។

ក្នុងបរិបទនៃកង្វល់ទាំងនេះ ធនាគារកណ្ដាល​បង់ក្លាដែសបានសម្រេចចិត្តច្របាច់បញ្ចូលគ្នានូវធនាគារអ៊ិស្លាមចំនួន ៥ ដែលរួមមាន First Security, Social Islami, Global Islami, Union និង Exim Bank ចូលទៅក្នុងធនាគារ​គ្រប់គ្រងដោយរដ្ឋថ្មី​ឈ្មោះ «United Islami Bank»។ អត្រា​កម្ចីខកសំណងរបស់ធនាគារទាំងនេះ មាន​ចន្លោះពី ៤៨-៩៨ ភាគរយ។

​

ទេសាភិបាលធនាគារបង់ក្លាដែសបាននិយាយ​នៅពេលច្របាច់បញ្ចូលគ្នានេះថា៖ «គំនិតផ្តួចផ្តើមនេះគឺដើម្បីការការពារអ្នកដាក់ប្រាក់បញ្ញើ»។ លោក​បាន​បន្ថែម​ថា​៖ «​មិន​មាន​អ្វី​ដែល​ត្រូវ​ភ័យ​ខ្លាច​ទេ។ រដ្ឋាភិបាល​នឹង​ទទួល​ខុស​ត្រូវ​ទាំង​អស់»។

២. វិវត្តិនៅក្នុងវិស័យធនាគារ រាលដាលដល់ NBFI ​

កាសែត The Dhaka Tribune បាន​រាយការណ៍ថា វិបត្តិ​ក្នុងវិស័យធនាគារបង់ក្លាដែស បានសាយភាយចូលទៅក្នុងស្ថាប័នហិរញ្ញវត្ថុមិនមែនធនាគារ (NBFI) ​ហើយ​​ស្ថានភាព​ក្នុង​វិស័យ​នេះ​កាន់​តែ​គួរ​ឲ្យ​ព្រួយ​បារម្ភ ដោយកៀកនឹង​ដួលរលំ។

យោងតាមធនាគារបង់ក្លាដែស ប្រាក់កម្ចី​ខកសំណងក្នុង​ NBFIs ដែល​ប្រឈមបញ្ហា មាន​ចំនួន ២១៤,៦២ ប៊ីលាន តាកា (១,៧៦ ប៊ីលាន​ដុល្លារ) ដែល​ស្មើនឹង ៨៣ ភាគរយ ​នៃផលប័ត្រប្រាក់កម្ចីរបស់ពួកគេ។​

អ្នកជំនាញបានអះអាងថា វិស័យនេះស្ទើរតែក្ស័យធនទៅហើយ ដោយស្ថាប័នជាច្រើនមិនអាចបង់ប្រាក់បញ្ញើវិញបាន ធ្វើឲ្យបាត់បង់ទំនុកចិត្តសាធារណៈបន្ថែមទៀត។ ធនាគារកណ្ដាលបង់ក្លាដែស បាន​ឱ្យដឹងថា ​គិតត្រឹមខែធ្នូ ឆ្នាំ ២០២៤ ស្ថាប័នចំនួន ២០ ជំពាក់បំណុល ២៥៨,០៨ ប៊ីលាន​ តាកា ​ប៉ុន្តែវត្ថុបញ្ចាំរបស់ពួកគេមានត្រឹមតែ ៦៨,៩៩ ប៊ីលាន​កាតា ប៉ុណ្ណោះ ដែលស្មើនឹង ២៦ ភាគរយ នៃបំណុលសរុប។  ​មន្ត្រីធនាគារកណ្តាលបានព្រមានថា ប្រសិនបើមិនមានវិធានការណ៍រហ័សដើម្បីការពារអ្នកដាក់ប្រាក់បញ្ញើទេ វិស័យនេះអាចដួលរលំទាំងស្រុង។

៣. ផ្សារហ៊ុនរបស់បង់ក្លាដែសស្ថិតនៅក្នុងស្ថានភាពអាក្រក់

ទីផ្សារភាគហ៊ុនរបស់បង់ក្លាដែស ស្ថិតនៅក្រោមភាពតានតឹងយូរយារមកហើយ​។ យោងតាម ​​The Dhaka Tribune ក្នុងរយៈពេល ១៦ ឆ្នាំកន្លងមកនេះ ទីផ្សារបានធ្លាក់ចុះប្រហែល ៣៨ ភាគរយ។ ​បើកែសម្រួលតាមអតិផរណា វិនិយោគិននៅបង់ក្លាដែស​បានបាត់បង់ដើមទុនក្នុងអត្រាជាមធ្យម ៣ ភាគរយ/ឆ្នាំ។

យោងតាមផ្សារហ៊ុន Dhaka Stock Exchange (DSE) ភាគហ៊ុនរបស់ក្រុមហ៊ុនដែលបានចុះបញ្ជីចំនួន ៩៨ ក្នុងចំណោម ៣៩៧ ក្រុមហ៊ុន ​ បាន​ធ្លាក់ចុះក្រោម ១០ តាកា/ហ៊ុន ដែលជាតម្លៃដើម​។ ច្រើនជាងពាក់កណ្តាលនៃភាគហ៊ុនទាំងនោះទៀតសោត មានតម្លៃក្រោម ៥ តាកា/ហ៊ុន ។

លោក Kazi Monirul Islam នាយកប្រតិបត្តិនៃក្រុមហ៊ុន Shanta Asset Management បានប្រាប់កាសែត Dhaka Tribune ថា៖ «ការពិតដែលថាតម្លៃនៃភាគហ៊ុនមួយចំនួនធំបែបនេះ បានធ្លាក់ចុះក្រោមតម្លៃដើម​ បង្ហាញថា ដំណើរការរបស់ក្រុមហ៊ុនទាំងនេះមិនល្អ។ ជាលទ្ធផល វិនិយោគិនកំពុងពឹង​ផ្ដោតលើក្រុមហ៊ុន​ដែល​មាន​ដំណើរការខ្លាំងមួយចំនួន»។

ចំណែកឯលោក Saiful Islam ប្រធានសមាគមឈ្មួញកណ្តាល DSE ​របស់បង់ក្លាដែសវិញ បានពន្យល់ថា៖ «ភាគហ៊ុនឥតប្រយោជន៍ជាច្រើន​ក្នុងទីផ្សារភាគហ៊ុន កំពុងបំបាក់ទឹកចិត្តវិនិយោគិនជាបរទេស និងស្ថាប័ន​។ ក្រុមហ៊ុនទន់ខ្សោយត្រូវតែបិទ ឬច្របាច់បញ្ចូលគ្នាឱ្យ​ឆាប់រហ័ស ហើយក្រុមហ៊ុនខ្លាំងថ្មីៗត្រូវតែមាន​លើទីផ្សារ»។ ​

ខណៈរដ្ឋបាលលោក Yunus កំពុងព្យាយាមនាំយកកំណែទម្រង់ អ្នកជំនាញនៅតែមានការព្រួយបារម្ភអំពី​អនាគតសេដ្ឋកិច្ចរបស់បង់ក្លាដែស៕

The post អ្នកជំនាញបារម្ភពី​សេដ្ឋកិច្ចបង់ក្លាដែស ដែលប្រឈមមុខនឹង​វិបត្តិហិរញ្ញវត្ថុ appeared first on Kampuchea Thmey Daily.

ប្រធានសមាគមអ្នកផលិតសរសៃអំបោះឥណ្ឌូណេស៊ី (Apsyfi) លោក Redma Gita Wirawasta បានប្រាប់និយាយកាលពីថ្ងៃពុធនេះ៖ «វាល្អណាស់រួចទៅហើយ ហើយយើងកោតសរសើរចំពោះការខិតខំប្រឹងប្រែងជាអតិបរមារបស់រដ្ឋាភិបាល»។

ខណៈ​ទទួលស្គាល់ថាពន្ធ ១៩ ភាគរយ នៅតែជាបន្ទុកសម្រាប់អ្នកនាំចេញ លោក Redma បាននិយាយ​ថា​ ​ឥណ្ឌូណេស៊ីមាន​ភាពអំណោយផលជាងមុន បើប្រៀបធៀបទៅនឹងដៃគូប្រកួតប្រជែងរបស់ខ្លួន។ លោកបានចង្អុលបង្ហាញថា វៀតណាមជាប់ពន្ធ ២០ ភាគរយ និងបង់ក្លាដែស ​៣៥ ភាគរយ​ ដែល​នេះនឹង​ធ្វើឱ្យ​ឥណ្ឌូណេស៊ីមាន​ការប្រកួតប្រជែងជាងបន្តិចជាមួយ​វៀតណាម និងខ្លាំងជាមួយ​បង់ក្លាដែស សម្រាប់ការនាំចេញទៅសហរដ្ឋអាមេរិក។ ​

លោក Redma ក៏​បាន​និយាយ​ផងដែរ​ថា ការ​កាត់​បន្ថយ​ពន្ធ​អាច​ជួយ​ការពារ​ការងារ​ក្នុង​ឧស្សាហកម្ម​វាយនភណ្ឌ​បាន​ច្រើន។ បើតាមសមាគមវាយនភណ្ឌឥណ្ឌូណេស៊ី (API) បានប៉ាន់ប្រមាណថា កម្មករចន្លោះពី ៥០ ០០០-៧០ ០០០ នាក់ អាច​បាត់បង់ការងាររបស់ពួកគេ ប្រសិនបើពន្ធ ៣២ ភាគរយខ្ពស់​ ចូលជាធរមាន​។

​ទៅមុខទៀត លោក​ Redma បានជំរុញឱ្យរដ្ឋាភិបាល និង​ឧស្សាហកម្មឥណ្ឌូណេស៊ី រក្សាការប្រុងប្រយ័ត្នចំពោះ​លំហូរចូលនៃផលិតផលវាយនភណ្ឌ ដែលមានតម្លៃថោកៗពីប្រទេសចិន។ ការដាក់​ពន្ធ​ខ្ពស់​លើ​ទំនិញ​ចិន​របស់ចិន​ ​អាចនាំឱ្យ​ចិនបង្វែរការនាំចេញទៅកាន់ទីផ្សារដូចជាប្រទេសឥណ្ឌូណេស៊ី ដែលនេះនឹង​បង្កើនការប្រកួតប្រជែង និងប៉ះពាល់ដល់​អ្នកផលិតក្នុងស្រុក។

គួរគូសបញ្ជាក់ថា អាមេរិកគឺជាទីផ្សារនាំចេញសំខាន់សម្រាប់ឥណ្ឌូណេស៊ី។ សម្លៀកបំពាក់​ផលិតរួច​ស្រេច គឺជាទំនិញនាំចេញដ៏ធំបំផុតរបស់ឥណ្ឌូណេស៊ីទៅកាន់សហរដ្ឋអាមេរិក ក្នុងតម្លៃ ១,២៧ ប៊ីលាន​ដុល្លារ ចន្លោះពីខែមករា ដល់ខែឧសភា ឆ្នាំ ២០២៥។ ​នេះបើយោងតាមការស្រាវជ្រាវរបស់ទូរទស្សន៍ Berita Satu ។ ការនាំចេញកំពូលផ្សេងៗទៀតរួមមាន ស្បែកជើងកីឡា ប្រេងដូង សម្លៀកបំពាក់ប៉ាក់ និងស្បែក​ជើង​៕

​

The post វាយនភណ្ឌឥណ្ឌូណេស៊ីសា​ទរ​ចំពោះពន្ធត្រាំ ១៩% ​ដោយ​លែងសូវបារម្ភពីការប្រកួតប្រជែង appeared first on Kampuchea Thmey Daily.

សមាគមស្បៀងអាហារវៀតណាម បាន​ឱ្យដឹង​ថា​ កិច្ចសន្យានាំចេញនេះត្រូវបានចុះហត្ថលេខាក្រោមក្របខណ្ឌរដ្ឋាភិបាល-រដ្ឋាភិបាល (G2G) ហើយ​សាជីវកម្មស្បៀង​អាហារភាគខាងត្បូងវៀតណាម (Vinafood II) នឹង​ធ្វើ​ការ​ផ្គត់ផ្គង់​នូវអង្ករសទាំង​នោះ។ ​

ក្រោម​កិច្ចព្រមព្រៀង​ តម្លៃ​អង្ករត្រូវបានកំណត់លក់នៅ ៤៧៤,២៥ ដុល្លារ/តោន ​ពោលគឺ​​ខ្ពស់ជាងតម្លៃទីផ្សារអន្តរជាតិធម្មតាសម្រាប់អង្ករសនាពេល​បច្ចុប្បន្ន​។

បើតាម​ Viet Nam News ​ការនាំចូលអង្ករសពី​វៀតណាមក្នុងទ្រង់ទ្រាយធំ គឺជាផ្នែកមួយនៃយុទ្ធសាស្ត្ររបស់បង់ក្លាដែសដើម្បីរក្សាស្ថិរភាពតម្លៃម្ហូបអាហារ ជាពិសេសនៅពេលដែលប្រទេសនេះអនុវត្តកម្មវិធីទីផ្សារ​លក់​បើកចំហ (OMS) របស់ខ្លួន​ចាប់ផ្តើម​ក្នុងខែកុម្ភៈ។

ក្រោមផែនការនេះ រដ្ឋាភិបាលបង់ក្លាដែស​នឹងចែកចាយអង្ករប្រហែល ៩០៧ តោនជារៀងរាល់ថ្ងៃ តាមរយៈ​កន្លែង​ចំនួន ៩០៦ នៅទូទាំងប្រទេស រួមទាំងរដ្ឋធានី ដាកា និង​ទីក្រុងធំៗ និងតំបន់ដែលពឹងផ្អែកលើកម្លាំងពលកម្មខ្លាំង​ផងដែរ។ អង្ករ​នេះ​ នឹង​ត្រូវ​លក់​ក្នុង​តម្លៃប្រហែល ២៤៣ ដុល្លារ​​/​តោន ដើម្បី​ឱ្យ​ប្រជាជនបង់ក្លាដែស​ដែល​​​មាន​ចំណូល​ទាប ​អាច​ទទួល​បាន​ការ​ផ្គត់ផ្គង់​ស្បៀង​ចាំបាច់​ខ្លាំង​​ក្នុង​តម្លៃ​សមរម្យ។

គួរគូស​បញ្ជាក់ថា បង់ក្លាដែស គឺជាប្រទេសផលិតអង្ករដ៏ធំបំផុតមួយនៅអាស៊ីខាងត្បូង។ ទោះជាយ៉ាងនេះក្តី ប្រទេសនេះនៅតែត្រូវការនាំចូលអង្ករ​នៅពេល​ខ្លះ​ ដើម្បីរក្សាតុល្យភាពនៃការផ្គត់ផ្គង់ និងតម្រូវការ។ ក្នុង​ឆ្នាំ ​២០២៣ បង់ក្លាដែស​បាន​នាំ​ចូល​អង្ករ​ជិត​ ២ លាន​តោន​ពី​ប្រទេស​រួម​មាន​ឥណ្ឌា ថៃ វៀតណាម និង​មីយ៉ាន់ម៉ា៕

The post វៀតណាម​គ្រោងនាំចេញអង្ករ ១០០ ០០០ តោន ទៅបង់ក្លាដែស ​ appeared first on Kampuchea Thmey Daily.