ជាមួយគ្នានេះ លោក ហែម សុវត្ថិ ក៏បានណែនាំឱ្យមន្ត្រីក្រោមឱវាទ រាយការណ៍រាល់សភាពការណ៍ដែលកើតឡើងក្នុងភូមិសាស្រ្តរបស់ខ្លួន ជាចាំបាច់ និងជាប្រចាំ  និងត្រូវពិនិត្យមើលតម្រូវការវគ្គបំប៉នជំនាញផ្សេងៗសម្រាប់មន្រ្តីក្នុងនាយកដ្ឋាន ដើម្បីស្វែងរកការគាំទ្រពីដៃគូរពាក់ព័ន្ធទាំងក្នុង និងក្រៅប្រទេស។

លោកអគ្គស្នងការរង ក៏បានណែនាំឱ្យអនុវត្តតាមបទបញ្ជារបស់ លោកនាយឧត្តមសេនីយ៍ អគ្គស្នងការនគរបាលជាតិ ដោយរាល់ការប្រើប្រាស់កម្លាំង ត្រូវរាយការណ៍មកថ្នាក់ដឹកនាំទៅតាមឋានានុក្រម នឹងរៀបចំផែនការជាមួយនាយកដ្ឋាន ក្នុងការបែងចែកភារកិច្ចដល់ថ្នាក់អនុនាយកដ្ឋាន នាយ នាយរងការិយាល័យ ដើម្បីប្តូរវេនប្រចាំការនៅនាយកដ្ឋាន និងស្នាក់ការតាមបណ្តាខេត្ត ក្នុងគោលបំណងដោះស្រាយបញ្ហាកង្វះខាតមន្រ្តីនាពេលបច្ចុប្បន្ន។

គួរឱ្យដឹងថា  ឧត្តមសេនីយ៍ឯក ហែម សុវត្ថិ អគ្គស្នងការរងនគរបាលជាតិ ជាតំណាងដ៏ខ្ពង់ខ្ពស់ លោក  នាយឧត្តមសេនីយ៍ ស ថេត អគ្គស្នងការនគរបាលជាតិ បានអញ្ជើញជាអធិបតីក្នុងប្រជុំត្រួតពិនិត្យវឌ្ឍនភាពការងារ ប្រកាសសេចក្ដីសម្រេចបែកចែកតួនាទីភារកិច្ចអនុប្រធាននាយកដ្ឋាន និងផ្សព្វផ្សាយអនុក្រិត្យស្ដីពីការសុំច្បាប់ និងអនុញ្ញាតច្បាប់ឈប់សម្រាកគ្រប់ប្រភេទរបស់មន្ត្រីនគរបាលជាតិ ដោយមានការអញ្ជើញចូលរួមពី ប្រធាននាយកដ្ឋាន អនុប្រធាននាយកដ្ឋាន លោកនាយ នាយរងការិយាល័យ និងប្រធានស្នាក់ការប្រចាំតំបន់ទាំងអស់ របស់នាយកដ្ឋានប្រឆាំងបទល្មើសល្បែងពាណិជ្ជកម្ម នៅសាលប្រជុំនាយកដ្ឋានប្រឆាំងបទល្មើសល្បែងពាណិជ្ជកម្ម៕

The post អគ្គស្នងការរង ណែនាំឱ្យបង្ក្រាបការផ្សាយល្បែងអនឡាញគ្រប់ប្រភេទតាមសារតាមទូរស័ព្ទ និងបណ្ដាញសង្គម appeared first on Kampuchea Thmey Daily.

លោក សេង សីលា បានលើកឡើងថា គណៈកម្មការឯកភាពរដ្ឋបាលខេត្ត បានជំរុញឱ្យរដ្ឋបាលក្រុងស្រុកទាំងអស់ ត្រូវពង្រឹងកិច្ចការបង្ក្រាបបែងស៊ីសងគ្មានច្បាប់នៅក្នុងមូលដ្ឋាន ក្រោមការយកចិត្តទុកដាក់ពីសំណាក់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដែលបានដាក់បទបញ្ជាឱ្យរដ្ឋបាលរាជធានីខេត្តទាំងអស់ ត្រូវគិតគូរ និងយកចិត្តទុកដាក់អំពីបញ្ហាល្បែងស៊ីសងនៅមូលដ្ឋានរបស់ខ្លួន។ 

ដោយឡែក រដ្ឋបាលខេត្តស្វាយរៀងនាពេលកន្លងទៅថ្មីៗនេះ ក៏បានធ្វើការប្រជុំផ្សព្វផ្សាយរួចហើយ ដូច្នេះ នៅតាមបណ្ដាក្រុងស្រុកទាំងអស់ ត្រូវធ្វើយ៉ាងណាចុះពិនិត្យតាមដាន ដើម្បីធ្វើបច្ចុប្បន្នភាព និងវឌ្ឍនភាពជាក់ស្ដែង នៅក្នុងមូលដ្ឋានរបស់ខ្លួនក្រោយពីការណែនាំ និងចង្អុលបង្ហាញរបស់ក្រសួងមហាផ្ទៃរួចមក។ 

ចំណែក លោក លឹម សៀងហេង អភិបាលក្រុងបាវិត បានឱ្យដឹងថា ក្រោយពីបានទទួលផែនការណែនាំពីគណៈកម្មការល្បែងថ្នាក់ជាតិ និងទទួលបានការណែនាំពីថ្នាក់ដឹកនាំក្រសួងមហាផ្ទៃ ថ្នាក់ដឹកនាំរដ្ឋបាលខេត្ត កាលពីថ្ងៃទី៤ ខែមីនា ឆ្នាំ២០២៤។ រដ្ឋបាលក្រុងបាវិត បានធ្វើការប្រជុំផ្សព្វផ្សាយជាមួយមន្ត្រីពាក់ព័ន្ធទាំងអស់នៅមូលដ្ឋាន ដោយបានធ្វើការស្រង់ស្ថិតិទីតាំងល្បែងស៊ីសងអនឡាញ ក្នុងមូលដ្ឋានក្រុងទាំងមូល ជាលទ្ធផលសរុបមានចំនួន ៤០ទីតាំង ដោយបានណែនាំធ្វើកិច្ចសន្យាជាមួយតំណាងក្រុមហ៊ុនរួចរាល់ហើយ។

លោកថា ចំពោះកិច្ចការទាំងអស់ខាងលើ នាពេលកន្លងមកខាងអាជ្ញាធរក្រុង ក៏មានការលំបាកដែរ ដោយសារគេលេងតាមប្រព័ន្ធទូរសព្ទដៃ ជាហេតុធ្វើឱ្យពិបាកក្នុងការបង្ក្រាប។ យ៉ាងណាមិញ នាពេលកន្លងទៅថ្មីៗនេះរាជរដ្ឋា ភិបាលបានជំរុញឱ្យរដ្ឋបាលរាជធានីខេត្ត ធ្វើការត្រួតពិនិត្យឡើងវិញចំពោះអ្នកបើកល្បែងផ្សងសំណាងទាំងនោះដាច់ខាតត្រូវតែមានអាជ្ញាប័ណ្ណទើបអនុញ្ញាត។ ជាងនេះទៅទៀត រាជរដ្ឋាភិបាលក៏បានដាក់ចេញនៅបទបញ្ជាឱ្យគណៈកម្មាការល្បែងថ្នាក់ជាតិ ត្រូវសហការជាមួយអាជ្ញាធរមូលដ្ឋានជាមុនសិន ដើម្បីសិក្សាពីទីតាំងជាក់ស្ដែងមុននឹងចេញអាជ្ញាប័ណ្ណអនុញ្ញាតឱ្យប្រកបអាជីវកម្ម។ កន្លងមកនៅពេលដែលអាជ្ញាធរចុះធ្វើការបង្ក្រាបខាងក្រុមហ៊ុនតែងបានយកអាជ្ញាប័ណ្ណរបស់គាត់ ថតចម្លងរួចបិទនៅតាមសាខា ដោយមិនមានបញ្ជាក់ទីតាំងច្បាស់លាស់នោះឡើយ។ ដូច្នេះ វាជាកិច្ចការលំបាកមួយសម្រាប់អាជ្ញាធរនៅពេលចូលបង្ក្រាបម្ដងៗ។ 

ទន្ទឹមគ្នានេះដែរ លោក ម៉ែន អេង អភិបាលរងខេត្តស្វាយរៀង ក៏បានលើកឡើងដែរថា រាល់បញ្ហាទាំងអស់ខាងលើនេះត្រូវទុកពេលឱ្យពួកគាត់រត់ទៅរកប៉ុស្តិ៍សេវា ដោយឱ្យបញ្ជាក់ទីតាំងច្បាស់លាស់ដើម្បីឱ្យអាជ្ញាធរដឹងឮ។ ព្រោះថា នៅពេលកន្លងមកខាងក្រុមហ៊ុនគេពុំដែលមកទំនាក់ទំនងជាមួយអាជ្ញាធរមូលដ្ឋាននោះទេ ដែលវាជាហេតុធ្វើឱ្យពិបាកក្នុងការគ្រប់គ្រង និងបង្ក្រាបនៅរាល់បញ្ហាទាំងអស់ខាងលើនេះ។ ជាពិសេស ទីតាំងដែលហាមឃាត់ដូចជា ក្បែរសាលារៀន វត្តអារាម និងមន្ទីរពេទ្យជាដើម។

លោកបានបន្តថា ចំពោះបញ្ហាដែលនៅសេសសល់ត្រូវបន្តចុះត្រួតពិនិត្យណែនាំនៅតាមក្នុងផ្ទះប្រជាពលរដ្ឋតែម្ដង ដើម្បីកុំឱ្យមានហានិភ័យពីតូចទៅធំ រហូតដល់អ្នកខ្លះហ៊ានយកប្លង់ដីក្នុងផ្ទះទៅបញ្ចាំដែលវាបង្កទៅជារឿងមួយដែលប៉ះពាល់ដល់ជីវភាពរស់នៅប្រចាំថ្ងៃព្រោះតែបញ្ហាល្បែង។ ជាលទ្ធផល នៅពេលនេះក្រុងបាវិតទទួលបានការកោតសរសើរពីថ្នាក់ជាតិ ដែលបានចូលរួមយ៉ាងសកម្មក្នុងការចុះផ្សព្វផ្សាយអំពីការបង្ការ បង្ក្រាបបញ្ហាល្បែងស៊ីសងគ្មានច្បាប់ ដោយមិនឱ្យមានការរីកដុះដាលបន្តទៀតនោះទេ៕

ដោយ៖ ភក្ដី

The post អភិបាលរងខេត្តស្វាយរៀង២រូប ចុះធ្វើបច្ចុប្បន្នភាព​ការបង្ក្រាបល្បែងស៊ីសងខុសច្បាប់ នៅក្រុងបាវិត  appeared first on Kampuchea Thmey Daily.

តាមលោក ទូច សុខៈ ការបង្ក្រាបចំនួន១៤ទីតាំង ដែលមានករណីល្បែងភ្នាល់តាមអ៉ីនធើណេតចំនួន១០ទីតាំង ត្រូវនគរបាលអនុវត្តវិធានការច្បាប់ ពោលគឺ កសាងសំណុំរឿងទៅតុលាការ។ ក្នុងនោះ ក៏មានអ្នកពាក់ព័ន្ធចំនួន៥៩នាក់ផងដែរ ដែលត្រូវទុកជូនតុលាការចាត់នីតិវិធី។ លោកបន្តថា ក្នុងចំណោម១៤ទីតាំងនេះ នគរបាលបង្ក្រាបក្នុងភូមិសាស្ត្រ រាជធានីភ្នំពេញ ខេត្តព្រះវិហារ កំពត ឧត្តរមានជ័យ និងខេត្តកំពង់ចាម។

អ្នកនាំពាក្យរងរូបនេះ ឆ្លៀតបង្ហើបឱ្យដឹងថាចំនួន៩ទីតាំង ក្នុងភូមិសាស្ត្រ ខេត្តបាត់ដំបង ពោធិ៍សាត់ កំពត និងខេត្តស្វាយរៀង ដែលនគរបាលបង្ក្រាបបាន ពុំកសាងសំណុំរឿងបញ្ជូនទៅតុលាការទេ គឺគ្រាន់តែចាត់វិធានការរដ្ឋបាល ដោយអប់រំណែនាំ និងធ្វើកិច្ចសន្យាបញ្ឈប់ការប្រព្រឹត្តិ ចំនួន២៦នាក់។

ការបង្ក្រាបល្បែងស៊ីសងខុសច្បាប់ជាប្រចាំថ្ងៃនេះ គឺជាទិសដៅអាទិភាពមួយក្នុងចំណោមទិសដៅអាទិភាពទាំង៦ ដែល   ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដាក់ចេញតាំងពីដើមអាណត្តិទី៧ យោងលើគោលការណ៍«សម្អាតផ្ទះយើង» របស់ សម្ដេចធិបតីនាយករដ្ឋមន្ត្រី និងជាការអនុវត្តតាមគោលនយោបាយភូមិ-ឃុំ-សង្កាត់មានសុវត្ថិភាពផងដែរ៕

The post ១សប្ដាហ៍សមត្ថកិច្ច បង្ក្រាបល្បែងស៊ីសងខុសច្បាប់២៣ទីតាំង ឃាត់ខ្លួនមនុស្ស៨៥នាក់ appeared first on Kampuchea Thmey Daily.

អ្នកនាំពាក្យរងរូបនេះថា ក្នុងចំណោមទាំង ៣០០ទីតាំង ដែលបង្ក្រាបបាននោះ សមត្ថកិច្ចនគរបាលបានចាត់វិធានការច្បាប់ចំនួន ៦៩ទីតាំង លើ១៥រាជធានី-ខេត្ត ពោល គឺកសាងសំណុំរឿងតាមនីតិវិធី ដើម្បីបញ្ជូនទៅកាន់តុលាការ ដែលមានជនសង្ស័យ ១៩៤នាក់។ លោកអះអាងថា ក្នុងចំណោម ៦៩ទីតាំង ដែលបញ្ជូនទៅតុលាការនេះក៏មាន Game Online ខុសច្បាប់ចំនួន ១ទីតាំង និងឃាត់ខ្លួនជនសង្ស័យចំនួន ៦នាក់។ ការលេងល្បែងភ្នាល់តាម Internet ជ្រកក្រោមផ្លាកអាជីវកម្ម ឬអាជ្ញាប័ណ្ណចំនួន ៧ទីតាំង ឃាត់ខ្លួនជនសង្ស័យចំនួន ៣១នាក់។ ក្រៅពីនេះ មានល្បែងផ្សេងៗដែលកើតតាមមូលដ្ឋានចំនួន៦១ទីតាំង ដោយឃាត់ខ្លួនជនសង្ស័យចំនួន១៥៧នាក់។

លោកបន្ថែមថា ក្រៅពីការចាត់វិធានច្បាប់ នគរបាលក្រសួងមហាផ្ទៃ ក៏បានចាត់វិធានការរដ្ឋបាលផងដែរនៃចំនួនទាំង ៣០០ទីតាំង ដែលបង្ក្រាប។ ក្នុងនោះ ចាត់វិធានការរដ្ឋបាល បានចំនួន ២៣១ទីតាំង លើ១០រាជធានី-ខេត្ត ដោយបានអប់រំ ណែនាំ និងធ្វើកិច្ចសន្យាបញ្ឈប់ការប្រព្រឹត្តិលើមនុស្សចំនួន ៣៣៩នាក់។

លោកបានបញ្ជាក់ថា អនុវត្តតាមបទបញ្ជា និងគោលការណ៍«សម្អាតផ្ទះយើង» របស់សម្ដេចធិបតីនាយករដ្ឋមន្ត្រី និងលោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាដឹកនាំកម្លាំងជំនាញតាំងពីថ្នាក់អគ្គស្នងការដ្ឋាន រហូតដល់ស្នងការដ្ឋាន ដើម្បីបង្ការទប់ស្កាត់ និងបង្ក្រាបល្បែងស៊ីសងជាប្រចាំ ដើម្បីប្រសិទ្ធផលនៃគោលនយោបាយភូមិ-ឃុំ-សង្កាត់មានសុវត្ថិភាព ឱ្យស្របតាមទស្សនៈ «អ្វីៗធ្វើដើម្បីផ្ដល់ភាពកក់ក្ដៅជូនប្រជាពលរដ្ឋ»។

គួរជម្រាបដែរថា ការបង្ក្រាបល្បែងស៊ីសងខុសច្បាប់ គឺជាមុខសញ្ញាមួយក្នុងចំណោមទិសដៅអាទិភាពទាំង៦ របស់ក្រសួងមហាផ្ទៃ ដែលដាក់ចេញដោយ លោក ស សុខា ឧបនាយករដ្ឋមន្ត្រី និងជារដ្ឋមន្ត្រីកាលពីដើមអាណត្តិទី៧ រួមមាន បញ្ហាគ្រឿងញៀន បញ្ហាចរចារណ៍ បទល្មើសព្រហ្មទណ្ឌទូទៅ បញ្ហាក្រុមក្មេងទំនើង ការជួញដូរមនុស្ស និងការដោះស្រាយបញ្ហាតាមព្រំដែនទាំងគោក និងទឹក៕

The post ត្រឹម២ខែ ដើម​ឆ្នាំ២០២៤ នគរបាលក្រសួងមហាផ្ទៃ បង្ក្រាបល្បែងខុសច្បាប់ ៣០០ទីតាំង ឃាត់ខ្លួនជិត ៥០០នាក់ appeared first on Kampuchea Thmey Daily.

លោក នួន ណុយ នាយករងរដ្ឋបាលសាលាខេត្តកំពង់ចាម និងជាអនុប្រធានក្រុមការងារចុះតាមដាន ត្រួតពិនិត្យ គ្រប់គ្រងល្បែងស៊ីសងឆ្នោតអាជីវកម្ម ពាណិជ្ជកម្ម គ្រប់ប្រភេទក្នុងភូមិសាស្ត្រខេត្តកំពង់ចាម បានបញ្ជាក់ឱ្យដឹងថា ចាប់តាំងពីទទួលបានបទបញ្ជាយ៉ាងតឹងរឹង របស់សម្ដេចអធិបតី ហ៊ុន ម៉ាណែត នាយករដ្ឋមន្ត្រីកម្ពុជាមក រដ្ឋបាលខេត្តកំពង់ចាម ក្រោមការដឹកនាំពី លោក អ៊ុន ចាន់ដា អភិបាលខេត្តកំពង់ចាម បានបើកប្រតិបត្តិការចុះបង្ក្រាប និងបិទទីតាំងល្បែងផ្សងសំណាងទាំងអស់ក្នុងភូមិសាស្ត្រខេត្តកំពង់ចាម។ ព្រមទាំងបានធ្វើកិច្ចសន្យា និងផ្សព្វផ្សាយដល់ម្ចាស់ទីតាំងដែលធ្លាប់បើកឱ្យបញ្ឈប់ កុំឱ្យមានសកម្មភាពអាជីវកម្មល្បែងស៊ីសង ឆ្នោតផ្សងសំណាងដែលខុសច្បាប់ទៀត។

លោកបានបន្តថា សមត្ថកិច្ចបានធ្វើការស្រាវជ្រាវរកឃើញមានទីតាំងសរុបទាំងអស់ ៤៩២ទីតាំង ដែលត្រូវបានបិទ ក្នុងនោះមានទីតាំងមួយចំនួនដែលមានអាជ្ញាបណ្ណក៏បានស្ម័គ្រចិត្តបិទដោយខ្លួនឯងផងដែរ។

ទន្ទឹមនឹងលទ្ធផលនៃប្រតិបត្តិការនេះដែរ អាជ្ញាធរខេត្តកំពង់ចាម បានស្នើឱ្យប្រជាពលរដ្ឋនៅតាមមូលដ្ឋានចូលសហការជាមួយក្រុមការងារ ដើម្បីទប់ស្កាត់ កុំឱ្យមានទីតាំងល្បែងស៊ីសងគ្រប់ប្រភេទនៅក្នុងមូលដ្ឋាន។ បន្ថែមពីនេះ រដ្ឋបាលខេត្តកំពង់ចាម ក៏បានណែនាំឱ្យគណៈអភិបាលក្រុង-ស្រុកទាំង១០ ចូលរួមសហការគ្នា តាមដានមើលជាប្រចាំនៅក្នុងមូលដ្ឋានរបស់ខ្លួនលើបញ្ហានេះ និងត្រូវធ្វើបច្ចុប្បន្នភាពមួយខែម្ដង ដើម្បីគ្រប់គ្រងបញ្ហាល្បែងស៊ីសងនេះនៅទីតាំងដែលបានបិទ និងទីតាំងដែលលួចបើកថ្មីជាដើម៕

 អត្ថបទ និង រូបភាព ៖ ឡេក ចាន់ពេជ្រ

The post ទីតាំងល្បែងស៊ីសង ៤៩២កន្លែង ក្នុងខេត្តកំពង់ ចាម ត្រូវបានបិទទាំងស្រុង appeared first on Kampuchea Thmey Daily.

ដើម្បីដោះស្រាយបញ្ហានេះ លោកអភិបាលខេត្ត បានបញ្ជាឱ្យរដ្ឋបាលខេត្ត ត្រូវបង្កើតក្រុមការងារដឹកនាំដោយអភិបាលរងខេត្ត និងមានមន្ទីរ អង្គភាព ពាក់ព័ន្ធ ដើម្បីបង្ក្រាបនិងទប់ស្កាត់ល្បែងស៊ីសងខុសច្បាប់គ្រប់ប្រភេទ ។

  ទន្ទឹមនេះ លោក ជាម ច័ន្ទសោភ័ណ ក៏បានដាស់តឿនដល់អាជ្ញាធរមូលដ្ឋាន ត្រូវត្រួតពិនិត្យទីកន្លែង ដែលមានល្បែងស៊ីសងគ្រប់ប្រភេទឲ្យបានច្បាស់លាស់ ដើម្បីបង្ក្រាបឲ្យមានប្រសិទ្ធភាព ជាពិសេសមន្ត្រីសមត្ថកិច្ច ត្រូវដកខ្លួនចេញឲ្យឆ្ងាយកុំឲ្យមានការពាក់ព័ន្ធ បើមិនដូច្នេះទេ ត្រូវអនុវត្តន៍ទៅតាមច្បាប់សហលក្ខន្តិកៈមន្ត្រីរាជការស៊ីវិល និងកងកម្លាំងប្រដាប់អាវុធ។

 ជាចុងក្រោយ លោកអភិបាលខេត្ត ក៏បានណែនាំដល់មន្ត្រីរាជការ កងកម្លាំងទាំង៣ និងអាជ្ញាធរដែនដីគ្រប់លំដាប់ថ្នាក់ទូទាំងខេត្ត ឱ្យអនុវត្តន៍វិធានការបីគឺកុំ៣ គឺកុំពាក់ព័ន្ធ កុំអន្តរាគមន៍ កុំលើកលែង ត្រូវយកការទទួលខុសត្រូវមួយក្នុងឋានៈជាគណៈបញ្ជាការឯកភាព ត្រូវយកចិត្តទុកដាក់ប្រកបដោយឆន្ទៈមនសិការ និងការទទួលខុសត្រូវខ្ពស់ ក្នុងការបង្ក្រាបរាល់បទល្មើសគ្រឿងញៀន ល្បែងស៊ីសងខុសច្បាប់គ្រប់ប្រភេទ ពិសេសល្បែងស៊ីសងតាមអនឡាញឱ្យខានតែបានក្នុងភូមិសាស្ត្រទូទាំងខេត្តត្បូងឃ្មុំ៕

អត្ថបទ៖សាន វិឡែម

The post អភិបាលខេត្តត្បូងឃ្មុំ​ បញ្ជាឱ្យសមត្ថកិច្ចបង្រ្កាបទីតាំងលេងល្បែង និងហាមមិនឱ្យលូកដៃអន្តរាគមន៍ appeared first on Kampuchea Thmey Daily.

បើតាមលោក ទូច សុខៈ ការបង្ក្រាបទាំង៤៣ទីតាំងនេះ មានមនុស្ស៧២នាក់ ដែលបានកើតឡើងនៅ ២៦ទីតាំងក្នុង១០រាជធានី-ខេត្ត ដែលជនសង្ស័យត្រូវបានបញ្ជូនទៅតុលាការ។ បើតាមការឲ្យដឹងពីអ្នកនាំពាក្យរង ​ ក្នុងចំណោម ​ទីតាំងដែលបង្ក្រាបបាន​ក៏សមត្ថកិច្ចចាត់វិធានការរដ្ឋបាល​ទៅលើការ​បង្ក្រាប ១៧ ទីតាំង ​ ដែលកើតឡើងនៅ៤រាជធានី-ខេត្ត បានចាត់នីតិវិធីអប់រំ ណែនាំ និងធ្វើកិច្ចសន្យាបញ្ឈប់ ៣០ នាក់។

ក្រោមគតិបណ្ឌិត«សម្អាតផ្ទះយើង»របស់សម្ដេចធិបតីនាយករដ្ឋមន្ត្រី និងទស្សនៈ «អ្វីៗដើម្បីភាពកក់ក្តៅ ជូនប្រជាពលរដ្ឋ» របស់ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោកអភិសន្តិបណ្ឌិត ស សុខា កំណែទម្រង់ជាច្រើនត្រូវបានធ្វើឡើងជាបន្តបន្ទាប់ជាពិសេស លើបញ្ហាអទិភាពទាំង៦ របស់ក្រសួងមហាផ្ទៃនៅមាន ការបង្ក្រាបល្បែងស៊ីសង គឺជាវិធានការដ៏ក្តៅគគុកមួយ ផងដែរ ពីលើ បញ្ហាគ្រឿងញៀន បទល្មើសព្រហ្មទណ្ឌទូទៅ ក្រុមក្មេងទំនើង បញ្ហាចរាចរណ៍ ការជួញដូរមនុស្ស និងបញ្ហានានាដែលកើតឡើងតាមបណ្ដាព្រំដែនកម្ពុជា៕

The post ៣សប្ដាហ៍ សមត្ថកិច្ចក្រសួងមហាផ្ទៃបង្ក្រាបល្បែងស៊ីសងបាន៤៣ទីតាំង​ បញ្ជូនជនសង្ស័យ ៧២នាក់ទៅតុលាការ appeared first on Kampuchea Thmey Daily.

លោក​ទូច សុខៈ បានបញ្ជាក់ថា ជាលទ្ធផលរួមនៃការបង្ក្រាប ២០ទីតាំងនេះ  មានជនល្មើស ត្រូវបានឃាត់ខ្លួន ២៣នាក់  លើការបង្ក្រាប១១ទីតាំង កើតឡើងនៅ៦រាជធានីខេត្ត ដែលបានបញ្ជូនជនសង្ស័យ ទៅតុលាការចំនួន២៣នាក់។ ក្រៅពីនេះក៏មាន វិធានការរដ្ឋបាចំនួន៩ករណី ដែលមានជនសង្ស័យសរុបចំនួន៩នាក់ត្រូវបានចាត់ វិធានការតាមវិធានរដ្ឋបាលគឺ  អប់រំ ណែ នាំ និងធ្វើកិច្ចសន្យាបញ្ឈប់។

បន្ថែមពីលើបញ្ហាអាទិភាពទាំង ៦ របស់ក្រសួងមហាផ្ទៃនៅក្នុងអាណត្តិថ្មីនេះ ការបង្ក្រាបល្បែងស៊ីសង គឺជាវិធានការដ៏ក្តៅគគុកមួយ   ពីលើបញ្ហាគ្រឿងញៀន បទល្មើសព្រហ្មទណ្ឌទូទៅ ក្រុមក្មេងទំនើង បញ្ហាចរាចរណ៍ ការជួញដូរមនុស្ស និងបញ្ហានានាដែលកើតឡើងតាមបណ្ដាព្រំដែនកម្ពុជា។

ក្រោម ទស្សនៈ «អ្វីៗដើម្បីភាពកក់ក្តៅ ជូនប្រជាពលរដ្ឋ» របស់ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ  លោក ស សុខា កំណែទម្រង់ជាច្រើនត្រូវបានធ្វើឡើងជាបន្តបន្ទាប់។ ជាពិសេស  គឺការអនុវត្តវិន័យរបស់កងកម្លាំងនគរបាលជាតិលេខ០០៦ ដែលឈានដល់ការបញ្ចប់មុខតំណែងតួនាទី បន្ថយឋានន្តរស័ក្តិ និងការបណ្ដេញចេញពីក្របខ័ណ្ឌលើមន្ត្រីនគរបាលមួយចំនួន ដែលក្នុងនោះ មានមន្ត្រីមួយចំនួន  ត្រូវ បាន ចាត់វិធានការណ៍ ដោយឥតមានការយល់យោគពាក់ព័ន្ធជាមួយនឹងការប្រើប្រាស់គ្រឿងញៀន ឬបទល្មើសគ្រឿងញៀនផ្សេងៗទៀត  ស្របតាមអនុសាសន៍របស់សម្ដេចធិបតី ហ៊ុន ម៉ាណែត «សម្អាតផ្ទះយើង»៕

The post ១សប្តាហ៍នៃឆ្នាំថ្មី ក្រសួងមហាផ្ទៃបង្ក្រាបល្បែងស៊ីសងបាន ២០ទីតាំង ក្នុង៨ រាជធានីខេត្ត appeared first on Kampuchea Thmey Daily.