Connect with us

សន្តិសុខសង្គម

អភិបាលខេត្តត្បូងឃ្មុំ​ បញ្ជាឱ្យសមត្ថកិច្ចបង្រ្កាបទីតាំងលេងល្បែង និងហាមមិនឱ្យលូកដៃអន្តរាគមន៍

បានផុស

នៅ

ក្នុងកិច្ចប្រជុំនៅសាលាខេត្តត្បូងឃ្មុំ  នាព្រឹកថ្ងៃទី១២ ខែកុម្ភៈ នេះ អភិបាលខេត្តត្បូងឃ្មុំ  លោក ជាម ច័ន្ទសោភ័ណ  បានជំរុញឲ្យអាជ្ញាធរត្រូវចុះបង្ក្រាប និងពិនិត្យអាជ្ញាប័ណ្ណអាជីវកម្មល្បែង តាមមូលដ្ឋាន បើពិនិត្យឃើញថាមិនមានអាជ្ញាប័ណ្ណ ឬអាជ្ញាប័ណ្ណផុតកំណត់ នឹងចាត់វិធានការទៅតាមផ្លូវច្បាប់  ចំណែកកន្លែងដែលមានអាជ្ញាប័ណ្ណ បន្តឱ្យបើក ប៉ុន្តែមិនឱ្យពង្រីកទីតាំងបន្ថែមជាដាច់ខាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីដោះស្រាយបញ្ហានេះ លោកអភិបាលខេត្ត បានបញ្ជាឱ្យរដ្ឋបាលខេត្ត ត្រូវបង្កើតក្រុមការងារដឹកនាំដោយអភិបាលរងខេត្ត និងមានមន្ទីរ អង្គភាព ពាក់ព័ន្ធ ដើម្បីបង្ក្រាបនិងទប់ស្កាត់ល្បែងស៊ីសងខុសច្បាប់គ្រប់ប្រភេទ ។

  ទន្ទឹមនេះ លោក ជាម ច័ន្ទសោភ័ណ ក៏បានដាស់តឿនដល់អាជ្ញាធរមូលដ្ឋាន ត្រូវត្រួតពិនិត្យទីកន្លែង ដែលមានល្បែងស៊ីសងគ្រប់ប្រភេទឲ្យបានច្បាស់លាស់ ដើម្បីបង្ក្រាបឲ្យមានប្រសិទ្ធភាព ជាពិសេសមន្ត្រីសមត្ថកិច្ច ត្រូវដកខ្លួនចេញឲ្យឆ្ងាយកុំឲ្យមានការពាក់ព័ន្ធ បើមិនដូច្នេះទេ ត្រូវអនុវត្តន៍ទៅតាមច្បាប់សហលក្ខន្តិកៈមន្ត្រីរាជការស៊ីវិល និងកងកម្លាំងប្រដាប់អាវុធ។

 ជាចុងក្រោយ លោកអភិបាលខេត្ត ក៏បានណែនាំដល់មន្ត្រីរាជការ កងកម្លាំងទាំង៣ និងអាជ្ញាធរដែនដីគ្រប់លំដាប់ថ្នាក់ទូទាំងខេត្ត ឱ្យអនុវត្តន៍វិធានការបីគឺកុំ៣ គឺកុំពាក់ព័ន្ធ កុំអន្តរាគមន៍ កុំលើកលែង ត្រូវយកការទទួលខុសត្រូវមួយក្នុងឋានៈជាគណៈបញ្ជាការឯកភាព ត្រូវយកចិត្តទុកដាក់ប្រកបដោយឆន្ទៈមនសិការ និងការទទួលខុសត្រូវខ្ពស់ ក្នុងការបង្ក្រាបរាល់បទល្មើសគ្រឿងញៀន ល្បែងស៊ីសងខុសច្បាប់គ្រប់ប្រភេទ ពិសេសល្បែងស៊ីសងតាមអនឡាញឱ្យខានតែបានក្នុងភូមិសាស្ត្រទូទាំងខេត្តត្បូងឃ្មុំ៕

អត្ថបទ៖សាន វិឡែម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ វិនាទី មុន

អ្នកនាំពាក្យ​អប់រំ ​៖ ​បុណ្យចូលឆ្នាំ​ចិន​ឆ្នាំនេះ​ មាន​សិស្ស​មក​រៀន​យ៉ាង​ច្រើន​លើសលប់​ជាង​ឆ្នាំ​មុនៗ

ព័ត៌មានអន្ដរជាតិ៦ នាទី មុន

តុលាការក្រុងឡាអេ សម្រេចបញ្ឈប់បញ្ជូនគ្រឿងបន្លាស់យន្តហោះចម្បាំង F-35 ទៅកាន់ប្រទេសអ៊ីស្រាអែល

សន្តិសុខសង្គម២៤ នាទី មុន

អភិបាលខេត្តត្បូងឃ្មុំ​ បញ្ជាឱ្យសមត្ថកិច្ចបង្រ្កាបទីតាំងលេងល្បែង និងហាមមិនឱ្យលូកដៃអន្តរាគមន៍

ព័ត៌មានជាតិ១ ម៉ោង មុន

បុណ្យចូលឆ្នាំចិនឆ្នាំនេះ សិស្សានុសិស្សមករៀនស្ទើរតែ ១០០ ភាគរយ

ជីវិតកម្សាន្ដ២ ម៉ោង មុន

សមាគមសិល្បករខ្មែរ បដិសេធ អ្នកយកឈ្មោះជាសិល្បករ ធ្វើឱ្យបាត់បង់តម្លៃ អ្នកសិល្បៈ

Sokha Hotels

ព័ត៌មានពេញនិយម