គ្រូពេទ្យវះកាត់អាមេរិក បាននិយាយថា អ្នកជំងឺឈ្មោះ Rick Slayman គឺជា “វីរបុរសយ៉ាងពិតប្រាកដ” សម្រាប់ប្រតិបត្តិការដ៏ជោគជ័យនេះ ហើយបង្ហាញក្តីសង្ឃឹមថា ថ្ងៃអនាគត សរីរាង្គសត្វ នឹងអាចយកទៅជំនួសសរីរាង្គមនុស្សបាន ក្រោយការកែប្រែហ្សែន។

ស្របពេលជាមួយគ្នានោះដែរ មន្ទីរពេទ្យ Massachusetts General Hospital បានចេញសេចក្តីថ្លែងការណ៍មួយថា ការវះកាត់រយៈពេល៤ម៉ោង ដែលធ្វើឡើងនៅថ្ងៃទី១៦ខែមីនា គឺជាព្រឹត្តិការណ៍ដ៏សំខាន់ ក្នុងយុទ្ធនាការយកសរីរាង្គសត្វ ដាក់ជំនួសសរីរាង្គមនុស្ស។

លោក Slayman បានទទួលការវះកាត់ប្តូរក្រលៀនមនុស្សនៅមន្ទីរពេទ្យដូចគ្នានេះ កាលពីឆ្នាំ២០១៨ បន្ទាប់ពីត្រូវលាងឈាមអស់រយៈពេល៧ឆ្នាំ ដោយសារតែខូចក្រលៀន។ ៥ឆ្នាំក្រោយមក ការប្តូរសរីរាង្គបានបរាជ័យ ហើយគាត់ត្រូវបកទៅលាងឈាមវិញនៅខែឧសភាឆ្នាំ២០២៣។

ដោយមើលទៅ ការលាងឈាមជួបផលពិបាក ដោយសារសរសៃឈាមរបស់គាត់មានបញ្ហា ហើយប៉ះពាល់ដល់គុណភាពជីវិតរបស់គាត់យ៉ាងខ្លាំង លោក Slayman បានថ្លឹងថ្លែងពីគុណសម្បត្តិនិងគុណវិបត្តិ ហើយក៏សម្រេចចិត្តប្តូរដាក់ក្រលៀនជ្រូកតែម្តង។

ក្រោយការវះកាត់ លោកនិយាយថា “ខ្ញុំឃើញថា វាមិនត្រឹមតែជាមធ្យោបាយជួយខ្ញុំប៉ុណ្ណោះទេ ប៉ុន្តែជាវិធីផ្តល់ក្តីសង្ឃឹមសម្រាប់មនុស្សរាប់ពាន់នាក់ដែលត្រូវការការប្តូរក្រលៀនដើម្បីរស់”។

សូមបញ្ជាក់ ក្រលៀនជ្រូកពិសេសនេះ ត្រូវបានផ្តល់ដោយក្រុមហ៊ុនវេជ្ជសាស្រ្ត eGenesis of Cambridge រដ្ឋ Massachusetts។ ក្រលៀននេះ ត្រូវបានកែហ្សែនដើម្បីលុបហ្សែនដែលអាចបង្កគ្រោះថ្នាក់ដល់អ្នកទទួលជាមនុស្ស និងបន្ថែមហ្សែនរបស់មនុស្សមួយចំនួន ដើម្បីបង្កើនភាពស៊ីគ្នា។

ទោះបីជាយ៉ាងណាក៏ដោយ លោក Slayman នៅតែប្រើថ្នាំមួយចំនួន ហើយគេក៏មិនច្បាស់ដែរថា ក្រលៀនថ្មីរបស់គាត់ នឹងដំណើរការបានរយៈពេលយូរប៉ុនណាទេ៕

អត្ថបទ៖ សុខ សុវណ្ណ

ចុចអាន៖ ក្រលៀនជ្រូកដែលគ្រូពេទ្យ អាមេរិក វះប្ដូរមកឲ្យមនុស្សនៅតែដំណើរការ​ក្នុងរយៈពេល ១ ខែមកនេះ

The post អស្ចារ្យ! អ្នកជំងឺប្តូរក្រលៀនជ្រូក ពេលនេះជាសះស្បើយហើយ appeared first on Kampuchea Thmey Daily.

ទិន្នន័យនេះ ត្រូវបានផ្តល់ដោយវេជ្ជបណ្ឌិត Nguyen Khoa Dieu Van អនុប្រធានសមាគមន៍អ័រម៉ូននិងជំងឺទឹកនោមផ្អែមវៀតណាម​។ 

វេជ្ជបណ្ឌិតរូបនេះបានឲ្យដឹងថា ក្នុងមួយឆ្នាំ មនុស្សប្រហែល៨០០០នាក់ ត្រូវបានគេធ្វើរោគវិនិច្ឆ័យថាមានជំងឺនេះ ខណៈបច្ចុប្បន្ន អ្នកជំងឺប្រហែល ៨០០ ០០០នាក់ត្រូវការលាងឈាម។

ទោះបីជាយ៉ាងណាក៏ដោយ វៀតណាមមានម៉ាស៊ីនលាងឈាមត្រឹមតែ ៥៥០០គ្រឿងប៉ុណ្ណោះ ដែលកំពុងជួយដល់អ្នកជំងឺ ៣៣០០០នាក់៕

ប្រែសម្រួល៖ Vann Vann

ប្រភព៖ VN Express

ចុចអាន៖ ក្រលៀនជ្រូកដែលគ្រូពេទ្យ អាមេរិក វះប្ដូរមកឲ្យមនុស្សនៅតែដំណើរការ​ក្នុងរយៈពេល ១ ខែមកនេះ

The post ប្រជាជនវៀតណាមជាង១០លាននាក់ ឈឺក្រលៀនរ៉ាំរ៉ៃ ខណៈអ្នកជំងឺ ៨០ម៉ឺននាក់ ត្រូវការលាងឈាម appeared first on Kampuchea Thmey Daily.

ទន្ទឹមនោះ មុនការវះកាត់ប្ដូរសរីរាង្គនេះដែរ ក្រុមគ្រូពេទ្យក៏បានយកផ្នែកនៃម៉ូលេគុលជាតិស្ករ alpha-gal លើស្រទាប់ក្រលៀនជ្រូកដែលបណ្ដាលឲ្យមានប្រតិកម្មអាឡ័កស៊ីនឹងសាច់ក្រហម ឬប៉ះពាល់នឹងគ្រឿងក្នុងណាមួយរបស់មនុស្ស យកទៅលាងសម្អាតយ៉ាងស្អាតផងដែរ ។

បើតាមលោកវេជ្ជបណ្ឌិត Robert Montgomery បាននិយាយថា បើទោះបីជា ការវះកាត់ប្ដូរសរីរាង្គកន្លងផុតទៅមួយខែហើយក៏ដោយ ប៉ុន្តែក្រលៀនជ្រូកដែលដាក់ចូលទៅក្នុងខ្លួនមនុស្ស នៅតែដំណើរការធម្មតា ហើយវាកំពុងស្ថិតក្រោមការត្រួតពិនិត្យរយៈពេល ១ ខែទៀតប៉ុណ្ណោះ ។

ចំណែកឯវេជ្ជបណ្ឌិត Adam Griesemer គ្រូពេទ្យវះកាត់ប្តូរសរីរាង្គនៅមជ្ឈមណ្ឌល NYU Langone Health បានពន្យល់ក្នុងសន្និសីទសារព័ត៌មានថា ក្រពេញទីមុសក៏ត្រូវបានបង្កប់នៅក្រោមស្រទាប់ខាងក្រៅនៃក្រលៀនជ្រូកនោះផងដែរ ដើម្បីការពារការវាយប្រហារណាមួយទៅលើប្រព័ន្ធភាពស៊ាំរបស់មនុស្ស ។

គួរបញ្ជាក់ថា ការវះកាត់ប្ដូរក្រលៀនជ្រូកមកឲ្យមនុស្សត្រូវបានធ្វើឡើងលើអ្នកជំងឺម្នាក់មានឈ្មោះ Maurice Miller វ័យ ៥៧ ឆ្នាំ ដែលមានជំងឺជំងឺមហារីកខួរក្បាលកាលពីកក្កដាកន្លងទៅ ៕

ប្រែសម្រួល៖ វារី

ប្រភព៖ abcnews

ចុចអាន៖ វិធីសាស្ត្រងាយៗ ទាំង ៨ ការពារតម្រងនោមយ៉ាងមានប្រសិទ្ធភាព

The post ក្រលៀនជ្រូកដែលគ្រូពេទ្យ អាមេរិក វះប្ដូរមកឲ្យមនុស្សនៅតែដំណើរការ​ក្នុងរយៈពេល ១ ខែមកនេះ appeared first on Kampuchea Thmey Daily.

ខាងក្រោមនេះគឺជាវិធីសាស្រ្តងាយៗទាំង ៨ ការពារក្រលៀនរបស់អ្នកយ៉ាងមានប្រសិទ្ធភាព៖

១. ការហាត់ប្រាណជាសកម្ម

លំហាត់ប្រាណទៀងទាត់ជួយកាត់បន្ថយហានិភ័យនៃជំងឺតម្រងនោមរ៉ាំរ៉ៃ ថែមទាំងគ្រប់គ្រងសម្ពាធឈាម និងលើកកម្ពស់សុខភាពបេះដូងផងដែរ ហើយទាំងនេះគឺជាកត្តាសំខាន់ពីរដែលកាត់បន្ថយ ការខូចខាតតម្រងនោមយើងអាចដើរ រត់ ជិះកង់ រាំ ឬសកម្មភាពណាមួយដែលធ្វើឱ្យយើងមានអារម្មណ៍សប្បាយរីករាយ និងអាចធ្វើវាបានយូរ។

២. គ្រប់គ្រងជាតិស្ករក្នុងឈាម

អ្នកដែលមានជំងឺទឹកនោមផ្អែម ឬជាតិស្ករក្នុងឈាមខ្ពស់ ងាយនឹងខូចតម្រងនោមជាងធម្មតា នៅពេលដែលកោសិកានៃរាងកាយរបស់យើងមិនអាចគ្រប់គ្រងជាតិស្ករក្នុងឈាមបាន តម្រងនោមត្រូវធ្វើការកាន់តែខ្លាំង ដូច្នោះក្នុងរយៈពេលវែង នេះនឹងប៉ះពាល់យ៉ាងធ្ងន់ធ្ងរដល់តម្រងនោម។

៣. តាមដានសម្ពាធឈាម

សម្ពាធឈាមខ្ពស់ និងបញ្ហាសុខភាពផ្សេងទៀត ដូចជាជំងឺទឹកនោមផ្អែម ជំងឺបេះដូង ឬកូលេស្តេរ៉ុល ខ្ពស់ មានឥទ្ធិពលយ៉ាងខ្លាំងលើតម្រងនោម និងរាងកាយរបស់យើង។ ការណែនាំសម្ពាធឈាមដែ លមានសុខភាពល្អគឺ ១២០/៨០ ប្រសិនបើវាខ្ពស់ជាង ១៤០/៩០ ជាប់លាប់អ្នកអាចមានសម្ពាធឈា មខ្ពស់ ក្នុងករណីនេះអ្នកត្រូវទៅមជ្ឈមណ្ឌលវេជ្ជសាស្ត្រជាបន្ទាន់ដើម្បីព្យាបាល ។

៤. គ្រប់គ្រងការញ៉ាំនិងទម្ងន់

អ្នកដែលលើសទម្ងន់ ឬធាត់មានហានិភ័យខ្ពស់ចំពោះជំងឺដូចជា ទឹកនោមផ្អែម ជំងឺបេះដូង និងជំងឺ តម្រងនោម។ របបអាហារដែលមានជាតិសូដ្យូមទាបដូចជា ខាត់ណាផា្កស្ព ប៊្លូបឺរី គ្រាប់ធញ្ញជាតិ ជាដើម អាចកាត់បន្ថយហានិភ័យនៃការខូចខាតដល់សរីរាង្គផងដែរ ។

៥. ផឹកទឹកឱ្យបានច្រើន

ការផឹកទឹកប្រហែល ៨ កែវក្នុងមួយថ្ងៃ គឺជាសកម្មភាពដ៏ល្អបំផុតសម្រាប់សុខភាពតម្រងនោម ហើ យការផឹកទឹកជាទៀងទាត់ជួយកម្ចាត់ជាតិសូដ្យូម និងជាតិពុល។ យើងអាចកំណត់គោលដៅយ៉ាង ហោចណាស់ផឹកទឹក ១ លីត្រកន្លះ ទៅ ២ លីត្រទឹកក្នុងមួយថ្ងៃ។

៦. ហាមជក់បារី

ការជក់បារីធ្វើឱ្យខូចសសៃឈាម ធ្វើឱ្យលំហូរឈាមពាសពេញរាងកាយ និងក្រលៀនត្រូវបានប៉ះ ពាល់ ដូច្នេះវាប៉ះពាល់យ៉ាងធ្ងន់ធ្ងរដល់សុខភាពតម្រងនោម ហើយ ការជក់បារីក៏បង្កើនហានិភ័យ នៃជំងឺមហារីកផងដែរ។

៧. ការប្រើប្រាស់ថ្នាំជាប្រចាំ

ថ្នាំបំបាត់ការឈឺចុកចាប់តាមឱសថស្ថាននិងថ្នាំប្រឆាំងនឹងការរលាកដែលអាចបណ្តាលឱ្យខូចតម្រងនោមប្រសិនបើប្រើជាប្រចាំ។ យោងតាមមូលនិធិតំរងនោមជាតិ ថ្នាំទាំងនេះគួរតែលេបមិនលើស ពី ១០ ថ្ងៃសម្រាប់ការឈឺចាប់ និងមិនលើសពី ៣ ថ្ងៃសម្រាប់គ្រុនក្តៅ ការលេបថ្នាំច្រើនជាង ៨ គ្រាប់ ជាប្រចាំក្នុងមួយថ្ងៃក៏អាចកាត់បន្ថយមុខងារតម្រងនោមជាបណ្តោះអាសន្ន ឬជាអចិន្ត្រៃយ៍។

៨. ពិនិត្យក្រលៀនរបស់អ្នកឱ្យបានទៀងទាត់

ប្រសិនបើអ្នកមានហានិភ័យខ្ពស់នៃជំងឺតម្រងនោម ឬមានវារួចហើយ អ្នកគួរតែពិនិត្យមុខងារតម្រង នោមរបស់អ្នកឱ្យបានទៀងទាត់ ដូច្នោះមនុស្សដែលមានអាយុលើសពី ៦០ ឆ្នាំ និងមនុស្សកើតមក មិនគ្រប់ទម្ងន់ ក៏ដូចជាអ្នកដែលមានជំងឺសរសៃឈាមបេះដូង ឬមានសមាជិកគ្រួសារដែលមានជំងឺ ចុងក្រោយអ្នកដែលមានជំងឺលើសឈាម ឬមានប្រវត្តិគ្រួសារកើតជំងឺនេះ រួមទាំងមនុស្សធាត់ត្រូវ ពិនិត្យក្រលៀនជាប្រចាំ ៕

ប្រែសម្រួល៖នាងតូច

ចុចអាន៖គន្លឹះងាយៗចំនួន ៦ ជួយឱ្យសុខភាពមាត់ធ្មេញរបស់អ្នកស្អាត

The post វិធីសាស្ត្រងាយៗ ទាំង ៨ ការពារតម្រងនោមយ៉ាងមានប្រសិទ្ធភាព appeared first on Kampuchea Thmey Daily.

លោកស្រី Tran Thi Hanh អាយុ៥១ឆ្នាំមកពីខេត្ត Ben Tre បានស្ម័គ្រចិត្តបរិច្ចាគក្រលៀនមួយដល់ប្តីរបស់គាត់ឈ្មោះ Vi Van Biet អាយុ៥៤ឆ្នាំ ដែលមានជំងឺដំណាក់កាលចុងក្រោយ និងបានធ្វើការលាងឈាមអស់រយៈពេលជាងមួយឆ្នាំមកហើយ។

ប្រភេទឈាមរបស់ប្រពន្ធគឺ A ចំណែកឈាមរបស់ប្តីគឺប្រភេទ B។

ការ​វះ​កាត់​ត្រូវ​បាន​ធ្វើ​ឡើង​កាល​ពី​ថ្ងៃ​ទី ២៩ ខែ​ធ្នូ ហើយ​ពេល​នេះ​ អ្នក​ទាំង​ពីរ​កំពុងស្ថិត​ក្នុង​ស្ថានភាព​ធម្មតា។

ក្រុមវេជ្ជបណ្ឌិតបាននិយាយថា ដើម្បីរៀបចំសម្រាប់ការប្តូរក្រលៀន អ្នកជំងឺបានទទួលការព្យាបាលដើម្បីបន្ថយកម្រិតអង់ទីគ័រនៅក្នុងឈាមរបស់គាត់ និងកាត់បន្ថយហានិភ័យនៃការប្រឆាំងអង់ទីគ័រ ក្រលៀនអ្នកបរិច្ចាគ។

លោកសាស្ត្រាចារ្យ Thai Minh Sam ប្រធានផ្នែកជំងឺក្រលៀនរបស់មន្ទីរពេទ្យបាននិយាយថា មានអ្នកជំងឺប្រហែល៣០០នាក់ បានចុះឈ្មោះដើម្បីប្តូរក្រលៀននៅមន្ទីរពេទ្យជារៀងរាល់ឆ្នាំ ប៉ុន្តែក្នុងចំណោមនោះមានតែមួយភាគបីប៉ុណ្ណោះ ដែលទទួលការវះកាត់ដោយសារហេតុផលផ្សេងៗ ដូចជាម្ចាស់ជំនួយមានប្រភេទ​ឈាមខុសគ្នាជាដើម។

លោក Sam និយាយថា ការប្តូរក្រលៀនលើអ្នកដែលមានប្រភេទឈាមខុសគ្នា ត្រូវបានធ្វើឡើងនៅក្នុងប្រទេសជាច្រើន ហើយមន្ទីរពេទ្យបានបញ្ជូនវេជ្ជបណ្ឌិត និងគ្រូពេទ្យវះកាត់ទៅកាន់បណ្តាមន្ទីរពេទ្យឈានមុខនៅបរទេស ដើម្បីសិក្សាពីដំណើរការនេះក្នុងប៉ុន្មានឆ្នាំថ្មីៗ៕

ប្រែសម្រួល៖ Vann Vann

ប្រភព៖ Vietnam Plus

ចុចអាន៖ វៀតណាម ចាប់ខ្លួនមេជួញដូរក្រលៀនខុសច្បាប់ ត្រៀមផ្តន្ទាទោសជាប់គុកមួយជីវិត

The post វៀតណាម ជោគជ័យវះកាត់ប្តូរក្រលៀន ទោះអ្នកជំងឺ និងអ្នកបរិច្ចាគ មានប្រភេទឈាមខុសគ្នា appeared first on Kampuchea Thmey Daily.

អត្ថបទនេះសូម​បង្ហាញ​គ្រោះ​ថ្នាក់​ធំៗ ២ យ៉ាង អាច​កើត​លើ​គ្នា​យើង​ចូល​ចិត្ត​ញ៉ាំ​ប្រៃ។ ញ៉ាំ​ប្រៃ​កាន់​ខ្លាំង សម្ពាធ​​ឈាម​ក្នុង​ខ្លួន​យើង កាន់​តែ​ឡើង ហើយ​បន្ត​ញ៉ាំ​បែប​ហ្នឹង​ជា​ប្រចាំ អនាគត​ច្បាស់​ខាង​មុខ គឺ​ជំងឺ​លើស​ឈាម​រត់​មក​រក​ឯង​តែ​ម្ដង។

១- បញ្ហាក្រលៀន

និយាយ​ស្រួល​ស្ដាប់ ក្រលៀន (តម្រងនោម) ជា​សរីរាង្គ​ប្រៀប​ដូចជា​ម៉ាស៊ីន​ចម្រោះ​អ៊ីចឹង។ កាល​ណា​ក្រលៀន​មាន​បញ្ហា ជាតិ​ពុល​ក៏​មិន​អាច​ច្រោះ​ចេញ​ពី​រាងកាយ​យើង​ដែរ ជា​ហេតុ​បង្កើត​ជា​បញ្ហា​សុខភាព​ដ៏​ធ្ងន់ធ្ងរ។ ញ៉ាំ​ប្រៃ​លើស​កម្រិត ឬ​ប្រៃ​ពេក ក្រលៀន​យើង​នឹង​ចុះ​ខ្សោយ។

ជាតិ​អេឡិចត្រូលីត ដូចជា សូដ្យូម និង​ប៉ូតាស្យូម ដើរ​តួ​សំខាន់​ក្នុង​ការ​ច្រោះ​ទឹក​នោម និង​ជាតិ​ពុល​ក្នុង​រាង​កាយ។ ពេល​យើង​ញ៉ាំ​ប្រៃ (សូដ្យូម) ច្រើន​ពេក វា​ធ្វើ​ឲ្យ​ចាល់​ជាតិ​ទឹក​ក្នុង​ខ្លួន ដោយ​សារ​អតុល្យភាព​រវាង​សូដ្យូម និង​ប៉ូតាស្យូម ជា​ហេតុ​ធ្វើ​ឲ្យ​សម្ពាធ​ឈាម​ឡើង។

កាល​ណា​តែ​ក្រលៀន​ឈឺ មុខងារ​ក្រលៀន​ក៏​ខ្សោយ​តាម​ហ្នឹង​ដែរ។ អ៊ីចឹង គួរ​ប្រុង​ប្រយ័ត្ន ព្រោះ​​គ្រប់​សរីរាង្គ​ក្នុង​រាង​កាយ​យើង មាន​ទំនាក់​ទំនង​គ្នា។ ពេល​មាន​អី​មួយ​ឈឺ​ហើយ អា​ផ្សេង​ទៀត ក៏​ប៉ះ​ពាល់​មិន​អាច​ចៀស​ឡើយ។

២- បញ្ហាសរសៃឈាម

និយាយ​ដល់​សរសៃ​ឈាម​វិញ កាន់​តែ​ធ្ងន់ធ្ងរ ដោយ​សារ​គ្រប់​សរីរាង្គ ចិញ្ចឹម​ដោយ​សារ​មាន​សរសៃ​ឈាម​ទៅ​ដល់។ ពេល​សម្ពាធ​ឈាម​កើន សរសៃ​ឈាម​រីក​ក្រាស់ ធ្វើ​ឲ្យ​ប្រហោង​សរសៃ​កាន់​តែ​រួម​តូច ដោយ​ខំ​ប្រឹង​ទប់​នឹង​សម្ពាធ​ដែល​កើន​ឡើង។ យូរៗ​ទៅ អាច​ធ្លាយ ​ឬ​កក​ឈាម​ក្នុង​សរសៃ​ ហើយ​បើ​ប៉ះ​លើ​សរសៃ​​នាំ​ឈាម​ទៅ​ចិញ្ចឹម​បេះដូង​វិញ កាន់​តែ​គ្រោះ​ថ្នាក់​ធំ ព្រោះ​​កង្វះ​អុកស៊ីហ្សែន​​ធ្វើ​ឲ្យ​កោសិកា​បេះដូង​ស្លាប់ ហើយ​បើ​នៅ​តែ​បន្ត​ញ៉ាំ​ប្រៃ​ទៀត ជាតិ​ទឹក​ចាល់​ក្នុង​សរសៃ​ឈាម ដែល​វិវត្ត​ជា​ការ​គាំង​បេះដូង។

ទោះ​ទម្លាប់​​ច្រើន​ឆ្នាំ​ក៏​ដោយ គួរ​ដល់​ពេល​កាត់​បន្ថយ​ញ៉ាំ​ប្រៃ បើ​ស្រលាញ់​ជីវិត៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អ្នក​ចូលចិត្ត​ញ៉ាំ​​​ផ្អែម​ៗ​រាល់ថ្ងៃ​ មក​មើល​វិធី​កាត់​បន្ថយ​​របប​អាហារ​ដែល​មាន​​ជាតិ​ស្ករ​ច្រើន​​​​

ចុចអាន៖ តើ​ប៊ីចេង អាច​មាន​អត្ថប្រយោជន៍ ​ចំពោះ​សុខភាព​អត់?

The post មើល​ឲ្យ​ហើយ​អ្នក​ចូលចិត្ត​ញ៉ាំ​ប្រៃ អាច​មាន​​គ្រោះ​ថ្នាក់​ធំពីរយ៉ាង appeared first on Kampuchea Thmey Daily.