Connect with us

ព័ត៌មានអន្ដរជាតិ

អស្ចារ្យ! អ្នកជំងឺប្តូរក្រលៀនជ្រូក ពេលនេះជាសះស្បើយហើយ

បានផុស

នៅ

ពិតជារឿងដ៏អស្ចារ្យ ដែលបុរសអាយុ៦២ឆ្នាំម្នាក់ បានទទួលការវះកាត់ប្តូរដាក់ក្រលៀនជ្រូក ហើយពេលនេះជាសះស្បើយ និងប្រហែលចេញពីមន្ទីរពេទ្យឆាប់ៗ។

(រូបថត៖ មន្ទីរពេទ្យ Massachusetts General Hospital)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូពេទ្យវះកាត់អាមេរិក បាននិយាយថា អ្នកជំងឺឈ្មោះ Rick Slayman គឺជា “វីរបុរសយ៉ាងពិតប្រាកដ” សម្រាប់ប្រតិបត្តិការដ៏ជោគជ័យនេះ ហើយបង្ហាញក្តីសង្ឃឹមថា ថ្ងៃអនាគត សរីរាង្គសត្វ នឹងអាចយកទៅជំនួសសរីរាង្គមនុស្សបាន ក្រោយការកែប្រែហ្សែន។

ស្របពេលជាមួយគ្នានោះដែរ មន្ទីរពេទ្យ Massachusetts General Hospital បានចេញសេចក្តីថ្លែងការណ៍មួយថា ការវះកាត់រយៈពេល៤ម៉ោង ដែលធ្វើឡើងនៅថ្ងៃទី១៦ខែមីនា គឺជាព្រឹត្តិការណ៍ដ៏សំខាន់ ក្នុងយុទ្ធនាការយកសរីរាង្គសត្វ ដាក់ជំនួសសរីរាង្គមនុស្ស។

(រូបថត៖ មន្ទីរពេទ្យ Massachusetts General Hospital)

លោក Slayman បានទទួលការវះកាត់ប្តូរក្រលៀនមនុស្សនៅមន្ទីរពេទ្យដូចគ្នានេះ កាលពីឆ្នាំ២០១៨ បន្ទាប់ពីត្រូវលាងឈាមអស់រយៈពេល៧ឆ្នាំ ដោយសារតែខូចក្រលៀន។ ៥ឆ្នាំក្រោយមក ការប្តូរសរីរាង្គបានបរាជ័យ ហើយគាត់ត្រូវបកទៅលាងឈាមវិញនៅខែឧសភាឆ្នាំ២០២៣។

ដោយមើលទៅ ការលាងឈាមជួបផលពិបាក ដោយសារសរសៃឈាមរបស់គាត់មានបញ្ហា ហើយប៉ះពាល់ដល់គុណភាពជីវិតរបស់គាត់យ៉ាងខ្លាំង លោក Slayman បានថ្លឹងថ្លែងពីគុណសម្បត្តិនិងគុណវិបត្តិ ហើយក៏សម្រេចចិត្តប្តូរដាក់ក្រលៀនជ្រូកតែម្តង។

(រូបថត៖ មន្ទីរពេទ្យ Massachusetts General Hospital)

ក្រោយការវះកាត់ លោកនិយាយថា “ខ្ញុំឃើញថា វាមិនត្រឹមតែជាមធ្យោបាយជួយខ្ញុំប៉ុណ្ណោះទេ ប៉ុន្តែជាវិធីផ្តល់ក្តីសង្ឃឹមសម្រាប់មនុស្សរាប់ពាន់នាក់ដែលត្រូវការការប្តូរក្រលៀនដើម្បីរស់”។

សូមបញ្ជាក់ ក្រលៀនជ្រូកពិសេសនេះ ត្រូវបានផ្តល់ដោយក្រុមហ៊ុនវេជ្ជសាស្រ្ត eGenesis of Cambridge រដ្ឋ Massachusetts។ ក្រលៀននេះ ត្រូវបានកែហ្សែនដើម្បីលុបហ្សែនដែលអាចបង្កគ្រោះថ្នាក់ដល់អ្នកទទួលជាមនុស្ស និងបន្ថែមហ្សែនរបស់មនុស្សមួយចំនួន ដើម្បីបង្កើនភាពស៊ីគ្នា។

ទោះបីជាយ៉ាងណាក៏ដោយ លោក Slayman នៅតែប្រើថ្នាំមួយចំនួន ហើយគេក៏មិនច្បាស់ដែរថា ក្រលៀនថ្មីរបស់គាត់ នឹងដំណើរការបានរយៈពេលយូរប៉ុនណាទេ៕

អត្ថបទ៖ សុខ សុវណ្ណ

ចុចអាន៖ ក្រលៀនជ្រូកដែលគ្រូពេទ្យ អាមេរិក វះប្ដូរមកឲ្យមនុស្សនៅតែដំណើរការ​ក្នុងរយៈពេល ១ ខែមកនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

ពាណិជ្ជកម្ម និងវិនិយោគ ជាតម្រូវការក្នុងការជំរុញកិច្ចសហប្រតិបត្តិការរវាងកម្ពុជា និងអាស៊ែបៃហ្សង់

ព័ត៌មានអន្ដរជាតិ១៧ នាទី មុន

អស្ចារ្យ! អ្នកជំងឺប្តូរក្រលៀនជ្រូក ពេលនេះជាសះស្បើយហើយ

ព័ត៌មានជាតិ១៩ នាទី មុន

លោក ទេព អស្នារិទ្ធ៖ តួអង្គទាំងអស់ក្នុងវិស័យព័ត៌មាន សុទ្ធតែមានតួនាទីសំខាន់សម្រាប់រួមចំណែកគាំទ្រដល់ការអភិវឌ្ឍវិស័យនេះ

ព័ត៌មានអន្ដរជាតិ២៧ នាទី មុន

បុគ្គលិក តៃវ៉ាន់ មួយរូប ទម្លាប់ផឹកកាហ្វេខ្មៅមួយថ្ងៃមួយលីត្រ ទីបំផុតចូលសម្រាកពេទ្យ

សន្តិសុខសង្គម២៨ នាទី មុន

អាជីវករផ្សារស្ទឹង សាទរចំពោះអាជ្ញាធរដែលបានរៀបចំសណ្តាប់ធ្នាប់បានល្អ

Sokha Hotels

ព័ត៌មានពេញនិយម